Chapter 36

[English text for this chapter is available]

śrīsūta uvāca |
dhanuṣkoṭestu māhātmyaṃ bhūyo'pi prabravīmyaham |
durācārābhidho yatra snātvā mukto bhavaddvijāḥ || 1 ||
[Analyze grammar]

munaya ūcuḥ |
durācārābhidhaḥ ko'sau sūta tattvārthakovida |
kiṃca pāpaṃ kṛtaṃ tena durācāreṇa vai mune || 2 ||
[Analyze grammar]

kathaṃ vā pātakā nmukto dhanuṣkoṭau nimajjanāt |
etacchuśrūṣamāṇānāṃ vistarādvada no mune || 3 ||
[Analyze grammar]

śrīsūta uvāca |
munayaḥ śrūyatāṃ tasya durācārasya pātakam |
snānena dhanuṣaḥ koṭau yathā muktaśca pātakāt || 4 ||
[Analyze grammar]

durācārābhidho vipro gautamītīramāśritaḥ |
kaścidasti dvijāḥ pāpī krūrakarmarataḥ sadā || 5 ||
[Analyze grammar]

brahmaghnaiśca surāpaiśca steyibhirgurutalpagaiḥ |
tadā saṃsargaduṣṭo'sau taiḥ sākaṃ nyavasadvijāḥ || 6 ||
[Analyze grammar]

mahāpātakisaṃsargaṃ doṣeṇāsya dvijasya vai |
brāhmaṇyaṃ sakalaṃ naṣṭaṃ niḥśeṣeṇa dvijottamāḥ || 7 ||
[Analyze grammar]

mahāpātakibhiḥ sārddhaṃ dinamekaṃ tu yo dvijaḥ |
nivasetsādaraṃ tasya tatkṣaṇādvai dvijanmanaḥ || 8 ||
[Analyze grammar]

brāhmaṇasya turīyāṃśo naśyatyeva na saṃśayaḥ |
dvidinaṃ sevanātsparśāddarśanācchayanāttathā || 9 ||
[Analyze grammar]

bhojanātsaha paṃktau ca mahāpātakibhirdvijāḥ |
dvitīyabhāgo naśyeta brāhmaṇasya na saṃśayaḥ || 10 ||
[Analyze grammar]

tridinācca tṛtīyāṃśo naśyatyeva na saṃśayaḥ |
caturdināccaturthāṃśo vilayaṃ yāti hi dhruvam || 11 ||
[Analyze grammar]

ataḥ paraṃ tu taiḥ sākaṃ śayanāsanabhojanaiḥ |
tattulyapātakī bhūyānmahāpātakasaṃbhavāt || 12 ||
[Analyze grammar]

tena brāhmaṇyahīno'yaṃ durācārābhidho dvijāḥ |
grasto'bhavadbhīṣaṇena vetālena balīyasā || 13 ||
[Analyze grammar]

asau paravaśastena vetālenātipīḍitaḥ |
deśāddeśaṃ bhramanviprā vanāccaiva vanāṃtaram || 14 ||
[Analyze grammar]

pūrvapuṇyavipākena daivayogena sa dvijaḥ |
rāmacaṃdradhanuṣkoṭiṃ mahāpātakanāśanīm || 15 ||
[Analyze grammar]

anudrutaḥ piśācena tenāviṣṭo yayau dvijāḥ |
nyamajjayatsa vetālo dhanuṣkoṭijale tvamum || 16 ||
[Analyze grammar]

dhanuṣkoṭijale so'yaṃ vetālena praveśitaḥ |
udatiṣṭhatkṣaṇādeva vetālena vimocitaḥ || 17 ||
[Analyze grammar]

utthito'sau dvijo viprā dhanuṣkoṭijalāttadā |
svastho vyaciṃtayatko'yaṃ deśo jaladhitīrataḥ || 18 ||
[Analyze grammar]

kathaṃ mayāgatamiha gautamītīravāsinā |
iti ciṃtākulaḥ so'yaṃ dhanuṣkoṭinivāsinam || 19 ||
[Analyze grammar]

dattātreyaṃ mahātmānaṃ yogipravaramuttamam |
samāgamya praṇamyāsau durācāro'bhyabhāṣata || 20 ||
[Analyze grammar]

