Chapter 4

[English text for this chapter is available]

śrīprahlāda uvāca |
evaṃ saṃpūjitastena hariṇā brāhmaṇottamaḥ |
uvāca parisantuṣṭo varaṃ brūhīti keśavam || 1 ||
[Analyze grammar]

śrīkṛṣṇa uvāca |
yadi tuṣṭo'si bhagavanyadi deyo varo mama |
sthātavyamatra bhavatā na tyaktavyaṃ kadācana || 2 ||
[Analyze grammar]

durvāsā uvāca |
yadi tiṣṭhāmyahaṃ kṛṣṇa tathā tvamapi keśava |
tiṣṭhasva ṣoḍaśakalo nityaṃ madvacanena hi || 3 ||
[Analyze grammar]

śrīkṛṣṇa uvāca |
ye'tra paśyaṃti bhaktyā tvāṃ māṃ cāpi dvijasattama |
kiṃ dāsyasi phalaṃ teṣāṃ bhāvināṃ bhagavanvada || 4 ||
[Analyze grammar]

durvāsā uvāca |
yaḥ snātvā saṃgame kṛṣṇa gomatyāḥ sāgarasya ca |
tvāṃ māṃ samarcati naraḥ sarvapāpaiḥ samucyate || 5 ||
[Analyze grammar]

tathānyacchṛṇu kṛṣṇātra snātvā dāsyati yaddhanam |
mama dattasya deveśa prāpnuyātṣoḍaśottaram || 6 ||
[Analyze grammar]

śrīkṛṣṇa uvāca |
yo naraḥ pūjayitvā tvāṃ pūjayiṣyati māmiha |
tasya muktiṃ pradāsyāmi yā surairapi durllabhā || 7 ||
[Analyze grammar]

prahlāda uvāca |
parasparaṃ varau dattvā kṛṣṇadurvāsasau mudā |
tataḥ prabhṛti viprendrāstasminsthāne hyatiṣṭhatām |
varadānamiti proktaṃ tattīrthaṃ sarvakāmadam || 8 ||
[Analyze grammar]

varadāne naraḥ snāto gosahasraphalaṃ labhet |
viṣṇudurvāsasoryatra varadānamabhūtpurā || 9 ||
[Analyze grammar]

tadāprabhṛti viprendrāstiṣṭhate dvārakāṃ hariḥ |
durvāsasā girā baddho na jahāti kadācana || 10 ||
[Analyze grammar]

yatra traivikramī mūrtirvahate yatra gomatī |
narā muktiṃ prayāsyaṃti cakratīrthena saṃgatāḥ || 11 ||
[Analyze grammar]

kalevaraṃ parityaktaṃ prabhāse hariṇā yadā |
kalābhiḥ sahitaṃ tejastasyāṃ mūrtau niveśitam || 12 ||
[Analyze grammar]

tasmātkaliyuge viprā nānyatra prāpyate hariḥ |
yadi kāryyaṃ hi kṛṣṇena tatra gacchata mā ciram || 13 ||
[Analyze grammar]

ṛṣaya ūcuḥ |
sādhu bhāgavataśreṣṭha sādhu mārgapradarśaka |
yattvayā hi parijñātaṃ tanna jānāti kaścana || 14 ||
[Analyze grammar]

kiṃ phalaṃ gamane tasyāṃ kiṃ phalaṃ kṛṣṇadarśane |
kāni tīrthāni tatraiva ke devāstadvadasva naḥ || 15 ||
[Analyze grammar]

kasminmāse tithau kasyāṃ kasminparvaṇi mānavaiḥ |
gantavyaṃ kāni deyāni dānāni danujarṣabha || 16 ||
[Analyze grammar]

sūta uvāca |
iti pṛṣṭastadā taistu mahābhāgavato'suraḥ |
kathayāmāsa viprebhyo bhagavadbhaktisaṃyutaḥ || 17 ||
[Analyze grammar]

