Skanda Purana [sanskrit]
876,996 words | ISBN-10: 8170800978 | ISBN-13: 9788170800972
This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.
Chapter 17
[English text for this chapter is available]
śrīsūta uvāca |
punarityāha kakṣīvānpitaraṃ taṃ munīśvarāḥ |
yathodaṃkena guruṇā preṣito'hamihā dhunā || 1 ||
[Analyze grammar]
samāgatosmi tīrthe'sminnāgastye munisattama |
svanayasya sutodvāhasiddhyarthaṃ gurucoditaḥ || 2 ||
[Analyze grammar]
upāyaṃ tannigaditamatra kurva nnyavartiṣam |
varṣatrayāvasāne māmudvāhopāyasaṃyutam || 3 ||
[Analyze grammar]
svanayotraiva tiṣṭhantamāsasāda yadṛcchayā |
sa ca māmetya kanyāṃ te dāsyāmīti vaco'bravīt || 4 ||
[Analyze grammar]
tatosmadanurodhena tvāmāhvayadayaṃ nṛpaḥ |
itīrayitvā pitaraṃ kakṣīvānvirarāma saḥ || 5 ||
[Analyze grammar]
sudarśano'tha vipreṃdraḥ purodhāḥ svana yasya saḥ |
prayayau rājasavidhaṃ svanayāya niveditum || 6 ||
[Analyze grammar]
rājānaṃ taṃ samāsādya svanayaṃ sa sudarśanaḥ |
prāptaṃ nivedayāmāsa taṃ dīrghatamasaṃ munim || 7 || |
tataḥ sa rājā svanayo muniṃ prāptaṃ purohitāt |
śrutvā viniryayau draṣṭuṃ mahasā paṭamaṇḍapāt || 8 ||
[Analyze grammar]
agastyatīrthatīre taṃ saputramṛṣi sattamam |
dadarśa rājā svanayo brahmāṇamiva devarāṭ || 9 ||
[Analyze grammar]
vavaṃde dīrghatamasaścaraṇau lokamaṃgalau |
utthāpya nṛpatiṃ viprāstadā dīrghatamā muniḥ || 10 ||
[Analyze grammar]
āśiṣaṃ prayuyojātha svanayāya nṛpāya saḥ |
atrāṃtare samāyāta udaṃko'pi mahānṛṣiḥ || 11 ||
[Analyze grammar]
rāmasetau dhanuṣkoṭau snātuṃ śiṣyagaṇairvṛtaḥ |
lakṣasaṃkhyo munigaṇastena sākaṃ munīśvaraḥ || 12 ||
[Analyze grammar]
udaṃko'gastyatīrthesminsnātuṃ saṃprāptavānmuniḥ |
udaṃkamāgataṃ dṛṣṭvā kakṣīvānpraṇanāma tam || 13 ||
[Analyze grammar]
akarodāśiṣaṃ vipraḥ śiṣyāyātha gurustadā |
atha dīrghatamā viprastamudaṃkaṃ mahāmunim || 14 ||
[Analyze grammar]
kuśalaṃ paripapraccha so'pi taṃ muni puṃgamam |
ubhau tau muniśārdūlau sarvalokeṣu viśrutau || 15 ||
[Analyze grammar]
kathayāmāsatustatra kathāḥ pāpapraṇāśinīḥ |
atha rājāpyudaṃkaṃ taṃ praṇanāma munīśva ram || 16 ||
[Analyze grammar]
udaṃkopyāśiṣaṃ tasmai prāyuṃkta svanayāya vai |
rājātha svanayaḥ prītastatra vākyamabhāṣata || 17 ||
[Analyze grammar]
muniṃ taṃ dīrghatamasaṃ vivāhaḥ kriya tāmiti |
tathāstvityavadatso'pi tadā dīrghatamā muniḥ || 18 ||
[Analyze grammar]
śva eva kriyatāṃ rājansumuhūrte mahāmate |
atraiva pāṇigrahaṇaṃ kriyatāṃ gandhamā dane || 19 ||
[Analyze grammar]
tasmādihānaya kṣipraṃ kanyāmaṃtaḥpuraṃ tathā |
ityuktaḥ svanayo rājā gatvā svapaṭamaṇḍapam || 20 ||
[Analyze grammar]
āhūya śatasaṃkhyākānvṛddhānvarṣa varāṃstadā |
ānetuṃ preṣayāmāsa kanyāmaṃtaḥpuraṃ tathā || 21 ||
[Analyze grammar]
te varṣavaramukhyāstu svanayena pracoditāḥ |
