Tantraloka [sanskrit text]

by Jun Takashima | 2020 | 46,255 words

The Sanskrit text of the Tantraloka of Abhinavagupta including grammatical analysis, English glossary and comparative print editions. The Tantraloka (“light on Tantra”) was written by Abhinavagupta in the 10th century in Kashmir and represents a major Encyclopedic work in Shaivism dealing with many core aspects and terminology.

Book 14 - caturdaśamāhnikam

atha śrītantrāloke caturdaśamāhnikam |
tirobhāvasvarūpaṃ tu kathyamānaṃ vivicyatām |
svabhāvāt parameśāno niyatyaniyatikramam || 1 ||
[Analyze grammar]

spṛśanprakāśate yena tataḥ svacchanda ucyate |
niyatiṃ karmaphalayorāśrityaiṣa maheśvaraḥ || 2 ||
[Analyze grammar]

sṛṣṭisaṃsthitisaṃhārānvidhatte'vāntarasthitīn |
mahāsarge punaḥ sṛṣṭisaṃhārānantyaśālini || 3 ||
[Analyze grammar]

ekaḥ sa devo viśvātmā niyatityāgataḥ prabhuḥ |
avāntare yā ca sṛṣṭiḥ sthitiścātrāpyayantritam || 4 ||
[Analyze grammar]

nojjhatyeṣa vapustyaktaniyatiśca sthito'tra tat |
niyatyaiva yadā caiṣa svarūpācchādanakramāt || 5 ||
[Analyze grammar]

bhuṅkte duḥkhavimohādi tadā karmaphalakramaḥ |
tyaktvā tu niyamaṃ kārmaṃ duḥkhamohaparītatām || 6 ||
[Analyze grammar]

bibhāsayiṣurāste'yaṃ tirodhāne'napekṣakaḥ |
yathā prakāśasvātantryāt pratibuddho'pyabuddhavat || 7 ||
[Analyze grammar]

āste tadvadanuttīrṇo'pyuttīrṇa iva ceṣṭate |
yathā ca buddhastāṃ mūḍhaceṣṭāṃ kurvannapi dviṣan || 8 ||
[Analyze grammar]

hṛdyāste mūḍha evaṃ hi prabuddhānāṃ viceṣṭitam |
śrīvidyādhipatiścāha mānastotre tadīdṛśam || 9 ||
[Analyze grammar]

ye yauṣmāke śāsanamārge kṛtadīkṣāḥ saṃgacchanto mohavaśādvipratipattim |
nūnaṃ teṣā nāsti bhavadbhānuniyogaḥ saṅkocaḥ kiṃ sūryakaraistāmarasānām || 10 ||
[Analyze grammar]

jñātajñeyā dhātṛpadasthā api santo ye tvanmārgātkāpathagāste'pi na samyaka |
prāyasteṣāṃ laiṅgikabuddhyādisamuttho mithyābodhaḥ sarpavasādīpajakalpaḥ || 11 ||
[Analyze grammar]

yasmādviddhaṃ sūtakamukhyena nu tāmraṃ tadyadbhūyaḥ svāṃ prakṛtiṃ no samupeyāt |
no taiḥ pītaṃ bhūtalasaṃsthairamṛtaṃ tadyeṣāṃ tṛṭkṣudduḥkhavibādhāḥ punarasmin || 12 ||
[Analyze grammar]

tataḥ prabuddhaceṣṭāsau mantracaryārcanādikā |
dveṣeddhāntardahatyenaṃ dāhaḥ śaṅkaiva sā yataḥ || 13 ||
[Analyze grammar]

na cāsya karmamahimā tādṛgyenetthamāsta saḥ |
kiṃ hi tatkarma kasmādvā pūrveṇātra samo vidhiḥ || 14 ||
[Analyze grammar]

tasmātsā parameśecchā yayāyaṃ mohitastathā |
anantakālasaṃvedyaduḥkhapātratvamīhate || 15 ||
[Analyze grammar]

