Chapter 43

[English text for this chapter is available]

vyāsa uvāca |
sanatkumāra sarvajña hate tasminsuradruhi |
kimakārṣīttatastasya jyeṣṭhabhrātā mahāsuraḥ || 1 ||
[Analyze grammar]

kutūhalamiti śrotuṃ mamā'tīha munīśvara |
tacchrāvaya kṛpāṃ kṛtvā brahmaputra namostu te || 2 ||
[Analyze grammar]

brahmovāca |
ityākarṇya vacastasya vyāsasya sa munīśvaraḥ |
sanatkumāraḥ provāca smṛtvā śivapadāmbujam || 3 ||
[Analyze grammar]

|| sanatkumāra uvāca |
bhrātaryevaṃ vinihate hariṇā kroḍamūrtinā |
hiraṇyakaśipurvyāsa paryatapyadruṣā śucā || 4 ||
[Analyze grammar]

tataḥ prajānāṃ kadanaṃ vidhātuṃ kadanapriyān |
nirdideśā'surānvīrānhari vairapriyo hi saḥ || 5 ||
[Analyze grammar]

atha te bhartṛsaṃdeśamādāya śirasā'surāḥ |
devaprajānāṃ kadanaṃ vidadhuḥ kadanapriyāḥ || 6 ||
[Analyze grammar]

tato viprakṛte loke'suraisterduṣṭamānasaiḥ |
divaṃ devāḥ parityajya bhuvi ceruralakṣitāḥ || 7 ||
[Analyze grammar]

hiraṇyakaśipurbhrātussaṃparetasya duḥkhitaḥ |
kṛtvā karodakādīni tatkalatrādyasāṃtvayat || 8 ||
[Analyze grammar]

tatassa daityarājendro hyajeyamajarāmaram |
ātmānamapra tidvaṃdvamekarājyaṃ vyadhitsata || 9 ||
[Analyze grammar]

sa tepe maṃdaradroṇyāṃ tapaḥ paramadāruṇam |
ūrddhvabāhurnabhodṛṣṭiḥ ṣādāṃguṣṭhāśritāvaniḥ || 10 ||
[Analyze grammar]

tasmiṃstapastapyamāne devāssarve balānvitāḥ |
daityānsarvānvinirjitya svāni sthānāni bhejire || 11 ||
[Analyze grammar]

tasya mūrddhnassamudbhūtaḥ sadhūmognistapomayaḥ |
tiryagūrddhvamadholokānatapadviṣvagīritaḥ || 12 ||
[Analyze grammar]

tena taptā divaṃ tyaktvā brahmalokaṃ yayussurāḥ |
dhātre vijñāpayāmāsustattapovikṛtānanāḥ || 13 ||
[Analyze grammar]

atha vijñāpito devairvyāsa tairātmabhūrvidhiḥ |
parīto bhṛgudakṣādyairyayau daityeśvarāśramam || 1 ||
[Analyze grammar]

pratāpya lokānakhilāṃstato'sau samāgataṃ padmabhavaṃ dadarśa |
varaṃ hi dātuṃ tamuvāca dhātā varaṃ vṛṇīṣveti pitāmahopi |
niśamya vācaṃ madhurāṃ vidhāturvaco'bravīdeva mamūḍhabuddhiḥ || 15 ||
[Analyze grammar]

hiraṇyakaśipuruvāca |
mṛtyorbhayaṃ me bhagavanprajeśa pitāmahābhūnna kadāpi deva |
śāstrāstrapāśāśaniśuṣkavṛkṣagirīndratoyāgniripuprahāraiḥ || 16 ||
[Analyze grammar]

devaiśca daityairmunibhiśca siddhaistvatsṛṣṭajīvairbahuvākyataḥ kim |
svarge dharaṇyāṃ divase niśāyāṃ naivorddhvato nāpyadhataḥ prajeśa || 17 ||
[Analyze grammar]

sanatkumāra uvāca |
tasyaitadīdṛgvacanaṃ niśamya daityendra tuṣṭo'smi labhasva sarvam |
praṇamya viṣṇuṃ manasā tamāha dayānvito'sāviti padmayoniḥ || 18 ||
[Analyze grammar]

alaṃ tapaste paripūrṇa kāmassamāḥ sahasrāṇi ca ṣaṇṇavatya |
uttiṣṭha rājyaṃ kuru dānavānāṃ śrutvā giraṃ tatsumukho babhūva || 19 ||
[Analyze grammar]

rājyābhiṣiktaḥ prapitāmahena trailokyanāśāya matiṃ cakāra |
utsādya dharmān sakalānpramatto jitvāhave sopi surānsamastān || 20 ||
[Analyze grammar]

tato bhayādiṃdramukhāśca devāḥ pitāmahājñāṃ samavāpya sarve |
upadrutā daityavareṇa jātāḥ kṣīrodadhiṃ yatra haristu śete || 21 ||
[Analyze grammar]

ārādhayāmāsuratīva viṣṇuṃ stutvā vacobhitsukhadaṃ hi matvā |
nivedayāmāsuratho prasannaṃ duḥkhaṃ svakīyaṃ sakalaṃ hi tete || 22 ||
[Analyze grammar]

śrutvā tadīyaṃ sakalaṃ hi duḥkhaṃ tuṣṭo rameśaḥ pradadau varāṃstu |
utthāya tasmācchayanādupendro nijānurūpairvividhairvacobhiḥ || 23 ||
[Analyze grammar]

āśvāsya devānakhilānmunīnvā uvāca vaiśvānaratulyatejāḥ |
daityaṃ haniṣye prasabhaṃ sureśāḥ prayāta dhāmāni nijāni tuṣṭāḥ || 24 ||
[Analyze grammar]