na jāne bhagavandeśaḥ katamo'yaṃ vadādhunā |
gautamītīranilayo durācārābhidho hyaham || 21 ||
[Analyze grammar]

kṛpayā brūhi me brahmanmayātra kathamāgatam |
iti pṛṣṭo munistena durācāreṇa suvrataḥ || 22 ||
[Analyze grammar]

dhyātvā muhūrtamavadaddurācāraṃ ghṛṇānidhiḥ |
mahāpātakisaṃsarge durācāra kṛte purā || 23 ||
[Analyze grammar]

brāhmaṇyaṃ naṣṭamabhavadvetālastvāṃ tato'grahīt |
tenāviṣṭastvamāyāto vivaśo'tra vimūḍhadhīḥ || 24 ||
[Analyze grammar]

nyamajjayattvāṃ vetālo dhanuṣkoṭijale'tra tu |
tatra majjanamātreṇa vimuktaḥ pātakādbhavān || 25 ||
[Analyze grammar]

dhanuṣkoṭau tu ye snānaṃ puṇye kurvaṃti mānavāḥ |
teṣāṃ naśyaṃti vai satyaṃ paṃcapātakasaṃcayāḥ || 26 ||
[Analyze grammar]

rāmacaṃdradhanuṣkoṭāvatra majjanamātrataḥ |
mahāpātakisaṃsargadoṣaste vilayaṃ yayau || 27 ||
[Analyze grammar]

tannāśādeva vetālastvāṃ muktvā vilayaṃ gataḥ |
tvāmagrahīdyo vetālaḥ purāyaṃ brāhmaṇo'bhavat || 28 ||
[Analyze grammar]

so'yaṃ bhādrapade māse kṛṣṇapakṣe mahālayam |
pārvaṇena vidhānena pitṝṇāṃ nākaronmudā || 29 ||
[Analyze grammar]

tena svapitṛbhiḥ śapto vetālatvamagādayam |
sopi cāsya dhanuṣkoṭeravalokanamātrataḥ || 30 ||
[Analyze grammar]

vetālatvaṃ vihāyeha viṣṇulokama vāptavān |
ato bhādrapade māse kṛṣṇapakṣe mahālayam || 31 ||
[Analyze grammar]

uddiśya svapitṝnye tu na kurvantyatilobhataḥ |
mahālobhayutāste'ddhā vetālāḥ syurna saṃśayaḥ || 32 ||
[Analyze grammar]

tasmādbhādrapade māse kṛṣṇapakṣe mahālayam |
pitṝnuddiśya śaktyā ye brāhmaṇānvedapāragān || 33 ||
[Analyze grammar]

bhojayeyurmahānnena na te viṃdaṃti durgatim |
yastu bhādrapade māse kṛṣṇapakṣe mahālayam || 34 ||
[Analyze grammar]

svaśaktyanuguṇaṃ vipramekaṃ dvau trīnakiṃcanaḥ |
bhojayennahi daurgatyaṃ bhavedasya kadācana || 35 ||
[Analyze grammar]

ayaṃ bhādrapade māse pitṝṇāmanupāsanāt |
yayau vetālatāṃ vipro yastvāṃ jagrāha pāpinam || 36 ||
[Analyze grammar]

kālo bhādrapadamāsamārabhya vṛścikāvadhi |
mahālayasya kathito munibhistattvadarśibhiḥ || 37 ||
[Analyze grammar]

māso bhādrapadaḥ kālastatrāpi hi viśiṣyate |
kṛṣṇa pakṣo viśiṣṭaḥ syāddurācāraka tatra vai || 38 ||
[Analyze grammar]

tasmiñchubhe kṛṣṇapakṣe prathamāyāṃ tathā tithau |
śrāddhaṃ mahālayaṃ kuryādyo naro bhaktipūrvakam || 39 ||
[Analyze grammar]

tasya prīṇāti bhagavānpāvakaḥ sarvapāvanaḥ |
sa vahnilokamāpnoti vahninā saha modate || 40 ||
[Analyze grammar]

tasmai ca jvalano devaḥ sarvaiśvaryaṃ dadātyapi |
prathamāyāṃ tithau martyo yo na kuryānmahālayam || 41 ||
[Analyze grammar]