tatrāpi cecchāvaicitryādihāmutrobhayātmakaḥ |
duḥkhasyāpi vibhedo'sti ciraśaighryakṛtastathā || 16 ||
[Analyze grammar]

kālakāmāndhakādīnāṃ paulastyapuravāsinām |
tathānyeṣāṃ tirobhāvastāvadduḥkho hyamutra ca || 17 ||
[Analyze grammar]

anyo'pi ca tirobhāvaḥ samayollaṅghanātmakaḥ |
yaduktaṃ parameśena śrīmadānandagahvare || 18 ||
[Analyze grammar]

samayollaṅghanāddevi kravyādatvaṃ śataṃ samāḥ |
tatrāpi mandatīvrādibhedādbahuvidhaḥ kramaḥ || 19 ||
[Analyze grammar]

svātantryācca maheśasya tirobhūto'pyasau svayam |
paradvāreṇa vābhyeti bhūyo'nugrahamapyalam || 20 ||
[Analyze grammar]

bhūyo'nugrahataḥ prāyaścittādyācaraṇe sati |
anusāreṇa dīkṣādau kṛte syācchivatāmayaḥ || 21 ||
[Analyze grammar]

tirobhūtaḥ paretāsurapi bandhusuhṛdgurūn |
ālambya śaktipātena dīkṣādyairanugṛhyate || 22 ||
[Analyze grammar]

tatrāpi kālaśīghratvaciratvādivibhedatām |
tathaiti śaktipāto'sau yenāyāti śivātmatām || 23 ||
[Analyze grammar]

itthaṃ sṛṣṭisthitidhvaṃsatirobhāvamanugrahaḥ |
iti pañcasu kartṛtvaṃ śivatvaṃ saṃvidātmanaḥ || 24 ||
[Analyze grammar]

pañcakṛtyasvatantratvasaṃpūrṇasvātmamāninaḥ |
yogino'rcājapadhyānayogāḥ saṃsyuḥ sadoditāḥ || 25 ||
[Analyze grammar]

aindrajālikavṛttānte na rajyeta kadācana |
sādāśivo'pi yo bhogo bandhaḥ so'pyucitātmanām || 26 ||
[Analyze grammar]

jñātṛtvameva śivatā svātantryaṃ tadihocyate |
kulālavattu kartṛtvaṃ na mukhyaṃ tadadhiṣṭhiteḥ || 27 ||
[Analyze grammar]

iti jñātvā grahītavyā naiva jātvapi khaṇḍanā |
śivo'haṃ cenmadicchānuvarti kiṃ na jagattviti || 28 ||
[Analyze grammar]

mamecchāmanuvartantāmityatrāhaṃvidi sphuret |
śivo vā parameśāno dehādiratha nirmitaḥ || 29 ||
[Analyze grammar]

śivasya tāvadastyetaddehastveṣa tathā tvayā |
kṛtaḥ kānyā dehatāsya tatkiṃ syādvācyatāpadam || 30 ||
[Analyze grammar]

uktaṃ ca siddhasantānaśrīmadūrmimahākule |
pavanabhramaṇaprāṇavikṣepādikṛtaśramāḥ || 31 ||
[Analyze grammar]

kuhakādiṣu ye bhrāntāste bhrāntāḥ parame pade |
sarvatra bahumānena yāpyutkrāntirvimuktaye || 32 ||
[Analyze grammar]

proktā sā sāraśāstreṣu bhogopāyatayoditā |
yadi sarvagatā devo vadotkramya kva yāsyati || 33 ||
[Analyze grammar]

athāsarvagatastarhi ghaṭatulyastadā bhavet |
utkrāntividhiyogo'yamekadeśena kathyate || 34 ||
[Analyze grammar]

niraṃśe śivatattve tu kathamutkrāntisaṃgatiḥ |
yathā dharādau vāyvante bhṛgvambvagnyupavāsakaiḥ || 35 ||
[Analyze grammar]

ātmano yojanaṃ vyomni tadvadutkrāntivartanā |
tasmānnotkramayejjīvaṃ paratattvasamīhayā || 36 ||
[Analyze grammar]

