Chapter 16

[English text for this chapter is available]

gaṇāvūcatuḥ |
śivaśarmanmahābuddhe śukralokoyamadbhutaḥ |
dānavānāṃ ca daityānāṃ gururatra vasetkaviḥ || 1 ||
[Analyze grammar]

pītvā varṣasahasraṃ vai kaṇadhūmaṃ suduḥsaham |
yaḥ prāptavānmahāvidyāṃ mṛtyusaṃjīvinīṃ harāt || 2 ||
[Analyze grammar]

imāṃ vidyāṃ na jānāti devācāryoti dupkarām |
ṛte mṛtyuṃjayātskaṃdātpārvatyā gajavaktrataḥ || 3 ||
[Analyze grammar]

śivaśarmovāca |
kosau śukra iti khyāto yasyāyaṃ loka uttamaḥ |
kathaṃ tena ca vidyāptā mṛtyusaṃjīvanī harāt || 4 ||
[Analyze grammar]

ācakṣāthāmidaṃ devau yadi prītirmayi prabhū |
tatastau smāhaturdevau śukrasya paramāṃ kathām || 5 ||
[Analyze grammar]

yāṃ śrutvā cāpamṛtyubhyo hīyaṃte śraddhayāyutāḥ |
bhūtapretapiśācebhyo na bhayaṃ cāpi jāyate || 6 ||
[Analyze grammar]

ājau pravartamānāyāmaṃdhakāṃdhakavairiṇoḥ |
anirbhedya girivyūha vajravyūhādhināthayoḥ || 7 ||
[Analyze grammar]

apasṛtya tato yuddhādaṃdhakaḥ śukrasaṃnidhim |
adhigamya babhāṣedamavaruhya rathāttataḥ || 8 ||
[Analyze grammar]

bhagavaṃstvāmupāśritya vayaṃ devāṃśca sānugān |
manyāmahe tṛṇaistulyānrudropeṃdrādikānapi || 9 ||
[Analyze grammar]

kuṃjarā iva siṃhebhyo garuḍebhya ivoragāḥ |
asmatto bibhyati surā guro yuṣmadanugrahāt || 10 ||
[Analyze grammar]

vajravyūhamanirbhedyaṃ viviśurdetyadānavāḥ |
vidhūya pramathānīkaṃ hradaṃ tāpārditā iva || 11 ||
[Analyze grammar]

vayaṃ tvaccharaṇaṃ bhūtvā parvatā iva niścalāḥ |
sthitvā carāma niḥśaṃkā brāhmaṇeṃdra mahāhave || 12 ||
[Analyze grammar]

āptabhāvena ca vayaṃ pādau tava sukhapradau |
sadārāḥ sasutāścaiva śuśrūṣāmo divāniśam || 13 ||
[Analyze grammar]

abhirakṣābhito vipra prasannaḥ śaraṇāgatān |
paśya huṃḍaṃ tuhuṃḍaṃ ca kujaṃbhaṃ jaṃbhameva ca || 14 ||
[Analyze grammar]

pākaṃ kārtasvanaṃ caiva vipākaṃ pākahāriṇam |
taṃ candradamanaṃ śūraṃ śūrāmaravidāraṇam || 15 ||
[Analyze grammar]

pramathairbhīmavikrāṃtaiḥ krāṃtaṃ mṛtyupramāthibhiḥ |
sūditānpatitāṃścaiva drāviḍairiva caṃdanān || 16 ||
[Analyze grammar]

yā pītvā kaṇadhūmaṃ vai sahasraṃ śaradāṃ purā |
varā vidyā tvayā prāptā tasyāḥ kāloyamāgataḥ || 17 ||
[Analyze grammar]

atha vidyāphalaṃ tatte daityānsaṃjīvayiṣyataḥ |
paśyaṃtu pramathāḥ sarve tvayā saṃjīvitānimān || 18 ||
[Analyze grammar]

ityaṃdhakavacaḥ śrutvā sthiradhīrbhārgavomuniḥ |
kiṃcitsmitaṃ tadā kṛtvā dānavādhipamabravīt || 19 ||
[Analyze grammar]

