Chapter 3

[English text for this chapter is available]

| vyāsa uvāca |
śrūyatāṃ nṛpaśārdūla kathāṃ paurāṇikīṃ śubhām |
yāṃ śrutvā sarvapāpebhyo mucyate nātra saṃśayaḥ || 1 ||
[Analyze grammar]

ekadā dharmarājo vai tapastepe suduṣkaram |
brahmaviṣṇumaheśādyairjalavarṣāṃtapādiṣāṭ || 2 ||
[Analyze grammar]

ādau tretāyuge rājanvarṣāṇāmayutatrayam |
madhyevanaṃ tapasyaṃtamaśokatarumūlagam || 3 ||
[Analyze grammar]

śuṣkasnāyupinaddhāsthisaṃcayaṃ niścalākṛtim |
valmīkakīṭikākoṭiśoṣitāśeṣaśoṇitam || 4 ||
[Analyze grammar]

nirmāṃsakīkasacayaṃ sphaṭikopalaniścalam |
śaṃkhakudeṃdutahinamahāśaṃkhalasacchriyam || 5 ||
[Analyze grammar]

sattvāvalaṃbitaprāṇamāyuḥśeṣeṇa rakṣitam |
niśvāsocchvāsa pavanavṛttisūcitajīvitam || 6 ||
[Analyze grammar]

nimeṣonmeṣasaṃcārapaśunīkṛtajantukam |
piśaṃgitasphuradraśminetradīpitadiṅmukham || 7 ||
[Analyze grammar]

tattapogniśikhādāva cuṃbitamlānakānanam |
tacchāṃtyudasudhāvarṣasaṃsiktākhilabhūruhama || 8 ||
[Analyze grammar]

sākṣāttapasyaṃtamiva tapo dhṛtvā narākṛtim |
nirākṛtiṃ nirākāśaṃ kṛtvā bhaktiṃ ca kāṃcanam || 9 ||
[Analyze grammar]

kuraṃgaśāvairgaṇaśo bhramadbhiḥ parivāritam |
ninādabhīṣaṇāsyaiśca vanajaiḥ parirakṣitam || 10 ||
[Analyze grammar]

etādṛśaṃ mahābhīmaṃ dṛṣṭvā devāḥ savāsavāḥ |
dhyāyaṃtaṃ ca mahādevaṃ sarveṣāṃ cābhayapradam || 11 ||
[Analyze grammar]

brahmādyā daivatā sarve kailāsaṃ prati jagmire |
pārijātatarucchāyāmāsīnaṃ ca sahomayā || 12 ||
[Analyze grammar]

nadirbhṛṃgirmahākālastathānye ca mahāgaṇāḥ |
skandasvāmī ca bhagavāngaṇapaśca tathaiva ca |
tatra devāḥ sabrahmādyāḥ svasvasthāneṣu tasthire || 13 ||
[Analyze grammar]

brahmovāca |
namostvanaṃtarūpāya nīlaśca namo'stu te |
avijñātasvarūpāya kaivalyāyāmṛtāya ca || 14 ||
[Analyze grammar]

nāṃtaṃ devā vijānaṃti yasya tasmai namonamaḥ |
yaṃ na vācaḥ praśaṃsaṃti namastasmai cidātmane || 15 ||
[Analyze grammar]

yogino yaṃ hṛdaḥ kośe praṇidhānena niścalāḥ |
jyotīrūpaṃ prapaśyati tasmai śrībrahmaṇe namaḥ || 16 ||
[Analyze grammar]

kālātparāya kālāya svecchayā puruṣāya ca |
guṇatrayasvarūpāya namaḥ prakṛtirūpiṇe || 17 ||
[Analyze grammar]

viṣṇave sattvarūpāya rajorūpāya vedhase |
tamorūpāya rudrāya sthitisargāṃtakāriṇe || 18 ||
[Analyze grammar]

namo buddhisvarūpāya tridhāhaṃkārarūpiṇe |
paṃcatanmātrarūpāya namaḥ prakṛtirūpiṇe || 19 ||
[Analyze grammar]

namo namaḥ svarūpāya paṃcabuddhīṃdriyātmane |
kṣityādipaṃcarūpāya namaste viṣayātmane || 20 ||
[Analyze grammar]

namo brahmāṃḍarūpāya tadaṃtarvartine namaḥ |
arvācīnaparācīnaviśvarūpāya te namaḥ || 21 ||
[Analyze grammar]

anityanityarūpāya sadasatpataye namaḥ |
namaste bhaktakṛpayā svecchāvi ṣkṛtavigraha || 22 ||
[Analyze grammar]

