Chapter 34

[English text for this chapter is available]

skaṃda uvāca |
ākarṇaya kṣoṇisura yathā sthāṇuracīkarat |
gaṃgāvaraṇayoḥ puṇyātsaṃbhedāttīrthabhūmikām || 1 ||
[Analyze grammar]

saṃgame tatra niṣṇātaḥ saṃgameśaṃ samarcya ca |
naro na jātu jananī garbhasaṃgamavāpnuyāt || 2 ||
[Analyze grammar]

tatra pādodakaṃ tīrthaṃ yatra devena śārṅgiṇā |
ādau pādau kṣalitau tu maṃdarāccāgatena yat || 3 ||
[Analyze grammar]

vipṇupādodake tīrthe vārikāryaṃ karoti yaḥ |
vyatīpātena niyataṃ bhūyaḥ sāṃsārikī gatiḥ || 4 ||
[Analyze grammar]

kṛtapādodaka snānaḥ kṛtakeśavapūjanaḥ |
vītasaṃsāravasatiḥ kāśyāmāsīnnarottamaḥ || 5 ||
[Analyze grammar]

kāśyāṃ sā bhūmiruddiṣṭā śvetadvīpa iti dvijaiḥ |
tatra puṇyārjanaṃ kṛtvā śvetadvīpādhipo bhavet || 6 ||
[Analyze grammar]

tataḥ pādodakāttīrthāttīrthaṃ kṣīrābdhisaṃjñakam |
tatrārjita mahāpuṇyo vasetkṣīrābdhirodhasi || 7 ||
[Analyze grammar]

kṣīrodāddakṣiṇebhāge tīrthaṃ śaṃkhākhyanuttamam |
tatra snāto bhavennūnaṃ nāśaṃkhādinidheḥ patiḥ || 8 ||
[Analyze grammar]

arvākca śaṃkhatīrthādvai cakratīrthamanuttamam |
saṃsāracakre na patettattīrthajalamajjanāt || 9 ||
[Analyze grammar]

gadātīrthaṃ tadagre tu saṃsāragadanāśanam |
tatra śrāddhādikaraṇātpaśyeddevaṃ gadādharam || 10 ||
[Analyze grammar]

padmākṛtpadmatīrthaṃ ca tadagre pitṛtṛptikṛt |
tatra snānādikaraṇātprāpnuyādaghasaṃkṣayam || 11 ||
[Analyze grammar]

tatastīrthaṃ mahālakṣmyā mahāpuṇyaphalapradam |
tatrābhyarcya mahālakṣmīṃ nirvāṇakamalāṃ labhet || 12 ||
[Analyze grammar]

tato gārutmataṃ tīrthaṃ saṃsāragaranāśanam |
kṛtodakakriyastatra vaikuṃṭhe vasatiṃ labhet || 13 ||
[Analyze grammar]

tato nāradatīrthaṃ ca brahmavidyaikakāraṇam |
tatra snānena muktaḥ syāddṛṣṭvā nāradakeśavam || 19 ||
[Analyze grammar]

prahlādatīrthaṃ tadyāmye mahābhaktiphalapradam |
tatra vai snānamātreṇa viṣṇoḥ priyataro bhavet || 15 ||
[Analyze grammar]

aṃbarīṣaṃ tatastīrthaṃ mahāpātakanāśanam |
tatra vai śubhakarmāṇo janā no garbhabhājanam || 16 ||
[Analyze grammar]

ādityakeśavaṃ nāma tadagre tīrthamuttamam |
kṛtābhiṣekastatrāpi labhetsvargābhiṣecanam || 17 ||
[Analyze grammar]

dattātreyasya tatrāsti tīrthaṃ trailokyapāvanam |
yogasiddhiṃ labhe tatra snānamātreṇa bhāvataḥ || 18 ||
[Analyze grammar]

tadagre bhārgavaṃ tīrthaṃ mahājñānasamarpakam |
tatra snānavidhānena bhavedbhārgava lokabhāk || 19 ||
[Analyze grammar]

tato vāmanatīrthaṃ ca viṣṇusānnidhyahetukam |
tatra śrāddhavidhānena mucyate pitṛjādṛṇāt || 20 ||
[Analyze grammar]

