Chapter 17

[English text for this chapter is available]

śivaśarmovāca |
śukrasaṃbaṃdhinī devau kathā śrāvi mayā śubhā |
yasyāḥ śravaṇamātreṇa prīṇite śravaṇe mama || 1 ||
[Analyze grammar]

kasya puṇyanidherlokaḥ śokahṛttveṣa nirmalaḥ |
etadākhyātumudyuktau bhavaṃtau bhavatāṃ mama || 2 ||
[Analyze grammar]

dhayitvā śrotrapātrābhyāṃ vāṇīmamṛtarūpiṇīm |
na tṛptimadhigacchāmi bhavanmukhasukhodgatām || 3 ||
[Analyze grammar]

gaṇāvūcatuḥ |
lohitāṃgasya lokoyaṃ śivaśarmannibodha ha |
utpattiṃ cāsya vakṣyāvo bhūsutoyaṃ yathābhavat || 4 ||
[Analyze grammar]

purā tapasyataḥ śaṃbhordākṣāyaṇyā viyogataḥ |
bhālasthalātpapātaikaḥ svedabiṃdurmahītale || 5 ||
[Analyze grammar]

tataḥ kumāraḥ saṃjajñe lohitāṃgo mahītalāt |
snehasaṃvardhitaḥ sotha dhātryā dhātrīsvarūpayā || 6 ||
[Analyze grammar]

māheya ityataḥ khyātiṃ parāmeṣa gataḥ sadā |
tatastepe tapotyugramugrapuryāṃ purānagha || 7 ||
[Analyze grammar]

asiśca varaṇā cāpi saritau yatra śobhane |
dyunadyottaravāhinyā milite'tra jagaddhite || 8 ||
[Analyze grammar]

sarvagopi hi viśveśo yatra nityaṃ prakāśate |
muktaye sarvajaṃtūnāṃ kālojjñita svavarṣmaṇām || 9 ||
[Analyze grammar]

amṛtaṃ hi bhavaṃtyeva mṛtā yatra śarīriṇaḥ |
anugrahaṃ samāsādya paraṃ viśveśvarasya ha || 10 ||
[Analyze grammar]

apunarbhavadehāste ye'vimukretanutyajaḥ |
vinā sāṃkhyena yogena vinā nānāvratādibhiḥ || 11 ||
[Analyze grammar]

saṃsthāpya liṃgaṃ vidhinā svanāmnāṃgārakeśvaram |
pāṃcamudre mahāsthāne kaṃbalāśvatarottare || 12 ||
[Analyze grammar]

jvaladaṃgāravattejo yāvattasyaśarīrataḥ |
viniryayau tapastāvattena taptaṃ mahātmanā || 13 ||
[Analyze grammar]

tatoṃgāraka nāmnā sa sarvalokeṣu gīyate |
tasya tuṣṭo mahādevo dadau grahapadaṃ mahat || 14 ||
[Analyze grammar]

aṃgāraka caturthyāṃ ye snātvottaravahāṃbhasi |
abhyarcyāṃgārakeśānaṃ namasyaṃti narottamāḥ || 15 ||
[Analyze grammar]

na teṣāṃ grahapīḍā ca kadācitkvāpi jāyate |
aṃgāṃrakena saṃyuktā caturthī labhyate yadi || 16 ||
[Analyze grammar]

uparāgasamaṃ parva taduktaṃ kālavedibhiḥ |
tasyāṃ dattaṃ hutaṃ japtaṃ sarvaṃ bhavati cākṣayam || 17 ||
[Analyze grammar]

