Chapter 36

[English text for this chapter is available]

nārada uvāca |
ataḥ paraṃ kimabhavattanme kathaya suvrata |
pūrvaṃ ca tadaśeṣeṇa śaṃsa me vadatāmbara || 1 ||
[Analyze grammar]

sthirībhūtaṃ ca tatsthānaṃ kiyatkālaṃ vadasva me |
kena vai rakṣyamāṇaṃ ca kasyājñā vartate prabho || 2 ||
[Analyze grammar]

brahmovāca |
tretāto dvāparāṃtaṃ ca yāvatkalisamāgamaḥ |
tāvatsaṃrakṣaṇe caiko hanūmānpavanātmajaḥ || 3 ||
[Analyze grammar]

samartho nānyathā kopi vinā hanumatā suta |
laṃkā vidhvaṃsitā yena rākṣasāḥ prabalā hatāḥ || 4 ||
[Analyze grammar]

sa eva rakṣate tatra rāmādeśena putraka |
dvijasyājñā pravarteta śrīmātāyāstathaiva ca || 5 ||
[Analyze grammar]

dinedine praharṣobhūjjanānāṃ tatra vāsināḥ |
paṭhaṃti sma dvijāstatra ṛgyujuḥsāmalakṣaṇān || 6 ||
[Analyze grammar]

atharvaṇamapi tatra paṭhaṃti sma divāniśam |
vedanirghoṣajaḥ śabdastrailokye sacarācare || 7 ||
[Analyze grammar]

utsavāstatra jāyaṃte grāmegrāme purepure |
nānā yajñāḥ pravartaṃte nānādharmasamāśritāḥ || 8 ||
[Analyze grammar]

yudhiṣṭhira uvāca |
kadāpi tasya sthānasya bhaṃgo jātotha vā na vā |
daityairjitaṃ kadā sthānamathavā duṣṭarākṣasaiḥ || 9 ||
[Analyze grammar]

vyāsa uvāca |
sādhu pṛṣṭaṃ tvayā rājandharmajñastvaṃ sadā śuciḥ |
ādau kaliyuge prāpte yaddattaṃ tacchṛṇuṣva bhoḥ || 10 ||
[Analyze grammar]

lokānāṃ ca hitārthāya kāmāya ca sukhāya ca |
yajñaṃ ca kathayiṣyāmi tatsarvaṃ śṛṇu bhūpate || 11 ||
[Analyze grammar]

idānīṃ ca kalau prāpta āmo nāmā vabhūva ha |
kānyakubjādhipaḥ śrīmāndharmajño nītitatparaḥ || 12 ||
[Analyze grammar]

śāṃto dāṃtaḥ suśīlaśca satyadharmaparāyaṇaḥ |
dvāparāṃte nṛpaśreṣṭha anāgame kalau yuge || 13 ||
[Analyze grammar]

bhayātkaliviśeṣeṇa adharmasya bhayādibhiḥ |
sarve devāḥ kṣitiṃ tyaktvā naimiṣāraṇyamāśritāḥ || 14 ||
[Analyze grammar]

rāmopi setubaṃdhaṃ hi sasahāyo gato nṛpa || 15 ||
[Analyze grammar]

yudhiṣṭhira uvāca |
kīdṛśaṃ hi kalau prāpte bhayaṃ loke sudustaram |
yasminsuraiḥ parityaktā ratnagarbhā vasundharā || 16 ||
[Analyze grammar]

vyāsa uvāca |
śṛṇuṣva kalidharmāstvaṃ bhaviṣyaṃti yathā nṛpa |
asatyavādino lokāḥ sādhunindāparāyaṇāḥ || 17 ||
[Analyze grammar]

dasyukarmaratāḥ sarve pitṛbhaktivivarjitāḥ |
svagotradārābhiratā laulyadhyānaparāyaṇāḥ || 18 ||
[Analyze grammar]

brahmavidveṣiṇaḥ sarve parasparavirodhinaḥ |
śaraṇāgatahaṃtāro bhaviṣyaṃti kalau yuge || 19 ||
[Analyze grammar]

vaiśyācāraratā viprā vedabhraṣṭāśca māninaḥ |
bhaviṣyaṃti kalau prāpte saṃdhyālopakarā dvijāḥ || 20 ||
[Analyze grammar]

śāṃtau śūrā bhaye dīnāḥ śrāddhatarpaṇavarjitāḥ |
asurācāraniratā viṣṇubhaktivivarjitāḥ || 21 ||
[Analyze grammar]

paravittābhilāṣāśca utkoca grahaṇe ratāḥ |
asnātabhojino viprāḥ kṣatriyā raṇavarjitāḥ || 22 ||
[Analyze grammar]

bhaviṣyaṃti kalau prāpte malinā duṣṭavṛttayaḥ |
madyapānaratāḥ sarvepyayā jyānāṃ hi yājakāḥ || 23 ||
[Analyze grammar]

bhartṛdveṣakarā rāmāḥ pitṛdveṣakarāḥ sutāḥ |
bhrātṛdveṣakarāḥ kṣudrā bhaviṣyaṃti kalau yuge || 24 ||
[Analyze grammar]

gavyavikrayiṇaste vai brāhmaṇā vittatatparāḥ |
gāvo dugdhaṃ na duhyaṃte saṃprāpte hi kalau yuge || 25 ||
[Analyze grammar]

phalaṃte naiva vṛkṣāśca kadācidapi bhārata |
kanyāvikraya karttāro gojāvikrayakārakāḥ || 26 ||
[Analyze grammar]

