Chapter 207

[English text for this chapter is available]

viśvāmitra uvāca |
etatte sarvamākhyātaṃ yatpṛṣṭo'smi narādhipa |
bālamaṃḍanamāhātmyaṃ sarvapātakanāśanam || 1 ||
[Analyze grammar]

yatraikasminnapi snāne kṛte pārthivasattama |
sarveṣāṃ labhyate puṇyaṃ tīrthānāṃ snānasaṃbhavam |
māghamāse trayodaśyāṃ śuklapakṣa upasthite || 2 ||
[Analyze grammar]

ānarta uvāca |
kasmācchakrasya saṃsthānaṃ paṃcarātraṃ dharātale |
nādhikaṃ jāyate teṣāṃ yathānyeṣāṃ divaukasām || 3 ||
[Analyze grammar]

varṣāṃte kāni cāhāni yeṣu śakro dharātale |
samāgacchati ko māsa etatsarvaṃ bravīhi me || 4 ||
[Analyze grammar]

viśvāmitra uvāca |
śrūyatāmabhidhāsyāmi kathā menāṃ dharādhipa |
paṃcarātrātparaṃ śakro yathā na syāddharātale || 5 ||
[Analyze grammar]

āsītpūrvaṃ bṛhatkalpe jayatsenaḥ sureśvaraḥ |
trailokyasya samastasya svāmī dānavadarpahā || 6 ||
[Analyze grammar]

trailokye sakale pūjāṃ bhajamānaḥ sadaiva hi |
kasyacittvatha kālasya gautamasya muneḥ priyā || 7 ||
[Analyze grammar]

ahilyānāma bhāryā'bhūdrūpe ṇāpratimā bhuvi |
tāṃ dṛṣṭvā cakame śakraḥ kāmadevavaśaṃ gataḥ || 8 ||
[Analyze grammar]

nityameva samāgatya svargalokātsa kāmabhāk |
gautame nirgate rājansamididhmārthameva hi |
darbhārthaṃ phalamūlārthaṃ svayameva mahātmabhiḥ || 9 ||
[Analyze grammar]

atha tasya samācakhyau nārado munisattamaḥ |
śakrasya ceṣṭitaṃ sarvaṃ tathāhilyāsamudbhavam || 1 ||
[Analyze grammar]

tacchrutvā sahasā tūrṇaṃ gautamo gṛhamabhyagāt |
yāvatpaśyati deveśaṃ saha patnyā samāgatam || 11 ||
[Analyze grammar]

śakro'pi gautamaṃ dṛṣṭvā palāyanaparāyaṇaḥ |
nirjagāmāśramāttasmādvivastro'pi bhayākulaḥ || 12 ||
[Analyze grammar]

ahilyāpi bhayatrastā dṛṣṭvā bhartāramāgatam |
adhomukhī sthitā rājaṃstadā vyākuliteṃdriyā || 13 ||
[Analyze grammar]

gautamo'pi ca taddṛṣṭvā samyagbhāryāviceṣṭitam |
dadau śāpaṃ mahārāja kopasaṃraktalocanaḥ || 14 ||
[Analyze grammar]

yasmācchakra pāpakarma kṛtamīdṛgvigarhitam |
bhāryā me dūṣitā sādhvī tasmādavṛṣaṇo bhava || 15 ||
[Analyze grammar]

sahasraṃ ca bhagānāṃ te vaktre bhavatu mā ciram |
yena tvaṃ viplavaṃ yāsi trailokye sacarācare || 16 ||
[Analyze grammar]

aparaṃ martyaloke'tra yadyāgacchasi vāsava |
pūjākṛte tato mūrdhā śatadhā te bhaviṣyati || 17 ||
[Analyze grammar]

evaṃ śaptvā ca taṃ śakraṃ tato'hilyāmuvāca saḥ |
kopasaṃraktanetrastu bhartsayitvā muhurmuhuḥ || 18 ||
[Analyze grammar]

yasmātpāpe tvayā karma kṛtametadvigarhitam |
tasmācchilāmayī bhūtvā tvaṃ tiṣṭha vasudhātale || 19 ||
[Analyze grammar]