śraddhayā śrāddhadā ye vai caturthyaṃgārayogataḥ |
teṣāṃ pitṝṇāṃ bhavitā tṛptirdvādaśavārṣikī || 18 ||
[Analyze grammar]

aṃgārakacaturthyāṃ tu purā jajñe gaṇeśvaraḥ |
ataeva tu tatparva proktaṃ puṇyasamṛddhaye || 19 ||
[Analyze grammar]

ekabhaktavratī tatra saṃpūjya gaṇanāyakam |
kiṃciddattvā tamuddiśya na vighnairabhibhūyate || 20 ||
[Analyze grammar]

aṃgāreśvara bhaktā ye vārāṇasyāṃ narottamāḥ |
te'sminnaṃgārake loke vasaṃti paramarddhayaḥ || 21 ||
[Analyze grammar]

agastya uvāca |
itthaṃ kathayatoreva ramyāṃ puṇyavatīṃ kathām |
bhagavadgaṇayoḥ prāpa netrātithyaṃ guroḥ purī || 22 ||
[Analyze grammar]

netrānaṃdakarīṃ dṛṣṭvā śivaśarmā'tha tāṃ purīm |
papracchācāryavaryasya kasyeyaṃ pūranuttamā || 23 ||
[Analyze grammar]

gaṇāvūcatuḥ |
sakhe sukhaṃ samākhyāvo nānākhyeyaṃ tavāgrataḥ |
adhvakhedāpanodāya punarasyāḥ puraḥ kathām || 24 ||
[Analyze grammar]

vidhervidhitsataḥ pūrvaṃ trilokīracanāṃ mudā |
āvirāsuḥ sutāḥ sapta mānasāḥ svasyasaṃnibhāḥ || 25 ||
[Analyze grammar]

marīcyatryaṃgiro mukhyāḥ sarve sṛṣṭipravartakāḥ |
prajāpateraṃgirasasteṣvabhūddevasattamaḥ || 26 ||
[Analyze grammar]

sutaścāṃgiraso nāma buddhyā vibudhasattamaḥ |
śāṃto dāṃto jitakrodho mṛduvāṅnirmalāśayaḥ || 27 ||
[Analyze grammar]

vedavedārthatattvajñaḥ kalāsu kuśalo'malaḥ |
pāradṛśvā tu sarveṣāṃ śāstrāṇāṃ nītivittamaḥ || 28 ||
[Analyze grammar]

hitopadeṣṭā hitakṛdahitātyahitaḥ sadā |
rūpavāñchīlasaṃpanno guṇavāndeśakālavit || 29 ||
[Analyze grammar]

sarvalakṣaṇasaṃbhāra saṃbhṛto guruvatsalaḥ |
tatāpa tāpasīṃ vṛttiṃ kāśyāṃ sa mahatīṃ dadhata || 30 ||
[Analyze grammar]

mahalliṃgaṃ pratiṣṭhāpya śāṃbhavaṃ bhūribhāvanaḥ |
ayutaṃ śaradāṃ divyaṃ divyatejā mahātapāḥ || 31 ||
[Analyze grammar]

tataḥ prasanno bhagavānviśveśo viśvabhāvanaḥ |
āvirbhūya tato liṃgānmahasāṃ rāśirabravīt || 32 ||
[Analyze grammar]

prasannosmi varaṃ brūhi yatte manasi vartate |
iti śaṃbhuṃ samālokya tuṣṭāveti sa hṛṣṭavān || 33 ||
[Analyze grammar]

āṃgirasa uvāca |
jaya śaṃkara śāṃta śaśāṃkaruce rucirārthada sarvada sarvaśuce |
śucidatta gṛhīta mahopahṛte hṛtabhaktajanoddhatatāpatate || 34 ||
[Analyze grammar]

tatasarvahṛdaṃbara varadanate natavṛjinamahāvana dāhakṛte |
kṛtavividhacaritratanosutano tanuviśikhaviśoṣaṇadhairyanidhe || 35 ||
[Analyze grammar]

nidhanādi vivarjitakṛtanatikṛtkṛtivihitamanorathapannagabhṛt |
nagabhartṛsutārpitavāmavapuḥ svavapuḥparipūritasarvajagat || 36 ||
[Analyze grammar]

trijaganmayarūpavirūpasudṛgdṛgudaṃcanakuṃcana kṛtahutabhuk |
bhavabhūtapatepramathaikapate patiteṣvapidattakaraprasṛte || 37 ||
[Analyze grammar]

prasūtākhilabhūtalasaṃvaraṇapraṇavadhvanisaudhasudhāṃśudhara |
vararājakumārikayā parayā paritaḥ parituṣṭa natosmi śiva || 38 ||
[Analyze grammar]