viṣavikrayakarttāro rasavikrayakārakāḥ |
vedavikrayakarttāro bhaviṣyaṃti kalau yuge || 27 ||
[Analyze grammar]

nārī garbhaṃ samādhatte hāyanaikādaśena hi |
ekādaśyupavāsasya viratāḥ sarvato janāḥ || 28 ||
[Analyze grammar]

na tīrthasevanaratā bhaviṣyaṃti ca vāḍavāḥ |
bahvāhārā bhaviṣyaṃti bahunidrāsamākulāḥ || 29 ||
[Analyze grammar]

jihmavṛttiparāḥ sarve vedaniṃdāparāyaṇāḥ |
yatiniṃdāparāścaiva cchadmakārāḥ parasparam || 30 ||
[Analyze grammar]

sparśadoṣabhayaṃ naiva bhaviṣyati kalau yuge |
kṣatriyā rājyahīnāśca mleccho rājā bhaviṣyati || 31 ||
[Analyze grammar]

viśvāsaghātinaḥ sarve gurudroharatāstathā |
mitradroharatā rājañchiśnodaraparāyaṇāḥ || 32 ||
[Analyze grammar]

ekavarṇā bhaviṣyaṃti varṇāścatvāra eva ca |
kalau prāpte mahārāja nānyathā vacanaṃ mama || 33 ||
[Analyze grammar]

etacchrutvā guroreva kānyakubjādhipo balī |
rājyaṃ prakurute tatra āmo nāmnā hi bhūtale || 34 ||
[Analyze grammar]

sārvabhaumatvamāpannaḥ prajāpālanatatparaḥ |
prajānāṃ kalinā tatra pāpe buddhirajāyata || 35 ||
[Analyze grammar]

vaiṣṇavaṃ dharmamutsajya vauddhadharmamupāgatāḥ |
prajāstamanuvartinyaḥ kṣapaṇaiḥ pratibodhitāḥ || 36 ||
[Analyze grammar]

tasya rājño mahādevī māmānāmnyativiśrutā |
garbhaṃ dadhāra sā rājño sarvalakṣaṇasaṃyutā || 37 ||
[Analyze grammar]

saṃpūrṇe daśame māsi jātā tasyāḥ surūpiṇī |
duhitā samaye rājñyāḥ pūrṇacandranibhānanā || 38 ||
[Analyze grammar]

ratnagaṃgeti nāmnā sā maṇimāṇikyabhūṣitā |
ekadā daivayogena deśāṃtarādupāgataḥ || 39 ||
[Analyze grammar]

nāmnā caiveṃdrasūrirvai deśesminkānyakubjake |
ṣoḍaśābdā ca sā kanyā nopanītā nṛpātmajā || 40 ||
[Analyze grammar]

dāsyāṃtareṇa militā indrasūriśca jīvikaḥ |
śābarīṃ maṃtravidyāṃ ca kathayāmāsa bhārata || 41 ||
[Analyze grammar]

ekacittābhavatsā tu śūlikarmavimohitā |
tataḥ sā mohamāpannā tattadvākyaparāyaṇā || 42 ||
[Analyze grammar]

kṣapaṇairbodhitā vatsa jainadharmaparāyaṇā |
brahmāvartādhipataye kuṃbhīpālāya dhīmate || 43 ||
[Analyze grammar]

ratnagaṃgāṃ mahādevīṃ dadau tāmiti vikramī |
moherekaṃ dadau tasmai vivāhe daivamohitaḥ || 44 ||
[Analyze grammar]

dharmāraṇyaṃ samāgatya rājadhānī kṛtā tadā |
devāṃśca sthāpayāmāsa jainadharmapraṇītakān || 45 ||
[Analyze grammar]

sarve varṇāstathābhūtā jaina dharmasamāśritāḥ |
brāhmaṇā naiva pūjyaṃte na ca śāṃtikapauṣṭikam || 46 ||
[Analyze grammar]

na dadāti kadā dānamevaṃ kālaḥ pravartate |
labdhaśāsanakā viprā luptasvāmyā aharniśam || 47 ||
[Analyze grammar]

samākulitacittāste nṛpamāmaṃ samāyayuḥ |
kānyakubjasthitaṃ śūraṃ pākhaṇḍaiḥ pariveṣṭitam || 48 ||
[Analyze grammar]

kānyakubjapuraṃ prāpya katibhirvāsarairnṛpa |
gaṃgopakaṇṭhe nyavasañchrāṃtāste moḍhavāḍavāḥ || 49 ||
[Analyze grammar]

cāraiśca kathitāste ca nṛpasyāgre samāgatāḥ |
prātarākāritā viprā āgatā nṛpasaṃsadi || 50 ||
[Analyze grammar]

pratyutthānābhivādādīnna cakre sādaraṃ nṛpaḥ |
tiṣṭhato brāhmaṇānsarvānparyapṛcchadasau tataḥ || 51 ||
[Analyze grammar]

kimarthamāgatā viprāḥ kiṃsvitkāryaṃ bruvaṃtu tat || 52 ||
[Analyze grammar]

viprā ūcuḥ |
dharmāraṇyādihāyātāstvatsamīpaṃ narādhipa |
rājaṃstava sutāyāstu bhartā kumārapālakaḥ || 53 ||
[Analyze grammar]

tena praluptaṃ viprāṇāṃ śāsanaṃ mahadadbhutam |
vartatā jainadharmeṇa preriteneṃdrasūriṇā || 54 ||
[Analyze grammar]

rājovāca |
kena vai sthāpitā yūyamasminmoherake pure |
etaddhi vāḍavāḥ sarvaṃ brūta vṛttaṃ yathātatham || 55 ||
[Analyze grammar]

viprā ūcuḥ |
kājeśaiḥ sthāpitāḥ pūrvaṃ dharmarājena dhīmatā |
kṛtā cātra śubhe sthāne rāmeṇa ca tataḥ purī || 56 ||
[Analyze grammar]

