Chapter 33

[English text for this chapter is available]

rājñyuvāca |
avadhehi dharānātha kathayāmi yathātatham |
vratasyāsya vidhānaṃ ca phalaṃ cābhīṣṭadevatām || 1 ||
[Analyze grammar]

purā puraḥ śrīdapatnyāḥ śrīmukhyā brahmasūnunā |
nāradena sutārthinyā vratametadudīritam || 2 ||
[Analyze grammar]

cīrṇaṃ cātha tayā devyā putrobhūnnalakūbaraḥ |
anyābhirapi bahvībhiḥ putrāḥ prāptā vratāditaḥ || 3 ||
[Analyze grammar]

vidhināpyatra saṃpūjyā gaurī sarvavidhānavit |
stanaṃdhayena sahitā dhayatā stanamunmukham || 4 ||
[Analyze grammar]

mārgaśīrṣa tṛtīyāyāṃ śuklāyāṃ kalaśopari |
tāmrapātraṃ nidhāyaikaṃ taṃḍulaiḥ paripūritam || 5 ||
[Analyze grammar]

avicchinnaṃ navīnaṃ ca rajanīrāgaraṃjitam |
vāsaḥ pātropari nyasya sūkṣmātsūkṣmataraṃ param || 6 ||
[Analyze grammar]

tasyopari śubhaṃ padmaṃ raviraśmivikāsitam |
tatkarṇikāyā upari catuḥsvarṇavinirmitam || 7 ||
[Analyze grammar]

vidhiṃ saṃpūjayedbhaktyā ratnapaṭṭābaṃrādibhiḥ |
puṣpairnānāvidhai ramyaiḥ phalairnāraṃgamukhyakaiḥ || 8 ||
[Analyze grammar]

sugaṃdhaiścaṃdanādyaiśca karpūra mṛganābhibhiḥ |
paramānnādi naivedyaiḥ pakvānnairbahubhaṃgibhiḥ || 9 ||
[Analyze grammar]

dhūpairagurumukhyaiśca ramye kusumamaṃḍape |
rātrau jāgaraṇaṃ kāryaṃ viniṃdraiḥ paramotsavaiḥ || 10 ||
[Analyze grammar]

hastamātramite kuṃḍe jātavedasa ityṛcā |
ghṛtena madhunāplutya juhuyānmaṃtraviddvijaḥ || 11 ||
[Analyze grammar]

sahasrakamalānāṃ ca smerāṇāṃ svayameva hi |
navaprasūtāṃ kapilāṃ suśīlāṃ ca payasvinīm || 12 ||
[Analyze grammar]

dadyādācāryavaryāya sālaṃkārāṃ salakṣaṇām |
upoṣya daṃpatī bhaktyā navāṃbaravibhūṣitau || 13 ||
[Analyze grammar]

prātaḥsnātvā caturthyāṃ ca saṃpūjyācāryamādṛtaḥ |
vastrairābharaṇairmālyairdakṣiṇābhirmudānvitau || 14 ||
[Analyze grammar]

sopaskarāṃ ca tāṃ mṛrtimācāryāya nivedayet |
samuccarannimaṃ maṃtraṃ vratakṛnmithunaṃ mudā || 15 ||
[Analyze grammar]

namo viśvavidhānajñe vidhe vividhakāriṇi |
sutaṃ vaṃśakaraṃ dehi tuṣṭāmuṣmādvratācchubhāt || 16 ||
[Analyze grammar]

sahasaṃ bhojayitvātha dvijānāṃ bhaktipūrvakam |
bhuktaśeṣeṇa cānnena kuryādvai pāraṇaṃ tataḥ || 17 ||
[Analyze grammar]

itthametadvrataṃ rājaṃścikīrṣāmi tvayā saha |
kuru caitatpriyaṃ mahyamabhīṣṭaphalalabdhaye || 18 ||
[Analyze grammar]

