Book 15 - pañcadaśamāhnikam

atha śrītantrāloke pañcadaśamāhnikam |
athaitadupayogāya yāgastāvannirūpyate |
tatra dīkṣaiva bhoge ca muktau cāyātyupāyatām || 1 ||
[Analyze grammar]

svayaṃ saṃskārayogādvā tadaṅgaṃ tatpradarśyate |
yo yatrābhilaṣedbhogān sa tatraiva niyojitaḥ || 2 ||
[Analyze grammar]

siddhibhāṅmantraśaktyeti śrīmatsvāyaṃbhuve vibhuḥ |
yogyatāvaśato yatra vāsanā yasya tatra saḥ || 3 ||
[Analyze grammar]

yojyo na cyavate tasmāditi śrīmālinīmate |
vadanbhogādyupāyatvaṃ dīkṣāyāḥ prāha no guruḥ || 4 ||
[Analyze grammar]

na cādhikāritā dīkṣāṃ vinā yoge'sti śāṅkare |
na ca yogādhikāritvamekamevānayā bhavet || 5 ||
[Analyze grammar]

api mantrādhikāritvaṃ muktiśca śivadīkṣayā |
ityasminmālinīvākye sākṣānmokṣābhyupāyatā || 6 ||
[Analyze grammar]

dīkṣāyāḥ kathitā prācyagranthena punarucyate |
pāramparyeṇa saṃskṛtyā mokṣabhogābhyupāyatā || 7 ||
[Analyze grammar]

yeṣāmadhyavasāyo'sti na vidyāṃ pratyaśaktitaḥ |
sukhopāyamidaṃ teṣāṃ vidhānamuditaṃ guroḥ || 8 ||
[Analyze grammar]

iti śrīmanmataṅgākhye hyuktā mokṣābhyupāyatā |
samyagjñānasvabhāvā hi vidyā sākṣādvimocikā || 9 ||
[Analyze grammar]

uktaṃ tatraiva tattvānāṃ kāryakāraṇabhāvataḥ |
heyādeyatvakathane vidyāpāda iti sphuṭam || 10 ||
[Analyze grammar]

tatrāśaktāstu ye teṣāṃ dīkṣācaryāsamādhayaḥ |
te vidyāpūrvakā yasmāttasmājjñānyuttamottamaḥ || 11 ||
[Analyze grammar]

jñānaṃ ca śāstrāttaccāpi śrāvyo nādīkṣito yataḥ |
ato'sya saṃskriyāmātropayogo dīkṣayā kṛtaḥ || 12 ||
[Analyze grammar]

yatra tatrāstu guruṇā yojito'sau phalaṃ punaḥ |
svavijñānocitaṃ yāti jñānītyuktaṃ purā kila || 13 ||
[Analyze grammar]

yasya tvīśaprasādena divyā kācana yogyatā |
guroḥ śiśośca tau naiva prati dīkṣopayogitā || 14 ||
[Analyze grammar]

jñānameva tadā dīkṣā śrītraiśikanirūpaṇāt |
sarvaśāstrārthavettṛtvamakasmāccāsya jāyate || 15 ||
[Analyze grammar]

iti śrīmālinīnītyā yaḥ sāṃsiddhikasaṃvidaḥ |
sa uttamādhikārī syājjñānavānhi gururmataḥ || 16 ||
[Analyze grammar]

ātmane vā parebhyo vā hitārthī cetayedidam |
ityuktyā mālinīśāstre tatsarvaṃ prakaṭīkṛtam || 17 ||
[Analyze grammar]

jñānayogyāstathā keciccaryāyogyāstathāpare |
dīkṣāyogyā yogayogyā iti śrīkairaṇe vidhau || 18 ||
[Analyze grammar]

tatroktalakṣaṇaḥ karmayogajñānaviśāradaḥ |
uttarottaratābhūmyutkṛṣṭo gururudīritaḥ || 19 ||
[Analyze grammar]

sa ca prāguktaśaktyanyatamapātapavitritam |
parīkṣya pṛṣṭvā vā śiṣyaṃ dīkṣākarma samācaret || 20 ||
[Analyze grammar]

uktaṃ svacchandaśāstre ca śiṣyaṃ pṛcchedguruḥ svayam |
phalaṃ prārthayase yādṛktādṛksādhanamārabhe || 21 ||
[Analyze grammar]

vāsanābhedataḥ sādhyaprāptirmantrapracoditā |
mantramudrādhvadravyāṇāṃ home sādhāraṇā sthitiḥ || 22 ||
[Analyze grammar]

vāsanābhedato bhinnaṃ śiṣyāṇāṃ ca guroḥ phalam |
sādhako dvividhaḥ śaivadharmā lokojjhitasthitiḥ || 23 ||
[Analyze grammar]

lokadharmī phalākāṃkṣī śubhasthaścāśubhojjhitaḥ |
dvidhā mumukṣurnirbījaḥ samayādivivarjitaḥ || 24 ||
[Analyze grammar]

bālabāliśavṛddhastrībhogabhugvyādhitādikaḥ |
anyaḥ sabījo yasyetthaṃ dīkṣoktā śivaśāsane || 25 ||
[Analyze grammar]

vidvaddvandvasahānāṃ tu sabījā samayātmikā |
dīkṣānugrāhikā pālyā viśeṣasamayāstu taiḥ || 26 ||
[Analyze grammar]

abhāvaṃ bhāvayetsamyakkarmaṇāṃ prācyabhāvinām |
mumukṣornirapekṣasya prārabdhrekaṃ na śādhayet || 27 ||
[Analyze grammar]

sādhakasya tu bhūtyarthamitthameva viśodhayet |
śivadharmiṇyasau dīkṣā lokadharmāpahāriṇī || 28 ||
[Analyze grammar]

adharmarūpiṇāmeva na śubhānāṃ tu śodhanam |
lokadharmiṇyasau dīkṣā mantrārādhanavarjitā || 29 ||
[Analyze grammar]

prārabdhadehabhede tu bhuṅkte'sāvaṇimādikam |
bhuktvordhvaṃ yāti yatraiṣa yukto'tha sakale'kale || 30 ||
[Analyze grammar]

samayācārapāśaṃ tu nirbījāyāṃ viśodhayet |
dīkṣāmātreṇa muktiḥ syādbhaktyā deve gurau sadā || 31 ||
[Analyze grammar]

sadyonirvāṇadā seyaṃ nirbījā yeti bhaṇyate |
atītānāgatārabdhapāśatrayaviyojikā || 32 ||
[Analyze grammar]

dīkṣāvasāne śuddhasya dehatyāge paraṃ padam |
dehatyāge sabījāyāṃ karmābhāvādvipadyate || 33 ||
[Analyze grammar]

samayācārapāśaṃ tu dīkṣitaḥ pālayetsadā |
evaṃ pṛṣṭvā parijñāya vicārya ca guruḥ svayam || 34 ||
[Analyze grammar]

ucitāṃ saṃvidhitsustāṃ vāsanāṃ tādṛśīṃ śrayet |
āyātaśaktipātasya dīkṣāṃ prati na daiśikaḥ || 35 ||
[Analyze grammar]

avajñāṃ vidadhīteti śaṃbhunājñā nirūpitā |
svadhanena daridrasya kuryāddīkṣāṃ guruḥ svayam || 36 ||
[Analyze grammar]

api dūrvāmbubhiryadvā dīkṣāyai bhikṣate śiśuḥ |
bhikṣopāttaṃ nijaṃ vātha dhanaṃ prāggurave śiśuḥ || 37 ||
[Analyze grammar]

dadyādyena viśuddhaṃ tadyāgayogyatvamaśnute |
tatrādau śivatāpattisvātantryāveśa eva yaḥ || 38 ||
[Analyze grammar]

sa eva hi guruḥ kāryastato'sau dīkṣaṇe kṣamaḥ |
śivatāveśitā cāsya bahūpāyā pradarśitā || 39 ||
[Analyze grammar]

kramikā bāhyarūpā tu snānanyāsārcanādibhiḥ |
bahvīṣu tāsu tāsveṣa kriyāsu śivatāṃ hṛdi || 40 ||
[Analyze grammar]

saṃdadhaddṛḍhamabhyeti śivabhāvaṃ prasannadhīḥ |
śivībhūto yadyadicchettattatkartuṃ samīhate || 41 ||
[Analyze grammar]

śivābhimānitopāyo bāhyo heturna mokṣadaḥ |
śivo'yaṃ śiva evāsmītyevamācāryaśiṣyayoḥ || 42 ||
[Analyze grammar]

hetutadvattayā dārḍhyābhimāno mocako hyaṇoḥ |
nādhyātmena vinā bāhyaṃ nādhyātmaṃ bāhyavarjitam || 43 ||
[Analyze grammar]

siddhyejjñānakriyābhyāṃ taddvitīyaṃ saṃprakāśate |
śrībrahmayāmale deva iti tena nyarūpayat || 44 ||
[Analyze grammar]

śrīmadānandaśāstre ca nāśuddhiḥ syādvipaścitaḥ |
kintu snānaṃ suvastratvaṃ tuṣṭisaṃjananaṃ bhavet || 45 ||
[Analyze grammar]

tatra prasiddhadehādimātṛnirmalatākramāt |
ayatnato'ntarantaḥ syānnairmalya snāyatāṃ tataḥ || 46 ||
[Analyze grammar]

snānaṃ ca devadevasya yanmūrtyaṣṭakamucyate |
tatraivaṃ mantradīpte'ntarmaladāhe nimajjanam || 47 ||
[Analyze grammar]

tatreṣṭamantrahṛdayo gorajo'ntaḥ padatrayam |
gatvāgatya bhajetsnānaṃ pārthivaṃ dhṛtidāyakam || 48 ||
[Analyze grammar]

astramantritamṛddhūtamalaḥ pañcāṅgamantritaiḥ |
jalairmūrdhādipādāntaṃ kramādākṣālayettataḥ || 49 ||
[Analyze grammar]

nimajjetsāṅgamūlākhyaṃ japannā tanmayatvataḥ |
utthāyāśeṣasajjyotirdevatāgarbhamambare || 50 ||
[Analyze grammar]

sūryaṃ jalena mālinyā tarpayedviśvatarpakam |
devānpitṝnmunīnyakṣān rakṣāṃsyanyacca bhautikam || 51 ||
[Analyze grammar]

sarvaṃ saṃtarpayetprāṇo vīryātmā sa ca bhāskaraḥ |
tato japetparāmekāṃ prāguktoccārayogataḥ || 52 ||
[Analyze grammar]

ā tanmayatvasaṃvitterjalasnānamidaṃ matam |
agnyutthaṃ bhasma śastreṇa japtvā malanivarhaṇam || 53 ||
[Analyze grammar]

kavaktrahṛdguhyapade pañcāṅgairbhasma mantritam |
bhasmamuṣṭiṃ sāṅgamūlajaptāṃ mūrdhni kṣipettataḥ || 54 ||
[Analyze grammar]

hastapādau jalenaiva prakṣālyācamanādikam |
tarpaṇaṃ japa ityevaṃ bhasmasnānaṃ hi taijasam || 55 ||
[Analyze grammar]

gorajovatyanudrikte vāyau hlādini mantravāk |
gatyāgatiprayoge vā vāyavyaṃ snānamācaret || 56 ||
[Analyze grammar]

amale gagane vyāpinyekāgrībhūtadṛṣṭikaḥ |
smaranmantraṃ yadāsīta kānyā nirmalatā tataḥ || 57 ||
[Analyze grammar]

yadi vā nirmalādvyomnaḥ patatā vāriṇā tanum |
sparśayenmantrajapayuṅ nābhasaṃ snānamīdṛśam || 58 ||
[Analyze grammar]

evaṃ somārkatejaḥsu śivabhāvena bhāvanāt |
nimajjandhautamālinyaḥ kva vā yogyo na jāyate || 59 ||
[Analyze grammar]

ātmaiva parameśāno nirācāramahāhradaḥ |
viśvaṃ nimajjya tatraiva tiṣṭhecchuddhaśca śodhakaḥ || 60 ||
[Analyze grammar]

iti snānāṣṭakaṃ śuddhāvuttarottaramuttamam |
sarvatra paścāttaṃ mantramekībhūtamupāharet || 61 ||
[Analyze grammar]

ghṛtyāpyāyamalaploṣavīryavyāptimṛjisthitīḥ |
abhedaṃ ca kramādeti snānāṣṭakaparo muniḥ || 62 ||
[Analyze grammar]

etā hyanugrahātmāno mūrtayo'ṣṭau śivātmikāḥ |
svarūpaśivarūpābhyāṃ dhyānāttattatphalapradāḥ || 63 ||
[Analyze grammar]

anena vidhinārcāyāṃ kandādhārādiyojanām |
kurvanvyāsasamāsābhyāṃ dharādestatphalaṃ bhajet || 64 ||
[Analyze grammar]

tathāhi yogasaṃcāre mantrāḥ syurbhuvi pārthivāḥ |
āpye āpyā yāvadamī śive śivamayā iti || 65 ||
[Analyze grammar]

śrīnirmaryādaśāstre'pi taditthaṃ sunirūpitam |
dharādeśca viśeṣo'sti vīrasādhakasaṃmataḥ || 66 ||
[Analyze grammar]

raṇareṇurvīrajalaṃ vīrabhasma mahāmarut |
śmaśānāraṇyagaganaṃ candrārkau tadupāhitau || 67 ||
[Analyze grammar]

ātmā nirdhūtaniḥśeṣavikalpātaṅkasusthitaḥ |
snānārcādāvityupāsyaṃ vīrāṇāṃ vigrahāṣṭakam || 68 ||
[Analyze grammar]

śrīmantriśirasi proktaṃ madyaśīdhusurādinā |
susvādunā prasannena tanunā susugandhinā || 69 ||
[Analyze grammar]

kandalādigatenāntarbahiḥ saṃskārapañcakam |
kṛtvā nirīkṣaṇaṃ prokṣya tāḍanāpyāyaguṇṭhanam || 70 ||
[Analyze grammar]

mantracakrasya tanmadhye pūjāṃ vipruṭpratarpaṇam |
tenātmasekaḥ kalaśamudrayā cābhiṣecanam || 71 ||
[Analyze grammar]

devatātarpaṇaṃ dehaprāṇobhayapathāśritam |
sarvatīrthatapoyajñadānādi phalamaśnute || 72 ||
[Analyze grammar]

madyasnāne sādhakendro mumukṣuḥ kevalībhavet |
yataḥ śivamayaṃ madyaṃ sarve mantrāḥ śivodbhavāḥ || 73 ||
[Analyze grammar]

śivaśaktyorna bhedo'sti śaktyutthāstu marīcayaḥ |
tāsāmānandajanakaṃ madyaṃ śivamayaṃ tataḥ || 74 ||
[Analyze grammar]

prabuddhe saṃvidaḥ pūrṇe rūpe'dhikṛtibhājanam |
mantradhyānasamādhānabhedātsnānaṃ tu yanna tat || 75 ||
[Analyze grammar]

yuktaṃ snānaṃ yato nyāsakarmādau yogyatāvaham |
asya snānāṣṭakasyāsti bāhyāntaratayā dvitā || 76 ||
[Analyze grammar]