śāsanaṃ rāmacaṃdrasya dṛṣṭvā'nyaiścaiva rājabhiḥ |
pālitaṃ dharmato hyatra śāsanaṃ nṛpasattama || 57 ||
[Analyze grammar]

idānīṃ tava jāmātā viprānpālayate na hi |
tacchrutvā vipravākyaṃ tu rājā viprānathābravīt || 58 ||
[Analyze grammar]

yāṃtu śīghraṃ hi bho viprāḥ kathayaṃtu mamājñayā |
rājñe kumārapālāya dehi tvaṃ brāhmaṇālayam || 59 ||
[Analyze grammar]

śrutvā vākyaṃ tato viprāḥ paraṃ harṣamupāgatāḥ |
jagmustato'timuditā vākyaṃ tatra niveditam || 60 ||
[Analyze grammar]

śvaśurasya vacaḥ śrutvā rājā vacanamabravīt |
kumārapāla uvāca |
rāmasya śāsanaṃ viprāḥ pālayiṣyāmyahaṃ nahi || 61 ||
[Analyze grammar]

tyajāmi brāhmaṇānyajñe paśuhiṃsāparāyaṇān |
tasmāddhi hiṃsakānāṃ tu na me bhaktirbhaveddvijāḥ || 62 ||
[Analyze grammar]

brāhmaṇā ūcuḥ |
kathaṃ pākhaṃḍadharmeṇa luptaśāsanako bhavān |
pālayasva nṛpaśreṣṭha mā sma pāpe manaḥ kṛthāḥ || 63 ||
[Analyze grammar]

rājovāca |
ahiṃsā paramo dharmo ahiṃsā ca paraṃ tapaḥ |
ahiṃsā paramaṃ jñānamahiṃsā paramaṃ phalam || 64 ||
[Analyze grammar]

tṛṇeṣu caiva vṛkṣeṣu pataṃgeṣu nareṣu ca |
kīṭeṣu matkuṇādyeṣu ajāśveṣu gajeṣu ca || 65 ||
[Analyze grammar]

lūtāsu caiva sarpeṣu mahiṣyādiṣu vai tathā |
jaṃtavaḥ sadṛśā viprāḥ sūkṣmeṣu ca mahatsu ca || 66 ||
[Analyze grammar]

kathaṃ yūyaṃ pravartadhve viprā hiṃsāparāyaṇāḥ |
tacchrutvā vajratulyaṃ hi vacanaṃ ca dvijottamāḥ || 67 ||
[Analyze grammar]

pratyūcurvāḍavāḥ sarve krodharaktekṣaṇā dṛśā || 68 ||
[Analyze grammar]

brāhmaṇā ūcuḥ |
ahiṃsā paramo dharmaḥ satyametattvayoditam |
paraṃ tathāpi dharmo'sti śṛṇuṣvaikāgramānasaḥ || 69 ||
[Analyze grammar]

yā vedavihitā hiṃsā sā na hiṃseti nirṇayaḥ |
śastreṇāhanyate yacca pīḍā jaṃtuṣu jāyate || 70 ||
[Analyze grammar]

sa evādharma evāsti loke dharmavidāṃ vara |
vedamaṃtraivihanyaṃte vinā śastreṇa jaṃtavaḥ || 71 ||
[Analyze grammar]

jaṃtupīḍākarā naiva sā hiṃsā sukhadāyinī |
paropakāraḥ puṇyāya pāpāya parapīḍanam || 72 ||
[Analyze grammar]

vedoditāṃ vidhāyāpi hiṃsāṃ pāpairna lipyate |
viprāṇāṃ vacanaṃ śrutvā punarvacanamabravīt || 73 ||
[Analyze grammar]

rājovāca |
brahmādīnāṃ paraṃ kṣetraṃ dharmāraṇyamanuttamam |
brahmaviṣṇu maheśādyā nedānīmatra saṃti te || 74 ||
[Analyze grammar]

na dharmo vidyate vātra ukto rāmaḥ sa mānuṣaḥ |
kva vāpi laṃbapucho'sau yo mukto rakṣaṇāya vaḥ || 75 ||
[Analyze grammar]

śāsanaṃ cenna dṛṣṭaṃ vo naiva tatpālayāmyaham |
dvijāḥ kopasamāviṣṭā daduḥ pratyuttaraṃ tadā || 76 ||
[Analyze grammar]

dvijā ūcuḥ |
re mūḍha tvaṃ kathaṃ vettha bhāṣase madalolupaḥ |
sa daityānāṃ vināśāya dharmasaṃrakṣaṇāya ca || 77 ||
[Analyze grammar]

rāmaścaturbhujaḥ sākṣānmānuṣatvaṃ gato bhuvi |
agatīnāṃ ca gatidaḥ sa vai dharmaparāyaṇaḥ |
dayāluśca kṛpāluśca jaṃtūnāṃ paripālakaḥ || 78 ||
[Analyze grammar]

