Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

śrīsūta uvāca |
tārakabrahmaṇastasya tīrthe snātvā dvijottamāḥ |
lakṣmaṇasya tatastīrthamabhigacchetsamāhitaḥ || 1 ||
[Analyze grammar]

śrīlakṣmaṇasya tīrthe tu snātvā pāpairvimocitāḥ |
muktiṃ prayāṃti vimalāmapunarbhavalakṣaṇām || 2 ||
[Analyze grammar]

snānāllakṣmaṇatīrthe tu dāridryaṃ naśyatekhilam |
āyuṣmānguṇavānvidvānputraścaivāsya jāyate || 3 ||
[Analyze grammar]

kūle lakṣmaṇatīrthasya tanmantraṃ japate tu yaḥ |
sa sarvaśāstravettā syāccaturvedavidapyasau || 4 ||
[Analyze grammar]

tasya kūle mahalliṃgaṃ sthāpayāmāsa lakṣmaṇaḥ |
tatra tīrthe tu yaḥ snātvā sevate lakṣmaṇeśvaram || 5 ||
[Analyze grammar]

iha dāridryarogābhyāṃ saṃsārācca vimucyate |
snātvā lakṣmaṇatīrthe tu sevitvā lakṣmaṇeśvaram |
balabhadraḥ purā viprā mumuce brahmahatyayā || 6 ||
[Analyze grammar]

ṛṣaya ūcuḥ |
brahmahatyā kathamabhūdrauhiṇeyasya sūtaja |
kathaṃ cātra vinaṣṭā sā tanno brūhi mahāmune || 7 ||
[Analyze grammar]

śrīsūta uvāca |
śeṣāvatāro bhagavānbalabhadraḥ purā dvijāḥ || 8 ||
[Analyze grammar]

kurūṇāṃ pāṃḍavānāṃ ca yuddhodyogaṃ vilokya tu |
baṃdhūnāṃ sa vadhaṃ soḍhumasamartho halāyudhaḥ || 9 ||
[Analyze grammar]

vicāramevamakarodbalabhadro mahāmatiḥ |
yadyahaṃ kururājasya kariṣyāmi sahāyatām || 10 ||
[Analyze grammar]

kopaḥ syātpāṃḍuputrāṇāṃ mayyavāryaḥ sudāruṇaḥ |
upakāraṃ kariṣyāmi pāṃḍavānāmahaṃ yadi || 11 ||
[Analyze grammar]

duryodhanasya kopaḥ syāditi buddhvā halāyudhaḥ |
tīrthayātrācchalenāsau madhyasthaḥ prayayau tadā || 12 ||
[Analyze grammar]

prabhāsamabhigamyātha snātvā saṃkalpapūrvakam |
devānṛṣīnpitṛgaṇāṃstarpayāmāsa vāriṇā || 13 ||
[Analyze grammar]

sarasvatīṃ tataḥ prāyātpratīcyabhimukhāṃ halī |
pṛthūdakaṃ biṃdusaro muktidaṃ brahmatīrthakam || 14 ||
[Analyze grammar]

gaṃgāṃ ca yamunāṃ siṃdhuṃ śatadrūṃ ca sudarśanam |
saṃprāpya balabhadro'yaṃ snātvā tīrtheṣu dharmataḥ || 15 ||
[Analyze grammar]

prapede naimiṣāraṇyaṃ munīṃdrairabhisevitam |
āgataṃ taṃ vilokyātha naimiṣīyāstapasvinaḥ || 16 ||
[Analyze grammar]

dīrghasatre sthitāḥ samyaṅniyatā dharmatatparāḥ |
abhyudgamya yaduśreṣṭhaṃ praṇamyotthāya cāsanāt || 17 ||
[Analyze grammar]

apūjayanviṣṭarādyaiḥ kaṃdamūlaphalaistadā |
āsanaṃ parigṛhyāyaṃ pūjitaḥ sapuraḥsaraḥ || 18 ||
[Analyze grammar]

uccāsane sthitaṃ sūtamanamaṃtamanutthitam |
akṛtāṃjalimāsīnaṃ vyāsaśiṣyaṃ vilokya saḥ || 19 ||
[Analyze grammar]

viprāṃścānamato dṛṣṭvā vilokyātmānamāgatam |
cukrodha rohiṇīsūnuḥ sūtaṃ paurāṇikottamam || 20 ||
[Analyze grammar]

madhye munīnāṃ sūto'yaṃ kasmānniṃdyo'nulomajaḥ |
uccāsane samadhyāste na yuktamidamaṃjasā || 21 ||
[Analyze grammar]

avamatya bhṛśaṃ cāsmāndharmasaṃrakṣakānayam |
āste'nutthāya nirbhītirna ca praṇamate tathā || 22 ||
[Analyze grammar]

paṭhitvāyaṃ purāṇāni dvaipāyanasakāśataḥ |
setihāsāni sarvāṇi dharmaśāstrāṇyanekaśaḥ || 23 ||
[Analyze grammar]

na māṃ dṛṣṭvā praṇamate naiva tyajati cāsanam |
dvaipāyanasya mahataḥ śiṣyāḥ pailādayo dvijāḥ || 24 ||
[Analyze grammar]

evaṃvidhamadharmaṃ te naiva kuryuryathā tvayam |
tasmādenaṃ vadhiṣyāmi durātmānamacetanam || 25 ||
[Analyze grammar]

duṣṭānāṃ nigrahārthaṃ hi bhūrlokamahamāgamam |
mayā hato hi duṣṭātmā śuddhimeṣyatyasaṃśayam || 26 ||
[Analyze grammar]

ityuktvā bhagavānrāmo musalī prabalo halī |
pāṇisthena kuśāgreṇa tacchiraḥ prācchinadruṣā || 27 ||
[Analyze grammar]

tatratyā munayaḥ sarve hā kaṣṭamiti cukruśuḥ |
avādiṣustadā rāmaṃ munayo brahmavādinaḥ || 28 ||
[Analyze grammar]

rāmādharmaḥ kṛtaḥ kaṣṭastvayā saṃkarṣaṇa prabho |
asya sūtasya cāsmābhirdattaṃ brahmāsanaṃ mahat || 29 ||
[Analyze grammar]

akṣayaṃ cāyurasmābhirasya dattaṃ halāyudha |
bhavatā'jānataivādya kṛto brahmavadho mahān || 30 ||
[Analyze grammar]

yogeśvarasya bhavato nāsti kaścinniyāmakaḥ |
asyāstu brahmahatyāyā yatkarttavyaṃ vicārya tat || 31 ||
[Analyze grammar]

prāyaścittaṃ bhavāneva lokasaṃgrahaṇāya tu |
kuruṣva bhagavanrāma nānyena preritaḥ kuru |
ityukto bhagavānrāmastānuvāca munīnprati || 32 ||
[Analyze grammar]

rāma uvāca |
prāyaścittaṃ cariṣyābhi pāpaśodhakamāstikāḥ || 33 ||
[Analyze grammar]

lokasaṃgrahaṇārthāya nānyakāmanayā'dhunā |
yādṛśo niyamo'smābhiḥ kartavyaḥ pāpaśāṃtaye || 34 ||
[Analyze grammar]

tādṛśaṃ niyamaṃ tvadya bhavataḥ prabruvaṃtu naḥ |
bhavadbhirasya sūtasya yadāyurdattamakṣayam |
iṃdriyāṇi ca sattvaṃ ca kariṣye yogamāyayā || 35 ||
[Analyze grammar]

munaya ūcuḥ |
parākramasya testrasya mṛtyornaśca yathā prabho |
syātsatyavacanaṃ rāma tadbhavānkartumarhati || 36 ||
[Analyze grammar]

rāma uvāca |
ātmā vai putrarūpeṇa bhavatīti śrutissadā || 37 ||
[Analyze grammar]

udghoṣayati vipreṃdrāstasmādasya śarīrataḥ |
putro bhavatu dīrghāyuḥ sattveṃdriya balorjitaḥ || 39 ||
[Analyze grammar]

kathayiṣyati yuṣmākaṃ purāṇādīni so'nvaham |
saṃbhaviṣyati sarvajño yogamāyābalānmama || 39 ||
[Analyze grammar]

