Chapter 18

[English text for this chapter is available]

śrīsūta uvāca |
kuṃbhasaṃbhavatīrthe'sminvidhāyābhiṣavaṃ naraḥ |
rāmakuṃḍaṃ tataḥ puṇyaṃ gacchetpāpavimuktaye || 1 ||
[Analyze grammar]

raghunāthasaraḥ puṇyaṃ dvijāḥ pāpaharaṃ tathā |
raghunāthasarastīre kṛto yajño'lpadakṣiṇaḥ || 2 ||
[Analyze grammar]

saṃpūrṇaphalado bhūyātsvādhyāyo'pi japastathā |
raghunātha sarastīre muṣṭimātramapi dvijāḥ || 3 ||
[Analyze grammar]

dattaṃ cedvedaviduṣe tadanaṃtaguṇaṃ bhavet |
rāmatīrthaṃ samuddiśya vakṣyāmi munipuṃgavāḥ || 4 ||
[Analyze grammar]

itihāsaṃ mahāpuṇyaṃ sarvapātakanāśanam |
sutīkṣṇanāmā vipreṃdro munirniyatamānasaḥ || 5 ||
[Analyze grammar]

agastyaśiṣyo rāmasya caraṇābjaviciṃtakaḥ |
rāmacaṃdrasarastīre tapastepe suduṣkaram || 6 ||
[Analyze grammar]

japanṣaḍakṣaraṃ maṃtraṃ rāmacaṃdrādhidaivatam |
nityaṃ sa paṃcasāhasraṃ matrarājamataṃdritaḥ || 7 ||
[Analyze grammar]

jajāpa kurvansnānaṃ ca raghunāthasarojale |
bhikṣāśī niyatāhāro jitakrodho jiteṃdriyaḥ || 8 ||
[Analyze grammar]

evaṃ sutīkṣṇo vipreṃdrā bahukālamavartata |
tataḥ kadācitsa munīrāmaṃ dhyāya nsadā hṛdi |
tuṣṭāva sītāsahitaṃ rāmacaṃdraṃ sabhaktikam || 9 ||
[Analyze grammar]

sutīkṣṇa uvāca |
namaste jānakīnātha namaste hanumatpriya || 10 ||
[Analyze grammar]

namaste kauśikamuneryāgarakṣaṇadīkṣita |
namaste kausaleyāya viśvāmitrapriyāya ca || 11 ||
[Analyze grammar]

namaste harakodaṇḍabhaṃjakāmarasevita |
mārīcāṃtaka rājeṃdra tāṭakāprāṇanāśana || 12 ||
[Analyze grammar]

kabaṃdhāre hare tubhyaṃ namo daśarathātmaja |
jāmadagnyajite tubhyaṃ kharavidhvaṃsine namaḥ || 13 ||
[Analyze grammar]

namaḥ sugrīvanāthāya namo vāliharāya te |
vibhīṣaṇabhayakleśahāriṇe malahāriṇe || 14 ||
[Analyze grammar]

ahalyāduḥkhasaṃhartre namaste bharatāgraja |
aṃbhodhigarvasaṃhartre tasminsetu kṛte namaḥ || 15 ||
[Analyze grammar]

tārakabrahmaṇe tubhyaṃ lakṣmaṇāgraja te namaḥ |
 rakṣaḥsaṃhāriṇe tubhyaṃ namo rāvaṇamarddine || 16 ||
[Analyze grammar]

kodaṇḍadhāriṇe tubhyaṃ sarva rakṣāvidhāyine |
iti stuvanmuniḥ so'yaṃ sutīkṣṇo rāmamanvaham || 17 ||
[Analyze grammar]

nināya kālamaniśaṃ rāmacaṃdraniṣaṇṇadhīḥ |
evamabhyasatastasya rāma mantraṃ ṣaḍakṣaram || 18 ||
[Analyze grammar]

stuvato rāmacaṃdraṃ ca stotreṇānena suvratāḥ |
tīrthe ca raghunāthasya kurvataḥ snānamanvaham || 19 ||
[Analyze grammar]

abhavanniścalā bhaktī rāmacaṃdretinirmalā |
abhūdadvaitavijñānaṃ pratyagātmaikalakṣaṇam || 20 ||
[Analyze grammar]

anadhītatrayījñānaṃ tathaivāśrutavedanam |
parakāyapraveśe ca sāmarthyamabhavaddvijāḥ || 21 ||
[Analyze grammar]

