Chapter 3

[English text for this chapter is available]

sūta uvāca |
iti śrutvā vaco dhīmānādarātkuṃbhajanmanaḥ |
provāca madhuraṃ vākyaṃ kṛṣṇadvaipāyano muniḥ || 1 ||
[Analyze grammar]

vyāsa uvāca |
bhagavannadbhutamidaṃ tīrthamāhātmyamuttamam |
śrutvā tvatto mama manaḥ paramānaṃdamāyayau || 2 ||
[Analyze grammar]

anyattīrthavaraṃ brūhi tattvena mama śṛṇvataḥ |
na tṛptirasti manasaḥ śṛṇvato mama suvrata || 3 ||
[Analyze grammar]

agastya uvāca |
śṛṇu vipra pravakṣyāmi tīrthamanyadanuttamam |
svargadvāramiti khyātaṃ sarvapāpaharaṃ sadā || 4 ||
[Analyze grammar]

svargadvārasya māhātmyaṃ vistarādvaktumīśvaraḥ |
nahi kaścidato vatsa saṃkṣepācchṛṇu suvrata || 5 ||
[Analyze grammar]

sahasradhārāmārabhya pūrvataḥ sarayūjale |
ṣaṭtriṃśadadhikā proktā dhanuṣāṃ ṣaṭśatī mitiḥ || 6 ||
[Analyze grammar]

svargadvārasya vistāraḥ purāṇajñairviśāradaiḥ |
svargadvārasamaṃ tīrthaṃ na bhūtaṃ na bhaviṣyati || 7 ||
[Analyze grammar]

satyaṃsatyaṃ punaḥ satyaṃ nāsatyaṃ mama bhāṣitam |
svargadvārasamaṃ tīrthaṃ nāsti brahmāṇḍagolake || 8 ||
[Analyze grammar]

hitvā divyāni bhaumāni tīrthāni sakalānyapi |
prātarāgatya tiṣṭhanti tatra saṃśritya suvrata || 9 ||
[Analyze grammar]

tasmādatra prakartavyaṃ prātaḥ snānaṃ viśeṣataḥ |
sarvatīrthāvagāhasya phalamātmana īpsatā || 10 ||
[Analyze grammar]

tyajaṃti prāṇinaḥ prāṇānsvargadvārāṃtare dvija |
prayāṃti paramaṃ sthānaṃ viṣṇoste nātra saṃśayaḥ || 11 ||
[Analyze grammar]

muktidvāramidaṃ paśya svargaprāptikaraṃ nṛṇām |
svargadvāramiti khyātaṃ tasmāttīrthamanuttamam || 12 ||
[Analyze grammar]

svargadvāraṃ suduṣprāpyaṃ devairapi na saṃśayaḥ |
yadyatkāmayate tatra tattadāpnoti mānavaḥ || 13 ||
[Analyze grammar]

svargadvāre parā siddhiḥ svargadvāre parā gatiḥ |
japtaṃ dattaṃ hutaṃ dṛṣṭaṃ tapastaptaṃ kṛtaṃ ca yat |
dhyānamadhyayanaṃ sarvaṃ dānaṃ bhavati cākṣayam || 14 ||
[Analyze grammar]

janmāṃtarasahasreṇa yatpāpaṃ pūrvasaṃcitam |
svargadvārapraviṣṭasya tatsarvaṃ vrajati kṣayam || 15 ||
[Analyze grammar]

brāhmaṇāḥ kṣatriyā vaiśyāḥ śūdrā vai varṇasaṃkarāḥ |
kṛmimlecchāśca ye cānye saṃkīrṇāḥ pāpayonayaḥ || 16 ||
[Analyze grammar]

kīṭāḥ pipīlikāścaiva ye cānye mṛgapakṣiṇaḥ |
kālena nidhanaṃ prāptāḥ svargadvāre śṛṇu dvija || 17 ||
[Analyze grammar]

kaumodakīkarāḥ sarve pakṣiṇo garuḍadhvajāḥ |
śubhe viṣṇupure viṣṇurjāyate tatra mānavāḥ || 18 ||
[Analyze grammar]

akāmo vā sakāmo vā api tīrthagatopi vā |
svargadvāre tyajanprāṇānviṣṇuloke mahīyate || 19 ||
[Analyze grammar]

munayo devatāḥ siddhāḥ sādhyā yakṣā marudgaṇāḥ |
yajñopavītamātreṇa vibhāgaṃ cakrire tu ye || 20 ||
[Analyze grammar]

madhyāhne'tra prakurvaṃti sānnidhyaṃ devatāgaṇāḥ |
tasmāttatra prakurvaṃti madhyāhne snānamādarāt || 21 ||
[Analyze grammar]

kurvaṃtyanaśanaṃ ye tu svargadvāre jiteṃdriyāḥ |
prayāṃti paramaṃ sthānaṃ ye ca māsopavāsinaḥ || 22 ||
[Analyze grammar]

annadānaratā te ca ratnadā bhūmidā narāḥ |
govastradāśca viprebhyo yāṃti te bhavanaṃ hareḥ || 23 ||
[Analyze grammar]

yatra siddhā mahātmāno munayaḥ pitarastathā |
svargaṃ prayāṃti te sarve svargadvāraṃ tataḥ smṛtam || 24 ||
[Analyze grammar]

caturddhā ca tanuṃ kṛtvā devadevo hariḥ svayam |
atra vai ramate nityaṃ bhrātṛbhiḥ saha rāghavaḥ || 25 ||
[Analyze grammar]

brahmalokaṃ parityajya caturvaktraḥ sanātanaḥ |
atraiva ramate nityaṃ devaiḥ saha pitāmahaḥ || 26 ||
[Analyze grammar]

kailāsanilayāvāsī śivastatraiva saṃsthitaḥ || 27 ||
[Analyze grammar]

merumandaramātro'pi rāśiḥ pāpasya karmaṇaḥ |
svargadvāraṃ samāsādya sa sarvo vrajati kṣayam || 28 ||
[Analyze grammar]

yā gatirjñānatapasāṃ yā gatiryajñayājinām |
svargadvāre mṛtānāṃ tu sā gatirvihitā śubhā || 29 ||
[Analyze grammar]

ṛṣidevāsuragaṇairjapahomaparāyaṇaiḥ |
yatibhirmokṣakāmaiśca svargadvāro niṣevyate || 30 ||
[Analyze grammar]

ṣaṣṭivarṣasahasrāṇi kāśīvāseṣu yatphalam |
tatphalaṃ nimiṣārddhena kalau dāśarathīṃ purīm || 31 ||
[Analyze grammar]

yā gatiryogayuktānāṃ vārāṇasyāṃ tanutyajām |
sā gatiḥ snānamātreṇa sarayvāṃ harivāsare || 32 ||
[Analyze grammar]

svargadvāre mṛtaḥ kaścinnarakaṃ naiva paśyati |
keśavānugṛhītā hi sarve yāṃti parāṃ gatim || 33 ||
[Analyze grammar]

bhūloke cāṃtarikṣe ca divi tīrthāni yāni vai |
atītya vartate tāni tīrthānyetaddvijottama || 34 ||
[Analyze grammar]

viṣṇubhaktiṃ samāsādya ramante tu suniścitāḥ |
saṃhṛtya śaktitaḥ kāmaṃ viṣayeṣu hi saṃsthitam || 35 ||
[Analyze grammar]

śaktitaḥ sarvato yuktvā śaktistapasi saṃsthitā |
na teṣāṃ punarāvṛttiḥ kalpakoṭiśatairapi || 36 ||
[Analyze grammar]

hanyamāno'pi yo vidvānvasecchastraśatairapi |
sa yāti paramaṃ sthānaṃ yatra gatvā na śocati || 37 ||
[Analyze grammar]

svargadvāre viyujyeta sa yāti paramāṃ gatim |
uttaraṃ dakṣiṇaṃ vāpi ayanaṃ na vikalpayet || 38 ||
[Analyze grammar]

sarvasteṣāṃ śubhaḥ kālaḥ svargadvāraṃ śrayaṃti ye |
snānamātreṇa pāpāni vilayaṃ yāṃti dehinām || 39 ||
[Analyze grammar]

yāvatpāpāni dehena ye kurvaṃti janāḥ kṣitau |
ayodhyā paramaṃ sthānaṃ teṣāmīritamādarāt || 40 ||
[Analyze grammar]

jyeṣṭhe māsi site pakṣe paṃcadaśyāṃ viśeṣataḥ |
tasya sāṃvatsarī yātrā devaiścandrahareḥ smṛtā || 41 ||
[Analyze grammar]

tasminnudyāpanaṃ candrasahasraṃ vratayogibhiḥ |
kāryaṃ prayatnato vipra sarvayajñaphalādhikam || 42 ||
[Analyze grammar]

tasminkṛte mahāpāpakṣayātsvargo bhavennṛṇām || 43 ||
[Analyze grammar]

śrīvyāsa uvāca |
bhagavanbrūhi tattvena tasya candrahareḥ śubhām |
utpattiṃ ca tathā caṃdravratasyodyāpane vidhim || 44 ||
[Analyze grammar]

agastya uvāca |
ayodhyānilayaṃ viṣṇuṃ natvā śītāṃśurutsukaḥ |
āgacchattīrthamāhātmyaṃ sākṣātkartuṃ sudhānidhiḥ |
atrāgatya ca candro'tha tīrthayātrāṃ cakāra saḥ || 45 ||
[Analyze grammar]

krameṇa vidhipūrvaṃ ca nānāścaryasamanvitaḥ |
samārādhya tato viṣṇuṃ tapasā duścareṇa vai || 46 ||
[Analyze grammar]

tatprasādaṃ samāsādya svābhidhānapurassaram |
hariṃ saṃsthāpayāmāsa tena caṃdrahariḥ smṛtaḥ || 47 ||
[Analyze grammar]

vāsudevaprasādena tatsthānaṃ jātamadbhutam |
taddhi guhyatamaṃ sthānaṃ vāsudevasya suvrata || 48 ||
[Analyze grammar]

sarveṣāmiva bhūtānāṃ bharturmokṣasya sarvadā |
asminsiddhāḥ sadā vipra goviṃdavratamāsthitāḥ || 49 ||
[Analyze grammar]

nānāliṃgadharā nityaṃ viṣṇulokābhikāṃkṣiṇaḥ |
abhyasyaṃti paraṃ yogaṃ muktātmāno jiteṃdriyāḥ || 50 ||
[Analyze grammar]

yathā dharmamavāpnoti anyatra na tathā kvacit |
dānaṃ vrataṃ tathā homaḥ sarvamakṣayatāṃ vrajeta || 51 ||
[Analyze grammar]

sarvakāmaphalaprāptirjāyate prāṇināṃ sadā |
tasmādatra vidhātavyaṃ prāṇibhiryatnataḥ kramāt |
dānādikaṃ viprapūjā daṃpatyośca viśeṣataḥ || 52 ||
[Analyze grammar]

sarvayajñādhikaphalaṃ sarvatīrthāvagāhanam |
sarvadevāvalokasya yatpuṇyaṃ jāyate nṛṇām || 53 ||
[Analyze grammar]

tatsarvaṃ jāyate puṇyaṃ prāṇināmasya darśanāt |
tasmādetanmahākṣetraṃ purāṇādiṣu gīyate || 54 ||
[Analyze grammar]

udyāpanavidhiścātra nṛbhirdvijapurassaram |
agre caṃdrahareścandra sahasravratasaṃjñakaḥ || 55 ||
[Analyze grammar]

gate varṣadvaye sārddhe paṃcapakṣe dinadvaye |
divasasyā'ṣṭame bhāge patatyeko'dhimāsakaḥ || 56 ||
[Analyze grammar]

tryadhike vā aśītyabde caturmāsayute tataḥ |
bhaveccandrasahasraṃ tu tāvajjīvati yo naraḥ |
udyāpanaṃ prakarttavyaṃ tena yātrā prayatnataḥ || 57 ||
[Analyze grammar]

yatpuṇyaṃ paramaṃ proktaṃ satataṃ yajñayājinām |
satyavādiṣu yatpuṇyaṃ yatpuṇyaṃ hemadāyini |
tatpuṇyaṃ labhate vipra sahasrābdasya jīvibhiḥ || 58 ||
[Analyze grammar]

sarvasaukhyapradaṃ tādṛkpuṇyavratamihocyate || 59 ||
[Analyze grammar]

caturdaśyāṃ śuciḥ snātvā dantadhāvanapūrvakam |
caritabrahmacaryyaśca jitavākkāyamānasaḥ |
paurṇamāsyāṃ tathā kṛtvā caṃdrapūjāṃ ca kārayet || 60 ||
[Analyze grammar]

pūrvaṃ ca mātaraḥ pūjyā gauryādikakrameṇa ca |
ṛtvijaḥ pūjayedbhaktyā vṛddhiśrāddhapurassaram || 61 ||
[Analyze grammar]

prayataiḥ pratimā kāryā caṃdramaṃḍalasannibhā |
sahasrasaṃkhyā hyathavā tadarddhaṃ vā tadarddhakam |
nijavittānumānena tadardhena tadarddhikam || 62 ||
[Analyze grammar]

tataḥ śraddhānumānādvā kāryā vittānumānataḥ |
athavā ṣoḍaśa śubhā vidhātavyāḥ prayatnataḥ || 63 ||
[Analyze grammar]

caṃdrapūjāṃ tataḥ kuryādāgamoktavidhānataḥ |
māṣaiḥ ṣoḍaśabhiḥ kāryā pratyekaṃ pratimā śubhā || 64 ||
[Analyze grammar]

somamaṃtreṇa homastu kāryo vittānumānataḥ |
pratimāsthāpanaṃ kuryātsomamaṃtramudīrayet || 65 ||
[Analyze grammar]

somotpattiṃ somasūktaṃ pāṭhayecca prayatnataḥ |
caṃdrapūjāṃ tataḥ kuryādāgamoktavidhānataḥ || 66 ||
[Analyze grammar]

caṃdranyāsaṃ kalānyāsaṃ kārayenmaṃḍale jalam |
ekādaśeṃdriyanyāsaṃ tathaiva vidhipūrvakam || 67 ||
[Analyze grammar]

caṃdrabiṃbanibhaṃ kāryyaṃ maṃḍalaṃ śubhataṃḍulaiḥ |
madhye ca kalaśaḥ sthāpyo gavyena payasāplutaḥ || 68 ||
[Analyze grammar]

caturasreṣu saṃpūrṇānkalaśānsthāpayedbahiḥ |
maṃḍale caṃdrapūjā ca kartavyā nāmabhiḥ kramāt || 69 ||
[Analyze grammar]

himāṃśave namaścaiva somacaṃdrāya vai namaḥ || 54 ||
[Analyze grammar]

caṃdrāya vidhave nityaṃ namaḥ kumudabaṃdhave || 70 ||
[Analyze grammar]

sudhāṃśave ca somāya oṣadhīśāya vai namaḥ |
namo'bjāya mṛgāṃkāya kalānāṃ nidhaye namaḥ || 71 ||
[Analyze grammar]

namo nakṣatranāthāya śarvarīpataye namaḥ |
jaivātṛkāya satataṃ dvijarājāya vai namaḥ || 72 ||
[Analyze grammar]

evaṃ ṣoḍaśabhiścaṃdraḥ stotavyo nāmabhiḥ kramāt || 73 ||
[Analyze grammar]

tato vai prayato dadyādvidhivanmaṃtrapūrvakam |
śaṃkhatoyaṃ samādāya sapuṣpaṃ phalacaṃdanam || 74 ||
[Analyze grammar]

namaste māsamāsāṃte jāyamāna punaḥpunaḥ |
gṛhāṇārghyaṃ śaśāṃka tvaṃ rohiṇyā sahito mama || 75 ||
[Analyze grammar]

evaṃ saṃpūjya vidhivacchaśinaṃ praṇato bhavet |
ṣoḍaśānye ca kalaśā dugdhapūrṇāḥ saratnakāḥ || 76 ||
[Analyze grammar]

savastrācchādanāḥ śāṃtyai dātavyāste dvijanmane |
abhiṣekaṃ tataḥ kuryātpāyasena jalena tu || 77 ||
[Analyze grammar]

ṛtvijāṃ manasastuṣṭiḥ kāryā vittānumānataḥ |
brāhmaṇaṃ bhojayettatra sakuṭuṃbaṃ viśeṣataḥ || 78 ||
[Analyze grammar]

pūjanīyau prayatnena vastraiśca dvijadaṃpatī |
kartavyaṃ ca tato bhūridakṣiṇādānamuttamam || 79 ||
[Analyze grammar]

pratimāśca pradātavyā dvijebhyo dhenupūrvikāḥ |
suvarṇaṃ rajataṃ vastraṃ tathānnaṃ ca viśeṣataḥ |
dātavyaṃ caṃdrasuprītyai harṣādevaṃ dvijanmane || 80 ||
[Analyze grammar]

upavāsavidhānena dinaśeṣaṃ nayetsudhīḥ |
anaṃtare ca divase kuryādbhagavadarcanam |
bāṃdhavaiḥ saha bhuñjīta niyamaṃ ca visarjjayet || 81 ||
[Analyze grammar]

evaṃ ca kurute caṃdrasahasraṃ vratamuttamam |
brahmaghno'pi surāpo'pi steyī ca gurutalpagaḥ |
vratenānena śuddhātmā caṃdralokaṃ vrajennaraḥ || 82 ||
[Analyze grammar]

yādṛśaśca bhavedvipra priyo nārāyaṇasya ca |
evaṃ karoti niyataṃ kṛtakṛtyo bhavennaraḥ || 83 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe'yodhyāmāhātmye candrasahasravratodyāpanavidhivarṇanaṃ nāma tṛtīyo'dhyāyaḥ || 3 ||
[Analyze grammar]