āntaraṃ tadyathordhvendudhārāmṛtapariplavaḥ |
yato randhrordhvagāḥ sārdhamaṅgulaṃ vyāpya saṃsthitāḥ || 77 ||
[Analyze grammar]

mūrtayo'ṣṭāvapi proktāḥ pratyekaṃ dvādaśāntataḥ |
eṣāmekatamaṃ snānaṃ kuryāddvitryādiśo'pivā || 78 ||
[Analyze grammar]

iti snānavidhiḥ prokto bhairaveṇāmalīkṛtau |
snānānantarakartavyamathedamupadiśyate || 79 ||
[Analyze grammar]

bhāvaṃ prasannamālocya vrajedyāgagṛhaṃ tataḥ |
parvatāgranadītīraikaliṅgādi yaducyate || 80 ||
[Analyze grammar]

tadbāhyamiha tatsiddhiviśeṣāya na muktaye |
ābhyantaraṃ nagāgrādi dehāntaḥ prāṇayojanam || 81 ||
[Analyze grammar]

sādhakānāmupāyaḥ syātsiddhaye natu muktaye |
pīṭhasthānaṃ sadā yāgayogyaṃ śāstreṣu bhaṇyate || 82 ||
[Analyze grammar]

tacca bāhyāntarādrūpādbahirdehe ca susphuṭam |
yataḥ śrīnaiśasañcāre parameśo nyarūpayat || 83 ||
[Analyze grammar]

tasyecchā pīṭhamādhāro yatrasthaṃ sacarācaram |
agryaṃ tatkāmarūpaṃ syādbindunādadvayaṃ tataḥ || 84 ||
[Analyze grammar]

nādapīṭhaṃ pūrṇagirirdakṣiṇe vāmataḥ punaḥ |
pīṭhamuḍḍayanaṃ bindurmukhyaṃ pīṭhatrayaṃ tvidam || 85 ||
[Analyze grammar]

jñeyaṃ saṃkalpanārūpamardhapīṭhamataḥ param |
śāktaṃ kuṇḍalinī vedakalaṃ ca tryupapīṭhakam || 86 ||
[Analyze grammar]

devīkoṭṭojjayinyau dve tathā kulagiriḥ paraḥ |
lālanaṃ baindavaṃ vyāptiriti saṃdohakatrayam || 87 ||
[Analyze grammar]

puṇḍravardhanavārendre tathaikāmramidaṃ bahiḥ |
navadhā kathitaṃ pīṭhamantarbāhyakrameṇa tat || 88 ||
[Analyze grammar]

kṣetrāṣṭakaṃ kṣetravido hṛdambhojadalāṣṭakam |
prayāgo varaṇā paścādaṭṭahāso jayantikā || 89 ||
[Analyze grammar]

vārāṇasī ca kāliṅgaṃ kulūtā lāhulā tathā |
upakṣetrāṣṭakaṃ prāhurhṛtpadmāgradalāṣṭakam || 90 ||
[Analyze grammar]

virajairuḍikā hālā elā pūḥ kṣīrikā purī |
māyākhyā marudeśaśca bāhyābhyantararūpataḥ || 91 ||
[Analyze grammar]

hṛtpadmadalasandhīnāmupasaṃdohakāṣṭatā |
jālandharaṃ ca naipālaṃ kaśmīrā gargikā haraḥ || 92 ||
[Analyze grammar]

mlecchadigdvāravṛttiśca kurukṣetraṃ ca kheṭakam |
dvipathaṃ dvayasaṃghaṭṭāttripathaṃ trayamelakāt || 93 ||
[Analyze grammar]

catuṣpathaṃ śaktimato layāttatraiva manvate |
nāsāntatālurandhrāntametaddehe vyavasthitam || 94 ||
[Analyze grammar]

bhrūmadhyakaṇṭhahṛtsaṃjñaṃ madhyamaṃ tadudāhṛtam |
nābhikandamahānandadhāma tatkaulikaṃ trayam || 95 ||
[Analyze grammar]

parvatāgraṃ nadītīramekaliṅgaṃ tadeva ca |
kiṃ vātibahunā sarvaṃ saṃvittau prāṇagaṃ tataḥ || 96 ||
[Analyze grammar]

tato dehasthitaṃ tasmāddehāyatanago bhavet |
bāhye tu tādṛśāntaḥsthayogamārgaviśāradāḥ || 97 ||
[Analyze grammar]

devyaḥ svabhāvājjāyante pīṭhaṃ tadvāhyamucyate |
yathā svabhāvato mlecchā adharmapathavartinaḥ || 98 ||
[Analyze grammar]

tatra deśe niyatyetthaṃ jñānayogau sthitau kvacit |
yathācātanmayo'pyeti pāpitāṃ taiḥ samāgamāt || 99 ||
[Analyze grammar]

tathā pīṭhasthito'pyeti jñānayogādipātratām |
mukhyatvena śarīre'ntaḥ prāṇe saṃvidi paśyataḥ || 100 ||
[Analyze grammar]

viśvametatkimanyaiḥ syādbahirbhramaṇaḍambaraiḥ |
ityevamantarbāhye ca tattaccakraphalārthinām || 101 ||
[Analyze grammar]

sthānabhedo vicitraśca sa śāstre saṃkhyayojjhitaḥ |
śrīvīrāvalihṛdaye sapta sthānāni śaktikamalayugam || 102 ||
[Analyze grammar]

surapathacatuṣpathākhyaśmaśānamekāntaśūnyavṛkṣau ca |
iti nirvacanaguṇasthityupacāradṛśā vibodha evoktaḥ || 103 ||
[Analyze grammar]

tadadhiṣṭhite ca cakre śārīre bahiratho bhavedyāgaḥ |
muktaye tanna yāgasya sthānabhedaḥ prakalpyate || 104 ||
[Analyze grammar]

deśopāyā na sā yasmātsā hi bhāvaprasādataḥ |
uktaṃ ca śrīniśācāre siddhisādhanakāṅkṣiṇām || 105 ||
[Analyze grammar]

sthānaṃ mumukṣuṇā tyājyaṃ sarpakañcukavattvidam |
muktirna sthānajanitā yadā śrotrapathaṃ gatam || 106 ||
[Analyze grammar]

gurostattvaṃ tadā muktistaddārḍhyāya tu pūjanam |
yatra yatra hṛdambhojaṃ vikāsaṃ pratipadyate || 107 ||
[Analyze grammar]

tatraiva dhāmni bāhye'ntaryāgaśrīḥ pratitiṣṭhati |
nānyatragatyā mokṣo'sti so'jñānagranthikartanāt || 108 ||
[Analyze grammar]

tacca saṃvidvikāsena śrīmadvīrāvalīpade |
guravastu vimuktau vā siddhau vā vimalā matiḥ || 109 ||
[Analyze grammar]

heturityubhayatrāpi yāgauko yanmanoramam |
niyatiprāṇatāyogātsāmagrītastu yadyapi || 110 ||
[Analyze grammar]

siddhayo bhāvavaimalyaṃ tathāpi nikhilottamam |
vimalībhūtahṛdayo yattatra pratibimbayet || 111 ||
[Analyze grammar]

sādhyaṃ tadasya dārḍhyena saphalatvāya kalpate |
uktaṃ śrīsāraśāstre ca nirvikalpo hi sidhyati || 112 ||
[Analyze grammar]

kliśyante savikalpāstu kalpokte'pi kṛte sati |
tadākramya balaṃ mantrā ayamevodayaḥ sphuṭaḥ || 113 ||
[Analyze grammar]

ityādibhiḥ spandavākyairetadeva nirūpitam |
tasmātsiddhyai vimuktyai vā pūjājapasamādhiṣu || 114 ||
[Analyze grammar]

tatsthānaṃ yatra viśrāntisundaraṃ hṛdayaṃ bhavet |
yāgaukaḥ prāpya śuddhātmā bahireva vyavasthitaḥ || 115 ||
[Analyze grammar]

nyāsaṃ sāmānyataḥ kuryādbahiryāgaprasiddhaye |
mātṛkāṃ mālinīṃ vātha dvitayaṃ vā kramākramāt || 116 ||
[Analyze grammar]

sṛṣṭyapyayadvayaiḥ kuryādekaikaṃ saṃghaśo dviśaḥ |
lalāṭavaktre dṛkkarṇanāsāgaṇḍaradauṣṭhage || 117 ||
[Analyze grammar]

dvaye dvaye śikhājihve visargāntāstu ṣoḍaśa |
dakṣānyayoḥ skandhabāhukarāṅgulinakhe kacau || 118 ||
[Analyze grammar]

vargau ṭatau kramātkaṭyāmūrvādiṣu niyojayet |
pavargaṃ pārśvayoḥ pṛṣṭhe jaṭhare hṛdyatho nava || 119 ||
[Analyze grammar]

tvagraktamāṃsasūtrāsthivasāśukrapurogamān |
ityeṣa mātṛkānyāso mālinyāstu nirūpyate || 120 ||
[Analyze grammar]

na śikhā ṛ ṝ ḷ ḷḷ ca śiromālā tha mastakam |
netrāṇi cordhve dho'nye ī ghrāṇaṃ mudre ṇu ṇū śrutī || 121 ||
[Analyze grammar]

bakavarga i ā vaktradantajihvāgiri kramāt |
vabhayāḥ kaṇṭhadakṣādiskandhayorbhujayorḍaḍhau || 122 ||
[Analyze grammar]

ṭho hastayorjhañau śākhā jraṭau śūlakapālake |
pa hṛcchalau stanau kṣīramā sa jīvo visargayuk || 123 ||
[Analyze grammar]

prāṇo havarṇaḥ kathitaḥ ṣakṣāvudaranābhigau |
maśāntā kaṭiguhyoruyugmagā jānunī tathā || 124 ||
[Analyze grammar]

eaikārau tatparau tu jaṅghe caraṇagau daphau |
ityeṣā mālinī devī śaktimatkṣobhitā yataḥ || 125 ||
[Analyze grammar]

kṛtyāveśāttataḥ śāktī tanuḥ sā paramārthataḥ |
anyonyaṃ bījayonīnāṃ kṣobhādvaisargikodayāt || 126 ||
[Analyze grammar]

kāṃ kāṃ siddhiṃ na vitaretkiṃ vā nyūnaṃ na pūrayet |
yonibījārṇasāṃkaryaṃ bahudhā yadyapi sthitam || 127 ||
[Analyze grammar]

tathāpi nādiphānto'yaṃ kramo mukhyaḥ prakīrtitaḥ |
phakārādisamuccārānnakārānte'dhvamaṇḍalam || 128 ||
[Analyze grammar]

saṃhṛtya saṃvidyā pūrṇā sā śabdairvarṇyate katham |
ataḥ śāstreṣu bahudhā kulaputtalikādibhiḥ || 129 ||
[Analyze grammar]

bhedairgītā hi mukhyeyaṃ nādiphānteti mālinī |
śabdarāśerbhairavasya yānucchūnatayāntarī || 130 ||
[Analyze grammar]

sā māteva bhaviṣyattvāttenāsau mātṛkoditā |
mālinī mālitā rudrairdhārikā siddhimokṣayoḥ || 131 ||
[Analyze grammar]

phaleṣu puṣpitā pūjyā saṃhāradhvaniṣaṭpadī |
saṃhāradānādānādiśaktiyuktā yato ralau || 132 ||
[Analyze grammar]

ekatvena smarantīti śaṃbhunātho nirūcivān |
śabdarāśirmālinī ca śivaśaktyātmakaṃ tvidam || 133 ||
[Analyze grammar]

ekaikatrāpi pūrṇatvācchivaśaktisvabhāvatā |
tena bhraṣṭe vidhau vīrye svarūpe vānayā param || 134 ||
[Analyze grammar]

mantrā nyastāḥ punarnyāsātpūryante tatphalapradāḥ |
uktaṃ śrīpūrvatantre ca viśeṣavidhihīnite || 135 ||
[Analyze grammar]

nyasyecchāktaśarīrārthaṃ bhinnayoni tu mālinīm |
viśeṣaṇamidaṃ hetau hetvarthaśca nirūpitaḥ || 136 ||
[Analyze grammar]

yatheṣṭaphalasiddhyai cetyatraivedamabhāṣata |
sāñjanā api ye mantrā gāruḍādyā na te param || 137 ||
[Analyze grammar]

mālinyā pūritāḥ sidhdyai balādeva tu muktaye |
tasmātphalepsurapyanya mantraṃ nyasyātra mālinīm || 138 ||
[Analyze grammar]

nyasyejjaptvāpica japedayatnādapavṛktaye |
ityevaṃ mātṛkāṃ nyasyenmālinīṃ vā kramāddvayam || 139 ||
[Analyze grammar]

siddhimuktyanusārādvā varṇānvā yugapaddvayoḥ |
akṣahrīṃ naphahrīmetau piṇḍau saṃghāvihānayoḥ || 140 ||
[Analyze grammar]

vācakau nyāsa etābhyāṃ kṛte nyāse'thavaikakaḥ |
eṣa cāṅgatanubrahmayukto vā tadviparyayaḥ || 141 ||
[Analyze grammar]

sāmudāyikavinyāse pṛthak piṇḍāvimau kramāt |
akramādathavā nyasyedekamevātha yojayet || 142 ||
[Analyze grammar]

kriyayā siddhikāmo yaḥ sa kriyāṃ bhūyasīṃ caret |
anīpsurapi yastasmai bhūyase svaphalāya sā || 143 ||
[Analyze grammar]

yastu dhyānajapābhyāsaiḥ siddhīpsuḥ sa kriyāṃ param |
saṃskṛtyai svecchayā kuryāt prāṅnayenātha bhūyasīm || 144 ||
[Analyze grammar]

mumukṣuratha tasmai vā yathābhīṣṭaṃ samācaret |
śivatāpattirevārtho hyeṣāṃ nyāsādikarmaṇām || 145 ||
[Analyze grammar]

evaṃ nyāsaṃ vidhāyārghapātre vidhimupācaret |
uktanītyaiva tatpaścāt pūjayennyastavācakaiḥ || 146 ||
[Analyze grammar]

yataḥ samastabhāvānāṃ śivātsiddhimayādatho |
pūrṇādavyatirekitvaṃ kārakāṇāmihārcayā || 147 ||
[Analyze grammar]

samastaṃ kārakavrātaṃ śivābhinnaṃ pradarśitam |
pūjodāharaṇe sarvaṃ vyaśnute gamanādyapi || 148 ||
[Analyze grammar]

yathāhi vāhakaṭakabhramasvātantryamāgataḥ |
aśvaḥ saṃgrāmarūḍho'pi tāṃ śikṣāṃ nātivartate || 149 ||
[Analyze grammar]

tathārcanakriyābhyāsaśivībhāvitakārakaḥ |
gacchaṃstiṣṭhannapi dvaitaṃ kārakāṇāṃ vyapojjhati || 150 ||
[Analyze grammar]

tathaikyābhyāsaniṣṭhasyākramādviśvamidaṃ haṭhāt |
saṃpūrṇaśivatākṣobhanarīnartadiva sphuret || 151 ||
[Analyze grammar]

uvāca pūjanastotre hyasmākaṃ paramo guruḥ |
aho svādurasaḥ ko'pi śivapūjāmayotsavaḥ || 152 ||
[Analyze grammar]