dānavādhipate sarvaṃ tathyaṃ yadbhāṣitaṃ tvayā |
vidyopārjanametaddhi dānavārthaṃ mayā kṛtam || 20 ||
[Analyze grammar]

pītvā varṣasahasraṃ vai kaṇadhūmaṃ suduḥsaham |
eṣā prāpteśvarādvidyā bāṃdhavānāṃ sukhāvahā || 21 ||
[Analyze grammar]

etayā vidyayā sohaṃ pramayairmathitānraṇe |
utthāpayiṣye glānāni dhānyanyaṃbudharo yathā || 22 ||
[Analyze grammar]

nirvraṇānnīrujaḥ svasthānsuptveva punarutthitān |
asminmuhūrte draṣṭāsi dānavānutthitānnṛpa || 23 ||
[Analyze grammar]

ityuktvā dānavapatiṃ vidyāmāvartayatkaviḥ |
ekaikaṃ daityamuddiśya ta uttasthurdhṛtāyudhāḥ || 24 ||
[Analyze grammar]

vedā iva sadabhyastāḥ samaye vā yathāṃbudāḥ |
brāhmaṇebhyo yathā dattāḥ śraddhayārthā mahāpadi || 25 ||
[Analyze grammar]

ujjīvitāṃstu tāndṛṣṭvā tuhuṃḍādyānmahāsurān |
vineduḥ pūrvadevāste jalapūrṇā ivāṃbudāḥ || 26 ||
[Analyze grammar]

śukreṇojīvitāndṛṣṭvā dānavāṃstāngaṇeśvarāḥ |
vijñāpyameva deveśe hyevaṃ te'nyonyamabruvan || 27 ||
[Analyze grammar]

āścaryarūpe pramatheśvarāṇāṃ tasmiṃstathā vartati yuddhayajñe |
amarṣito bhārgavakarmadṛṣṭvā śilādaputrobhyagamanmaheśam || 28 ||
[Analyze grammar]

jayeti coktvā jaya yonimugramuvāca naṃdī kanakāvadātam |
gaṇeśvarāṇāṃ raṇakarma deva devaiśca seṃdrairapi duṣkaraṃ yat || 29 ||
[Analyze grammar]

tadbhārgaveṇādya kṛtaṃ vṛthā naḥ saṃjīvya tānājimṛtānvipakṣān |
āvartya vidyāṃ mṛtajīvadātrīmekaikamuddiśya sahelamīśa || 30 ||
[Analyze grammar]

tuhuṃḍahuṃḍādikajaṃbhajaṃbhavipākapākādi mahāsureṃdrāḥ |
yamālayādadya punarnivṛttā vidrāvayaṃtaḥ pramathāścaraṃti || 31 ||
[Analyze grammar]

yadi hyasau daityavarānnirastānsaṃjīvayedatra punaḥpunastān |
jayaḥ kuto no bhavitā maheśa gaṇeśvarāṇāṃ kuta eva śāṃtiḥ || 32 ||
[Analyze grammar]

ityevamuktaḥ pramatheśvareṇa sa naṃdinā vai pramatheśvareśaḥ |
uvāca devaḥ prahasaṃstadānīṃ taṃ naṃdinaṃ sarvagaṇeśarājam || 33 ||
[Analyze grammar]

naṃdinprayāhi tvaritotimātraṃ dvijeṃdravaryaṃ ditinaṃdanānām |
madhyātsamuddhṛtya tathānayāśu śyeno yathā lāvakamaṃḍajātam || 34 ||
[Analyze grammar]

sa eva mukto vṛṣabhadhvajena nanāda naṃdī vṛṣasiṃhanādaḥ |
jagāma tūrṇaṃ ca vigāhya senāṃ yatrābhavadbhārgavavaṃśadīpaḥ || 35 ||
[Analyze grammar]

taṃ rakṣyamāṇaṃ ditijaiḥ samastaiḥ pāśāsivṛkṣopalaśailahastaiḥ |
vikṣobhya daityānbalavāñjahāra kāvyaṃ sa naṃdī śarabho yathebham || 36 ||
[Analyze grammar]

srastāṃbaraṃ vicyutabhūṣaṇaṃ ca vimuktakeśaṃ balinā gṛhītam |
vimocayiṣyaṃta ivānujagmuḥ surārayaḥ siṃharavānsṛjaṃtaḥ || 37 ||
[Analyze grammar]

