Chapter 3

[English text for this chapter is available]

nārada uvāca |
devadeva prajānātha brahman sṛṣṭikara prabho |
tataḥ kimabhavattatra tadvadā'dya kṛpāṃ kuru || 1 ||
[Analyze grammar]

brahmovāca |
tasminnavasare tāta viśvāmitraḥ pratāpavān |
prerito vidhinā tatrāgacchatprīto yadṛcchayā || 2 ||
[Analyze grammar]

sa dṛṣṭvā'laukikaṃ dhāma tatsutasya sutejasaḥ |
abhavatpūrṇakāmastu suprasanno nanāma ca || 3 ||
[Analyze grammar]

akarotsunutiṃ tasya suprasannena cetasā |
vidhipreritavāgbhiśca viśvāmitraḥ prabhāvavit || 4 ||
[Analyze grammar]

tatasso'bhūtsutastatra suprasanno mahoti kṛt |
suprahasyādbhutamaho viśvāmitramuvāca ca || 5 ||
[Analyze grammar]

śivasuta uvāca |
śivecchayā mahājñāninnakasmāttvamihāgataḥ |
saṃskāraṃ kuru me tāta yathāvadvedasaṃmitam || 6 ||
[Analyze grammar]

adyārabhya purodhāstvaṃ bhava me prītimāvahan |
bhaviṣyasi sadā pūjyassarveṣāṃ nātra saṃśayaḥ || 7 ||
[Analyze grammar]

|| brahmovāca |
ityākarṇya vacastasya suprasanno hi gādhijaḥ |
tamuvācānudāttena svareṇa ca suvismitaḥ || 8 ||
[Analyze grammar]

viśvāmitra uvāca |
śṛṇu tāta na vipro'haṃ gādhikṣatriyabālakaḥ |
viśvāmitreti vikhyātaḥ kṣatriyo viprasevakaḥ || 9 ||
[Analyze grammar]

iti svacaritaṃ khyātaṃ mayā te varabālaka |
kastvaṃ svacaritaṃ brūhi vismitāyākhilaṃ hi me || 10 ||
[Analyze grammar]

brahmovāca |
ityākarṇya vaca stasya tatsvavṛttaṃ jagāda ha |
tataścovāca suprītyā gādhijaṃ taṃ mahotikṛt || 11 ||
[Analyze grammar]

|| śivasuta uvāca |
viśvāmitra varānme tvaṃ brahmarṣirnā'tra saṃśayaḥ |
vaśiṣṭhādyāśca nityaṃ tvāṃ praśaṃsiṣyaṃti cādarāt || 12 ||
[Analyze grammar]

atastvamājñayā me hi saṃskāraṃ kartumarhasi |
idaṃ sarvaṃ sugopyaṃ te kathanīyaṃ na kutracit || 13 ||
[Analyze grammar]

brahmovāca |
tatokārṣītsa saṃskāraṃ tasya prītyā'khilaṃ yathā |
śivabālasya devarṣe vedoktavidhinā param || 14 ||
[Analyze grammar]

śivabālopi suprīto divyajñānamadātparam |
viśvāmitrāya munaye mahotikārakaḥ prabhuḥ || 15 ||
[Analyze grammar]

purohitaṃ cakārāsau viśvāmitraṃ śucessuta |
tadārabhya dvijavaro nānālīlāviśāradaḥ || 16 ||
[Analyze grammar]

itthaṃ līlā kṛtā tena kathitā sā mayā mune |
tallīlāmaparāṃ tāta śṛṇu prītyā vadāmyaham || 17 ||
[Analyze grammar]

tasminnavasare tāta śvetanāmā ca saṃprati |
tatrā'paśyatsutaṃ divyaṃ nijaṃ parama pāvanam || 18 ||
[Analyze grammar]

tatastaṃ pāvako gatvā dṛṣṭvāliṃgya cucumba ca |
putreti coktvā tasmai sa śastraṃ śaktindadau ca saḥ || 19 ||
[Analyze grammar]

guhastāṃ śaktimādāya tacchṛṃgaṃ cāruroha ha |
taṃ jaghāna tayā śaktyā śṛṃgo bhuvi papāta saḥ || 20 ||
[Analyze grammar]

