Chapter 19

athaikonaviṃśaḥ paṭalaḥ ||
atha vakṣyāmi saṃkṣepāt pratiṣṭhānantarakriyām |
pūrvavat sthaṇḍilānyaṣṭau homārthaṃ dikṣu kalpayet || 1 ||
[Analyze grammar]

ullekhanādikaṃ kṛtvā pūrvoktavidhinā kramāt |
praṇīta vaiṣṇavaṃ vahniṃ juhuyurdikṣu dīkṣitāḥ || 2 ||
[Analyze grammar]

indrakratumiti prācyāmagniṃdūtaṃ hutāśane |
noktasuparṇaṃ yāmyāyāṃ nairṛtyāṃ moṣuṇaḥ parā || 3 ||
[Analyze grammar]

yaraṃkṣantīti vāruṇyāṃ vāyavāyāhi pāvane |
somaṃrājānamityevaṃ saumye śārve triyambakam || 4 ||
[Analyze grammar]

pañca tārān puro'nūcya pratyekaṃ pūrvataḥ kramāt |
amībhirhuhuyurmantraiḥ pakvaṃ vidhivadṛtvijaḥ || 5 ||
[Analyze grammar]

palāśakhadirāśvatthaplakṣanyagrodhabilvajāḥ |
audumbarāśca kāśmaryaḥ samidho'ṣyaśataṃ pṛthak || 6 ||
[Analyze grammar]

tāvadājyānnalājādīn hutvā śeṣaṃ samāpayet |
samidādi yathālābhamindrādyastraiśca homayet || 7 ||
[Analyze grammar]

indrādīn homayitvaivaṃ svamantrairaṣṭadikṣu ca |
sampātājyayutaistoyairghaṭasthairmantrasaṃskṛtaiḥ || 8 ||
[Analyze grammar]

saṃsnāpya pīṭhikāsvetān gandhādyaiḥ pūjayet kramāt |
skandamaindyāṃ pratiṣṭhāpya ṣaṇmukhāyeti vidyayā || 9 ||
[Analyze grammar]

śāstāramagnau bhāṃbījaṃ bhūtādhipataye namaḥ |
brāhmī māheśvarī caiva kaumārī vaiṣṇavī tathā || 10 ||
[Analyze grammar]

vārāhyaindrī ca cāmuṇḍī yāmye vai sapta mātaraḥ |
vīrabhadragaṇeśābhyāṃ saha prākārapārśvataḥ || 11 ||
[Analyze grammar]

vīrabhadraḥ svarāḥ sarve saptavargāstu mātaraḥ |
kūṭo gaṇapatiśceti kramājjñeyā ca mātṛkā || 12 ||
[Analyze grammar]

praṇavena svamantrairvā nairṛtyāṃ tu divākaram |
ghaṣotkāyeti mantro vā hutāntastadvidhau bhavet || 13 ||
[Analyze grammar]

paścād brahmā svaṣaṭkeṇa tathānyastatsadityapi |
tato bhūriti bījena varāho vāyugocare || 14 ||
[Analyze grammar]

durgā hrīṅkārapūrveṇa sā nāmnottaratastathā |
saśrīdharahayāsyā vā vāgīśvaryādimātaraḥ || 15 ||
[Analyze grammar]

vāgīśvarī kriyā kīrtirlakṣmīḥ sṛṣṭiśca pañcamī |
vidyā kāntiriti jñeyāḥ śaṅkhacakragadādharāḥ || 16 ||
[Analyze grammar]

caturthaṣaṣṭhau bindvantau dvādaśo'tha trayodaśaḥ |
ādyaścaikādaśo jñeyo dvitīyaścaindragāḥ svarāḥ || 17 ||
[Analyze grammar]

viṣvakseno'ditau sthāpyaḥ śaṅkhacakragadādharaḥ |
tarjayan vāmatarjanyā nāsāgrāsannayā jagat || 18 ||
[Analyze grammar]

gandhapuṣpaiḥ samabhyarcya śiṣṭadravyaistu yājñikaiḥ |
devopayuktaṃ puṣpādi yat prāsādāntarasthitam || 19 ||
[Analyze grammar]

tat sarvamasmai dattvā'nte vastrābhyāṃ pariveṣṭayet |
īśānaṃ ceśadigbhāge svamantraiḥ sthāpayet tataḥ || 20 ||
[Analyze grammar]

kumudādyāśca pīṭheṣu pūrvādidhvajadevatāḥ |
prākārāttu bahiḥ sthāpyāḥ pūjyāśca balibhiḥ kramāt || 21 ||
[Analyze grammar]

balipīṭhe balaścāgre sagaṇo bhūtanāyakaḥ |
sthāpayitvā'rcayitvā ca sarvān vijñāpayet tataḥ || 22 ||
[Analyze grammar]

yāvadatra jagannātho bimbamāśritya tiṣṭhati |
tāvadatraiva rakṣārthaṃ yūyaṃ tiṣṭhata sarvadā || 23 ||
[Analyze grammar]

antarmaṇḍaladaṇḍārdhadaṇḍe syādantahārakā |
madhyahārā dvidaṇḍā ca caturmaryādabhittikā || 24 ||
[Analyze grammar]

saptadaṇḍāyatā kāryā maryādābhittikā tataḥ |
mukhāyāmastribhāgena pādenārdhena vā punaḥ || 25 ||
[Analyze grammar]

balipīṭhasamutsedho garbhāgāraprateḥ samaḥ |
pūjāpīṭhasamo vā'pi ṣaḍūno vā prakīrttitaḥ || 26 ||
[Analyze grammar]

utsedhaṃ daśadhā kṛtvā saptāṃśastasya vistaraḥ |
saptaviṃśatidhā kṛtvā samameva taducchrayam || 27 ||
[Analyze grammar]

ekāṃśaṃ pādukaṃ vidyāt caturbhirjagatīṃ punaḥ |
tribhāgaṃ kumudaṃ caiva tathaikāṃśena paṭṭikām || 28 ||
[Analyze grammar]

daśāṃśaṃ kaṇṭhamityāhuraṃśābhyāṃ kambunidravau |
tribhiḥ kapotamityāhurekāṃśenāgrapaṭṭikām || 29 ||
[Analyze grammar]

dvyaṃśakaṃ padmamante syādetat pīṭhasya lakṣaṇam |
uttamādhamamadhyatvaṃ bimbayogāt prakalpayet || 30 ||
[Analyze grammar]

uttamānāṃ tu bimbānāṃ varjite madhyamādhame |
varjitā pīṭhikāścāṣṭau madhyamādhamayostathā || 31 ||
[Analyze grammar]

pīṭhikānāṃ viparyāse kulanāśo bhaved yataḥ |
svānāṃ svānāṃ viparyāso na kāryo'taḥ sukhārthibhiḥ || 32 ||
[Analyze grammar]

utsedhanirgamau tulyau pādukasya prakīrttitau |
jagatīkumbhayoḥ sandhau tāvadantargataṃ bhavet || 33 ||
[Analyze grammar]

bhāgaṃ kumbhottare kṛtvā bhāgārdhaṃ paṭṭikāṃ tataḥ |
bhāgamekaṃ tribhāgaikaṃ kuryād vai kaṇṭhapādukam || 34 ||
[Analyze grammar]

bhāgārdhāntargataṃ kaṇṭhaṃ pādamātrā tu mekhalā |
vistārādaṣṭabhāgaikaṃ pādavistāra ucyate || 35 ||
[Analyze grammar]

catvāro dvādaśaivaṃ vā kartavyāḥ kaṇṭhapādukāḥ |
kaṇṭhāgrapaṭṭikāṃ kuryād yathāvat kumbhapaṭṭikām || 36 ||
[Analyze grammar]

bhāgaṃ bāhyagataṃ caiva valabhyardhaṃ tu bhaṅguram |
antarbhaṅguravad bhāgaṃ salilaṃ sarvato bhavet || 37 ||
[Analyze grammar]

ūrdhvaṃ tu paṭṭikā jñeyā padmākṛtirathāntare |
tatpīṭhaṃ madhyataḥ kṛtvā maṇḍapaṃ lakṣaṇānvitam || 38 ||
[Analyze grammar]

bījāṅkuradhvajārohabalimaṅgalapūrvakam |
utsavānnādyapuṇyāhasthānaśuddhyādisaṃyutam || 39 ||
[Analyze grammar]

samantāt pīṭhavistāraṃ likhitvā bhadrakāṣṭakam |
kalaśān pūrayitvā'ṣṭau ghṛtairdhānyaistu vā'mbubhiḥ || 40 ||
[Analyze grammar]

sarvaratnasamāyuktaṃ vastrayugmaistu veṣṭayet |
lohajaṃ mṛṇmayaṃ vā'nyaṃ pīṭhasyopari kalpayet || 41 ||
[Analyze grammar]

bhūtanāthasya cārabhya bhūtānāṃ capradakṣiṇam |
gandhādinā'rcayitvā tu phalaiḥ puṣpaiśca sarvataḥ || 42 ||
[Analyze grammar]