ṣaṭtriṃśato'pi tattvānāṃ kṣobho yatrollasatyalam |
tadetādṛkpūrṇaśivaviśvāveśāya ye'rcanam || 153 ||
[Analyze grammar]

kurvanti te śivā eva tānpūrṇānprati kiṃ phalam |
vināpi jñānayogābhyāṃ kriyā nyāsārcanādikā || 154 ||
[Analyze grammar]

itthamaikyasamāpattidānātparaphalapradā |
sādhakasyāpi tatsadvipradamantraikatāṃ gatam || 155 ||
[Analyze grammar]

viśvaṃ vrajadavighnatvaṃ svāṃ siddhiṃ śīghramāvahet |
uktaṃ ca parameśena na vidhirnārcanakramaḥ || 156 ||
[Analyze grammar]

kevalaṃ smaraṇātsiddhirvāñchiteti matādiṣu |
tadevaṃ tanmayībhāvadāyinyarcākriyā yataḥ || 157 ||
[Analyze grammar]

samastakārakaikātmyaṃ tenāsyāḥ paramaṃ vapuḥ |
yaṣṭrādhārasya tādātmyaṃ sthānaśuddhividhikramāt || 158 ||
[Analyze grammar]

yaṣṭṛyājyatadādhārakaraṇādānasaṃpradāḥ |
nyāsakrameṇa śivatātādātmyamadhiśerate || 159 ||
[Analyze grammar]

arghapātramapādānaṃ tasmādādīyate yataḥ |
yacca tatsthaṃ jalādyetatkaraṇaṃ śodhane'rcane || 160 ||
[Analyze grammar]

arghapātrāmbuvipruḍbhiḥ spṛṣṭaṃ sarvaṃ hi śudhyati |
śivārkakarasaṃsparśātkānyā śuddhirbhaviṣyati || 161 ||
[Analyze grammar]

ūce śrīpūrvaśāstre tadarghapātravidhau vibhuḥ |
na cāsaṃśodhitaṃ vastu kiṃcidapyupakalpayet || 162 ||
[Analyze grammar]

tena śuddhaṃ tu sarvaṃ yadaśuddhamapi tacchuci |
aśuddhatā ca vijñeyā paśutacchāsanāśayāt || 163 ||
[Analyze grammar]

svatādavasthyātpūrvasmādathavāpyupakalpitāt |
tena yadyadihāsannaṃ saṃvidaścidanugrahāt || 164 ||
[Analyze grammar]

kiyato'pi tadatyantaṃ yogyaṃ yāge'tra jīvavat |
anena nayayogena yadāsattividūrate || 165 ||
[Analyze grammar]

saṃvideti tadā tatra yogyāyogyatvamādiśet |
vīrāṇāmata eveha mithaḥ svapratimāmṛtam || 166 ||
[Analyze grammar]

tattadyāgavidhāviṣṭaṃ gurubhirbhāvitātmabhiḥ |
unmajjayati nirmagnāṃ saṃvidaṃ yattu suṣṭhu tat || 167 ||
[Analyze grammar]

arcāyai yogyamānando yasmādunmagnatā citaḥ |
tenācidrūpadehādiprādhānyavinimajjakam || 168 ||
[Analyze grammar]

ānandajananaṃ pūjāyogyaṃ hṛdayahāri yat |
ataḥ kulakramottīrṇatrikasāramatādiṣu || 169 ||
[Analyze grammar]

madyakādambarīśīdhudravyādermahimā param |
lokasthitiṃ racayituṃ madyādeḥ paśuśāsane || 170 ||
[Analyze grammar]

proktā hyaśuddhistatraiva tasya kvāpi viśuddhatā |
pañcagavye pavitratvaṃ somacarṇanapātrayoḥ || 171 ||
[Analyze grammar]

vidhiścāvabhṛthasnānaṃ haste kṛṣṇaviṣāṇitā |
na patnyā ca vinā yāgaḥ sarvadaivatatulyatā || 172 ||
[Analyze grammar]

surāhutirbrahmasatre vapāntrahṛdayāhutiḥ |
pāśaveṣvapi śāstreṣu tadadarśi maheśinā || 173 ||
[Analyze grammar]

ghorāndhyahaimananiśāmadhyagāciradīptivat |
bhakṣyo haṃso na bhakṣyo'sāviti ripratipattiṣu || 174 ||
[Analyze grammar]

smārtīṣu vijayatyeko yaḥ śivābhedaśuddhikaḥ |
ajñatvavedādarśitvarāgadveṣādayo hyamī || 175 ||
[Analyze grammar]

munīnāṃ vacasi svasminprāmāṇyonmūlanakṣamāḥ |
vede'pi yadabhakṣyaṃ tadbhakṣyamityupadiśyate || 176 ||
[Analyze grammar]

na vidhipratiṣedhākhyadharmayorekamāspadam |
atha tatra na tadbhakṣyaṃ tadā tena tathā tataḥ || 177 ||
[Analyze grammar]

evaṃ viṣayabhedānno śivokterbādhikā śrutiḥ |
kvacidviṣayatulyatvādbādhyabādhakatā yadi || 178 ||
[Analyze grammar]

tadbādhyā śrutireveti prāgevaitannirūpitam |
prakṛtaṃ brūmahe kṛtvā nyāsaṃ dehārghapātrayoḥ || 179 ||
[Analyze grammar]

sāmānyamarghapātrāmbhovipruḍbhiḥ prokṣya cākhilam |
yāgopakaraṇaṃ paścādbāhyayāgaṃ samācaret || 180 ||
[Analyze grammar]

prabhāmaṇḍalake khe vā suliptāyāṃ ca vā bhuvi |
triśūlārkavṛṣāndikasthā mātaraḥ kṣetrapaṃ yajet || 181 ||
[Analyze grammar]

yoginīśca pṛthaṅmantrairoṃnamonāmayojitaiḥ |
ekoccāreṇa vā bāhyaparivāretiśabditāḥ || 182 ||
[Analyze grammar]

tāro nāma caturthyantaṃ namaścetyarcane manuḥ |
evaṃ bahiḥ pūjayitvā dvāraṃ prokṣya prapūjayet || 183 ||
[Analyze grammar]

triśiraḥśāsanādau ca sa dṛṣṭo vidhirucyate |
gaṇeśalakṣmyau dvārordhve dakṣe vāme tayoḥ punaḥ || 184 ||
[Analyze grammar]

madhye vāgīśvarīṃ diṇḍimahodarayugaṃ tathā |
kramātsvadakṣavāmasthaṃ tathaitena krameṇa ca || 185 ||
[Analyze grammar]

ekaikaṃ pūjayetsamyaṅ nandikālau trimārgagām |
kālindīṃ chāgameṣāsyau svadakṣāddvāḥsthaśākhayoḥ || 186 ||
[Analyze grammar]

adhodehalyananteśādhāraśaktīśca pūjayet |
dvāramadhye sarasvatyā mahāstraṃ pūjayedamī || 187 ||
[Analyze grammar]

padmādhāragatāḥ sarve'pyuditā vighnanāśakāḥ |
pūjane pūrvavanmantro dīpakadvayakalpitaḥ || 188 ||
[Analyze grammar]

arghapuṣpasamālambhadhūpanaivedyavandanaiḥ |
pūjāṃ kuryādihārghaścāpyuttamadravyayojitaḥ || 189 ||
[Analyze grammar]

ekoccāreṇa vā kuryāddvāḥsthadaivatapūjanam |
rahasyapūjāṃ cetkuryāttadbāhyaparivārakam || 190 ||
[Analyze grammar]

dvāḥsthāṃśca pūjayedantardevāgre kalpanākramāt |
kṣiptvāstrajaptaṃ kusumaṃ jvaladveśmani vghnanut || 191 ||
[Analyze grammar]

praviśya śivaraśmīddhadṛśā veśmāvalokayet |
diśo'streṇa ca badhnīyācchādayedvarmaṇākhilāḥ || 192 ||
[Analyze grammar]

tatrottarāśābhimukho mumukṣustādṛśāya vā |
viśettathā hyaghorāgniḥ pāśānpluṣyati bandhakān || 193 ||
[Analyze grammar]

yadyapyasti na diṅnāma kācitpūrvāparādikā |
pratyayo hi na tasyāḥ syādekasyā anupāhiteḥ || 194 ||
[Analyze grammar]

upādhiḥ pūrvatādiṣṭa iti cettatkṛtaṃ diśā |
upādhimātraṃ tu tathā vaicitryāya kathaṃ bhavet || 195 ||
[Analyze grammar]

tasmātsaṃvitprakāśo'yaṃ mūrtyābhāsanabhāgataḥ |
pūrvādidigvibhāgākhyavaicitryollekhadurmadaḥ || 196 ||
[Analyze grammar]

tatra yadyatprakāśena sadā svīkaraṇe kṣamam |
tadevordhvaṃ prakāśātma sparśāyogyamadhaḥ punaḥ || 197 ||
[Analyze grammar]

kiṃcitprakāśatā madhyaṃ tato vai diksamudbhavaḥ |
kiṃcitprakāśayogyasya saṃmukhaṃ prasaratpuraḥ || 198 ||
[Analyze grammar]

parāṅmukhaṃ tu tatpaścāditi digdvayamāgatam |
prakāśaḥ saṃmukhaṃ vastu gṛhītvodriktaraśmikaḥ || 199 ||
[Analyze grammar]

yatra tiṣṭhoddakṣiṇaṃ tatprakāśasyānukūlyataḥ |
dakṣiṇasya puraḥsaṃsthaṃ vāmamityupadiśyate || 200 ||
[Analyze grammar]

tatprakāśitameyendusparśasaumyaṃ tadeva hi |
evamāśācatuṣke'sminmadhyaviśrāntiyogataḥ || 201 ||
[Analyze grammar]

catuṣkamanyattenāṣṭau diśastattadadhiṣṭhitāḥ |
evaṃ prakāśamātre'sminvarade parame śive || 202 ||
[Analyze grammar]

digvibhāgaḥ sthito loke śāstre'pica tathocyate |
kramātsadāśivādhīśaḥ pañcamantratanuryataḥ || 203 ||
[Analyze grammar]

īśanraghoravāmākhyasadyo'dhobhedato diśaḥ |
īśa ūrdhvaṃ prakāśatvātpūrvaṃ vaktraṃ prasāri yat || 204 ||
[Analyze grammar]

puruṣo dakṣiṇācaṇḍo vāmā vāmastu saumyakaḥ |
parāṅmukhatayā sadyaḥ paścimā paribhāṣyate || 205 ||
[Analyze grammar]

pātālavaktramadharamaprakāśatayā sthiteḥ |
khamarudvahnijalabhūkhāni vaktrāṇyamuṣya hi || 206 ||
[Analyze grammar]

mukhyatvena khamevordhvaṃ prakāśamayamucyate |
tadeva mukhyato'dhastādaprakāśaṃ yataḥ sphuṭam || 207 ||
[Analyze grammar]

madhye tu yatprakāśaṃ tanna prakāśyaṃ na cetarat |
prakāśatvāddiśyamānamato'smindikcatuṣṭayam || 208 ||
[Analyze grammar]

pañcamantratanurnātha itthaṃ viśvadigīśvaraḥ |
tato'pīśastathā rudro viṣṇurbrahmā tathā sthitaḥ || 209 ||
[Analyze grammar]

ūrdhvābhivyaktyayogyatvādviṣṇordhātuśca pañcamam |
na vaktraṃ tau bhedamayau sṛṣṭisthitiprabhū yataḥ || 210 ||
[Analyze grammar]

digvibhāgastu tajjo'sti vadanānāṃ catuṣṭayāt |
pañcamasya yujitve tau parityaktanijātmakau || 211 ||
[Analyze grammar]

tato brahmāṇḍamadhye'pi jñānaśaktirvibho raviḥ |
diśāṃ vibhāgaṃ kurute prakāśaghanavṛttimān || 212 ||
[Analyze grammar]

tathāhi viṣuvadyoge yataḥ pūrvaṃ pradṛśyate |
tatpūrva yatra tacchāyā tatpaścimamudāhṛtam || 213 ||
[Analyze grammar]

tasmiñjigamiṣorasya yatsavyaṃ tattu dakṣiṇam |
tatraiṣa caṇḍatejobhirbhāti jājvalyamānavat || 214 ||
[Analyze grammar]

tatpurovarti vāmaṃ tu tadbhāsā khacitaṃ manāk |
tata eva hi somyaṃ tannacāpi hyaprakāśakam || 215 ||
[Analyze grammar]

yatrāsāvastamabhyeti tatpaścimamiti sthitiḥ |
tatraiva paścime yeṣāṃ prākprakāśāvalokanam || 216 ||
[Analyze grammar]

tadeva pūrvameteṣāṃ yathādhvani nirūpitam |
sā sā dikca tathā tasya phaladāpi viparyaye || 217 ||
[Analyze grammar]

vicitre phalasaṃpattiḥ prakāśādhīnikā yataḥ |
itthaṃ sūryāśrayā diksyātsā vicitrāpi tādṛśī || 218 ||
[Analyze grammar]

adhiṣṭhitā maheśena citratadrūpadhāriṇā |
kiṃ vātibahunā yo'sau yaṣṭā tatsaṃmukhāditaḥ || 219 ||
[Analyze grammar]

diśo'pi pravibhajyante prāksavyottarapaścimāḥ |
svānusārakṛtaṃ taṃ ca digvibhāgaṃ sadā śivaḥ || 220 ||
[Analyze grammar]

adhitiṣṭhatyarkamiva sa vicitravapuryataḥ |
svotthā api diśaḥ sveśāḥ śakrādyā hyadhiśerate || 221 ||
[Analyze grammar]

te hi prakāśaśaktyaṃśāḥ prakāśānuvidhāyinaḥ |
prakāśasya yadaiśvaryaṃ sa indro yattu tanmahaḥ || 222 ||
[Analyze grammar]

so'gniryantṛtvabhīmatve yamo rakṣastadūnimā |
prakāśyaṃ varuṇastacca cāñcalyādvāyurucyate || 223 ||
[Analyze grammar]

bhāvasañcayayogena vitteśastatkṣaye vibhuḥ |
adṛṣṭavigraho'nanto brahmordhve vṛṃhako vibhuḥ || 224 ||
[Analyze grammar]

prakāśasyaiva śaktyaṃśā lokapāstena kīrtitāḥ |
itthaṃ svādhīnarūpāpi diksaurī tūpadiśyate || 225 ||
[Analyze grammar]

tatra sarvo hi niṣkampaṃ prakāśatvaṃ prapadyate |
sarvago'pyanilo yadvadvyajanenopavījitaḥ || 226 ||
[Analyze grammar]

prabuddhaḥ svāṃ kriyāṃ kuryāddharmanirṇodanādikām |
tadvatsarvagatāḥ sarvā aindyādyāḥ śaktayaḥ sphuṭam || 227 ||
[Analyze grammar]

sādhakāśvāsasaṃbuddhāstattatsveṣṭaphalapradāḥ |
evaṃ saurī digīśānabrahmaviṣṇvīśasauśivaiḥ || 228 ||
[Analyze grammar]

adhiṣṭhitā samāśvāsadārḍhyāttattatphalapradā |
sādhako yacca vā kṣetraṃ maṇḍalaṃ veśma vā bhajet || 229 ||
[Analyze grammar]

sthitastadanusāreṇa madhyībhavati śaṃkaraḥ |
sa hi sarvamadhiṣṭhātā mādhyasthyeneti tasya yaḥ || 230 ||
[Analyze grammar]

sauraḥ prakāśastatpūrvamitthaṃ syāddigvyavasthitiḥ |
tanmadhyasthitanāthasya grahītuṃ dakṣiṇaṃ mahaḥ || 231 ||
[Analyze grammar]

udaṅmukhaḥ syāt pāścātyaṃ grahītuṃ pūrvatomukhaḥ |
upaviśya nijasthāne dehaśuddhiṃ samācaret || 232 ||
[Analyze grammar]

aṅguṣṭhāgrātkālavahnijvālābhāsvaramutthitam |
astraṃ dhyātvā tacchikhābhirbahirantardahettanum || 233 ||
[Analyze grammar]

dāhaśca dhvaṃsa evokto dhvaṃsakaṃ mantrasaṃjñitam |
tejastathābhilāpākhyasvavikalparasombhitam || 234 ||
[Analyze grammar]

tena mantrāgninā dāho dehe puryaṣṭake tathā |
dehapuryaṣṭakāhantāvidhvaṃsādeva jāyate || 235 ||
[Analyze grammar]

nahi sadbhāvamātreṇa deho'sāvanyadehavat |
ahantāyāṃ hi dehatvaṃ sā dhvastā taddaheddhruvam || 236 ||
[Analyze grammar]

taddehasaṃskārabharo bhasmatvenātha yaḥ sthitaḥ |
taṃ varmavāyunādhūya tiṣṭhecchuddhacidātmani || 237 ||
[Analyze grammar]

tasmindhruve nistaraṅge samāpattimupāgataḥ |
saṃvidaḥ sṛṣṭidharmitvādādyāmeti taraṅgitām || 238 ||
[Analyze grammar]

saiva mūrtiriti khyātā tārasadbinduhātmikā |
tato navātmadevena nyāsastattvodayātmakaḥ || 239 ||
[Analyze grammar]

aṅgavaktrāṇi tasyaiva svasthāneṣu niyojayet |
atha mātṛkayā prāgvattattattvasphuṭatātmakaḥ || 240 ||
[Analyze grammar]

tritattvanyāsatā cāsya pṛṣṭhe kakṣyātrayāgate |
tato'ghorāṣṭakanyāsaḥ śirastaccaraṇātmakam || 241 ||
[Analyze grammar]

tato'pi śivasadbhāvanyāsaḥ svāṃgasya saṃyutaḥ |
ittha kṛte pañcake'sminyattanmukhyatayā bhavet || 242 ||
[Analyze grammar]

upāsyamarcyaṃ tatsāṅgaṃ ṣaṣṭhe nyāse niyojayet |
tenātra nyāsayogyo'sau bhagavānratiśekharaḥ || 243 ||
[Analyze grammar]

