Chapter 2

[English text for this chapter is available]

sūta uvāca |
agastyamunirityuktvā cakratīrthāśrayāṃ kathām |
vibhorviṣṇuhareścāpi punarāha dvijottamāḥ || 1 ||
[Analyze grammar]

agastya uvāca |
purā brahmā jagatsraṣṭā vijñāya harimacyutam |
ayodhyāvāsinaṃ devaṃ tatra cakre sthitiṃ svayam || 2 ||
[Analyze grammar]

āgatya kṛtavāṃstatra yātrāṃ brahmā yathāvidhi |
yajñaṃ ca vidhivaccakre nānāsaṃbhārasaṃyutam || 3 ||
[Analyze grammar]

tataḥ sa kṛtavāṃstatra brahmā lokapitāmahaḥ |
kuṇḍaṃ svanāmnā vipulaṃ nānādevasamanvitam || 4 ||
[Analyze grammar]

vistīrṇajalakallolakalitaṃ kaluṣāpaham |
kumudotpalakahlārapuṃḍarīkakulākulam || 5 ||
[Analyze grammar]

haṃsasārasacakrāhva vihaṃgamamanoharam |
taṭāṃtaviṭapollāsi patattrigaṇasaṃkulam || 6 ||
[Analyze grammar]

tatra kuṇḍe surāḥ sarve snātāḥ śuddhisamanvitāḥ |
babhūvuraddhā vigatarajaskā vimalatviṣaḥ || 7 ||
[Analyze grammar]

tadāścaryyaṃ mahaddṛṣṭvā te sarve sahasā surāḥ |
brahmāṇaṃ praṇipatyocurbhaktyā prāṃjalayastadā || 8 ||
[Analyze grammar]

devā ūcuḥ |
bhagavanbrūhi tattvena māhātmyaṃ kamalāsana |
asya kuṇḍasya sakalaṃ khātasya vimalatviṣaḥ || 9 ||
[Analyze grammar]

atra snānena sarveṣāmasmākaṃ vigataṃ rajaḥ |
mahadāścaryametasya dṛṣṭvā kuṃḍasya vismitāḥ |
sarve vayaṃ suraśreṣṭha kṛpayā tvamato vada || 10 ||
[Analyze grammar]

brahmovāca |
śṛṇvantu sarve tridaśāḥ sāvadhānāḥ savismayāḥ |
kuṇḍasyaitasya māhātmyaṃ nānāphalasamanvitam || 11 ||
[Analyze grammar]

atra snānena vidhivatpāpātmāno'pi jaṃtavaḥ |
vimānaṃ haṃsasaṃyuktamāsthāya rucirāṃbarāḥ |
nivasaṃti brahmaloke yāvadābhūtasaṃplavam || 12 ||
[Analyze grammar]

atra dānena homena yathāśaktyā surottamāḥ |
tulāśvamedhayoḥ puṇyaṃ prāpnuyurmunisattama || 13 ||
[Analyze grammar]

mamāsminsarasi śrīmāñjāyate snānato naraḥ |
tasmādatra vidhānena snānaṃ dānaṃ japādikam || 14 ||
[Analyze grammar]

sarvayajñasamaṃ syādvai mahāpātakanāśanam |
brahmakuṇḍamiti khyātimito yāsyatyanuttamām || 15 ||
[Analyze grammar]

asminkuṇḍe ca sāṃnidhyaṃ bhaviṣyati sadā mama |
kārttike śuklapakṣasya caturdaśyāṃ surottamāḥ || 16 ||
[Analyze grammar]

yātrā bhaviṣyati sadā surāḥ sāṃvatsarī mama |
śubhapradā mahāpāparāśināśakarī tadā || 17 ||
[Analyze grammar]

svarṇaṃ caiva sadā deyaṃ vāsāṃsi vividhāni ca |
nijaśaktyā prakartavyā surāstṛptirdvijanmanām || 18 ||
[Analyze grammar]

agastya uvāca |
ityuktvā devadevo'yaṃ brahmā lokapitāmahaḥ |
antardadhe suraiḥ sārddhaṃ tīrthaṃ dṛṣṭvā tapodhana || 19 ||
[Analyze grammar]

tadāprabhṛti tatkuṇḍaṃ vikhyātaṃ paramaṃ bhuvi |
cakratīrthācca pūrvasyāṃ diśi kuṇḍaṃ sthitaṃ mahat || 20 ||
[Analyze grammar]

sūta uvāca |
ityuktvā sa taporāśiragastyaḥ kuṃbhasaṃbhavaḥ |
punaḥ pṛṣṭo munivaro vyāsāyāvīvadatkathām || 21 ||
[Analyze grammar]

agastya uvāca |
anyacchṛṇu mahābhāga tīrthaṃ duṣkṛtidurllabham |
ṛṇamocanasaṃjñaṃ tu sarayūtīrasaṃgatam || 22 ||
[Analyze grammar]

brahmakuṇḍānmunivara dhanuḥsaptaśatena ca |
pūrvottaradiśābhāge saṃsthitaṃ sarayūjale || 23 ||
[Analyze grammar]

tatra pūrvaṃ munivaro lomaśo nāma nāmataḥ |
tīrthayātrāprasaṃgena snānaṃ cakre vidhānataḥ || 24 ||
[Analyze grammar]

tataḥ sa ṛṇanirmukto babhūva gatakalmaṣaḥ |
tadāścaryaṃ mahaddṛṣṭvā munīnsānandamabravīt || 25 ||
[Analyze grammar]

paśyantvetasya mahato guṇāṃstīrthavarasya vai |
bhujāvūrdhvaṃ tathā kṛtvā harṣeṇāhā'śrulocanaḥ || 26 ||
[Analyze grammar]

lomaśa uvāca |
ṛṇamocanasaṃjñaṃ tu tīrthametadanuttamam |
yatra snānena jaṃtūnāmṛṇaniryātanaṃ bhavet || 27 ||
[Analyze grammar]

aihikaṃ pāralaukikyaṃ yadṛṇatritayaṃ nṛṇām |
tatsarvaṃ snānamātreṇa tīrthe'sminnaśyati kṣaṇāt || 28 ||
[Analyze grammar]

sarvatīrthottamaṃ caitatsadyaḥ pratyayakārakam |
mayā cāsya phalaṃ samyaganubhūtamṛṇādiha || 29 ||
[Analyze grammar]

tasmādatra vidhānena snānaṃ dānaṃ ca śaktitaḥ |
karttavyaṃ śraddhayā yuktaiḥ sarvadā phalakāṃkṣibhiḥ || 30 ||
[Analyze grammar]

snātavyaṃ ca suvarṇaṃ ca deyaṃ vastrādi śaktitaḥ || 31 ||
[Analyze grammar]

agastya uvāca |
ityuktvā tīrthamāhātmyaṃ lomaśo munisattamaḥ |
antardadhe muniśreṣṭhaḥ stuvaṃstīrthaguṇānmudā || 32 ||
[Analyze grammar]

ityetatkathitaṃ vipra ṛṇamocanasaṃjñakam |
yatra snānena jantūnāmṛṇaṃ naśyati tatkṣaṇāt |
ṛṇamocanatīrthaṃ tu pūrvataḥ sarayūjale || 33 ||
[Analyze grammar]

dhanurdviśatyā tīrthaṃ ca pāpamocanasaṃjñakam |
sarvapāpaviśuddhātmā tatra snānena mānavaḥ |
jāyate tatkṣaṇādeva nātra kāryā vicāraṇā || 34 ||
[Analyze grammar]

mayā tatra muniśreṣṭha dṛṣṭaṃ māhātmyamuttamam || 35 ||
[Analyze grammar]

pāṃcāladeśasaṃbhūto nāmnā naraharirdvijaḥ |
asatsaṃgaprabhāvena pāpātmā samajāyata || 36 ||
[Analyze grammar]

nānā vidhāni pāpāni brahmahatyādikāni ca |
kṛtavānpāpisaṃgena trayīmārgavinindakaḥ || 37 ||
[Analyze grammar]

sa kadācitsādhusaṃgāttīrthayātrāprasaṃgataḥ |
ayodhyāmāgato vipra mahāpātakakṛddvijaḥ || 38 ||
[Analyze grammar]

pāpamocanatīrthe tu snātaḥ satsaṃgato dvijaḥ |
pāparāśirvinaṣṭo'sya niṣpāpaḥ samabhūtkṣaṇāt || 39 ||
[Analyze grammar]

divaḥ papāta tanmūrdhni puṣpavṛṣṭirmunīśvara |
divyaṃ vimānamāruhya viṣṇuloke gato dvijaḥ || 40 ||
[Analyze grammar]

taddṛṣṭvā mahadāścaryaṃ mayā ca dvijapuṃgava |
śraddhayā parayā tatra kṛtaṃ snānaṃ viśeṣataḥ || 41 ||
[Analyze grammar]

māghakṛṣṇacaturdaśyāṃ tatra snānaṃ viśeṣataḥ |
dānaṃ ca manujaiḥ kāryyaṃ sarvapāpaviśuddhaye || 42 ||
[Analyze grammar]

anyadā tu kṛte snāne sarvapāpakṣayo bhavet || 43 ||
[Analyze grammar]

pāpamocanatīrthe tu pūrvaṃ tu sarayūjale |
dhanuḥśatapramāṇena varttate tīrthamuttamam || 44 ||
[Analyze grammar]

sahasradhārāsaṃjñaṃ tu sarvakilbiṣanāśanam |
yasminrāmājñayā vīro lakṣmaṇaḥ paravīrahā |
prāṇānutsṛjya yogena yayau śeṣātmatāṃ purā || 45 ||
[Analyze grammar]

sārddhaṃhastatrayeṇaiva pramāṇaṃ dhanuṣo viduḥ |
caturbhirhastakaiḥ saṃkhyā daṇḍa ityabhidhīyate || 46 ||
[Analyze grammar]

sūta uvāca |
itthaṃ tadā samākarṇya kumbhayonimunestadā |
kṛṣṇadvaipāyano vyāsaḥ punaḥ papraccha kautukāt || 47 ||
[Analyze grammar]

vyāsa uvāca |
sahasradhārāmāhātmyaṃ vistarādvada suvrata |
śṛṇvaṃstīrthasya māhātmyaṃ na tṛpyati mano mama || 48 ||
[Analyze grammar]

agastya uvāca |
sāvadhānaḥ śṛṇu mune kathāṃ kathayato mama |
sahasradhārātīrthasya samutpattiṃ mahodayāt || 49 ||
[Analyze grammar]

purā rāmo raghupatirdevakāryaṃ vidhāya vai |
kālena saha saṃgamya maṃtraṃ cakre nareśvaraḥ || 50 ||
[Analyze grammar]

āvāṃ mantrayamāṇau hi yaḥ paśyedantikāgataḥ || 49 ||
[Analyze grammar]

mayā tyājyo bhavetkṣipramitthaṃ cakre sa saṃvidam || 51 ||
[Analyze grammar]

tasminmaṃtrayamāṇe hi dvāre tiṣṭhati lakṣmaṇe |
āgataḥ sa taporāśirdurvāsāstejasāṃ nidhiḥ || 52 ||
[Analyze grammar]

āgatya lakṣmaṇaṃ śīghraṃ prītyovāca kṣudhā'kulaḥ || 53 ||
[Analyze grammar]

durvāsā uvāca |
saumitre gaccha śīghraṃ tvaṃ rāmāgre māṃ nivedaya |
kāryārthinamidaṃ vākyaṃ nānyathā kartumarhasi || 54 ||
[Analyze grammar]

agastya uvāca |
śāpādbhītaḥ sa saumitrirdrutaṃ gatvā tayoḥ puraḥ |
muniṃ nivedayāmāsa rāmāgre darśanārthinam |
durvāsasaṃ taporāśimatrinandanamāgatam || 55 ||
[Analyze grammar]

rāmo'pi kālamāmaṃtrya prasthāpya ca bahiryayau |
dṛṣṭvā muniṃ taṃ praṇataḥ saṃbhojya prabhurādarāt || 56 ||
[Analyze grammar]

durvāsasaṃ munivaraṃ prasthāpya svayamādarāt |
satyabhaṃgabhayādvīro lakṣmaṇaṃ tyaktavāṃstadā || 57 ||
[Analyze grammar]

lakṣmaṇo'pi tadā vīraḥ kurvannavitathaṃ vacaḥ |
bhrāturjyeṣṭhasya sumatiḥ sarayūtīramāyayau || 58 ||
[Analyze grammar]

tatra gatvātha ca snātvā dhyānamāsthāya satvaram |
cidātmani manaḥ śāntaṃ saṃgamyāvasthitastadā || 59 ||
[Analyze grammar]

tataḥ prādurabhūttatra sahasraphaṇamaṇḍitaḥ |
śeṣaścakṣuḥśravāḥ śreṣṭhaḥ kṣitiṃ bhittvā sahasradhā |
suralokātsurendro'pi samāgādamaraiḥ saha || 60 ||
[Analyze grammar]

tataḥ śeṣātmatāṃ yātaṃ lakṣmaṇaṃ satyasaṃgaram |
uvāca madhuraṃ śakraḥ surāṇāṃ tatra paśyatām || 61 ||
[Analyze grammar]

indra uvāca |
lakṣmaṇottiṣṭha śīghraṃ tvamāroha svapadaṃ svakam |
devakāryaṃ kṛtaṃ vīra tvayā ripuniṣūdana || 62 ||
[Analyze grammar]

vaiṣṇavaṃ paramaṃ sthānaṃ prāpnuhi tvaṃ sanātanam |
bhavanmūrtiḥ samāyātaḥ śeṣo'pi vilasatphaṇaḥ || 63 ||
[Analyze grammar]

sahasradhā kṣitiṃ bhittvā sahasraphaṇamaṇḍalaiḥ |
kṣiteḥ sahasracchidreṣu yasmādbhittvā samudgatāḥ || 64 ||
[Analyze grammar]

phaṇasāhasramaṇibhirdagdhāḥ śeṣasya suvrata |
tasmādetanmahātīrthaṃ sarayūtīragaṃ śubham |
khyātaṃ sahasradhāreti bhaviṣyati na saṃśayaḥ || 65 ||
[Analyze grammar]

etatkṣetrapramāṇaṃ tu dhanuṣāṃ pañcaviṃśatiḥ |
atra snānena dānena śrāddhena śraddhayānvitaḥ |
sarvapāpaviśuddhātmā viṣṇulokaṃ vrajennaraḥ || 66 ||
[Analyze grammar]

atra snāto naro dhīmāñcheṣaṃ saṃpūjya cāvyayam |
tīrthaṃ saṃpūjya vidhivadviṣṇulokamavāpnuyāt || 67 ||
[Analyze grammar]

tasmādatra prakartavyaṃ snānaṃ vidhipuraḥsaram |
śeṣarūpāhivaddhyeyāḥ pūjyā viprā viśeṣataḥ || 68 ||
[Analyze grammar]

svarṇaṃ cānnaṃ ca vāsāṃsi deyāni śraddhayānvitaiḥ |
snānaṃ dānaṃ hareḥ pūjā sarvamakṣayatāṃ vrajet || 69 ||
[Analyze grammar]

tasmādetanmahātīrthaṃ sarvakāmaphalapradam |
kṣitau bhaviṣyati sadā nātra kāryā vicāraṇā || 70 ||
[Analyze grammar]

śrāvaṇe śuddhapakṣasya yā tithiḥ pañcamī bhavet |
tasyāmatra prakartavyo nāgānuddiśya yatnataḥ || 71 ||
[Analyze grammar]

utsavo vipulaḥ sadbhiḥ śeṣapūjāpuraḥsaram |
utsave tu kṛte tatra tīrthe mahati mānavaiḥ || 72 ||
[Analyze grammar]

santoṣya ca dvijānbhaktyā nāgapūjāpurassaram |
santuṣṭāḥ phaṇinaḥ sarve pīḍayanti na mānuṣān || 73 ||
[Analyze grammar]

vaiśākhamāse ye snānaṃ kurvaṃtyatra samāhitāḥ |
na teṣāṃ punarāvṛttiḥ kalpakoṭiśatairapi || 74 ||
[Analyze grammar]

tasmādatra prakartavyaṃ mādhave yatnato naraiḥ |
snānaṃ dānaṃ hariḥ pūjyo brāhmaṇāśca viśeṣataḥ |
tīrthe kṛte'tra manujaiḥ sarvakāmaphalapradaḥ || 75 ||
[Analyze grammar]

viṣṇumuddiśya yo dadyātsālaṃkārāṃ payasvinīm |
savatsāmatra sattīrthe satpātrāya dvijanmane || 76 ||
[Analyze grammar]

tasya vāso bhavennitya viṣṇuloke sanātane |
akṣayaṃ svargamāpnoti tīrtha snānena mānavaḥ || 77 ||
[Analyze grammar]

atra pūjyau viśeṣeṇa naraiḥ śraddhāsamanvitaḥ |
vaiśākhe māsyalaṃkārairvastraiśca dvijadaṃpatī || 78 ||
[Analyze grammar]

lakṣmīnārāyaṇaprītyai lakṣmīprātyai viśeṣataḥ |
vaiśākhe māsi tīrthāni pṛthivīsaṃsthitāni vai || 79 ||
[Analyze grammar]

sarvāṇyapi ca saṃgatya sthāsyaṃtyatra na saṃśayaḥ |
tasmādatra viśeṣeṇa vaiśākhe snānato nṛṇām |
sarvatīrthāvagāhasya bhaviṣyati phalaṃ mahat || 80 ||
[Analyze grammar]

agastya uvāca |
ityuktvā munirājeṃdro lakṣmaṇaṃ surasaṃ gatam |
śeṣaṃ saṃsthāpya tattīrthe bhūbhāraharaṇakṣamam |
lakṣmaṇaṃ yānamāropya pratasthe divamādarāt || 81 ||
[Analyze grammar]

tadāprabhṛti tattīrthaṃ vikhyātiṃ paramāṃ yayau |
vaiśākhe māsi tīrthasya māhātmyaṃ paramaṃ smṛtam || 82 ||
[Analyze grammar]

pañcamyāmapi śuklāyāṃ śrāvaṇasya viśeṣataḥ |
anyadā parvaṇi śreṣṭhaṃ viśeṣaṃ snānamācaret |
sahasradhārātīrthe ca naraḥ svargamavāpnuyāt || 83 ||
[Analyze grammar]

vidhivadiha hi dhīmānsnānadānāni tīrthe naravara iha śaktyā yaḥ karotyādareṇa |
sa iha vipulabhogānnirmalātmā ca bhaktyā bhajati bhujagaśāyiśrīpaterātmanaikyam || 84 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe'yodhyāmāhātmye brahmakuṇḍasahasradhārātīrthamāhātmyavarṇanaṃnāma dvitīyo'dhyāyaḥ || 2 ||
[Analyze grammar]