Chapter 4

[English text for this chapter is available]

nārada uvāca |
devadeva prajānātha tataḥ kimabhavadvidhe |
vadedānīṃ kṛpātastu śivalīlāsamanvitam || 1 ||
[Analyze grammar]

|| brahmovāca |
kṛttikābhirgṛhīte vai tasmiñśaṃbhusute mune |
kaścitkālo vyatīyāya bubudhe na himādrijā || 2 ||
[Analyze grammar]

tasminnavasare durgā smerānanasaroruhā |
uvāca svāminaṃ śaṃbhuṃ devadeveśvaraṃ prabhum || 3 ||
[Analyze grammar]

pārvatyuvāca |
devadeva mahādeva śṛṇu me vacanaṃ śubham |
pūrvapuṇyātibhāreṇa tvaṃ mayā prāpta īśvara || 4 ||
[Analyze grammar]

kṛpayā yogiṣu śreṣṭho vihāraistatparo'bhavaḥ |
ratibhaṃgaḥ kṛto devaistatra me bhavatā bhava || 5 ||
[Analyze grammar]

bhūmau nipatitaṃ vīryaṃ nodare mama te vibho |
kutra yātaṃ ca taddeva kena daivena nihṇutam || 6 ||
[Analyze grammar]

kathaṃ matsvāmino vīryamamoghaṃ te maheśvara |
moghaṃ yātaṃ ca kiṃ kiṃvā śiśurjātaśca kutracit || 7 ||
[Analyze grammar]

brahmovāca |
pārvatīvacanaṃ śrutvā prahasya jagadīśvaraḥ |
uvāca devānāhūya munīṃścāpi munīśvara || 8 ||
[Analyze grammar]

|| maheśvara uvāca |
devāḥ śṛṇuta madvākyaṃ pārvatīvacanaṃ śrutam |
amoghaṃ kutra me vīryaṃ yātaṃ kena ca nihnutam || 9 ||
[Analyze grammar]

sabhayaṃ nāpatatkṣipraṃ sa ceddaṃḍaṃ na cārhati |
śaktau rājā na śāstā yaḥ prajābādhyaśca bhakṣakaḥ || 10 ||
[Analyze grammar]

śaṃbhostadvacanaṃ śrutvā samālocya parasparam |
ūcussarve krameṇaiva trastāstu purataḥ prabhoḥ || 11 ||
[Analyze grammar]

viṣṇuruvāca |
te mithyāvādinassaṃtu bhārate gurudārikāḥ |
gurunindāratāśśaśvattvadvīryaṃ yaiśca nihnutam || 12 ||
[Analyze grammar]

brahmovāca |
tvadvīryaṃ nihnutaṃ yena puṇyakṣetre ca bhārate |
sa nā'nvito bhavettatra sevane pūjane tava || 13 ||
[Analyze grammar]

lokapālā ūcuḥ |
tvadavīryaṃ nihnutaṃ yena pāpinā patitabhramāt |
bhājanaṃ tasya sotyantaṃ tattapaṃ karma saṃtatim || 14 ||
[Analyze grammar]

devā ūcuḥ |
kṛtvā pratijñāṃ yo mūḍho nā''pādayati pūrṇatām |
bhājanaṃ tasya pāpasya tvadvīryaṃ yena nihnutam || 15 ||
[Analyze grammar]

devapatnya ūcuḥ |
yā nidati svabhartāraṃ paraṃ gacchati pūruṣam |
mātṛbandhuvihīnā ca tvadvīryaṃ nihnutaṃ yayā || 16 ||
[Analyze grammar]

|| brahmovāca |
devānāṃ vacanaṃ śrutvā devadeveśvaro haraḥ |
karmmaṇāṃ sākṣiṇaścāha dharmādīnsabhayaṃ vacaḥ || 17 ||
[Analyze grammar]

śrīśiva uvāca |
devairna nihnutaṃ kena tadvīryaṃ nihnutaṃ dhruvam |
tadamoghaṃ bhagavato maheśasya mama prabhoḥ || 18 ||
[Analyze grammar]

yūyaṃ ca sākṣiṇo viśve satataṃ sarvakarmaṇām |
yuṣmākaṃ nihnutaṃ kimvā kiṃ jñātuṃ vaktumarhatha || 19 ||
[Analyze grammar]

|| brahmovāca |
īśvarasya vacaḥ śrutvā sabhāyāṃ kaṃpitāśca te |
parasparaṃ samālokya krameṇocuḥ purāḥ prabhoḥ || 20 ||
[Analyze grammar]

brahmovāca |
rate tu tiṣṭhato vīryaṃ papāta vasudhātale |
mayā jñātamamoghaṃ tacchaṃkarasya prakopataḥ || 21 ||
[Analyze grammar]

|| kṣitiruvāca |
vīryaṃ soḍhumaśaktāhaṃ tadvahno nyakṣipaṃ purā |
ato'tra durvahaṃ brahmannabalāṃ kṣaṃtumarhasi || 22 ||
[Analyze grammar]

