Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.16
vaktumarhasyaśeṣeṇa divyā hyātmavibhūtayaḥ
yābhirvibhūtibhirlokānimāṃstvaṃ vyāpya tiṣṭhasi ||16||
The Subodhinī commentary by Śrīdhara
yasmāttavābhivyaktiṃ tvameva vetsi na devādayaḥ | tasmātvaktumiti | yā ātmanastava divyā atyadbhutā vibhūtayastā sarvā vaktuṃ tvamevārhasi yogyo'si | yābhiriti vibhūtīnāṃ viśeṣaṇaṃ spaṣṭārtham ||16||
The Gūḍhārthadīpikā commentary by Madhusūdana
yasmādanyeṣāṃ sarveṣāṃ jñātumaśakyā avaśyaṃ jñātavyāśca tava vibhūtayastasmātvaktumiti | yābhirvibhūtibhirimān sarvān lokān vyāpya tvaṃ tiṣṭhasi tāstavāsādhāraṇā vibhūtayo divyā asarvajñairjñātumaśakyā hi yasmāttasmātsarvajñastvameva tā aśeṣeṇa vaktumarhasi ||16||
The Sārārthavarṣiṇī commentary by Viśvanātha
tava tattvaṃ durgamaṃ tava vibhūtiṣveva mama jijñāsā jāyata iti dyotayannāha vaktumiti | divyā utkṛṣṭā yā ātmavibhūtayastāvadvaktumarhasītyanvayaḥ | nanvaśeṣeṇa madvibhūtayaḥ sarvā vaktumaśakyā eva tatrāha yābhiriti ||16||
The Gītābhūṣaṇa commentary by Baladeva
tvatsvarūpayāthātmyaṃ khalu kathaṃ tathā durgamevātastvadvibhūtiṣveva majjijñāsopajāyata iti sūcayannāha vaktumiti | divyā utkṛṣṭāstadasādhāraṇīyātmano vibhūtīraśeṣeṇa vaktumarhasi dvitīyārthe prathamā | yābhirviśiṣṭastvamimān lokān vyāpya niyamya tiṣṭhasi ||16||
__________________________________________________________