ākāśagamane śaktiḥ kalāvaidagdhyameva ca |
aśrutānāṃ ca śāstrāṇāmabhijñānaṃ vinā gurum || 22 ||
[Analyze grammar]

gamanaṃ sarvalokeṣu prati ghātavivarjitam |
atīṃdriyārthadraṣṭṛtvaṃ devaiḥ saṃbhāṣaṇaṃ tathā || 23 ||
[Analyze grammar]

pipīlikādijaṃtūnāṃ vārtājñānamapi dvijāḥ |
brahmaviṣṇumahādevalokeṣu gamanaṃ tathā || 24 ||
[Analyze grammar]

caturdaśasu lokeṣu svādhīnagamanaṃ tathā |
etānyanyāni sarvāṇi yogilabhyāni sattamāḥ || 25 ||
[Analyze grammar]

sutīkṣṇasyābhavanviprā rāmā tīrthaniṣevaṇāt |
evaṃprabhāvaṃ tattīrthaṃ mahāpātakanāśanam || 26 ||
[Analyze grammar]

mahāsiddhikaraṃ puṇyamapamṛtyuvināśanam |
bhuktimuktipradaṃ puṃsāṃ narakakleśanā śanam || 27 ||
[Analyze grammar]

rāmabhaktipradaṃ nityaṃ saṃsārocchedakāraṇam |
asya tīre mahalliṃgaṃ sthāpayitvā raghūdvahaḥ |
pūjayāmāsa talliṃgaṃ lokānugrahakā myayā || 28 ||
[Analyze grammar]

rāmatīrthe mahāpuṇye snātvā talliṃgadarśanāt |
narāṇāṃ muktireva syātkimutānyā vibhūtayaḥ || 29 ||
[Analyze grammar]

tatra snātvā śivaṃ dṛṣṭvā dharma putraḥ purā dvijāḥ |
anṛtoktisamudbhūtadoṣānmukto'bhavatkṣaṇāt || 30 ||
[Analyze grammar]

ṛṣaya ūcuḥ || asatyamuditaṃ kasmāddharmaputreṇa sūtaja |
yaddoṣaśāṃtaye sasnau rāmatīthe'tipāvane || 31 ||
[Analyze grammar]

śrīsūta uvāca |
yuṣmākamṛṣayo vakṣye yathoktamanṛtaṃ raṇe |
chalena dharmaputreṇa yannaṣṭaṃ rāmatīrthake || 32 ||
[Analyze grammar]

anyonyaṃ pāṃḍavā viprā dharmaputrādayaḥ purā |
dhṛtarāṣṭrasya putrāśca durnodhanamukhāstadā || 33 ||
[Analyze grammar]

mahadvai vairamāsādya rājyārthaṃ viprasattamāḥ |
mahatyā senayā sārddhaṃ kurukṣetre sametya ca || 34 ||
[Analyze grammar]

ayudhyansamare vīrāḥ samareṣvanivartinaḥ |
yuddhaṃ kṛtvā daśadinaṃ gāṃgeyaḥ patito bhuvi || 35 ||
[Analyze grammar]

tataḥ paṃcadinaṃ bhūyo dhṛṣṭadyumnena vīryavān |
ācāryo yuyudhe droṇo mahābalaparākramaḥ || 36 ||
[Analyze grammar]

anekāstrāṇi śastrāṇi droṇācaryo mahābalī |
visṛjanpāṃḍavānīkaṃ pīḍayāmāsa vīryavān || 37 ||
[Analyze grammar]

atha divyāstravicchūro dhṛṣṭadyumno mahābalaḥ |
abhinadbāṇavarṣeṇa droṇasenāmanekadhā || 38 ||
[Analyze grammar]

dhṛṣṭadyumnaṃ tadā droṇaḥ śaravarṣairavākirat |
pārthasenā tathā droṇabāṇavarṣātipīḍitā || 39 ||
[Analyze grammar]

daśadikṣu bhayākrāṃtā vidrutā dvijasattamāḥ |
tato'rjuno raṇe droṇaṃ yuyudhe rathināṃ varaḥ || 40 ||
[Analyze grammar]

raṇapravīṇayostatra vijayadroṇayo raṇe |
draṣṭuṃ samāgatairdevairabhūdvyomaniraṃ taram || 41 ||
[Analyze grammar]

droṇaphālgunayorviprā nāsti yuddhopamā bhuvi |
sāmarṣayostadācāryaśiṣyayorabhavadraṇaḥ || 42 ||
[Analyze grammar]