iti bhūpālavaryeṇa śrutvā saṃhṛṣṭacetasā |
muneva taṃ samācīrṇaṃ sāṃtarvatnī babhūva ha || 19 ||
[Analyze grammar]

tayātha prārthitā gaurī garbhiṇyā bhaktitoṣitā |
putraṃ dehi mahāmāye sākṣādviṣṇvaṃśasaṃbhavam || 20 ||
[Analyze grammar]

jātamātro vrajetsvargaṃ punagayāti cātra vai |
bhaktaḥ sadāśive'tyarthaṃ prasiddhaḥ sarvabhūtale || 21 ||
[Analyze grammar]

vinaiva stanyapānena ṣoḍaśābdākṛtiḥ kṣaṇāt |
evaṃbhūtaḥ suto gauri yathā me syāttathākuru || 22 ||
[Analyze grammar]

mṛḍānyāpi tathetyuktā rājñī bhaktyātituṣṭayā |
atha kālena tanayaṃ mūlarkṣe sāpyajījanat || 23 ||
[Analyze grammar]

hitairamātyairatha sā vijñaptāriṣṭasaṃsthitā |
devi rājārthinī cettvaṃ tyaja duṣṭarkṣajaṃ sutam || 24 ||
[Analyze grammar]

sā maṃtrivākyamākarṇya kevalaṃ patidevatā |
atyākṣīttaṃ tathā prāptaṃ tanayaṃ nayakovidā || 25 ||
[Analyze grammar]

dhātreyikāṃ samākārya prāhedaṃ sā nṛpāṃganā |
paṃcamudre mahāpīṭhe vikaṭā nāma mātṛkā || 26 ||
[Analyze grammar]

tadagre sthāpayitvāmuṃ bālaṃ dhātreyike vada |
gauryādattaḥ śiśurasau tavāgre viniveditaḥ || 27 ||
[Analyze grammar]

rājñyā patyuḥ priyeṣiṇyā maṃtrivijñaptinunnayā |
sāpi rājñyuditaṃ śrutvā śiśuṃ lāsya śaśiprabham || 28 ||
[Analyze grammar]

vikaṭāyāḥ puraḥ sthāpya gṛhaṃ dhātreyikā gatā |
atha sā vikaṭā devī samāhūya ca yoginīḥ || 29 ||
[Analyze grammar]

uvāca nayata kṣipraṃ śiśuṃ mātṛgaṇāgrataḥ |
tāsāmājñāṃ ca kuruta rakṣatāmuṃ prayatnataḥ || 30 ||
[Analyze grammar]

yoginyo vikaṭāvākyātkhecaryastāḥ kṣaṇena tam |
ninyurgaganamārgeṇa brāhmyādyā yatra mātaraḥ || 31 ||
[Analyze grammar]

praṇamya yoginīvṛṃdaṃ taṃ śiśuṃ sūryavarcasam |
puro nidhāya mātṝṇāṃ provāca vikaṭoditam || 32 ||
[Analyze grammar]

brahmāṇī vaiṣṇavī raudrī vārāhī nārasiṃhikā |
kaumārī cāpi māheṃdrī cāmuṃḍā caiva caṃḍikā || 33 ||
[Analyze grammar]

dṛṣṭvā taṃ bālakaṃ ramyaṃ vikaṭāpreṣitaṃ tataḥ |
papracchuryugapaḍḍiṃbhaṃ kaste tātaḥ prasūśca kaḥ || 34 ||
[Analyze grammar]

mātṛbhiśceti puṣṭaḥ sa yadā kiṃcinna vakti ca |
tadā tadyoginīcakraṃ prāha mātṛgaṇastviti || 35 ||
[Analyze grammar]

rājyayogyo bhavatyeṣa mahālakṣaṇalakṣitaḥ |
punastatraiva netavyo yoginyastvavilaṃbitam || 36 ||
[Analyze grammar]