rājovāca |
kuto'dya varttate rāmaḥ kuto vai vāyunaṃdanaḥ |
bhraṣṭābhramiva te sarve kva rāmo hanumāniti || 79 ||
[Analyze grammar]

paraṃtu rāmo hanumānyadi vartteta sarvataḥ |
idānīṃ viprasāhāyya āgamiṣyati me matiḥ || 80 ||
[Analyze grammar]

darśayadhvaṃ hanūmaṃtaṃ rāmaṃ vā lakṣmaṇaṃ tathā |
yadyasti pratyayaḥ kaścitsa no viprāḥ pradarśyatām || 81 ||
[Analyze grammar]

uktaṃ tai rāmadevena dūtaṃ kṛtvāṃjanīsutam |
catuścatvāriṃśadadhikaṃ dattaṃ grāmaśataṃ nṛpa || 62 ||
[Analyze grammar]

punarāgatya sthāne'smindattā grāmāstrayodaśa |
kāśyapyāṃ caiva gaṃgāyāṃ mahādānāni ṣoḍaśa || 83 ||
[Analyze grammar]

dattāni vipramukhyebhyo dattā grāmāḥ suśobhanāḥ |
punaḥ saṃkalpitā vīra ṣaṭpaṃcāśakasaṃkhyayā || 84 ||
[Analyze grammar]

ṣaṭtriṃśacca sahasrāṇi gobhujā jajñire varāḥ |
sapādalakṣā vaṇijo dattā māṃḍalikābhidhāḥ || 85 ||
[Analyze grammar]

tenoktaṃ vāḍavāḥ sarve darśayadhvaṃ hi mārutim |
yasyābhijñānamātreṇa sthitiṃ pūrvāṃ dadāmyaham || 86 ||
[Analyze grammar]

vipravākyaṃ kariṣyāmi pratyayo darśyate yadi |
tataḥ sarve bhaviṣyaṃti vedadharmaparāyaṇāḥ || 87 ||
[Analyze grammar]

anyathā jainadharmeṇa varttayadhvaṃ hi sarvaśaḥ |
nṛpavākyaṃ tu te śrutvā svesve sthāne samāgatāḥ || 88 ||
[Analyze grammar]

vāḍavaḥ khinnamanasaḥ krodhenāṃdhīkṛtā bhuvi |
niśvāsānmuṃcamānāste hāheti pravadaṃti ca || 89 ||
[Analyze grammar]

daṃtānprāgharṣayansarvānnyapīḍaṃśca karaiḥ karān |
parasparaṃ bhāṣamāṇāḥ kathaṃ kurmo vayaṃ tvitaḥ || 90 ||
[Analyze grammar]

militvā vāḍavāḥ sarve cakruste maṃtramuttamam |
rāmavākyaṃ hṛdi dhyātvā dhyātvā caivāṃjanīsutam || 91 ||
[Analyze grammar]

dvijamelāpakaṃ cakrurbālā vṛddhatamā api |
teṣāṃ vṛddhatamo vipro vākyamūce śubhaṃ tadā || 92 ||
[Analyze grammar]

catuḥṣaṣṭiśca gotrāṇāmasmākaṃ ye dvisaptatiḥ |
svasvagotrasyāvaṭaṃkā ekagrāmābhibhāṣiṇaḥ || 93 ||
[Analyze grammar]

prayātu svasvavargasya eko hyeko dvijaḥ sudhīḥ |
rāmeśvaraṃ setu baṃdhaṃ hanūmāṃstatra vidyate || 94 ||
[Analyze grammar]

sarve prayāṃtu tatraiva rāmapārśve nirāmayāḥ |
nirāhārā jitakrodhā māyayā varjitāḥ punaḥ || 95 ||
[Analyze grammar]

ekāgramānasāḥ sarve stutvā dhyātvā japaṃtu tam |
tato dāśarathī rāmo dayāṃ kṛtvā dvijanmasu || 96 ||
[Analyze grammar]

śāsanaṃ ca pradāsyati acalaṃ ca yugeyuge |
mahatā tapasā tuṣṭaḥ pradāsyati samīhitam || 97 ||
[Analyze grammar]

yasya vargasya yo vipro na prayāsyati tatra vai |
sa ca vargātparityājyaḥ sthānadharmānna saṃśayaḥ || 98 ||
[Analyze grammar]

vaṇigvṛtte na saṃbaṃdhe na vivāhe kadācana |
grāmavṛtte na saṃbaṃdhaḥ sarvasthāne bahiṣkṛtāḥ || 99 ||
[Analyze grammar]

sabhāvākyaṃ ca tacchrutvā tanmadhye vāḍavaḥ śuciḥ |
vāgmī dakṣaḥ suśabdaśca triravaiḥ śrāvayandvijān || 100 ||
[Analyze grammar]

prativākyaṃ dattatālaṃ tiṣṭhannetadvaco'bravīt |
asatyavādināṃ yacca pātakaṃ pariniṃdake |
paradārābhigamane paradroharate nare || 1 ||
[Analyze grammar]

madyapeṣu ca yatpāpaṃ yatpāpaṃ hemahāriṣu |
tatpāpaṃ ca bhavettasya gamane yaḥ parāṅmukhaḥ |
atha kiṃ bahunoktena yāṃtu satyaṃ dvijottamāḥ || 2 ||
[Analyze grammar]

tacchrutvā dāruṇaṃ vākyaṃ gamanāya mano dadhe |
gacchatastāndvijāñchrutvā rājā kumārapālakaḥ || 3 ||
[Analyze grammar]