tava niśvasitaṃ vedāstava vedo'khilaṃ jagat |
viśvābhūtāni te pādaḥ śiro dyauḥ samavartata || 23 ||
[Analyze grammar]

nābhyā āsīdaṃtarikṣaṃ lomāni ca vanaspatiḥ |
caṃdramā manaso jātaścakṣoḥ sūryastava prabho || 24 ||
[Analyze grammar]

tvameva sarvaṃ tvayi deva sarvaṃ sarvastuti stavya iha tvameva |
īśa tvayā vāsyamidaṃ hi sarvaṃ namo'stu bhūyo'pi namo namaste || 25 ||
[Analyze grammar]

iti stutvā mahādevaṃ nipeturdaṃḍavatkṣitau |
pratyuvāca tadā śaṃbhurvarado'smi kimicchati || 26 ||
[Analyze grammar]

mahādeva uvāca |
kathaṃ vyagrāḥ surāḥ sarve bṛhaspatipurogamāḥ |
tatsamācakṣva māṃ brahmanbhavatāṃ duḥkhakāraṇam || 27 ||
[Analyze grammar]

brahmovāca |
nīlakaṃṭha mahādeva duḥkhanāśābhayaprada |
śṛṇu tvaṃ duḥkhamasmākaṃ bhavato yadvadāmyaham || 28 ||
[Analyze grammar]

dharmarājo'pi dharmātmā tapastepe suduḥsaham |
na jāne'sau kimicchati devānāṃ padamuttamam || 29 ||
[Analyze grammar]

tena trastāstattapasā sarva iṃdrapurogamāḥ |
bhavatoṃghrau cireṇaiva manastena samarpitam |
tamutthāpaya deveśa kimicchati sa dharmarāṭ || 30 ||
[Analyze grammar]

īśvara uvāca |
bhavatāṃ nāsti nu bhayaṃ dharmātsatyaṃ bravīmyaham || 31 ||
[Analyze grammar]

tata utthāya te sarve devāḥ saha divaukasaḥ |
rudraṃ pradakṣiṇīkṛtya namaskṛtvā punaḥpunaḥ || 32 ||
[Analyze grammar]

indreṇa sahitāḥ sarve kailātpunarāgatāḥ |
svasvasthāne tadā śīghraṃ gatāḥ sarve divaukasaḥ || 33 ||
[Analyze grammar]

indro'pi vai sudharmāyāṃ gatavānprabhurīśvaraḥ |
na nidrāṃ labdhavāṃstatra na sukhaṃ na ca nirvṛtim || 34 ||
[Analyze grammar]

manasā ciṃtayāmāsa vighnaṃ me samupasthitam |
avāpa mahatīṃ citāṃ tadā devaḥ śacīpatiḥ || 35 ||
[Analyze grammar]

mama sthānaṃ parāhartuṃ stapastepe suduścaram |
sarvāndevānsamāhūya idaṃ vacanamabravīt || 36 ||
[Analyze grammar]

indra uvāca |
śṛṇvaṃtu devatāḥ sarvā mama duḥkhasya kāraṇam |
duḥkhena mama yallabdhaṃ tatkiṃ vā prārthayedyamaḥ |
bṛhaspatiḥ samālokya sarvānde vānathābravīt || 37 ||
[Analyze grammar]

bṛhaspatiruvāca |
tapase nāsti sāmarthyaṃ vighnaṃ kartuṃ divaukasaḥ |
urvaśyādyā samāhūya saṃpreṣyaṃtāṃ ca tatra vai || 38 ||
[Analyze grammar]

tāsāmākāraṇārthāya pratidvāraṃ pratasthivān |
sa gatvā tāḥ samādāya sabhāyāṃ śīghramāyayau || 39 ||
[Analyze grammar]

āgatāstā hariḥ prāha mahatkāryamupasthitam |
gacchantu tvaritāḥ sarvā dharmāraṇyaṃ prati drutam || 40 ||
[Analyze grammar]

yatra vai dharmarājosau tapaścakre suduṣkaram |
hāsyabhāvakaṭākṣaiśca gītanṛtyādibhistathā || 41 ||
[Analyze grammar]

taṃ lobhayadhvaṃ yaminaṃ tapaḥsthānāccyutirbhavet |
devasya vacanaṃ śrutvā tathā apsarasāṃ gaṇāḥ || 42 ||
[Analyze grammar]

mithaḥ saṃrebhire kartuṃ vicārya ca parasparam |
dharmāraṇyaṃ pratasthesāvurvaśī svarvarāṃganā || 43 ||
[Analyze grammar]

tuṣṭuvuḥ puṣpavarṣāśca sasṛjustacchirasyamī |
tatastu devairvipraiśca stūyamānaḥ samaṃtataḥ || 44 ||
[Analyze grammar]