paṃcamudrā mahādevī tiṣṭhate yatra kāmyadā |
yasyāḥ saṃsevanānnṛṇāṃ nirvāṇaśrīradūrataḥ || 37 ||
[Analyze grammar]

sarvatraśubhajanminyāṃ kāśyāṃ muktiḥ padepade |
tathāpi saviśeṣaṃ hi tatpīṭhaṃ sarvasiddhikṛt || 38 ||
[Analyze grammar]

tatpīṭhasevanādasya ṣoḍaśābdākṛteḥ śiśoḥ |
siddhirbhavitrī paramā viśveśānugrahātparāt || 39 ||
[Analyze grammar]

evaṃ mātṛgaṇāśīrbhiryoginībhiḥ kṣaṇena hi |
prāpito mātṛvākyena paṃcamudrāṃkitaṃ punaḥ || 40 ||
[Analyze grammar]

saṃprāpya tanmahāpīṭhaṃ svargalokādihāgataḥ |
ānaṃdakānane divyaṃ tatāpa vipulaṃ tapaḥ || 41 ||
[Analyze grammar]

tapasātīva tīvreṇa niścaleṃdriyacetasaḥ |
tasya rājakumārasya prasannobhūdumādhavaḥ || 42 ||
[Analyze grammar]

āvirbabhūva purato liṃgarūpeṇa śaṃkaraḥ |
provāca ca prasannosmi varaṃ brūhi nṛpāṃgaja || 43 ||
[Analyze grammar]

skaṃda uvāca |
sarvajyotirmayaṃ liṃgaṃ purato vīkṣya vāṅmayam |
saptapātālamudbhidya sthitaṃ bṛhadanugrahāta || 44 ||
[Analyze grammar]

praṇamya daṃḍavadbhūmau parituṣṭāva dhūrjaṭim |
sūktairjanmāṃtarābhyastaiḥ suhṛṣṭo rudradevataiḥ || 45 ||
[Analyze grammar]

tataḥ prasanno bhagavāndevadevo maheśvaraḥ |
saṃtuṣṭastapasā tasya provāca vṛṣabhadhvajaḥ || 46 ||
[Analyze grammar]

devadeva uvāca |
varaṃ varaya saṃtapta tapasā kleśitaṃ vapuḥ |
tvayedaṃ bālavapuṣā vaśīkṛtaṃ mano mama || 47 ||
[Analyze grammar]

śivoktaṃ ca samākarṇya varadānaṃ punaḥpunaḥ |
varaṃ ca prārthayāṃcakre parihṛṣṭatanūruhaḥ || 48 ||
[Analyze grammar]

kumāra uvāca |
devadevamahādeva yadi deyo varo mama |
tadatra bhavatā stheyaṃ bhavatāpahṛtā sadā || 49 ||
[Analyze grammar]

asmiṃlliṃge sthitaḥ śaṃbho kuru bhaktasamīhitam |
vinā mudrādikaraṇaṃ maṃtreṇāpi vinā vibho || 50 ||
[Analyze grammar]

diśa siddhiṃ parāmatra darśanātsparśanānnateḥ |
asya liṃgasya ye bhaktā manovākkāyakarmabhiḥ || 51 ||
[Analyze grammar]

sadaivānugrahasteṣu kartavyo vara eṣa me |
iti tadvratamākarṇya liṃgarūpovadatprabhuḥ || 52 ||
[Analyze grammar]

evamastu yaduktaṃ te vīravaiṣṇava sūnunā |
janeturviṣṇubhaktācca rājño'mitrajjito bhavān || 53 ||
[Analyze grammar]

viṣṇvaṃśa evamutpanno mama bhaktiparāṃgaja |
vīravīreśvaraṃ nāma liṃgametattvadākhyayā || 54 ||
[Analyze grammar]