śivadeva girīśa maheśa vibho vibhavaprada giriśa śiveśamṛḍa |
mṛḍayoḍupatidhra jagattritayaṃ kṛtayaṃtraṇabhaktivighātakṛtām || 39 ||
[Analyze grammar]

na kṛtāṃta ta eṣa bibhebhi harapraharāśu mahāghamamoghamate |
namatāṃtaramanyadavaini śivaṃ śivapādanateḥ praṇatosmi tataḥ || 40 ||
[Analyze grammar]

vitate'tra jagatyakhile'ghaharaṃ hara toṣaṇameva paraṃ guṇavan |
guṇahīnamahīna mahāvalayaṃ pralayāṃtakamīśa natosmi tataḥ || 41 ||
[Analyze grammar]

iti stutvā mahādevaṃ virarāmāṃgiraḥ sutaḥ |
vyataracca maheśānaḥ stutyā tuṣṭo varānbahūn || 42 ||
[Analyze grammar]

śrīmahādeva uvāca |
bṛhatā tapasānena bṛhatāṃ patiredhyaho |
nāmnā bṛhaspatiriti graheṣvarcyobhava dvija || 43 ||
[Analyze grammar]

asmālliṃgārcanānnityaṃ jīvabhūtosi me yataḥ |
ato jīva iti khyātiṃ triṣu lokeṣu yāsyasi || 44 ||
[Analyze grammar]

vācāṃ prapaṃcaiścaturairniṣprapaṃco yataḥ stutaḥ |
ato vācāṃ prapaṃcasya patirvācaspatirbhava || 45 ||
[Analyze grammar]

asya stotrasya paṭhanādapi vāgudiyācca yam |
tasya syātsaṃskṛtā vāṇī tribhirvarṣaistrikālataḥ || 46 ||
[Analyze grammar]

samutpanne mahākārye na sa buddhyā prahīyate |
yaḥ paṭhiṣyatyadaḥ stotraṃ vāyavyākhyaṃ dinedine || 47 ||
[Analyze grammar]

asyastotrasya paṭhanānniyataṃ mama saṃnidhau |
na durvṛttau pravṛttiḥ syādavivekavatāṃ nṛṇām || 48 ||
[Analyze grammar]

adaḥ stotraṃ paṭhañjaṃturjātupīḍāṃ grahodbhavām |
na prāpsyati tato japyamidaṃ stotraṃ mamāgrataḥ || 49 ||
[Analyze grammar]

nityaṃ prātaḥ samutthāya yaḥ paṭhiṣyati mānavaḥ |
imāṃ stutiṃ hariṣye'haṃ tasya bādhāḥ sudāruṇāḥ || 50 ||
[Analyze grammar]

tvatpratiṣṭhitaliṃgasya pūjāṃ kṛtvā prayatnataḥ |
imāṃ stutimadhīyāno manovāṃchāmavāpsyati || 51 ||
[Analyze grammar]

iti dattvā varāñchaṃbhuḥ punarbrahmāṇamāhvayat |
seṃdrāndevagaṇānsarvānsayakṣoragakinnarān || 52 ||
[Analyze grammar]

tānāgatānsamālokya śivo vrahmāṇamabravīt |
vidhevidhehi madvākyādamuṃ vācaspatiṃ munim || 53 ||
[Analyze grammar]

guruṃ sarvasureṃdrāṇāṃ paritaḥ svaguṇairgurum |
abhiṣiṃca vidhānena devācārya pade mude || 54 ||
[Analyze grammar]

atīva dhiṣaṇādhīśo mamaprītobhaviṣyati |
mahāprasāda ityājñāṃ śirasyādhāya tatkṣaṇāt || 55 ||
[Analyze grammar]

