Chapter 99

[English text for this chapter is available]

viṣṇuruvāca |
stotraṃ pavitraṃ paramaṃ purāṇaṃ pāpāpahaṃ puṇyamayaṃ śivaṃ ca |
dhanyaṃ susūktaṃ paramaṃ sujāpyaṃ niśamya rājā sa sukhī babhūva || 1 ||
[Analyze grammar]

gatāsu tṛṣṇā kṣudhayā sametā devopamo bhūmipatirbabhūva |
bhāryā ca tasyāpi vibhāti rūpairyuktāvubhau pāpavibaṃdhamāptau || 2 ||
[Analyze grammar]

devaḥ sudevaiḥ parivāritosau vipraiḥ susiddhairharibhaktiyuktaiḥ |
āgatya bhūpaṃ gatakalmaṣaṃ taṃ śrīśaṃkhacakrābjagadāsidhartā || 3 ||
[Analyze grammar]

śrīnārado bhārgava vyāsa puṇyā samāgatastatra mṛkaṃḍasūnuḥ |
vālmīki nāmā munirviṣṇubhaktaḥ samāgato brahmasuto vasiṣṭhaḥ || 4 ||
[Analyze grammar]

gargo mahātmā haribhaktiyukto jābāliraibhyāvatha kaśyapaśca |
ājagmurete hariṇā sametā viṣṇupriyā bhāgavatāṃ variṣṭhāḥ || 5 ||
[Analyze grammar]

puṇyāḥ sudhanyā gatakalmaṣāste hareḥ supādāṃbujabhaktiyuktāḥ |
śrīvāsudevaṃ parivārya tasthuḥ stuvaṃti bhūpaṃ vividhaprakāraiḥ || 6 ||
[Analyze grammar]

devāśca sarve hutabhuṅmukhāśca brahmā hariścāpi sudivyadevyaḥ |
gāyaṃti divyaṃ madhuraṃ manoharaṃ gaṃdharvarājādisugāyanāśca || 7 ||
[Analyze grammar]

suveda yuktaiḥ paramārthasaṃmitaiḥ stavaiḥ supuṇyairmunayaḥ stuvaṃti |
dṛṣṭvā patiṃ bhūpatimeva devo harirbabhāṣe vacanaṃ manoharam || 8 ||
[Analyze grammar]

varaṃ yatheṣṭaṃ varayasva bhūpate dadāmyahaṃ te paritoṣito yataḥ |
harestu vākyaṃ sa niśamya rājā dṛṣṭvā murāriṃ vadamānamagre || 9 ||
[Analyze grammar]

nīlotpalābhaṃ muraghātinaṃ prabhuṃ taṃ śaṃkhacakrāsigadāpradhāriṇam |
śriyāsametaṃ parameśvaraṃ taṃ ratnojjvalaṃ kaṃkaṇahārabhūṣitam || 10 ||
[Analyze grammar]

raviprabhaṃ devagaṇaiḥ susevitaṃ mahārghahārābharaṇaiḥ subhūṣitam |
sudivyagaṃdhairvaralepanairhariṃ subhaktibhāvairavanīṃ gato nṛpaḥ || 11 ||
[Analyze grammar]

daṃḍapraṇāmaiḥ satataṃ namāma jayeti vācātha mahānṛpastadā |
dāsosmi bhṛtyosmi puraḥ sa te sadā bhaktiṃ na jāne na ca bhāvamuttamam || 12 ||
[Analyze grammar]

jāyānvitaṃ māmiha cāgataṃ hare prapāhi vai tvāṃ śaraṇaṃ prapannam |
dhanyāstu te mādhava mānavā dvijāḥ sadaiva te dhyānamanovilīnāḥ || 13 ||
[Analyze grammar]

samuccaraṃto bhava mādhaveti prayāṃti vaikuṃṭhamitaḥ sunirmalāḥ |
tavaiva pādāṃbujanirgataṃ payaḥ puṇyaṃ tathā ye śirasā vahaṃti || 14 ||
[Analyze grammar]

samastatīrthodbhava toya āplutāste mānavā yāṃti hareḥ sudhāma || 15 ||
[Analyze grammar]

nāsti yogo na me bhaktirjñānaṃ nāsti na me kriyā |
kasya puṇyasya saṃgena varaṃ mahyaṃ prayacchasi || 16 ||
[Analyze grammar]

hariruvāca |
vāsudevābhidhānaṃ yanmahāpātakanāśanam |
bhavatā vijvalātpuṇyācchrutaṃ rājanvikalmaṣaḥ || 17 ||
[Analyze grammar]

tena tvaṃ muktibhāgī ca saṃjāto nātra saṃśayaḥ |
mama loke prabhuṃkṣva tvaṃ divyānbhogānmanonugān || 18 ||
[Analyze grammar]

rājovāca |
yadidevavarodeyomamadīnasyavaitvayā |
vijvalāyaprayacchatvaṃprathamaṃvaramuttamam || 19 ||
[Analyze grammar]

hariruvāca |
vijvalasya pitā puṇyaḥ kuṃjalo jñānamaṃḍitaḥ |
vāsudevamahāstotraṃ nityaṃ paṭhati bhūpate || 20 ||
[Analyze grammar]

putraiḥ priyāsameto'sau mama gehaṃ prayāsyati |
etattu japate stotraṃ sadā dāsyāmyahaṃ phalam || 21 ||
[Analyze grammar]