śrīpūrvaśāstre tūktaṃ yadutkrānterlakṣaṇaṃ na tat |
muktyupāyatayā kiṃtu bhogahānyai tathaiṣaṇāt || 37 ||
[Analyze grammar]

japadhyānādisaṃsiddhaḥ svātantryācchaktipātataḥ |
bhogaṃ prati viraktaśceditthaṃ dehaṃ tyajediti || 38 ||
[Analyze grammar]

svacchandamṛtyorapi yad bhīṣmādeḥ śrūyate kila |
bhogavairasyasaṃprāptau jīvitāntopasarpaṇam || 39 ||
[Analyze grammar]

yogamantrāmṛtadravyavarādyaiḥ siddhibhāktanuḥ |
hātuṃ nahyanyathā śakyā vinoktakramayogataḥ || 40 ||
[Analyze grammar]

uktaṃ ca mālinītantre parameśena tādṛśam |
sarvamapyathavā bhogaṃ manyamāno virūpakam || 41 ||
[Analyze grammar]

ityādi vadatā sarvairalakṣyāntaḥsatattvakam |
evaṃ sṛṣṭyādikartavyasvasvātantryopadeśanam || 42 ||
[Analyze grammar]

yatsaiva mukhyadīkṣā syācchiṣyasya śivadāyinī |
uktaṃ śrīniśicāre ca bhairavīyeṇa tejasā || 43 ||
[Analyze grammar]

vyāptaṃ viśvaṃ prapaśyanti vikalpojjhitacetasaḥ |
vikalpayuktacittastu piṇḍapātācchivaṃ vrajet || 44 ||
[Analyze grammar]

bāhyadīkṣādiyogena caryāsamayakalpanaiḥ |
avikalpastathādyaiva jīvanmukto na saṃśayaḥ || 45 ||
[Analyze grammar]

saṃsārajīrṇatarumūlakalāpakalpasaṃkalpasāntaratayā paramārthavahneḥ |
syurvisphuliṅgakaṇikā api cettadante dedīpyate vimalabodhahutāśarāśiḥ || 46 ||
[Analyze grammar]

itthaṃ dīkṣopakramo'yaṃ darśitaḥ śāstrasaṃmataḥ || 47 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Tantraloka caturdaśamāhnikam

Cover of edition (2015)

Sri Tantraloka
by Satya Prakash Singh & Swami Maheshvarananda (2015)

The Only Complete Edition with Sanskrit Text and English Translation (Set of 9 Volumes); 9788187471868; [Standard Publishers India]

Buy now!
Cover of edition (2000)

Sri Tantraloka (Set of 8 Volumes)
by Paramahansa Mishra (2000)

[श्री तन्त्रालोकः (संस्कृत एवं हिंदी अनुवाद)] Sanskrit Text with Hindi Translation; Published by Sampurnanand Sanskrit University; With two commentaries: Viveka (विवेक) by Ācārya Śrī Jayaratha and Nīrakṣīraviveka (नीरक्षीरविवेक) by Paramhans Mishra.

Buy now!
Cover of edition (2002)

Tantraloka of Abhinavagupta (with Jnanavati Hindi commentary)
by Radheshyam Chaturvedi (2002)

[आचार्य अभिनवगुप्त द्वारा रचित तंत्रलोक: संस्कृत एवम् हिन्दी अनुवाद (पाँच खंडों में)] Sanskrit Text with Hindi Translation and Commentary; Published by Chaukhambha Vidya Bhawan.

Buy now!
Cover of edition (2018)

Sri Tantraloka of Abhinavagupta
by Giriratna Misra (2018)

With Viveka Saṃskṛta Commentary by Rājānaka Jayaratha; Sanskrit Text, Transliteration, Sarveshwari English commentary; With Glossary and Central Idea of Each Śloka; Published by Chaukhamba Surbharati Prakashan

Buy now!
Like what you read? Consider supporting this website: