Chapter 3

[English text for this chapter is available]

sūta uvāca |
bhagavanbhūtabhavyeśa sarvajñānamahānidhe |
avāpya kāśīṃ gīrvāṇaiḥ kimakāri vadācyuta || 1 ||
[Analyze grammar]

adhītyemāṃ kathāṃ divyāṃ na tṛptimadhiyāmyaham |
śevadhistapasāṃ devairagastiḥ prārthitaḥ katham || 2 ||
[Analyze grammar]

kathaṃ viṃdhyopyavāpa svāṃ prakṛtiṃ tādṛgunnataḥ |
tavavāgamṛtāṃbhodhau mano me snātumutsukam || 3 ||
[Analyze grammar]

iti kṛtsnaṃ samākarṇya vyāsaḥ pārāśaro muniḥ |
śraddhāvate svaśiṣyāya vaktuṃ samupacakrame || 4 ||
[Analyze grammar]

pārāśara uvāca |
śṛṇu sūta mahābuddhe bhaktiśraddhāsamanvitaḥ |
śukavaiśaṃpāyanādyāḥ śṛṇvaṃtvete ca bālakāḥ || 5 ||
[Analyze grammar]

tato vārāṇasīṃ prāpya gīrvāṇāḥ samaharṣayaḥ |
avilaṃbaṃ prathamato ma ṇikarṇyāṃ vidhānataḥ || 6 ||
[Analyze grammar]

sacailamabhimajjyātha kṛtasaṃdhyādisatkriyāḥ |
saṃtarpya tarpyādipitṝnkuśagaṃdhatilodakaiḥ || 7 ||
[Analyze grammar]

tīrthavāsārthinaḥ sarvānsaṃtarpya ca pṛthakpṛthak |
ratnairhiraṇyavāsobhiraśvābharaṇadhenubhiḥ || 8 ||
[Analyze grammar]

vicitraiśca tathā pātraiḥ svarṇaraupyādi nirmitaiḥ |
amṛtasvādupakvānnaiḥ pāyasai śca saśarkaraiḥ || 9 ||
[Analyze grammar]

sagorasairannadānairdhānyadānairanekadhā |
gaṃdhacaṃdanakarpūraistāṃbūlaiścārucāmaraiḥ || 10 ||
[Analyze grammar]

satūlairmṛduparyaṃkairdīpikādarpaṇāsanaiḥ |
śibikādāsadāsībhirvimānaiḥpaśubhirgṛhaiḥ || 11 ||
[Analyze grammar]

citradhvajapatākābhirullocaiścaṃdracārubhiḥ |
varṣāśanapradānaiśca gṛhopaskarasaṃyutaiḥ || 12 ||
[Analyze grammar]

upānatpādukābhiśca yatinaśca tapasvinaḥ |
yogyaiḥ paṭṭadukūlaiśca vividhaiścitrarallakaiḥ || 13 ||
[Analyze grammar]

daṃḍaiḥ kamaṃḍaluyutairajinairmṛgasaṃbhavaiḥ |
kaupīnairuccamaṃcaiśca paricārakakāṃcanaiḥ || 14 ||
[Analyze grammar]

maṭhairvidyārthināmannairatithyarthaṃ mahādhanaiḥ |
mahāpustakasaṃbhārairlekhakānāṃ ca jīvanaiḥ || 15 ||
[Analyze grammar]

bahudhauṣadhadānaiśca satradānairanekaśaḥ |
grīṣme prapārthadraviṇairhemaṃtegniṣṭikeṃdhanaiḥ || 16 ||
[Analyze grammar]

chatrācchādanikādyarthe varṣākālocitairbahu |
rātrau pāṭhapradīpaiśca pādābhyaṃjanakādibhiḥ || 17 ||
[Analyze grammar]

purāṇapāṭhakāṃścāpi pratidevālayaṃ dhanaiḥ |
devālaye nṛtyagītakaraṇārthairanekaśaḥ || 18 ||
[Analyze grammar]

devālaya sudhākāryairjīrṇoddhārairanekadhā |
citralekhanamūlyaiśca raṃgamālādimaṃḍanaiḥ || 19 ||
[Analyze grammar]

nīrājanairguggulubhirdaśāṃ gādi sudhūpakaiḥ |
karpūravartikādyaiśca devārcārthairanekaśaḥ || 20 ||
[Analyze grammar]

paṃcāmṛtānāṃ snapanaiḥ sugaṃdha snapanairapi |
devārthaṃ mukhavāsaiśca devodyānairanekaśaḥ || 21 ||
[Analyze grammar]

mahāpūjārthamālyādi guṃphanārthaistrikālataḥ |
śaṃkhabherīmṛdaṃgādivādyanādaiḥ śivālaye || 22 ||
[Analyze grammar]

ghaṃṭāguḍukakuṃbhādi snānopaskarabhājanaiḥ |
śvetairmārjanavastraiśca sugaṃdhairyakṣakardamaiḥ || 23 ||
[Analyze grammar]

japahomaiḥ stotrapāṭhaiḥ śivanāmoccabhāṣaṇaiḥ |
rāsakrīḍādisaṃyuktaiścalanaiḥ sapradakṣiṇaiḥ || 24 ||
[Analyze grammar]

evamādibhiruddaṃḍaiḥ kriyākāṃḍairanekaśaḥ |
paṃcarātramuṣitvā tu kṛtvā tīrthānyanekaśaḥ || 25 ||
[Analyze grammar]

dīnānāthāṃśca saṃtarpya natvā viśveśvaraṃ vibhum |
brahmacaryādiniyamaistīrthamevaṃ prasādhya ca || 26 ||
[Analyze grammar]

punaḥ punarviśvanāthaṃ dṛṣṭvā stutvā praṇamya ca |
jagmuḥ paropakārārthamagastiryatra tiṣṭhati || 27 ||
[Analyze grammar]

svanāmnā liṃgamāsthāpya kuṃḍaṃ kṛtvā tadagrataḥ |
śatarudriyasūktena japanniścalamānasaḥ || 28 ||
[Analyze grammar]

taṃ dṛṣṭvā dūrato devā dvitīyamiva bhāskaram |
jvalajjvalanasaṃkāśairaṃgaiḥ sarvatrasojjvalam || 29 ||
[Analyze grammar]

sākṣātkiṃvāḍavāgnirvā mūrtyā vai tapyate tapaḥ |
sthāṇuvanniścalataraṃ nirmalaṃ sanmano yathā || 30 ||
[Analyze grammar]

athavā sarva tejāṃsi śritvemāṃ brāhmaṇīṃ tanum |
śīlayaṃti paraṃ dhāma śātaṃśāṃta padāptaye || 31 ||
[Analyze grammar]

tapanastapyate'tyarthaṃ dahanopi hi dahyate |
yattīvratapasādyāpi capalā'capalābhavat || 32 ||
[Analyze grammar]

yasyāśrame 'tra dṛśyaṃte hiṃsrā api samaṃtataḥ |
sattvarūpā amī sattvāstyaktvā vairaṃ svabhāvajam || 33 ||
[Analyze grammar]

śuṃḍādaṃḍena karaṭiḥ siṃhaṃ kaṃḍūyate'bhayaḥ |
aṣṭāpadāṃke svapiti kesarī kesarodbhaṭaḥ || 34 ||
[Analyze grammar]

sūkaraḥ stabdharomāpi vihāya nijayūthakam |
caredvanaśunāṃ madhye mustānyastekṣaṇobalī || 35 ||
[Analyze grammar]

bhūdāropi na bhūdāraṃ tathākuryādyathā'nyataḥ |
sarvā liṃgamayī kāśī yatastadbhītiyaṃtritaḥ || 36 ||
[Analyze grammar]

kroḍīkṛtya kroḍapotaṃ tarakṣuḥ krīḍayatyaho |
śārdūlabālānutsārya śārdūlīmeṇapotakaḥ || 37 ||
[Analyze grammar]

calatpucchotha pibati phenilenānanena vai |
svapaṃtaṃ lomaśaṃ bhallaṃ vānaraścaladaṃguliḥ || 38 ||
[Analyze grammar]

yūkā saṃvīkṣyavīkṣyaiva bhakṣayeddaṃtakoṭibhiḥ |
golāṃgūlāraktamukhānīlāṃ gā yūthathanāyakāḥ || 39 ||
[Analyze grammar]

jātisvabhāvamātsaryaṃ tyaktvaikatra ramaṃti ca |
śaśāḥ krīḍaṃti ca vṛkaistaiḥ pṛṣṭhaluṃṭhanairmuhuḥ || 40 ||
[Analyze grammar]

ākhuścākhubhujaḥ karṇaṃ kaṃḍūyeta calānanaḥ |
mayūrapucchapuṭago nidrātyotuḥ sukhādhikam || 41 ||
[Analyze grammar]

svakaṃṭhaṃ gharṣayatyeva kekikaṃṭhe bhujaṃgamaḥ |
bhujaṃgamaphaṇāpṛṣṭhe nakulaḥ svakulocitam || 42 ||
[Analyze grammar]

vairaṃ parityajya luṭhedutplutyotplutya līlayā |
ālokya mūṣakaṃ sarpaścaraṃtaṃ vadanāgrataḥ || 43 ||
[Analyze grammar]

kṣudhāṃdhopi na gṛhṇāti sopi tasmādbibheti no |
prasūyamānāṃ hariṇīṃ dṛṣṭvā kāruṇyapūrṇadṛk || 44 ||
[Analyze grammar]

taddṛṣṭipātaṃ muṃcanvai vyāghro dūraṃ vrajatyaho |
vyāghrī vyāghrasya caritaṃ mṛgī mṛgaviceṣṭitam |
ubhe kathayato 'nyonyaṃ sakhyāvivamudānvite || 45 ||
[Analyze grammar]

dṛṣṭvāpyuddaṃḍakodaṃḍaṃ śabaraṃ śaṃbaromṛgaḥ |
dhṛṣṭo na vartma tyajati sopi kaṃḍūyatepi tam || 46 ||
[Analyze grammar]

rohito'raṇyamahiṣamuddharṣati nirākulaḥ |
camarīśabarīkeśaiḥ saṃmimīte svavāladhim || 47 ||
[Analyze grammar]

gavayaḥ śalyakaścā'yamubhāvekatratiṣṭhataḥ |
tīvramātsaryamutsṛjya munitejoniyaṃtritau || 45 ||
[Analyze grammar]

huṃḍau ca muṃḍa yuddhāya na sajjete jayaiṣiṇau |
eṇaśāvaṃ sṛgālopi mṛduspṛśati pāṇinā || 49 ||
[Analyze grammar]

tṛṇvaṃti tṛṇagulmādīnśvāpadāstvāpadāspadam |
lokadvaye duḥkhahaṃhi dhiktanmāṃsasya bhakṣaṇam || 50 ||
[Analyze grammar]

yaḥ svārthaṃ māṃsapacanaṃ kurute pāpamohitaḥ |
yāvaṃtyasya tu romāṇi tāvatsa narake vaset || 51 ||
[Analyze grammar]

paraprāṇaistu ye prāṇānsvānpuṣṇaṃ ti hi durdhiyaḥ |
ākalpaṃ narakānbhuktvā te bhujyaṃtetra taiḥ punaḥ || 52 ||
[Analyze grammar]

jātumāṃsaṃ na bhoktavyaṃ prāṇaiḥ kaṃṭhagatairapi |
bhoktavyaṃ tarhi bhoktavyaṃ svamāṃsaṃ netarasya ca || 53 ||
[Analyze grammar]

varameteśvāpadā vai maitrāvaruṇi sevayā |
yeṣāṃ na hiṃsane buddhirnatu hiṃsāparā narāḥ || 54 ||
[Analyze grammar]

bakopi palvale matsyānnāśnātyagrecarānapi |
na mahāṃtopyamahato matsyā matsyānadaṃti vai || 55 ||
[Analyze grammar]

ekataḥ sarvamāṃsāni matsyamāṃsaṃ tathakaitaḥ |
smṛtiḥ smṛteti kiṃtvebhiratomatsyāñjahatyamī || 56 ||
[Analyze grammar]

śyenopi vartikāṃ dṛṣṭvā bhavatyeṣa parāṅmukhaḥ |
citramatrāpi madhupā bhramaṃti malināśayāḥ || 57 ||
[Analyze grammar]

suciraṃ narakānbhuktvā madirāpānalaṃpaṭāḥ |
madhupā eva gāyaṃte bhrāṃtibhājaḥ punaḥ punaḥ || 58 ||
[Analyze grammar]

ataeva purāṇeṣu gātheti parigīyate |
sphuṭārthātra purāṇajñairjñātvā tattvaṃ pinākinaḥ || 59 ||
[Analyze grammar]

kva māṃsaṃ kva śive bhaktiḥ kva madyaṃ kva śivārcanam |
madyamāṃsaratānāṃ ca dūre tiṣṭhati śaṃkaraḥ || 60 ||
[Analyze grammar]

vinā śivaprasādaṃ hi bhrāṃtiḥ kvāpi na naśyati |
ataeva bhramaṃtyete bhramarāḥ śivavarjitāḥ || 61 ||
[Analyze grammar]

ityāśramacarāndṛṣṭvā tiryañcopi munīniva |
abodhivibudhairitthaṃ prabhāvaḥ kṣetrajastvayam || 62 ||
[Analyze grammar]

yato viśveśvareṇaite tiryañcopyatravāsinaḥ |
nidhanāvasare mocyāstāraka syopadeśataḥ || 63 ||
[Analyze grammar]

jñātvā kṣetrasya māhātmyaṃ yo vasetkṛtaniścayaḥ |
taṃ tārayati viśveśo jīvaṃtamathavā mṛtam || 64 ||
[Analyze grammar]

avimuktarahasyajñā mucyaṃte jñāni no narāḥ |
ajñāninopi tiryañco mucyaṃte gatakilbiṣāḥ || 65 ||
[Analyze grammar]

ityāścaryaparā devā yāvadyāṃtyāśramaṃ muneḥ |
tāvatpakṣikulaṃ dṛṣṭvā bhṛśaṃ mumudire punaḥ || 66 ||
[Analyze grammar]

sāraso lakṣmaṇākaṃṭhe kaṃṭhamādhāya niścalaḥ |
manyāmahe na nidrātidhyāyedviśveśvaraṃ kila || 67 ||
[Analyze grammar]

kaṃḍūyamānā varaṭā svacaṃcupuṭakoṭibhiḥ |
haṃsaṃ kāmayamānaṃ tu vārayetpakṣadhūnanaiḥ || 68 ||
[Analyze grammar]

niruddhyamāna cakreṇa cakrīkreṃkitabhāṣaṇaiḥ |
vadatīti kimatrāpi kāmitā kāmināṃ vara || 69 ||
[Analyze grammar]

kalakaṃṭhaḥ kilotkaṃṭhaṃ maṃjuguṃjati kuṃjagaḥ |
dhyānasthaḥ śroṣyati muniḥ pārāvatyeti vāryate || 70 ||
[Analyze grammar]

kekīkekāṃ parityajya maunaṃ tiṣṭhati tadbhayāt |
cakoraścaṃdrikā bhoktā naktavratamivāsthitaḥ || 71 ||
[Analyze grammar]

paṭhaṃtī sārikāsāraṃ śukaṃsaṃbodhayatyaho |
apārāvārasaṃsārasiṃdhupārapradaḥ śivaḥ || 72 ||
[Analyze grammar]

kokilaḥ komalālāpaiḥ kalayankilakākalīm |
kalikālau kalayataḥ kāśīsthānnetibhāṣate || 73 ||
[Analyze grammar]

mṛgāṇāṃ pakṣiṇāmitthaṃ dṛṣṭvā ceṣṭāṃ triviṣṭapam |
akāṃḍapātasaṃkaṣṭaṃ niniṃdustridaśā bahu || 74 ||
[Analyze grammar]

varametepakṣimṛgāḥ paśavaḥ kāśivāsinaḥ |
yeṣāṃ na punarāvṛttirnadevānapunarbhavāḥ || 75 ||
[Analyze grammar]

kāśīsthaiḥ patitaistulyā na vayaṃ svargiṇaḥ kvacit |
kāśyāṃ pātādbhayaṃ nāsti svargepātādbhayaṃ mahat || 76 ||
[Analyze grammar]

varaṃ kāśīpurī vāso māsopavasanādibhiḥ |
vicitracchatrasaṃchāyaṃ rājyaṃ nānyatra nīripu || 77 ||
[Analyze grammar]

śaśakairmaśakaiḥ kāśyāṃ yatpadaṃ helayāpyate |
tatpadaṃ nāpyate'nyatra yogayuktyāpi yogibhiḥ || 78 ||
[Analyze grammar]

varaṃ vārāṇasīraṃko niḥśaṃkoyo yamādapi |
na vayaṃ tridaśāyeṣāṃ giritopīdṛśī daśā || 79 ||
[Analyze grammar]

brahmaṇo divasāṣṭāṃśeṣapadamaiṃdraṃ vinaśyati |
salokapāla sārkaṃ ca sacaṃdragrahatārakam || 80 ||
[Analyze grammar]

parārdhadvayanāśepi kāśīstho yo na naśyati |
tasmātsarvaprayatnena kāśyāṃ śreyaḥ samācaret || 81 ||
[Analyze grammar]

yatsukhaṃ kāśivāsetra na tadbrahmāṃḍamaṃḍape |
asti cettatkathaṃ sarve kāśīvāsābhilāṣukāḥ || 82 ||
[Analyze grammar]

janmāṃtarasahasreṣu yatpuṇyaṃ samupārjitam |
tatpuṇyaparivartena kāśyāṃ vāso'tra labhyate || 83 ||
[Analyze grammar]

labdhopi siddhiṃ no yāyādyadi kuddhyettrilocanaḥ |
tasmādviśveśvaraṃ nityaṃ śaraṇyaṃ śaraṇaṃ vrajet || 84 ||
[Analyze grammar]

dharmārthakāmamokṣākhyaṃ puruṣārthacatuṣṭayam |
akhaṃḍaṃ hi yathā kāśyāṃ na tathā nyatra kutracit || 85 ||
[Analyze grammar]

ālasyenāpi yo yāyādgṛhādviśveśvarālayam |
aśvamedhādhiko dharmastasya syācca padepade || 86 ||
[Analyze grammar]

yaḥ snātvottaravāhinyāṃ yāti viśve śadarśane |
śraddhayā parayā tasya śreyasoṃto na vidyate || 87 ||
[Analyze grammar]

svardhunī darśanātsparśātsnānādācamanādapi |
saṃdhyopāsanato japyāttarpaṇāddevapūjanāt || 88 ||
[Analyze grammar]

paṃcatīrthāvalokācca tato viśveśvarekṣaṇāt |
śraddhāsparśanapūjābhyāṃ dhūpadīpādidānataḥ || 89 ||
[Analyze grammar]

pradakṣiṇaiḥ stotrajapairnamaskāraistu narttanaiḥ |
devadevamahādeva śaṃbho śivaśiveti ca || 90 ||
[Analyze grammar]

dhūrjaṭe nīlakaṃṭheśa pinākiñśaśiśekhara |
triśūlapāṇe viśveśa rakṣarakṣetibhāṣaṇaiḥ || 91 ||
[Analyze grammar]

muktimaṃḍapikāyāṃ ca nimeṣārdho paveśanāt |
tatra dharmakathālāpātpurāṇaśravaṇādapi || 92 ||
[Analyze grammar]

nityādikarmakaraṇāttathātithisamarcanaiḥ |
paropakaraṇādyaiśca dharmassyāduttarottaraḥ || 93 ||
[Analyze grammar]

śuklapakṣe yathā caṃdraḥ kalayā kalayaidhate |
evaṃ kāśyāṃ nivasatāṃ dharmarāśiḥ padepade || 94 ||
[Analyze grammar]

śraddhābījo viprapādāṃbusiktaḥ śākhāvidyāstāścatasro daśāpi |
puṣpāṇyarthā dve phale sthūlasūkṣme mokṣaḥkāmo dharmavṛkṣoyamīḍyaḥ || 95 ||
[Analyze grammar]

sarvārthānāmatradātrī bhavānī sarvānkāmānpūrayedatra ḍhuṃḍhiḥ |
sarvāñjaṃtūnmocayedaṃtakāle viśveśotraśrotramaṃtropadeśāt || 96 ||
[Analyze grammar]

kāśyāṃ dharmastaccatuṣpādarūpaḥ kāśyāmarthaḥ sopyane kaprakāraḥ |
kāśyāṃ kāmaḥ sarvasaukhyaikabhūmiḥ kāśyāṃ śreyastattu kiṃnātra yacca || 97 ||
[Analyze grammar]

viśveśvaro yatra na tatra citraṃ dharmārthakāmāmṛtarūparūpaḥ |
svarūparūpaḥ sa hi viśvarūpastasmānna kāśī sadṛśī trilokī || 98 ||
[Analyze grammar]

iti bruvāṇā gīrvāṇā dadṛśustūṭajaṃ muneḥ |
homadhūmasugaṃdhāḍhyaṃ baṭubhirbahubhirvṛtam || 99 ||
[Analyze grammar]

śyāmākāṃjaliyāñcārthamṛṣikanyānuyāyibhiḥ |
dhṛtopagrahadarbhāsyairmṛgaśāvairalaṃkṛtam || 100 ||
[Analyze grammar]

sārdravalkalakaupīnairvṛkṣaśākhāvalaṃbibhiḥ |
baddhuṃ vighnamṛgāndikṣu vāgurābhirivāvṛtam || 1 ||
[Analyze grammar]

pativratā śiroratnalopāmudrāṃghrimudrayā |
mudritaṃ vīkṣya sannemuḥ parṇaśālāṃ'gaṇaṃ surāḥ || 2 ||
[Analyze grammar]

visarjitasamādhiṃ ca dhṛtakarṇākṣamālikam |
adhiṣṭhitaṃ bṛsīpṛṣṭhaṃ parameṣṭhivadutkaṭam || 3 ||
[Analyze grammar]

purogastyaṃ samālokya sarve devāḥ savāsavāḥ |
prahṛṣṭavadanāḥ procuḥ proccairjayajayeti ca || 4 ||
[Analyze grammar]

munirutthāya tānsarvānupāveśya yathocitam |
āśīrbhirabhinaṃdyātha papracchāgamakāraṇam || 5 ||
[Analyze grammar]

vyāsa uvāca |
idaṃ puṇyatamākhyānaṃ śrutvā bhaktisamanvitaḥ |
paṭhitvā pāṭhayitvā ca vrataśraddhāvatāṃ puraḥ || 6 ||
[Analyze grammar]

vidhūya sarva pāpāni jñātvā'jñātvā kṛtānyapi |
haṃsavarṇena yānena gacchecchivapuraṃ dhruvam || 107 ||
[Analyze grammar]

iti śrīskānde mahāpurāṇa ekāśīti sāharuyāṃ saṃhitāyāṃ caturthe kāśīkhaṃḍe pūrvārddhe agastyāśramavarṇanaṃnāma tṛtīyo'dhyāyaḥ || 3 ||
[Analyze grammar]