Chapter 2

[English text for this chapter is available]

vyāsa uvāca |
sūrya ātmāsya jagatastasthuṣastamasoripuḥ |
udiyāyodayagirau śuciprasṛmaraiḥ karaiḥ || 1 ||
[Analyze grammar]

saṃvardhayansatāṃ dharmāntyakkurvaṃstāmasīṃ sthitim |
padminīṃ bodhayaṃstviṣṭāṃ rātrau mukulitānanām || 2 ||
[Analyze grammar]

havyaṃ kavyaṃ bhūtabaliṃ devādīnāṃ pravartayan |
prāhṇāparāhṇamadhyāhna kriyākālaṃ vijṛṃbhayan || 3 ||
[Analyze grammar]

asatāṃ hṛdi vaktreṣu nirdiśaṃstamasaḥ sthitim |
yāminīkālakalitaṃ jagadujjīvayanpunaḥ || 4 ||
[Analyze grammar]

yasminnabhyudite jātaḥ samyakpuṇyajanodayaḥ |
aho paropakaraṇaṃ sadyaḥ phalati neti cet || 5 ||
[Analyze grammar]

sāyamastamitaḥ prātaḥ kathaṃ jīvedraviḥ punaḥ |
sānurāgakarasparśaiḥ prācīmāśvāsya khaṃḍitām || 6 ||
[Analyze grammar]

yāmaṃ bhuktvā tathāgneyīṃ jvalaṃtīṃ virahādiva |
lavaṃgailāmṛgamadacaṃdracaṃdanacarcitāma || 7 ||
[Analyze grammar]

tāṃbūlīrāgaraktauṣṭhīṃ drākṣāstabakasustanīm |
lavalīvallidorvallī kaṃko lī pallavāṃgulim || 8 ||
[Analyze grammar]

malayānila niḥśvāsāṃ kṣīrodakavarāṃbarām |
trikūṭasvarṇaratnāṃgīṃ suvelādri nitaṃbinīma || 9 ||
[Analyze grammar]

kāverīgautamījaṃghāṃ colacolāṃ śukāvṛtām |
sahyadarduravakṣojāṃ kāṃtīkāṃcīvibhūṣaṇāma || 10 ||
[Analyze grammar]

sukomalamahārāṣṭrīvāgvilāsamanoharām |
adyāpi na mahālakṣmīryā vimuṃcati sadguṇām || 11 ||
[Analyze grammar]

sudakṣadakṣiṇāmāśāmāśānāthaḥ pratasthivān |
kramataḥ sarvamarvanto helayā helikasya kham || 12 ||
[Analyze grammar]

na śekuragrato gaṃtuṃ tato'nūrurvyajijñapat || 13 ||
[Analyze grammar]

anūruruvāca |
bhāno mānonnato vindhyo niddhyaya gaganaṃ sthitaḥ |
spardhate meruṇāprepsu stvaddattāṃ tu pradakṣiṇām || 14 ||
[Analyze grammar]

anrūruvākyamākarṇya savitā hṛdyacintayat |
aho gaganamārgopi rudhyate cātivismayaḥ || 15 ||
[Analyze grammar]

vyāsa uvāca |
sūraḥ śūropi kiṃ kuryātprāṃtare vartmanisthitaḥ |
tvarāvānapi ko ruddhaṃ māgarmeko vilaṃghayet || 16 ||
[Analyze grammar]

gṛhyatrāpratyūṣṭeḥ kṣaṇaṃ nāvatiṣṭhati |
śūnyamārge niruddhaḥ sa kiṃkarotu vidhirbalī || 17 ||
[Analyze grammar]

yojanānāṃ sahasre dve dve śate dve ca yojane |
yojanasya nimeṣārdhādyāti sopi ciraṃ sthitaḥ || 18 ||
[Analyze grammar]

gate bahutithekāle prācyaudīcyāṃ bhṛśārditāḥ |
caṇḍaraśmeḥ karavrātapātasantāpatāpitāḥ || 19 ||
[Analyze grammar]

