Chapter 33

saṃjaya uvāca |
vidārya karṇastāṃ senāṃ dharmarājamupādravat |
rathahastyaśvapattīnāṃ sahasraiḥ parivāritaḥ || 1 ||
[Analyze grammar]

nānāyudhasahasrāṇi preṣitānyaribhirvṛṣaḥ |
chittvā bāṇaśatairugraistānavidhyadasaṃbhramaḥ || 2 ||
[Analyze grammar]

nicakarta śirāṃsyeṣāṃ bāhūnūrūṃśca sarvaśaḥ |
te hatā vasudhāṃ peturbhagnāścānye vidudruvuḥ || 3 ||
[Analyze grammar]

draviḍāndhraniṣādāstu punaḥ sātyakicoditāḥ |
abhyardayañjighāṃsantaḥ pattayaḥ karṇamāhave || 4 ||
[Analyze grammar]

te vibāhuśirastrāṇāḥ prahatāḥ karṇasāyakaiḥ |
petuḥ pṛthivyāṃ yugapacchinnaṃ śālavanaṃ yathā || 5 ||
[Analyze grammar]

evaṃ yodhaśatānyājau sahasrāṇyayutāni ca |
hatānīyurmahīṃ dehairyaśasāpūrayandiśaḥ || 6 ||
[Analyze grammar]

atha vaikartanaṃ karṇaṃ raṇe kruddhamivāntakam |
rurudhuḥ pāṇḍupāñcālā vyādhiṃ mantrauṣadhairiva || 7 ||
[Analyze grammar]

sa tānpramṛdyābhyapatatpunareva yudhiṣṭhiram |
mantrauṣadhikriyātīto vyādhiratyulbaṇo yathā || 8 ||
[Analyze grammar]

sa rājagṛddhibhī ruddhaḥ pāṇḍupāñcālakekayaiḥ |
nāśakattānatikrāntuṃ mṛtyurbrahmavido yathā || 9 ||
[Analyze grammar]

tato yudhiṣṭhiraḥ karṇamadūrasthaṃ nivāritam |
abravītparavīraghnaḥ krodhasaṃraktalocanaḥ || 10 ||
[Analyze grammar]

karṇa karṇa vṛthādṛṣṭe sūtaputra vacaḥ śṛṇu |
sadā spardhasi saṃgrāme phalgunena yaśasvinā |
tathāsmānbādhase nityaṃ dhārtarāṣṭramate sthitaḥ || 11 ||
[Analyze grammar]

yadbalaṃ yacca te vīryaṃ pradveṣo yaśca pāṇḍuṣu |
tatsarvaṃ darśayasvādya pauruṣaṃ mahadāsthitaḥ |
yuddhaśraddhāṃ sa te'dyāhaṃ vineṣyāmi mahāhave || 12 ||
[Analyze grammar]

evamuktvā mahārāja karṇaṃ pāṇḍusutastadā |
suvarṇapuṅkhairdaśabhirvivyādhāyasmayaiḥ śitaiḥ || 13 ||
[Analyze grammar]

taṃ sūtaputro navabhiḥ pratyavidhyadariṃdamaḥ |
vatsadantairmaheṣvāsaḥ prahasanniva bhārata || 14 ||
[Analyze grammar]

tataḥ kṣurābhyāṃ pāñcālyau cakrarakṣau mahātmanaḥ |
jaghāna samare śūraḥ śaraiḥ saṃnataparvabhiḥ || 15 ||
[Analyze grammar]

tāvubhau dharmarājasya pravīrau paripārśvataḥ |
rathābhyāśe cakāśete candrasyeva punarvasū || 16 ||
[Analyze grammar]

yudhiṣṭhiraḥ punaḥ karṇamavidhyattriṃśatā śaraiḥ |
suṣeṇaṃ satyasenaṃ ca tribhistribhiratāḍayat || 17 ||
[Analyze grammar]

śalyaṃ navatyā vivyādha trisaptatyā ca sūtajam |
tāṃścāsya goptṝnvivyādha tribhistribhirajihmagaiḥ || 18 ||
[Analyze grammar]

tataḥ prahasyādhirathirvidhunvānaḥ sa kārmukam |
bhittvā bhallena rājānaṃ viddhvā ṣaṣṭyānadanmudā || 19 ||
[Analyze grammar]

tataḥ pravīrāḥ pāṇḍūnāmabhyadhāvanyudhiṣṭhiram |
sūtaputrātparīpsantaḥ karṇamabhyardayañśaraiḥ || 20 ||
[Analyze grammar]

sātyakiścekitānaśca yuyutsuḥ pāṇḍya eva ca |
dhṛṣṭadyumnaḥ śikhaṇḍī ca draupadeyāḥ prabhadrakāḥ || 21 ||
[Analyze grammar]

yamau ca bhīmasenaśca śiśupālasya cātmajaḥ |
kārūṣā matsyaśeṣāśca kekayāḥ kāśikosalāḥ |
ete ca tvaritā vīrā vasuṣeṇamavārayan || 22 ||
[Analyze grammar]

janamejayaśca pāñcālyaḥ karṇaṃ vivyādha sāyakaiḥ |
varāhakarṇairnārācairnālīkairniśitaiḥ śaraiḥ |
vatsadantairvipāṭhaiśca kṣurapraiścaṭakāmukhaiḥ || 23 ||
[Analyze grammar]

nānāpraharaṇaiścograi rathahastyaśvasādinaḥ |
sarvato'bhyādravankarṇaṃ parivārya jighāṃsayā || 24 ||
[Analyze grammar]

sa pāṇḍavānāṃ pravaraiḥ sarvataḥ samabhidrutaḥ |
udairayadbrāhmamastraṃ śaraiḥ saṃpūrayandiśaḥ || 25 ||
[Analyze grammar]

tataḥ śaramahājvālo vīryoṣmā karṇapāvakaḥ |
nirdahanpāṇḍavavanaṃ cāru paryacaradraṇe || 26 ||
[Analyze grammar]

sa saṃvārya mahāstrāṇi maheṣvāso mahātmanām |
prahasya puruṣendrasya śaraiściccheda kārmukam || 27 ||
[Analyze grammar]

tataḥ saṃdhāya navatiṃ nimeṣānnataparvaṇām |
bibheda kavacaṃ rājño raṇe karṇaḥ śitaiḥ śaraiḥ || 28 ||
[Analyze grammar]

tadvarma hemavikṛtaṃ rarāja nipatattadā |
savidyudabhraṃ savituḥ śiṣṭaṃ vātahataṃ yathā || 29 ||
[Analyze grammar]

tadaṅgaṃ puruṣendrasya bhraṣṭavarma vyarocata |
ratnairalaṃkṛtaṃ divyairvyabhraṃ niśi yathā nabhaḥ || 30 ||
[Analyze grammar]

sa vivarmā śaraiḥ pārtho rudhireṇa samukṣitaḥ |
kruddhaḥ sarvāyasīṃ śaktiṃ cikṣepādhirathiṃ prati || 31 ||
[Analyze grammar]

tāṃ jvalantīmivākāśe śaraiściccheda saptabhiḥ |
sā chinnā bhūmimapatanmaheṣvāsasya sāyakaiḥ || 32 ||
[Analyze grammar]

tato bāhvorlalāṭe ca hṛdi caiva yudhiṣṭhiraḥ |
caturbhistomaraiḥ karṇaṃ tāḍayitvā mudānadat || 33 ||
[Analyze grammar]

udbhinnarudhiraḥ karṇaḥ kruddhaḥ sarpa iva śvasan |
dhvajaṃ ciccheda bhallena tribhirvivyādha pāṇḍavam |
iṣudhī cāsya ciccheda rathaṃ ca tilaśo'cchinat || 34 ||
[Analyze grammar]

evaṃ pārtho vyapāyātsa nihataprārṣṭisārathiḥ |
aśaknuvanpramukhataḥ sthātuṃ karṇasya durmanāḥ || 35 ||
[Analyze grammar]

tamabhidrutya rādheyaḥ skandhaṃ saṃspṛśya pāṇinā |
abravītprahasanrājankutsayanniva pāṇḍavam || 36 ||
[Analyze grammar]

kathaṃ nāma kule jātaḥ kṣatradharme vyavasthitaḥ |
prajahyātsamare śatrūnprāṇānrakṣanmahāhave || 37 ||
[Analyze grammar]

na bhavānkṣatradharmeṣu kuśalo'sīti me matiḥ |
brāhme bale bhavānyuktaḥ svādhyāye yajñakarmaṇi || 38 ||
[Analyze grammar]

mā sma yudhyasva kaunteya mā ca vīrānsamāsadaḥ |
mā cainānapriyaṃ brūhi mā ca vraja mahāraṇam || 39 ||
[Analyze grammar]

evamuktvā tataḥ pārthaṃ visṛjya ca mahābalaḥ |
nyahanatpāṇḍavīṃ senāṃ vajrahasta ivāsurīm |
tataḥ prāyāddrutaṃ rājanvrīḍanniva janeśvaraḥ || 40 ||
[Analyze grammar]

atha prayāntaṃ rājānamanvayuste tadācyutam |
cedipāṇḍavapāñcālāḥ sātyakiśca mahārathaḥ |
draupadeyāstathā śūrā mādrīputrau ca pāṇḍavau || 41 ||
[Analyze grammar]

tato yudhiṣṭhirānīkaṃ dṛṣṭvā karṇaḥ parāṅmukham |
kurubhiḥ sahito vīraiḥ pṛṣṭhagaiḥ pṛṣṭhamanvayāt || 42 ||
[Analyze grammar]

śaṅkhabherīninādaiśca kārmukāṇāṃ ca nisvanaiḥ |
babhūva dhārtarāṣṭrāṇāṃ siṃhanādaravastadā || 43 ||
[Analyze grammar]

yudhiṣṭhirastu kauravya rathamāruhya satvaraḥ |
śrutakīrtermahārāja dṛṣṭavānkarṇavikramam || 44 ||
[Analyze grammar]

kālyamānaṃ balaṃ dṛṣṭvā dharmarājo yudhiṣṭhiraḥ |
tānyodhānabravītkruddho hatainaṃ vai sahasraśaḥ || 45 ||
[Analyze grammar]

tato rājñābhyanujñātāḥ pāṇḍavānāṃ mahārathāḥ |
bhīmasenamukhāḥ sarve putrāṃste pratyupādravan || 46 ||
[Analyze grammar]

abhavattumulaḥ śabdo yodhānāṃ tatra bhārata |
hastyaśvarathapattīnāṃ śastrāṇāṃ ca tatastataḥ || 47 ||
[Analyze grammar]

uttiṣṭhata praharata praitābhipatateti ca |
iti bruvāṇā anyonyaṃ jaghnuryodhā raṇājire || 48 ||
[Analyze grammar]

abhracchāyeva tatrāsīccharavṛṣṭibhirambare |
samāvṛttairnaravarairnighnadbhiritaretaram || 49 ||
[Analyze grammar]

vipatākādhvajacchatrā vyaśvasūtāyudhā raṇe |
vyaṅgāṅgāvayavāḥ petuḥ kṣitau kṣīṇā hateśvarāḥ || 50 ||
[Analyze grammar]

pravarāṇīva śailānāṃ śikharāṇi dvipottamāḥ |
sārohā nihatāḥ peturvajrabhinnā ivādrayaḥ || 51 ||
[Analyze grammar]

chinnabhinnaviparyastairvarmālaṃkāravigrahaiḥ |
sārohāsturagāḥ peturhatavīrāḥ sahasraśaḥ || 52 ||
[Analyze grammar]

vipraviddhāyudhāṅgāśca dviradāśvarathairhatāḥ |
prativīraiśca saṃmarde pattisaṃghāḥ sahasraśaḥ || 53 ||
[Analyze grammar]

viśālāyatatāmrākṣaiḥ padmendusadṛśānanaiḥ |
śirobhiryuddhaśauṇḍānāṃ sarvataḥ saṃstṛtā mahī || 54 ||
[Analyze grammar]

tathā tu vitate vyomni nisvanaṃ śuśruvurjanāḥ |
vimānairapsaraḥsaṃghairgītavāditranisvanaiḥ || 55 ||
[Analyze grammar]

hatānkṛttānabhimukhānvīrānvīraiḥ sahasraśaḥ |
āropyāropya gacchanti vimāneṣvapsarogaṇāḥ || 56 ||
[Analyze grammar]

taddṛṣṭvā mahadāścaryaṃ pratyakṣaṃ svargalipsayā |
prahṛṣṭamanasaḥ śūrāḥ kṣipraṃ jagmuḥ parasparam || 57 ||
[Analyze grammar]

rathino rathibhiḥ sārdhaṃ citraṃ yuyudhurāhave |
pattayaḥ pattibhirnāgā nāgaiḥ saha hayairhayāḥ || 58 ||
[Analyze grammar]

evaṃ pravṛtte saṃgrāme gajavājijanakṣaye |
sainye ca rajasā vyāpte sve svāñjaghnuḥ pare parān || 59 ||
[Analyze grammar]

kacākaci babhau yuddhaṃ dantādanti nakhānakhi |
muṣṭiyuddhaṃ niyuddhaṃ ca dehapāpmavināśanam || 60 ||
[Analyze grammar]

tathā vartati saṃgrāme gajavājijanakṣaye |
narāśvagajadehebhyaḥ prasṛtā lohitāpagā |
narāśvagajadehānsā vyuvāha patitānbahūn || 61 ||
[Analyze grammar]

narāśvagajasaṃbādhe narāśvagajasādinām |
lohitodā mahāghorā nadī lohitakardamā |
narāśvagajadehānsā vahantī bhīrubhīṣaṇī || 62 ||
[Analyze grammar]

tasyāḥ paramapāraṃ ca vrajanti vijayaiṣiṇaḥ |
gādhena ca plavantaśca nimajjyonmajjya cāpare || 63 ||
[Analyze grammar]

te tu lohitadigdhāṅgā raktavarmāyudhāmbarāḥ |
sasnustasyāṃ papuścāsṛṅmamluśca bharatarṣabha || 64 ||
[Analyze grammar]

rathānaśvānnarānnāgānāyudhābharaṇāni ca |
vasanānyatha varmāṇi hanyamānānhatānapi |
bhūmiṃ khaṃ dyāṃ diśaścaiva prāyaḥ paśyāma lohitam || 65 ||
[Analyze grammar]

lohitasya tu gandhena sparśena ca rasena ca |
rūpeṇa cātiriktena śabdena ca visarpatā |
viṣādaḥ sumahānāsītprāyaḥ sainyasya bhārata || 66 ||
[Analyze grammar]

tattu viprahataṃ sainyaṃ bhīmasenamukhaistava |
bhūyaḥ samādravanvīrāḥ sātyakipramukhā rathāḥ || 67 ||
[Analyze grammar]

teṣāmāpatatāṃ vegamaviṣahya mahātmanām |
putrāṇāṃ te mahatsainyamāsīdrājanparāṅmukham || 68 ||
[Analyze grammar]

tatprakīrṇarathāśvebhaṃ naravājisamākulam |
vidhvastacarmakavacaṃ praviddhāyudhakārmukam || 69 ||
[Analyze grammar]

vyadravattāvakaṃ sainyaṃ loḍyamānaṃ samantataḥ |
siṃhārditaṃ mahāraṇye yathā gajakulaṃ tathā || 70 ||
[Analyze grammar]