ityuktvā rauhiṇeyastānpunaḥ praśritamabravīt |
manobhilaṣitaṃ kiṃ vā yuṣmākaṃ karavāṇyaham || 40 ||
[Analyze grammar]

tadbrūta munayo yūyaṃ kariṣyāmi na saṃśayaḥ |
ajñānānmatkṛtasyāsya pāpasyāpi nivartakam |
prāyaścittaṃ bhavanto me prabrūta munisattamāḥ || 41 ||
[Analyze grammar]

munaya ūcuḥ |
ilvalasyātmajaḥ kaściddānavo balvalābhidhaḥ || 42 ||
[Analyze grammar]

sa dūṣayati no yāgaṃ rāmehāgatya parvaṇi |
duṣṭaṃ taṃ dānavaṃ pāpaṃ jahi lokaikakaṇṭakam || 43 ||
[Analyze grammar]

anena pūjā hyasmākaṃ kṛtā syādbhavatādhunā |
asthiviṇmūtraraktāni surāmāṃsāni ca kratau || 44 ||
[Analyze grammar]

sadābhivarṣate'smākamatrāgatya sa dānavaḥ |
asminbhāratabhūbhāge yāni tīrthāni saṃti hi || 45 ||
[Analyze grammar]

teṣu snāhyabdamekaṃ tvaṃ sarveṣu susamāhitaḥ |
tena te pāpaśāṃtiḥ syānnātra kāryā vicāraṇā || 46 ||
[Analyze grammar]

śrīsūta uvāca |
parvakāle tu vipreṃdrāḥ samāvṛtte munikratau |
mahābhīmo rajovarṣo jhaṃjhāvātaśca bhīṣaṇaḥ || 47 ||
[Analyze grammar]

prādurbabhūva vipreṃdrāḥ pūyaraktaiśca varṣaṇam |
tato viṣṭhāmayā vṛṣṭirbalvalena kṛtāpyabhūt || 49 ||
[Analyze grammar]

asuraṃ yajñaśālāyāṃ śūlapāṇimatha kṣaṇāt |
apaśyadbalabhadro'sau mahābalaparākramam || 49 ||
[Analyze grammar]

tamālokya mahādehaṃ dagdhādripratimaṃ tadā |
prataptatāmrasaṃkāśaśmaśrudaṃṣṭrotkaṭānanam || 50 ||
[Analyze grammar]

ciṃtayāmāsa musalaṃ rāmaḥ paravidāraṇam |
sīraṃ ca dānavaharaṃ gadāṃ daityavidāriṇīm || 51 ||
[Analyze grammar]

yānyāyudhāni taṃ rāmaṃ ciṃtitānyupatasthire |
sīrāgreṇa tamākṛṣya balvalaṃ khecaraṃ tadā || 52 ||
[Analyze grammar]

musalena nijaghne sa kupito mūrdhni vegataḥ |
papāta bhuvi saṃkṣuṇṇalalāṭo raktamudvaman || 53 ||
[Analyze grammar]

balvalo dīnakathano girirvajrahato yathā |
stutvātha munayo rāmaṃ proccārya vimalāśiṣaḥ || 94 ||
[Analyze grammar]

abhyaṣiṃcañcchubhaistoyairvṛtraśatruṃ yathā surāḥ |
mālāṃ dadurvaijayantīṃ śrīmadaṃbuja śobhitām || 55 ||
[Analyze grammar]

mādhavāya śubhe vastre bhūṣaṇāni śubhāni ca |
dhārayaṃstāni sarvāṇi rauhiṇeyo mahābalaḥ || 56 ||
[Analyze grammar]

puṣpitānokahopetaḥ kailāsa iva parvataḥ |
anujñāto'tha munibhiḥ sarvatīrtheṣu sa dvijāḥ || 57 ||
[Analyze grammar]

ekamabdaṃ caransasnau niyamācārasaṃyutaḥ |
tataḥ saṃvatsare pūrṇe kāliṃdībhedano balaḥ || 58 ||
[Analyze grammar]