kāśyāṃ dāsyatyabhīṣṭāni bhaktānāṃ ciṃtitānyaho |
asmiṃlliṃge sadā vīra sthāsyāmyadyadināvadhi || 55 ||
[Analyze grammar]

dāsyāmi ca parāṃ siddhimāśritebhyo na saṃśayaḥ |
paraṃ na mahimānaṃ me kalau kaścicca vetsyati || 56 ||
[Analyze grammar]

yastu vetsyati bhāgyena sa parāṃ siddhimāpsyati |
atra japtaṃ hutaṃ dattaṃ stutamarcitameva vā || 57 ||
[Analyze grammar]

jīrṇoddhārādikaraṇamakṣayyaphalahetukam |
tvaṃ tu rājyaṃ paraṃ prāpya sarvabhūpāladurlabham || 58 ||
[Analyze grammar]

bhuktvā bhogāṃśca vipulānaṃte siddhimavāpsyasi |
purī vārāṇasī ramyā sarvasmiñjagatītale || 59 ||
[Analyze grammar]

puṇyastatrāpi saṃbhedaḥ saritorasi gaṃgayoḥ |
tato'pi ca hayagrīvaṃ tīrthaṃ caivāti puṇyadam || 60 ||
[Analyze grammar]

yatra viṣṇurhayagrīvo bhaktaciṃtitamarpayet |
hayagrīvācca vai tīrthādgajatīrthaṃ viśiṣyate || 61 ||
[Analyze grammar]

yatra vai snānamātreṇa gajadānaphalaṃ labhet |
kokāvarāhatīrthaṃ ca puṇyadaṃ gajatīrthataḥ || 62 ||
[Analyze grammar]

kokāvarāhamabhyarcya tatra no janmabhāgjanaḥ |
api kokāvarāhācca dilīpeśvarasannidhau || 63 ||
[Analyze grammar]

dilīpatīrthaṃ suśreṣṭhaṃ sadyaḥ pāpaharaṃ param |
tataḥ sagaratīrthaṃ ca sagareśa samīpataḥ || 64 ||
[Analyze grammar]

yatra majjannaro majjenna bhūyo duḥkhasāgare |
saptasāgaratīrthaṃ ca śubhaṃ sagaratīrthataḥ || 65 ||
[Analyze grammar]

saptābdhisnānajaṃ puṇyaṃ yatra snātvā naro labhet |
mahodadhīti vikhyātaṃ tīrthaṃ saptābdhitīrthataḥ || 66 ||
[Analyze grammar]

sakṛdyatrāpluto dhīmāndahedaghamahodadhim |
cauratīrthaṃ tataḥ puṇyaṃ kapileśvara sannidhau || 67 ||
[Analyze grammar]

pāpaṃ suvarṇacauryādi yatra snātvā kṣayaṃ vrajet |
haṃsatīrtha tatopīḍyaṃ kedāreśvara sannidhau || 68 ||
[Analyze grammar]

haṃsa svarūpī yatrāhaṃ nayāmi brahmadehinaḥ || 69 ||
[Analyze grammar]

tatastribhuvanākhyasya keśavasyāti puṇyadam |
tīrthaṃ yatrāplutā martyā martyalokaṃ viśaṃti na || 70 ||
[Analyze grammar]

govyāghre śvara tīrthaṃ ca tatopyadhikameva hi |
svabhāvavairamutsṛjya yatrobhau siddhimāpatuḥ || 71 ||
[Analyze grammar]

tatopi hi varaṃ vīra tīrthaṃ māṃdhātusaṃjñitam |
cakravartipadaṃ yatra prāptaṃ tena mahībhujā || 72 ||
[Analyze grammar]

tatopi mucukuṃdākhyaṃ tīrthaṃ cātīva puṇyadam |
yatra snāto naro jātu ripubhirnābhibhūyate || 73 ||
[Analyze grammar]