ūrdhve nyāsyo navākhyasya mukhyatve'nyonyadhāmatā |
evaṃ bhairavasadbhāvanāthe mukhyatayā yadi || 244 ||
[Analyze grammar]

upāsyatā tattatsthāna prāṅnyāsyo ratiśekharaḥ |
itthaṃ śrīpūrvaśāstre me saṃpradāyaṃ nyarūpayat || 245 ||
[Analyze grammar]

śaṃbhunātho nyāsavidhau devo hi kathamanyathā |
nyāsa vivarjyate'muṣminnaṅgānyapyasya santi hi || 246 ||
[Analyze grammar]

mūrtiḥ sṛṣṭistritattvaṃ cetyaṣṭau mūrtyaṅgasaṃyutāḥ |
śivaḥ sāṅgaśca vijñeyo nyāsaḥ ṣoḍhā prakīrtitaḥ || 247 ||
[Analyze grammar]

asyopari tataḥ śāktaṃ nyāsaṃ kuryācca ṣaḍvidham |
parāparāṃ savaktrāṃ prāktataḥ prāgiti mālinīm || 248 ||
[Analyze grammar]

paścātparāditritayaṃ śikhāhṛtpādagaṃ kramāt |
tataḥ kavaktrakaṇṭheṣu hṛnnābhīguhya ūrutaḥ || 249 ||
[Analyze grammar]

jānupāde'pyaghoryādyaṃ tato vidyāṅgapañcakam |
tatastvāvāhayecchaktiṃ mātṛsadbhāvarūpiṇīm || 250 ||
[Analyze grammar]

yogeśvarīṃ parāṃ pūrṇāṃ kālasaṃkarṣiṇīṃ dhruvām |
aṅgavaktraparīvāraśaktidvādaśakādhikām || 251 ||
[Analyze grammar]

sādhyānuṣṭhānabhedena nyāsakāle smaredguruḥ |
paraiva devītritayamadhye yābhedinī sthitā || 252 ||
[Analyze grammar]

sānavacchedacinmātrasadbhāveyaṃ prakīrtitā |
sāraśāstre yāmale ca devyāstena prakīrtitaḥ || 253 ||
[Analyze grammar]

mūrtiḥ savaktrā śaktiśca śaktitrayamathāṣṭakam |
pañcāṅgāni parā śaktirnyāsaḥ śākto'pi ṣaḍvidhaḥ || 254 ||
[Analyze grammar]

yāmalo'yaṃ mahānyāsaḥ siddhimuktiphalapradaḥ |
muktyekārthī punaḥ pūrvaṃ śāktaṃ nyāsaṃ samācaret || 255 ||
[Analyze grammar]

guravastvāhuritthaṃ yannyāsadvayamudāhṛtam |
mumukṣuṇā tu pādādi tatkāryaṃ saṃhṛtikramāt || 256 ||
[Analyze grammar]

yāvantaḥ kīrtitā bhedāḥ śaṃbhuśaktyaṇuvācakāḥ |
tāvatsvapyeṣu mantreṣu nyāsaḥ ṣoḍhaiva kīrtitaḥ || 257 ||
[Analyze grammar]

kiṃtvāvāhyastu yo mantraḥ sa tatrāṅgasamanvitaḥ |
ṣaṣṭhaḥ syāditi sarvatra ṣoḍhaivāyamudāhṛtaḥ || 258 ||
[Analyze grammar]

mudrāpradarśanaṃ paścātkāyena manasā girā |
pañcāvasthā jāgradādyāḥ ṣaṣṭhyanuttaranāmikā || 259 ||
[Analyze grammar]

ṣaṭkāraṇaṣaḍātmatvātṣaṭtriṃśattattvayojanam |
evaṃ ṣoḍhāmahānyāse kṛte viśvamidaṃ haṭhāt || 260 ||
[Analyze grammar]

dehe tādātmyamāpannaṃ śuddhāṃ sṛṣṭiṃ prakāśayet |
mūrtinyāsātsamārabhya yā sṛṣṭiḥ prasṛtātra sā || 261 ||
[Analyze grammar]

abhedamānīya kṛtā śuddhā nyāsabalakramāt |
tena ye'codayanmūḍhāḥ pāśadāhavidhūnane || 262 ||
[Analyze grammar]

kṛte śānte śive rūḍhaḥ punaḥ kimavarohati |
iti te dūrato dhvastāḥ paramārthaṃ hi śāṃbhavam || 263 ||
[Analyze grammar]

na vidusta svasaṃvittisphurattāsāravarjitāḥ |
na khalveṣa śivaḥ śānto nāma kaścidvibhedavān || 264 ||
[Analyze grammar]

sarvetarādhvavyāvṛtto ghaṭatulyo'sti kutracit |
mahāprakāśarūpā hi yeyaṃ saṃvidvijṛmbhate || 265 ||
[Analyze grammar]

sa śivaḥ śivataivāsya vaiśvarūpyāvabhāsitā |
tathābhāsanayogo'taḥ svarasenāsya jṛmbhate || 266 ||
[Analyze grammar]

bhāsyamāno'tra cābhedaḥ svātmano bheda eva ca |
bhede vijṛmbhite māyā māyāmāturvijṛmbhate || 267 ||
[Analyze grammar]

abhede jṛmbhate'syaiva māyāmātuḥ śivātmatā |
māyāpramātā tadrūpavikalpābhyāsapāṭavāt || 268 ||
[Analyze grammar]

śiva eva tadabhyāsaphalaṃ nyāsādi kīrtitam |
yathāhi duṣṭakarmāsmītyevaṃ bhāvayatastathā || 269 ||
[Analyze grammar]

tathā śivo'haṃ nānyo'smītyevaṃ bhāvayatastathā |
etadevocyate dārḍhyaṃ vimarśahṛdayaṅgamam || 270 ||
[Analyze grammar]

śivaikātmyavikalpaughadvārikā nirvikalpatā |
anyathā tasya śuddhasya vimarśaprāṇavartinaḥ || 271 ||
[Analyze grammar]

kathaṃ nāmāvimṛṣṭaṃ syādrūpaṃ bhāsanadharmaṇaḥ |
tenātidurghaṭaghaṭāsvatantrecchāvaśādayam || 272 ||
[Analyze grammar]

bhānapi prāṇabuddhyādiḥ svaṃ tathā na vikalpayet |
pratyutātisvatantrātmaviparītasvadharmatām || 273 ||
[Analyze grammar]

vināśyanīśāyattatvarūpāṃ niścitya majjati |
tataḥ saṃsārabhāgīyatathāniścayaśātinīm || 274 ||
[Analyze grammar]

nityādiniścayadvārāmavikalpāṃ sthitiṃ śrayet |
ye tu tīvratamodriktaśaktinirmalatājuṣaḥ || 275 ||
[Analyze grammar]

na te dīkṣāmanunyāsakāriṇaśceti varṇitam |
evaṃ viśvaśarīraḥ sanviśvātmatvaṃ gataḥ sphuṭam || 276 ||
[Analyze grammar]

nyāsamātrāt tathābhūtaṃ dehaṃ puṣpādinārcayet |
pṛthaṅmantrairvistareṇa saṃkṣepānmūlamantrataḥ || 277 ||
[Analyze grammar]

dhūpanaivedyatṛptyādyaistathā vyāsasamāsataḥ |
saṃsāravāmācāratvātsarvaṃ vāmakareṇa tu || 278 ||
[Analyze grammar]

kuryāttarpaṇayogaṃ ca daiśikastadanāmayā |
vāmaśabdena guhyaṃ śrīmataṅgādāvapīritam || 279 ||
[Analyze grammar]

vāmācāraparo mantrī yāgaṃ kuryāditi sphuṭam |
śrīmadbhargaśikhāśāstre tathā śrīgamaśāsane || 280 ||
[Analyze grammar]

sarvatīrtheṣu yatpuṇyaṃ sarvayajñeṣu yatphalam |
tatphalaṃ koṭiguṇitamanāmātarpaṇātpriye || 281 ||
[Analyze grammar]

śrīmannandiśikhāyāṃ ca śrīmadānandaśāsane |
taduktaṃ srukca pūrṇāyāṃ sruvaśvājyāhutau bhavet || 282 ||
[Analyze grammar]

śeṣaṃ vāmakareṇaiva pūjāhomajapādikam |
evamānandasaṃpūrṇaṃ sarvaunmukhyavivarjitam || 283 ||
[Analyze grammar]

yāgena dehaṃ miṣpādya bhāvayeta śivātmakam |
galite viṣayaunmukhye pārimitye vilāpite || 284 ||
[Analyze grammar]

dehe kimavaśiṣyeta śivānandarasādṛte |
śivānandarasāpūrṇaṃ ṣaṭtriṃśattattvanirbharam || 285 ||
[Analyze grammar]

dehaṃ divāniśaṃ paśyannarcayansyācchivātmakaḥ |
viśvātmadehaviśrāntitṛptastalliṅganiṣṭhitaḥ || 286 ||
[Analyze grammar]

bāhyaṃ liṅgavratakṣetracaryādi nahi vāñchati |
tāvanmātrāttvaviśrānteḥ saṃvidaḥ kathitāḥ kriyāḥ || 287 ||
[Analyze grammar]

uttarā bāhyayāgāntāḥ sādhyā tvatra śivātmatā |
tato'rghapātraṃ kartavyaṃ śivābhedamayaṃ param || 288 ||
[Analyze grammar]

ānandarasasaṃpūrṇaṃ viśvadaivatatarpaṇam |
yathaiva dehe dāhādipūjāntaṃ tadvadeva hi || 289 ||
[Analyze grammar]

arghapātre'pi kartavyaṃ samāsavyāsayogataḥ |
kāni dravyāṇi yāgāya ko nvargha iti noditam || 290 ||
[Analyze grammar]

siddhikāmasya tatsiddhau sādhanaiva hi kāraṇam |
muktikāmasya no kiṃcinniṣiddhaṃ vihitaṃ ca no || 291 ||
[Analyze grammar]

yadeva hṛdyaṃ tadyogyaṃ śivasaṃvidabhedane |
kṛtvārghapātraṃ tadvipruṭprokṣitaṃ kusumādikam || 292 ||
[Analyze grammar]

kṛtvā ca tena svātmānaṃ pūjayetparamaṃ śivam |
arghapātrārcanādattapuṣpasaṃkīrṇatābhayāt || 293 ||
[Analyze grammar]

nārghapātre'tra kusumaṃ kuryāddevārcanākṛte |
arghapātre tadamṛtībhūtamambveva pūjitam || 294 ||
[Analyze grammar]

mantrāṇāṃ tṛptaye yāgadravyaśuddhyai ca kevalam |
evaṃ dehaṃ pūjayitvā prāṇadhīśūnyavigrahān || 295 ||
[Analyze grammar]

anyonyatanmayībhūtān pūjayecchivatādṛśe |
tatra prāṇāśraye nayāse buddhyā viracite sati || 296 ||
[Analyze grammar]

śūnyādhiṣṭhānataḥ sarvamekayatnena pūjyate |
nyasyedādhāraśaktiṃ tu nābhyadhaścaturaṅgulām || 297 ||
[Analyze grammar]

dharāṃ surodaṃ tejaśca meyapārapratiṣṭhiteḥ |
potarūpaṃ marutkandasvabhāvaṃ viśvasūtraṇāt || 298 ||
[Analyze grammar]

pratyekamaṅgulaṃ nyasyeccatuṣkaṃ vyomagarbhakam |
īṣatsamantādamalamidamāmalasārakam || 299 ||
[Analyze grammar]

tato daṇḍamanantākhyaṃ kalpayellambikāvadhi |
tanmātrādikalāntaṃ tadūrdhve granthirniśātmakaḥ || 300 ||
[Analyze grammar]

tatra māyāmaye granthau dharmādharmādyamaṣṭakam |
vahniprāgādi māyā hi tatsūtirvibhavastu dhīḥ || 301 ||
[Analyze grammar]

māyāgrantherūrdhvabhūmau triśūlādhaścatuṣkikām |
śuddhavidyātmikāṃ dhyāyecchadanadvayasaṃyutām || 302 ||
[Analyze grammar]

tacca tattvaṃ sthitaṃ bhāvyaṃ lambikābrahmarandhrayoḥ |
prakāśayogo hyatraivaṃ dṛkśrotrarasanādikaḥ || 303 ||
[Analyze grammar]

dakṣānyāvartato nyasyecchaktīnāṃ navakadvayam |
vidyāpadme'tra taccoktamapi prāgdarśyate punaḥ || 304 ||
[Analyze grammar]

vāmā jyeṣṭhā raudrī kālī kalabalavikarike balamathanī |
bhūtadamanī ca manonmanikā śāntā śakracāparuciratra syāt || 305 ||
[Analyze grammar]

vibhvī jñaptikṛtīcchā vāgīśī jvālinī tathā vāmā |
jyeṣṭhā raudrītyetāḥ prāgdalataḥ kāladahanavatsarvāḥ || 306 ||
[Analyze grammar]

dalakesaramadhyeṣu sūryendudahanatrayam |
nijādhipairbrahmaviṣṇuharaiścādhiṣṭhitaṃ smaret || 307 ||
[Analyze grammar]

māyottīrṇaṃ hi yadrūpaṃ brahmādīnāṃ puroditam |
āsanaṃ tvetadeva syānnatu māyāñjanāñjitam || 308 ||
[Analyze grammar]

rudrordhve ceśvaraṃ devaṃ tadūrdhve ca sadāśivam |
nyasyetsa ca mahāpreta iti śāstreṣu bhaṇyate || 309 ||
[Analyze grammar]

samastatattvavyāptṛtvānmahāpretaḥ prabodhataḥ |
prakarṣagamanāccaiṣa līno yannādharaṃ vrajet || 310 ||
[Analyze grammar]

vidyāvidyeśinaḥ sarve hyuttarottaratāṃ gatāḥ |
sadāśivībhūya tataḥ paraṃ śivamupāśritāḥ || 311 ||
[Analyze grammar]

ataḥ sadāśivo nityamūrdhvadṛgbhāsvarātmakaḥ |
kṛśo meyatvadaurbalyātpreto'ṭṭahasanāditaḥ || 312 ||
[Analyze grammar]

tasya nābhyutthitaṃ mūrdharandhratrayavinirgatam |
nādāntātma smarecchaktivyāpinīsamanojjvalam || 313 ||
[Analyze grammar]

arātrayaṃ dviṣaṭkāntaṃ tatrāpyaunmanasaṃ trayam |
paṅkajānāṃ sitaṃ saptatriṃśadātmedamāsanam || 314 ||
[Analyze grammar]

atra sarvāṇi tattvāni bhedaprāṇāni yattataḥ |
āsanatvena bhinnaṃ hi saṃvido viṣayaḥ smṛtaḥ || 315 ||
[Analyze grammar]

etānyeva tu tattvāni līnāni parabhairave |
tādātmyenātha sṛṣṭāni bhidevārcyatvayojane || 316 ||
[Analyze grammar]