samāptatīrthayātraḥ sanpurīṃ gantuṃ pracakrame |
tatastamomayīṃ chāyāṃ pṛṣṭhatonugatāṃ kṛśām || 59 ||
[Analyze grammar]

apaśyadbaladevoyaṃ mahānādavirāviṇīm |
atha vārtā sa śuśrāva samudbhūtāṃ tadāṃbare || 60 ||
[Analyze grammar]

rāmarāma mahābāho rauhiṇeya sitaprabha |
tīrthābhigamanenādya caritena tvayā'nagha || 61 ||
[Analyze grammar]

na naṣṭā brahmahatyā te niḥśeṣaṃ rohiṇīsuta |
iti vārtāṃ samākarṇya ciṃtayāmāsa vai balaḥ || 62 ||
[Analyze grammar]

prāyaścittaṃ mayā cīrṇamekābdaṃ tīrtha sevayā |
tathāpi brahmahatyā sā na naṣṭeti śrutaṃ vacaḥ || 63 ||
[Analyze grammar]

kiṃ kurma iti saṃciṃtya naimiṣāraṇyamabhyagāt |
tatra gatvā munīnāṃ tannyavedayadariṃdamaḥ || 64 ||
[Analyze grammar]

yacchrutaṃ gagane vākyaṃ yā ca dṛṣṭā tamomayī |
nyavedayata tatsarvaṃ munīnāṃ rohiṇīsutaḥ |
tacchrutvā munayaḥ sarve rāmaṃ vākyamathābruvan || 65 ||
[Analyze grammar]

munaya ūcuḥ |
yadi rāma na naṣṭā te brahmahatyā tu kṛtsnaśaḥ || 66 ||
[Analyze grammar]

tarhi gaccha mahābhāga gaṃdhamādanaparvatam |
mahāduḥkha praśamanaṃ mahārogavināśanam || 67 ||
[Analyze grammar]

rāmasetau mahāpuṇye gandhamādanaparvate |
asti lakṣmaṇatīrthākhyaṃ saraḥ pāpavināśanam || 68 ||
[Analyze grammar]

snānaṃ kuruṣva tatra tvaṃ talliṃgaṃ ca namaskuru |
niḥśeṣaṃ tena naṣṭā syādbrahmahatyā na saṃśayaḥ || 69 ||
[Analyze grammar]

śrīsūta uvāca |
evamuktastadā rāmo gandhamādanaparvatam |
gatvā lakṣmaṇatīrthaṃ ca prāptavānmunipuṃgavāḥ || 70 ||
[Analyze grammar]

snātvā saṃkalpapūrvaṃ tu tatra tīrthe halāyudhaḥ |
brāhmaṇebhyo dadau vittaṃ dhānyaṃ gāśca vasundharām || 71 ||
[Analyze grammar]

tasminnavasare tatra rāmamāhāśarīravāk |
niḥśeṣaṃ rāma naṣṭā te brahmahatyādhunā tviha || 72 ||
[Analyze grammar]

saṃdeho nātra kartavyaḥ sukhaṃ yāhi purīṃ nijām |
tacchrutvā balabhadro'tha tattīrthaṃ praśaśaṃsa ha || 73 ||
[Analyze grammar]

tatastatratyatīrtheṣu snātvā sarveṣu mādhavaḥ |
dhanuṣkoṭau tathā snātvā rāmanāthaṃ niṣevya ca |
dvārakāṃ svapurīṃ prāyānnaṣṭapātakasaṃcayaḥ || 74 ||
[Analyze grammar]

śrīsūta uvāca |
evaṃ vaḥ kathitaṃ viprāḥ śrīlakṣmaṇasaro'malam || 75 ||
[Analyze grammar]

puṇyaṃ pavitraṃ pāpaghnaṃ brahmahatyādiśodhakam |
yaḥ paṭhedimamadhyāyaṃ śṛṇuyādvā samāhitaḥ || 76 ||
[Analyze grammar]

sa yāti muktiṃ vipreṃdrāḥ punarāvṛttivarjitām || 77 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye lakṣmaṇatīrthapraśaṃsāyāṃ balabhadrabrahmahatyāvimokṣaṇanāmaikonaviṃśo'dhyāyaḥ || 19 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 19

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: