Chapter 20

atha viṃśaḥ paṭalaḥ ||
atha vakṣyāmi saṃkṣepādutsavasya vidhiṃ param |
sthāpito'pi vinā yena prasīdati na keśavaḥ || 1 ||
[Analyze grammar]

abdamardhaṃ trimāsaṃ vā māsaṃ pakṣamasambhave |
navāhaṃ vā'pi saptāhaṃ pañcāhaṃ neṣyate param || 2 ||
[Analyze grammar]

māghe vā mārgaśīrṣe vā caitre vaiśākha eva vā |
pauṣe vā phālgune kuryādutsavaṃ bahuvistaram || 3 ||
[Analyze grammar]

pratyabdaṃ niyataṃ kuryācchaktyā sarvārthasādhanam |
puṇyāhenotsavārambhe dhvajasthāpanamācaret || 4 ||
[Analyze grammar]

saptāhnikacatuṣkādau maṅgalaṅkuraropaṇam |
śravaṇāntaṃ tu saṃkalpya tīrthasnānāvasānikam || 5 ||
[Analyze grammar]

kārayedutsavaṃ bhaktyā viṣṇorviṣṇuparāyaṇaḥ |
sthāpayedutsavārambhe dhvajaṃ garuḍalakṣaṇam || 6 ||
[Analyze grammar]

dikṣu cāṣṭau yathānyāyaṃ patākādīn samujjvalān |
dhvajotthāne kṛte kiñcinna vighnairabhibhūyate || 7 ||
[Analyze grammar]

kalaśena samaṃ kāryaṃ dhvajasyārohaṇaṃ tadā |
pūrvavanmaṇḍapaṃ kṛtvā vediṃ ca supariśritām || 8 ||
[Analyze grammar]

agneśca jananaṃ kumbhamūrttipānāṃ ca kalpanam |
dhvajadaṇḍaḥ samaḥ kāryo dṛḍho vraṇavivarjitaḥ || 9 ||
[Analyze grammar]

karmāntarāniyuktaśca na śuṣkaḥ patitaḥ svayam |
puṣyādiyoge saṅgrāhyaḥ sulagne śakunaiḥ śubhaiḥ || 10 ||
[Analyze grammar]

brāhmaṇaiḥ svastivācyādau śuciḥ snātaḥ svalaṅkṛtaḥ |
tathāvidhairdvijairyukto jayaśabdādisaṃyutaḥ || 11 ||
[Analyze grammar]

madhvājyāktakuṭhāreṇa pūrvottaramukho guruḥ |
chitvā vaṃśamupānīya kalaśaiḥ snāpayecchubhaiḥ || 12 ||
[Analyze grammar]

mṛtkaṣāyauṣadhītīrthairgandhapuṣpaiśca pūjayet |
patākā ca śubhā kāryā sitā tadavalambinī || 13 ||
[Analyze grammar]

syād devāgāraśikharatribhāgasamalambinī |
darbhairāveṣṭitā ghaṇṭā cāmarādarśasaṃyutā || 14 ||
[Analyze grammar]

sammukhaṃ lekhayet tatra vinātākulanandanam |
ājānunābhikaṇṭhāgraṃ sitapītāruṇāsitam || 15 ||
[Analyze grammar]

durnirīkṣaṃ surairdaityairjvālānvitavilocanam |
anantādyaṣṭanāgendradharaṃ nīlāgranāsikam || 16 ||
[Analyze grammar]

sahasrādityasaṃkāśaṃ manasā'vāhya vinyaset |
pūjayed gandhapuṣpaiśca mantreṇānena mantravit || 17 ||
[Analyze grammar]

tārādiḥ pakṣirājāya hutānto'ṣṭākṣarastu yaḥ |
sambuddhirūpa eva syādāvāhanavisargayoḥ || 18 ||
[Analyze grammar]