prahlāda uvāca |
bho bhūmidevāḥ śṛṇuta paraṃ guhyaṃ sanātanam |
yatkasyacinna cākhyātaṃ tadvadāmi suvistarāt || 18 ||
[Analyze grammar]

yadā matiṃ ca kurute dvārakāgamanaṃ prati |
tadā narakanirmuktā gāyanti pitaro divi || 19 ||
[Analyze grammar]

yāvatpadāni kṛṣṇasya mārge gacchati mānavaḥ |
padepade'śvamedhasya yajñasya labhate phalam || 20 ||
[Analyze grammar]

yātrārthaṃ devadevasya yaḥ prerayati cāparān |
mānavānnātra sandeho labhate vaiṣṇavaṃ padam || 21 ||
[Analyze grammar]

dvārakāṃ gacchamānasya yo dadāti pratiśrayam |
tathaiva madhurāṃ vācaṃ nandate krīḍate hi saḥ || 22 ||
[Analyze grammar]

adhvani śrāṃtadehasya vāhanaṃ yaḥ prayacchati |
haṃsayuktena sa naro vimānena divaṃ vrajet || 23 ||
[Analyze grammar]

yātrāyāṃ gacchamānasya madhyāhne kṣudhitasya ca |
annaṃ dadāti yo bhaktyā śṛṇu tasyāpi yadbhavet || 24 ||
[Analyze grammar]

gayāśrāddhena yatpuṇyaṃ labhate mānavo bhuvi |
annadānena tatpuṇyaṃ pitṝṇāṃ tṛptirakṣayā || 25 ||
[Analyze grammar]

upānahau tu yo dadyāddvārakāṃ prati gacchatām |
kṛṣṇaprasādātsa naro gajaskandhena gacchati || 26 ||
[Analyze grammar]

vighnamācarate yastu dvārakāṃ prati gacchatām |
narake majjate mūḍhaḥ kalpamātraṃ tu raurave || 27 ||
[Analyze grammar]

mārgasthitasya yo dhanyaḥ prayacchati kamaṇḍalu्m |
prapādānasahasrasya phalamāpnoti mānavaḥ || 28 ||
[Analyze grammar]

yātrāyāṃ gacchamānasya pādabhyaṃgaṃ dadāti yaḥ |
pādaprakṣālanaṃ caiva sarvānkāmānavāpnuyāt || 29 ||
[Analyze grammar]

gāthāṃ śṛṇoti yo viṣṇorgītaṃ ca gāyataḥ pathi |
dānaṃ dadāti viprendrāstasmāddhanyataro na hi || 30 ||
[Analyze grammar]

kailāsaśikharāvāsaṃ śvetābhramiva nirmalam |
prāsādaṃ kṛṣṇadevasya yaḥ paśyati narottamaḥ || 31 ||
[Analyze grammar]

dūrāddhemamayaṃ dṛṣṭvā kalaśaṃ dhvajasaṃyutam |
vāhanaṃ saṃparityajya luṭhate dharaṇīṃ gataḥ || 32 ||
[Analyze grammar]

pañcasūnākṛtaṃ pāpaṃ tathā'dharmakṛtaṃ ca yat |
kṛmikīṭapataṃgāśca nihatāḥ pathi gacchatā |
parānnaṃ parapānīyamaspṛśya sparśasaṃgamam |
tatsarvaṃ nāśamāpnoti bhagavatketudarśanāt || 34 ||
[Analyze grammar]

paṭhennāmasahasraṃ tu stavarājamathāpi vā |
gajendramokṣaṇaṃ caiva pathi gacchañchanaiḥ śanaiḥ || 35 ||
[Analyze grammar]

gāyamāno bhagavataḥ prādurbhāvānanekadhā |
nṛtyadbhirharṣasaṃyuktairhṛṣyamāṇaḥ punaḥpunaḥ |
svayaṃ nṛtyanharṣayukto bhakto gaccheddhareḥ puram || 36 ||
[Analyze grammar]

viṣṇoḥ krīḍākaraṃ sthānaṃ bhuktimuktipradāyakam |
yasmindṛṣṭe kalau nṝṇāṃ muktirevopajāyate || 37 ||
[Analyze grammar]

prahlāda uvāca |
pūrvaṃ hi devarājena bṛhaspatirudāradhīḥ |
praṇamya parayā bhaktyā pṛṣṭaśca sa mahāmatiḥ || 38 ||
[Analyze grammar]

indra uvāca |
dvārakāyāśca māhātmyaṃ kathayasva prasādataḥ |
caturyugaṃ yathābhāgairdharmavṛddhiṃ jano labhet || 39 ||
[Analyze grammar]

etacchrutvā mahendrasya vacanaṃ munisattamāḥ |
bṛhaspatiruvācainaṃ mahendraṃ deva saṃvṛtam || 40 ||
[Analyze grammar]

bṛhaspatiruvāca |
kṛtaṃ tretā dvāparaṃ ca kaliśca surasattama |
caturyugamidaṃ proktaṃ tattvato munisattamaiḥ || 41 ||
[Analyze grammar]

kṛte dharmaścatuṣpādo vedādiphalameva ca |
tīrthaṃ dānaṃ tapo vidyā dhyānamāyurarogatā || 42 ||
[Analyze grammar]

pādahīnaṃ sarvametadyugaṃ tretābhidhaṃ prabho |
pādadvayaṃ dvāpare tu sarvasyaitasya vāsava || 43 ||
[Analyze grammar]

pādenaikena tatsarvaṃ vibhāge prathame kalau |
ūrdhvaṃ vināśaḥ sarvasya bhaviṣyati na saṃśayaḥ || 44 ||
[Analyze grammar]

mantrāstīrthāni yajñāśca tapo daivādikaṃ tathā |
pragacchaṃti samucchedaṃ vedāḥ śāstrāṇi caiva hi || 45 ||
[Analyze grammar]

mlecchaprāyāśca bhūpālā bhaviṣyantyamarādhipa |
lokaḥ kariṣyate nindāṃ sādhūnāṃ vratacāriṇām || 46 ||
[Analyze grammar]

prahlāda uvāca |
śrutvā bṛhaspatervākyametattīrthasya bho dvijāḥ |
prakaṃpitāḥ surāḥ sarve mleccha saṃsargajādbhayāt || 47 ||
[Analyze grammar]

bṛhaspatiṃ suraguruṃ papracchurvinayānvitāḥ |
mlecchasaṃsargajo doṣo gaṃgayāpi na pūyate || 48 ||
[Analyze grammar]

kathayasva prasādena sthānaṃ kalivivarjitam |
yatra gatvā nivatsyāmo yāsyāmo nirvṛtiṃ parām || 49 ||
[Analyze grammar]

yena duḥkhavinirmuktā bhaviṣyāmo gatavyathāḥ |
kṛpayā sumukho bhūtvā brūhi tīrthaṃ hitāya naḥ || 50 ||
[Analyze grammar]

prahlāda uvāca |
etacchrutvā surendrasya vākyamaṃgirasāṃ varaḥ |
ciraṃ dhyātvā jagādedaṃ vākyaṃ devapurohitaḥ || 51 ||
[Analyze grammar]

bṛhaspatiruvāca |
pañcakrośapramāṇaṃ hi tīrthaṃ tīrthavarottamam |
dvārakānāma vikhyātaṃ kalidoṣavivarjitam || 52 ||
[Analyze grammar]

viṣṇunā nirmitaṃ sthānaṃ lokasya gatidāyakam |
muktidaṃ kalikāle tu jñānahīnajanasya ca || 53 ||
[Analyze grammar]