samāhūya kṛṣeḥ karma bhikṣāṭanamathāpi vā |
nānāgotrebhyo brāhmaṇebhyaḥ prāpayiṣye na saṃśayaḥ || 4 ||
[Analyze grammar]

tacchrutvā vyathitāḥ sarve kiṃ bhaviṣyatyataḥ param |
tathā trīṇi sahasrāṇi prabaṃdhaṃ cakrire tadā || 5 ||
[Analyze grammar]

gamiṣyāmo vayaṃ sarve rāmaṃ prati na saṃśayaḥ |
hastākṣarapradānaṃ vai anyonyaṃ tu kṛtaṃ dvijaiḥ || 6 ||
[Analyze grammar]

kṛtāṃjalipuṭā viprā vākyametadathābruvan |
naśyate'tra trayī vidyā trayīmūrtiḥ prakupyati || 7 ||
[Analyze grammar]

tasmāttatraiva gaṃtavyamaṣṭādaśasahasrakaiḥ |
tataḥ sa vaṇijaḥ sarvānsamāhūya ca gobhujān || 8 ||
[Analyze grammar]

vākyamūce nṛpaśreṣṭho vārayadhvaṃ dvijāniti || 9 ||
[Analyze grammar]

vyāsa uvāca |
na jainadharme ye liptā gobhujā vaṇiguttamāḥ |
vṛttibhaṃgabhayāttatra maunameva samācaran || 110 ||
[Analyze grammar]

vārayāma kathaṃ viprānvahnirūpāndahaṃti te |
śāpāgninā narapate dvijā mṛtyuparāyaṇāḥ || 11 ||
[Analyze grammar]

aḍālayeṣu ye jātāḥ śūdrā āhūya tānnṛpaḥ |
nivāryaṃtāmiti prāha vāḍavā gamanodyatāḥ || 12 ||
[Analyze grammar]

teṣāṃ madhye katipayā jainadharmasamāśritāḥ |
gatā vāḍavapuṃjeṣu rājādeśānnivāraṇe || 13 ||
[Analyze grammar]

kecicchrūdrā ūcuḥ |
kva rāmo lakṣmaṇopetaḥ kva ca vāyusuto balī |
vartamānena kālena vaktavyaṃ dvijasattamāḥ || 14 ||
[Analyze grammar]

vyāghrasiṃhākule durge vane vanagajāśrite |
parityajya priyānprāṇānputrāndārānniketanān || 15 ||
[Analyze grammar]

kimarthaṃ gamyate viprā rājye vai duṣṭaśāsane |
tacchrutvā vāḍavāḥ kecidvākyena manasā'smaran || 16 ||
[Analyze grammar]

paṃcadaśasahasrāste vāḍavā nṛpasattamāt |
bhayāllobhācca dānācca tatsarvaṃ bhavatāmiti || 17 ||
[Analyze grammar]

vṛttopakalpanenaiva kariṣyāmaḥ kadācana |
kṛṣi karma kariṣyāmo bhikṣāṭanamathāpi vā || 18 ||
[Analyze grammar]

tataśca te paṃcadaśasahasrā dvijasattamāḥ |
dāruṇaṃ vākyamūcustānyāṃtu cānye yathocitam || 19 ||
[Analyze grammar]

śāsanaṃ bhavatāmastu rāmadattaṃ na saṃśayaḥ |
trayīvidyāstu vikhyātāḥ sarve vāḍavapuṃgavāḥ || 120 ||
[Analyze grammar]

sahasrāṇi ca trīṇyeva traividyā abhavandhruvam || 21 ||
[Analyze grammar]

rājovāca |
caturdhāṃśena rājyaṃ ca kiṃciddattā vasundharā |
tasmāccaturvidhetyevaṃ jñātibandhamataḥ param || 22 ||
[Analyze grammar]

cyavano dāsyate kanyāṃ yūyaṃ kanyāmavāpnuta |
na vṛttirna ca saṃbaṃdho bhavatāṃ syātkadāpi vā || 23 ||
[Analyze grammar]

iti tasya vacaḥ śrutvā trayīvidyāśca vāḍavāḥ |
svesve sthāne gatāḥ sarve saṃketādanivṛttya ca || 24 ||
[Analyze grammar]

paṃcadaśa sahasrāṇi tatastu dvijapuṃgavāḥ |
yathāgataṃ gatāḥ sarve cāturvidyā dvijottamāḥ || 25 ||
[Analyze grammar]

taddine ativāhyātha ciṃtāviṣṭena cetasā |
vāryamāṇāḥ svaputraiste dāraiśca vinayānvitaiḥ || 26 ||
[Analyze grammar]

ekāgramānasā sarve na nidrāmupalebhire |
brāhme muhūrte cotthāya māyāṃ tyaktā hi laukikīm || 27 ||
[Analyze grammar]

parityajya priyānputrāndārānsanilayānapi |
grāmopāṃteṣu militāḥ sarve vāḍavapuṃgavāḥ || 28 ||
[Analyze grammar]

sahasrāṇi tadā trīṇi kṛtanityāhnikakriyāḥ |
viprebhyo dakṣiṇāṃ dattvā saṃpūjya kulamātaram || 29 ||
[Analyze grammar]

viprasaṃghavināśāya dakṣiṇadvārasaṃsthitaḥ |
siṃdūrapuṣpamālābhiḥ pūjito gaṇanāyakaḥ || 130 ||
[Analyze grammar]

pūjito bakulasvāmī sūryasarvārthasādhakaḥ |
ādarācca mahāśaktiḥ śrīmātā pūjitā tathā || 31 ||
[Analyze grammar]