droṇaphālgunayoryuddhaṃ droṇaphālguna yoriva |
bahu mene'tha manasā droṇo'rjunaparākramam || 43 ||
[Analyze grammar]

tato droṇo mahāvīryaṃ priyaśiṣyaṃ sa phālgunam |
vihāya pāṃcālabalaṃ samayudhyata vīryavān || 44 ||
[Analyze grammar]

saviṃśatisahasrāṇi daśa tatrāyutāni ca |
droṇācāryo'vadhīdrājñāṃ yuddhe sagajavājinām || 45 ||
[Analyze grammar]

dhṛṣṭadyumno'tha kupito droṇa mabhyahanaccharaiḥ |
droṇaśca paṭṭiśaṃ gṛhya dhṛṣṭadyumnamatāḍayat || 46 ||
[Analyze grammar]

śarairvivyādha taṃ yuddhe tīkṣṇairagniśikhopamaiḥ |
paraṅmukho'bhavattatra dhṛṣṭa dyumnaḥ śarāhataḥ || 47 ||
[Analyze grammar]

tato virathamāgatya dhṛṣṭadyumnaṃ vṛkodaraḥ |
svaṃ syaṃdanaṃ samāropya droṇācāryamathābravīt || 48 ||
[Analyze grammar]

svakarmabhirasaṃtuṣṭāḥ śikṣitāstrā dvijādhamāḥ |
na yuddhyeranyadi krūrā na naśyerannṛpā raṇe || 49 ||
[Analyze grammar]

ahiṃsā hi paro dharmo brāhmaṇānāṃ sadā smṛtaḥ |
hiṃsayā dāraputrādīnrakṣaṃte vyādhajātayaḥ || 50 ||
[Analyze grammar]

hiṃsīstvamekaputrārthe yuddhe sthitvā bahūnnṛpān |
sa cāpi te suto brahmanhataḥ śete raṇājire || 51 ||
[Analyze grammar]

tathāpi lajjā te nāsti śoko'pīha na jāyate |
vacanaṃ tviti bhīmasya satyaṃ śrutvā yudhiṣṭhirāt || 52 ||
[Analyze grammar]

nijāyudhaṃ sa tatyāja papāta syaṃdano pari |
yogavitprāyamātasthe droṇācāryastadā dvijāḥ || 53 ||
[Analyze grammar]

tadaṃtaraṃ parijñāya droṇācāryasya pārśvataḥ |
khaṅgapāṇiḥ śiracchettumabhyadhāvadraṇā jire || 54 ||
[Analyze grammar]

vāryamāṇo'pi pārthādyaistacchiraśchettumudyayau |
yogavittvāddroṇamūrdhno jyotirūrdhvaṃ divaṃ yayau || 55 ||
[Analyze grammar]

dṛṣṭaṃ kṛṣṇārjunakṛpadharmaputrādi bhirmṛdhe |
droṇasyāsya gataprāṇāccharīrādacchinacchiraḥ || 56 ||
[Analyze grammar]

bhāradvāje hate yuddhe kauravāḥ prādravanbhayāt |
jahṛṣuḥ pāṃḍavā viprā dhṛṣṭadyumnādaya stadā || 57 ||
[Analyze grammar]

senāṃ tāṃ vidrutāṃ dṛṣṭvā drauṇirūce suyodhanam |
etaddravati ki sainyaṃ tyaktapraharaṇaṃ nṛpa || 58 ||
[Analyze grammar]

tadā duryodhano rājā svayaṃ vaktu maśaknuvan |
yuddhe droṇavadhaṃ vaktuṃ kṛpācāryamacodayat |
drauṇaye'tha kṛpācāryo vadhamūce gurostadā || 59 ||
[Analyze grammar]

kṛpa uvāca |
aśvatthāmaṃstava pitā brahmāstreṇa mṛdhe ripūn |
hatvā nināya sadanaṃ yamasya śataśo balī || 60 ||
[Analyze grammar]

durādharṣatamaṃ dṛṣṭvā tadvīryaṃ keśavastadā |
pāṃḍavānprāha vipreṃdra vākyaṃ vākyaviśāradaḥ || 61 ||
[Analyze grammar]

keśava uvāca |
droṇaṃ jetumupāyo'sti pāṃḍavā yudhi durjayam || 62 ||
[Analyze grammar]