ūṣaraṃ karmaṇāṃ kṣetraṃ puṇyaṃ pāpavināśanam |
na prarohaṃti pāpāni punarnaṣṭāni tatra vai || 54 ||
[Analyze grammar]

tisraḥ koṭayo'rdhakoṭī ca tīrthānīha mahītale || 55 ||
[Analyze grammar]

evaṃ tīrthayutā tatra dvārakā muktidāyakā |
sevanīyā prayatnena prāpya mānuṣyamuttamam || 56 ||
[Analyze grammar]

prahlāda uvāca |
bṛhaspatervacaḥ śrutvā śatakraturathā'bravīt |
vācaspate mama ihi dvāravatyā mahodayam |
gamane kiṃ phalaṃ proktaṃ kṛṣṇadevasya darśane || 57 ||
[Analyze grammar]

anyāni tatra tīrthāni mukhyāni vada me guro |
yathābhiṣeke gomatyāḥ phalaṃ yadapi saṃgame || 58 ||
[Analyze grammar]

bṛhaspatiruvāca |
śrūyatāṃ tāta vakṣyāmi māhātmyaṃ dvārakodbhavam |
manuṣyarūpo bhagavānyatra krīḍati keśavaḥ || 59 ||
[Analyze grammar]

nārāyaṇaḥ sa īśāno dhyeyaścādau jaganmayaḥ |
sa eva devatāmukhyaḥ purīṃ dvāravatīṃ sthitaḥ || 60 ||
[Analyze grammar]

ekaikasminpade datte purīṃ dvāravatīṃ prati |
puṇyaṃ kratusahasreṇa kalau bhavati dehinām || 61 ||
[Analyze grammar]

kalau kṛṣṇapurīṃ ramyāṃ ye gacchaṃti narottamāḥ |
kulakoṭiśatairyuktāste gacchanti hareḥ padam || 62 ||
[Analyze grammar]

ye dhyāyaṃti manovṛttyā gamanaṃ dvārakāṃ prati |
teṣāṃ vilīyate pāpaṃ pūrvajanmāyutaiḥ kṛtam || 63 ||
[Analyze grammar]

kṛṣṇasya darśane buddhirjāyate yasya dehinaḥ |
vaktrāvalokanāttasya pāpaṃ yāti sahasradhā || 64 ||
[Analyze grammar]

ye gatā dvārakāyāṃ ca ye mṛtāḥ kṛṣṇasannidhau |
na teṣāṃ punarāvṛttiryāvadābhūtasaṃplavam || 65 ||
[Analyze grammar]

sulabhā mathurā kāśī hyavantī ca tathā surāḥ |
ayodhyā sulabhā loke durlabhā dvārakā kalau || 66 ||
[Analyze grammar]

gatvā kṛṣṇapurīṃ ramyāṃ ṣaṇmāsātkṛṣṇasaṃnidhau |
jīvanmuktāstu te jñeyāḥ satyametatsurottama || 67 ||
[Analyze grammar]

kṛṣṇakrīḍākaraṃ sthānaṃ vāñchanti manasā priye |
teṣāṃ hṛdi sthitaṃ pāpaṃ kṣālayetpretanāyakaḥ || 68 ||
[Analyze grammar]

atyugrāṇyapi pāpāni tāvattiṣṭhanti vigrahe |
yāvanna gacchati naraḥ kalau dvāravatīṃ prati || 69 ||
[Analyze grammar]

puṇyasaṃkhyā ca tīrthānāṃ brahmaṇā vihitā purā |
dānādhyayana saṃjñānāṃ muktvā dvāravatīṃ kalau || 70 ||
[Analyze grammar]

cakratīrthe tu yo gacchetprasaṃgenāpi mānavaḥ |
kulaikaviṃśatiyutaḥ sa gacchetparamaṃ padam || 71 ||
[Analyze grammar]

lobhenā'pyaparādhena dambhena kapaṭena vā |
cakratīrthaṃ ca yo gacchenna punarviśate bhavam || 72 ||
[Analyze grammar]

prayāge hyasthipātena yatphalaṃ parikīrtitam |
tadeva śatasāhasraṃ cakratīrthāsthipātanāt || 73 ||
[Analyze grammar]

pṛthivyāṃ caiva tattīrthaṃ paramaṃ parikīrtitam |
cakratīrthamiti khyātaṃ brahmahatyāvināśanam || 74 ||
[Analyze grammar]

