Chapter 35

[English text for this chapter is available]

nārada uvāca |
bhagavandevadeveśa sṛṣṭisaṃhārakāraka |
guṇātīto guṇairyukto muktīnāṃ sādhanaṃ param || 1 ||
[Analyze grammar]

saṃsthāpya vedabhavanaṃ vidhivaddvija sattamān |
kiṃ cakre raghunāthastu bhūyo'yodhyāṃ gatastadā || 2 ||
[Analyze grammar]

svasthāne brāhmaṇāstatra kāni karmāṇi cakrire |
brahmovāca |
iṣṭāpūrtaratāḥ śāṃtāḥ pratigrahaparāṅmukhāḥ || 3 ||
[Analyze grammar]

rājyaṃ cakrurvanasyāsya purodhā dvijasattamaḥ |
uvāca rāmapuratastīrthamāhātmyamuttamam || 4 ||
[Analyze grammar]

prayāgasya ca māhātmyaṃ triveṇīphalamuttamam |
prayāgatīrthamahimā śuklatīrthasya caiva hi || 5 ||
[Analyze grammar]

siddhakṣetrasya kāśyāśca gaṃgāyā mahimā tathā |
vasiṣṭhaḥ kathayā māsa tīrthānyanyāni nārada || 6 ||
[Analyze grammar]

dharmāraṇyasuvarṇāyā harikṣetrasya tasya ca |
snānadānādikaṃ sarvaṃ vārāṇasyā yavādhikam || 7 ||
[Analyze grammar]

etacchrutvā rāmadevaḥ sa camatkṛtamānasaḥ |
dharmāraṇye punaryātrāṃ karttukāmaḥ samabhyagāt || 8 ||
[Analyze grammar]

sītayā saha dharmajño gurusainyapuraḥsaraḥ |
lakṣmaṇena saha bhrātrā bharatena sahāyavān || 9 ||
[Analyze grammar]

śatrughnena parivṛto gato moherake pure |
tatra gatvā vasiṣṭhaṃ tu pṛcchate'sau mahāmanāḥ || 10 ||
[Analyze grammar]

rāma uvāca |
dharmāraṇye mahākṣetre kiṃ karttavyaṃ dvijottama |
dānaṃ vā niyamo vātha snānaṃ vā tapa uttamam || 11 ||
[Analyze grammar]

dhyānaṃ vātha kratuṃ vātha homaṃ vā japamuttamam |
dānaṃ vā niyamaṃ vātha snānaṃ vā tapa uttamam || 12 ||
[Analyze grammar]

yena vai kriyamāṇena tīrthe'smindvijasattama |
brahmahatyādipāpebhyo mucyate tadbravīhi me || 13 ||
[Analyze grammar]

vasiṣṭha uvāca |
yajñaṃ kuru mahābhāga dharmāraṇye tvamuttamam |
dinedine koṭiguṇaṃ yāvadvarṣaśataṃ bhavet || 14 ||
[Analyze grammar]

tacchrutvā caiva guruto yajñāraṃbhaṃ cakāra saḥ |
tasminnavasare sītā rāmaṃ vyajñāpayanmudā || 15 ||
[Analyze grammar]

svāminpūrvaṃ tvayā viprā vṛtā ye vedapāragāḥ |
brahmaviṣṇumaheśena nirmitā ye purā dvijāḥ || 16 ||
[Analyze grammar]

kṛte tretāyuge caiva dharmāraṇyanivāsinaḥ |
viprāṃstānvai vṛṇuṣva tvaṃ taireva sādhako'dhvaraḥ || 17 ||
[Analyze grammar]

tacchrutvā rāmadevena āhūtā brāhmaṇāstadā |
sthāpitāśca yathāpūrvamasminmohe rake pure || 18 ||
[Analyze grammar]

taistvaṣṭādaśasaṃkhyākaistraividyairmehivāḍavaiḥ |
yajñaṃ cakāra vidhivattairevāyatabuddhibhiḥ || 19 ||
[Analyze grammar]

kuśikaḥ kauśiko vatsa upamanyuśca kāśyapaḥ |
kṛṣṇātreyo bharadvājo dhāriṇaḥ śaunako varaḥ || 20 ||
[Analyze grammar]

māṃḍavyo bhārgavaḥ paiṃgyo vātsyo laugākṣa eva ca |
gāṃgāyanotha gāṃgeyaḥ śunakaḥ śaunakastathā || 21 ||
[Analyze grammar]

brahmovāca |
ebhirvipraiḥ kratuṃ rāmaḥ samāpya vidhivannṛpaḥ |
cakārāvabhṛthaṃ rāmo viprānsaṃpūjya bhaktitaḥ || 22 ||
[Analyze grammar]

