Chapter 5

[English text for this chapter is available]

prahlāda uvāca |
tato gaccheddvijaśreṣṭhā gomatīṃ kṛṣṇasaṃśrayām |
yasyā darśanamātreṇa mucyate sarvapātakaiḥ |
sarvapāpavinirmuktaḥ kṛṣṇasāyujyamāpnuyāt || 1 ||
[Analyze grammar]

duritaughakṣayakaramamaṃgalyavināśanam |
sarvakāmapradaṃ nṝṇāṃ praṇamedgomatījalam || 2 ||
[Analyze grammar]

mahāpāpakṣayakaramagatīnāṃgatipradam |
pūrvapuṇyavaśātprāptaṃ praṇamedgomatījalam || 3 ||
[Analyze grammar]

ṛṣaya ūcuḥ |
daityendra saṃśayo'smākaṃ taṃ tvaṃ chettumihārhasi |
iyaṃ kā gomatī tatra kenānītā mahāmate || 4 ||
[Analyze grammar]

kena kāryavaśeneha saṃprāptā varuṇālayam |
sarvaṃ bhāgavataśreṣṭha hyetadvistarato vada || 5 ||
[Analyze grammar]

prahlāda uvāca |
ekārṇave purā bhūte naṣṭe sthāvara jaṃgame |
tadā brahmā samabhavadviṣṇornābhisaroruhāt || 6 ||
[Analyze grammar]

ādiṣṭaḥ prabhuṇā brahmā sṛjasva vividhāḥ prajāḥ |
iti dhātā samādiṣṭo hariṇā sṛṣṭi kāraṇe || 7 ||
[Analyze grammar]

uktvā bāḍhamiti brahmā tataḥ sṛṣṭau mano dadhe |
sasarja mānasātsadyaḥ sanakādyānkumārakān |
uvāca vacanaṃ brahmā prajāḥ sṛjata putrakāḥ || 8 ||
[Analyze grammar]

brahmaṇo vacanaṃ śrutvā te kṛtāṃjalayo'bruvan |
bhagavanbhagavadrūpaṃ draṣṭukāmā vayaṃ prabho || 9 ||
[Analyze grammar]

na bandhamanuvarttāmaḥ sṛṣṭirūpaṃ durāsadam |
ityuktvā te yayuḥ sarve sanakādyā kumārakāḥ || 10 ||
[Analyze grammar]

paścimāṃ diśamāsthāya tīre nadanadīpateḥ |
tejomayasya rūpasya draṣṭukāmā mahātmanaḥ |
tasminmānasamādhāya tepire paramaṃ tapaḥ || 11 ||
[Analyze grammar]

bahuvarṣasahasraistu prasanne dharaṇīdhare |
bhittvā jalaṃ samuttasthau tejorūpaṃ durāsadam || 12 ||
[Analyze grammar]

anekadaityadamanaṃ bahuyaṃtravidāraṇam |
sūryakoṭiprabhābhāsaṃ sahasrāraṃ sudarśanam || 13 ||
[Analyze grammar]

taṃ dṛṣṭvā vismitāḥ sarve brahmaputrāḥ parasparam |
vīkṣamāṇā bhagavataḥ paramāyudhamuttamam || 14 ||
[Analyze grammar]

tānvilokya tathābhūtānvāguvācāśarīriṇī |
bho brahmaputrā bhagavāñchrīghramāvirbhaviṣyati || 15 ||
[Analyze grammar]

arhaṇārthaṃ bhagavataḥ śīghramarghyaṃ prakalpyatām |
āyudhaṃ lokanāthasya dvijāḥ śīghraṃ prasādyatām || 16 ||
[Analyze grammar]

tacchrutvā'kāśavacanaṃ tuṣṭuvuste sudarśanam || 1 ||
[Analyze grammar]

ṛṣaya ucuḥ |
jyotirmaya namaste'stu namaste harivallabha |
sudarśana namaste'stu sahasrārā'kṣarā'vyaya || 18 ||
[Analyze grammar]

namaste sūryarūpāya brahma rūpāya te namaḥ |
amoghāya namastubhyaṃ rathāṃgāya namonamaḥ || 19 ||
[Analyze grammar]

evaṃ te pūjayāmāsuḥ sumanobhistathā'kṣataiḥ || 20 ||
[Analyze grammar]

stavairnānāvidhaiḥ stutvā praṇemurharivallabham |
tatprasādya sunābhaṃ tu prabhusaṃdarśanotsukāḥ || 20 ||
[Analyze grammar]

asmaranmanasā devaṃ brahmāṇaṃ pitaraṃ svakam |
teṣāṃ tu ciṃtitaṃ jñātvā brahmā gaṃgāmathābravīt || 21 ||
[Analyze grammar]

yāhi śīghraṃ saricchreṣṭhe pṛthivyāṃ harikāraṇāt |
gāṃ gatā tvaṃ mahābhāge tato bahumatā'si me || 22 ||
[Analyze grammar]

urvyāṃ te gomatī nāma suprasiddhaṃ bhaviṣyati || 23 ||
[Analyze grammar]

vasiṣṭhasyānugā bhūtvā yāhi śīghraṃ dharātalam |
tātaṃ putrīvānuyātā vasiṣṭhatanayā bhava || 24 ||
[Analyze grammar]

bāḍhamityeva sā devī prasthitā varuṇālayam |
vasiṣṭhastvagrato yāti taṃ gaṃgā pṛṣṭhato'nvagāt || 25 ||
[Analyze grammar]

tāṃ dṛṣṭvā manujāḥ sarve vasiṣṭhena samanvitām |
namaścakrurmahābhāgāṃ gacchato paścimārṇavam || 26 ||
[Analyze grammar]