daśapadmamitā vīrā rākṣasāḥ pūrvamāgatāḥ |
tadvadhārthaṃ drutaṃ naṣṭā babhūvustatprahārataḥ || 21 ||
[Analyze grammar]

hāhākāro mahānāsīccakaṃpe sācalā mahī |
trailokyaṃ ca sureśānassadevastatra cāgamat || 22 ||
[Analyze grammar]

dakṣiṇe tasya pārśve ca vajreṇa sa jaghāna ca |
śākhanāmā tato jātaḥ pumāṃścaiko mahābalaḥ || 23 ||
[Analyze grammar]

punaśśakro jaghānā''śu vāmapārśve hi taṃ tadā |
vajreṇā'nyaḥ pumāñjāto viśākhākhyo'paro balī || 24 ||
[Analyze grammar]

tatastaddhṛdayaṃ śakro jaghāna pavinā tadā |
paro'bhūnnaigamopākhyaḥ pumāṃstadvanmahābalaḥ || 25 ||
[Analyze grammar]

tadā skaṃdādicatvāro mahāvīrā mahābalāḥ |
indraṃ haṃtuṃ drutaṃ jagmussoyaṃ taccharaṇaṃ yayau || 25 ||
[Analyze grammar]

śakrassa sāmaragaṇo bhayaṃ prāpya guhāttataḥ |
yayau svalokaṃ cakito na bhedaṃ jñātavānmune || 27 ||
[Analyze grammar]

sa bālakastu tatraiva tasthā''vānaṃdasaṃyutaḥ |
pūrvavannirbhayastāta nānālīlākaraḥ prabhuḥ || 28 ||
[Analyze grammar]

tasminnavasare tatra kṛttikākhyāśca ṣaṭ striyaḥ |
snātuṃ samāgatā bālaṃ dadṛśustaṃ mahāprabhum || 29 ||
[Analyze grammar]

grahītuṃ taṃ manaścakrussarvāstā kṛttikāḥ striyaḥ |
vādo babhūva tāsāṃ tadgrahaṇecchāparo mune || 30 ||
[Analyze grammar]

tadvādaśamanārthaṃ sa ṣaṇmukhāni cakāra ha |
papau dugdhaṃ ca sarvāsāṃ tuṣṭāstā abhavanmune || 31 ||
[Analyze grammar]

tanmanogatimājñāya sarvāstāḥ kṛttikāstadā |
tamādāya yayurlokaṃ svakīyaṃ muditā mune || 32 ||
[Analyze grammar]

taṃ bālakaṃ kumārākhyaṃ stanaṃ dattvā stanārthine |
varddhayāmāsurīśasya sutaṃ sūryādhikaprabham || 33 ||
[Analyze grammar]

na cakrurbālakaṃ yāśca locanānāmagocaram |
prāṇebhyopi premapātraṃ yaḥ poṣṭā tasya putraka || 34 ||
[Analyze grammar]

yāni yāni ca vastrāṇi trailokye durlabhāni ca |
dadustasmai ca tāḥ premṇā bhūṣaṇāni varāṇi vai || 35 ||
[Analyze grammar]

dinedine tāḥ pupuṣurbālakaṃ taṃ mahāprabhum |
prasaṃsitāni svādūni bhojayitvā viśeṣataḥ || 36 ||
[Analyze grammar]

athaikasmin dine tāta sa bālaḥ kṛttikātmajaḥ |
gatvā devasabhāṃ divyāṃ sucaritraṃ cakāra ha || 37 ||
[Analyze grammar]

svamaho darśayāmāsa devebhyo hi mahādbhutam |
saviṣṇubhyo'khilebhyaśca mahotikarabālakaḥ || 38 ||
[Analyze grammar]

taṃ dṛṣṭvā sakalāste vai sācyutāssarṣayassurāḥ |
vismayaṃ prāpuratyantaṃ papracchustaṃ ca bālakam || 39 ||
[Analyze grammar]

ko bhavāniti tacchrutvā na kiṃcitsa jagāda ha |
svālayaṃ sa jagāmā'śu guptastasthau hi pūrvavat || 40 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe kārtikeyalīlāvarṇanaṃ nāma tṛtīyo'dhyāyaḥ || 3 ||
[Analyze grammar]