yajñāṃte sītayā rāmo vijñaptaḥ suvinītayā |
asyādhvarasya saṃpattī dakṣiṇāṃ dehi suvrata || 23 ||
[Analyze grammar]

mannāmnā ca puraṃ tatra sthāpyatāṃ śīghrameva ca |
sītāyā vacanaṃ śrutvā tathā cakre nṛpottamaḥ || 24 ||
[Analyze grammar]

teṣāṃ ca brāhmaṇānāṃ ca sthānamekaṃ sunirbhayam |
dattaṃ rāmeṇa sītāyāḥ saṃtoṣāya mahībhṛtā || 25 ||
[Analyze grammar]

sītāpuramiti khyātaṃ nāma cakre tadā kila |
tasyādhidevyau varttete śāṃtā caiva sumaṃgalā || 26 ||
[Analyze grammar]

moherakasya purato grāmadvādaśakaṃ puraḥ |
dadau viprāya viduṣe samutthāya praharṣitaḥ || 27 ||
[Analyze grammar]

tīrthāṃtaraṃ jagāmāśu kāśyapīsaritastaṭe |
vāḍavāḥ ke'pi nītāste rāmeṇa saha dharmavit || 28 ||
[Analyze grammar]

dharmālaye gataḥ sadyo yatra mālā kamaṃḍaluḥ |
purā dharmeṇa sumahatkṛtaṃ yatra tapo mune || 29 ||
[Analyze grammar]

tadārabhya suvikhyātaṃ dharmālayamiti |
śrutam || dadau dāśarathistatra mahādānāni ṣoḍaśa || 30 ||
[Analyze grammar]

paṃcāśattadā grāmāḥ sītāpurasamanvitāḥ |
satyamaṃdiraparyaṃtā raghunā thena vai tadā || 31 ||
[Analyze grammar]

sītāyā vacanāttatra guruvākyena caiva hi |
ātmano vaṃśavṛddhyarthaṃ dvijebhyo'dādraghūttamaḥ || 32 ||
[Analyze grammar]

aṣṭādaśasahasrāṇāṃ dvijānāmabhavatkulam |
vātsyāyana upamanyurjātūkarṇyo'tha piṃgalaḥ || 33 ||
[Analyze grammar]

bhāradvājastathā vatsaḥ kauśikaḥ kuśa eva ca |
śāṃḍilyaḥ kaśyapaścaiva gautamaśchāṃdhanastathā || 34 ||
[Analyze grammar]

kṛṣṇātreyastathā vatso vasiṣṭho dhāraṇastathā |
bhāṃḍilaścaiva vijñeyo yauvanāśvastataḥ param || 35 ||
[Analyze grammar]

kṛṣṇāyanopamanyū ca gārgyamudgalamaukhakāḥ |
puśiḥ parāśaraścaiva kauṃḍinyaśca tataḥ param || 36 ||
[Analyze grammar]

paṃcapaṃcāśadgrāmāṇāṃ nāmānyevaṃ yathākramam |
sītāpuraṃ śrīkṣetraṃ ca muśalī mudgalī tathā || 37 ||
[Analyze grammar]

jyeṣṭhalā śreyasthānaṃ ca daṃtālī vaṭapatrakā |
rājñaḥ puraṃ kṛṣṇavāṭaṃ dehaṃ lohaṃ canasthanam || 38 ||
[Analyze grammar]

kohecaṃ caṃdanakṣetraṃ thalaṃ ca hastināpuram |
karpaṭaṃ kaṃnajahnavī vanoḍaphanaphāvalī || 39 ||
[Analyze grammar]

mohodhaṃ śamohoralī goviṃdaṇaṃ thalatyajam |
cāraṇasiddhaṃ sodgītrābhājyajaṃ vaṭamālikā || 40 ||
[Analyze grammar]

godharaṃ māraṇajaṃ caiva mātramadhyaṃ ca mātaram |
balavatī gaṃdhavatī īāmlī ca rājyajam || 41 ||
[Analyze grammar]

rūpāvalī bahudhanaṃ chatrīṭaṃ vaṃśaṃjaṃ tathā |
jāyāsaṃraṇaṃ gotikī ca citralekhaṃ tathaiva ca || 42 ||
[Analyze grammar]

dugdhāvalī haṃsāvalī ca vaiholaṃ caillajaṃ tathā |
nālāvalī āsāvalī suhālī kāmataḥ param || 43 ||
[Analyze grammar]

rāmeṇa paṃcapaṃcāśadgrāmāṇi vasanāya ca |
svayaṃ nirmāya dattāni dvijebhyastebhya eva ca || 44 ||
[Analyze grammar]

teṣāṃ śuśrūṣaṇārthāya vaiśyānrāmo nyave dayat |
ṣaṭtriṃśacca sahasrāṇi śūdrāstebhyaścaturguṇān || 45 ||
[Analyze grammar]