śāṃtāṃ caiva namaskṛtya jñānajāṃ gotramātaram |
gamanenodyamānāste paraṃ harṣamupāyayuḥ || 32 ||
[Analyze grammar]

cāturvidyā dvijāścaiva punarāmaṃtrya tānprati |
papracchuśca muhuḥ sarvaṃ samāgamanakāraṇam || 33 ||
[Analyze grammar]

viprā ūcuḥ |
na gaṃtavyaṃ bhavadbhirvai gatvā vā'yāṃtu satvarāḥ || 34 ||
[Analyze grammar]

yathā rāmapradattaṃ hi upakalpayase'cirāt |
śrutvā punarathocuste cāturvidyā dvijottamāḥ || 35 ||
[Analyze grammar]

na sthānena dvijairvāpi na ca vṛttyāṃ kathaṃcana |
vayaṃ naivāgamiṣyāmaḥ kathanīyaṃ na vai punaḥ || 36 ||
[Analyze grammar]

raghūdvahena dattā vai vṛttirvo dvijasattamāḥ |
tāṃ vṛttiṃ prati yāsyāmo japahomārcanādibhiḥ || 37 ||
[Analyze grammar]

te paṃcadaśasāhasrāḥ punastānūcurādarāt |
asmābhiratra sthātavyamagnisevārthatatparaiḥ || 38 ||
[Analyze grammar]

yuṣmābhistatra gaṃtavyaṃ sarveṣāṃ kāryasiddhaye |
anyonyaṃ sarvasāhāyā vṛttiṃ yāma na saṃśayaḥ || 39 ||
[Analyze grammar]

tyaktasvakīyavacanā vṛttihīnā bhaviṣyatha |
tatastanmadhyataḥ kaściccāturvidya uvāca ha || 140 ||
[Analyze grammar]

cāturvidya uvāca |
pūrvaṃ hi vṛttimasmākaṃ rāmo vai dattavāndvijāḥ |
cāturvidyā mahāsattvāḥ svadharmapratipālakāḥ || 41 ||
[Analyze grammar]

yājanādhyayanāyuktāḥ kājeśena vinirmitāḥ |
dānaṃ dattvā tu rāmeṇa uktaṃ hi bhavatāṃ punaḥ || 42 ||
[Analyze grammar]

sthānaṃ tyaktvā na gaṃtavyamitthaṃ hi niyamaḥ kṛtaḥ |
āpatkāle tu smartavyo vāyuputro mahābalaḥ || 43 ||
[Analyze grammar]

iti rāmeṇa pūrvaṃ hi sve sthāne sthāpitāstadā |
rāma vākyamanyathā tatkṛtvā gacchetkathaṃ punaḥ || 44 ||
[Analyze grammar]

tasmādyuṣmānvayaṃ brūmo gacchata kāryasiddhaye |
bhavatāṃ kāryasiddhyarthaṃ vayaṃ homārcanādibhiḥ || 45 ||
[Analyze grammar]

jhaṭiti kāryasiddhiḥ syātsatyaṃ satyaṃ na saṃśayaḥ |
iti vākyaṃ tataḥ śrutvā te dvijā gamanaṃ prati || 46 ||
[Analyze grammar]

prasthānaṃ ca vidhāyādau gamanāya mano dadhuḥ |
trisāhasrāstadā tasmātprasthitā dvijasattamāḥ || 47 ||
[Analyze grammar]

deśāddeśāṃtaraṃ gatvā vanāccaiva vanāṃtaram |
tīrthetīrthe kṛtaśrāddhāḥ susaṃta satyavrataparāyaṇāḥ |
te gatā dūramadhvānaṃ hanumaddarśanārthinaḥ || 150 ||
[Analyze grammar]

saṃdhyāmupāsate nityaṃ trikālaṃ caikamānasāḥ |
evaṃ tu gacchatāṃ teṣāṃ śakunā abhavacchubhāḥ || 51 ||
[Analyze grammar]

evaṃ tu gacchatāṃ teṣāṃ pātheyaṃ truṭitaṃ tadā |
śrāṃtā glāniṃ gatāḥ sarve padaṃ paramamāsthitāḥ || 52 ||
[Analyze grammar]

kramitvā kiyatī bhūmiṃ padaṃ gaṃtuṃ na tu kṣamāḥ |
manasā niścayaṃ kṛtvā dṛḍhīkṛtya svamānasam || 53 ||
[Analyze grammar]

hana maṃtamadṛṣṭvaiva na yāsyāmo vayaṃ gṛhān || trai |
vidyāstu gatāstatra yatra rāmeśvaro hariḥ || 54 ||
[Analyze grammar]

dṛḍhavratāḥ satyaparāḥ kandamūlaphalāśanāḥ |
dhyāyaṃto rāmarāmeti hanūmaṃteti vai punaḥ || 55 ||
[Analyze grammar]

gṛhītvā niyamaṃ te'pi tyaktvā cānnaṃ tathodakam |
tṛṣārtāśca kṣudhārtāśca yayurvrataparāyaṇāḥ || 56 ||
[Analyze grammar]

evaṃ tu kliśyamānānāṃ dvijānāṃ bhaktibhājanaḥ |
udvignamānaso rāmo hanūmaṃtamathābravīt || 57 ||
[Analyze grammar]