śrīmadbhairavabodhaikyalābhasvātantryavanti tu |
etānyeva tu tattvāni pūjakatvaṃ prayāntyalam || 317 ||
[Analyze grammar]

pūjakaḥ paratattvātmā pūjyaṃ tattvaṃ parāparam |
sṛṣṭatvādaparaṃ tattvajālamāsanatāspadam || 318 ||
[Analyze grammar]

vidyākalāntaṃ siddhānte vāmadakṣiṇaśāstrayoḥ |
sadāśivāntaṃ samanāparyantaṃ matayāmale || 319 ||
[Analyze grammar]

unmanāntamihākhyātamityetatparamāsanam |
arcayitvāsanaṃ pūjyā gurupaṅktistu bhāvivat || 320 ||
[Analyze grammar]

tatrāsane purā mūrtibhūtāṃ sārdhākṣarāṃ dvayīm |
nyasyedvyāptṛtayetyuktaṃ siddhayogīśvarīmate || 321 ||
[Analyze grammar]

sadāśivaṃ mahāpretaṃ mūrtiṃ sārdhākṣarāṃ yajet |
paratvena parāmūrdhve gandhapuṣpādibhistviti || 322 ||
[Analyze grammar]

vidyāmūrtimathātmākhyāṃ dvitīyāṃ parikalpayet |
madhye bhairavasadbhāvaṃ dakṣiṇe ratiśekharam || 323 ||
[Analyze grammar]

navātmānaṃ vāmatastaddevīvadbhairavatrayam |
madhye parāṃ pūrṇacandrapratimāṃ dakṣiṇe punaḥ || 324 ||
[Analyze grammar]

parāparāṃ raktavarṇāṃ kiṃcidagrāṃ na bhīṣaṇām |
aparāṃ vāmaśṛṅge tu bhīṣaṇāṃ kṛṣṇapiṅgalām || 325 ||
[Analyze grammar]

prāgvaddvidhātra ṣoḍhaiva nyāso dehe yathā kṛtaḥ |
tataḥ sāṃkalpikaṃ yuktaṃ vapurāsāṃ vicintayet || 326 ||
[Analyze grammar]

kṛtyabhedānusāreṇa dvicatuḥṣaḍbhujādikam |
kapālaśūlakhaṭvāṅgavarābhayaghaṭādikam || 327 ||
[Analyze grammar]

vāmadakṣiṇasaṃsthānacitratvātparikalpayet |
vastuto viśvarūpāstā devyo bodhātmikā yataḥ || 328 ||
[Analyze grammar]

anavacchinnacinmātrasārāḥ syurapavṛktaye |
sarvaṃ tato'ṅgavaktrādi lokapālāstrapaścimam || 329 ||
[Analyze grammar]

madhye devyabhidhā pūjyā trayaṃ bhavati pūjitam |
tato madhyagatāttasmādbodharāśeḥ sadaivatāt || 330 ||
[Analyze grammar]

aṅgādi niḥsṛtaṃ pūjyaṃ visphuliṅgātmakaṃ pṛthak |
madhyagā kila yā devī saiva sadbhāvarūpiṇī || 331 ||
[Analyze grammar]

kālasaṃkarṣiṇī ghorā śāntā miśrā ca sarvataḥ |
siddhātantre ca saikārṇā parā devīti kīrtitā || 332 ||
[Analyze grammar]

parā tu mātṛkā devī mālinī madhyagoditā |
madhye nyasyetsūryaruciṃ sarvākṣaramayīṃ parām || 333 ||
[Analyze grammar]

tasyāḥ śikhāgre tvaikārṇāṃ tasyāścāṅgādikaṃ tviti |
tato viśvaṃ viniṣkrāntaṃ pūjitaṃ dakṣiṇottare || 334 ||
[Analyze grammar]

syādeva pūjitaṃ tena sakṛnmadhye prapūjayet |
śrīdevyāyāmale coktaṃ yāge ḍāmarasaṃjñite || 335 ||
[Analyze grammar]

nāsāgre trividhaṃ kālaṃ kālasaṃkarṣiṇī sadā |
mukhasthā śvāsaniḥśvāsakalanī hṛdi karṣati || 336 ||
[Analyze grammar]

pūrakaiḥ kumbhakairdhatte grasate recakena tu |
kālaṃ saṃgrasate sarvaṃ recakenotthitā kṣaṇāt || 337 ||
[Analyze grammar]

icchāśaktiḥ parā nāmnā śaktitritayabodhinī |
yājyā karṣati yatsarvaṃ kālādhāraprabhañjanam || 338 ||
[Analyze grammar]

iha kila dṛkkarmecchāḥ śiva uktāstāstu vedyakhaṇḍanake |
sthūle sūkṣme kramaśaḥ sakalapralayākalau bhavataḥ || 339 ||
[Analyze grammar]

śuddhā eva tu suptā jñānākalatāṃ gatāḥ prabuddhāstu |
pravibhinnakatipayātmakavedyavido mantra ucyante || 340 ||
[Analyze grammar]

bhinne tvakhile vedye mantreśāstanmaheśāstu |
bhinnābhinne tadiyān suśivānto'dhvoditaḥ prete || 341 ||
[Analyze grammar]

tā eva galati bhedaprasare kramaśo vikāsamāyāntyaḥ |
anyonyāsaṃkīrṇāstvarātrayaṃ galitabhedikāstu tataḥ || 342 ||
[Analyze grammar]

padmatrayyaunmanasī tadidaṃ syādāsanatvena |
tā evānyonyātmakabhedāvacchedanājihāsutayā || 343 ||
[Analyze grammar]

kila śaktitadvadādiprabhidā pūjyatvamāyātāḥ |
bhedagalanādyakoṭerārabhya yato nijaṃ nijaṃ rūpam || 344 ||
[Analyze grammar]

bibhrati tāstu tritvaṃ tāsāṃ sphuṭameva lakṣyeta |
saṃbhāvyavedyakāluṣyayogato'nyonyalabdhasaṃkarataḥ || 345 ||
[Analyze grammar]

prāk prasphuṭaṃ tribhāvaṃ nāgacchannatra tu tathā na |
anyonyātmakabhedāvacchedanakalanasaṃgrasiṣṇutayā |
svātantryamātrasārā saṃvitsā kālakarṣiṇī kathitā || 346 ||
[Analyze grammar]

saiva ca bhūyaḥ svasmātsaṃkarṣati kālamiha bahiṣkurute |
saṃkarṣiṇīti kathitā mātṛṣveteṣu sadbhāvaḥ || 347 ||
[Analyze grammar]

tattvaṃ sattā prāptirmātṛṣu meyo'nayā saṃśca |
viśvajananīṣu śaktiṣu paramārtho hi svatantratāmātram || 348 ||
[Analyze grammar]

eṣaṇavidikriyātmakametatpūjyaṃ yato'navacchinnam |
yasminsarvāvacchedadiśo'pi syuḥ samākṣiptāḥ || 349 ||
[Analyze grammar]

avikalpamiha na yāti hi pūjyatvaṃ naca vikalpa ekatra |
bahavo dharmāstasmād yo dharmastāvato dharmān || 350 ||
[Analyze grammar]

ākṣipati tatra rūḍhaḥ sarvotkṛṣṭo'dharasthitāstvanye |
iti bhairavaparapūjātattvaṃ śrīḍāmare mahāyāge || 351 ||
[Analyze grammar]

svayameva suprasannaḥ śrīmān śaṃbhurmamādikṣat |
bāhyayāge tu padmānāṃ tritaye'pi prapūjayet || 352 ||
[Analyze grammar]

astrāntaṃ parivāraughamiti no daiśikāgamaḥ |
agnīśarakṣovāyvantadikṣu vidyāṅgapañcakam || 353 ||
[Analyze grammar]

śaktyaṅgāni śivāṅgāni tathaivātra punardvaye |
astraṃ nyasyeccaturdikkaṃ madhye locanasaṃjñakam || 354 ||
[Analyze grammar]

patrāṣṭake'ṣṭakayugamaghorādeḥ svayāmalam |
tathā dvādaśakaṃ ṣaṭkaṃ catuṣkaṃ miśritaṃ dviśaḥ || 355 ||
[Analyze grammar]

sarvaśo dviguṇādītthamāvṛtitvena pūjayet |
lokapālāṃstataḥ sāstrānsvadikṣu daśasu kramāt || 356 ||
[Analyze grammar]

itthaṃ triśūlaparyantadevītādātmyavṛttitaḥ |
tiṣṭhannatrārpayanviśvaṃ tarpayeddevatāgaṇam || 357 ||
[Analyze grammar]

tato japaṃ prakurvīta pratimantraṃ dvipañcadhā |
ekaikasya tryātmakatvādabhedāccāpi sarvaśaḥ || 358 ||
[Analyze grammar]

nābhihṛtkaṇṭhatālūrdhvakuṇḍe jvalanavatsmaran |
mantracakraṃ tatra viśvaṃ jvahvansaṃpādayeddhutim || 359 ||
[Analyze grammar]

dīkṣākarmaṇi kartavye dīkṣāṃ yenādhvanā guruḥ |
cikīrṣurdeha evādau bhūyastaṃ mukhyato'rpayet || 360 ||
[Analyze grammar]

dvādaśāntamidaṃ prāgraṃ triśūlaṃ mūlataḥ smaran |
devīcakrāgragaṃ tyaktakramaḥ khecaratāṃ vrajet || 361 ||
[Analyze grammar]

mūlādhārāddviṣaṭkāntavyomāgrāpūraṇātmikā |
khecarīyaṃ khasaṃcārasthitibhyāṃ khāmṛtāśanāt || 362 ||
[Analyze grammar]

amuṣmācchāmbhavācchūlāddhrāsayeccaturaṅgulam |
śākte tato'pyāṇave tattriśūlatritayaṃ sthitam || 363 ||
[Analyze grammar]

tattriśūlatrayordhvordhvadevīcakrārpitātmakaḥ |
kiṃ kiṃ na jāyate kiṃ vā na vetti na karoti vā || 364 ||
[Analyze grammar]

ekaikāmathavā devīṃ mantraṃ vā padmagaṃ yajet |
yāmalaikyāṅgavaktrādisadasattāvikalpataḥ || 365 ||
[Analyze grammar]

itthaṃ prāṇādvyomapadaparyantaṃ cetanaṃ nijam |
śivībhāvyārcanāyogāttato bāhyaṃ vidhiṃ caret || 366 ||
[Analyze grammar]

bahiryāgasya mukhyatve siddhyādiparikalpite |
antaryāgaḥ saṃskriyāyai hyanyathārcayitā paśuḥ || 367 ||
[Analyze grammar]

yastu siddhyādivimukhaḥ sa bahiryajati prabhum |
antarmahāyāgarūḍhyai tayaivāsau kṛtārthakaḥ || 368 ||
[Analyze grammar]

kṛtvāntaryāgamādāya dhānyādyastreṇa mantritam |
dikṣu kṣipedvighnanude saṃhṛtyaiśīṃ diśaṃ nayet || 369 ||
[Analyze grammar]

nirīkṣaṇaṃ prokṣaṇaṃ ca tāḍanāpyāyane tathā |
viguṇṭhanaṃ ca saṃskārāḥ sādhārāstriśiromate || 370 ||
[Analyze grammar]

gomūtragomayadadhikṣīrājyaṃ mantrayenmukhaiḥ |
ūrdhvāntairaṅgaṣaṭkena kuśāmbvetena cokṣayet || 371 ||
[Analyze grammar]

bhūmiṃ śeṣaṃ ca śiṣyārthaṃ sthāpayetpañcagavyakam |
pañca gavyāni yatrāsminkuśāmbuni taducyate || 372 ||
[Analyze grammar]

pañcagavyaṃ jalaṃ śāstre bāhyāśuddhivimardakam |
laukikyāmaviśuddhau hi mṛditāyāmathāntarīm || 373 ||
[Analyze grammar]

aśuddhiṃ dagdhumāstheyaṃ mantrādi yadalaukikam |
phādināntāṃ smareddevīṃ pṛthivyādiśivāntagām || 374 ||
[Analyze grammar]

puṣpāñjaliṃ kṣipenmadhye dhūpagandhāsavādi ca |
tathaiva dadyādyāgaukomadhye tenāśu vigraham || 375 ||
[Analyze grammar]

samastaṃ devatācakramadhiṣṭhātṛ prakalpyate |
anantanāle dharmādipatre sadvaidyakarṇike || 376 ||
[Analyze grammar]

ṣaḍutthe gandhapuṣpādyairgaṇeśaṃ hyaiśagaṃ yajet |
atthitaṃ vighnasaṃśāntyai pūjayitvā visarjayet || 377 ||
[Analyze grammar]

tataḥ kumbhaṃ parāmodidravadravyaprapūritam || 378 ||
[Analyze grammar]

pūjitaṃ carcitaṃ mūlamanunā mantrayecchatam |
asinā karkarīṃ pūrvamastrayāgo na cetkṛtaḥ || 379 ||
[Analyze grammar]

tamaiśānyāṃ yajetkumbhaṃ vāmasthakalaśānvitam |
tataḥ sauradigāśrityā sāstrāṃllokeśvarānyajet || 380 ||
[Analyze grammar]

gandhapuṣpopahārādyairvidhinā mantrapūrvakam |
tataḥ śiṣyo'sikalaśīhasto dhārāṃ prapātayan || 381 ||
[Analyze grammar]

guruṇā kumbhahastenānuvrajyo vadatā tvidam |
bho bhoḥ śakra tvayā svasyāṃ diśi vighnapraśāntaye || 382 ||
[Analyze grammar]

sāvadhānena karmāntaṃ bhavitavyaṃ śivājñayā |
tryakṣare nirṛtiprāye nāmni bhoḥśabdamekakam || 383 ||
[Analyze grammar]

apāsayedyato mantraśchandobaddho'yamīritaḥ |
tata aiśyāṃ diśi sthāpyaḥ sa kumbho vikiropari || 384 ||
[Analyze grammar]

dakṣiṇe cāstravārdhānī sthāpyā kumbhasya sāṃpratam |
kumbhasthāmbusamāpattivṛṃhitaṃ mantravṛndakam || 385 ||
[Analyze grammar]

tejomātrātmanā dhyātaṃ sarvamāpyāyayedvidhim |
ataḥ kumbhe mantragaṇaṃ sarvaṃ saṃpūjayedguruḥ || 386 ||
[Analyze grammar]

pūrveṇa vidhināstraṃ ca karkaryāṃ vighnanudyajet |
madhyegṛhaṃ tato gandhamaṇḍale pūjayedguruḥ || 387 ||
[Analyze grammar]

trikaṃ yāmalataikyābhyāmekaṃ vā mantradaivatam |
agnikāryavidhānāya tataḥ kuṇḍaṃ prakalpayet || 388 ||
[Analyze grammar]