pāścātyā dakṣiṇātyāśca nidrāmudritalocanāḥ |
śayitā eva vīkṣante satāragrahamaṃbaram || 20 ||
[Analyze grammar]

ahonāhaskarābhāvānniśānaivā'niśākarāt |
astaṃgatarkṣānnabhasaḥ kaḥ kālastvepa nekṣyate || 21 ||
[Analyze grammar]

brahmāṃḍaṃ kimakāṃḍe vai layameṣyati tatkatham |
parāpataṃti nādyāpi pārāvārā itastataḥ || 22 ||
[Analyze grammar]

svāhāsvadhāvaṣaṭkāravarjite jagatītale |
paṃcayajñakriyālopāccakaṃpe bhuvanatrayam || 23 ||
[Analyze grammar]

sūryodayātpravartaṃte yajñādyāḥ sakalāḥ kriyāḥ |
tābhiryajñabhujāṃtṛptiḥ savitā tatra kāraṇam || 24 ||
[Analyze grammar]

citraguptādayaḥ sarve kālaṃ jānaṃti sūryataḥ |
sthitisargavisargāṇāṃ kāraṇaṃ kevalaṃ raviḥ || 25 ||
[Analyze grammar]

tatsūryasya gatistaṃbhātstaṃbhitaṃ bhuvanatrayam |
yadyatratatsthitaṃ tatra citranyastamivā khilam || 26 ||
[Analyze grammar]

ekatastimirānnaiśādekatastu divātapāt |
bahūnāṃ pralayo jātaḥ kāṃdiśīkamabhūjjagat || 27 ||
[Analyze grammar]

iti vyākulite loke surāsuranarorage |
āḥkimetadakāṃḍebhūdrurudurdudruvuḥ prajāḥ || 28 ||
[Analyze grammar]

tataḥ sarve samālokya brahmāṇaṃ śaraṇaṃ yayuḥ |
stuvaṃto vividhaiḥ stotrai rakṣarakṣeti cābruvan || 29 ||
[Analyze grammar]

devā ūcuḥ |
namo hiraṇyarūpāya brahmaṇe brahmarūpiṇe |
avijñātasvarūpāya kaivalyāyāmṛtāya ca || 30 ||
[Analyze grammar]

yanna devā vijānaṃti mano yatrāpi kuṃṭhitam |
na yatra vākprasarati namastasmai cidātmane || 31 ||
[Analyze grammar]

yogino yaṃ hṛdākāśe praṇidhānena niścalāḥ |
jyotīrūpaṃ prapaśyaṃti tasmai śrībrahmaṇe namaḥ || 32 ||
[Analyze grammar]

kālātparāya kālāya svecchayāpuruṣāya ca |
guṇatraya svarūpāya namaḥ prakṛtirūpiṇe || 33 ||
[Analyze grammar]

viṣṇave sattvarūpāya rajorūpāya vedhase |
tamase rudrarūpāya sthitisargāṃtakāriṇe || 34 ||
[Analyze grammar]

namo buddhisvarūpāya tridhāhaṃkṛtaye namaḥ |
paṃcatanmātra rūpāya paṃcakarmedriyātmane || 35 ||
[Analyze grammar]

namo manaḥsvarūpāya paṃcabuddhīṃdriyātmane |
kṣityādi paṃcarūpāya namaste viṣayātmane || 35 ||
[Analyze grammar]

namo brahmāṃḍarūpāya tadaṃtarvartine namaḥ |
arvācīnaparācī na viśvarūpāya te namaḥ || 37 ||
[Analyze grammar]

anityanityarūpāya sadasatpataye namaḥ |
samastabhaktakṛpayā svecchāviṣkṛtavigraha || 36 ||
[Analyze grammar]

tava niḥśvasitaṃ vedāstava sve dokhilaṃ jagat |
viśvā bhūtāni te pādaḥ śīrṣṇo dyauḥ samavartata || 39 ||
[Analyze grammar]