daṃbholi śūlāsiparaśvadhānāmuddaṃḍacakropala kaṃpanānām |
naṃdīśvarasyopari dānavedrā varṣaṃ vavarṣurjaladā ivogram || 38 ||
[Analyze grammar]

taṃ bhārgavaṃ prāpya gaṇādhirājo mukhāgninā śastraśatāni dagdhvā |
āyātpravṛddhe'suradevayuddhe bhavasya pārśve vyathitārisainyaḥ || 39 ||
[Analyze grammar]

ayaṃ sa śukro bhagavannitīdaṃ nivedayāmāsa bhavāya śīghram |
jagrāha śukraṃ sa ca devadevo yathopahāraṃ śucinā pradattam || 40 ||
[Analyze grammar]

na kiṃciduktvā sa hi bhūtagoptā cikṣepa vaktre phalavatkavīṃdram |
hāhāravastairasuraiḥ samastairuccairvimukto hahaheti bhūri || 41 ||
[Analyze grammar]

kāvye nigīrṇe girijeśvareṇa daityā jayāśā rahitā babhūvuḥ |
hastairvimuktā iva vāraṇeṃdrāḥ śṛṃgairvihīnā iva govṛṣāśca || 42 ||
[Analyze grammar]

śarīra hīnā iva jīvasaṃghā dvijā yathā cādhyayanena hīnāḥ |
nirudyamāḥ sattvaguṇā yathā vai yathodyamā bhāgyavivarjitāśca || 43 ||
[Analyze grammar]

patyā vihīnāśca yathaiva yoṣā yathā vipakṣā iva mārgaṇaughāḥ |
āyūṃṣi hīnāni yathaiva puṇyairvṛttena hīnāni yathā śrutāni || 44 ||
[Analyze grammar]

vinā yathā vaibhavaśaktimekāṃ bhavaṃti hīnāḥ svaphalaiḥ kriyaughāḥ |
tathā vinā taṃ dvijavaryamekaṃ daityā jayāśā vimukhā babhūvuḥ || 45 ||
[Analyze grammar]

naṃdināpahṛte śukre gilite ca viṣādinā |
viṣādamagamandaityā hīyamānaraṇotsavāḥ || 46 ||
[Analyze grammar]

tānvīkṣya vigatotsāhānaṃdhakaḥ pratyabhāṣata |
kaviṃ vikramya nayatā naṃdinā vaṃcitā vayam || 47 ||
[Analyze grammar]

tanūrvinā hṛtāḥ prāṇāḥ sarveṣāmadya tena naḥ |
dhairyaṃ vīryaṃ gatiḥ kīrtiḥ sattvaṃ tejaḥ parākramaḥ || 48 ||
[Analyze grammar]

yugapanno hṛtaṃ sarvamekasminbhārgave hṛte |
dhigasmānkulapūjyo yairekopi kulasattamaḥ |
guruḥ sarvasamarthaśca trātā trāto na cāpadi || 49 ||
[Analyze grammar]

taddhairyamavalaṃbyeha yudhyadhvamaribhiḥ saha |
sūdayiṣyāmyahaṃ sarvānpramathānsaha naṃdinā || 50 ||
[Analyze grammar]

adyaitānvivaśānhatvā saha devaiḥ savāsavaiḥ |
bhārgavaṃ mocayiṣyāmi jīvaṃ yogīva karmataḥ || 51 ||
[Analyze grammar]

sa cāpi yogī yogena yadi nāma svayaṃ prabhuḥ |
śarīrāttasya nirgacchedasmākaṃ roṣapālitā || 52 ||
[Analyze grammar]

ityaṃdhakavacaḥ śrutvā dānavā meghaniḥsvanāḥ |
pramathā nardayāmāsurmartavye kṛta niścayāḥ || 53 ||
[Analyze grammar]

satyāyupi na no jātu śaktāḥ syuḥ pramathābalāt |
asatyāyuṣi kiṃ gatvā tyaktvā svāminamāhave || 54 ||
[Analyze grammar]

ye svāminaṃ vihāyājau bahumānadhanā janāḥ |
yāṃti te yāṃti niyatamaṃdhatāmisramālayam || 55 ||
[Analyze grammar]