vahnirgṛhaṃ dahettasya śriyaṃ kṣetrādikaṃ tathā |
vedajñe brāhmaṇe bhukte prathamāyāṃ mahālaye || 42 ||
[Analyze grammar]

daśa kalpasahasrāṇi pitaro yāṃti tṛptatām |
dvitīyāyāṃ tu yo bhaktyā kuryācchrāddhaṃ mahālayam || 43 ||
[Analyze grammar]

tasya prīṇāti bhagavānbhavānīpatirīśvaraḥ |
sa kailāsamavāpnoti śivena saha modate || 44 ||
[Analyze grammar]

vipulāṃ saṃpadaṃ tasmai prīto dadyānmaheśvaraḥ |
dvitīyāyāṃ tithau martyo yo na kuryānmahālayam || 45 ||
[Analyze grammar]

tasya vai kupitaḥ śaṃbhurnāśayedbrahmavarcasam |
rauravaṃ kālasūtrākhyaṃ narakaṃ cāsya dāsyati || 46 ||
[Analyze grammar]

vedajñe brāhmaṇe bhukte dvitīyāyāṃ mahālaye |
viṃśatkalpa sahasrāṇi pitaro yāṃti tṛptatām || 47 ||
[Analyze grammar]

anugrahātpitṝṇāṃ ca saṃtatiścāsya varddhate |
tṛtīyāyāṃ naro bhaktyā kuryācchrāddhaṃ mahālayam || 48 ||
[Analyze grammar]

tasya prīṇāti bhagavāṃllokapālo dhanādhipaḥ |
mahāpadmādinidhayo vartaṃte tasya vai vaśe || 49 ||
[Analyze grammar]

tasyānugāstrayo devā brahmaviṣṇumaheśvarāḥ |
tṛtīyāyāṃ tithau martyo yo na kuryānmahālayam || 50 ||
[Analyze grammar]

dhanado bhagavāṃstasya saṃpadaṃ harati kṣaṇāt |
dāridyaṃ ca dadātyasmai bahuduḥkhasamākulam || 51 ||
[Analyze grammar]

tṛtīyāyāṃ tithau martyo yaḥ karoti mahālayam |
tṛpyaṃti pitarastasya triṃśatkalpasahasrakam || 52 ||
[Analyze grammar]

caturthyāṃ tu naro bhaktyā śrāddhaṃ kuryānmahālayam |
tasya prīṇāti bhagavānheraṃbaḥ pārvatīsutaḥ || 53 ||
[Analyze grammar]

tasya vighnāśca naśyaṃti gajavaktraprasādataḥ |
caturthyāṃ tu tithau martyo yo na kuryānmahālayam || 54 ||
[Analyze grammar]

vighneśo bhagavāṃstasya sadā vighnaṃ karoti hi |
caṇḍakolāhalābhikhye narake ca patatyatha || 55 ||
[Analyze grammar]

caturthyāṃ vai tithau martyo yaḥ karoti mahālayam |
pitaraḥ kalpasāhasraṃ catvāriṃśatpraharṣitāḥ || 56 ||
[Analyze grammar]

bahūnputrānpradāsyaṃti śrāddhakarturniraṃtaram |
paṃcamyāṃ tu tithau bhaktyā yo na kuryānmahālayam || 57 ||
[Analyze grammar]

tasya lakṣmīrbhagavatī parityajati maṃdiram |
alakṣmīḥ kalahādhārā tasya prādurbhavedgṛhe || 58 ||
[Analyze grammar]

pacamyāṃ tu tithau martyo yaḥ karoti mahālayam |
tasya tṛpyaṃti pitaraḥ paṃcakalpasahasrake || 59 ||
[Analyze grammar]

saṃtatiṃ cāpyavicchinnāmasmai dāsyaṃti tarpitāḥ |
pārvatī ca prasannā syānmahadaiśvaryadāyinī || 60 ||
[Analyze grammar]

ṣaṣṭhyāṃ tithau naro bhaktyā śrāddhaṃ kuryānmahālayam |
tasya prīṇāti bhagavānṣaṇmukhaḥ pārvatī sutaḥ || 61 ||
[Analyze grammar]

tasya putrāśca pautrāśca ṣaṇmukhasya prasādataḥ |
grahairvālagrahaiścaiva na bādhyaṃte kadācana || 62 ||
[Analyze grammar]