manojavānsamāruhya vājino madhurāṃ yayuḥ || 22 ||
[Analyze grammar]
gatvā cāṃtaḥpuraṃ tūrṇaṃ vṛttaṃ sarvaṃ nivedyaca |
kanyayāṃtaḥpureṇāpi sahitāḥ punarāyayuḥ || 23 ||
[Analyze grammar]
tataḥ parasmindivase śubhe dīrghatamā ṛṣiḥ |
godānādīni putrasya vidhivanniravartayat || 24 ||
[Analyze grammar]
nirvṛtteṣvatha kakṣīvāngodānādiṣu karmasu |
udvoḍhuṃ rājatanayāṃ pitrā ca guruṇā saha || 25 ||
[Analyze grammar]
caturdaṃtaṃ mahākāyaṃ gajaṃ sarvāṃgapāṃḍuram |
āruhya harṣasaṃyukto dvitīya iva devarāṭ || 26 ||
[Analyze grammar]
manoramāyāḥ kanyāyāḥ pūrayaṃśca manoratham |
brāhmaṇairbahusāhasraiḥ sahitaḥ svastivācakaiḥ || 27 ||
[Analyze grammar]
toraṇālaṃkṛtadvāraṃ rājarṣe paṭamaṇḍapam |
kṛtamaṃgalakṛtyo'sau kakṣīvānmudito yayau || 28 ||
[Analyze grammar]
tataḥ svanayakanyā sā kṛtamaṃgalabhūṣaṇā |
caturdaṃtamahākāyaśvetadaṃtāvalasthitam || 29 ||
[Analyze grammar]
kakṣīvaṃtaṃ samāyāṃtaṃ dṛṣṭvā svodvāhanotsukam |
pratijñā matkṛte dānīṃ nirvṛtteti mudaṃ yayau || 30 ||
[Analyze grammar]
kakṣīvāndīrghatamasā tathodaṃkena saṃyutaḥ |
paṭākārabahirdvāraṃ kramādrājñaḥ samāyayau || 31 ||
[Analyze grammar]
svanayastu tato dṛṣṭvā kakṣīvaṃtaṃ samāgatam |
pratyujjagāma sahitaḥ sudarśanapurodhasā || 32 ||
[Analyze grammar]
kakṣīvato varasyātha kanyakāparicārikāḥ |
rājataiḥ svarṇapātraiśca cakru rnīrājanāvidhim || 33 ||
[Analyze grammar]
svanayena samāhūto brāhmaṇaiḥ parivāritaḥ |
praviveśātha lakṣmīvānkakṣīvānrājamaṃdiram || 34 ||
[Analyze grammar]
tato vareṇa sahitaṃ taṃ dīrghatamasaṃ munim |
sodaṃkamanayadrājā svagṛhaṃ vinayānvitaḥ || 35 ||
[Analyze grammar]
udaṃkadīrghatamasorarghyaṃ ca pradadau nṛpaḥ |
alaṃkṛte prapāmadhye vastracāmaratoraṇaiḥ || 36 ||
[Analyze grammar]
varo dīrghatamāścānye sodaṃkā munayastadā |
nyaṣīdansvanayaścāpi sāmātyaḥ sapurohitaḥ || 37 ||
[Analyze grammar]
tato duhitaraṃ kanyāṃ sukeśīṃ tāṃ mano ramām |
bhūṣaṇālaṃkṛtāṃ gātre divyavastradharāṃ śubhām || 38 ||
[Analyze grammar]
biṃboṣṭhīṃ cārusarvāṃgīṃ pīnonnatapayodharām |
prapāyāmadhyamanayanmahājanasamākulam || 39 ||
[Analyze grammar]
tato varasya kaṃṭhe sā mālāṃ caṃpakanirmitām |
niveśayāmāsa śubhā janamadhye manoramā || 40 ||
[Analyze grammar]
udaṃkastata āgatya pratiṣṭhāpyānalaṃ sthale |
kṛtvāgnimukhaparyaṃtaṃ lājāhomādikaṃ tathā || 41 ||
[Analyze grammar]
pāṇimagrāhayattasyāḥ kanyāyāśca vareṇa tu |
udaṃkaḥ sarvakarmāṇi kārayāmāsa tatra vai || 42 ||
[Analyze grammar]
varavadhvostadā viprāḥ prāyuṃjata tadāśiṣaḥ |
tataḥ sa rājā svanayo varaṃ dīrghatamomunim || 43 ||
[Analyze grammar]
udaṃkaṃ varapakṣīyānsvapakṣīyāṃstathādvijāḥ |
trilakṣaṃ brāhmaṇānannairbhojayāmāsa ṣaḍrasaiḥ || 44 ||
[Analyze grammar]
tataḥ saṃbhāvayāmāsa tāṃbūlādyairanekadhā |
athāmaṃtrya muniśreṣṭhamudaṃkaḥ svāśramaṃ yayau || 45 ||