surajyeṣṭhaḥ surācāryaṃ cakārāṃgirasaṃ tadā |
devaduṃdubhayo nedurnanṛtuścāpsarogaṇāḥ || 56 ||
[Analyze grammar]

gurupūjāṃ vyadhuḥ sarve gīrvāṇā muditānanāḥ |
abhiṣikto vasiṣṭhādyairmaṃtrapūtena vāriṇā || 57 ||
[Analyze grammar]

punaranyaṃ varaṃ prādādgirīśaḥ pataye girām |
śṛṇvāṃgirasa dharmātman devejyakulanaṃdana || 58 ||
[Analyze grammar]

bhavatāsthāpitaṃ liṃgaṃ subuddhiparivardhanam |
 bṛhaspatīśvara iti khyātaṃ kāśyāṃ bhaviṣyati || 59 ||
[Analyze grammar]

gurupuṣyasamāyoge liṃgametatsamarcya ca |
yatkariṣyaṃti manujāstatsiddhimadhiyāsyati || 60 ||
[Analyze grammar]

bṛhaspatīśvaraṃ liṃgaṃ mayā gopyaṃ kalau yuge |
asya saṃdarśanādeva pratibhā pratilabhyate || 61 ||
[Analyze grammar]

caṃdreśvarāddakṣiṇato vīreśānnairṛte sthitam |
ārādhya dhiṣaṇeśaṃ vai guruloke mahīyate || 62 ||
[Analyze grammar]

gurvaṃganā gamanajaṃ pāpaṃ ṣaṇmāsa sevanāt |
avaśyaṃ vilayaṃ yāti tamaḥ sūryodayādyathā || 63 ||
[Analyze grammar]

ataeva hi goptavyaṃ mahāpātakanāśanam |
bṛhaspatīśvaraṃ liṃgaṃ nākhyeyaṃ yasyakasyacit || 64 ||
[Analyze grammar]

iti dattvā varāndevastatraivāṃtarhito bhavat |
druhiṇo guruṇā sārdhaṃ seṃdropeṃdro bṛhaspatim || 65 ||
[Analyze grammar]

asminpurebhiṣicyātha visṛjyeṃdrādikānsurān |
alaṃcakāra svaṃ lokaṃ viṣṇunā'numato dvija || 66 ||
[Analyze grammar]

agastya uvāca |
atikramya gurorlokaṃ lopāmudre dadarśa saḥ |
śivaśarmā purī saureḥ prabhāmaṃḍala maṃḍitām || 67 ||
[Analyze grammar]

pṛṣṭau tena ca tau tatra tāṃ purīṃ pradadarśatuḥ |
dvijena dvijavaryāya gaṇavaryau śucismite || 68 ||
[Analyze grammar]

gaṇāvūcatuḥ |
mārīceḥ kaśyapājjajñe dākṣāyaṇyāṃ dvijoṣṇaguḥ |
tasyabhāryābhavatsaṃjñā putrī tvaṣṭuḥ prajāpateḥ || 69 ||
[Analyze grammar]

bharturiṣṭā tatastasmādrūpayauvanaśālinī |
saṃjñā babhūva tapasā sudīptena samanvitā || 70 ||
[Analyze grammar]

ādityasya hi tadrūpaṃ maṃḍalasya tu tejasā |
gātreṣu paridadhyau vai nātikāṃtamivābhavat || 71 ||
[Analyze grammar]

na khalvayamṛtoṃ'ḍastha iti snehādabhāṣata |
tadā prabhṛti lokeyaṃ mārtaṃḍa iti cocyate || 72 ||
[Analyze grammar]

tejastvabhyadhikaṃ tasya sā'sahiṣṇurvivasvataḥ |
yenātitāpayāmāsa trailokyaṃ tigmaraśmibhṛt || 73 ||
[Analyze grammar]

trīṇyapatyāni bho brahmansaṃjñāyāṃ mahasāṃ nidhiḥ |
ādityo janayāmāsa kanyāṃ dvau ca prajāpatī || 74 ||
[Analyze grammar]