naranārāyaṇākhyaṃ hi tatastīrthaṃ śubhapradam |
tattīrthamajjanātpuṃsāṃ garbhavāsaḥ sudurlabhaḥ || 21 ||
[Analyze grammar]

yajñavārāhatīrthaṃ ca tato dakṣiṇataḥ śubham |
yatra snātasya vai puṃsāṃ rājasūyaphalaṃ dhruvam || 22 ||
[Analyze grammar]

vidāranārasiṃhākhyaṃ tīrthaṃ tatrāsti pāvanam |
yatraikasnānato naśyedagha janmaśatārjitam || 23 ||
[Analyze grammar]

gopīgoviṃdatīrthaṃ ca tato vaiṣṇavalokadam |
yasminsnāto naro vidvānna viṃdyādgarbhavedanam || 24 ||
[Analyze grammar]

lakṣmīnṛsiṃhatīrthaṃ ca gopīgoviṃda dakṣiṇe |
nirvāṇalakṣmyā yatratyo vriyate tu narottamaḥ || 25 ||
[Analyze grammar]

taddakṣiṇāyāṃ kāṣṭhāyāṃ śeṣatīrthamanuttamam |
mahāpāpaugha śeṣopi na tiṣṭhedyannimajjanāt || 26 ||
[Analyze grammar]

śaṃkhamādhavatīrthaṃ ca tadyāmyāṃ diśi cottamam |
tattīrthasevanānnṛṇāṃ kutaḥ pāpabhayaṃ mahat || 27 ||
[Analyze grammar]

tatopi pāvanataraṃ tīrthaṃ tatkṣaṇasiddhidam |
nīlagrīvākhyamatulaṃ tatsnāyī sarvadā śuciḥ || 28 ||
[Analyze grammar]

tatroddālakatīrthaṃ ca sarvāghaugha vināśanam |
dadāti mahatīmṛddhiṃ snānamātreṇa tannṛṇām || 29 ||
[Analyze grammar]

tataḥ sāṃkhyākhya tīrthaṃ ca sāṃkhyeśvara samīpataḥ |
tattīrthasevanātpuṃsāṃ sāṃkhyayogaḥ prasīdati || 30 ||
[Analyze grammar]

svarlokādyatra saṃlīnaḥ svayaṃ deva umāpatiḥ |
ataḥ svarlīnatīrthaṃ ca svarlīneśvara sannidhau || 31 ||
[Analyze grammar]

tatra snānena dānena śraddhayā dvijabhojanaiḥ |
japahomārcanaiḥ puṃsāmakṣayaṃ sarvameva hi || 32 ||
[Analyze grammar]

mahiṣāsuratīrthaṃ ca tatsamīpeti pāvanam |
yatra taptvā sa daityeṃdro vijigye sakalānsurān || 33 ||
[Analyze grammar]

tattīrthasevakodyāpi nāribhiḥ paribhūyate |
na pātakairmahadbhiśca prārthitaṃ ca phalaṃ labhet || 34 ||
[Analyze grammar]

bāṇatīrthaṃ ca tasyārāttatsahasrabhujapradam |
tatra snāto naro bhaktiṃ prāpnuyācchāṃbhavīṃ sthirām || 35 ||
[Analyze grammar]

gopratāreśvaraṃ nāma tadagre tīrthamuttamam |
aputropi taredyatra snāto vaitaraṇīṃ sukham || 36 ||
[Analyze grammar]

tīrthaṃ hiraṇyagarbhākhyaṃ tadyāmye sarvapāpahṛt |
tatra snāto hiraṇyena mucyate na kadācana || 37 ||
[Analyze grammar]

tataḥ praṇavatīrthaṃ ca sarvatīrthottamottamam |
jīvanmukto bhavettatra snānamātreṇa mānavaḥ || 38 ||
[Analyze grammar]

tataḥ piśaṃgilā tīrthaṃ darśanādapi pāpahṛt |
mune mamādhiṣṭhānaṃ vai tadagaste'ti siddhidam || 39 ||
[Analyze grammar]