tebhyo dattāni dānāni gavāśvavasanāni ca |
hiraṇyaṃ rajataṃ tāmraṃ śraddhayā parayā mudā || 46 ||
[Analyze grammar]

nārada uvāca |
aṣṭādaśasahasrāste brāhmaṇā vedapāragāḥ |
kathaṃ te vyabhajangrāmāndrāmo tpannaṃ tathā vasu |
vastrādyaṃ bhūṣaṇādyaṃ ca tanme kathaya suvra tam || 47 ||
[Analyze grammar]

brahmovāca |
yajñāṃte dakṣiṇā yāvatsartvigbhiḥ svīkṛtā suta |
mahādānādikaṃ sarvaṃ tebhya eva samarpitam || 48 ||
[Analyze grammar]

grāmāḥ sādhāraṇā dattā mahāsthānāni vai tadā |
ye vasaṃti ca yatraiva tāni teṣāṃ bhavaṃtviti || 49 ||
[Analyze grammar]

vaśiṣṭhavacanāttatra grāmāste viprasātkṛtāḥ |
raghūdvahena dhīreṇa nodva saṃti yathā dvijāḥ || 50 ||
[Analyze grammar]

dhānyaṃ teṣāṃ pradattaṃ hi viprāṇāṃ cāmitaṃ vasu |
kṛtāṃjalistato rāmo brāhmaṇānidamabravīt || 51 ||
[Analyze grammar]

yathā kṛtayuge viprāstretāyāṃ ca yathā purā |
tathā cādyaiva varttavyaṃ mama rājye na saṃśayaḥ || 52 ||
[Analyze grammar]

yatkiṃciddhanadhānyaṃ vā yānaṃ vā vasanāni vā |
maṇayaḥ kāṃcanādīṃśca hemādīṃśca tathā vasu || 53 ||
[Analyze grammar]

tāmrādyaṃ rajatādīṃśca prārthayadhvaṃ mamādhunā |
adhunā vā bhaviṣye vābhyarthanīyaṃ yathocitam || 54 ||
[Analyze grammar]

preṣaṇīyaṃ vācikaṃ me sarvadā dvijasattamāḥ |
yaṃyaṃ kāmaṃ prārthayadhvaṃ taṃ taṃ dāsyāmyahaṃ vibho || 55 ||
[Analyze grammar]

tato rāmaḥ sevakādīnādarātpratyabhāṣata |
viprājñā nollaṃghanīyā seva nīyā prayatnataḥ || 56 ||
[Analyze grammar]

yaṃyaṃ kāmaṃ prārthayaṃte kārayadhvaṃ tatastataḥ |
evaṃ natvā ca viprāṇāṃ sevanaṃ kurute tu yaḥ || 57 ||
[Analyze grammar]

sa śūdraḥ svargamāpnoti dhanavānputravānbhavet |
anyathā nirdhanatvaṃ hi labhate nātra saṃśayaḥ || 58 ||
[Analyze grammar]

yavano mlecchajātīyo daityo vā rākṣasopi vā |
yotra vighnaṃ karotyeva bhasmībhavati tatkṣaṇāt || 59 ||
[Analyze grammar]

brahmovāca |
tataḥ pradakṣiṇīkṛtya dvijānrāmo'tiharṣitaḥ |
prasthānābhimukho viprairāśīrbhirabhinaṃditaḥ || 60 ||
[Analyze grammar]

āsīmāṃtamanuvrajya snehavyākulalocanāḥ |
dvijāḥ sarve vinirvṛttā dharmāraṇye vimohitāḥ || 61 ||
[Analyze grammar]

evaṃ kṛtvā tato rāmaḥ pratasthe svāṃ purīṃ prati |
kāśyapāścaiva gargāśca kṛtakṛtyā dṛḍhavratāḥ || 62 ||
[Analyze grammar]

gurvāsanasamāviṣṭāḥ sabhāryā sasuhṛtsutāḥ |
rājadhānīṃ tadā prāpa rāmo'yodhyāṃ guṇānvitām || 63 ||
[Analyze grammar]

dṛṣṭvā pramuditāḥ sarve lokāḥ śrīraghunandanam |
tato rāmaḥ sa dharmātmā prajāpālanatatparaḥ || 64 ||
[Analyze grammar]

sītayā saha dharmātmā rājyaṃ kurvaṃstadā sudhīḥ |
jānakyā garbhamādhatta ravivaṃśodbhavāya ca || 65 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye śrīrāmarudrakṛtadharmāraṇyatīrthakṣetrajīrṇoddhāravarṇanaṃ nāma pañcatriṃśo'dhyāyaḥ || 35 ||
[Analyze grammar]