Chapter 42

[English text for this chapter is available]

nārada uvāca |
śaṃkhacūḍavadhaṃ śrutvā caritaṃ śaśimaulinaḥ |
ayaṃ tṛpto'smi no tvatto'mṛtaṃ pītvā yathā janaḥ || 1 ||
[Analyze grammar]

brahmanyaccaritaṃ tasya maheśasya mahātmanaḥ |
māyāmāśritya sallīlāṃ kurvato bhaktamodadām || 2 ||
[Analyze grammar]

brahmovāca |
jalaṃdharavadhaṃ śrutvā vyāsassatyavatīsutaḥ |
aprākṣīdimamevārthaṃ brahmaputraṃ munīśvaram || 3 ||
[Analyze grammar]

sanatkumāraḥ provāca vyāsaṃ satyavatīsutam |
supraśaṃsya maheśasya caritaṃ maṃgalāyanam || 4 ||
[Analyze grammar]

sanatkumāra uvāca |
śṛṇu vyāsa maheśasya caritaṃ maṃgalāyanam |
yathāndhako gāṇapatyaṃ prāpa śaṃbhoḥ parātmanaḥ || 5 ||
[Analyze grammar]

kṛtvā paramasaṃgrāmaṃ tena pūrvaṃ munīśvara |
prasādya taṃ maheśānaṃ sattvabhāvātpunaḥ punaḥ || 6 ||
[Analyze grammar]

māhātmyamadbhutaṃ śaṃbhośśaraṇāgatarakṣiṇaḥ |
subhaktavatsalasyaiva nānālīlāvihāriṇaḥ || 7 ||
[Analyze grammar]

māhātmyametadvṛṣabhadhvajasya śrutvā munirgaṃdhavatīsuto hi |
vaco mahārthaṃ praṇipatya bhaktyā hyuvāca taṃ brahmasutaṃ munīṃdram || 8 ||
[Analyze grammar]

vyāsa uvāca |
ko hyaṃdhako vai bhagavanmunīśa kasyānvaye vīryavataḥ pṛthivyām |
jāto mahātmā balavān pradhānaḥ kimātmakaḥ kasya sutoṃ'dhakaśca || 9 ||
[Analyze grammar]

etatsamastaṃ sarahasyamadya bravīhi me brahmasutaprasādāt |
skaṃdānmayā vai viditaṃ hi samyak maheśaputrādamitāvabodhāt || 10 ||
[Analyze grammar]

gāṇapatyaṃ kathaṃ prāpa śaṃbhoḥ paramatejasaḥ |
soṃdhako dhanya evāti yo vabhūva gaṇeśvaraḥ || 11 ||
[Analyze grammar]

|| brahmovāca |
vyāsasya caitadvacanaṃ niśamya provāca sa brahmasutastadānīm |
maheśvarotīḥ paramāptalakṣmīssaṃśrotukāmaṃ janakaṃ śukasya || 12 ||
[Analyze grammar]

sanatkumāra uvāca |
purā''gato bhaktakṛpākaro'sau kailāsataśśailasutā gaṇāḍhyaḥ |
vihartukāmaḥ kila kāśikā vai svaśailato nirjaracakravatī || 13 ||
[Analyze grammar]

sa rājadhānīṃ ca vidhāya tasyāṃ cakraṃ parotīḥ sukhadā janānām |
tadrakṣakaṃ bhairavanāmavīraṃ kṛtvā samaṃ śailajayāhi bahvīḥ || 14 ||
[Analyze grammar]

sa ekadā maṃdaranāmadheyaṃ gato nage tadvarasuprabhāvāt |
tatrāpi mānāgaṇavīramukhyaiśśivāsameto vijahāra bhūri || 15 ||
[Analyze grammar]

pūrve diśo mandara śailasaṃsthā kaparddinaścaṃḍaparākamasya |
cakre tato netranimīlanaṃ tu sā pārvatī narmayutaṃ salīlam || 16 ||
[Analyze grammar]

pravālahemābjadhṛtaprabhābhyāṃ karāmbujābhyāṃ nimimīla netre |
harasya netreṣu nimīliteṣu kṣaṇena jātaḥ sumahāṃdhakāraḥ || 17 ||
[Analyze grammar]

tatsparśayogācca maheśvarasya karau ca tasyāḥ skhalitaṃ madāṃbhaḥ |
śaṃbhorlalāṭe kṣaṇavahnitapto vinirgato bhūrijalasya binduḥ || 18 ||
[Analyze grammar]

garbho babhūvātha karālavaktro bhayaṃkaraḥ krodhaparaḥ kṛtaghnaḥ |
andho virūpī jaṭilaśca kṛṣṇo naretaro vaikṛtikassuromā || 19 ||
[Analyze grammar]

gāyanhasanprarudannṛtyamāno vilelihāno gharaghoraghoṣaḥ |
jātena tenādbhutadarśanena gaurīṃ bhavo'sau smitapūrvamāha || 20 ||
[Analyze grammar]

śrīmaheśa uvāca |
nimīlya netrāṇi kṛtaṃ ca karma bibheṣi sā'smāddayite kathaṃ tvam |
gaurī harāttadvacanaṃ niśamya vihasyamānā pramumoca netre || 21 ||
[Analyze grammar]

jāte prakāśe sati ghorarūpo jātoṃdhakārādapi netrahīnaḥ |
tādṛgvidhaṃ taṃ ca nirīkṣya bhūtaṃ papraccha gaurī puruṣaṃ maheśam || 22 ||
[Analyze grammar]

gauryyuvāca |
koyaṃ virūpo bhagavanhi jāto nāvagrato ghorabhayaṃkaraśca |
vadasva satyaṃ mama kiṃ nimittaṃ sṛṣṭo'tha vā kena ca kasya putraḥ || 23 ||
[Analyze grammar]

sanatkumāra uvāca |
śrutvā harastadvacanaṃ priyāyā līlākarassṛṣṭikṛtoṃ'dharūpām |
līlākarāyāstrijagajjananyā vihasya kiṃcidbhagavānuvāca || 24 ||
[Analyze grammar]

maheśa uvāca |
śṛṇvaṃbike hyadbhutavṛttakāre utpanna eṣo'dbhutacaṇḍavīryaḥ |
nimīlite cakṣuṣi me bhavatyā sa svedajo meṃdhakanāmadheyaḥ || 25 ||
[Analyze grammar]

tvaṃ cāsya kartāsyayathānurūpaṃ tvayā sasakhyā dayayā gaṇebhyaḥ |
sa rakṣitavyastva yi taṃ hi vaikaṃ vicārya buddhyā karaṇīyamārye || 26 ||
[Analyze grammar]

sanatkumāra uvāca |
gaurī tato bhṛtyavaco niśamya kāruṇyabhāvātsahitā sakhībhiḥ |
nānāprakārairbahubhirhyupāyaiścakāra rakṣāṃ svasutasya yadvat || 27 ||
[Analyze grammar]

kāle'tha tasmiñśiśire prayāto hiraṇyanetrastvatha putrakāmaḥ |
svajyeṣṭhabaṃdhostanayapratānaṃ saṃvīkṣya cāsītpriyayā niyuktaḥ || 28 ||
[Analyze grammar]

araṇyamāśritya tapaścakārāsurastadā kaśyapajassutārtham |
kāṣṭhopamo'sau jitaroṣadoṣassaṃdarśanārthaṃ tu maheśvarasya || 29 ||
[Analyze grammar]

tuṣṭaḥ pinākī tapasāsya samyagvarapradānāya yayau dvijendra |
tatsthānamāsādya vṛṣadhvajo'sau jagāda daityapravaraṃ maheśaḥ || 30 ||
[Analyze grammar]

maheśa uvāca |
he daityanātha kuru nendriyasaṃghapātaṃ kimarthametadvratamāśritaṃ te |
prabrūhi kāmaṃ varado bhavo'haṃ yadicchasi tvaṃ sakalaṃ dadāmi || 31 ||
[Analyze grammar]

sanatkumāra uvāca |
sarasyamākarṇya maheśavākyaṃ hyatiprasannaḥ kanakākṣadaityaḥ |
kṛtāṃjalirnamraśirā uvāca stutyā ca natvā vividhaṃ girīśam || 32 ||
[Analyze grammar]

|| hiraṇyākṣa uvāca |
putrastu me candralalāṭa nāsti suvīryavāndaityakulānurūpī |
tadarthametadvratamāsthito'haṃ taṃ dehi deveśa suvīryavaṃtam || 33 ||
[Analyze grammar]

yasmācca madbhrāturanaṃtavīryāḥ prahlādapūrvā api paṃcaputrāḥ |
mameha nāstīti gatānvayo'haṃ ko māmakaṃ rājyamidaṃ bubhūṣet || 34 ||
[Analyze grammar]

rājyaṃ parasya svabalena hṛtvā bhuṃkte'thavā svaṃ pitureva dṛṣṭam |
ca procyate putra iha tvamutra putrī sa tenāpibhavetpitāsau || 35 ||
[Analyze grammar]

ūrddhvaṃ gatiḥ putravatāṃ niruktā manīṣibhirdharmabhṛtāṃ variṣṭhaiḥ |
sarvāṇi bhūtāni tadarthamevamataḥ pravarteta paśūn svatejasaḥ || 36 ||
[Analyze grammar]

niranvayasyātha na saṃti lokāstadarthamicchaṃti janāḥ surebhyaḥ |
sadā samārādhya surātripaṃkajaṃ yācaṃta itthaṃ sutamekameva || 37 ||
[Analyze grammar]

sanatkumāra uvāca |
etadbhavastadvacanaṃ niśamya kṛpākaro daityanṛpasya tuṣṭaḥ |
tamāha daityātapa nāsti putrastvadvīryajaḥ kiṃtu dadāmi putram || 38 ||
[Analyze grammar]

mamātmajaṃ tvaṃdhakanāmadheyaṃ tvattulyavīryaṃ tvaparājitaṃ ca |
vṛṇīṣva putraṃ sakalaṃ vihāya duḥkhaṃ pratīcchasva sutaṃ tvameva || 39 ||
[Analyze grammar]

sanatkumāra uvāca |
ityevamuktvā pradadau sa tasmai hiraṇyanetrāya sutaṃ prasannaḥ |
harastu gauryyā sahito mahātmā bhūtādināthastripurārirugraḥ || 40 ||
[Analyze grammar]

nato harātprāpya sutaṃ sa daityaḥ pradakṣiṇīkṛtya yathākrameṇa |
stotrairanekairabhipūjya rudraṃ tuṣṭassvarājyaṃ gatavānmahātmā || 41 ||
[Analyze grammar]

tatastu putraṃ giriśādavāpya rasātalaṃ caṃḍaparākramastu |
imāṃ dharitrīmanayatsvadeśaṃ daityo vijitvā tridaśānaśeṣān || 42 ||
[Analyze grammar]

tatastu devermunibhiśca siddhaiḥ sarvātmakaṃ yajñamayaṃ karālam |
vārāhamāśritya vapuḥ pradhānamārādhito viṣṇuranaṃtavīryaḥ || 43 ||
[Analyze grammar]

ghoṇāprahārairvividhairdharitrīṃ vidārya pātālatalaṃ praviśya |
tuṃḍena daityāñśataśo vicūrṇya daṃṣṭrābhiragryābhi akhaṃḍitābhiḥ || 44 ||
[Analyze grammar]

pādaprahārairaśaniprakāśairunmathya sainyāni niśācarāṇām |
mārtaṃḍakoṭipratimena paścātsudarśanenādbhutacaṃḍatejāḥ || 45 ||
[Analyze grammar]

hiraṇyanetrasya śiro jvalaṃtaṃ ciccheda daityāṃśca dadāha duṣṭān |
tataḥ prahṛṣṭo ditijendrarājaṃ svamaṃdhakaṃ tatra sa cābhyaṣiṃcat || 46 ||
[Analyze grammar]

svasthānamāgatya tato dharitrīṃ dṛṣṭvāṃkureṇoddharataḥ prahṛṣṭaḥ |
bhūmiṃ ca pātālatalānmahātmā pupoṣa bhāgaṃ tvatha pūrvakaṃ tu || 47 ||
[Analyze grammar]

devaissamastairmunibhiḥprahṛṣṭai rabhiṣutaḥ padmabhuvā ca tena |
yayau svalokaṃ harirugrakāyo varāharūpastu sukāryakartā || 48 ||
[Analyze grammar]

hiraṇyanetre'tha hate'sureśe varāharūpeṇa sureṇa devāḥ |
devāssamastā munayaśca sarve pare ca jīvāssukhino babhūvuḥ || 49 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe hiraṇyākṣavadho nāma dvicatvāriṃśo'dhyāyaḥ || 42 ||
[Analyze grammar]