snātvā piśaṃgilā tīrthe dattvā dānaṃ ca kiṃcana |
kiṃ śocati kṛtātpāpādanyatrāpi mṛto yadi || 40 ||
[Analyze grammar]

yo vai piśaṃgilā tīrthe snātvā māmarcayiṣyati |
bhaviṣyati sa me mittraṃ mitratejaḥ samaprabham || 41 ||
[Analyze grammar]

tatastraiviṣṭapīdṛṣṭi nirmalīkṛta puṣkalam |
tīrthaṃ pilipilākhyaṃ vai manomalavināśanam || 42 ||
[Analyze grammar]

tatra śrāddhādikaraṇāddīnānātha pratarpaṇāt |
mahatīṃ śriyamāpnoti mānavotīva niścalām || 43 ||
[Analyze grammar]

tato nāgeśvaraṃ tīrthaṃ mahāghapariśodhanam |
tattīrthamajjanādeva bhavetsarvāghasaṃkṣayaḥ || 44 ||
[Analyze grammar]

taddakṣiṇe mahāpuṇyaṃ karṇādityākhyamuttamam |
tīrthaṃ yatrāpluto martyo bhāskarīṃ śriyamāvahet || 45 ||
[Analyze grammar]

tato bhairavatīrthaṃ ca mahāghaughakṣayapradam |
caturarthodayakaraṃ sarvavighnanivāraṇam || 46 ||
[Analyze grammar]

bhaumāṣṭamyāṃ tatra naraḥ snātvā saṃtarpayetpitṝn |
dṛṣṭvā ca bhairavaṃ kālaṃ kaliṃ kālaṃ ca saṃjayet || 47 ||
[Analyze grammar]

tīrthaṃ kharvanṛsiṃhākhyaṃ tīrthādbharavataḥ puraḥ |
tatra snātasya vai puṃsaḥ kutoghajanitaṃ bhayam || 48 ||
[Analyze grammar]

mṛkaṃḍasya munestīrthaṃ tadyāmyāmatinirmalama |
tatra snānena martyānāṃ nāpāyamaraṇaṃ kvacit || 49 ||
[Analyze grammar]

tataḥ paṃcanadākhyaṃ vai sarvatīrthaniṣevitam |
tīrthaṃ yatra naraḥ snātvā na saṃsārī punarbhavet || 50 ||
[Analyze grammar]

brahmāṃḍodaravartīni yāni tīrthāni sarvataḥ |
ūrje yatra samāyāṃti svāghaugha parinuttaye || 51 ||
[Analyze grammar]

sarvadā yatra sarvāṇi daśamyādidinatrayam |
tiṣṭhaṃti tīrthavaryāṇi nijanairmalyahetave || 52 ||
[Analyze grammar]

bhūriśaḥ sarvatīrthāni madhya kāśi padepade |
paraṃ pāṃcanadaḥ kaiścinmahimānāpi kutracit || 53 ||
[Analyze grammar]

apyekaṃ kārtikasyāhastatra vai saphalīkṛtam |
japahomārcanādānaiḥ kṛtakṛtyāsta eva hi || 54 ||
[Analyze grammar]

sarvāṇyapi ca tīrthāni yugapattulitānyapi |
nādhijanmuḥ paṃcanadyāḥ kalāyā api tulyatām || 55 ||
[Analyze grammar]

snātvā pāṃcanade tīrthe dṛṣṭvā vai biṃdumādhavam |
na jātu jāyate dhīmāñjananī jaṭharājire || 56 ||
[Analyze grammar]

tato jñānahadaṃ tīrthaṃ jaḍānāmapi jāḍyahṛt |
tatra snāto naro jātu jñānabhraṃśaṃ na cāpnuyāt || 57 ||
[Analyze grammar]

tatra jñānahrade snātvā dṛṣṭvā jñāneśvaraṃ naraḥ |
jñānaṃ tadadhigacchedvai yena no bādhyate punaḥ || 58 ||
[Analyze grammar]

tatosti maṃgalaṃ tīrthaṃ sarvāmaṃgalanāśanam |
tatrāvagāhanaṃ kṛtvā bhavenmaṃgalabhājanam || 59 ||
[Analyze grammar]

amaṃgalāni naśyeyurbhaveyurmaṃgalāni ca |
snāturvai maṃgale tīrthe namaskartuśca maṃgalam || 60 ||
[Analyze grammar]

mayūkhamālinastīrthaṃ tadagre malanāśanam |
tatrāpluto gabhastīśaṃ vilokya vimalo bhavet || 61 ||
[Analyze grammar]

makhatīrthaṃ tu tatraiva makhaiśvara samīpataḥ |
makhajaṃ puṇyamāpnoti tatra snāto narottamaḥ || 62 ||
[Analyze grammar]

tatpārśve biṃdutīrthaṃ ca paramajñānakāraṇam |
tatra śrāddhādikaṃ kṛtvā labhetsukṛtamuttamam || 63 ||
[Analyze grammar]

pippalādasya ca munestīrthaṃ tadyāmyadiksthitam |
snātvā śanerdine tatra dṛṣṭvāvai pippaleśvaram || 64 ||
[Analyze grammar]

pippalaṃ tatra sevitvā aśvattha iti maṃtrataḥ |
śanipīḍāṃ na labhate duḥsvapnaṃ cāpi nāśayet || 65 ||
[Analyze grammar]

tatastāmravarāhākhyaṃ tīrthaṃ caivātipāvanam |
yatra snānena dānena na majjedaghasāgare || 66 ||
[Analyze grammar]

tadagre kālagaṃgā ca kalikalmaṣanāśinī |
tasyāṃ snātvā naro dhīmāṃstatkṣaṇānniragho bhavet || 67 ||
[Analyze grammar]

iṃdradyumnaṃ mahātīrthamiṃdradyumneśvarāgrataḥ |
toyakṛtyaṃ tatra kṛtvā lokamaiṃdramavāpnuyāta || 68 ||
[Analyze grammar]

tatastu rāmatīrthaṃ ca vīrarāmeśvarāgrataḥ |
tattīrthasnānamātreṇa vaiṣṇavaṃ lokamāpnuyāt || 69 ||
[Analyze grammar]

tata aikṣvākavaṃ tīrthaṃ sarvāghaughavināśanam |
tatra snānena pūtātmā jāyate manujottamaḥ || 70 ||
[Analyze grammar]

maruttatīrthaṃ tatprāṃte marutteśvarasannidho |
tatra snātvā tamarcyeśaṃ mahadaiśvaryamāpnuyāt || 71 ||
[Analyze grammar]

maitrāvaruṇatīrthaṃ ca tataḥ pātakanāśanam |
tatra piṃḍapradānena pitṝṇāṃ bhavati priyaḥ || 72 ||
[Analyze grammar]

tatognitīrthavimalamagnīśa purato mahat |
agnilokamavāpnoti tattīrthaparimajjanāt || 73 ||
[Analyze grammar]

aṃgāratīrthaṃ tatraiva aṃgāreśvarasannidhau |
tatrāṃgāra caturthyāṃ nu snātvā niṣpāpatāmiyāt || 74 ||
[Analyze grammar]

tato vai kalitīrthaṃ ca kalaśeśvarasannidhau |
snātvā talliṃgamabhyarcya kalikālānna bibhyati || 75 ||
[Analyze grammar]

caṃdratīrthaṃ ca tatraiva caṃdreśvarasamīpataḥ |
tatra snātvārcya caṃdreśaṃ caṃdralokamavāpnuyāt || 76 ||
[Analyze grammar]

tadagre vīratīrthaṃ ca vīreśvara samīpataḥ |
yaduktaṃ prāktavapurastīrthānāmuttamaṃ param || 77 ||
[Analyze grammar]

vighneśatīrthaṃ ca tataḥ sarvavighnavighātakṛt |
jātucittatra saṃsnāto na vighnairabhibhūyate || 78 ||
[Analyze grammar]

hariścaṃdrasya rājarṣastatastīrthamanuttamam |
yatra snāto naro jātu na satyāccayavate kacit || 79 ||
[Analyze grammar]

hariścaṃdrasya tīrthe tu yacchreyaḥ samupārjitam |
tadakṣayaphalaṃ vīra iha loke paratra ca || 80 ||
[Analyze grammar]

tataḥ parvatatīrthaṃ ca parvateśa samīpataḥ |
sarvaparvaphalaṃ tasya snātvā parvaṇyaparvaṇi || 81 ||
[Analyze grammar]

kaṃbalāśvataraṃ tīrthaṃ tatra sarvaviṣāpaham |
tatra snāto bhavenmartyo gītavidyāviśāradaḥ || 82 ||
[Analyze grammar]

tataḥ sārasvataṃ tīrthaṃ sarvavidyopapādakam |
tiṣṭheyuḥ pitarastatra saha devarṣimānavaiḥ || 83 ||
[Analyze grammar]

umātīrthaṃ tu tatraiva sarvaśaktisamanvitam |
aumeyalokaprāptyai syātsnānamātreṇa niścitam || 84 ||
[Analyze grammar]

tatastrilokī vikhyātaṃ trilokyuddharaṇakṣamam |
tīrthaṃ śreṣṭhataraṃ vīra yadākhyā maṇikarṇikā || 85 ||
[Analyze grammar]

cakrapuṣkariṇītīrthaṃ tadādau viṣṇunā kṛtam |
tadākhyā karṇanādeva sarvaiḥ pāpaiḥ pramucyate || 86 ||
[Analyze grammar]

svargaukasastrisaṃdhyaṃ vai japaṃti maṇikarṇikām |
yannāmagrahaṇaṃ puṃsāṃ śreyasaṃ paramāya hi || 87 ||
[Analyze grammar]

yaiḥ śrutā yaiḥ smṛtā vīra yairdṛṣṭā maṇikarṇikā |
ta eva kṛtino loke kṛtakṛtyāsta eva hi || 88 ||
[Analyze grammar]

triloke ye japaṃtīha mānavā maṇikarṇikām |
japāmi tānahaṃ vīra trikālaṃ puṇyakarmaṇaḥ || 89 ||
[Analyze grammar]

iṣṭaṃ tena mahāyajñaiḥ sahasraśatadakṣiṇaiḥ |
paṃcākṣarī mahāvidyā yenoktā maṇikarṇikā || 90 ||
[Analyze grammar]

mahādānāni dattāni tena vai puṇyakarmaṇā |
yenāhamarcito vīra saṃprāpya maṇikarṇikām || 91 ||
[Analyze grammar]

maṇikarṇyaṃbubhiryena tarpitāḥ prapitāmahāḥ |
tena śrāddhāni dattāni gayāyāṃ madhupāyasaiḥ || 92 ||
[Analyze grammar]

maṇikarṇījalaṃ yena saṃpītaṃ śuddhabuddhinā |
kiṃ tasya somapānaistaiḥ punarāvṛttilakṣaṇaiḥ || 93 ||
[Analyze grammar]

te snātāḥ sarvatīrtheṣu mahāparvasubhūriśaḥ |
tathā ca sarvāvabhṛthairyaiḥ snātā maṇikarṇikā || 94 ||
[Analyze grammar]

taiḥ surāḥ pūjitāḥ sarve brahmaviṣṇumukhā makhaiḥ |
yaiḥ svarṇakusumairatnairarcitā maṇikarṇikā || 95 ||
[Analyze grammar]

ahaṃ tenomayā sārdhaṃ dīkṣāṃ saṃprāpya śāṃbhavīm |
arcitaḥ pratyahaṃ yena pūjitā ṇikarṇikā || 96 ||
[Analyze grammar]

tapāṃsi tena taptāni śīrṇaparṇādinā ciram |
sevitā śraddhayā yena śrīmatī maṇikarṇikā || 97 ||
[Analyze grammar]

dattvā dānāni bhūrīṇi makhāniṣṭvā tu bhūriśaḥ |
ciraṃ taptvāpyaraṇyeṣu svargaiśvaryānmahīṃ punaḥ || 98 ||
[Analyze grammar]

vipuletra mahīpṛṣṭhe paṃcakrośyāṃ manoharā |
saṃśritā maṇikarṇīyaiste yātāścānivartakāḥ || 99 ||
[Analyze grammar]

dānānāṃ ca vratānāṃ ca kratūnāṃ tapasāmapi |
idameva phalaṃ manye yadāpyā maṇikarṇikā || 100 ||
[Analyze grammar]

mokṣalakṣmīriyaṃ sākṣācchrīmatī maṇikarṇikā |
prāyosyā mahimānaṃ vai navedmyahamapi sphuṭam || 1 ||
[Analyze grammar]

avācyāṃ maṇikarṇyāśca tīrthaṃ pāśupataṃ param |
tīrthaṃ tu rudravāsākhyaṃ viśvatīrthamataḥ param || 2 ||
[Analyze grammar]

muktitīrthaṃ tato ramyamavimuktamathottamam |
tīrthaṃ ca tārakaṃ skāṃdaṃ ḍhuṃḍhestīrthaṃ tatopi ca || 3 ||
[Analyze grammar]

bhavāneyamathaiśānaṃ jñānatīrthamathottamam |
naṃditīrthaṃ viṣṇutīrthaṃ tīrthaṃ paitāmahaṃ tataḥ || 4 ||
[Analyze grammar]

nābhitīrthamidaṃ caiva brahmanālamataḥ param |
tato bhāgīrathaṃ tīrthaṃ yattavāgre purākathi || 5 ||
[Analyze grammar]

tīrthātyuttaravāhinyāṃ svardhunyāṃ kāśisannidhau |
saṃtyanekāni puṇyāni mayoktānyalpaśaḥ punaḥ || 6 ||
[Analyze grammar]

tatrāpi nitarāṃ śreṣṭhā paṃcatīrthī nṛpāṃgaja |
yasyāṃ stātvā naro bhūyo garbhavāsaṃ na saṃsmaret || 7 ||
[Analyze grammar]

prathamaṃ cāsisaṃbhedaṃ tīrthānāṃ pravaraṃ param |
tato daśāśvamedhākhyaṃ sarvatīrthaniṣevitam || 8 ||
[Analyze grammar]

tataḥ pādodakaṃ tīrthamādikeśavasannidhau |
tataḥ paṃcanadaṃ puṇyaṃ snānamātrādaghaughahṛt || 9 ||
[Analyze grammar]

eteṣāmapi tīrthānāṃ caturṇāmapi sattama |
paṃcamaṃ maṇikarṇyākhyaṃ manāveyavaśuddhidam || 110 ||
[Analyze grammar]

ahaṃ snāmyatra satatamumayā saha parvasu |
brahmaṇā viṣṇunā sārdhaṃ saheṃdrādisurarṣibhiḥ || 11 ||
[Analyze grammar]

ataevātra gīyeta gātheyaṃ śrutisaṃmatā |
nāgalokakṛtāvāsaiḥ svargaukobhiśca saṃtatam || 12 ||
[Analyze grammar]

satyaṃ satyaṃ punaḥ satyaṃ satyapūrvamidaṃ vacaḥ |
maṇikarṇī samaṃ tīrthaṃ nāsti brahmāṃḍagolake || 13 ||
[Analyze grammar]

paṃcatīrthyāṃ naraḥ snātvā na dehaṃ pāṃcabhautikam |
gṛhṇāti jātucitkāśyāṃ paṃcāsyovātha jāyate || 14 ||
[Analyze grammar]

iti dattvā varāndevo vīrasyāṃtardadhe haraḥ |
sa ca vīropi vīreśaṃ prārcya prāptaḥ samīhitam || 15 ||
[Analyze grammar]

skaṃda uvāca |
tīrthādhyāyamimaṃ puṇyamagaste yo niśāmayet |
tasyāghasaṃkṣayaṃ yāyādapi janmaśatārjitam || 16 ||
[Analyze grammar]

iti vīreśvarākhyānaṃ tīrthākhyānaprasaṃgataḥ |
kathitaṃ te purāgaste kāmeśaṃ kathayāmyataḥ || 117 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe vīreśvarākhyānaṃ nāma caturaśītitamo'dhyāyaḥ || 84 ||
[Analyze grammar]