niryayau paramaprītyā vanaṃ paramapāvanam |
bilvārkakhadirākīrṇaṃ kapitthadhavasaṃkulam || 45 ||
[Analyze grammar]

na sūryo bhāti tatraiva mahāṃdhakāra saṃyutam |
nirjanaṃ nirmanuṣyaṃ ca bahuyojanamāyatam || 46 ||
[Analyze grammar]

mṛgaiḥ siṃhairvṛtaṃ ghoreranyaiścāpi vanecaraiḥ |
puṣpitaiḥ pādapaiḥ kīrṇaṃ sumanoharaśādvalam || 47 ||
[Analyze grammar]

vipulaṃ madhurānādairnāditaṃ vihagaistathā |
puṃskokilaninādāḍhyaṃ jhillīkagaṇanāditam || 48 ||
[Analyze grammar]

pravṛddhavikaṭairvṛkṣaiḥ sukhacchāyaiḥ samāvṛtam || |
vṛkṣairācchāditatalaṃ lakṣmyā paramayā yutam || 49 ||
[Analyze grammar]

nāpuṣpaḥ pādapaḥ kaścinnāphalo nāpi kaṃṭakī |
ṣaṭpadairapyanākīrṇaṃ nāsminvai kānanebhavet || 50 ||
[Analyze grammar]

vihaṃgairnāditaṃ puṣpairalaṃkṛtamatīva hi |
sarvartukusamairvṛkṣaiḥ sukhacchāyaiḥ samāvṛtam || 51 ||
[Analyze grammar]

mārutākalitāstatra drumāḥ kusumaśākhinaḥ |
puṣpavṛṣṭiṃ vicitrāṃ tu visṛjaṃti ca pādapāḥ || 52 ||
[Analyze grammar]

divaspṛśo'tha saṃpuṣṭāḥ pakṣibhirmadhurasvanaiḥ |
virejuḥ pādapāstatra sugandhakusumairvṛtāḥ || 53 ||
[Analyze grammar]

tiṣṭhaṃti ca pravāleṣu puṣpabhārāvanādiṣu |
ruvaṃti madhurālāpāḥ ṣaṭpadā madhulipsavaḥ || 54 ||
[Analyze grammar]

tatra pradeśāṃśca bahūnāmodāṃkuramaṃḍitān |
latāgṛha parikṣiptānmanasaḥ prītivarddhanān || 55 ||
[Analyze grammar]

saṃpaśyaṃtī mahātejā babhūva muditā tadā |
parasparāśliṣṭaśākhaiḥ pādapaiḥ kusamācitaiḥ || 56 ||
[Analyze grammar]

aśobhata vanaṃ tattu maheṃdradhvajasannibhaiḥ |
sukhaśītasugandhī ca puṣpareṇuvaho'nilaḥ || 57 ||
[Analyze grammar]

evaṃguṇasamāyuktaṃ dadarśa sā vanaṃ tadā |
tadā sūryodbhavāṃ tatra pavitrāṃ pariśobhitām || 58 ||
[Analyze grammar]

āśramapravaraṃ tatra dadarśa ca manoramam |
patibhirvālakhilyaiśca vṛtaṃ munigaṇā vṛtam || 59 ||
[Analyze grammar]

agnyagāraiśca bahubhirvṛkṣaśākhāvalaṃbitaiḥ |
dhūgamrapānakaṇaistatra digvāsoyatibhistathā || 60 ||
[Analyze grammar]

pālyā vanyā mṛgāstatra saumyā bhūyo babhūvire |
mārjārā mūṣakaistatra sarpaiśca nakulāstathā || 61 ||
[Analyze grammar]

mṛgaśāvaistathā siṃhāḥ sattvarūpā babhūvire |
parasparaṃ cikrīḍuste yathā caiva sahodarāḥ |
dūrāddadarśa ca vanaṃ tatra devo'bravīttadā || 62 ||
[Analyze grammar]

indra uvāca |
ayaṃ ca khalu dharmarāḍ tapastugrevatiṣṭhate |
mama rājyābhikāṃkṣo'sāvatorthe yatyatāmiha || 63 ||
[Analyze grammar]

tapovighnaṃ prakurvaṃtu mamājñā tatra gamyatām |
indrasya vacanaṃ śrutvā urvaśī ca tilottamā || 64 ||
[Analyze grammar]

sukeśī maṃjughoṣā ca ghṛtācī menakā tathā |
viśvācī caiva raṃbhā ca pramlocā cārubhāṣiṇī || 65 ||
[Analyze grammar]

pūrvacittiḥ surūpā ca anumlocā yaśasvinī |
etāścānyāśca bahuśastatra saṃsthā vyaciṃtayan || 66 ||
[Analyze grammar]