pṛthu tīrthaṃ tatopyuccaiḥ śreyasāṃ sādhanaṃ param |
pṛthvīśvaraṃ yatra dṛṣṭvā naraḥ pṛthvīpatirbhavet || 74 ||
[Analyze grammar]

tataḥ paraśurāmasya tīrthaṃ cātīva siddhidam |
yatra kṣatravadhātpāpājjāmadagnyo vimuktavān || 75 ||
[Analyze grammar]

adyāpi kṣatravadhajaṃ pāpaṃ tatra praṇaśyati |
ekena snānamātreṇa jñānājñānakṛtena ca || 76 ||
[Analyze grammar]

tatopi śreyasāṃ kartṛ tīrthaṃ kṛṣṇāgrajasya hi |
yatra sūtavadhātpāpādbaladevo vimuktavān || 77 ||
[Analyze grammar]

divodāsasya vai tīrthaṃ tatra rājño'timedhasaḥ |
tatra snāto naro jātu na jñānāccyavateṃ'tataḥ || 78 ||
[Analyze grammar]

tatopi hi mahātīrthaṃ sarvapāpapraṇāśanam |
yatra bhāgīrathī sākṣānmūrtirūpeṇa tiṣṭhati || 79 ||
[Analyze grammar]

snātvā bhāgīrathī tīrthe kṛtvā śrāddhaṃ vidhānavit |
dattvā dānaṃ ca pātrebhyo na bhūyo garbhabhāgbhavet || 80 ||
[Analyze grammar]

harapāpaṃ ca bho vīra tīrthaṃ bhāgīrathītaṭe |
tatra snātvā kṣayaṃ yāṃti mahāpāpakulānyapi || 81 ||
[Analyze grammar]

yo niṣpāpeśvaraṃ liṃgaṃ tatra paśyati mānavaḥ |
niṣpāpo jāyate vīra sa talliṃgekṣaṇātkṣaṇāt || 82 ||
[Analyze grammar]

daśāśvamedhatīrthaṃ ca tatopi pravaraṃ matam |
daśānāmaśvamedhānāṃ yatra snātvā phalaṃ labhet || 83 ||
[Analyze grammar]

tatopi śubhadaṃ vīra baṃdītīrthaṃ pracakṣate |
yatra snāto naro mucyedapi saṃsārabaṃdhanāt || 84 ||
[Analyze grammar]

hiraṇyākṣeṇa daityena bahuśo devatāḥ purā |
baṃdīkṛtā nigaḍitā stuṣṭuvurjagadaṃbikām || 85 ||
[Analyze grammar]

tato viśṛṃkhalībhūtairvaṃditā yajjagajjaniḥ |
tadā prabhṛti baṃdīti gīyatedyāpi mānavaiḥ || 86 ||
[Analyze grammar]

baṃdītīrthastu tatraiva mahānigaḍakhaṃḍanam |
tatra snāto vimucyeta sarvasmātkarmapāśataḥ || 87 ||
[Analyze grammar]

baṃdītīrthaṃ mahāśreṣṭhaṃ kāśipuryāṃ viśāṃpate |
tatra snāto naro yāyādvimuktiṃ devyanugrahāt || 88 ||
[Analyze grammar]

tatopi hi śreṣṭhataraṃ prayāgamiti viśrutam |
prayāgamādhavo yatra sarvayāgaphalapradaḥ || 89 ||
[Analyze grammar]

kṣoṇīvarāhatīrthaṃ ca tatopi śubhadaṃ param |
tatra snāto naro jātu tiryagyoniṃ na gacchati || 90 ||
[Analyze grammar]

tataḥ kāleśvaraṃ tīrthaṃ vīraśreṣṭhataraṃ param |
kalikālau na bādhete yatra snātaṃ narottamam || 91 ||
[Analyze grammar]

aśokatīrthaṃ tatraiva tatopyatitarāṃ śubham |
yatra snāto naro jātu nāpatecchokasāgare || 92 ||
[Analyze grammar]