ye ye kule bhaviṣyaṃti tatpūrvaṃ mānavāḥ kṣitau |
sarve viṣṇupuraṃ yāṃti cakratīrthāsthipātanāt || 75 ||
[Analyze grammar]

kiṃ jātairbahubhiḥ putrairgaṇanāpūrakātmakaiḥ |
varameko bhavetputraścakratīrthaṃ tu yo vrajet || 76 ||
[Analyze grammar]

tapasā kiṃ prataptena dānenādhyayanena kim |
sarvāvastho'pi mucyeta gataḥ kṛṣṇapurīṃ yadi || 77 ||
[Analyze grammar]

kalikāla kṛtairdoṣairatyugrairapi mānavaḥ |
kalau kṛṣṇamukhaṃ dṛṣṭvā lipyate na kadācana || 78 ||
[Analyze grammar]

dānaṃ cādhyayanaṃ śaucaṃ kāraṇaṃ na hi putraka |
hīnavarṇo'pi pāpātmā gataḥ kṛṣṇapurīṃ yadi || 79 ||
[Analyze grammar]

vārāṇasyāṃ kurukṣetre narmadāyāṃ ca yatphalam |
tatphalaṃ nimiṣārdhena dvāravatyāṃ dinedine || 80 ||
[Analyze grammar]

dhanyānāmapi dhanyāste devānāmapi devatāḥ |
kṛṣṇopari matiryeṣāṃ hīyate na kadācana || 81 ||
[Analyze grammar]

śravaṇadvādaśīyoge gomatyudadhisaṃgame |
snātvā kṛṣṇasutaṃ dṛṣṭvā lipyate naiva sa kvacit || 82 ||
[Analyze grammar]

yasya kasyāpi māsasya dvādaśī prāpya mānavaḥ |
kṛṣṇakrīḍāpurīṃ dṛṣṭvā muktaḥ saṃsāragahvarāt || 83 ||
[Analyze grammar]

yeṣāṃ kṛṣṇālaye prāṇā gatāḥ surapate kalau |
svargānna teṣāmāvṛttiḥ kalpakoṭiśatairapi || 84 ||
[Analyze grammar]

vijñeyā mānuṣā vatsa garbhasthāste mahītale |
dvāravatyāṃ na yairdevo dṛṣṭaḥ kaṃsaniṣūdanaḥ || 85 ||
[Analyze grammar]

durlabho dvārakāvāso durlabhaṃ kṛṣṇadarśanam |
durlabhaṃ gomatīsnānaṃ durlabho rukmiṇīpatiḥ || 86 ||
[Analyze grammar]

tapaḥ paraṃ kṛtayuge tretāyāṃ jñānamucyate |
dvāpare tu paro yajñaḥ kalau keśavakīrtanam || 87 ||
[Analyze grammar]

hemabhārasahasraistu dattairyatphalamāpyate |
dṛṣṭvā tatkoṭi guṇitaṃ hareḥ sarvapradaṃ mukham || 88 ||
[Analyze grammar]

dvārakāyāṃ ca yaddattaṃ śaṃkhoddhāre tathaiva ca |
piṃḍārake mahātīrthe dattaṃ caivākṣayaṃ bhavet || 89 ||
[Analyze grammar]

gomahiṣyādi yaddattaṃ suvarṇavasanāni ca |
vṛṣo bhūmigraho rūpyaṃ kanyādānaṃ tathaiva ca || 90 ||
[Analyze grammar]

yaccānyadapi devendra triṣu sthāneṣu yacchati |
tanmuktikārakaṃ proktaṃ pitṝṇāmātmanastathā || 91 ||
[Analyze grammar]