candanasragbalidhyānaiḥ śayane'bhyarcya vāsayet |
homaṃ ca vidhivat kuryād vargādyaiḥ kādiśāntagaiḥ || 19 ||
[Analyze grammar]

hutāntaiḥ praṇavādyaiśca tilān vrīhisamanvitān |
caturbhirakṣarairdikṣu cavargānantarairvinā || 20 ||
[Analyze grammar]

aṣṭottarasahasraṃ tu vainateyapadānvitaiḥ |
ājyāktaṃ homayet sarvaṃ nivedyaṃ ca caturvidham || 21 ||
[Analyze grammar]

baliṃ ca parito dadyād bhūtānāṃ dhvajavāsinām |
anekakoṭisaṃkhyānāṃ bhūtānāṃ cāpi pārṣadām || 22 ||
[Analyze grammar]

prabhāte'bhyarcayitvaivaṃ brāhmaṇāṃścaiva tarpayet |
dhvajavāhanabhūto'sau viṣṇorviṣṇuparākramaḥ || 23 ||
[Analyze grammar]

suparṇaḥ prīyatāṃ mahyaṃ vinatākulanandanaḥ |
ityuccārya tato gacched devatāyatanaṃ prati || 24 ||
[Analyze grammar]

dhvajamādāya taiḥ sārdhaṃ devamūrttidharairdvijaiḥ |
vedatūryādinirghoṣaiḥ sulagne stāpayed dhvajam || 25 ||
[Analyze grammar]

muktāgāruḍahemāni gartte vinyasya rohayet |
onnamo'ṣṭakulānāgabhūṣaṇāya nāgaśoṇitaliptāṅgāya saptapātālavāsijanavikṣobhaṇakarāya mahāśailasañcālanāyāruṇakanīyase puruṣottamavāhanāya vinatānandakarāya trailokyavikṣobhaṇāya devadānavagandharvoragamathanāyāmṛtamathanāya māturarthe nāgamohanāya hana hana vighnān nāśaya svāhā |
anena stitimantreṇa stutvā taṃ vihageśvaram || 26 ||
[Analyze grammar]

sānnidhyaṃ kalpayet tasya pakṣirājasya sarvadā |
tataḥ prabhṛti tatsthānaṃ nopasarpanti rākṣasāḥ || 27 ||
[Analyze grammar]

piśācā dandaśūkāśca tasmāt kāryodhvajocchrayaḥ |
snapanaṃ cātrakartavyaṃ prāsādasya tathaiva ca || 28 ||
[Analyze grammar]

kalaśaṃ pūrayecchubhraṃ phalairnānāvidhaiḥ śubhaiḥ |
sarvadhānyaistathā śuklaiḥ kusumaiśca sugandhibhiḥ || 29 ||
[Analyze grammar]

tattvānāṃ tu yathā nyāsastaduktaṃ prathamaṃ tava |
yajamāno'nugaiḥ sārdhaṃ dhvajamandirayoḥ punaḥ || 30 ||
[Analyze grammar]

pradakṣiṇaṃ tridhā kṛtvā gacchedavabhṛthaṃ tataḥ |
śubhaṃ tīrthaṃ praviśyātra gaṅgāmāvāhayet punaḥ || 31 ||
[Analyze grammar]

devi viṣṇupade śuddhe sarvapāpavyapohina |
nandinītyeva te nāma nalinī mālinīti ca || 32 ||
[Analyze grammar]

dakṣāpatyā ca vihagī sarvabhūtapriyeti ca |
śaraṇaṃ tvāṃ prapanno'smi pāpānyamocaya mā ciram || 33 ||
[Analyze grammar]

dhyātvā japannimaṃ mantraṃ vāri vikṣobhya pāṇinā |
majjed ye'nye'tra majjanti sarve tu syurakalmaṣāḥ || 34 ||
[Analyze grammar]

mūlāṅgaistarpayet tatra munīn devān ṛṣīṃstathā |
pārṣadāṃśca bhavet tṛptisteṣāṃ dvādaśavārṣikī || 35 ||
[Analyze grammar]

