Chapter 4

[English text for this chapter is available]

vyāsa uvāca |
ataḥ paraṃ pravakṣyāmi dharmarājasya ceṣṭitam |
yacchrutvā yamadūtānāṃ na bhayaṃ vidyate kvacit || 1 ||
[Analyze grammar]

dharmarājena sā dṛṣṭā varddhanī ca varāpsarā |
mahatyaraṇye kā hyeṣā sundarāṃgyatisundarī || 2 ||
[Analyze grammar]

nirmānuṣavanaṃ cedaṃ siṃhavyāghrabhayānakam |
āścaryaṃ paramaṃ jñātvā dharmarājo'bravīdidam || 3 ||
[Analyze grammar]

dharmarāja uvāca |
kasmāttvaṃ mānini hyekā vane carasi nirjane |
kasmātsthānātsamāyātā kasya patnī suśobhane || 4 ||
[Analyze grammar]

sutā tvaṃ kasya vāmoru atirūpavatī śubhā |
mānuṣī vātha gaṃdharvī amarī vātha kiṃnarī || 5 ||
[Analyze grammar]

apsarā pakṣiṇī vātha athavā vanadevatā |
rākṣasī vā khecarī vā kasya bhāryā ca tadvada || 6 ||
[Analyze grammar]

satyaṃ ca vada me subhrūrityāhārkasutastadā |
kimicchasi tvayā bhadre kiṃ kāryaṃ vā vadātra vai || 7 ||
[Analyze grammar]

yadicchasi tvaṃ vāmoru dadāmi tava vāṃchitam || 8 ||
[Analyze grammar]

varddhanyuvāca |
dharme tiṣṭhati sarvaṃ vai sthāvaraṃ jaṃgamaṃ vibho |
sa dharmo duṣkaraṃ karma kasmāttvaṃ kuruṣe'nagha || 9 ||
[Analyze grammar]

yama uvāca |
īśānasya ca yadrūpaṃ draṣṭumicchāmi bhāmini |
tenāhaṃ tapasā yuktaḥ śivayā saha śaṃkaram || 10 ||
[Analyze grammar]

yaśaḥ prāpsye sukhaṃ prāpsye karomi ca suduṣkaram |
yugeyuge mama khyātirbhavediti matirmama || 11 ||
[Analyze grammar]

kalpe kalpe mahākalpe bhūyaḥ khyātirbhavediti |
etasmātkāraṇātsubhrūstapyate paramaṃ tapaḥ || 12 ||
[Analyze grammar]

kasmāttvamāgatā bhadre kathayasva yathātathā |
kiṃ kāryaṃ kasya hetuśca satyamākhyātumarhasi || 13 ||
[Analyze grammar]

varddhanyuvāca |
tapasaiva tvayā dharma bhayabhīto divaspatiḥ |
tenāhaṃ noditā cātra tapovi ghnasya kāṃkṣayā || 14 ||
[Analyze grammar]

indrāsanabhayādbhītā hariṇā harisannidhau |
preṣitāhaṃ mahābhāga satyaṃ hi pravadāmyaham || 15 ||
[Analyze grammar]

sūta uvāca |
satyavākyena ca tadā toṣito ravinaṃdanaḥ |
uvācaināṃ mahābhāgyo varadohaṃ prayaccha me || 16 ||
[Analyze grammar]

yamo'haṃ sarvabhūtānāṃ duṣṭānāṃ karmakāriṇām |
dharma rūpo hi sarveṣāṃ manujānāṃ jitātmanām || 17 ||
[Analyze grammar]

sa dharmo'haṃ varārohe dadāmi tava durlabham |
tatsarvaṃ prārthaya tvaṃ me śīghraṃ cāpsarasāṃ vare || 18 ||
[Analyze grammar]

varddhanyuvāca |
indrasthāne sadā ramye susthiratvaṃ prayaccha me |
svāmindharmabhṛtāṃ śreṣṭha lokānāṃ ca hitāya vai || 19 ||
[Analyze grammar]