evamukte śubhe vākye rājā keśavamabravīt |
idaṃ stotraṃ mahāpuṇyaṃ saphalaṃ kuru keśava || 22 ||
[Analyze grammar]

hariruvāca |
kṛte yuge mahārāja yadā stoṣyaṃti mānavāḥ |
tadā mokṣaṃ prayāsyaṃti tatkṣaṇānnātra saṃśayaḥ || 23 ||
[Analyze grammar]

tretāyāṃ māsamātreṇa ṣaḍbhirmāsaistu dvāpare |
varṣeṇaikena ca kalau ye japaṃti ca mānavāḥ || 24 ||
[Analyze grammar]

svargaṃ prayāṃti rājeṃdra vaiṣṇavaṃ gatidāyakam |
trikālamekakālaṃ vā snāto japati brāhmaṇaḥ || 25 ||
[Analyze grammar]

yaṃ yaṃ tu vāṃchate kāmaṃ sa sa tasya bhaviṣyati |
kṣatriyo jayamāpnoti dhanadhānyairalaṃkṛtaḥ || 26 ||
[Analyze grammar]

vaiśyo bhaviṣyati śrīmānsukhī śūdro bhaviṣyati |
aṃtyajaṃ śrāvayedyoyaṃ pāpānmukto bhaviṣyati || 27 ||
[Analyze grammar]

śrāvako narakaṃ ghoraṃ kadācinnaiva paśyati |
mama stotraprasādācca sarvasiddho bhaviṣyati || 28 ||
[Analyze grammar]

brāhmaṇairbhojyamānaiśca śrāddhakāle paṭhiṣyati |
pitaro vaiṣṇavaṃ lokaṃ tṛptā yāsyaṃti bhūpate || 29 ||
[Analyze grammar]

tarpaṇāṃte japaṃ kuryādbrāhmaṇo vātha kṣatriyaḥ |
pibaṃti cāmṛtaṃ tasya pitaro hṛṣṭamānasāḥ || 30 ||
[Analyze grammar]

homeṣu yajñamadhye ca bhāvājjapati mānavaḥ |
tatra vighnā na jāyaṃte sarvasiddhirbhaviṣyati || 31 ||
[Analyze grammar]

viṣame durgasaṃsthāne hiṃsravyāghrasya saṃkaṭe |
caurāṇāṃ saṃkaṭe prāpte tatra stotramudīrayet || 32 ||
[Analyze grammar]

tatra śāṃtirmahārāja bhaviṣyati na saṃśayaḥ |
anyeṣveva subhavyeṣu rājadvāre gate nare || 33 ||
[Analyze grammar]

vāsudevābhidhānasya ayutaṃ japate naraḥ |
brahmacaryeṇa saṃsnātaḥ krodhalobhavivarjitaḥ || 34 ||
[Analyze grammar]

tilataṃḍulakairhomaṃ daśāṃśamājyamiśritam |
vāsudevaṃ prapūjyaiva dadyātprayatamānasaḥ || 35 ||
[Analyze grammar]

ślokaṃ prati tato deyaṃ homaṃ dhyānena mānavaiḥ |
teṣāṃ subhṛtyavannityaṃ pārśvaṃ naiva tyajāmyaham || 36 ||
[Analyze grammar]

kalau yuge susaṃprāpte stotre dāsyaṃ prayāsyati |
vedabhaṃgaprasaṃgena yasya kasya na dīyate || 37 ||
[Analyze grammar]

sarvakāmasamṛddhārthaḥ sa caiva hi bhaviṣyati |
evaṃ hi saphalaṃ stotraṃ mayā bhūpa kṛtaṃ śṛṇu || 38 ||
[Analyze grammar]

brahmaṇā nirmitaṃ tena japtaṃ rudreṇa vai purā |
brahmahatyāvinirmukta iṃdro muktaśca kilbiṣāt || 39 ||
[Analyze grammar]

devāśca ṛṣayo guhyāḥ siddhavidyādharāmarāḥ |
nāgaistu pūjitaṃ stotramāpuḥ siddhiṃ manīpsitām || 40 ||
[Analyze grammar]

puṇyo dhanyaḥ sa vai dātā putravānhi bhaviṣyati |
japiṣyati mama stotraṃ nātra kāryā vicāraṇā || 41 ||
[Analyze grammar]

āgaccha tvaṃ striyā sārdhaṃ mama sthānaṃ nṛpottama |
hastāvalaṃbanaṃ dattaṃ hariṇā tasya bhūpateḥ || 42 ||
[Analyze grammar]

nedurduṃdubhayastatra gaṃdharvā lalitaṃ jaguḥ |
nanṛtuścāpsaraḥ śreṣṭhāḥ puṣpavṛṣṭiṃ pracakrire || 43 ||
[Analyze grammar]

devāśca ṛṣayaḥ sarve vedastotraiḥ stuvaṃti te |
tato dayitayā sārddhaṃ jagāma nṛpatirharim || 44 ||
[Analyze grammar]

taṃ stūyamānaṃ surasiddhasaṃghaiḥ sa vijvalaḥ paśyati hṛṣṭamānasaḥ |
samāgatastiṣṭhati yatra vai pitā mātā ca vegena mahāprabhāvaḥ || 45 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthe cyavanacaritre navanavatitamo'dhyāyaḥ || 99 ||
[Analyze grammar]