śīghraṃ gaccha dvijārthe tvaṃ pavanātmaja dharmavit |
kliśyaṃte vāḍavāḥ sarve dharmāraṇyanivāsinaḥ || 58 ||
[Analyze grammar]

dahyate mānasaṃ me'dya nānyathā śāntirasti me |
viprāṇāṃ duḥkhakarttā ca śāstavyo nātra saṃśayaḥ || 59 ||
[Analyze grammar]

yena vai duḥkhitā viprāstenāhaṃ duḥkhitaḥ kape || 160 ||
[Analyze grammar]

rāmasya vacanaṃ śrutvā namaskṛtya ca rāghavam |
kṛpayā parayāviṣṭaḥ prādurāsīddharīśvaraḥ || 61 ||
[Analyze grammar]

vṛddhabrāhmaṇarūpeṇa parīkṣārthaṃ dvijanmanām |
uvāca parayā bhaktyā brāhmaṇāñchramadurbalān || 62 ||
[Analyze grammar]

kṛtāṃjalipuṭo bhūtvā karānmuktvā kamaṃḍalum |
sarvānpratyabhivādyātha vacanaṃ cedamabravīt || 63 ||
[Analyze grammar]

kutaḥ sthānādiha prāptā gaṃtukāmāśca vai kutaḥ |
kimarthaṃ vai bhavadbhiśca gamyate dāruṇaṃ vanam || 64 ||
[Analyze grammar]

viprā ūcuḥ |
dharmāraṇyātsamāyātā nijaduḥkhaṃ niveditum |
rāmasya darśanārthaṃ hi gaṃtukāmā vayaṃ dvijāḥ || 65 ||
[Analyze grammar]

setubaṃdhaṃ mahātīrthaṃ sarvakāmapradāyakam |
niyamasthāḥ kṣīṇadehā rāmaṃ draṣṭuṃ samutsukāḥ || 66 ||
[Analyze grammar]

yatra rāmeśvaro devaḥ sākṣādvāyusutaḥ kapiḥ |
tacchrutvā sa dvijaḥ prāha kva rāmaḥ kva ca vāyujaḥ || 67 ||
[Analyze grammar]

kva setubaṃdharāmeśo dūrāddūrataro dvijāḥ |
vyāghrasiṃhākulaṃ cograṃ vanaṃ ghorataraṃ mahat |
gatvā yasmānna vartaṃte tadugramanujīvinaḥ |
nivartadhvaṃ mahābhāgā yadi kāryaṃ hi madvacaḥ || 69 ||
[Analyze grammar]

athavā gamyatāṃ viprāściraṃ jīva sukhī bhava |
vṛddhasya vākyaṃ tacchrutvā vāḍavāścaikamānasāḥ || 170 ||
[Analyze grammar]

vipra gacchāmahe sarve rāmapārśvamasaṃśayaḥ |
mriyeta yadi mārge'sminrāmaloka mavāpnuyrāt || 71 ||
[Analyze grammar]

jīvanvṛttimavāpnoti rāmadeva na saṃśayaḥ |
anyathā śaraṇaṃ nāsti asmākaṃ rāghavaṃ vinā || 72 ||
[Analyze grammar]

ityuktvā nirgatāḥ sarve rāmadarśanatatparāḥ |
dināṃtamativāhyātha prabhāte vimale punaḥ || 73 ||
[Analyze grammar]

hanumānbrahmarūpī sa vṛddhaḥ pūrvaguṇānvitaḥ |
kamaṃḍaludharo dhīmānabhivādanata tparaḥ || 74 ||
[Analyze grammar]

kutrasthānādiha prāptāḥ sarve yūyaṃ hi vāḍavāḥ |
kutrāsti vā mahālābho vivāhotsava eva vā || 75 ||
[Analyze grammar]

iti tasya vacaḥ śrutvā vāḍavā vismayaṃ gatāḥ |
praṇāmapūrvāṃ vijñaptiṃ kathayāmāsurādṛtāḥ || 76 ||
[Analyze grammar]

asmākaṃ tu purā vṛttaṃ mahadāścaryakārakam |
bhūmideva śṛṇuṣva tvaṃ dayālurdṛśyase yataḥ || 77 ||
[Analyze grammar]

ādau sṛṣṭisamāraṃbhe sthāpitā keśavena ca |
śivena brahmaṇā caiva trimūrtisthāpitā vayam || 78 ||
[Analyze grammar]

śrī rāmeṇa tataḥ paścājjīrṇoddhāreṇa sthāpitāḥ |
grāmāṇāṃ vetanaṃ dattaṃ harirājena cādarāt || 79 ||
[Analyze grammar]

catuścatvāriṃśadadhikacatuḥśatamitātmanām |
grāmāstrayodaśārcārthaṃ sītāpurasamanvitāḥ || 180 ||
[Analyze grammar]