vaivasvataṃ manuṃ jyeṣṭhaṃ yamaṃ ca yamunāṃ tataḥ |
nātitejomayaṃ rūpaṃ soḍhuṃ sā'laṃ vivasvataḥ || 75 ||
[Analyze grammar]

māyāmayīṃ tataśchāyāṃ savarṇāṃ nirmame svataḥ |
prāṃjaliḥ praṇatā bhūtvā saṃjñāṃ chāyā tadābravīt || 76 ||
[Analyze grammar]

tavājñākāriṇīṃ devi śādhi māṃ karavāṇi kim |
saṃjñovāca tataśchāyāṃ savarṇe śṛṇu suṃdari || 77 ||
[Analyze grammar]

ahaṃ yāsyāmi sadanaṃ tvaṣṭustvaṃ punaratra me |
bhavane vasa kalyāṇi nirviśaṃkaṃ mamājñayā || 78 ||
[Analyze grammar]

manureṣa yamāvetau yamunā yama saṃjñakau |
svāpatyadṛṣṭyā draṣṭavyametadbālatrayaṃ tvayā || 79 ||
[Analyze grammar]

anākhyeyamidaṃ vṛttaṃ tvayā patyau śucismite |
ityākarṇyātha sā tvāṣṭrīṃ devīṃ chāyā jagāda ha || 80 ||
[Analyze grammar]

ākacagrahaṇānnāhamāśāpācca kadācana |
ākhyāsyāmi caritraṃ te yāhi devi yathāsukham || 81 ||
[Analyze grammar]

ityādiśya savarṇāṃ sā tathetyuktā savarṇayā |
pituraṃtikamāsādya natvā tvaṣṭāramabravīt || 82 ||
[Analyze grammar]

pitaḥ soḍhuṃ na śaknomi tejastejonidheraham |
tīvraṃ tasyāryaputrasya kāśyapasya mahātmanaḥ || 83 ||
[Analyze grammar]

niśamyodīritaṃ tasyāḥ pitrānirbhartsitā bahu |
bhartuḥ samīpaṃ yāhīti niyuktā sā punaḥpunaḥ || 84 ||
[Analyze grammar]

ciṃtāmavāpa mahatīṃ strīṇāṃ dhikceṣṭitaṃ tviti |
niniṃda bahudhātmānaṃ strītvaṃ cāti niniṃda sā || 85 ||
[Analyze grammar]

svātaṃtryaṃ na kvacitstrīṇāṃ dhigasvātaṃtryajīvitam |
śaiśave yauvane prāṃte pitṛbhartṛsutādbhayam || 86 ||
[Analyze grammar]

tyaktaṃ bhartṛgṛhaṃ maugdhyāddhaṃta duvṛrttayā mayā |
avijñātāpi cedyāyāmatha patyurniketanam || 87 ||
[Analyze grammar]

tatrāsti sā savarṇā vai paripūrṇamanorathā |
athāvatiṣṭhe sātraiva pitrā nirbhartsitāpyaham || 88 ||
[Analyze grammar]

tatoti caṃḍaścaṃḍāśuḥ pitroratibhayaṃkaraḥ |
aho yaducyate lokairupākhyānamidaṃ hi tat || 89 ||
[Analyze grammar]

sphuṭaṃ dṛṣṭaṃ mayādyeti svakarāṃgārakarṣa ṇam |
naṣṭaṃ bhartṛgṛhaṃ maugdhyācchreyo vā na piturgṛham || 90 ||
[Analyze grammar]

vayaśca prathamaṃ cāru rūpaṃ trailokyakāṃkṣitam |
sarvābhibhavanaṃ strītvaṃ kulaṃ cātīva nirmalam || 91 ||
[Analyze grammar]

patiśca tādṛksarvajño lokacakṣustamopahaḥ |
sarveṣāṃ karmaṇāṃ sākṣī sarvaḥ sarvatrasaṃcaraḥ || 92 ||
[Analyze grammar]

mahyaṃ śreyaḥ kathaṃ vā syāditi sā pariciṃtya ca |
agacchadvaḍavā bhūtvā tapase paryaniṃditā || 93 ||
[Analyze grammar]

uttarāṃśca kurūnprāpa caraṃtī nīrasaṃtṛṇam |
vyuttepe ca tapastīvraṃ patimādhāya cetasi |
tapobalena tatpatyuḥ sahiṣye teja ityalam || 94 ||
[Analyze grammar]

manyamānotha tāṃ saṃjñāṃ savarṇāyāṃ tadā raviḥ |
sāvarṇiṃ janayāmāsa manumaṣṭamamuttamam || 95 ||
[Analyze grammar]

śanaiścaraṃ dvitīyaṃ ca sutāṃ bhadrāṃ tṛtīyikām |
savarṇā sveṣvapatyeṣu sāpatnyātstrīsvabhāvataḥ || 96 ||
[Analyze grammar]

cakārābhyadhikaṃ snehaṃ na tathā pūrvajeṣvatha |
manustatkṣāṃtavāñjyeṣṭho bhakṣyālaṃkāralālane || 97 ||
[Analyze grammar]

kaniṣṭheṣvadhikaṃ dṛṣṭvā sāvarṇyādiṣu no yamaḥ |
kadācidroṣato bālyādbhāvinorthasya gauravāt || 98 ||
[Analyze grammar]

padā saṃtarjayāmāsa yamaḥ saṃjñāsarūpiṇīm |
taṃ śaśāpa ca sā krodhātsāvarṇerjananī tadā || 99 ||
[Analyze grammar]

jighāṃsatā tvayā pāpa māṃ yadaṃghriḥ samudyataḥ |
acirāttatpatatveṣa taveti bhṛśaduḥkhitā || 100 ||
[Analyze grammar]

mātṛśāpa paritrasto yamopi pituragrataḥ |
śaśaṃsa sarvaṃ tadvṛttaṃ rakṣarakṣetyuvāca ca || 1 ||
[Analyze grammar]

mātrāsu teṣu sarveṣu vartanīyaṃ samaṃ yataḥ |
tasyāṃ mayodyataḥ pādo na dehe paripātitaḥ || 2 ||
[Analyze grammar]

bālyādvā yadi vā mohāttadbhavānkṣaṃtumarhasi |
gopate śāpato māturmā patatvaṃghrireṣa me || 3 ||
[Analyze grammar]

vivasvānuvāca |
aparādhasahasrepi jananī na śapetsutam |
tasmātkimapi bho bāla bhaviṣyatyatra kāraṇam || 4 ||
[Analyze grammar]

yena tvāṃ sā'śapatkrodhāddharmajñaṃ satyavādinam |
mātṛśāponyathākartuṃ na śakyaḥ kenacitkvacit || 5 ||
[Analyze grammar]

kṛmayo māṃsamādāya yāsyaṃtyasmānmahītalam |
itthaṃ tu caritārthaḥ syācchāpastrāto bhavānapi || 6 ||
[Analyze grammar]

iti putraṃ samāśvāsya raviraṃtaḥpuraṃ yayau |
ciramālokya tāṃ bhāryāmuvāca savitā vacaḥ || 7 ||
[Analyze grammar]

ayi bhāmini bāleṣu sameṣvapi kutastvayā |
vidhīyate'dhikaḥ snehaḥ sāvarṇyādiṣvanādiṣu || 8 ||
[Analyze grammar]

nācacakṣe yadāsā'tha bhāsvate paripṛcchate |
tadātmānaṃ samādhāya sojñāsītsarvameva hi || 9 ||
[Analyze grammar]

tato bhagavate śaptumudyate sā śaśaṃsa ha |
yathāvṛttaṃ tathā tathyaṃ tutoṣa bhagavānapi || 110 ||
[Analyze grammar]

tathyabhāṣaṇatastāṃ tu ravirjñātvā nirāgasam |
na śaśāpa ca saṃkruddho yayau ca tvaṣṭuraṃtikam || 11 ||
[Analyze grammar]

tvaṣṭāpi ca yathānyāyaṃ sānvayaṃ tigmatejasam |
nirdagdhukāmaṃ kopena prāgānarca mudā tadā |
vijñāya tadabhiprāyaṃ tvaṣṭovācā'śu taṃ ravim || 12 ||
[Analyze grammar]

tvaṣṭovāca |
tavātitejaso bhītā prāpyottarakurūn rave |
vaḍavārūpamāsthāya vane carati śādvale || 13 ||
[Analyze grammar]

draṣṭā hi tāṃ bhavānadya svāṃ bhāryāmāryacāriṇīm |
adhṛṣyāṃ sarvabhūtānāṃ tejasā niyamena ca || 14 ||
[Analyze grammar]

tvaṣṭrā yattakṣitaḥ sūryastasyaivānumatena ca |
bhramimāropya yatnena sotikāṃtataro'bhavat || 15 ||
[Analyze grammar]

labdhānujño'tha savitā gatvottarakurūnaram |
sākṣāttapomayīṃ lakṣmīṃ caraṃtīṃ ca tapo mahat || 16 ||
[Analyze grammar]

dadarśa vaḍavārūpāṃ vāḍavānalatejasam |
nīrasā nitṛṇānyeva vṛṇvaṃtīṃ yogamāyayā || 17 ||
[Analyze grammar]

anenasaṃ sa vijñāya tāṃ tvāṣṭrīmaśvarūpiṇīm |
saharirharirūpeṇa mukhena samabhāvayad || 18 ||
[Analyze grammar]

tvaramāṇā ca paritaḥ parapūruṣaśaṃkayā |
sā tanniravamacchukraṃ nāsikābhyāṃ vivasvataḥ || 19 ||
[Analyze grammar]

devau tasmādajāyetāmaśvinau bhiṣajāṃvarau |
svarūpamanurūpaṃ ca dyumaṇistāmadarśayata || 120 ||
[Analyze grammar]

tutoṣa sāpi taṃ dṛṣṭvā mitraṃ netramudāvaham |
patiṃ pativratā kāṃ taṃ svāṃtasaṃtāpahāriṇam || 21 ||
[Analyze grammar]

nirvṛttiṃ ca parāṃ prāpa duṣprāpaṃ tapasātha kim |
tapa eva paraṃ śreyastapa eva paraṃ dhanam || 22 ||
[Analyze grammar]

tapa eva hi devatve kāraṇaṃ paramaṃ matam |
śivaśarmanyadetadvai dṛśyate cātidīptimat || 23 ||
[Analyze grammar]

jyotiścakrasvarūpaṃ ca vyomnyuparyadha eva ca |
tatsarvamiha jānīhi sumahattāpasaṃ mahaḥ || 24 ||
[Analyze grammar]

evaṃ śanaiścaro jajñe savarṇāyāṃ vivasvataḥ |
so'tha vārāṇasīṃ gatvā sarvatridaśavaṃditām || 25 ||
[Analyze grammar]

taptvā tapo'tivipulaṃ liṃgaṃ saṃsthāpya śāṃkaram |
imaṃ lokamavāpoccairgrahatvaṃ ca harārcanāta || 26 ||
[Analyze grammar]

śanaiścareśvaraṃ dṛṣṭvā vārāṇasyāṃ suśobhanam |
śanibādhā na jāyeta śanivāre tadarcanāt || 27 ||
[Analyze grammar]

viśveśāddakṣiṇebhāge śukreśāduttareṇa hi |
śanaiścareśamabhyarcya loke'tra parimodate || 28 ||
[Analyze grammar]

śrutvā'dhyāyamimaṃ puṇyaṃ grahapīḍā na jāyate |
nopasargabhayaṃ tasya kāśyāṃ nivasataḥ sataḥ || 129 ||
[Analyze grammar]

iti śrīskāṃde mahāpurāṇe ekāśītisāhasyāṃ saṃhitāyāṃ caturthe kāśīkhaṃḍe pūrvārddhe bhaumaguruśanilokavarṇanaṃ nāma saptadaśo'dhyāyaḥ || 17 ||
[Analyze grammar]