parasparaṃ vilokyaiva śaṃkamānā bhayena hi |
yamaścaiva tathā śakra ubhau vāyatanaṃ hi vaḥ || 67 ||
[Analyze grammar]

evaṃ vicārya bahudhā varddhanī nāma bhārata |
sarvāsāmapsarasāṃ śreṣṭhā sarvābharaṇabhūṣitā || 68 ||
[Analyze grammar]

uvācaivorvaśī tatra kiṃ khidyasi śubhānane |
devānāṃ kāryasiddhyarthaṃ māyārūpabalena ca |
varṇadharmo yathā bhūyātkariṣye pākaśāsana || 69 ||
[Analyze grammar]

indra uvāca |
sādhusādhu mahābhāge varddhanī nāma suvratā |
śīghraṃ gaccha svayaṃ bhadre kuru kāryaṃ kṛśodari || 70 ||
[Analyze grammar]

dhīrāṇāmavane śaktā nānyā subhru tvayā vinā |
varddhanī ca tathetyuktvā gatā yatra sa dharmarāṭ || 71 ||
[Analyze grammar]

mahatā bhūṣaṇenaiva rūpaṃ kṛtvā manoramam |
kuṃkumaiḥ kajjalairvastrairbhūṣaṇaiścaiva bhūṣitā || 72 ||
[Analyze grammar]

kusumaṃ ca tathā vastraṃ kiṃkiṇīkaṭirājitā |
jhaṇatkāraistathā kaṣṭairbhūṣitā ca padadvaye || 73 ||
[Analyze grammar]

nānābhūṣaṇabhūṣāḍhyā nānācaṃdanacarcitā |
nānākusuma mālāḍhyā dukūlenāvṛtā śubhā || 74 ||
[Analyze grammar]

pragṛhya vīṇāṃ saṃśuddhāṃ kare sarvāṃgasundarī |
nartanaṃ trividhaṃ tatra cakre lokamanoramam || 75 ||
[Analyze grammar]

tārasvareṇa madhurairvaṃśanādena miśritam || 76 ||
[Analyze grammar]

mūrcchanātālasaṃyuktaṃ taṃtrīlayasamanvitam |
kṣaṇena sahasā devo dharmarājo jitātmavān |
vimanāḥ sa tadā jāto dharmarājo nṛpātmajaḥ || 77 ||
[Analyze grammar]

yudhiṣṭhira uvāca |
āścaryaṃ paramaṃ brahmañjātaṃ me brahmasattama |
kathaṃ brahmopapannasya tapaśchedo babhūva ha || 78 ||
[Analyze grammar]

dharme dharā ca nākaśca dharme pātālameva ca |
dharme caṃdrārkamāpaśca dharme ca pavano'nalaḥ || 79 ||
[Analyze grammar]

dharme caivākhilaṃ viśvaṃ sa dharmo vyagratāṃ katham |
gataḥ svāmiṃstadvaiyagryaṃ tathyaṃ kathaya suvrata || 80 ||
[Analyze grammar]

vyāsa uvāca |
patanaṃ sāhasānāṃ ca narakasyaiva kāraṇam |
yonikuṇḍamidaṃ sṛṣṭaṃ kuṃbhīpākasamaṃ bhuvi || 81 ||
[Analyze grammar]

netrarajjvā dṛḍhaṃ baddhvā dharṣayaṃti manasvinaḥ |
kucarūpairmahādaṃḍaistāḍyamānamacetasam || 82 ||
[Analyze grammar]

kṛtvā vai pātayaṃtyāśu narakaṃ nṛpasattama |
mohanaṃ sarvabhūtānāṃ nārī caivaṃ vinirmitā || 83 ||
[Analyze grammar]

tāvaddhaṃta manaḥsthairyaṃ śrutaṃ satyamanākulam |
yāvanmattāṃganāgre na vāgureva sucetasā m || 4 ||
[Analyze grammar]

tāvattapobhivṛddhistu tāvaddānaṃ dayā damaḥ |
tāvatsvādhyāyavṛttaṃ ca tāvacchaucaṃ dhṛtaṃ vratam || 85 ||
[Analyze grammar]

yāvattrastamṛgīdṛṣṭiṃ capalāṃ na vilokayet |
tāvanmātā pitā tāvaddhātā tāvatsasuhṛjjanaḥ || 86 ||
[Analyze grammar]

tāvallajjā bhayaṃ tāvatsvācārastāvadeva hi |
jñānamaudāryamaiśvaryaṃ tāvadeva hi bhāsate |
yāvanmattāṃganāpāśaiḥ pātito naiva bandhanaiḥ || 87 ||
[Analyze grammar]