ūṣaraṃ hi yato loke kṣetrametatprakīrtitam |
ato muktikaraṃ sarvaṃ dānaṃ coktaṃ maharṣibhiḥ || 92 ||
[Analyze grammar]

yatkiṃcitkurute tatra dānaṃ krīḍāvagāhanam |
tadanantaphalaṃ prāha bhagavānmadhusūdanaḥ || 93 ||
[Analyze grammar]

pretatvaṃ naiva tasyāsti na yāmyā nārakī vyathā |
yena dvāravatīṃ gatvā kṛtaṃ kṛṣṇā'valokanam || 94 ||
[Analyze grammar]

vārimātreṇa gomatyāṃ piṇḍadāne kṛte kalau |
pitṝṇāṃ jāyate tṛptiryāvadābhūtasaṃplavam || 95 ||
[Analyze grammar]

nityaṃ kṛṣṇapurīṃ ramyāṃ ye smaranti gṛhasthitāḥ |
namasyāḥ sarvalokānāṃ devānāṃ ca surottama || 96 ||
[Analyze grammar]

brahmajñānaṃ gayāśrāddhaṃ maraṇaṃ gograheṣu ca |
vāsaḥ puṃsāṃ dvārakāyāṃ muktireṣā caturvidhā || 97 ||
[Analyze grammar]

brahmajñānena mucyante prayāge maraṇena vā |
athavā snānamātreṇa gomatyāṃ kṛṣṇasaṃnidhau || 98 ||
[Analyze grammar]

kṛtārthaḥ kṛtapuṇyo'haṃ bravītyevaṃ mahodadhiḥ |
pavitritaṃ ca madgātraṃ gomatīvārisaṃplavāt || 99 ||
[Analyze grammar]

atyugrāṇyapi pāpāni tāvattiṣṭhaṃti vigrahe |
yāvatsnānaṃ na gomatyāṃ vāriṇā pāpahāriṇā || 100 ||
[Analyze grammar]

cakratīrthe naraḥ snātvā gomatyāṃ rukmiṇīhrade |
dṛṣṭvā kṛṣṇamukhaṃ ramyaṃ kulānāṃ tārayecchatam || 101 ||
[Analyze grammar]

kṛṣṇaṃ ca ye dvāravatīṃ manuṣyāḥ smaraṃti nityaṃ haribhaktiyuktāḥ |
vidhūtapāpāḥ kila saṃbhavāṃte gacchaṃti lokaṃ paramaṃ murāreḥ || 102 ||
[Analyze grammar]

adhautapādaḥ prathamaṃ namaskuryādgaṇeśvaram |
sarvavighravināśaśca jāyate nātra saṃśayaḥ || 103 ||
[Analyze grammar]

nīlotpaladalaśyāmaṃ kṛṣṇaṃ devakinandanam |
daṇḍavatpraṇametprītyā praṇamedagrajaṃ punaḥ || 104 ||
[Analyze grammar]

bālye ca yatkṛtaṃ pāpaṃ kaumāre yauvane tathā |
darśanātkṛṣṇadevasya tannaśyennātra saṃśayaḥ || 105 ||
[Analyze grammar]

vāṇyā'tha manasā yacca karmaṇā samupārjitam |
pāpaṃ janmasahasreṇa tannaśyennātra saṃśayaḥ || 106 ||
[Analyze grammar]

hemabhārasahasraistu dattairyatphalamāpyate |
tatphalaṃ koṭiguṇitaṃ kṛṣṇavaktrāvalokanāt || 107 ||
[Analyze grammar]

namaskṛtya ca deveśaṃ puṇḍarīkākṣamacyutam |
durvāsasaṃ maheśānaṃ dvārakāparirakṣakam || 108 ||
[Analyze grammar]

praṇamya parayā bhaktyā vainateyasamanvitam |' |
dvāramāgatya ca punaḥ svargadvāropamaṃ śubham || 109 ||
[Analyze grammar]

viśramya ca muhūrttārddhaṃ suhṛdbhirbāndhavairvṛtaḥ |
tatrāśritānsamāhūya brāhmaṇānmantrakovidān |
pūjādravyaṃ samānīya tatastīrthaṃ vrajedbudhaḥ || 110 ||
[Analyze grammar]