śuddhamantrādisaṃjalpasaṃkalpotthamapūrvakam |
śivasya yā kriyāśaktistatkuṇḍamiti bhāvanāt || 389 ||
[Analyze grammar]

paramaḥ khalu saṃskāro vināpyanyaiḥ kriyākramaiḥ |
evaṃ dehe sthaṇḍile vā liṅge pātre jale'nale || 390 ||
[Analyze grammar]

puṣpādiṣu śiśau mukhyaḥ saṃskāraḥ śivatādṛśe |
uktaṃ śrīyogasaṃcāre tathāhi parameśinā || 391 ||
[Analyze grammar]

caturdaśavidhe bhūte puṣpe dhūpe nivedane |
dīpe jape tathā home sarvatraivātra caṇḍikā || 392 ||
[Analyze grammar]

juhoti japati preddhe pūjayedvihasedvrajet |
āhāre maithune saiva dehasthā karmakāriṇī || 393 ||
[Analyze grammar]

tādṛśīṃ ye tu no rūḍhāṃ saṃvittimadhiśerate |
akramāttatprasiddhyarthaṃ kramiko vidhirucyate || 394 ||
[Analyze grammar]

ahaṃ śivo mantramayaḥ saṃkalpā me tadātmakāḥ |
tajjaṃ ca kuṇḍavahnyādi śivātmeti sphuṭaṃ smaret || 395 ||
[Analyze grammar]

ata eva hi tatrāpi dārḍhyādārḍhyāvalokanāt |
kriyamāṇe kṛte vāpi saṃskriyālpetarāpivā || 396 ||
[Analyze grammar]

yathāhi kaścitpratibhādaridro'bhyāsapāṭavāt |
vākyaṃ gṛhṇāti ko'pyādau tathātrāpyavabudhyatām || 397 ||
[Analyze grammar]

ullekhasekakuṭṭanalepacaturmārgamakṣavṛtiparikalanam |
staraparidhiviṣṭarasthitisaṃskārā daśāstrataḥ kuṇḍagatāḥ || 398 ||
[Analyze grammar]

madhyagrahaṇaṃ darbhadvayena kuśasaṃvṛtiśca bhittīnām |
prāṅmukharekhātritayordhvarekhikāḥ kuśasamāvṛtiśca bahiḥ || 399 ||
[Analyze grammar]

śastalatāścaturaśraṃ daśalokeśārcanāsanavidhiśca |
sadmāsādanamastrāgnitejasā rakṣaṇaṃ ca kuṇḍasya || 400 ||
[Analyze grammar]

bhūmeḥ śivāgnidhṛtyai śaktirvighnāpasāraṇaṃ cārthāḥ |
tatastu pūjite kuṇḍe kriyāśaktitayā sphuṭam || 401 ||
[Analyze grammar]

mātṛkāṃ mālinīṃ vāpi nyasyetsaṃkalparūpiṇīm |
saṃkalpadevyā yatsṛṣṭidhāma tryaśraṃ kriyātmakam || 402 ||
[Analyze grammar]

jñānaśukrakaṇaṃ tatra triḥ prakṣobhya vinikṣipet |
icchātaḥ kṣubhitaṃ jñānaṃ vimarśātmakriyāpade || 403 ||
[Analyze grammar]

rūḍhaṃ jñatvādipañcāṅgavispaṣṭaṃ jājvalītyalam |
tenāṅgapañcakaireva hutiṃ dadyātsakṛtsakṛt || 404 ||
[Analyze grammar]

janmādyakhilasaṃskāraśuddho'gnistāvatā bhavet |
pañcāṅgameva pṛthvyādirūpaṃ kaṭhinatādikāḥ || 405 ||
[Analyze grammar]

śaktīrdadhadvahnigatāḥ kuryādgarbhādikāḥ kriyāḥ |
tato'khilādhvasaddevīcakragarbhāṃ parāparām || 406 ||
[Analyze grammar]

smaranpūrṇāhutivaśātpūrayedagnisaṃskriyāḥ |
tathā mantreśayuksatyasaṃkalpamahasā jvalan || 407 ||
[Analyze grammar]

vahnistacchivasaṃkalpatādātmyācchivatātmakaḥ |
ityetatsaṃskriyātattvaṃ śrīśaṃbhurme nyarūpayat || 408 ||
[Analyze grammar]

mayāpi darśitaṃ śuddhabuddhayaḥ praviviñcatām |
tenātra ye codayanti yathā bālasya saṃskriyā || 409 ||
[Analyze grammar]

bahnau vahnestathānyatretyanavasthaiva saṃskṛteḥ |
te nirutthānavihatā naye'smingurudarśane || 410 ||
[Analyze grammar]

jāte'gnau saṃskṛte śaive śabdarāśiṃ ca mālinīm |
pitarau pūjayitvā svaṃ śuddhaṃ dhāma visarjayet || 411 ||
[Analyze grammar]

śuddhāgnerbhāgamādāya carvarthaṃ sthāpayetpṛthak |
athavāgneḥ śikhāṃ vāmaprāṇenādāya hṛjjuṣā || 412 ||
[Analyze grammar]

cidagninaikyamānīya kṣipeddakṣeṇa saṃskṛtām |
śiva ityabhimānena dṛḍhena hi vilokanam || 413 ||
[Analyze grammar]

sarvasya saṃskriyā tattvaṃ tattasmai yadyato'malam |
navāhutīratho dadyānnavātmasahitena tu || 414 ||
[Analyze grammar]

śivāgnaye tārapūrvaṃ svāhāntaṃ saṃskriyā bhavet |
śivacaitanyasāmānyavyoparūpe'nale tataḥ || 415 ||
[Analyze grammar]

prāgvadādhāramādheyaṃ devīcakraṃ ca yojayet |
sruvaṃ srucaṃ ca saṃpaśyedadhovaktrau kramādguruḥ || 416 ||
[Analyze grammar]

śivaśaktitayābhyarcyau tathetthaṃ saṃskriyānayoḥ |
tattvasaṃdarśanānnānyatsaṃskārasyāsti jīvitam || 417 ||
[Analyze grammar]

iti vaktuṃ sruvādīśaḥ śrīpūrve na samaskarot |
tatastilairmṛgīṃ madhyānāmāṅguṣṭhavaśādguruḥ || 418 ||
[Analyze grammar]

kṛtvā mūlaṃ tarpayet śatenājyasruvaistathā |
aṅgavaktraṃ ṣaḍaṃśena śeṣāṃścāpi daśāṃśataḥ || 419 ||
[Analyze grammar]

sahasrādikahomo'pi tṛptyai vittānusārataḥ |
sati vitte'pi lobhādigrasto bāhyapradhānatām || 420 ||
[Analyze grammar]

prathayaṃścidguṇībhāvācchaktipātaṃ na vindati |
uktaṃ svacchandatantre taddīkṣito'pi na mokṣabhāk || 421 ||
[Analyze grammar]

nanu yattasya dīkṣāyāṃ kṛtaṃ karmāsya kiṃ phalam |
tatrāhurgamaśāstrajñā vāmāśaktimayāstadā || 422 ||
[Analyze grammar]

mantrā badhnanti taṃ samyagbhavakārāmahāgṛhe |
yā tvanugrāhikā śaktisteṣāṃ sā gurudīpitā || 423 ||
[Analyze grammar]

śodhayeta svaśāstrasthaniṣkāmollaṅghanakriyām |
tata ūrdhvādharanyāsādanyonyaunmukhyasundaram || 424 ||
[Analyze grammar]

sruksruvaṃ śivaśaktyātmādāyājyāmṛtapūritam |
samacittaprāṇatanuraikātmyavidhiyogataḥ || 425 ||
[Analyze grammar]

vāmaṃ srugdaṇḍagaṃ hastaṃ dakṣiṇaṃ sopayāmakam |
kaṇṭhādhogaṃ vinikṣipya dṛḍhamāpīḍya yatnavān || 426 ||
[Analyze grammar]

adhaḥ kuryātsrucaṃ prāṇamūrdhvordhvaṃ saṃniyojayan |
yāvaddviṣaṭkaparyante bodhāgnau candracakrataḥ || 427 ||
[Analyze grammar]

srugagrātparamaṃ hlādi patedamṛtamuttamam |
tāvadvahnau mantramukhe vauṣaḍantāṃ hutiṃ kṣipet || 428 ||
[Analyze grammar]

ya ūrdhve kila saṃbodhaḥ kuṇḍe sa pratibimbitaḥ |
vahniḥ prāṇaḥ sruksruvau ca snehaḥ saṃkalpacidrasaḥ || 429 ||
[Analyze grammar]

itthaṃ jñātvāditaḥ kuṇḍasruksruvājyamanūnbhṛśam |
dvādaśāntavibodhāgnau ruddhvā pūrṇāhutiṃ kṣipet || 430 ||
[Analyze grammar]

yathā yathā hi gaganamutpatetkalahaṃsakaḥ |
jale binbaṃ bruḍatyasya tathetyatrāpyayaṃ vidhiḥ || 431 ||
[Analyze grammar]

svābhāvikaṃ sthiraṃ caiva dravaṃ dīptaṃ calaṃ nabhaḥ |
māyā bindustathaivātmā nādaḥ śaktiḥ śivastathā || 432 ||
[Analyze grammar]

itthaṃ vyāpyavyāpakato vibhedyābhyantarāntam |
tadadhaḥsthāni pṛthvyādimūlāntāni tathā pumān || 433 ||
[Analyze grammar]

avidyārāganiyatikālamāyākalāstathā |
aṇurvidyā tadīśeśau sādākhyaṃ śaktikuṇḍalī || 434 ||
[Analyze grammar]

vyāpinī samanaunmanyaṃ tato'nāmani yojayet |
recakastho madhyanāḍīsandhividgururityadaḥ || 435 ||
[Analyze grammar]

proktaṃ traiśirase tantre parayojanavarṇane |
tataḥ prāksthāpitānyastamantrasaṃskṛtavahninā || 436 ||
[Analyze grammar]

caruḥ sādhyo'thavā śiṣyairhomena samakālakaḥ |
carau ca vīradravyāṇi laukikānyathavecchayā || 437 ||
[Analyze grammar]

carusiddhau samastāśca kriyā hṛnmantrayogataḥ |
tataścaruṃ samādāya gururājyena pūritām || 438 ||
[Analyze grammar]

srucaṃ sruvaṃ vā kṛtvaiva bhuktimuktyanusārataḥ |
devānāmatha śaktīnāṃ yantrāṇāṃ tu trayaṃ trayam || 439 ||
[Analyze grammar]

saptamaṃ mātṛsadbhāvaṃ kramādekaikaśaḥ paṭhan |
svā ityamṛtavarṇena vahnau hutvājyaśeṣakam || 440 ||
[Analyze grammar]

carau hetyagnirūpeṇa juhuyāttatpunaḥ punaḥ |
bhojyabhojakacarvagnyoritthamekānusandhitaḥ || 441 ||
[Analyze grammar]

svāhāpratyavamarśātsyātsamantrādadvayaṃ param |
eṣa saṃpātasaṃskāraścarorbhoktā hyadhiṣṭhitaḥ || 442 ||
[Analyze grammar]

bhogyasya paramaṃ sāraṃ bhogyaṃ narnarti yatnataḥ |
samamekānusandhānātpātato bhoktṛbhogyayoḥ || 443 ||
[Analyze grammar]

anyo'nyatra ca saṃpātātsaṃgamāccetthamucyate |
sthaṇḍile kubhbhakarkaryorbhāgaṃ bhāgaṃ nivedayet || 444 ||
[Analyze grammar]

bhāgenāgnau mantratṛptirdvayaṃ śiṣyātmanoratha |
itthaṃ vihitakartavyo vijñāpyeśaṃ tadīritaḥ || 445 ||
[Analyze grammar]

śaktipātakramācchiṣyānsaṃskartuṃ niḥsaredbahiḥ |
tatraiṣāṃ pañcagavyaṃ ca caruṃ daśanamārjanam || 446 ||
[Analyze grammar]

tasya pātaḥ śubhaḥ prācīsaumyaiśāpyordhvadiggataḥ |
aśubho'nyatra tatrāstrahomo'pyaṣṭaśataṃ bhavet || 447 ||
[Analyze grammar]

netramantritasadvastrabaddhanetrānacañcalān |
ananyahṛdayībhūtānbalāditthaṃ nirodhataḥ || 448 ||
[Analyze grammar]

muktāratnādikusumasaṃpūrṇāñjalikānguruḥ |
praveśya sthaṇḍilopāgra upaveśyaiva jānubhiḥ || 449 ||
[Analyze grammar]

prakṣepayedañjaliṃ taṃ taiḥ śiṣyairbhāvitātmabhiḥ |
añjali punarāpūrya teṣāṃ lāghavataḥ paṭam || 450 ||
[Analyze grammar]

dṛśornivārayetso'pi śiṣyo jhaṭiti paśyati |
jhaṭityālokite māntraprabhāvollāsite sthale || 451 ||
[Analyze grammar]

tadāveśavaśācchiṣyastanmayatvaṃ prapadyate |
yathā hi raktahṛdayastāṃstānkāntāguṇānsvayam || 452 ||
[Analyze grammar]

paśyatyevaṃ śaktipātasaṃskṛto mantrasannidhim |
cakṣurādīndriyāṇāṃ hi sahakāriṇi tādṛśe || 453 ||
[Analyze grammar]

satyatyantamadṛṣṭe prāgapi jāyeta yogyatā |
kṛtaprajñā hi vinyastamantraṃ dehaṃ jalaṃ sthalam || 454 ||
[Analyze grammar]

pratimādi ca paśyanto viduḥ saṃnidhyasaṃnidhī |
nyastamantrāṃśusubhagātkiṃcidbhūtādimudritāḥ || 455 ||
[Analyze grammar]

trasyantīveti tattaccidakṣaistatsahakāribhiḥ |
tataḥ sa dakṣiṇe haste dīptaṃ sarvādhvapūritam || 456 ||
[Analyze grammar]

mantracakraṃ yajedvāmapāṇinā pāśadāhakam |
taṃ śiṣyasya karaṃ mūrdhni dehanyastādhvasaṃtateḥ || 457 ||
[Analyze grammar]

nyasyetkrameṇa sarvāṃṅgaṃ tenaivāsya ca saṃspṛśet |
uktaṃ dīkṣottare caitajjvālāsaṃpātaśobhinā || 458 ||
[Analyze grammar]

dattena śivahastena samayī sa vidhīyate |
sāyujyamīśvare tattve jīvato'dhītiyogyatā || 459 ||
[Analyze grammar]