tataḥ sā tatkṣaṇājjātā tasya bhāryā śilātmikā |
indro'pi ca parityakto vṛṣaṇābhyāṃ tathā'bhavat || 20 ||
[Analyze grammar]

sahasrabhagacihnastu vaktradeśe babhūva ha || 21 ||
[Analyze grammar]

atha meroḥ samāsādya kaṃdaraṃ vijanaṃ hariḥ |
savrīḍaḥ sevate nityaṃ na jagāma nijāṃ purīm || 22 ||
[Analyze grammar]

tato devagaṇāḥ sarve sodvegāstena varjitāḥ |
no jānaṃti ca tatrasthaṃ kandarānveṣaṇe ratāḥ o || 23 ||
[Analyze grammar]

pīḍyaṃte dānavai raudraiḥ svarge jāte virājake || 24 ||
[Analyze grammar]

etasminnantare jīvaḥ śakrāṇyā bhayabhītayā |
sodvegayā paripṛṣṭaḥ kva gato'tha puraṃdaraḥ || 25 ||
[Analyze grammar]

atha jīvaściraṃ dhyātvā dṛṣṭvā taṃ jñānacakṣuṣā |
jagāma sahito devaiḥ provācātha suniṣṭhuram || 26 ||
[Analyze grammar]

kimitthaṃ rājyabhogāṃstvaṃ tyaktvā vijanamāśritaḥ |
kiṃ tvayā vihitaṃ dhyānaṃ kiṃ raudraṃ saṃśritaṃ tapaḥ || 27 ||
[Analyze grammar]

bṛhaspatervacaḥ śrutvā bhagavaktraḥ puraṃdaraḥ |
provāca lajjayā yukto dīno bāṣpapariplutaḥ || 28 ||
[Analyze grammar]

nāhaṃ rājyaṃ kariṣyāmi trailokye'pi kathaṃcana |
paśya me yādṛśī jātā hyavasthā gautamānmuneḥ || 29 ||
[Analyze grammar]

sahasrabhagacihnena kathaṃ vaktreṇa tānaham |
devānsaṃbhāvayiṣyāmi paulomīṃ ca tathā śivam || 3 ||
[Analyze grammar]

martyalokodbhavā pūjā naṣṭā mama bṛhaspate |
gautamasya muneḥ śāpātkasmiṃścitkāraṇāṃtare || 31 ||
[Analyze grammar]

tacchrutvā devarājasya bṛhaspatiruvācaha |
duḥkhena mahatā yuktaḥ sarvairdevaiḥ samāvṛtaḥ |
gautamasya samīpe ca gatvā provāca taṃ svayam || 32 ||
[Analyze grammar]

etacchakraparityaktaṃ trailokyamapi cākhilam |
pīḍyate dānavairvipra naṣṭayajñotsavakriyam || 33 ||
[Analyze grammar]

naiṣa vāṃchati rājyaṃ svaṃ lajjayā parayā yutaḥ |
tasmādasya prasādaṃ tvaṃ yathāvatkartumarhasi |
anugraheṇa śāpasya mama vākyāddvijottama || 34 ||
[Analyze grammar]

tacchrutvā gautamaḥ prāha na me vākyaṃ bhavenmṛṣā |
na vākyaṃ lopayiṣyāmi yaduktaṃ svayameva hi || 35 ||
[Analyze grammar]

tataḥ provāca te viṣṇuḥ svayaṃ cāpi maheśvaraḥ |
tathā devagaṇāḥ sarve vinayāvanatā sthitāḥ || 36 ||
[Analyze grammar]

anyathā brahmaṇo vākyaṃ na te kartuṃ prayujyate |
tasmātkuruṣva viprendra śāpasyānugrahaṃ hareḥ || 37 ||
[Analyze grammar]

dṛṣṭvā tanmanaso dārḍhyaṃ surā viṣṇupurogamāḥ |
brahmaṇoṃ'tikamabhyetya tasmai sarvaṃ nyavedayan || 38 ||
[Analyze grammar]