aśvatthātmā tava suto hato droṇa mṛdhe'dhunā |
satyavādī vadedevaṃ yadi prāmāṇiko janaḥ || 63 ||
[Analyze grammar]

droṇo nivarteta raṇāttadā tyaktvāyudhaṃ kṣaṇāt |
ata enāṃ mṛṣāvārtāṃ dharmarājo'dhunā vadet || 64 ||
[Analyze grammar]

nānyathā śakyate jetuṃ droṇo yuddhaviśāradaḥ |
dharmājjetumaśakyaṃ ceddharmaṃ tyaktvā'pyariṃ jayet || 65 ||
[Analyze grammar]

iti keśavavākyaṃ tacchrutvā bhīmaḥ pṛthāsataḥ |
pitaraṃ te samabhyetya mithyāvākyamabhāṣata || 66 ||
[Analyze grammar]

aśvatthāmā hato droṇa yuddhe'tra patito'dhunā |
droṇācāryopi tadvākyamamanyata yathārthataḥ || 67 ||
[Analyze grammar]

aviśvasya punaḥ so'tha dharmajaṃ prāpya cābravīt |
dharmātmaja mṛdhe sūnuraśvatthāmā mamādhunā || 68 ||
[Analyze grammar]

hataḥ kiṃ tvaṃ vadasvādya satyavādī bhavānmataḥ |
dharmaputro'satyabhīrurāsīccārijayotsukaḥ || 69 ||
[Analyze grammar]

kiṃ kartavyaṃ mayādyeti dolālolamanā abhūt |
sa dṛṣṭvā bhīmanihatamaśvatthāmābhidhaṃ gajam || 70 ||
[Analyze grammar]

aśvatthāmā hato yuddhe bhīmenādya raṇe mahān |
itthaṃ droṇaṃ babhāṣe'sau dharmaputraśchaloktitaḥ || 71 ||
[Analyze grammar]

tacchrutvā tvatpitā śastraṃ tyaktvā yuddhānnyavarttata |
atha dharmasutaḥ prāha paraṃ vāraṇa ityapi || 72 ||
[Analyze grammar]

tyaktaṃ śastraṃ na gṛhṇīyāṃ yuddhe punariti sma saḥ |
pratijajñe tava pitā vatsa droṇo balī punaḥ || 73 ||
[Analyze grammar]

ataḥ śastraṃ na jagrāha pratijñābhaṃgakātaraḥ |
dhṛṣṭadyumnaṃ tadā dṛṣṭvā pitā te mṛtyumātmanaḥ || 74 ||
[Analyze grammar]

matvā prāyopaveśena rathopasthe sa yogavit |
aśayiṣṭa samādhisthaḥ prāṇānāyamya vāgyataḥ || 75 ||
[Analyze grammar]

tato nirbhidya mūrdhānaṃ tatprāṇā niryayuḥ kṣaṇāt |
tadā mṛtasya droṇasya vatsa khaṅgena tacchiraḥ || 76 ||
[Analyze grammar]

keśāgṛhītvā hastena dhṛṣṭadyumno'cchinadyudhi |
māvadhīriti pārthādyāḥ procuḥ sarve ca sainikāḥ |
sarvairnivāryamāṇopi tvattātaṃ pārśvato'vadhīt || 77 ||
[Analyze grammar]

śrīsūta uvāca |
pitaraṃ nihataṃ śrutvā rudandrauṇiściraṃ dvijāḥ || 78 ||
[Analyze grammar]

kopena mahatā tatra jvalanvākyamathābravīta |
anṛtaṃ procya pitaraṃ nyastaśastraṃ cakāra yaḥ || 79 ||
[Analyze grammar]

pitaraṃ me'dya taṃ pārthamapyanyā tha pāṃḍavān |
gṛhītvā keśapāśaṃ yastyaktaśastraśiro'hanat || 80 ||
[Analyze grammar]

chadmanā pārṣataṃ taṃ ca haniṣyāmyacirādaham |
kṛṣṇena saha paśyaṃtu pāṇḍavā matparākramam || 81 ||
[Analyze grammar]

iti drauṇirdvijāstatra pratijajñe bhayaṃkaram |
tatostaṃ gata āditye rājānaḥ sarva eva te || 82 ||
[Analyze grammar]

ubhaye nihate droṇe prāviśanpaṭamaṇḍapam |
aṣṭādaśadinairevaṃ nivṛttamabhavadraṇam || 83 ||
[Analyze grammar]

śalyaṃ karṇaṃ tathānyāṃśca duryodhanamukhāṃstataḥ |
dhārtarāṣṭrānnihatyājau dharmarājo yudhiṣṭhiraḥ || 84 ||
[Analyze grammar]

svīyānāṃ ca pareṣāṃ ca mṛtānāṃ sāṃparāyikam |
akarodvidhivadviprāḥ sārdhaṃ dhaumyā dibhirdvijaiḥ || 85 ||
[Analyze grammar]

vaṃditvā dhṛtarāṣṭraṃ ca sarve saṃbhūya pāṇḍavāḥ |
dhṛtarāṣṭrābhyanujñātā hataśiṣṭajanairvṛtāḥ || 86 ||
[Analyze grammar]

saṃprāpya hāstinapuraṃ prāviśaṃste svamaṃdiram |
tataḥ katipayāhaḥsu gateṣu kila nāgarāḥ || 87 ||
[Analyze grammar]

dhaumyādimunibhiḥ sārdhaṃ dharmajasya mahātmanaḥ |
rājyā bhiṣecanaṃ kartuṃ prārabhaṃta munīśvarāḥ |
rājyābhiṣecane tasya pravṛtte dharmajasya tu |
aśarīrā tato vāṇī babhāṣe dharmanaṃdanam || 89 ||
[Analyze grammar]

dharma putra mahābhāga ripūṇāmapi vatsala |
rājyābhiṣekaṃ mā kārṣīrnārhastvaṃ rājyapālane || 90 ||
[Analyze grammar]

yatastvaṃ chadmanācāryamuktvā satyaṃ dvijottamam |
nyasta śastraṃ raṇe rājannaghātayadalajjakaḥ || 91 ||
[Analyze grammar]

ataste pāpabāhulyaṃ vidyate dharmanaṃdana |
prāyaścittamakṛtvāsya rājyapālanakarmaṇi || 92 ||
[Analyze grammar]

nārhatā vidyate yasmātprāyaścittamataścara |
ityuktvā virarāmātha sā tu vāgaśarīriṇī || 93 ||
[Analyze grammar]

tato dharmasuto rājā tadvākyaṃ bhṛśakātaraḥ |
mūḍho'haṃ sāhasī krūraḥ piśuno lobhamohitaḥ || 94 ||
[Analyze grammar]

tuccharājyābhilāṣeṇa kṛtavānpāpamīdṛśam |
etatpāpaviśuddhyarthaṃ kiṃ kariṣyāmi kā gatiḥ || 95 ||
[Analyze grammar]

kiṃ vā dānaṃ pradāsyāmi kutra yāsyāmi vā punaḥ |
iti śokasamāviṣṭe tasminrājani dharmaje || 96 ||
[Analyze grammar]

kṛṣṇadvaipāyano vyāsassamāyātastadaṃtikam |
tato'bhivaṃdya taṃ vyāsaṃ pratyutthāya kṛtāṃjaliḥ || 97 ||
[Analyze grammar]

saṃpūjyārghyādinā viprā bhaktiyuktena cetasā |
adehavācā yatproktaṃ tatsarvamakhilena saḥ || 98 ||
[Analyze grammar]

vyāsāya śrāvayāmāsa duḥkhito dharmanaṃdanaḥ |
śrutvā tadakhilaṃ vākyaṃ dharmajasya mahāmuniḥ |
dhyātvā tu suciraṃ kālaṃ tato vaktuṃ praca krame || 99 ||
[Analyze grammar]

vyāsa uvāca |
mā kārṣīstvaṃ bhayaṃ rājannupāyaṃ prabravīmi te |
asya pāpasya śāṃtyarthaṃ śrutvānuṣṭhīyatāṃ tvayā || 100 ||
[Analyze grammar]

yudhiṣṭhira uvāca |
kiṃ tadbrūhi mahāyoginpārāśarya kṛpānidhe |
yena me pāpanāśaḥ syādacirāttadvadādhunā || 101 ||
[Analyze grammar]

vyāsa uvāca |
dakṣiṇāṃbhonidhau setau gaṃdhamādanaparvate || 102 ||
[Analyze grammar]

rāmasetau mahārāja rāmatīrthamiti śrutam |
asti puṇyaṃ saraḥ siddhaṃ mahāpātakanāśanam || 3 ||
[Analyze grammar]

yasya darśanamātreṇa mahāpātakakoṭayaḥ |
prayāṃti vilayaṃ sadyastamaḥ sūryodaye yathā || 4 ||
[Analyze grammar]