śrutvā rameśasya vacassureśāḥ śakrādikāste nikhilāḥ sutuṣṭāḥ |
yayuḥ svadhāmāni hiraṇyanetrānujaṃ ca matvā nihataṃ munīśa || 25 ||
[Analyze grammar]

āśritya rūpaṃ jaṭilaṃ karālaṃ daṃṣṭrāyudhaṃ tīkṣṇanakhaṃ sunāsam |
saiṃhaṃ ca nāraṃ suvidāritāsyaṃ mārtaṃḍakoṭipratimaṃ sughoram || 26 ||
[Analyze grammar]

yugāṃtakālāgnisamaprabhāvaṃ jaganmayaṃ kiṃ bahubhirvacobhiḥ |
astaṃ ravauso'pi hi gacchatīśo gato'surāṇāṃ nagarīṃ mahātmā || 27 ||
[Analyze grammar]

kṛtvā ca yuddhaṃ prabalaissa daityairhatvātha tāndaityagaṇāngṛhītvā |
babhrāma tatrādrutavikramaśca babhaṃja tāṃstānasurānnṛsiṃhaḥ || 28 ||
[Analyze grammar]

dṛṣṭassa daityairatulaprabhāvaste rebhire te hi tathaiva sarve |
siṃhaṃ ca taṃ sarvamayaṃ nirīkṣya prahlādanāmā ditijendraputraḥ |
uvāca rājānamayaṃ mṛgendro jaganmayaḥ kiṃ samupāgataśca || 29 ||
[Analyze grammar]

prahlāda uvāca |
eṣa praviṣṭo bhagavānanaṃto nṛsiṃhamātro nagaraṃ tvadaṃtaḥ |
nivṛtya yuddhāccha raṇaṃ prayāhi paśyāmi siṃhasya karālamūrttim || 30 ||
[Analyze grammar]

yasmānna yoddhā bhuvanatraye'pi kuruṣva rājyaṃ vinamanmṛgendram |
śrutvā svaputrasya vaco durātmā tamāha bhīto'si kimatra putra || 31 ||
[Analyze grammar]

uktveti putraṃ ditijādhinātho daityarṣabhānvīravarānsa rājā |
gṛhṇaṃtu vai siṃhamamuṃ bhavaṃto vīrā virūpabhrukuṭīkṣaṇaṃ tu || 32 ||
[Analyze grammar]

tasyājñayā daityavarāstataste grahītukāmā viviśurmṛgendram |
kṣaṇena dagdhāśśalabhā ivāgniṃ rūpābhilāṣātpravivikṣavo vai || 33 ||
[Analyze grammar]

daityeṣu dagdheṣvapi daityarājaścakāra yuddhaṃ sa mṛgādhipena |
śastraissamagrairakhilaistathāstraiśśa ktyarṣṭipāśāṃkuśapāvakādyaiḥ || 34 ||
[Analyze grammar]

saṃyudhyatoreva tayorjagāma brāhmaṃ dinaṃ vyāsa hi śastrapāṇyoḥ |
pravīrayorvīraraveṇa garjatoḥ parasparaṃ krodhasuyuktacetasoḥ || 35 ||
[Analyze grammar]

tataḥ sa daityassahasā bahūṃśca kṛtvā bhujāñchastrayutānnirīkṣya |
nṛsiṃharūpaṃ prayayau mṛgendra saṃyudhyamānaṃ sahasā samaṃtāt || 36 ||
[Analyze grammar]

tatassuyuddhaṃ tvatidussahaṃ tu śastraissamastaiśca tathākhilāstraiḥ |
kṛtvā mahādaityavaro nṛsiṃhaṃ kṣayaṃ gataiśśūla dharo'bhyupāyāt || 37 ||
[Analyze grammar]

tato gṛhītassa mṛgādhipena bhujairanekairgirisāravadbhi |
nidhāya jānau sa bhujāṃtareṣu nakhāṃkurairdānavamarmabhidbhiḥ || 3 ||
[Analyze grammar]

nakhāstrahṛtpadmamasṛgvimiśramutpādya jīvādvigataḥ kṣaṇena |
tyaktastadānīṃ sa tu kāṣṭhabhūtaḥ punaḥ punaścūrṇitasarvagātraḥ || 39 ||
[Analyze grammar]

tasminhate devaripau prasannaḥ prahlādamāmaṃtrya kṛtapraṇāmam |
rājye'bhiṣicyādbhutavīryaviṣṇustataḥ prayāto gatimapratarkyām || 40 ||
[Analyze grammar]

tato'tihṛṣṭāssakalāssureśāḥ praṇamya viṣṇuṃ diśi vipra tasyām |
yayuḥ svadhāmāni pitāmahādyāḥ kṛtasvakāryaṃ bhagavaṃtamīḍyam || 41 ||
[Analyze grammar]

pravarṇitaṃ tvaṃdhakajanma rudrāddhiraṇyanetrasya mṛtirvarāhāt |
nṛsiṃhatastatsahajasya nāśaḥ prahlādarājyāptiriti prasaṃgāt || 42 ||
[Analyze grammar]

śṛṇu tvidānīṃ dvijavarya mattoṃdhakaprabhāvaṃ bhavakṛtyalabdham |
hareṇa yuddhaṃ khalu tasya paścādgaṇādhipatyaṃ giriśasya tasya || 43 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe gaṇādhipatyaprāptyaṃdhakajanma hiraṇyanetrahiraṇyakaśipuvadhavarṇanaṃ nāma tricatvāriṃśo'dhyāyaḥ || 43 ||
[Analyze grammar]