ayaśastamasā khyātiṃ malinīkṛtyabhūriśaḥ |
ihāmutrāpi sukhino na syurbhagnā raṇājirāt || 56 ||
[Analyze grammar]

kiṃ dānaiḥ kiṃ tapobhiśca kiṃ tīrthaparimajjanaiḥ |
dharātīrthe yadi snātaṃ punarbhava malāpahe || 57 ||
[Analyze grammar]

saṃpradhāryeti te'nyonyaṃ daityāste danujāstathā |
mamaṃthuḥ pramathānājau raṇabherīrninādya ca || 58 ||
[Analyze grammar]

tatra vāṇāsivajraughaiḥ kaṭaṃkaṭaśilāmayaiḥ |
bhuśuṃḍībhiṃdipālaiśca śaktibhalla paraśvadhaiḥ || 59 ||
[Analyze grammar]

khaṭvāṃgaiḥ paṭṭiśaiḥ śūlairlakuṭairmusalairalam |
parasparamabhighnaṃtaḥ pracakruḥ kadanaṃ mahat || 60 ||
[Analyze grammar]

kārmukāṇāṃ vikṛṣṭānāṃ patatāṃ ca patatriṇām |
bhiṃdipālabhuśuṃḍīnāṃ kṣveḍitānāṃ ravo'bhavat || 61 ||
[Analyze grammar]

raṇatūryaninādaiśca gajānāṃ bahubṛṃhitaiḥ |
heṣāravairhayānāṃ ca mahānkolāhalo'bhavat || 62 ||
[Analyze grammar]

pratisvanairavāpūri dyāvābhūmyoryadaṃtaram |
abhīrūṇāṃ ca bhīrūṇāṃ mahāromodgamo'bhavat || 63 ||
[Analyze grammar]

gajavājimahārāva sphuṭacchabdagrahāṇi ca |
bhagnadhvajapatākāni kṣīṇapraharaṇāni ca || 64 ||
[Analyze grammar]

rudhirodgāra citrāṇi vyaśvahastirathāni ca |
pipāsitāni sainyāni mumūrchurubhayatra vai || 65 ||
[Analyze grammar]

dṛṣṭvā sainyaṃ ca pramathairbhajyamānamitastataḥ |
dudrāva rathamāsthāya svayamevāṃdhako gaṇān || 66 ||
[Analyze grammar]

śaravajraprahāraistairvajrāghātairnagā iva |
pramathāneśire vātairnistoyā iva toyadāḥ || 67 ||
[Analyze grammar]

yāṃtamāyāṃtamālokya dūrasthaṃ nikaṭasthitam |
pratyekaṃ romasaṃkhyābhirvyadhādbāṇaistadāṃdhakaḥ || 68 ||
[Analyze grammar]

vināyakena skaṃdena naṃdinā somanaṃdinā |
naigameyena śākhena viśākhena balīyasā || 69 ||
[Analyze grammar]

ityādyaistu gaṇairugrairaṃdhakopyaṃdhakīkṛtaḥ |
triśūla śaktibāṇaugha dhārāsaṃpātapātibhiḥ || 70 ||
[Analyze grammar]

tataḥ kolāhalo jātaḥ pramathāsurasainyayoḥ |
tena śabdena mahatā śukraḥ śaṃbhūdare sthitaḥ || 71 ||
[Analyze grammar]

chidrānveṣī bhramansotha viniḥketo yathānilaḥ |
saptalokān sapālānsa rudradehe vyalokayat || 72 ||
[Analyze grammar]

brahmanārāyaṇeṃdrāṇāmādityāpyarasāṃ tathā |
bhuvanāni vicitrāṇi yuddhaṃ ca pramathāsuram || 73 ||
[Analyze grammar]

savarṣāṇāṃ śataṃ kukṣau bhavasya parito bhraman |
na tasya dadṛśe raṃdhraṃ śuce raṃdhraṃ khalo yathā || 74 ||
[Analyze grammar]

śāṃbhavenāthayogena śukrarūpeṇa bhārgavaḥ |
caskaṃdātha nanāmāpi tato devena bhāṣitaḥ || 75 ||
[Analyze grammar]

śukravanniḥsṛtoyasmāttasmāttvaṃ bhṛgunaṃdana |
karmaṇānena śukrastvaṃ mama putrosi gamyatām || 76 ||
[Analyze grammar]

jaṭharānnirgate śukre devopi mumudetarām |
bhramañchreyobhavadyanme na mṛto jaṭhare dvijaḥ || 77 ||
[Analyze grammar]

ityevamukto devena śukrorkasadṛśa dyutiḥ |
viveśa dānavānīkaṃ meghamālāṃ yathā śaśī || 78 ||
[Analyze grammar]

śukrodayānmudaṃ lebhe sa dānava mahārṇavaḥ |
yathā caṃdrodaye harṣamūrmimālī mahodadhiḥ || 79 ||
[Analyze grammar]

aṃdhakāṃdhakahaṃtrorvai vartamāne mahāhave |
itthaṃ nāmnābhavacchukraḥ sa vai bhārgavanaṃdanaḥ || 80 ||
[Analyze grammar]

yathā ca vidyāṃ tāṃ prāpa mṛtasaṃjīvanīṃ parām |
śaṃbhoranugrahātkāvyastanniśāmaya suvrata || 81 ||
[Analyze grammar]

gaṇāvūcatuḥ |
purā'sau bhṛgudāyādo gatvā vārāṇasīṃ purīm |
aṃḍajasvedajodbhijjajarāyuja gatipradām || 82 ||
[Analyze grammar]

saṃsthāpya liṃgaṃ śrīśaṃbhoḥ kūpaṃ kṛtvā tadagrataḥ |
bahukālaṃ tapastepe dhyāyanviśveśvaraṃ prabhum || 83 ||
[Analyze grammar]

rājacaṃpakadhattūra karavīrakuśeśayaiḥ |
mālatī karṇikāraiśca kadaṃbairbakulotpalaiḥ || 84 ||
[Analyze grammar]

mallikāśatapatrībhiḥ siṃduvāraiḥ sakiṃśukaiḥ |
aśokaiḥ karuṇaiḥ puṣpaiḥ punnāgairnāgakesaraiḥ || 85 ||
[Analyze grammar]

kṣudrābhirmādhavībhiśca pāṭalā bilvacaṃpakaiḥ |
navamallīvicikilaiḥ kuṃdaiḥ samucukuṃdakaiḥ || 86 ||
[Analyze grammar]

maṃdārairbilvapatraiśca droṇairmarubakairbakaiḥ |
graṃthiparṇairdamanakaiḥ surabhūcūtapallavaiḥ || 87 ||
[Analyze grammar]

tulasī devagaṃdhārī bṛhatpatrī kuśāṃkuraiḥ |
nadyāvartairagastyaiśca saśālairdevadārubhiḥ || 88 ||
[Analyze grammar]

kāṃcanāraiḥ kurabakairdūrvāṃkura kuraṃṭakaiḥ |
pratyekamebhiḥ kusumaiḥ pallavairaparairapi || 89 ||
[Analyze grammar]

patraiḥ śatasahasraiśca sa samānarca śaṃkaram |
paṃcāmṛtairdroṇamitairlakṣakṛtvaḥ prayatnataḥ || 90 ||
[Analyze grammar]

snapayāmāsa deveśaṃ sugaṃdhasnapanairbahu |
sahasrakṛtvo deveśaṃ caṃdanairyakṣakardamaiḥ || 91 ||
[Analyze grammar]

samāliliṃpa deveśaṃ sugaṃdhodvartanānyanu |
gītanṛtyopahāraiśca śrutyuktastutibhirbahuḥ || 92 ||
[Analyze grammar]

nāmnāṃ sahasrairanyaiśca stotraistuṣṭāva śaṃkaram |
sahasraṃ paṃcaśaradāmitthaṃ śukraḥ samarcayan || 93 ||
[Analyze grammar]

yadā devaṃ nāluloke manāgapi varonmukham |
tadānyaṃ niyamaṃ ghoraṃ jagrāhātīvaduḥsaham || 94 ||
[Analyze grammar]

prakṣālya cetaso tyaṃtaṃ cāṃcalyākhyaṃ mahāmalam |
bhāvanāvārbhi rasakṛdiṃdriyaiḥ sahitasya ca || 95 ||
[Analyze grammar]

nirmalīkṛtya tacceto ratnaṃ dattvā pinākine |
prapapau kaṇadhūmaughaṃ sahasraṃ śaradāṃ kaviḥ || 96 ||
[Analyze grammar]

prasasāda tadā devo bhārgavāya mahātmane |
tasmālliṃgādvinirgatya sahasrārkādhikadyutiḥ || 97 ||
[Analyze grammar]

uvāca ca virūpākṣaḥ sākṣāddākṣāyaṇīpatiḥ |
taponidhe prasannosmi varaṃ varaya bhārgava || 98 ||
[Analyze grammar]

niśamyeti vacaḥ śaṃbhoraṃbhojanayano dvijaḥ |
udyadānaṃdasaṃdoha romāṃcāṃcita vigrahaḥ || 99 ||
[Analyze grammar]

tuṣṭāvāṣṭatanuṃ tuṣṭaḥ praphu lla nayanāṃcalaḥ |
maulāvaṃjalimādhāya vadañjayajayeti ca || 100 ||
[Analyze grammar]

bhārgava uvāca |
tvaṃ bhābhirābhirabhibhūya tamaḥ samastamastaṃ nayasyabhimatāni niśācarāṇām |
dedīpyase maṇegaganehitāya lokatrayasya jagadīśvara tannamaste || 101 ||
[Analyze grammar]

loketivelamativelamahāmahobhirnirmāsi kaumudamudaṃ ca samutsamudram |
vidrāvitākhilatamāḥ sutamohimāṃśo pīyūṣapūraparipūrita tannamaste || 2 ||
[Analyze grammar]

tvaṃ pāvane pathi sadāgatirasyupāsyaḥ kastvāṃ vinā bhuvanajīvanajīvatīha |
stabdhaprabhaṃjana vivardhita sarvajaṃtosaṃtoṣitāhi kulasarvagatannamaste || 3 ||
[Analyze grammar]

viśvaikapāvakanatāvakapāvakaika śakterṛte'mṛtavatāmṛtadivyakāryam |
prāṇityado jagadaho jagadaṃtarātmaṃstatpāvaka pratipadaṃ śamadaṃ namaste || 4 ||
[Analyze grammar]

pānīyarūpa parameśa jagatpavitra citraṃ vicitrasucaritra karoṣi nūnam |
viśvapavitramamalaṃ kila viśvanātha pānāvagāhanata etadato natosmi || 5 ||
[Analyze grammar]

ākāśarūpa bahiraṃtarutāvakāśa dānādvikasvaramiheśvara viśvamaitat |
tvattaḥ sadā sadayasaṃśvasiti svabhāvātsaṃkocameti bhavatosmi natastatastvām || 6 ||
[Analyze grammar]

viśvaṃbharātmaka bibharti vibho'traviśvaṃ ko viśvanātha bhavatonya tamastamore |
tattvāṃ vinā na śamināṃ himajāhibhūṣastavyo'paraḥ paraparapraṇatastatastvām || 7 ||
[Analyze grammar]

ātmasvarūpa tava rūpa paraṃparābhirābhistataṃ hara carācara rūpametat |
sarvāṃtarātmanilayapratirūparūpanityaṃnatosmi paramātmatano'ṣṭamūrte || 8 ||
[Analyze grammar]

ityaṣṭamūrtibhi rimābhirumābhivaṃdyavaṃdyātivaṃdya bhava viśvajanīnamūrte |
etattataṃ suvitataṃ praṇatapraṇīta sarvātharsārthaparamārtha tato natosmi || 9 ||
[Analyze grammar]

aṣṭamūrtyaṣṭakeneṣṭaṃ pariṣṭūyeti bhārgavaḥ |
bhargabhūmimilanmauliḥ praṇanāma punaḥpunaḥ || 110 ||
[Analyze grammar]

iti stuto mahādevo bhārgaveṇātitejasā |
utthāpya bhūmerbāhubhyāṃ dhṛtvā taṃ praṇataṃ dvijam || 11 ||
[Analyze grammar]

uvāca daśanajyotsnā pradyotita digaṃtaraḥ |
anenātyugratapasā hyananyācaritena ca || 12 ||
[Analyze grammar]

liṃgasthāpanapuṇyena liṃgasyārādhanena ca |
cittaratnopahāreṇa śucinā niścalena ca || 13 ||
[Analyze grammar]

avimukta mahākṣetre pavitrācaraṇena ca |
tvāṃ sutābhyāṃ prapaśyāmi tavādeyaṃ na kiṃcana || 14 ||
[Analyze grammar]

anenaiva śarīreṇa mamodaradarīṃ gataḥ |
madvareṃdriyamārgeṇa putra janmatvameṣyasi || 5 ||
[Analyze grammar]

anyaṃ varaṃ prayacchāmi duṣprāpaṃ pārṣadairapi |
harau hiraṇyagarbhepi prāyaśo'haṃ jugopayām || 16 ||
[Analyze grammar]

mṛtasaṃjīvanī nāma vidyā yā mama nirmalā |
tapobalena mahatā mayaiva parinirmitā || 17 ||
[Analyze grammar]

tvāṃ tāṃ tu prāpayāmyadya maṃtrarūpāṃ mahāśuce |
yogyatā te'sti vidyāyāstasyāḥ śucitaponidhe || 18 ||
[Analyze grammar]

yaṃyamuddiśyaniyatametāmāvartayiṣyasi |
vidyāṃ vidyeśvaraśreṣṭha sa sa prāṇiṣyati dhuvam || 19 ||
[Analyze grammar]

atyarkamatyagniṃ ca te tejo vyomnyatitārakam |
dedīpyamānaṃ bhavitā grahāṇāṃ pravaro bhava || 120 ||
[Analyze grammar]

abhi tvāṃ ye kariṣyaṃti yātrāṃ nāryo naropi vā |
teṣāṃ tvadṛṣṭipātena sarvaṃ kāryaṃ praṇaṃkṣyati || 21 ||
[Analyze grammar]

tavodaye bhaviṣyaṃti vivāhādīni suvrata |
sarvāṇi dharmakāryāṇi phalavaṃti nṛṇāmiha || 22 ||
[Analyze grammar]

sarvāśca tithayo maṃdāstava saṃyogataḥ śubhāḥ |
tava bhaktā bhaviṣyaṃti bahuśukrā bahuprajāḥ || 23 ||
[Analyze grammar]

tvayedaṃ sthāpitaṃ liṃgaṃ śukreśamiti saṃjñitam |
ye'rcayiṣyaṃti manujāsteṣāṃ siddhirbhaviṣyati || 24 ||
[Analyze grammar]

āvarṣaṃ pratiśukraṃ ye naktavrataparā narāḥ |
tvaddine śukrakūpe ye kṛtasarvodakakriyāḥ || 25 ||
[Analyze grammar]

śukreśamarcayiṣyaṃti śṛṇu teṣāṃ tu yatphalam |
avaṃdhyaśukrāste martyāḥ putravaṃto'tiretasaḥ || 26 ||
[Analyze grammar]

puṃstvasaubhāgyasaṃpannā bhaviṣyaṃti na saṃśayaḥ |
vyapetavighnāste sarve janāḥ syuḥ sukhavāsinaḥ |
iti dattvā varāndevastatra liṃge layaṃ yayau || 27 ||
[Analyze grammar]

gaṇāvūcatuḥ |
śukreśvarasya ye bhaktāḥ śukraloke vasaṃti te |
viśveśvarāddakṣiṇataḥ śukreśosti paraṃtapa || 28 ||
[Analyze grammar]

tasya darśanamātreṇa śukraloke mahīyate |
ityeṣā śukralokasya sthitiruktā mahāmate || 29 ||
[Analyze grammar]

agastya uvāca |
itthaṃ sadharmiṇi kathāṃ śukralokasya suvrate |
śṛṇvannāṃgārakaṃ lokamāluloke'tha sa dvijaḥ || 130 ||
[Analyze grammar]

iti śrīskāṃde mahāpurāṇe caturthe kāśīkhaṃḍe pūrvārdhe śukralokavarṇanaṃ nāma ṣoḍaśo'dhyāyaḥ || 16 ||
[Analyze grammar]