tatoti nirmalataraṃ śakratīrthaṃ nṛpāṃgaja |
śukradvārā na jāyeta yatra snāto narottamaḥ || 93 ||
[Analyze grammar]

tato'pi puṇyadaṃ rājanbhavānītīrthamuttamam |
yatra snātvā bhavānīśau dṛṣṭvā naiva punarbhavet || 94 ||
[Analyze grammar]

prabhāsatīrthaṃ vikhyātaṃ tatopi śubhadaṃ nṛṇām |
someśvarasya puratastatra snāto na garbhabhāk || 95 ||
[Analyze grammar]

tato garuḍatīrthaṃ ca saṃsāraviṣanāśanam |
garuḍeśaṃ samabhyarcya tatra snātvā na śocati || 96 ||
[Analyze grammar]

brahmatīrthaṃ tataḥ puṇyaṃ vīrabrahmeśvarātpuraḥ |
brahmavidyāmavāpnoti tatra snānena mānavaḥ || 97 ||
[Analyze grammar]

tato vṛddhārkatīrthaṃ ca vidhitīrthaṃ tataḥ param |
tatrāpluto naro yāti ravilokaṃ sunirmalam || 98 ||
[Analyze grammar]

tato nṛsiṃhatīrthaṃ ca mahābhayanivāraṇam |
kālādapi kutastatra snātvā paribibheti ca || 99 ||
[Analyze grammar]

tatopi puṇyadaṃ nṛṇāṃ tīrthaṃ citraratheśvaram |
yatra snātvā ca dattvā ca citraguptaṃ na paśyati || 100 ||
[Analyze grammar]

dharmatīrthaṃ tataḥ puṇyaṃ dharmeśa purataḥ sthitam |
tatra śrāddhadikaṃ kṛtvā pitṝṇāmanṛṇo bhavet || 1 ||
[Analyze grammar]

viśālatīrthaṃ vimalaṃ viśālaphaladaṃ tataḥ |
tatra snātvā viśālākṣī dṛṣṭvā garbhena jāyate || 2 ||
[Analyze grammar]

jarāsaṃdheśa tīrthaṃ ca jarāsaṃdheśasannidhau |
saṃsārajvarapīḍābhistatra snāto na muhyati || 3 ||
[Analyze grammar]

tato'pi lalitātīrthaṃ mahāsaubhāgyavardhanam |
snātvārcayitvā lalitāṃ na daridro na duḥkhabhāk || 4 ||
[Analyze grammar]

tato gautamatīrthaṃ ca sarvapāpaviśodhanam |
snātvā piṃḍānvinirvāpya yatra śocati na kvacit || 5 ||
[Analyze grammar]

gaṃgākeśavatīrthaṃ ca tīrthaṃ cāgastya saṃjñakam |
tatastu yoginītīrthaṃ trisaṃdhyākhyaṃ tataḥ param || 6 ||
[Analyze grammar]

tatastu nārmadaṃ tīrthaṃ tata āruṃdhateyakam |
vāsiṣṭhaṃ ca tatastīrthaṃ mārkaṃṇḍeyamanuttamam || 7 ||
[Analyze grammar]

jñeyānyetāni tīrthāni puṇyadānyuttarottarama |
khurakartari saṃjñaṃ ca tatastīrthamanuttamam || 8 ||
[Analyze grammar]

tatra śrāddhādikaraṇānnaromucyeta kilbiṣaiḥ |
tato bhagīrathaṃ tīrthaṃ rājarṣeratipuṇyadam || 9 ||
[Analyze grammar]

tatrālpamapi yacchedyatkalpāṃtepyakṣayaṃ hi tat |
etebhyopi hi tīrthebhyo liṃgakoṭitrayādapi || 110 ||
[Analyze grammar]

vīravīreśvaraṃ liṃgaṃ mahāśreṣṭhaṃ bhaviṣyati |
vīratīrthe naraḥ snātvā vīreśaṃ paripūjya ca || 11 ||
[Analyze grammar]