āvirbabhūva tatraiva yatra te munayaḥ sthitāḥ |
draṣṭukāmā hare rūpaṃ śriyā juṣṭaṃ caturbhujam || 27 ||
[Analyze grammar]

dṛṣṭvā vasiṣṭhamanugāmāyāntīṃ surapāvanīm |
avākiranmahābhāgāṃ sumanobhiśca sarvaśaḥ || 28 ||
[Analyze grammar]

divyairmālyaiḥ sugandhaiśca gandhadhūpaistathā'kṣataiḥ |
saṃpūjya hṛṣṭamanasaḥ sādhusādhviti cābruvan || 29 ||
[Analyze grammar]

vasiṣṭhaṃ te'gragaṃ dṛṣṭvā hyudatiṣṭhaṃstato dvijāḥ |
arghyādisatkriyāṃ kṛtvā prahṛṣṭā idamabruvan || 30 ||
[Analyze grammar]

yasmāttvayā samānītā hyasmiṃlloke saridvarā |
tasmāttava sutetyevaṃ khyātiṃ loke gamiṣyati || 31 ||
[Analyze grammar]

goḥ svargādāgatā yasmādidaṃ sthānaṃ matī matā |
tasmāddhi gomatīnāma khyātiṃ loke gamiṣyati || 32 ||
[Analyze grammar]

asyā darśanamātreṇa muktiṃ yāsyaṃti mānavāḥ |
kiṃ punaḥ snāna dānādi kṛtvā yāṃti hareḥ padam || 33 ||
[Analyze grammar]

tāmeva cārghyaṃ dattvā te yogīṃdrā īḍire harim |
paraṃ puruṣasūktena puruṣaṃ śeṣaśāyinam || 34 ||
[Analyze grammar]

iti saṃstuvatāṃ teṣāṃ harirāvirbabhūva ha |
pītakauśeyavasano vanamālāvibhūṣitaḥ |
divyamālyānuliptāṃgo divyābharaṇabhūṣitaḥ || 35 ||
[Analyze grammar]

śeṣāsanagataṃ devaṃ divyānekodyatāyudham |
jvalatkirīṭamukuṭaṃ sphuranmakarakuṃḍalam || 36 ||
[Analyze grammar]

bhaktābhayapradaṃ śāṃtaṃ śrīvatsāṃkaṃ mahābhujam |
sadā prasannavadanaṃ ghanaśyāmaṃ caturbhujam || 37 ||
[Analyze grammar]

pādasaṃvāhanāsaktalakṣmyā juṣṭaṃ manoharam |
taṃ dṛṣṭvā munayaḥ sarve harṣotkarṣasamanvitāḥ |
viṣṇuṃ te viṣṇusūktaiśca tuṣṭuvurvedasaṃbhavaiḥ || 38 ||
[Analyze grammar]

evaṃ saṃstuvatā teṣāṃ viṣṇurdīnānukaṃpakaḥ |
uvāca suprasannena manasā dvijasattamān || 39 ||
[Analyze grammar]

śrībhagavānuvāca |
bhobhoḥ kumārāstuṣṭo'haṃ pradāsyāmi yathepsitam |
bhaviṣyatha jñānayutā aspṛṣṭā mama māyayā || 40 ||
[Analyze grammar]

yasmānmokṣārthibhirviprā jalenāhaṃ prasāditaḥ |
tasmādidaṃ paraṃ tīrthaṃ sarvakāmapradaṃ param || 41 ||
[Analyze grammar]

anugrahāya bhavatāṃ yatra cakraṃ sudarśanam |
niḥsṛtaṃ prathamaṃ viprā jalaṃ bhittvā mamāgrataḥ || 42 ||
[Analyze grammar]

cakratīrthamiti khyātaṃ tasmādetadbhaviṣyati |
mamāpi niyataṃ vāso bhaviṣyati mahārṇave || 43 ||
[Analyze grammar]

ye'tra snānaṃ prakurvaṃti prasaṃgenāpi mānavāḥ |
cakratīrthe dvijaśreṣṭhāsteṣāṃ muktiḥ kare sthitā || 44 ||
[Analyze grammar]

bhavato'pi sadā hyatra tiṣṭhadhvaṃ ca dvijarṣabhāḥ |
vāyubhūtāṃtarikṣasthāḥ sarvakāmasya dāyakāḥ || 45 ||
[Analyze grammar]

prahlāda uvāca |
tacchrutvā hṛṣṭamanasaḥ kṛtvārghyaṃ surapāvanīm |
avanijya hareḥ pādau mūrdhnā'paścāpyadhārayan || 46 ||
[Analyze grammar]

prakṣālya sā hareḥ pādau praviṣṭā varuṇālayam |
tasminmahāpāpaharā gomatī sāgaraṃ gatā || 47 ||
[Analyze grammar]

varaṃ dattvā tato viṣṇustatraivāntara dhīyata |
sanakādyā brahmasutāstasthustatra samāhitāḥ || 48 ||
[Analyze grammar]

evaṃ sā gomatī tatra saṃjātā sāgaraṃgamā |
sarvapāpaharā proktā pūrvagaṃgeti yā śrutā || 49 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmyaṃ sanatkumāratapobalena bhagavatprādurbhāva vṛttāntavarṇanapuraḥsara gomatyutpattimāhātmyavarṇanaṃnāma pañcamo'dhyāyaḥ || 5 ||
[Analyze grammar]