rāmatīrthaṃ yadā paśyetsvayaṃ rāmeṇa nirmitam |
tadaiva brahmahatyāyā mucyate nātra saṃśayaḥ || 5 ||
[Analyze grammar]

tatra gatvā mahārāja rāmatīrthe vimuktide |
snāhi te pāpaśuddhiḥ syādrājyarakṣārhatāpi ca || 6 ||
[Analyze grammar]

dānaṃ kuruṣva tattīre gobhūmitilavāsasām |
suvarṇarajatānāṃ ca dānaṃ kuru yudhiṣṭhira |
avaśyametatpāpānāṃ śuddhiste na cirādbhavet || 7 ||
[Analyze grammar]

śrīsūta uvāca |
vyāsena dharmaputro'yamevamukto dvijottamāḥ || 9 ||
[Analyze grammar]

tatkṣaṇenaiva dhaumyena sahitaḥ sānujastadā |
sahadevaṃ pratiṣṭhāpya rājye dharmātmajastadā || 9 ||
[Analyze grammar]

rāmasetuṃ samuddiśya pratasthe vāhanaṃ vinā |
dinaiḥ katipayaireva rāmasetuṃ jagāma saḥ || 110 ||
[Analyze grammar]

rāmatīrthaṃ samāsādya dhaumyena saha pāṃḍavaḥ |
purohitoktamārgeṇa saṃkalpya vidhipūrvakam || 11 ||
[Analyze grammar]

sasnau rāmasarastīrthe puṇye pāpavināśane |
snātvācamya viśuddhātmā kṣetrapiṃḍaṃ pradāya ca || 12 ||
[Analyze grammar]

vyāso ktākhiladānāni pradadau sa yudhiṣṭhiraḥ |
māsamekaṃ nirāhāraḥ sasnau tatra sa dharmajaḥ || 13 ||
[Analyze grammar]

pratyahaṃ ca dadau dānaṃ vittalobhaṃ vinā dvijāḥ |
eka māse gate tvevaṃ kasmiṃściddivase tataḥ || 14 ||
[Analyze grammar]

āha dharmātmajaṃ vāṇī punarapyaśarīriṇī |
rājaṃste vilayaṃ yātaṃ sarvaṃ pāpaṃ yudhiṣṭhira || 15 ||
[Analyze grammar]

chale nāsatyavacanādācāryasya vadhena yaḥ |
doṣaste samabhūtpūrvaṃ so'pi naṣṭaḥ paraṃtapa || 16 ||
[Analyze grammar]

yāhi svanagaraṃ rājangatvā pālaya medinīm |
abhiṣecaya cātmānaṃ rājyarakṣārhatāsti te || 17 ||
[Analyze grammar]

ityuktvā virarāmātha sāpi vāgaśarīriṇī |
tato dharmātmajaḥ prītastāmuddiśya diśaṃ prati || 18 ||
[Analyze grammar]

namaskṛtvāśarīriṇyai tasyai vāce sahānujaḥ |
prayayau hāstinapuraṃ suprītenāṃtarātmanā || 19 ||
[Analyze grammar]

abhiṣikto'tha rājye'sau pālayāmāsa medinīm |
itthaṃ dharmātmajo viprā rāmatīrthanimajjanāt || 120 ||
[Analyze grammar]

gatapāpo viśuddhātmā yogyo'bhūdrājyarakṣaṇe |
evaṃ vaḥ kathitaṃ citraṃ rāmatīrthasya vaibhavam || 21 ||
[Analyze grammar]

sarvapāpaharaṃ puṇyaṃ bhaktimuktipradāyakam |
yatra snānādvimukto'bhūnmithyādoṣātsa dharmajaḥ || 22 ||
[Analyze grammar]

paṭhaṃti ye' dhyāyamidaṃ dvijottamāḥ śṛṇvaṃti vā ye manujā vipātakāḥ |
yāsyaṃti kailāsamananyalabhyaṃ gatvā na saṃyāṃti punaśca janma || 123 ||
[Analyze grammar]

iti śrīskāṃde mahāpurāṇa ekāśītisāhasryāṃ maṃhitāyāṃ tṛtīye brahmakhaṇḍe setumāhātmye rāmatīrthapraśaṃsāyāṃ dharmaputramithyā kathanadoṣaśāṃtivarṇanaṃnāmāṣṭādaśo'dhyāyaḥ || 18 ||
[Analyze grammar]