śāpaṃ śakrasya saṃjātaṃ tathā tasmānmahāmuneḥ || 39 ||
[Analyze grammar]

yathā viḍaṃbanā jātā devarājasya garhitā |
tathā ca dānavaiḥ sarvaṃ trailokyaṃ vyākulīkṛtam || 40 ||
[Analyze grammar]

yathā na kurute rājyaṃ vrīḍitaḥ sa śacīpatiḥ |
tacchrutvā padmajastūrṇaṃ hariśaṃbhusamanvitaḥ || 41 ||
[Analyze grammar]

jagāma tatra yatrāste duḥkhitaḥ pākaśāsanaḥ |
gautamaṃ ca samānīya tatraiva ca pitāmahaḥ || 42 ||
[Analyze grammar]

tataḥ provāca pratyakṣaṃ devānāṃ vāsavasya ca |
ayuktaṃ devarājena vihitaṃ munisattama || 43 ||
[Analyze grammar]

yatte pradūṣitā bhāryā kāmopahatacetasā |
na te doṣo'sti yacchaptaśchidre cāsminpuraṃdaraḥ |
paraṃ praśasyate nityaṃ munīnāṃ paramā kṣamā || 44 ||
[Analyze grammar]

yathā trailokyarājyaṃ svaṃ prakaroti śatakratuḥ |
tvayā svayaṃ prasādena tathā nītirvidhīyatām || 45 ||
[Analyze grammar]

dattvā'sya vṛṣaṇau bhūyo nāśa yitvā bhagānimān |
martyaloke gatiścāsya yathā syāttatsamācara || 46 ||
[Analyze grammar]

tacchrutvā vacanaṃ teṣāṃ sa munirdevagauravāt |
vṛṣaṇau meṣasaṃbhūtau yojayāmāsa tau tadā || 47 ||
[Analyze grammar]

tānbhagānpāṇinā spṛṣṭvā cakre netrāṇi sanmuniḥ |
tataḥ provāca tāndevāngautamaśca mahātapāḥ || 48 ||
[Analyze grammar]

sahasrākṣo mayā śakro nirmitoyaṃ surottamāḥ |
sa meṣavṛṣaṇaścāpi svaṃ ca rājyaṃ kariṣyati |
śobhā'sya netrajā vaktre suramyā saṃbhaviṣyati || 49 ||
[Analyze grammar]

puṃstvaṃ ca meṣajotthābhyāṃ vṛṣaṇābhyāṃ bhaviṣyati |
na ca martye gatiścāsya pūjārthaṃ saṃbhaviṣyati || 50 ||
[Analyze grammar]

etasminnantare jātaḥ sahasrākṣaḥ puraṃdaraḥ |
śobhayā parayā yukto munestasya prabhāva taḥ || 51 ||
[Analyze grammar]

tataḥ saṃgṛhya pādau ca gautamasya mahātmanaḥ |
provāca vacanaṃ śakraḥ sarvadevasamāgame || 52 ||
[Analyze grammar]

durlabhā martyalokotthā pūjā brāhmaṇasattama |
sā me tava prasādena yathā syāttatsamācara || 53 ||
[Analyze grammar]

trailokyapatijā saṃjñā mā nāśaṃ yātu me dvija |
prasādāttava sā nityaṃ yathā syāttadvidhīyatām || 54 ||
[Analyze grammar]

tacchrutvā lajjayāviṣṭaḥ kṛpayā cātha sanmuniḥ |
tamūce sarvadevānāṃ pratyakṣaṃ pākaśāsanam || 55 ||
[Analyze grammar]

paṃcarātraṃ ca te pūjā martyaloke bhaviṣya ti |
ananyāṃ tṛptimabhyeṣi yathā caiva tu vatsaram || 56 ||
[Analyze grammar]

yatra deśe pure grāme paṃcarātraṃ mahotsavaḥ |
tatra saṃvatsaraṃ yāvannīrogo bhavitā janaḥ || 57 ||
[Analyze grammar]

ādhayo vyādhayo naiva na durbhikṣaṃ kathaṃcana |
na ca rājño vināśaḥ syānnaiva loke'sukhaṃ kvacit || 58 ||
[Analyze grammar]

yatra sthāne maho bhāvī tāvakaśca puraṃdara |
prabhūtapayaso gāvaḥ prabhaviṣyaṃti tatra ca |
subhikṣaṃ sukhino lokāḥ sarvopadravavarjitāḥ || 59 ||
[Analyze grammar]

indra uvāca |
yadyevaṃ śaradi prāpte sarva sattvamanohare |
saptacchadasamākīrṇe bandhūkasuvirājite || 60 ||
[Analyze grammar]

mālatīgandhasaṃkīrṇe navasasyasamākule |
caṃdrajyotsnākṛtoddyote ṣaṭpadārāva saṃkule || 61 ||
[Analyze grammar]

kumudotpalasaṃyukte tatra syātsumahotsavaḥ |
yena bālo'pi vṛddho'pi saṃhṛṣṭastatsamācara || 62 ||
[Analyze grammar]

gautama uvāca |
adya śravaṇanakṣatre tava datto mahotsavaḥ |
vaiṣṇave puṇyanakṣatre sarvapāpavivarjite || 63 ||
[Analyze grammar]

tvayā me dharṣitā bhāryā pauṣṇe nakṣatrasaṃjñite |
tasminbhaviṣyati vyaktaṃ tava pātaḥ puraṃdara || 64 ||
[Analyze grammar]

yenaiṣā māmakī kīrtistāvakaṃ vaktu karma tat |
vikhyātiṃ yātu loke'tra na kaścitpāpamācaret || 65 ||
[Analyze grammar]

śravaṇādīni paṃcaiva nakṣatrāṇi pṛthakpṛthak |
tava pūjākṛte paṃca kratutulyāni tāni ca |
bhaviṣyaṃti na saṃdehaḥ sarvatīrthamayāni ca || 66 ||
[Analyze grammar]

yo yaṃ kāmamabhidhyāya pūjāṃ tava kariṣyati |
viśeṣātphalapuṣpaiśca sa taṃ kṛtsnamavāpnuyāt || 67 ||
[Analyze grammar]

paraṃ mūrtirna te pūjyā kutrāpi ca bhaviṣyati |
tvayā me dūṣitā bhāryā brāhmaṇī prāṇasaṃmatā || 68 ||
[Analyze grammar]

tasmādvṛkṣodbhavāṃ yaṣṭiṃ brāhmaṇā vedapāragāḥ |
tāvakaiḥ sakalairmaṃtraiḥ sthāpayiṣyaṃti śaktitaḥ || 69 ||
[Analyze grammar]

paṃcarātravidhānena yathānyeṣāṃ divaukasām |
tataḥ saṃkramaṇaṃ kṛtvā pūjā martyasamudbhavā |
tvayā grāhyā sahasrākṣa tṛptiścaiva bhaviṣyati || 70 ||
[Analyze grammar]

yo yathā caiva te yaṣṭiṃ suptāmutthāpayiṣyati |
tasya tasyādhikā siddhiḥ saṃbhaviṣyaṃti vāsava || 71 ||
[Analyze grammar]

paṃcarātravratarato yo brahmacaryaparāyaṇaḥ |
prakariṣyati te pūjāṃ phalapuṣpairyathoditaiḥ || 72 ||
[Analyze grammar]

paradārakṛtātpāpātsa sarvānmuktimeṣyati || 73 ||
[Analyze grammar]

namaḥ śakrāya devāya śunāsīrāya te namaḥ |
namaste vajrahastāya namaste vajrapāṇaye || 74 ||
[Analyze grammar]

mantreṇānena yaścārghyaṃ tava śakra pradāsyati |
paradārakṛtaṃ pāpaṃ tasya sarvaṃ prayāsyati || 785 ||
[Analyze grammar]

yaścedaṃ tava saṃvādaṃ mayā sārdhaṃ puraṃdara |
kīrtayiṣyati sadbhaktyā tathaivākarṇayiṣyati || 76 ||
[Analyze grammar]

tasya saṃvatsaraṃ yāvannaiva rogo bhaviṣyati |
tacchrutvā vibudhāḥ sarve tathetyuktvā praharṣitāḥ || 77 ||
[Analyze grammar]

jagmuḥ śakraṃ samādāya punarevāmarāvatīm |
gautamo'pi nijā vāsaṃ gataḥ kopasamāśritaḥ || 78 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmya indramahotsavavarṇanaṃnāma saptottaradviśatatamo'dhyāyaḥ || 207 ||
[Analyze grammar]