śrīdevyāthāmale tūktamaṣṭārāntastriśūlake |
cakre bhairavasannābhāvaghorādyaṣṭakārake || 460 ||
[Analyze grammar]

bāhyāpare parānemau madhyaśūlaparāpare |
jvālākule'ruṇe bhrāmyanmātṛpraṇavabhīṣaṇe || 461 ||
[Analyze grammar]

cintite tu bahirhaste saṃdṛṣṭe samayī bhavet |
pāśastobhādyastu sadya uccikramiṣurasya tam || 462 ||
[Analyze grammar]

prāṇairviyojakaṃ mūrdhni kṣipetsaṃpūjya tadbahiḥ |
anena śivahastena samayī bhavati sphuṭam || 463 ||
[Analyze grammar]

tasyaiva bhāvividhivattattvapāśaviyojane |
putrakatvaṃ sa ca pare tattve yojyastu daiśikaiḥ || 464 ||
[Analyze grammar]

sa eva mantrajātijño japahomāditattvavit |
nirvāṇakalaśenādau tata īśvarasaṃjñinā || 465 ||
[Analyze grammar]

abhiṣiktaḥ sādhakaḥ syādbhogānte'sya pare layaḥ |
etairguṇaiḥ samāyukto dīkṣitaḥ śivaśāsane || 466 ||
[Analyze grammar]

catuṣpātsaṃhitābhijñastantrāṣṭādaśatatparaḥ |
daśatantrātimārgajña ācāryaḥ sa vidhīyate || 467 ||
[Analyze grammar]

pṛthivīmāditaḥ kṛtvā nirvāṇānte'sya yojanām |
abhiṣekavidhau kuryādācāryasya gurūttamaḥ || 468 ||
[Analyze grammar]

etairvākyairidaṃ coktaṃ samayī rājaputravat |
sarvatraivādhikārī syātputrakādipadatraye || 469 ||
[Analyze grammar]

putrako daiśikatve tu tulyayojaniko bhavet |
adhikārī sa na punaḥ sādhane bhinnayojane || 470 ||
[Analyze grammar]

etattantre samayyādikramādāptottarakriyaḥ |
ācāryo na punarbauddhavaiṣṇavādiḥ kadācana || 471 ||
[Analyze grammar]

evaṃ prasaṅgānnirṇītaṃ prakṛtaṃ tu nirūpyate |
śivahastavidhiṃ kṛtvā tena saṃpluṣṭapāśakam || 472 ||
[Analyze grammar]

śiṣyaṃ vidhāya viśrāntiparyantaṃ dhyānayogataḥ |
tataḥ kumbhe'strakalaśe vahnau svātmani taṃ śiśum || 473 ||
[Analyze grammar]

praṇāmaṃ kārayetpaścādbhūtamātṛbaliṃ kṣipet |
tataḥ śaṃkaramabhyarcya śayyāmastrābhimantritām || 474 ||
[Analyze grammar]

kṛtvāsyāṃ śiṣyamāropya nyastamantraṃ vidhāya ca |
śiṣyahṛccakraviśrāntiṃ kṛtvā taddvādaśāntagaḥ || 475 ||
[Analyze grammar]

bhavetkṣīṇakalājālaḥ svaradvādaśakodayāt |
tataḥ praveśapracitakalāṣoḍaśakojjvalaḥ || 476 ||
[Analyze grammar]

saṃpūrṇasvātmaciccandro viśrāmyeddhṛdaye śiśoḥ |
svayaṃ vyutthānaparyantaṃ dvādaśāntaṃ tato vrajet || 477 ||
[Analyze grammar]

punarviśecca hṛccakramitthaṃ nidrāvidhikramaḥ |
āyātanidraḥ śiṣyo'sau nirmalau śaśibhāskarau || 478 ||
[Analyze grammar]

hṛccakre pratisaṃdhatte balātpūrṇakṛśātmakau |
haṭhanirmalacandrārkaprakāśaḥ satyamīkṣate || 479 ||
[Analyze grammar]

svapnaṃ bhāviśubhānyatvasphuṭībhāvanakovidam |
uktaṃ ca pūrṇāṃ ca kṛśāṃ dhyātvā dvādaśagocare || 480 ||
[Analyze grammar]

praviśya hṛdaye dhyāye tsuptaḥ svācchandyamāpnuyāt |
āyātanidre ca śiśau gururabhyarcya śaṅkaram || 481 ||
[Analyze grammar]

caruṃ bhuñjīta sasakhā tato'dyāddantadhāvanam |
svapyācca mantraraśmīddhahṛccakrārpitamānasaḥ || 482 ||
[Analyze grammar]

prātarguruḥ kṛtāśeṣanityo'bhyarcitaśaṃkaraḥ |
śiṣyātmanoḥ svapnadṛṣṭāvarthau vitte balābalāt || 483 ||
[Analyze grammar]

svadṛṣṭaṃ balavannānyatsaṃbodhodrekayogataḥ |
bodhasāmye punaḥ svapnasāmyaṃ syādguruśiṣyayoḥ || 484 ||
[Analyze grammar]

devāgnigurutatpūjākāraṇopaskarādikam |
hṛdyā strī madyapānaṃ cāpyāmamāṃsasya bhakṣaṇam || 485 ||
[Analyze grammar]

raktapānaṃ śiraśchedo raktaviṇmūtralepanam |
parvatāśvagajaprāyahṛdyayugyādhirohaṇam || 486 ||
[Analyze grammar]

yatprītyai syādapi prāyastattacchubhamudāhṛtam |
taṃ khyāpayettuṣṭivṛddhyai hlādo hi paramaṃ phalam || 487 ||
[Analyze grammar]

ato'nyadaśubhaṃ tatra homo'ṣṭaśatako'strataḥ |
aśubhaṃ nāśubhamiti śiṣyebhyo kathayedguruḥ || 488 ||
[Analyze grammar]

rūḍhāṃ hi śaṅkāṃ vicchettuṃ yatnaḥ saṃghaṭate mahān |
yeṣāṃ tu śaṅkāvilayasteṣāṃ svapnavaśotthitam || 489 ||
[Analyze grammar]

śubhāśubhaṃ na kiṃcitsyāt syuścetthaṃ citratāvaśāt |
sphuṭaṃ paśyati sattvātmā rājaso liṅgamātrataḥ || 490 ||
[Analyze grammar]

na kiṃcittāmasastasya sukhaduḥkhācchubhāśubham |
nanvatra tāmaso nāma kathaṃ yogyo vidhau bhavet || 491 ||
[Analyze grammar]

maiva mā vigrahaṃ kaścitkvacitkasyāpi vai guṇaḥ |
sarvasāttvikaceṣṭo'pi bhojane yadi tāmasaḥ || 492 ||
[Analyze grammar]

kiṃ tataḥ so'dhamaḥ kivāpyutkṛṣṭastadviparyayaḥ |
āyātaśaktipāto'pi dīkṣito'pi guṇasthiteḥ || 493 ||
[Analyze grammar]

vicitrātmā bhavedeva mukhye tvarthe samāhitaḥ |
tato guruḥ śiśormantrapūrvakaṃ devatārcanam || 494 ||
[Analyze grammar]

deśayetsa ca tatkuryātsaṃskuryāttaṃ tato guruḥ |
hṛdādicakraṣaṭkasthānbrahmādīn ṣaṭ samāhitaḥ || 495 ||
[Analyze grammar]

spṛśecchiśoḥ prāṇavṛttyā pratyekaṃ cāṣṭa saṃskriyāḥ |
hṛdayādidviṣaṭkāntaṃ bodhasparśapavitritaḥ || 496 ||
[Analyze grammar]

āhārabījabhāvādidoṣadhvaṃsādbhaveddvijaḥ |
vasuvedākhyasaṃskārapūrṇa itthaṃ dvijaḥ sthitaḥ || 497 ||
[Analyze grammar]

garbhādhānaṃ puṃsavanaṃ sīmanto jātakarma ca |
nāma niṣkrāmaṇaṃ cānnapraśaścūḍā tathāṣṭamī || 498 ||
[Analyze grammar]

vratabandhaiṣṭike maujjībhautike saumikaṃ kramāt |
godānamiti vedendusaṃskriyā brahmacaryataḥ || 499 ||
[Analyze grammar]

pratyudvāhaḥ pañcadaśaḥ sapta pākamakhāstvataḥ |
aṣṭakāḥ pārvaṇī śrāddhaṃ śrāvaṇyāgrāyaṇīdvayam || 500 ||
[Analyze grammar]

caitrī cāśvayujī paścāt saptaiva tu havirmakhāḥ |
ādheyamagnihotraṃ ca paurṇamāsaḥ sadarśakaḥ || 501 ||
[Analyze grammar]

cāturmāsyaṃ paśūdbandhaḥ sautrāmaṇyā saha tvamī |
agniṣṭomo'tipūrvo'tha sokyyaḥ ṣoḍaśivājapau || 502 ||
[Analyze grammar]

āptoryāmātirātrau ca saptaitāḥ somasaṃsthitāḥ |
hiraṇyapādādimakhaḥ sahasreṇa samāvṛtaḥ || 503 ||
[Analyze grammar]

aṣṭatriṃśastvaśvamedho gārhasthyamiyatā bhavet |
vānasthyapārivrājye ca catvāriṃśadamī matāḥ || 504 ||
[Analyze grammar]

dayā kṣamānasūyā ca śuddhiḥ satkṛtimaṅgale |
akārpaṇyāspṛhe cātmaguṇāṣṭakamidaṃ smṛtam || 505 ||
[Analyze grammar]

mekhalā daṇḍamajinatryāyuṣe vahnyupāsanam |
saṃdhyā bhikṣeti saṃskārāḥ sapta sapta vratāni ca || 506 ||
[Analyze grammar]

bhauteśapāśupatye dve gāṇeśaṃ gāṇapatyakam |
unmattakāsidhārākhyaghṛteśāni caturdaśa || 507 ||
[Analyze grammar]

ete tu vratabandhasya saṃskārā aṅginaḥ smṛtāḥ |
pārivrājyasya garbhe syādantyeṣṭiriti saṃskṛtaḥ || 508 ||
[Analyze grammar]

dvijo bhavettato yogyo rudrāṃśāpādanāya saḥ |
etānprāṇakrameṇaiva saṃskārānyojayedguruḥ || 509 ||
[Analyze grammar]

athavāhutiyogena tilādyairmantrapūrvakaiḥ |
praṇavo hṛdayaṃ nāma śodhayāmyagnivallabhā || 510 ||
[Analyze grammar]

evaṃ krameṇa mūrdhādyairaṅgairatatpunaḥ punaḥ |
yataściddharma evāsau śāntyādyātmā dvijanmatā || 511 ||
[Analyze grammar]

tena rudratayā saṃvittatkrameṇaiva jāyate |
yathā hemādidhātūnāṃ pāke kramavaśādbhavet || 512 ||
[Analyze grammar]

rajatādi tathā saṃvitsaṃskāre dvijatāntare |
yonirna kāraṇaṃ tatra śāntātmā dvija ucyate || 513 ||
[Analyze grammar]

muninā mokṣadharmādāvetacca pravivecitam |
mukuṭādiṣu śāstreṣu devenāpi nirūpitam || 514 ||
[Analyze grammar]

saṃvido dehasaṃbhedātsadṛśātsadṛśodayāt |
bhūmābhiprāyataḥ smārte dvijanmā dvijayoḥ sutaḥ || 515 ||
[Analyze grammar]

antyajātīyadhīvādijananījanmalābhataḥ |
utkṛṣṭacittā ṛṣayaḥ kiṃ brāhmaṇyena bhājanam || 516 ||
[Analyze grammar]

ata evārthasattattvadeśinyasminna diśyate |
rahasyaśāstre jātyādisamācāro hi śāmbhave || 517 ||
[Analyze grammar]

pāśavāni tu śāstrāṇi vāmaśaktyātmakānyalam |
sṛṣṭyāṃcisiddhaye śaṃbhoḥ śaṅkātatphalakḷptaye || 518 ||
[Analyze grammar]

āpāditadvijatvasya dvādaśānte nijaikyataḥ |
sparśamātrānna viśrāntyā jhaṭityevāvarohataḥ || 519 ||
[Analyze grammar]

rudrāṃśāpādanaṃ yena samayī saṃskṛto bhavet |
adhītau śravaṇe nityaṃ pūjāyāṃ gurusevane || 520 ||
[Analyze grammar]

samayyadhikṛto'nyatra guruṇā vibhumarcayet |
tamāpāditarudrāṃśaṃ samayān śrāvayedguruḥ || 521 ||
[Analyze grammar]

aṣṭāṣṭakātmakāndevyāyāmalādau nirūpitān |
avādo'karaṇaṃ gūḍhiḥ pūjā tarpaṇabhāvane || 522 ||
[Analyze grammar]

hananaṃ mohanaṃ ceti samayāṣṭakamaṣṭadhā |
svabhāvaṃ mantratantrāṇāṃ samayācāramelakam || 523 ||
[Analyze grammar]

asatpralāpaṃ paruṣamanṛtaṃ nāṣṭadhā vadet |
aphalaṃ ceṣṭitaṃ hiṃsāṃ paradārābhimarśanam || 524 ||
[Analyze grammar]

garvaṃ dambhaṃ bhūtaviṣavyādhitantraṃ nacācaret |
svaṃ mantramakṣasūtraṃ ca vidyāṃ jñānasvarūpakam || 525 ||
[Analyze grammar]

samācārānguṇānkleśānsiddhiliṅgāni gūhayet |
guruṃ śāstraṃ devavahnī jñānavṛddhāṃstriyo vratam || 526 ||
[Analyze grammar]

guruvargaṃ yathāśaktyā pūjayedaṣṭakaṃ tvidam |
dīnānkliṣṭānpitṝnkṣetrapālānprāṇigaṇān khagān || 527 ||
[Analyze grammar]