bhakṣyabhojyādisaṃyuktaṃ kalaśāṃścaiva pūrvavat |
vastraiḥ saṃveṣṭayet sarvān navaiḥ keśādivarjitaiḥ || 43 ||
[Analyze grammar]

homārthaṃ tu dvijā grāhyā aṣṭau catvāra eva vā |
svayaṃ vaikaṃ prakurvīta pūrvoktavidhinā guruḥ || 44 ||
[Analyze grammar]

vedādhyayanasaṃyuktaṃ tathā jāgaraṇaṃ niśi |
prāsādābhyantare devamārādhya vidhipūrvakam || 45 ||
[Analyze grammar]

balidānaṃ yathāśakti sarvaṃ kṛtvā tu pūrvavat |
sarveṣāṃ mūrtipānāṃ tu homayenmūlavidyayā || 46 ||
[Analyze grammar]

yathā svanāmamantreṇa samidājyahavīṃṣi ca |
lājāṃśaaca sarṣapāṃścaiva tathā saktūn yavāṃstilān || 47 ||
[Analyze grammar]

dadhi kṣīraṃ tathā kṣaudraṃ puṣpāṇi tu phalāni ca |
sarvaṃ sājyaṃ tu hotavyaṃ sarvaśāntikaraṃ śubham || 48 ||
[Analyze grammar]

aṣṭottarasahasraṃ vā śataṃ vā homayet pṛthak |
dadyāt pūrṇāhutiṃ cātra pratidravyaṃ vidhānataḥ || 49 ||
[Analyze grammar]

śaṅkhatūryādisaṃyuktaṃ dikṣu bhūtabaliṃ haret |
onnamaḥ prācyebhyo bhūtebhyo viśvabhūtebhyaḥ |
namo'stu viśvarūpebhyo virūpebhyaśca vo namaḥ || 50 ||
[Analyze grammar]

om |
namo'stu dakṣiṇebhyaśca bhūtebhyaḥ śārṅgadhanvanaḥ |
namo hāhābhyo bhūtebhyaḥ sarvebhyo vo namonamaḥ || 51 ||
[Analyze grammar]

onnamaḥ pāścāttyebhyo bhūtebhyo bhairavebhyo viṣṇupālakebhyo viyadgrahodaravartibhyo huṃ phaṭ oṃ gacchata ṭhaṭha |viṣṇugaṇānāmato balimupāharāmi bhadraṃ no dadata prīṇayata svāhā |
onnamo viṣṇubhūtebhya udīcyebhyaḥ sakalajantuhitakarebhyo viśvapālakebhyo vo namaḥ svāhā ||
susnātaḥ svastivācyātha brāhmaṇānāmanujñayā |
devasya mahatīṃ pūjāṃ kṛtvā bhaktyā samāhitaḥ || 52 ||
[Analyze grammar]

vainateyaṃ ca sampūjya parivāraṃ ca śaktitaḥ |
bhūtanāthamathārādhya mūrtipān pūjayet kramāt || 53 ||
[Analyze grammar]

apūpasaktubhirdhānāphalabhakṣyasamanvitaiḥ |
etatsarvaṃ kramāt kṛtvā brāhmaṇānāṃ ca tarpaṇam || 54 ||
[Analyze grammar]

dakṣiṇā cātra dātavyā brāhmaṇebhyaḥ svaśaktitaḥ |
gandhapuṣpairathābhyarcya balipīṭhaṃ samāhitaḥ || 55 ||
[Analyze grammar]

bhūtānāthaṃ pratiṣṭhāpya kumbhatoyena secayet |
itarān secayed dikṣu mūrttipānāṃ yathākramam || 56 ||
[Analyze grammar]

ācāryo yajamānaśca balipīṭhaṃ pradakṣiṇam |
abhyarcya gandhapuṣpādyaiḥ praṇamed bhūtanāyakam || 57 ||
[Analyze grammar]

pāyasaṃ kṛsaraṃ caiva gulānnaṃ ghṛtasaṃyutam |
dadhnā madhuphalairyuktaṃ pūjayed bhūtanāyakam || 58 ||
[Analyze grammar]

ācāryo mūrtipālebhyo dakṣiṇāṃ dāpayet tataḥ |
pūrvavat snapanaṃ kuryād devadevasya śaktitaḥ || 59 ||
[Analyze grammar]

snānaśeṣaistu kumbhasthairācāryo mūrttipaiḥ saha |
prokṣayet parivārāṃstān gandhādibhirathārcayet || 60 ||
[Analyze grammar]