dīkṣānte ca pratiṣṭhānte kuryādavabhṛthaṃ tathā |
sarvatīrthasamaṃ puṇyaṃ bhavatyeva na saṃśayaḥ || 36 ||
[Analyze grammar]

dhvajānanyāṃstathā sthāpya diśāpālāṅkacihnitān |
svamantraiḥ pūjayed dikṣu sarvebhyaśca baliṃ haret || 37 ||
[Analyze grammar]

grāmavīthīśca sammṛjya prokṣya gandhodakaistataḥ |
samantād vikiret puṣpaiḥ śobhanaiśca sugandhibhiḥ || 38 ||
[Analyze grammar]

grāmaparyantadeśe ca grāmāntaścatvareṣu ca |
caityārāmeṣu goṣṭheṣu devatāyataneṣu ca || 39 ||
[Analyze grammar]

toraṇaiśca patākābhirmaṇḍalaiścopaśobhayet |
kadalīnālikerekṣupūgapuṣpaphaladrumaiḥ || 40 ||
[Analyze grammar]

dīpaprāsādayantraiśca kuryācchobhāṃ samantataḥ |
savaneṣu baliṃ dadyād gandhapuṣpādisaṃyutam || 41 ||
[Analyze grammar]

pūjayitvā yathānyāyamutsaveṣu viśeṣataḥ |
saṃsnāpya śuddhatoyaiśca payodadhyājyagandhakaiḥ || 42 ||
[Analyze grammar]

gavyaiśca nālikerādbhirliptvā gandhaiḥ suyojitaiḥ |
hṛdyaiḥ sudhūpitaiścitraiḥ paridhāpya navaiṃśukaiḥ || 43 ||
[Analyze grammar]

puṣpairmanoharaiḥ puṇyairvividhaiśca viśeṣataḥ |
mālāsragbhiḥ samantācca sandhūpyāyaḥ purādibhiḥ || 44 ||
[Analyze grammar]

saratnahemabhūṣābhirbhaktyā dīpaiśca pūjayet |
svādubhiḥ sopadaṃśaiśca prabhūtairājyasaṃyutaiḥ || 45 ||
[Analyze grammar]

caturvidhairdadhikṣīragulādyaiśca nivedyakaiḥ |
gītasaṅgītavāditrabahulaṃ bhaktaharṣaṇam || 46 ||
[Analyze grammar]

vividhānnādyabhūyiṣṭhamutsavaṃ kārayet tataḥ |
kṛtvā nityabaliṃ dadyāt tatrotsavabaliṃ punaḥ || 47 ||
[Analyze grammar]

viśeṣeṇa ca kartavyaṃ sarvamaṅgalasaṃyutam |
striyo dvijāśca hṛṣṭāśca bhaktāśca jayapāṭhakāḥ || 48 ||
[Analyze grammar]

devasya parito gatvā mucyante'khilapātakaiḥ |
nṛttagītādibhiścātra viśālaṃ kuryurutsavam || 49 ||
[Analyze grammar]

śanaiḥ pradakṣiṇaṃ gacched baliṃ dadyācca deśikaḥ |
yāvantyutsavaklṛptāni dinānyevaṃ samācaret || 50 ||
[Analyze grammar]

gandhapuṣpākṣataiḥ sragbhiḥ phalaiśca vividhaiḥ śubhaiḥ |
kireyuḥ kautukaṃ bhaktāḥ kālacakramathāpi vā || 51 ||
[Analyze grammar]

evaṃ tridhā paribhramya ṣaḍahāni yathāvidhi |
saptame'hvi tataḥ kuryāt puṣpayāgaṃ haripriyam || 52 ||
[Analyze grammar]

pūrvedyurbhūśayo bhūtvā niyatātmā haviṣyabhuk |
upoṣya niśi devasya kuryāt kautukabandhanam || 53 ||
[Analyze grammar]