nābhyā āsīdaṃtarikṣaṃ lomāni ca vanaspatiḥ |
candramā manaso jātaścakṣoḥ sūryastava prabho || 40 ||
[Analyze grammar]

tvameva sarvaṃ tvayi deva sarvaṃ stotā stutiḥ stavya iha tvameva |
īśa tvayā'vāsyamidaṃ hi sarvaṃ namostu bhūyopi namo namaste || 41 ||
[Analyze grammar]

iti stutvā vidhiṃ devā nipeturdaṃḍavatkṣitau |
parituṣṭastadā brahmā pratyuvāca divaukasaḥ || 42 ||
[Analyze grammar]

brahmovāca |
yathārthayā'nayā stutyā tuṣṭosmi praṇatāḥ surāḥ |
uttiṣṭhata prasannosmi vṛṇudhvaṃ varamuttamam || 43 ||
[Analyze grammar]

yaḥ stoṣyatyanayā stutyā śraddhāvānpratyahaṃ śuciḥ |
māṃ vā haraṃ vā viṣṇuṃ vā tasya tuṣṭāḥ sadā vayam || 44 ||
[Analyze grammar]

dāsyāmaḥ sakalānkāmānputrānpautrānpaśūnvasu |
saubhāgyamāyurārogyaṃ nirbhayatvaṃ raṇe jayam || 45 ||
[Analyze grammar]

aihikāmuṣmikānbhogānapavargaṃ tathā'kṣayam |
yadyadiṣṭatamaṃ tasya tattatsarvaṃ bhaviṣyati || 46 ||
[Analyze grammar]

tasmātsarvaprayatnena paṭhitavyaḥ stavottamaḥ |
abhīṣṭada iti khyātaḥ stavoyaṃ sarvasiddhidaḥ || 47 ||
[Analyze grammar]

punaḥ provāca tānvedhāḥ praṇipatyotthitānsurān |
svasthāstiṣṭhata bho yūyaṃ kimatrāpi samākulāḥ || 48 ||
[Analyze grammar]

ete vedā mūrtidharā imā vidyāstathākhilāḥ |
sadakṣiṇā amī yajñāḥ satyaṃ dharmastapo damaḥ || 49 ||
[Analyze grammar]

brahmacaryamidaṃ caiṣā karuṇā bhāratītviyam |
śrutismṛtītihāsārtha caritārthā amījanāḥ || 50 ||
[Analyze grammar]

neha krodho na mātsaryaṃ lobhaḥ kāmo'dhṛtirbhayam |
hiṃsā kuṭilatā garvo niṃdāsūyā'śuciḥ kvacit || 51 ||
[Analyze grammar]

ye brāhmaṇā brahmaratāstaponiṣṭhāstapodhanāḥ |
māsopavāsaṣaṇmāsacāturmāsyādi sadvratāḥ || 52 ||
[Analyze grammar]

pātivratyaratā nāryo ye cānye brahmacāriṇaḥ |
te cāmīpaśyata surā ye ṣaṃḍhāḥ parayoṣiti || 53 ||
[Analyze grammar]

mātāpitroramī bhaktā amī gograhaṇe hatāḥ |
vrate dāne jape yajñe svādhyāye dvijatarpaṇe || 54 ||
[Analyze grammar]

tīrthe tapasyupakṛtau sadācārādikarmaṇi |
phalābhilāṣiṇībuddhirna yeṣāṃ te janā amī || 55 ||
[Analyze grammar]

gāyatrī jāpyaniratā agnihotra parāyaṇāḥ |
dvimukhī go pradātāraḥ kapilādāna tatparāḥ || 56 ||
[Analyze grammar]

nispṛhāḥ somapā ye vai dvijapādodapāśca ye |
mṛtāḥ sārasvate tīrthe dvijaśuśrūṣakāśca ye || 57 ||
[Analyze grammar]

pratigrahe samarthā hi ye pratigrahavarjitāḥ |
ta ete matpriyā viprāstyaktatīrtha pratigrahāḥ || 58 ||
[Analyze grammar]

prayāge māgha māso yairuṣaḥ snāto'malātmabhiḥ |
makarasthe ravau śuddhāsta ime sūryavarcasaḥ || 59 ||
[Analyze grammar]

vārāṇasyāṃ pāṃcanade tryahaṃ snātāstu kārtike |
amī te śuddhavapuṣaḥ puṇyabhājotinirmalāḥ || 60 ||
[Analyze grammar]

snātvā tu maṇikarṇikyāṃ prīṇitā brāhmaṇā dhanaiḥ |
ta ete sarvabhogāḍhyāḥ kalpaṃ sthāsyaṃti matpure || 61 ||
[Analyze grammar]

tataḥ kāśīṃ samāsādya tena puṇyena noditāḥ |
viśveśvaraprasādena mokṣameṣyaṃtyasaṃśayam || 62 ||
[Analyze grammar]

avimukte kṛtaṃ karma yadalpamapi mānavaiḥ |
śreyorūpaṃ tadvipāko mokṣo janmāṃtareṣvapi || 63 ||
[Analyze grammar]

aho vaiśveśvare kṣetre maraṇādapinobhayam |
yatra sarve pratīkṣaṃte mṛtyuṃ priyamivāti thim || 64 ||
[Analyze grammar]

brāhmaṇebhyaḥ kurukṣetre yairdattaṃ vasu nirmalam |
nirmalāṃgāsta ete vai tiṣṭhaṃti mama saṃnidhā || 65 ||
[Analyze grammar]

pitāmahaṃ samāsādya gayāyāṃ yaiḥ pitāmahāḥ |
tarpitā brāhmaṇamukhe teṣāmete pitāmahāḥ || 66 ||
[Analyze grammar]

na snānena na dānena na japena na pūjayā |
mallokaḥ prāpyate devāḥ prāpyate dvija tarpaṇāt || 67 ||
[Analyze grammar]

sopaskarāṇiveśmānimu salolūkhalādibhiḥ |
yairdattāni saśayyāni teṣāṃ harmyāṇyamūni vai || 68 ||
[Analyze grammar]

brahmaśālāṃ kārayaṃti vedamadhyāpayaṃti ca |
vidyādānaṃ ca ye kuryuḥ purāṇaṃ śrāvayaṃti ca || 69 ||
[Analyze grammar]

purāṇāni ca ye dadyuḥ pustakāni dadatyapi |
dharmaśāstrāṇi ye dadyusteṣāṃ vāsotra me pure || 70 ||
[Analyze grammar]

yajñārthaṃ ca vivāhārthaṃ vratārthaṃ brāhmaṇāya vai |
akhaṃḍaṃ vasu ye dadyustetra syurvasuvarcasaḥ || 71 ||
[Analyze grammar]

ārogyaśālāṃ yaḥ kuryādvaidyapoṣaṇatatparaḥ |
ākalpamatra vasati sarvabhoga samanvitaḥ || 72 ||
[Analyze grammar]

muktī kurvaṃti tīrthāni ye ca duṣṭāvarodhataḥ |
mamāvarodhe te mānyā aurasāstanayā iva || 73 ||
[Analyze grammar]

viṣṇorvāmamavāśaṃbhorbrāhmaṇā eva supriyāḥ |
teṣāṃ mūrtyā vayaṃ sākṣādvicarāmo mahītale || 74 ||
[Analyze grammar]

brāhmaṇāścaiva gāvaśca kulamekaṃ dvidhākṛtam |
ekatra maṃtrāstiṣṭhaṃti havirekatra tiṣṭhati || 75 ||
[Analyze grammar]

brāhmaṇā jaṃgamaṃ tīrthaṃ nirmitaṃ sārvabhaumikam |
yeṣāṃ vākyodakenaiva śuddhyaṃti malinā janāḥ || 76 ||
[Analyze grammar]

gāvaḥ pavitramatulaṃ gāvo maṃgalamuttamam |
yāsāṃ khurotthito reṇurgaṃgāvārisamo bhavet || 77 ||
[Analyze grammar]

śṛṃgāgre sarvatīrthāni khurāgre sarva parvatāḥ |
śṛṃgayoraṃtare yasyāḥ sākṣādgaurīmaheśvarī || 78 ||
[Analyze grammar]

dīyamānāṃ ca gāṃ dṛṣṭvā nṛtyaṃti prapitāmahāḥ |
prīyaṃte ṛṣayaḥ sarve tuṣyāmo daivataiḥ saha || 79 ||
[Analyze grammar]

rorūyaṃte ca pāpāni dāridryaṃ vyādhibhiḥ saha |
dhātryaḥ sarvasya lokasya gāvo māteva sarvathā || 80 ||
[Analyze grammar]

gavāṃ stutvā namaskṛtya kṛtvā caiva pra dakṣiṇām |
pradakṣiṇīkṛtātena saptadvīpā vasuṃdharā || 81 ||
[Analyze grammar]

yā lakṣmīḥ savarbhūtānāṃ yā deveṣu vyavasthitā |
dhenurūpeṇa sā devī mama pāpaṃ vyapohatu || 82 ||
[Analyze grammar]

viṣṇorvakṣasi yā lakṣmīḥ svāhā caiva vibhāvasoḥ |
svadhā yā pitṛmukhyānāṃ sā dhenurvaradā sadā || 83 ||
[Analyze grammar]

gomayaṃ yamunā sākṣādgomūtraṃ narmadā śubhā |
gaṃgā kṣīraṃ tu yāsāṃ vai kiṃ pavitramataḥ param || 84 ||
[Analyze grammar]

gavāmaṃgeṣu tiṣṭhaṃti bhuvanāni caturdaśa |
yasmāttasmācchivaṃ me syādihaloke paratra ca || 85 ||
[Analyze grammar]

iti maṃtraṃ samuccārya dhenūrvādhenu meva vā |
yo dadyāddvijavaryāya sa sarvebhyo viśiṣyate || 86 ||
[Analyze grammar]

mayā ca viṣṇunā sārdhaṃ śivena ca maharṣibhiḥ |
vicārya goguṇānnityaṃ prārthaneti vidhīyate || 87 ||
[Analyze grammar]

gāvo me purataḥ saṃtu gāvo me saṃtu pṛṣṭhataḥ |
gāvo me hṛdaye saṃtu gavāṃ madhye vasāmyaham || 88 ||
[Analyze grammar]

nīrājayati yoṃgāni gavāṃ pucchena bhāgyavān |
alakṣmīḥ kalaho rogāstasyāṃgādyāṃti dūrataḥ || 89 ||
[Analyze grammar]

gobhirvipraśca vedaiśca satībhiḥ satyavādibhiḥ |
alubdhairdā naśīlaiśca saptabhirdhāryate mahī || 90 ||
[Analyze grammar]

mama lokātparoloko vaikuṃṭha iti gīyate |
tasyopariṣṭātkaumāra umālokastataḥ param || 91 ||
[Analyze grammar]

śivalokastadupari golo kastatsamīpataḥ |
gomātaraḥ suśīlādyāstatra saṃti śivapriyāḥ || 92 ||
[Analyze grammar]

gavāṃ śuśrūrūṣakāye ca gopradāye ca mānavāḥ |
eṣāmanyatame loke te syuḥ sarvasamṛddhayaḥ || 93 ||
[Analyze grammar]

yatra kṣīravahā nadyo yatra pāyasa kardamāḥ |
na jarā bādhate yatra tatra gacchaṃti gopradāḥ || 94 ||
[Analyze grammar]

śrutismṛtipurāṇajñā brāhmaṇāḥ parikīrtitāḥ |
taduktācāracaraṇā itare nāmadhārakāḥ || 95 ||
[Analyze grammar]

śrutismṛtī tu netre dve purāṇaṃ hṛdayaṃ smṛtam |
śrutismṛtibhyāṃ hīnoṃdhaḥ kāṇaḥ syādekayā vinā |
purāṇahīnāddhṛcchūnyātkāṇāṃdhāvapi tau varau |
śrutismṛtyuditodharmaḥ purāṇe parigīyate || 97 ||
[Analyze grammar]

tadbāhmaṇāya gordeyā sarvatra sukhamicchatā |
na deyā dvijamātrāya dātāraṃ sopyadho nayet || 98 ||
[Analyze grammar]

yasya dharme'sti jijñāsā yasya pāpādbhayaṃ mahat |
śrotavyāni purāṇāni dhamarmūlāni tena vai || 99 ||
[Analyze grammar]

caturdaśasu vidyāsu purāṇaṃ dīpa uttamaḥ |
aṃdhopi na tadā lokātsaṃsārābdhau kvacitpatet || 100 ||
[Analyze grammar]

śrotavyāni purāṇāni vastavyaṃ jāhnavī taṭe |
tarpaṇīyā dvijā nityaṃ mamalokepsubhiḥ sadā || 1 ||
[Analyze grammar]

ityuddeśānmayākhyātā satyalokavyavasthitiḥ |
abhayaṃ yadbhayārtānāṃ na bhetavyaṃ ca he surāḥ || 2 ||
[Analyze grammar]

spardhate meruṇā viṃdhyo bradhnādhva parirodhakṛta |
tadarthamāgatā yūyaṃ tadupāyaṃ diśāmi vaḥ || 3 ||
[Analyze grammar]

astyagastyastapyamānastapa ugraṃ mahātapāḥ |
maitrāvaruṇirādhāya cittaṃ viśveśvare vibhau || 4 ||
[Analyze grammar]

avimuktamahākṣetre sarveṣāṃ muktihetuke |
tārakasyopadeśārthaṃ viśveśā'dhiṣṭhite svayam || 5 ||
[Analyze grammar]

yācadhvaṃ tatra gatvā taṃ sa vaḥ kāryaṃ vidhāsyati |
tenaikadāvitā lokā vātāpīlvalabhakṣaṇāt || 6 ||
[Analyze grammar]

atimitraṃ tatra tejo mitrāvaruṇaje munau |
tadāprabhṛti lokeṣu kogastyānnaiva bibhyati || 7 ||
[Analyze grammar]

ityuktvāṃtardadhe vedhāstepi pramuditānanāḥ |
devāḥ parasparaṃ procurahodhanya tamā vayam || 8 ||
[Analyze grammar]

prasaṃgatopi draṣṭavyau kāśīkāśīpatī śivau || |
aho ahobhirbahubhiḥ phalito no manorathaḥ || 9 ||
[Analyze grammar]

utphullapadmanayanā nirmitāḥ sukṛtārthinaḥ |
tāveva caraṇau dhanyau kāśīmabhiprayāyinau || 110 ||
[Analyze grammar]

yeyaṃ kathā śrutāsmābhirvedhasā samudīritā |
tasyāḥ śravaṇajātpuṇyātprāpnumastvadya kāśikām || 11 ||
[Analyze grammar]

ekā kriyā dvyarthakarī prāpyate puṇyagauravāt |
evaṃ vadaṃto hṛṣṭāsyāḥ surāḥ kāśīṃ samāyayuḥ || 12 ||
[Analyze grammar]

vyāsa uvāca |
idaṃ puṇyatamākhyānaṃ ye śroṣyaṃtīha mānavāḥ |
vidhūya sarvapāpāni putradārasamanvitāḥ || 13 ||
[Analyze grammar]

iha vaṃśaṃ paristhāpya bhuktvā sarva sukhāni ca |
satyaloke ciraṃ sthitvā tato yāsyaṃti śāśvatam || 114 ||
[Analyze grammar]

iti śrīskānde mahāpurāṇe ekāśītisāhasyāṃ saṃhitāyāṃ caturthe kāśīkhaṃḍe pūrvārdhe satyalokavarṇanaṃnāma dvitīyo'dhyāyaḥ || 2 ||
[Analyze grammar]