ṣaṭtriṃśacca sahasrāṇi vaṇijo dvijapālane |
gobhūjasaṃjñāste śūdrāstebhyaḥ sapādalakṣakāḥ || 81 ||
[Analyze grammar]

te ca jātāstridhā tāta gobhūjāḍālajā stathā |
māṃḍalīyāstathā caite trividhāśca manoramāḥ || 82 ||
[Analyze grammar]

vṛttyarthaṃ tena dattā vai hyanarghyā ratnakoṭayaḥ |
tadā te moḍha 18000 gobhūjā || 18000 ||
[Analyze grammar]

māṃḍalīyā 125000 aḍālajāḥ 18000 || 83 ||
[Analyze grammar]

adhunā vāḍavaśreṣṭha āmonāma mahīpatiḥ |
śāsanaṃ rāmacaṃdrasya na mānayati durmatiḥ || 84 ||
[Analyze grammar]

jāmātā tasya duṣṭo vai nāmnā kumārapālakaḥ |
pāṣaṃḍairveṃṣṭito nityaṃ kalidharmeṇa saṃmataḥ || 85 ||
[Analyze grammar]

indrasūtreṇa jainena prerito bauddhadharmiṇā |
śāsanaṃ tena luptaṃ hi rāmadattaṃ na saṃśayaḥ || 86 ||
[Analyze grammar]

vāṇijastādṛśāḥ ke'pi tanmanaskā babhūvire |
niṣedhayaṃti rāmaṃ te hanumaṃtaṃ mahāmatim || 87 ||
[Analyze grammar]

pratyayaṃ tu vinā viprā na dāsyāmīti niścitam |
taṃ jñātvā tu ime viprā rāmaṃ śaraṇamāyayuḥ || 88 ||
[Analyze grammar]

hanumaṃtaṃ mahāvīraṃ rāmaśāsanapālakam |
tasmādgacchāmahe sarve rāmaṃ prati mahāmate || 89 ||
[Analyze grammar]

āṃjaneyo yadāsmākaṃ na dāsyati samīhitam |
anāhāravratenaiva prāṇāṃstyakṣyāmahe vayam || 190 ||
[Analyze grammar]

asmābhiste viśeṣeṇa kathitaṃ paripṛcchate |
snehabhāvaṃ viciṃtyāśu nijavṛttiṃ prakāśaya || 91 ||
[Analyze grammar]

hanumānuvāca |
prāpte kaliyuge viprāḥ kva devadarśanaṃ bhavet |
nivarttadhvaṃ hi viprendrā yadīcchatha sukhaṃ mahat || 92 ||
[Analyze grammar]

vyāghrasiṃhākule śūnye vane vanagajāśrite |
bahudāvasamāviṣṭe praveṣṭuṃ naiva śakyate || 93 ||
[Analyze grammar]

viprā ūcuḥ || |
atīte divase vipra ekaṃ kathitavānidam |
adyaiva tvaṃ samāgamya evameva prabhāṣase || 94 ||
[Analyze grammar]

kastvaṃ vāḍavarūpeṇa rāmo vāpyatha vāyujaḥ |
satyaṃ kathaya naḥ svāsmindayāṃ kṛtvā mahādvija || 95 ||
[Analyze grammar]

hanumānkathayāmāsa gopitaṃ yaddvijāgrataḥ |
hanumānityahaṃ viprā budhyadhvaṃ niścitā hi mām || 96 ||
[Analyze grammar]

svarūpaṃ prakaṭīkṛtya lāṃgūlaṃ darśayanmahat || 97 ||
[Analyze grammar]

hanumānuvāca |
ayamaṃbhonidhiḥ sākṣātsetubaṃdho manoramaḥ |
ayaṃ rāmeśvaro devo garbhavāsavināśakṛt || 98 ||
[Analyze grammar]

iyaṃ tu nagarī śreṣṭhā laṃkānāmeti viśrutā |
yatra sītā mayā prāptā rāmaśokāpahāriṇī || 99 ||
[Analyze grammar]

tarjanyagre dvijaśreṣṭhā agamyā māṃ vinā paraiḥ |
sā suvarṇamayī bhāti yasyāṃ rājye vibhīṣaṇaḥ || 200 ||
[Analyze grammar]

sthāpito rāmadevena seyaṃ laṃkā mahāpurī |
niyamasthaiḥ sādhuvṛṃdaistīrthayātrāprasaṃgataḥ || 201 ||
[Analyze grammar]

ānīya gaṃgāsalilaṃ rāmeśamabhiṣicya ca |
kṣiptā ete mahābhārā dṛśyaṃte sāgarāṃtare || 202 ||
[Analyze grammar]

niṣpāpāstena saṃjātāḥ sādhavaste dṛḍhavratāḥ |
nūnaṃ puṇyodaye vṛddhiḥ pāpe hāniśca jāyate || 203 ||
[Analyze grammar]

sthānabhraṣṭāḥ kṛtāḥ pūrvaṃ cāturvidyā dvijātayaḥ |
jīrṇoddhāreṇa rāmeṇa sthāpitāḥ punareva hi |
pūrvajanmani bho viprā haripūjā kṛtā mayā || 204 ||
[Analyze grammar]

sāṃprataṃ niścalā bhaktirbhavatsevā hi dṛśyate |
tena puṇyaprabhāveṇa tuṣṭo dāsyāmi vo varam || 205 ||
[Analyze grammar]

dhanyohaṃ kṛtakṛtyohaṃ subhāgyohaṃ dharātale |
adya me saphalaṃ janma jīvitaṃ ca sujīvitam || 206 ||
[Analyze grammar]

yadahaṃ brāhmaṇānāṃ ca prāptavāṃścaraṇāṃtikam || 207 ||
[Analyze grammar]

vyāsa uvāca |
dṛṣṭvaiva hanumantaṃ te pulakāṃkitavigrahāḥ |
sagadgadaṃ yathocuste vākyaṃ vākyaviśāradāḥ || 208 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe dharmāraṇya māhātmye hanumatsamāgamo nāma ṣaṭtriṃśo'dhyāyaḥ || 36 ||
[Analyze grammar]