karmārcāṃ tu samārādhya maṇḍape samalaṅkṛte |
prarohaghaṭikābhistu śarāvairdigvidiggataiḥ || 54 ||
[Analyze grammar]

vaiṣṇavaiḥ kārayitvā tu ghṛtāropaṇamāditaḥ |
jayamaṅgalaghoṣaistu pradarśyādarśamaṅgalam || 55 ||
[Analyze grammar]

jitaṃ ta iti badhnīyāt kautukaṃ dakṣiṇe kare |
ācāryasyāpi kartavyaṃ tadā kautukabandhanam || 56 ||
[Analyze grammar]

cāmaraistālavṛntaiśca vījayenmaṅgalānvitam |
śayane sanniveśyārcāmanirvāṇapradīpakaiḥ || 57 ||
[Analyze grammar]

rātriśeṣaṃ samāsīta sandhūpyāyaḥ purādibhiḥ |
prātaḥ snātvā'rcayitvā ca kṛtvā maṅgalavācanam || 58 ||
[Analyze grammar]

grāmapradakṣiṇaṃ cātra piṣṭacūrṇāni kārayet |
ulūkhale nave śuddhe dūrvādibhiralaṃkṛte || 59 ||
[Analyze grammar]

vaiṣṇavībhistu dāsībhirdvijairvā suśubhāni tu |
liptvā'jyena tu tāmarcāṃ mūlabimbamathāpi vā || 60 ||
[Analyze grammar]

hemacūrṇādibhiḥ samyak parimṛjya samantataḥ |
haridramudgasammiśrairbhaktānāṃ mūrdhni vinyaset || 61 ||
[Analyze grammar]

gandhacūrṇaiśca vimṛjet pratimāṃ tadvadeva tu |
snāpayed vedikāmadhye pūritaistīrthavāribhiḥ || 62 ||
[Analyze grammar]

gandhatoyaiśca dātavyaṃ bhaktānāṃ mūrdhni tajjalam |
dattvā suvarṇacūrṇaṃ ca pūjayed vidhinā punaḥ || 63 ||
[Analyze grammar]

snātvā'camya punarvedyāṃ śodhitāyāṃ samantataḥ |
catustoraṇayuktāyāṃ vikiret sarṣapākṣataiḥ || 64 ||
[Analyze grammar]

kalaśairaṅkurairdīpairdarpaṇādyaiśca bhūṣayet |
dāmāni lambayet tatra muktādāmāni cābhitaḥ || 65 ||
[Analyze grammar]

kumbheśavardhanībhyāṃ tu kṛtvā'dau bhūparigraham |
pūrvavat sūtrayitvā'tra kārayet puṣpamaṇḍalam || 66 ||
[Analyze grammar]

pañcavarṇaiḥ śubhaiḥ puṣpairamlānaiśca sugandhibhiḥ |
mandārapītakoraṇḍaiḥ padmabilvadalairapi || 67 ||
[Analyze grammar]

japādivarjitaiḥ śuddhairyathāvarmavibhāgataḥ |
madhye sakarṇikaṃ padammaṣṭapatraṃ suśobhanam || 68 ||
[Analyze grammar]

ṣaṅbhirdvādaśabhirvā'pi dalairyuktaṃ prakalpayet |
pītaistu karṇikā kāryā raktavarṇaistu kesarāḥ || 69 ||
[Analyze grammar]

haritaiḥ sandhayaścātra śuklaireva dalāni tu |
bhadrakaṃ vā likhet tatra cakrābjaṃ vā yathāruci || 70 ||
[Analyze grammar]

bahirāvaraṇe cāṣṭau padmānyaṣṭadalāni tu |
mūrttīnāṃ cātha devīnāṃ tathā puṣpamayānyatha || 71 ||
[Analyze grammar]

mudrāṇāṃ lokapālānāṃ tathaivāvaraṇadvaye |
ādipadmārdhamānena mūrttipadmāni kalpayet || 72 ||
[Analyze grammar]

tadardhena tu mudrāṇāmindrādīnāṃ prakalpayet |
tāvatā vainateyasya viṣvaksenasya caiva hi || 73 ||
[Analyze grammar]

paścimaṃ vāhayed dvāraṃ vīthīśca parito bhavet |
puṣpadantapradeśe syāt sañcāro mūrttidāriṇām || 74 ||
[Analyze grammar]

evaṃ puṣpamayānyeva kuryāt padmāni sarvaśaḥ |
dvārādikaṃ bahiḥ sarvaṃ yathāśobaṃ prakalpayet || 75 ||
[Analyze grammar]

yogapīṭhaṃ tu sampūjya sagātraṃ saparicchadam |
pratimāmādipadmasya karṇikāyāṃ niveśayet || 76 ||
[Analyze grammar]

pūjayet pūrvavad devaṃ nyāsaṃ kṛtvā yathāvidhi |
mūrttiśaktyastralokeśāḥ pūjyāḥ padmeṣu teṣu ca || 77 ||
[Analyze grammar]

gandhaiḥ puṣpaiśca dhūpaiśca dīpairannaiśca śobhanaiḥ |
pūjayitvā yathānyāyamagnikāryaṃ samārabhet || 78 ||
[Analyze grammar]

catasraḥ pālikāḥ pūrvamagneḥ kṛtvā caturdiśam |
caturaśca carūn kṛtvā yathāvittānusārataḥ || 79 ||
[Analyze grammar]

pūrvavat saṃskṛte vahnau caturdhaikaṃ vibhajya vā |
kṛtvopastaraṇādīni prathamaṃ tu nivedayet || 80 ||
[Analyze grammar]

dvitīyaṃ juhuyādagnau ghṛtāktaṃ prāgvadeva tu |
tṛtīyaṃ parivārebhyo dattvā'nte balimeva ca || 81 ||
[Analyze grammar]

caturthaṃ prāśayeta sājyaṃ śeṣaṃ kṛtvā tu pūrvavat |
hiraṇyaṃ dakṣiṇāṃ dadyād brāhmaṇāṃścaiva bhojayet || 82 ||
[Analyze grammar]

nṛttagītādibhiḥ stotrairvedanādaiśca puṣkalaiḥ |
pūjanairvaiṣṇavānāṃ ca prīṇayedakhileśvaram || 83 ||
[Analyze grammar]

dvādaśyāṃ śravaṇe'pyevaṃ kuryād yāgaṃ vicakṣaṇaḥ |
saptame saptame kuryād viṣṇuyāgamatandritaḥ || 84 ||
[Analyze grammar]

saṃvatsaraṃ tathā kṛtvā viṣṇuloke mahīyate |
ayane viṣuve caiva somasūryagrahe tathā || 85 ||
[Analyze grammar]

saṃkrame viṣṇupañcamyāṃ kṛtveṣṭaṃ prāpnuyāt phalam |
prathame divase rātrau kuryād grāmapradakṣiṇam || 86 ||
[Analyze grammar]

ahni pradakṣiṇaṃ kuryāccheṣeṣu divaseṣu ca |
baliṃ ca sarvato dadyād bhūtebhyo'ntarbahistathā || 87 ||
[Analyze grammar]

paribhramaṇakāle ca maṇḍaleṣu baliṃ haret |
kautukasya purastāt tu gantavyaṃ balidāyibhiḥ || 88 ||
[Analyze grammar]

gandhapuṣpādisaṃyuktaṃ jaladānasamanvitam |
balivikṣepaṇaṃ kuryād balimudrāṃ ca darśayet || 89 ||
[Analyze grammar]

kumudādidhvajeśānāṃ pañcāśadgaṇanāyakāḥ |
bhavanti śataśasteṣāṃ tathaiva ca sahasraśaḥ || 90 ||
[Analyze grammar]