[Analyze grammar]
anye ca brāhmaṇāḥ sarve svadeśānprayayustadā |
evaṃ vivāhe nirvṛtte kakṣīvadrājakanyayoḥ || 46 ||
[Analyze grammar]
praviśyāgastyatīrthaṃ sa tirodhatta gajottamaḥ |
tato dīrghatamā viprāḥ putreṇa snuṣayā saha || 47 ||
[Analyze grammar]
agastyasya mahātīrthe snānaṃ kṛtveṣṭadāyini |
ślāghamānaśca tattīrthaṃ sarvalokeṣu viśrutam || 48 ||
[Analyze grammar]
prayātuṃ svā śramaṃ puṇyaṃ vedāraṇyaṃ mano dadhe |
rājānaṃ ca tamāgaṃtumāpṛcchanmunisattamaḥ || 49 ||
[Analyze grammar]
svanayo'pi tadā rājā svaduhitre mudānvitaḥ |
dadau śatasahasrāṇi svarṇāni strīdhanaṃ tadā || 50 ||
[Analyze grammar]
gavāṃ sahasraṃ pradadau dāsīnāṃ ca sahasrakam |
grāmaṃ paṃcaśataṃ cāpi dadau duhitṛvatsalaḥ || 51 ||
[Analyze grammar]
divyavastrā yutaṃ cāpi śataṃ bhūṣaṇapeṭikāḥ |
hāramālāsahasraṃ ca dadau duhitṛsauhṛdāt || 52 ||
[Analyze grammar]
etatsarvaṃ samādāya sa putraḥ sasnuṣo muniḥ |
rājñā ca samanujñātaḥ prayayau vedakānanam || 53 ||
[Analyze grammar]
vedāraṇyaṃ samāsādya tadā dīrghatamā muniḥ |
uvāsa sasukhaṃ viprāḥ putreṇa snuṣayā saha || 54 ||
[Analyze grammar]
sevanvedāṭavīnāthaṃ bhuktimuktiphalapradam |
nyavasattu ciraṃ kālaṃ kakṣīvānapi bhāryayā || 55 ||
[Analyze grammar]
svanayopi sa rājarṣiḥ snātvā kuṃbhajanirmite |
tatra tīrthe mahāpuṇye sahitaḥ sarvasainikaiḥ || 56 ||
[Analyze grammar]
ataḥpuraṃ samādāya muditaḥ svapuraṃ yayau |
agastyatīrthamāhātmyādevaṃ kakṣīvato muneḥ |
ananyasulabho viprā vivāhaḥ samajāyata || 57 ||
[Analyze grammar]
śrīsūta uvāca |
itihāsastvayaṃ puṇyo vedasiddho munīśvarāḥ || 58 ||
[Analyze grammar]
dhanyo yaśasya āyuṣyaḥ kīrtisaubhāgya varddhanaḥ |
śrotavyaḥ paṭhitavyo'yaṃ sarvathā mānavairdvijāḥ || 59 ||
[Analyze grammar]
paṭhatāṃ śṛṇvatāṃ cemamitihāsaṃ purātanam |
nehāmutrāpi vā kleśo dāridyaṃ cāpi no bhavet || 60 ||
[Analyze grammar]
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye kakṣīvadvivāhaniṣpattivarṇanaṃnāma sapta daśo'dhyāyaḥ || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Skandapurana Chapter 17
The Skanda-Purana
by G. V. Tagare (2007)
(23 Volumes) - Motilal Banarsidass Publishers Pvt. Ltd.
Buy now!
Skanda Purana (Hindi Translation)
by S. N. Khandelwal (2016)
(Set of 10 Books) - Chowkhamba Sanskrit Series Office
Buy now!
Skanda Purana in Bengali
by Navabharat Publishers, Kolkata (0)
স্কন্ধ পুরাণম: - (Set of 7 Volumes)
Buy now!
Skanda Purana in Kannada
by Vandana Book House, Bangalore (0)
ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)
Buy now!
Skanda Mahapurana (Gujarati)
by Sahitya Sangam, Ahemdabad (2017)
સ્કંદ મહાપુરાણ: (Condensed/Summary)
Buy now!
Shri Skanda purana (Malayalam)
by M.P. Pillai kaniyanthara (2015)
(Condensed/Summary) - Devi Book Stall, Kodungallur
Buy now!