tīrtheṣveteṣu sarveṣu snāto bhavati nānyathā |
yastu vīreśvaraṃ liṃgaṃ naktamabhyarcayipyati |
tena trikoṭisaṃkhyāni liṃgānīhārcitāni vai || 12 ||
[Analyze grammar]

yastu kāmayate lakṣmīṃ muktidāṃ bhuktidāmapi |
tena vīreśvaraṃ liṃgaṃ saṃsevyamatiyatnataḥ || 13 ||
[Analyze grammar]

vidhāyaikaṃ jāgaraṇaṃ naro vīreśamarcayan |
bhūtāyāṃ naiva gṛhṇāti śarīraṃ pāṃcabhautikam || 14 ||
[Analyze grammar]

idaṃ liṃgaṃ sadābhyarcyaṃ siddhaiḥ saṃsiddhikāmukaiḥ |
aihikāmuṣmikānyasmātsarvānkāmānsamarthayet || 15 ||
[Analyze grammar]

paṃcāmṛtena snapanaṃ yaḥ kariṣyati mānavaḥ |
palepale phalaṃ tasya vīreśe ghaṭakoṭijam || 16 ||
[Analyze grammar]

yadanyatra phalaṃ liṃge koṭipuṣpa pradānataḥ |
tadekenaiva puṣpeṇa vīreśe nātra saṃśayaḥ || 17 ||
[Analyze grammar]

ekāmapyāhutiṃ dattvā vīreśvarasamīpataḥ |
koṭihomaphalaṃ samyaṅnātra kāryā vicāraṇā || 18 ||
[Analyze grammar]

sikthesikthe ca naivaidyai koṭisikthaphalaṃ bhavet |
atyalpamapi vīreśe kṛtamakṣayatāṃ vrajet || 19 ||
[Analyze grammar]

apyekaṃ yo mahārudraṃ japedvīreśa sannidhau |
jāpayedvā bhavettasya koṭirudraphalaṃ dhruvam || 120 ||
[Analyze grammar]

vratotsargādi vīreśe yatkṛtaṃ vratibhirnṛbhiḥ |
tatkoṭiguṇasaṃkhyākaṃ bhavatyeva na saṃśayaḥ || 21 ||
[Analyze grammar]

kṛtā aṣṭau namaskārā yena vīreśvarāgrataḥ |
aṣṭakoṭi namaskāraphalaṃ tasya na saṃśayaḥ || 22 ||
[Analyze grammar]

sarvāsāṃ saṃpadāṃ sthānamidaṃ liṃgaṃ bhaviṣyati |
vīraśveraṃ na saṃdeho vīra me varadānataḥ || 23 ||
[Analyze grammar]

jñānamutpatsyate puṃsāṃ tārakākhyaṃ mamājñayā |
jīvatāmeva tatsevyametalliṃgaṃ śubhārthibhiḥ || 24 ||
[Analyze grammar]

etacchrutvā punaḥ prāha vīro mitrajitaḥ sutaḥ |
praṇamya devadeveśaṃ paripūrṇamanorathaḥ || 25 ||
[Analyze grammar]

tīrthānyetāni deveśa yānyuktāni mamāgrataḥ |
kṛpayā punarapyeva tadanyāni vada prabho || 26 ||
[Analyze grammar]

ādikeśavamārabhya tattīrthācca bhagīrathāt |
yeṣāṃ śravaṇamātreṇa niṣpāpo jāyate naraḥ || 27 ||
[Analyze grammar]

iti śrutvā maheśāno mahīpa tanayoditam |
punastīrthāni gaṃgāyāṃ vaktuṃ samupacakrame || 128 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe uttarārdhe vīreśvarāvirbhāvonāma tryaśītitamo'dhyāyaḥ || 83 ||
[Analyze grammar]