yama uvāca |
evamastviti tāṃ prāha cānyaṃ varaya satvaram |
dadāmi varamutkṛṣṭaṃ gānena toṣitosmyaham || 20 ||
[Analyze grammar]

varddhanyuvāca |
asminsthāne mahākṣetre mama tīrthaṃ mahāmate |
bhūyācca sarvapāpaghnaṃ mannāmneti ca viśrutam || 21 ||
[Analyze grammar]

tatra dattaṃ hutaṃ taptaṃ paṭhitaṃ vā'kṣayaṃ bhavet |
pañcarātraṃ niṣeveta varddhamānaṃ sarovara m || 22 ||
[Analyze grammar]

pūrvajāstasya tuṣyeraṃstarpyamāṇā dinedine |
tathetyuktvā tu tāṃ dharmo maunamācaṣṭa saṃsthitaḥ |
triḥparikramya taṃ dharmaṃ namaskṛtya divaṃ yayau || 23 ||
[Analyze grammar]

varddhanyuvāca |
mā bhayaṃ kuru deveśa yamasyārkasutasya ca |
ayaṃ svārthaparo dharma yaśase ca samācaret || 24 ||
[Analyze grammar]

vyāsa uvāca |
varddhanī pūjitā tena śakreṇa ca śubhānanā |
sādhusādhu mahābhāge devakārya kṛtaṃ tvayā || 25 ||
[Analyze grammar]

nirbhayatvaṃ varāgehe sukhavāsaśca te sadā |
yaśaḥ saukhyaṃ śriyaṃ ramyāṃ prāpsyasi tvaṃ śubhānane || 26 ||
[Analyze grammar]

tatheti devāstāmūcurnirbhayānaṃdacetasā |
namaskṛtya ca śakraṃ sā gatā sthānaṃ svakaṃ śubham || 27 ||
[Analyze grammar]

sūta uvāca |
gatepsarasi rājendra dharmastasthau yathāvidhi |
tapastepe mahāghoraṃ viśvasyodvegadāyakam || 28 ||
[Analyze grammar]

paṃcāgnisā dhanaṃ śukre māsi sūryeṇa tāpite |
cakre suduḥsahaṃ rājandevairapi durāsadam || 29 ||
[Analyze grammar]

tato varṣaśate pūrṇe antako maunamāsthitaḥ |
kāṣṭhabhūta ibhavātasthau valmīkaśatasaṃvṛtaḥ || 30 ||
[Analyze grammar]

nānāpakṣigaṇaistatra kṛtanīḍaiḥ sa dharmarāṭ |
upaviṣṭe vrataṃ rājandṛśyate naiva kutracit || 31 ||
[Analyze grammar]

saṃsmaraṃto'tha deveśa mumāpatimaniṃditam |
tato devāḥ sagandharvā yakṣāścodvignamānasāḥ |
kailāsaśikharaṃ bhūya ājagmuḥ śivasannidhau || 32 ||
[Analyze grammar]

devā ūcuḥ |
trāhitrāhi mahādeva śrīkaṇṭha jagataḥ pate |
trāhi no bhūtabhavyeśa trāhi no vṛṣabhadhvaja |
dayālustvaṃ kṛpānātha nirvighnaṃ kuru śaṃkara || 33 ||
[Analyze grammar]

īśvara uvāca |
kenāparādhitā devāḥ kena vā mānamardditāḥ |
martye svarge'thavā nāge śīghraṃ kathaya tāciram || 34 ||
[Analyze grammar]

anenaiva triśūlena khaṭvāṃgenāthavā punaḥ |
atha pāśupatenaiva nihaniṣyāmi taṃ raṇe |
śīghraṃ vai vadatāsmāka matrāgamanakāraṇam || 35 ||
[Analyze grammar]

devā ūcuḥ |
kṛpāsindho hi deveśa jagadānandakāraka |
na bhayaṃ mānuṣādadya na nā gāddevadānavāt || 36 ||
[Analyze grammar]

martyaloke mahādeva pretanātho mahākṛtiḥ |
ātmakāryaṃ mahāghoraṃ kleśayediti niścayaḥ || 37 ||
[Analyze grammar]

ugreṇa tapasā kṛtvā kliśyadātmānamātmanā |
tenātra vayamudvignā devāḥ sarve sadāśiva |
śaraṇaṃ tvāmanuprāptā yadicchasi kuruṣva tat || 38 ||
[Analyze grammar]

sūta uvāca |
devānāṃ vacanaṃ śrutvā vṛṣārūḍho vṛṣadhvajaḥ |
āyudhānparisaṃgṛhya kavacaṃ sumanoharam |
gatavānatha taṃ deśaṃ yatra dharmo vyavasthitaḥ || 39 ||
[Analyze grammar]

īśvara uvāca |
anena tapasā dharma saṃtuṣṭaṃ mama mānasam |
varaṃ brūhi varaṃ brūhi varaṃ brūhītyuvāca ha || 40 ||
[Analyze grammar]

icchase tvaṃ yathā kāmā nyathā te manasi sthitān |
yaṃyaṃ prārthayase bhadra dadāmi tava sāṃpratam || 41 ||
[Analyze grammar]

sūta uvāca |
evaṃ saṃbhāṣamāṇaṃ tu dṛṣṭvā devaṃ maheśvaram |
valmīkādutthito rājangṛhītvā karasaṃpuṭam |
tuṣṭāva vacanaiḥ śuddhairlokanāthamariṃdam || 42 ||
[Analyze grammar]

dharma uvāca |
īśvarāya namastubhyaṃ namaste yogarūpiṇe |
namaste tejorūpāya nīlakaṃṭha namo'stu te || 43 ||
[Analyze grammar]

dhyātṝṇāmanurūpāya bhaktigamyāya te namaḥ |
namaste brahmarūpāya viṣṇurūpa namo' stu te || 44 ||
[Analyze grammar]

namaḥ sthūlāya sūkṣmāya aṇurūpāya vai namaḥ |
namaste kāmarūpāya sṛṣṭisthityaṃtakāriṇe || 45 ||
[Analyze grammar]

namo nityāya saumyāya mṛḍāya haraye namaḥ |
ātapāya namastubhyaṃ namaḥ śītakarāya ca || 46 ||
[Analyze grammar]

sṛṣṭirūpa namastubhyaṃ lokapāla namo'stu te |
nama ugrāya bhīmāya śāṃta rūpāya te namaḥ || 47 ||
[Analyze grammar]

namaścānaṃtarūpāya viśvarūpāya te namaḥ |
namo bhasmāṃgaliptāya namaste caṃdraśekhara |
namo'stu paṃcavaktrāya trinetrāya namo'stu te || 48 ||
[Analyze grammar]

namaste vyālabhūṣāya kakṣāpaṭadharāya ca |
namoṃ'dhakavināśāya dakṣapāpāpahāriṇe |
kāmanirddāhine tubhyaṃ tripurāre namo'stu te || 49 ||
[Analyze grammar]

catvāriṃśacca nāmāni mayoktāni ca yaḥ paṭhet |
śucirbhūtvā trikālaṃ tu paṭhedvā śṛṇuyādapi || 50 ||
[Analyze grammar]

goghnaścaiva kṛtaghnaśca surāpo guruta lpagaḥ |
brahmahā hemahārī ca hyathavā vṛṣalīpatiḥ || 51 ||
[Analyze grammar]

strībālaghātakaścaiva pāpī cānṛtabhāṣaṇaḥ |
anācārī tathā steyī paradārābhigastathā |
akāryakārī kṛtyaghno brahmadviḍvāḍavādhamaḥ || 53 ||
[Analyze grammar]

sūta uvāca |
ityevaṃ bahubhirvākyairdharmarājena vai muhuḥ |
īḍito'pi mahadbhaktyā praṇamya śirasā svayam || 54 ||
[Analyze grammar]

tuṣṭaḥ śaṃbhustadā tasmā uvācedaṃ vacaḥ śubham |
varaṃ vṛṇu mahābhāga yatte manasi varttate || 55 ||
[Analyze grammar]

yama uvāca |
yadi tuṣṭo'si deveśa dayāṃ kṛtvā mamopari |
taṃ kuruṣva mahābhāga trailokyaṃ sacarācaram || 56 ||
[Analyze grammar]

mannāmnā sthānametaddhi khyātaṃ loke bhavediti |
acchedyaṃ cāpyabhedyaṃ ca puṇyaṃ pāpapraṇāśanam || 57 ||
[Analyze grammar]

sthānaṃ kuru mahādeva yadi tuṣṭo'si me bhava |
śivena sthānakaṃ dattaṃ kāśītulyaṃ tadā nṛpa |
taddattvā ca punaḥ prāha anyaṃ varaya sattama || 58 ||
[Analyze grammar]

dharma uvāca |
yadi tuṣṭo'si deveśa dayāṃ kṛtvā mamopari |
taṃ kuruṣva mahābhāga trailokyaṃ sacarācaram |
vareṇaivaṃ yathā khyātiṃ gamiṣyāmi yugeyuge || 59 ||
[Analyze grammar]

īśvara uvāca |
brūhi kīnāśa tatsarvaṃ prakaromi tavepsitam |
tapasā toṣito'haṃ vai dadāmi varamīpsitam || 60 ||
[Analyze grammar]

yama uvāca |
yadi me vāṃchitaṃ deva dadāsi tarhi śaṃkara |
asminsthāne mahākṣetre mannāmā bhava sarvadā || 61 ||
[Analyze grammar]

dharmāraṇyamiti khyātistrailokye sacarācare |
yathā saṃjāyate deva tathā kuru maheśvara || 62 ||
[Analyze grammar]

īśvara uvāca |
dharmāraṇyamidaṃ khyātaṃ sadā bhūyādyugeyuge |
tvannāmnā sthāpitaṃ deva khyātimetadgamiṣyati |
athānyadapi yatkiṃcitkaromyeṣa vadasva tata || 63 ||
[Analyze grammar]

yama uvāca |
yojanadvayavistīrṇaṃ mannāmnā tīrthamuttamam |
mukteśca śāśvataṃ sthānaṃ pāvanaṃ sarvadehinām || 64 ||
[Analyze grammar]

makṣikāḥ kīṭakāścaiva paśupakṣimṛgādayaḥ |
pataṃgā bhūtavetālā piśācoragarākṣasāḥ || 65 ||
[Analyze grammar]

nārī vātha naro vātha matkṣetre dharmasaṃjñake |
tyajate yaḥ priyānprāṇānmuktirbhavatu śāśvatī || 66 ||
[Analyze grammar]

evamastviti sarvopi devā brahmādayastathā |
puṣpavṛṣṭiṃ prakurvāṇāḥ paraṃ harṣamavā्pnuyuḥ || 67 ||
[Analyze grammar]

devaduṃdubhayo nedurgaṃdharvapatayo jaguḥ |
vavuḥ puṇyāstathā vātā nanṛtuścāpsaro gaṇāḥ || 68 ||
[Analyze grammar]

sūta uvāca |
yamena tapasā bhaktyā toṣito hi sadāśivaḥ |
uvāca vacanaṃ devaṃ ramyaṃ sādhumanoramam || 69 ||
[Analyze grammar]

anujñāṃ dehi me tāta yathā gacchāmi satvaram |
kailāsaṃ parvataśreṣṭhaṃ devānāṃ hitakāmyayā || 70 ||
[Analyze grammar]

yama uvāca |
na me sthānaṃ parityaktuṃ tvayā yuktaṃ maheśvara |
kailāsādadhikaṃ deva jāyate vacanādidam || 71 ||
[Analyze grammar]

śiva uvāca |
sādhu proktaṃ tvayā yuktamekāṃśenātra me sthitiḥ |
na mayā tyajitaṃ sādhu sthānaṃ tava sunirmalam || 72 ||
[Analyze grammar]

viśveśvaraṃ mahāliṃgaṃ mannāmnātra bhaviṣyati |
evamuktvā mahādevastatraivāṃtaradhīyata || 73 ||
[Analyze grammar]

śivasya vacanāttatra tadā liṃgaṃ tadadbhutam |
taṃ dṛṣṭvā ca suraistatra yathānāmānukīrttanam || 74 ||
[Analyze grammar]

svaṃsvaṃ liṃgaṃ tadā sṛṣṭaṃ dharmāraṇye surottamaiḥ |
yasya devasya yalliṃgaṃ tannāmnā parikīrtitam || 75 ||
[Analyze grammar]

sūta uvāca |
dharmeṇa sthāpitaṃ liṃgaṃ dharmeśvaramupasthitam |
smaraṇātpūjanāttasya sarvapāpaiḥ pramucyate || 76 ||
[Analyze grammar]

yadbrahma yogināṃ gamyaṃ sarveṣāṃ hṛdaye sthitam |
tiṣṭhate yasya liṃgaṃ tu svayaṃbhuvamiti sthitam || 77 ||
[Analyze grammar]

bhūtanāthaṃ ca saṃpūjya vyādhibhirmucyate janaḥ |
dharmavāpīṃ tataścaiva cakre tatra manoramām || 78 ||
[Analyze grammar]

āhatya koṭitīrthānāṃ jalaṃ vāpyāṃ mumoca ha |
yamatīrthasvarūpaṃ ca snānaṃ kṛtvā manoramam || 79 ||
[Analyze grammar]

snānārthaṃ devatānāṃ ca ṛṣīṇāṃ bhāvitātmanām |
tatra snātvā ca pītvā ca sarvapāpaiḥ pramucyate || 80 ||
[Analyze grammar]

dharmavāpyāṃ naraḥ snātvā dṛṣṭvā dharmeśvaraṃ śivam |
mucyate sarvapāpebhyo na māturgarbhamāviśet || 81 ||
[Analyze grammar]

tatra snātvā naro yastu karoti yamatarpaṇam |
vyādhidoṣavināśārthaṃ kleśadoṣopa śāṃtaye |
yamāya dharmarājāya mṛtyave cāṃtakāya ca |
vaivasvatāya kālāya dadhnāya parameṣṭhine || 82 ||
[Analyze grammar]

vṛkodarāya vṛkāya dakṣiṇeśāya te namaḥ |
nīlāya citraguptāya citra vaicitra te namaḥ || 83 ||
[Analyze grammar]

yamārthaṃ tarpaṇaṃ yo vai dharmavāpyāṃ kariṣyati |
sākṣatairnāmabhiścaitaistasya nopadravo bhavet || 84 ||
[Analyze grammar]

ekāṃtarastṛtīyastu jvaraścāturthikastathā |
velāyāṃ jāyate yastu jvaraḥ śītajvarastathā || 85 ||
[Analyze grammar]

pīḍayanti na caitasya yasyaivo matirīdṛśī |
revatyādigrahā doṣā ḍākinī śākinī tathā || 66 ||
[Analyze grammar]

dhanadhānyasamṛddhiḥ syātsaṃtatirvardhate sadā |
bhūteśvaraṃ tu saṃpūjya susnāto vijiteṃdriyaḥ || 87 ||
[Analyze grammar]

sāṃgaṃ rudrajapaṃ kṛtvā vyādhidoṣātpramucyate |
amāvāsyāṃ somadine vyatīpāte ca vaidhṛtau |
saṃkrāṃtau grahaṇe caiva tatra śrāddhaṃ smṛtaṃ nṛṇām || 88 ||
[Analyze grammar]

śrāddhaṃ kṛtaṃ tena samāḥ sahasraṃ nirasya caitatpitarastvadaṃti |
pānīyamevāpi tilairvimiśritaṃ dadāti yo vai prathito manuṣyaḥ || 89 ||
[Analyze grammar]

ekaviṃśativāraistu gayāyāṃ piṃḍadānataḥ |
dharmeśvare sakṛddattaṃ pitṝṇāṃ cākṣayaṃ bhavet || 90 ||
[Analyze grammar]

dharmeśātpaścime bhāge viśveśvarāṃtarepi vā |
dharmavāpīti vikhyātā svargasopānadāyinī || 91 ||
[Analyze grammar]

dharmeṇa nirmitā pūrvaṃ śivārthaṃ dharmabuddhinā |
tatra snātvā ca pītvā ca tarpitāḥ pitṛdevatāḥ || 92 ||
[Analyze grammar]

śamīpatrapramāṇaṃ tu piṃḍaṃ dadyācca yo naraḥ |
dharmavāpyāṃ mahāpuṇyāṃ garbhavāsaṃ na cāpnuyāt || 93 ||
[Analyze grammar]

kumbhīpākānmahāraudrādrauravānnarakātpunaḥ |
aṃdhatāmisrakādrājanmucyate nātra saṃśayaḥ || 94 ||
[Analyze grammar]

sūta uvāca |
ekavarṣaṃ tarpaṇīyaṃ dharmavāpyāṃ narottamaḥ |
ṛtau māse ca pakṣe ca viparītaṃ ca jāyate || 95 ||
[Analyze grammar]

barhiṣado'gniṣvāttāśca ājyapāḥ somapāstathā |
tṛptiṃ prayāṃti paramāṃ vāpyāṃ vai tarpaṇena tu || 96 ||
[Analyze grammar]

kurukṣetrādi kṣetrāṇi ayodhyādipurastathā |
puṣkarādyāni sarvāṇi muktināmāni saṃti vai || 97 ||
[Analyze grammar]

tāni sarvāṇi tulyāni dharmakūpo'dhiko bhavet |
mantro vedāstathā yajñā dānāni ca vratāni ca || 98 ||
[Analyze grammar]

akṣayāṇi prajāyaṃte dattvā japtvā nareśvara |
abhicārāśca ye cānye susiddhātharvavedajāḥ || 99 ||
[Analyze grammar]

te sarve siddhimāyāṃti tasminsthāne kṛtā api |
āditīrthaṃ nṛpaśreṣṭha kājeśairupasevitam || 100 ||
[Analyze grammar]

siddhisthānaṃ susaumyaṃ ca brahmādyairapi sevi tam |
kṛte tu yugaparyaṃtaṃ tretāyāṃ lakṣapañcakam || 1 ||
[Analyze grammar]

dvāpare lakṣamekaṃ tu dinaikena phalaṃ kalau |
etaduktaṃ mayā brahmandharmāraṇyasya varṇanam |
phalaṃ caivātra sarvaṃ hi uktaṃ dvaipāyanena tu || 2 ||
[Analyze grammar]

sūta uvāca |
ataḥ paraṃ pravakṣyāmi dharmavākyaṃ manoramam |
devānāṃ hitakāmāya ājñāpya ca yaduktavān || 3 ||
[Analyze grammar]

dharma uvāca |
asminkṣetre prakurvaṃti viṣṇumāyāvimohitāḥ |
pāradāryaṃ mahāduṣṭaṃ svarṇasteyādikaṃ tathā || 4 ||
[Analyze grammar]

anyacca vikṛtaṃ sarvaṃ kurvāṇo narakaṃ vrajet |
anyakṣetre kṛtaṃ pāpaṃ dharmāraṇye vinaśyati || 5 ||
[Analyze grammar]

dharmāraṇye kṛtaṃ pāpaṃ vajralepo bhaviṣyati |
yathā puṇyaṃ tathā pāpaṃ yatkiṃcicca śubhāśubham || 6 ||
[Analyze grammar]

tatsarvaṃ varddhate nityaṃ varṣāṇi śatamityuta |
kāmināṃ kāmadaṃ puṇya yogināṃ muktidāyakam || 7 ||
[Analyze grammar]

siddhānāṃ siddhidaṃ proktaṃ dharmāraṇyaṃ tu sarvadā |
aputro labhate putrānnirdhano dhanavānbhavet || 8 ||
[Analyze grammar]

etadākhyānakaṃ puṇyaṃ dharmeṇa kathitaṃ purā |
yaḥ śṛṇoti naro bhaktyā nārī vā śrāvayettu yaḥ |
gosahasraphalaṃ tasya aṃte haripuraṃ brajet || 109 ||
[Analyze grammar]