śmāśānikaṃ bhūtagaṇaṃ dehadevīśca tarpayet |
śivaṃ śaktiṃ tathātmānaṃ mudrāṃ mantrasvarūpakam || 528 ||
[Analyze grammar]

saṃsārabhuktimuktīśca guruvaktrāttu bhāvayet |
rāgaṃ dveṣamasūyāṃ ca saṃkocerṣyābhimānitāḥ || 529 ||
[Analyze grammar]

samayapratibhettṝṃstadanācārāṃśca ghātayet |
paśumārgasthitānkrūrāndveṣiṇaḥ piśunāñjaḍān || 530 ||
[Analyze grammar]

rājñaścānucarānpāpānvighnakartṝṃśca mohayet |
śākinyaḥ pūjanīyāśca tāścetthaṃ śrīgamoditāḥ || 531 ||
[Analyze grammar]

sāhasaṃ dviguṇaṃ yāsāṃ kāmaścaiva caturguṇaḥ |
lobhaścāṣṭaguṇastāsāṃ śaṅkyaṃ śākinya ityalam || 532 ||
[Analyze grammar]

kulāmnāyasthitā vīradravyabāhyāstu ye na taiḥ |
paśubhiḥ saha vastavyamiti śrīmādhave kule || 533 ||
[Analyze grammar]

devatācakragurvagniśāstraṃ sāmyātsadārcayet |
aniveditametebhyo na kiṃcidapi bhakṣayet || 534 ||
[Analyze grammar]

etaddravyaṃ nāpaharedguruvargaṃ prapūjayet |
sa ca tadbhrātṛbhāryātukprāyo vidyākṛto bhavet || 535 ||
[Analyze grammar]

na yonisaṃbandhakṛto laukikaḥ sa paśuryataḥ |
tasyābhiṣvaṅgabhūmistu gurvārādhanasiddhaye || 536 ||
[Analyze grammar]

arcyo na svamahimnā tu tadvargo guruvatpunaḥ |
gurornindāṃ na kurvīta tasyai hetuṃ nacācaret || 537 ||
[Analyze grammar]

naca tāṃ śṛṇuyānnainaṃ kopayennāgrato'sya ca |
vinājñayā prakurvīta kiṃcittatsevanādṛte || 538 ||
[Analyze grammar]

laukikālaukikaṃ kṛtyaṃ krodhaṃ krīḍāṃ tapo japam |
gurūpabhuktaṃ yatkiṃcicchayyāvastrāsanādikam || 539 ||
[Analyze grammar]

nopabhuñjīta tatpadbhyāṃ na spṛśetkiṃtu vandayet |
śrīmattraiśirase'pyuktaṃ kṛcchracāndrāyaṇādibhiḥ || 540 ||
[Analyze grammar]

araṇye kāṣṭhavattiṣṭhedasidhārāvrato'pi san |
niyamastho yamastho'pi tatpadaṃ nāśnute param || 541 ||
[Analyze grammar]

gurvārādhanasaktastu manasā karmaṇā girā |
prāpnoti gurutastuṣṭāt pūrṇaṃ śreyo mahādbhutam || 542 ||
[Analyze grammar]

himapātairyathā bhūmiśchāditā sā samantataḥ |
mārutaśleṣasaṃyogādaśmavattiṣṭhate sadā || 543 ||
[Analyze grammar]

yamādau niścale tadvadbhāva ekastu gṛhyate |
gurostvārādhitātpūrṇaṃ prasarajjñānamāpyate || 544 ||
[Analyze grammar]

sarvato'vasthitaṃ cittvaṃ jñeyasthaṃ yasya tatkathā |
sadya eva nayedūrdhvaṃ tasmādārādhayedgurum || 545 ||
[Analyze grammar]

śrīsāre'pyasya saṃbhāṣātpātakaṃ naśyati kṣaṇāt |
tasmātparīkṣya yatnena śāstroktyā jñānalakṣaṇaiḥ || 546 ||
[Analyze grammar]

śāstrācāreṇa varteta tena saṅgaṃ tathā kuru |
snehājjātu vadejjñānaṃ lobhānna hriyate hi saḥ || 547 ||
[Analyze grammar]

tena tuṣṭena tṛpyanti devāḥ pitara evaca |
uttīrya narakādyānti sadyaḥ śivapuraṃ mahat || 548 ||
[Analyze grammar]

bhuṅkte tiṣṭhedyatra gṛhe vrajecchivapuraṃ tu saḥ |
iti jñātvā sadā pitrye śrāddhe svaṃ gurumarcayet || 549 ||
[Analyze grammar]

bhuñjīta sa svayaṃ cānyānādiśettatkṛte guruḥ |
yo dīkṣitastu śrāddhādau svatantraṃ vidhimācaret || 550 ||
[Analyze grammar]

tasya tanniṣphalaṃ sarvaṃ samayena ca laṅghyate |
saiddhāntikārpitaṃ caṇḍīyogyaṃ dravyaṃ vivarjayet || 551 ||
[Analyze grammar]

śākinīvācakaṃ śabdaṃ na kadācitsamuccaret |
striyaḥ pūjyā virūpāstu vṛddhāḥ śilpopajīvikāḥ || 552 ||
[Analyze grammar]

antyā vikāritāṅgyaśca veśyāḥ svacchandaceṣṭitāḥ |
tathāca śrīgame proktaṃ pūjanīyāḥ prayatnataḥ || 553 ||
[Analyze grammar]

nirācārāḥ sarvabhakṣyā dharmādharmavivarjitāḥ |
svacchandagāḥ palāśinyo lampaṭā devatā iva || 554 ||
[Analyze grammar]

veśyāḥ pūjyāstadgṛhaṃ ca prayāgo'tra yajetkramam |
strīṣu tannācaretkicidyena tābhyo jugupsate || 555 ||
[Analyze grammar]

ato na nagnāstāḥ paśyennacāpi prakaṭastanīḥ |
vṛddhāyāḥ saṃsthitāyā vā na jugupseta mudrikām || 556 ||
[Analyze grammar]

vaikṛtyaṃ tatra saurūpyaṃ melakaṃ na prakāśayet |
devamūrtiṃ śūnyatanuṃ pūjayettripathādiṣu || 557 ||
[Analyze grammar]

sarvaparvasu sāmānyaviśeṣeṣu viśeṣataḥ |
pūjā guroranadhyāyo melake lobhavarjanam || 558 ||
[Analyze grammar]

na jugupseta madyādi vīradravyaṃ kadācana |
na nindedatha vandeta nityaṃ tajjoṣiṇastathā || 559 ||
[Analyze grammar]

upadeśāya na doṣā hṛdayaṃ cenna vidviṣet |
vijātīyavikalpāṃśotpuṃsanāya yateta ca || 560 ||
[Analyze grammar]

guroḥ śāstrasya devīnāṃ nāma mantre yatastataḥ |
arcāto'nyatra noccāryamāhūtaṃ tarpayettataḥ || 561 ||
[Analyze grammar]

āgatasya ca mantrasya na kuryāttarpaṇaṃ yadi |
haratyardhaśarīraṃ tadityūce bhagavānyataḥ || 562 ||
[Analyze grammar]

śrīmadūrmau ca devīnāṃ vīrāṇāṃ ceṣṭitaṃ na vai |
prathayenna jugupseta vadennādravyapāṇikaḥ || 563 ||
[Analyze grammar]

śrīpūrvaṃ nāma vaktavyaṃ gurordravyakareṇa ca |
gurvādīnāṃ na laṅghyā ca chāyā na tairthikaiḥ saha || 564 ||
[Analyze grammar]

jalpaṃ kurvansvaśāstrārthaṃ vadennāpica sūcayet |
nityādviśeṣapūjāṃ ca kuryānnaimittike vidhau || 565 ||
[Analyze grammar]

tato'pi madhye varṣasya tato'pi hi pavitrake |
anyastamantro nāsīta sevyaṃ śāstrāntaraṃ ca no || 566 ||
[Analyze grammar]

aprarūḍhaṃ hi vijñānaṃ kampetetarabhāvanāt |
gṛhopaskaraṇāstrāṇi davatāyāgayogataḥ || 567 ||
[Analyze grammar]

arcyānīti na padbhyāṃ vai spṛśennāpi vilaṅghyet |
guruvarge gṛhāyāte viśeṣaṃ kaṃcidācaret || 568 ||
[Analyze grammar]

dīkṣitānāṃ na nindādi kuryādvidveṣapūrvakam |
upadeśāya no doṣaḥ sa hyavidveṣapūrvakaḥ || 569 ||
[Analyze grammar]

na vaṣṇavādikādhaḥsthadṛṣṭibhiḥ saṃvasedalam |
sahabhojanaśayyādyarnaiṣāṃ prakaṭayetsthitim || 570 ||
[Analyze grammar]

uktaṃ śrīṃmādhavakule śāsanāntarasaṃsthitān |
vedoktiṃ vaiṣṇavoktiṃ ca tairuktaṃ varjayetsadā || 571 ||
[Analyze grammar]

akulīneṣu saṃparkāttatkulātpatanādbhayam |
ekapātre kulāmnāye tasmāttānparivarjayet || 572 ||
[Analyze grammar]

pramādācca kṛte sakhye goṣṭhyāṃ cakraṃ tu pūjayet |
śrīmadūrmau ca kathitamāgamāntarasevake || 573 ||
[Analyze grammar]

gurvantararate mūḍhe devadravyopajīvake |
śaktihiṃsākare duṣṭe saṃparkaṃ naiva kārayet || 574 ||
[Analyze grammar]

na vikalpena dīkṣādau vrajedāyatanādikam |
uktāsthāśithilatve yannimittaṃ naiva taccaret || 575 ||
[Analyze grammar]

śāsanasthānpurājātyā na paśyennāpyudīrayet |
naca vyavaharetsarvāñchivābhedena kevalam || 576 ||
[Analyze grammar]

sadvidyaiḥ sākamāsīta jñānadīptyai yateta ca |
nāsaṃskṛtāṃ vrajettajjaṃ viphalatvaṃ nacānayet || 577 ||
[Analyze grammar]

melakārdhaniśācaryā janavarjaṃ ca tannahi |
māṃsādidāhagandhaṃ ca jighreddevīpriyo hyasau || 578 ||
[Analyze grammar]

gurvājñāṃ pālayansarvaṃ tyajenmantramayo bhavet |
śāstrapūjājapadhyānavivekatadupakriyāḥ || 579 ||
[Analyze grammar]

akurvanniṣphalāṃ naiva ceṣṭeta trividhāṃ kriyām |
mantratantrairna vādaṃ ca kuryānno bhakṣayedviṣam || 580 ||
[Analyze grammar]

samayānāṃ vilope ca guruṃ pṛcchedasannidhau |
tadvargaṃ nijasantānamanyaṃ tasyāpyasaṃnidhau || 581 ||
[Analyze grammar]

tenoktamanutiṣṭhecca nirvikalpaṃ prayatnataḥ |
yataḥ śāstrādisaṃbodhatanmayīkṛtamānasaḥ || 582 ||
[Analyze grammar]

śiva eva gururnāsya vāgasatyā viniḥsaret |
śivasya svātmasaṃskṛtyai prahvībhāvo guroḥ punaḥ || 583 ||
[Analyze grammar]

hlādāyetyubhayārthāya tattuṣṭiḥ phaladā śiśoḥ |
gurvāyattaikasiddhirhisamayyapi vibodhabhāk || 584 ||
[Analyze grammar]

tadbodhabahumānena vidyādgurutamaṃ gurum |
ataḥ saṃprāpya vijñānaṃ yo gurau bāhyamānavān || 585 ||
[Analyze grammar]

nāsau vijñānaviśvasto nāsatyaṃ bhraṣṭa eva saḥ |
jñānānāśvastacittaṃ taṃ vacomātreṇa śāstritam || 586 ||
[Analyze grammar]

bhaktaṃ ca nārcayejjātu hṛdā vijñānadūṣakam |
tādṛk ca na guruḥ kāryastaṃ kṛtvāpi parityajet || 587 ||
[Analyze grammar]

mukhyabuddhyā na saṃpaśyedvaiṣṇavādigatāngurūn |
tathāca śrīmadūrmyākhye guroruktaṃ viśeṣaṇam || 588 ||
[Analyze grammar]

gurvājñā prāṇasaṃdehe nopekṣyā no vikalpyate |
kauladīkṣā kaulaśāstraṃ tattvajñānaṃ prakāśitam || 589 ||
[Analyze grammar]

yenāsau gururityukto hyanye vai nāmadhāriṇaḥ |
śrīmadānandaśāstre ca tathaivoktaṃ viśeṣaṇam || 590 ||
[Analyze grammar]

yasmāddīkṣā mantraśāstraṃ tattvajñānaṃ sa vai guruḥ |
tiṣṭhedavyaktaliṅgaśca na liṅgaṃ dhārayet kvacit || 591 ||
[Analyze grammar]

na liṅgibhiḥ samaṃ kaiścitkuryādācāramelanam |
kevalaṃ liṅginaḥ pālyā na bībhatsyā virūpakāḥ || 592 ||
[Analyze grammar]

śrīmadrātrikule coktaṃ mokṣaḥ śaṅkāpahānitaḥ |
aśuddhavāsasnayaiṣā mokṣavārtāpi durlabhā || 593 ||
[Analyze grammar]

na likhenmantrahṛdayaṃ śrīmanmāloditaṃ kila |
tadaṅgāduddharenmantraṃ natu lekhe vilekhayet || 594 ||
[Analyze grammar]

atattve'bhiniveśaṃ ca na kuryātpakṣapātataḥ |
jātividyākulācāradehadeśaguṇārthajān || 595 ||
[Analyze grammar]

grahāngrahānivāṣṭau drāktyajedgahvararśitān |
tathā śrīniśicārādau hayatvenopadarśitān || 596 ||
[Analyze grammar]

brāhmaṇo'haṃ mayā vedaśāstroktādaparaṃ katham |
anuṣṭheyamayaṃ jātigrahaḥ paranirodhakaḥ || 597 ||
[Analyze grammar]

evamanye'pyudāhāryāḥ kulagahvaravartmanā |
atatsvabhāve tādrūpyaṃ darśayannavaśe'pi yaḥ || 598 ||
[Analyze grammar]

svarūpācchādakaḥ so'tra graho graha ivoditaḥ |
saṃvitsvabhāve no jātiprabhṛtiḥ kāpi kalpanā || 599 ||
[Analyze grammar]

rūpaṃ sā tvasvarūpeṇa tadrūpaṃ chādayatyalam |
yā kācitkalpanā saṃvittattvasyākhaṇḍitātmanaḥ || 600 ||
[Analyze grammar]

saṃkocakāriṇī sarvaḥ sa grahastāṃ parityajet |
śrīmadānandaśāstre ca kathitaṃ parameṣṭhinā || 601 ||
[Analyze grammar]

nirapekṣaḥ prabhurvāmo na śuddhyā tatra kāraṇam |
devītṛptirmakhe raktamāṃsairno śaucayojanāt || 602 ||
[Analyze grammar]

dvijāntyajaiḥ samaṃ kāryā carcānte'pi marīcayaḥ |
avikārakṛtastena vikalpānnirayo bhavet || 603 ||
[Analyze grammar]

sarvadevamayaḥ kāyaḥ sarvaprāṇiṣviti sphuṭam |
śrīmadbhirnakuleśādyairapyetatsunirūpitam || 604 ||
[Analyze grammar]

śarīramevāyatanaṃ nānyadāyatanaṃ vrajet |
tīrthamekaṃ smarenmantramanyatīrthāni varjayet || 605 ||
[Analyze grammar]

vidhimenaṃ sukhaṃ jñātvā vidhijālaṃ parityajet |
samādhirniścayaṃ muktvā na cānyenopalabhyate || 606 ||
[Analyze grammar]

iti matvā vidhānajñaḥ saṃmohaṃ parivarjayet |
mantrasya hṛdayaṃ muktvā na cānyatparamaṃ kvacit || 607 ||
[Analyze grammar]

iti matvā vidhānajño mantrajālaṃ parityajet |
naivedyaṃ prāśayennadyāstaccheṣaṃ ca jale kṣipet || 608 ||
[Analyze grammar]

tairbhukte na bhaveddoṣo jalajaiḥ pūrvadīkṣitaiḥ |
avayaśpālanīyatvātparattvena saṃgamāt || 609 ||
[Analyze grammar]

jñānaprāptyabhyupāyatvātsamayāste prakīrtitāḥ |
evaṃ saṃśrāvya samayāndevaṃ saṃpūjya daiśikaḥ || 610 ||
[Analyze grammar]

visarjayetsvacidvyomni śānte mūrtivilāpanāt |
yadi putrakadīkṣāsya na kāryā samanantaram || 611 ||
[Analyze grammar]

tadābhiṣiñcetsāstreṇa śivakumbhena taṃ śiśum |
ātmānaṃ ca tato yasmājjalamūrtirmaheśvaraḥ || 612 ||
[Analyze grammar]

mantrayuṅnikhilāpyāyī kāryaṃ tadabhiṣecanam |
iti samayadīkṣaṇamidaṃ prakāśitaṃ vistarācca saṃkṣepāt || 613 ||
[Analyze grammar]