vahniruvāca |
vīryaṃ soḍhumaśaktohaṃ tava śaṃkara parvate |
kailāse nyakṣipaṃ sadyaḥ kapotātmā sudussaham || 23 ||
[Analyze grammar]

|| giriruvāca |
vīryaṃ soḍhumaśakto'haṃ tava śaṃkara lokapa |
gaṃgāyāṃ prākṣipaṃ sadyo dussahaṃ parameśvara || 24 ||
[Analyze grammar]

|| gaṃgovāca |
vīryaṃ soḍhumaśaktāhaṃ tava śaṃkara lokapa |
vyākulā'ti prabho nātha nyakṣipaṃ śarakānane || 25 ||
[Analyze grammar]

|| vāyuruvāca |
śareṣu patitaṃ vīryaṃ sadyo bālo babhūva ha |
atīva sundaraśśambho svarnadyāḥ pāvane taṭe || 26 ||
[Analyze grammar]

sūrya uvāca |
rudaṃtaṃ bālakaṃ dṛṣṭvā gamamastācalaṃ prabho |
preritaḥ kālacakreṇa niśāyāṃ sthātumakṣamaḥ || 27 ||
[Analyze grammar]

candra uvāca || rudaṃtaṃ bālakaṃ prāpya gṛhītvā kṛttikāgaṇaḥ |
jagāma svālayaṃ śaṃbho gacchanbadarikāśramam || 28 ||
[Analyze grammar]

jalamuvāca |
amuṃ rudaṃtamānīya stanyapānena tāḥ prabho |
varddhayāmāsurīśasya sutaṃ tava raviprabham || 29 ||
[Analyze grammar]

|| saṃdhyovāca |
adhunā kṛttikānāṃ ca vanaṃ tampoṣya putrakam |
tannāma cakrustāḥ premṇā kārttikaśceti kautukāt || 30 ||
[Analyze grammar]

rātriruvāca |
na cakrurbālakaṃ tāśca locanānāmagocaram |
prāṇebhyopi prītipātraṃ yaḥ poṣṭā tasya putrakaḥ || 31 ||
[Analyze grammar]

dinamuvāca |
yāni yāni ca vastrāṇi bhūṣaṇāni varāṇi ca |
praśaṃsitāni svādūni bhojayāmāsureva tam || 32 ||
[Analyze grammar]

brahmovāca |
teṣāṃ tadvacanaṃ śrutvā saṃtuṣṭaḥ purasūdanaḥ |
mudaṃ prāpya dadau prītyā viprebhyo bahudakṣiṇām || 33 ||
[Analyze grammar]

putrasya vārttāṃ saṃprāpya pārvatī hṛṣṭamānasā |
koṭiratnāni viprebhyo dadau bahudhanāni ca || 34 ||
[Analyze grammar]

lakṣmī sarasvatī menā sāvitrī sarvayoṣitaḥ |
viṣṇussarve ca devāśca brāhmaṇebhyo dadurdhanam || 35 ||
[Analyze grammar]

preritassa prabhurdevairmunibhiḥ parvatairatha |
dūtān prasthāpayāmāsa svaputro yatra tān gaṇān || 36 ||
[Analyze grammar]

vīrabhadraṃ viśālākṣaṃ śaṃkukarṇaṃ karākramam |
nandīśvaraṃ mahākālaṃ vajradaṃṣṭraṃ mahonmadam || 37 ||
[Analyze grammar]

gokarṇāsyaṃ dadhimukhaṃ jvaladagniśikhopamam |
lakṣaṃ ca kṣetrapālānāṃ bhūtānāṃ ca trilakṣakam || 38 ||
[Analyze grammar]

rudrāṃśca bhairavāṃścaiva śivatulyaparākramān |
anyāṃśca vikṛtākārānasaṃkhyānapi nārada || 39 ||
[Analyze grammar]

te sarve śivadūtāśca nānāśastrāstrapāṇayaḥ |
kṛttikānāṃ ca bhavanaṃ veṣṭayāmāsuruddhatāḥ || 40 ||
[Analyze grammar]

dṛṣṭvā tān kṛttikāssarvā bhayavihnalamānasāḥ |
kārttikaṃ kathayāmāsurjvalaṃtaṃ brahmatejasā || 41 ||
[Analyze grammar]

|| kṛttikā ūcuḥ |
vatsa sainyānyasaṃkhyāni veṣṭayāmāsurālayam |
kiṃ kartavyaṃ kva gaṃtavyaṃ mahābhayamupasthitam || 42 ||
[Analyze grammar]

kārtikeya uvāca |
bhayaṃ tyajata kalyāṇyo bhayaṃ kiṃ vā mayi sthite |
durnivāryo'smi bālaśca mātaraḥ kena vāryate || 43 ||
[Analyze grammar]

|| brahmovāca |
etasminnaṃtare tatra sainyendro nandikeśvaraḥ |
purataḥ kārtikeyasyopaviṣṭassamuvāca ha || 44 ||
[Analyze grammar]

nandīśvara uvāca |
bhrātaḥ pravṛttiṃ śṛṇu me mātaraśca śubhāvahām |
prerito'haṃ maheśena saṃhartrā śaṃkareṇa ca || 45 ||
[Analyze grammar]

kailāse sarvadevāśca brahmaviṣṇuśivādayaḥ |
sabhāyāṃ saṃsthitāstāta mahatyutsavamaṃgale || 46 ||
[Analyze grammar]

tadā śivā sabhāyāṃ vai śaṃkaraṃ sarva śaṃkaram |
sambodhya kathayāmāsa tavānveṣaṇahetukam || 47 ||
[Analyze grammar]

papraccha tāñśivo devān kramāttvatprāptihetave |
pratyuttaraṃ daduste tu pratyekaṃ ca yathocitam || 48 ||
[Analyze grammar]

tvāmatra kṛttikāsthāne kathayāmāsurīśvaram |
sarve dharmādayo dharmādharmasya karmasākṣiṇaḥ || 49 ||
[Analyze grammar]

prababhūva rahaḥ krīḍā pārvatīśivayoḥ purā |
dṛṣṭasya ca suraiśśaṃbhorvīryaṃ bhūmau papāta ha || 50 ||
[Analyze grammar]

bhūmistadakṣipadvahnau vahniścādrau sa bhūdharaḥ |
gaṃgāyāṃ so'kṣipadvegāt taraṃgaiśśarakānane || 51 ||
[Analyze grammar]

tatra bālo'bhavastvaṃ hi devakāryakṛti prabhuḥ |
tatra labdhaḥ kṛttikābhistvaṃ bhūmiṃ gaccha sāṃpratam || 52 ||
[Analyze grammar]

tavābhiṣekaṃ śaṃbhustu kariṣyati suraissaha |
lapsyase sarvaśastrāṇi tārakākhyaṃ haniṣyasi || 53 ||
[Analyze grammar]

putrastvaṃ viśvasaṃharttustvāṃ prāptuñcā'kṣamā imāḥ |
nāgniṃ goptuṃ yathā śaktaśśuṣkavṛkṣassva koṭare || 54 ||
[Analyze grammar]

dīptavāṃstvaṃ ca viśveṣu nāsāṃ geheṣu śobhase |
yathā patanmahākūpe dvijarājo na rājata || 55 ||
[Analyze grammar]

karoṣi ca yathā'lokaṃ nā''cchanno'smāsu tejasā |
yathā sūryaḥ kalāchanno na bhavenmānavasya ca || 56 ||
[Analyze grammar]

viṣṇustvaṃ jagatāṃ vyāpī nānyo jātosi śāṃbhava |
yathā na keṣāṃ vyāpyaṃ ca tatsarvaṃ vyāpakaṃ nabhaḥ || 27 ||
[Analyze grammar]

yogīndro nā'nuliptaśca bhāgī cetparipoṣaṇe |
naiva lipto yathātmā ca karmayogeṣu jīvinām || 58 ||
[Analyze grammar]

viśvāraṃbhastvamīśaśca nāsu te saṃbhavet sthitiḥ |
guṇānāṃ tejasāṃ rāśiryathātmānaṃ ca yoginaḥ || 59 ||
[Analyze grammar]

bhrātarye tvāṃ na jānaṃti te narā hatabuddhayaḥ |
nādriyante yathā bhekāstvekavāsāśca paṃkajān || 60 ||
[Analyze grammar]

kārttikeya uvāca |
bhrātassarvaṃ vijānāsi jñānaṃ traikālikaṃ ca yat |
jñānī tvaṃ kā praśaṃsā te yato mṛtyuñjayāśritaḥ || 61 ||
[Analyze grammar]

karmaṇāṃ janma yeṣāṃ vā yāsu yāsu yoniṣu |
tāsu te nirvṛtiṃ bhrātaḥ prāpnuvaṃtīha sāṃpratam || 62 ||
[Analyze grammar]

kṛttikā jñānavatyaśca yoginyaḥ prakṛteḥ kalāḥ |
stanyenāsāṃ varddhito'hamupakāreṇa saṃtatam || 63 ||
[Analyze grammar]

āsāmahaṃ poṣyaputro madaṃśā yoṣitastvimāḥ |
tasyāśca prakṛteraṃśāstatastatsvāmivīryajaḥ || 64 ||
[Analyze grammar]

na madbhaṃgo he śailendrakanyayā nandikeśvara |
sā ca me dharmato mātā yathemāssarvasaṃmatāḥ || 65 ||
[Analyze grammar]

śambhunā preṣitastvaṃ ca śaṃbhoḥ putrasamo mahān |
āgacchāmi tvayā sārddhaṃ drakṣyāmi devatākulam || 66 ||
[Analyze grammar]

ityevamuktvā taṃ śīghraṃ saṃbodhya kṛttikāgaṇam |
kārttikeyaḥ pratasthe hi sārddhaṃ śaṃkarapārṣadaiḥ || 67 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe kārttikeyānveṣaṇanandisaṃvādavarṇanaṃ nāma caturtho'dhyāyaḥ || 4 ||
[Analyze grammar]