ṣaṣṭhyāṃ tithau naro bhaktyā yo na kuryānmahālayam |
tasya skando mahāseno vimukhaḥ syānna saṃśayaḥ || 63 ||
[Analyze grammar]

garbhānnirgatamātraiva prajā tasya vinaśyati |
pūtanādigrahakulairbādhyate ca niraṃtaram || 64 ||
[Analyze grammar]

vahnijvālāpraveśākhye narake ca patatyadhaḥ |
ṣaṣṭhyāṃ tithau yaḥ śraddhāvānkuryācchrāddhaṃ mahālayam || 65 ||
[Analyze grammar]

ṣaṣṭikalpasahasraṃ tu pitaro yāmati tṛptatām |
putrānapi pradāsyaṃti saṃpadaṃ vipulāṃ tathā || 66 ||
[Analyze grammar]

saptamyāṃ tu tithau martyaḥ śrāddhaṃ kuryānmahālayam |
hiraṇyapāṇirbhagavānādityastasya tuṣyati || 67 ||
[Analyze grammar]

arogo dṛḍhagātraḥ syādbhāskarasya prasādataḥ |
hiraṇyapāṇirbhagavānhiraṇyaṃ pāṇinā svayam || 68 ||
[Analyze grammar]

mahālayaśrāddhakartre dadāti prītamānasaḥ |
saptamyāṃ tu tithau bhaktyā yo na kuryānmahālayam || 69 ||
[Analyze grammar]

vyādhibhiḥ kṣayarogādyai bādhyate sa divāniśam |
tīkṣṇadhārāstraśayyākhye narake ca patatyadhaḥ || 70 ||
[Analyze grammar]

saptamyāṃ yo naro bhaktyā śrāddhaṃ kuryānmahālayam |
saptatiṃ kalpasāhasraṃ prīṇaṃti pitaro'sya vai || 71 ||
[Analyze grammar]

saṃtatiṃ cāpyavicchinnāṃ dadyuḥ pitṛgaṇāḥ sadā |
aṣṭamyāṃ tu tithau martyaḥ śrāddhaṃ kuryānmahāla yam || 72 ||
[Analyze grammar]

mṛtyuṃjayaḥ kṛttivāsāstasya prīṇāti śaṃkaraḥ |
karasthaṃ tasya kaivalyaṃ śaṃkarasya prasādataḥ || 73 ||
[Analyze grammar]

mahālayena śrāddhena tuṣṭe sākṣāttri yaṃbake |
caturdaśasu lokeṣu durlabhaṃ tasya kiṃ bhavet || 74 ||
[Analyze grammar]

mahālayaṃ na kuryādvai yo'ṣṭamyāṃ mūḍhacetanaḥ |
saṃsārasāgare ghore sadā majjati duḥkhitaḥ || 75 ||
[Analyze grammar]

kadācidapi tasyeṣṭaṃ naiva siddhyati bhūtale |
vaitariṇyākhyanarake patatyācaṃdratārakam || 76 ||
[Analyze grammar]

yo'ṣṭamyāṃ śraddhayā śrāddhaṃ naraḥ kuryānmahālayam |
aśītikalpasāhasraṃ tṛpyaṃti pitaro'sya vai || 77 ||
[Analyze grammar]

āśīrbhirvarddhayaṃtyenaṃ vighnaścāsya vyapohati |
saṃtatiṃ cāpyavicchinnāṃ dadyuḥ pitṛgaṇāḥ sadā || 78 ||
[Analyze grammar]

navamyāṃ tu tithau martyaḥ śrāddhaṃ kuryānmahālayam |
durgādevī bhagavatī tasya prīṇāti śāṃbhavī || 79 ||
[Analyze grammar]

kṣayāpasmārakuṣṭhā dīnkṣudrapretapiśācakān |
nāśayettasya santuṣṭā durgā mahiṣamardinī || 80 ||
[Analyze grammar]

navamyāṃ tu tithau martyo yo na kuryānmahālayam |
apasmāreṇa pīḍyeta tathaiva brahmarakṣasā || 81 ||
[Analyze grammar]

abhicārārthakṛtyābhirvādhyeta ca nirantaram |
navamyāṃ yastithau martyaḥ śrāddhaṃ kuryānmahālayam || 82 ||
[Analyze grammar]

navatiṃ kalpasāhasraṃ tṛpyanti pitaro'sya vai |
saṃtatiṃ cāpyavicchinnāṃ dadyuḥ pitṛgaṇāḥ sadā || 83 ||
[Analyze grammar]

daśamyāṃ tu tithau martyaḥ śrāddhaṃ kuryānmahālayam |
tasyāmṛtakalaścandraḥ ṣoḍaśātmā prasīdati || 84 ||
[Analyze grammar]

auṣadhīnāmadhīśe'smiñchrāddhenānena toṣite |
vrīhyādīni tu dhānyāni dadyuroṣadhayaḥ sadā || 85 ||
[Analyze grammar]

yo na kuryāddaśamyāṃ tu mahālayamanuttamam |
oṣadhyo niṣphalāstasya kṛṣiścāpyasya niṣphalā || 86 ||
[Analyze grammar]

daśamyāṃ yastithau martyaḥ śrāddhaṃkuryānmahālayam |
śatakalpasahasrāṇi tṛpyaṃti pitaro'sya vai || 87 ||
[Analyze grammar]

saṃtatiṃ cāpyavicchinnāṃ dadyuḥ pitṛgaṇāḥ sadā |
ekādaśyāṃ naro bhaktyā śrāddhaṃ kuryānmahālayam || 88 ||
[Analyze grammar]

saṃhartā sarvalokasya tasya rudraḥ prasīdati |
rudrasya sarvasaṃhartuḥ prasādena jagatpateḥ || 89 ||
[Analyze grammar]

śatrūnparājaya tyeṣa śrāddhakartā nirantaram |
brahmahatyāyutaṃ cāpi tasya naśyati tatkṣaṇāt || 90 ||
[Analyze grammar]

agniṣṭomādiyajñānāṃ phalamāpnoti puṣkalam |
ekādaśyāṃ naro bhaktyā yo na kuryānmahālayam || 91 ||
[Analyze grammar]

tasya vai vimukho rudro na prasīdati karhicit |
sarvato vardhamānāśca bādhante śatravo hyamum || 92 ||
[Analyze grammar]

agniṣṭomādikā yajñāḥ kṛtāśca bahudakṣiṇāḥ |
niṣphalā eva tasya syurbhasmani nyastahavyavat || 93 ||
[Analyze grammar]

brahmavātakatulyaḥ syācchrāddhākaraṇadoṣataḥ |
ekādaśyāṃ tithau yastu śrāddhaṃ kuryānmahālayam || 94 ||
[Analyze grammar]

dviśataṃ kalpasāhasraṃ tṛpyaṃti pitaro'sya vai |
saṃtatiṃ cāpyavicchinnāṃ dadyuḥ pitṛ gaṇāḥ sadā || 95 ||
[Analyze grammar]

dvādaśyāṃ tu tithau martyaḥ kuryācchrāddhaṃ mahālayam |
tasya lakṣmīpatiḥ sākṣātprasīdati janārdanaḥ || 96 ||
[Analyze grammar]

prasanne sati deveśe devadeve janārdane |
carācaraṃ jagatsarvaṃ prītameva na saṃśayaḥ || 97 ||
[Analyze grammar]

bhūmirharipriyā cāsya sasyaṃ saṃvarddhayatyapi |
lakṣmīśca varddhate tasya maṃdire harivallabhā || 98 ||
[Analyze grammar]

gadā kaumodakī nāma nārāyaṇakarasthitā |
apasmārādibhūtāni nāśayatyeva sarvadā || 99 ||
[Analyze grammar]

tīkṣṇadhāraṃ tathā cakraṃ śatrūnasya dahatyapi |
yātudhānapiśācādīñchaṃkhaścāsya vyapohati || 100 ||
[Analyze grammar]

evaṃ sarvātmanā pīḍāṃ vārayatyasya keśavaḥ |
mahālayaṃ na kuryādyo dvādaśyāṃ manujā dhama || 1 ||
[Analyze grammar]

tasya kṣetrāṇi saṃpacca vinaśyaṃti na saṃśayaḥ |
apasmārādibhūtāni śatravaśca mahābalāḥ || 2 ||
[Analyze grammar]

yātudhānāśca bādhante taṃ vai viṣṇuparāṅmukham |
pātyate narake cāpi asthibhedananāmake || 3 ||
[Analyze grammar]

dvādaśyāṃ bhaktiyukto yaḥ śrāddhaṃ kuryānmahālayam |
ṣaṭśataṃ kalpasāhasraṃ prīṇaṃti pitaro'sya vai || 4 ||
[Analyze grammar]

saṃtatiṃ cāpyavicchinnāṃ pitaro'smai dadatyapi |
trayodaśyāṃ naro bhaktyā śrāddhaṃ kuryānmahālayam || 5 ||
[Analyze grammar]

prasīdatyasya bhagavānkaṃdarpo ratināyakaḥ |
sragcaṃdanādayo bhogā lalanāśca manoramāḥ || 6 ||
[Analyze grammar]

kāmadevaprasādena tasya siddhyaṃti sarvadā |
ājanmamaraṇāṃtaṃ ca sukhameva sa viṃdate || 7 ||
[Analyze grammar]

yo na kuryāttrayodaśyāṃ na ca śrāddhaṃ mahālayam |
kāmadevo'sya vimukhaḥ striyo bhogāṃśca nāśayet || 8 ||
[Analyze grammar]

aṃgāraśayyābhramaṇe narake pātayatyamum |
pitṝnuddiśya yaḥ kuryāttra yodaśyāṃ mahālayam || 9 ||
[Analyze grammar]

sahasrakalpasāhasraṃ prīṇaṃti pitaro'sya vai |
saṃtatiṃ cāpyavicchinnāṃ dadyuḥ pitṝgaṇāstadā || 110 ||
[Analyze grammar]

caturdaśyāṃ naro bhaktyā śrāddhaṃ kuryānmahālayam |
tasyābhīṣṭapradānāya jāgarti bhagavācchivaḥ || 11 ||
[Analyze grammar]

upadiśya śivajñānaṃ sāyujyaṃ ca dadātyapi |
surāpānāyutaṃ cāpi svarṇasteyāyutaṃ tathā || 12 ||
[Analyze grammar]

naśyaṃti tatkṣaṇādeva caturdaśyāṃ mahālayāt |
caṇḍālavṛṣalastrīṇāṃ saṃgadoṣo'pi naśyati || 13 ||
[Analyze grammar]

aśvamedhasahasrasya pauṃḍarīkāyutasya ca |
puṣkalā phalasiddhiḥ syāccaturdaśyāṃ mahālayāt || 14 ||
[Analyze grammar]

yo na kuryāccaturdaśyāṃ śrāddhametanmahālayam |
sa kalpakoṭisāhasraṃ kalpakoṭiśataṃ tathā || 15 ||
[Analyze grammar]

saṃsārāṃdhamahākūpe patitaḥ syādaniṣkṛtiḥ |
acorayitvā kanakamapītvāpi surāṃ tathā || 16 ||
[Analyze grammar]

surāpānādibhirdoṣairlipyate sa vimūḍhadhīḥ |
kṛtā api vidhānena yajñāḥ syurniṣphalāstathā || 17 ||
[Analyze grammar]

caturdaśyāṃ tithau yastu kuryācchrāddhaṃ mahālayam |
lakṣakoṭisahasrāṇi lakṣakoṭiśatānica || 18 ||
[Analyze grammar]

kalpāni pitarastasya tṛpyaṃtyeva na saṃśayaḥ |
narakasthāśca pitaraḥ svargaṃ yāṃti praharṣitāḥ || 19 ||
[Analyze grammar]

saṃtatiṃ cāpyavicchinnāṃ dadyuḥ pitṛgaṇāstadā |
amāyāṃ tu naro bhaktyā śrāddhaṃ kuryānmahālayam || 120 ||
[Analyze grammar]

pitṝṇāṃ tasya tṛptiḥ syāda naṃtā nātra saṃśayaḥ |
sudhāmāsvādya yā tṛptirdevānāṃdivi vai bhavet || 21 ||
[Analyze grammar]

anaṃtā tādṛśī tṛptiramāvāsyāṃ mahālayāt |
amāvāsyā mahāpuṇyā pitṛdevanamaskṛtā || 22 ||
[Analyze grammar]

śāṃtā hyeṣā tu paramā śivasya ca mahāpriyā |
tasyāṃ mahālaye śrāddhe bhojayedvedavittamān || 23 ||
[Analyze grammar]

tena tṛptiḥ pitṝṇāṃ syādanaṃtā tuṣyate śivaḥ |
brahmahatyādayaḥ paṃca pātakā nāśamāpnuyuḥ || 24 ||
[Analyze grammar]

kṛtāśca syurvidhānena sarve yajñāḥ sadakṣiṇāḥ |
anuṣṭhitāḥ syurvidhivatsarve dharmāḥ sanātanāḥ || 25 ||
[Analyze grammar]

amāvāsyādine yena kṛtaṃ śrāddhaṃ mahālayam |
pratyagbrahmaikatāṃ jñātvā sāyujyaṃ yātyasaṃśayam || 26 ||
[Analyze grammar]

yo na kuryādamāvāsyāṃ mahālayamacetanaḥ |
brahmalokagatāścāsya pitaro yāṃti nārakam || 27 ||
[Analyze grammar]

saṃtatiścāsya mūḍhasya vicchi dyetaiva tatkṣaṇāt |
sa eva hi mahānartho yadamāyāṃ tithau naraiḥ || 28 ||
[Analyze grammar]

mahālayārtho vipreṃdrā vidhivannaiva bhojitāḥ |
māsi bhādrapade prāpte nṛtyaṃti pitṛdevatāḥ || 29 ||
[Analyze grammar]

asmānuddiśya matputrā bhojayeyurdvijottamān |
tena no narakakleśo na bhaviṣyati dāruṇaḥ || 130 ||
[Analyze grammar]

vāsaśca svargaloke syādyāvadācandratārakam |
māsi bhādrapade prāpte pitṝṇāṃ tṛdidāyinī || 31 ||
[Analyze grammar]

ekaikaṃ bhojayedvipraṃ pratyahaṃ bhaktipūrvakam |
pitṛmātṛkulodbhūtāḥ pitarastṛptimāpnuyuḥ || 32 ||
[Analyze grammar]

kṛṣṇapakṣe viśeṣeṇa brāhmaṇānbhojayetsudhīḥ |
ghṛtasūpādisasyaiśca tailābhyaṃgapuraḥsaram || 33 ||
[Analyze grammar]

sudhāṃ pāsyaṃti pitarastasyākalpaṃ praharṣitāḥ |
saptamīṃ kṛṣṇapakṣasya prārabhya pratyahaṃ narāḥ || 34 ||
[Analyze grammar]

viprānyāvadamāvāsyā trīṃstrīnabhyarcya bhojayet |
ārabhya dvādaśīṃ viprāṃstrīnavaśyaṃ tu bhojayet || 35 ||
[Analyze grammar]

anyathaiśvaryahāniḥ syānmahādāridryabhāgbhavet |
vittalobhaṃ parityajya viprānsūpaghṛtādi bhiḥ || 36 ||
[Analyze grammar]

payasā pāyasānnena dadhnāpūpādibhistathā |
peyairlehyaiśca coṣyaiśca bhakṣyaiśca vividhairapi || 37 ||
[Analyze grammar]

bhojayedvedavinmukhyāṃstṛptisteṣāṃ yathā bhavet |
tena brahmā hariḥ śaṃbhustṛptāḥ syurnātra saṃśayaḥ || 38 ||
[Analyze grammar]

agniṣvāttādipitarastathaiveṃdrādidevatāḥ |
bahunātra kimuktena tuṣṭaṃ tena jagattrayam || 39 ||
[Analyze grammar]

pārvaṇena vidhānena kuryācchrāddhe mahālayam |
naro mahālayaśrāddhe pitṛvaṃśyānpitṝniva || 140 ||
[Analyze grammar]

mātṛvaṃśyānapi pitṝnbhojayecchreyase mudā |
dakṣiṇāṃ ca yathāśakti dadyādvittānusārataḥ || 41 ||
[Analyze grammar]

tasminmahālaye śrāddhe vittaśāṭhyaṃ na kārayet |
dakṣiṇā khalu yajñānāṃ kathiteyaṃ purogavā || 42 ||
[Analyze grammar]

anaḥ purogavairhīnaṃ kariṣyati yathādhvani |
adakṣiṇaṃ tathā soyaṃ pitṛyajño'pi riṣyati || 43 ||
[Analyze grammar]

tasmādyajñeṣu dātavyā dakṣiṇālpā hi jānatā |
vidhavābhirapi strībhiraputrābhirmahālayaḥ || 44 ||
[Analyze grammar]

bharttṝnuddiśya kartavyo bhūribhojanakarmaṇā |
anyathā dharmahāniḥ syānnarakaṃ ca mahadbhavet || 45 ||
[Analyze grammar]

māsi bhādrapade prāpte yo na kuryānmahālayam |
tatkulaṃ nāśamāpnoti brahmahatyāṃ ca viṃdati || 46 ||
[Analyze grammar]

mahālayaṃ prakurvaṃti śraddhāvaṃtaḥ pitṝnprati |
na teṣāṃ saṃtaticchedo bhavetsaṃpadabhaṃgurā || 47 ||
[Analyze grammar]

ālayaṃ hyāspadaṃ proktaṃ mahaḥ kalyāṇamucyate |
kalyāṇānāmāspadatvānmahālayamudīryate || 48 ||
[Analyze grammar]

tasmānmahālayaṃ martyaḥ kuryātkalyāṇasiddhaye |
amaṃgalaṃ bhavettasya na kuryāccenmahālayam || 49 ||
[Analyze grammar]

nakuryādyadyapi śrāddhaṃ mātāpitrormṛte'hani |
kuryānmahālayaśrāddhamasmaranneva buddhimān || 150 ||
[Analyze grammar]

kartuṃ mahālayaśrāddhaṃ yadi śaktirna vidyate |
yācitvāpi naraḥ kuryātpitṛṇāṃ tanmahālayam || 51 ||
[Analyze grammar]

brāhmaṇebhyo viśiṣṭe bhyo yāceta dhanadhānyakam |
patitebhyo na gṛhṇīyāddhanadhānyaṃ kadācana || 52 ||
[Analyze grammar]

brāhmaṇebhyo na labhyeta yadi dhānyadhanādikam |
yāceta kṣatriyaśreṣṭhā nmahālayacikīrṣayā || 53 ||
[Analyze grammar]

dātāraścenna bhūpālā vaiśyebhyo'pi ca yācayet |
vaiśyā api hi dātāro yadi loke na saṃti vai || 54 ||
[Analyze grammar]

dadyādbhādrapade māse gogrāsaṃ pitṛtṛptaye |
atha vā rodanaṃ kuryādbahirnirgatya kānane || 55 ||
[Analyze grammar]

pāṇibhyāmudaraṃ svīyamāhatyāśrūṇi vartayan |
teṣvaraṇyapradeśeṣu uccairevaṃ vadennaraḥ || 56 ||
[Analyze grammar]

śṛṇvaṃtu pitaraḥ sarve matkulīnā vaco mama |
ahaṃ daridraḥ kṛpaṇo nirllajjaḥ krūrakarmakṛt || 57 ||
[Analyze grammar]

prāpto bhādrapado māsaḥ pitṛṇāṃ prītivarddhanaḥ |
karttuṃ mahālayaśrāddhaṃ na ca me śaktirasti vai || 58 ||
[Analyze grammar]

bhramitvāpi mahīṃ kṛtsnāṃ na me kiṃcana labhyate |
ato mahālayaśrāddhaṃ na yuṣmākaṃ karomyaham || 59 ||
[Analyze grammar]

kṣamadhvaṃ mama tadyūyaṃ bhavaṃto hi dayāparāḥ |
daridro rodanaṃ kuryādevaṃ kānanabhūmiṣu || 160 ||
[Analyze grammar]

tasya rodanamākarṇya pitarastatkulodbhavāḥ |
hṛṣṭāstṛptiṃ prayāṃtyeva sudhāṃ pītvaiva nirjarāḥ || 61 ||
[Analyze grammar]

mahālayārthe vipraughe bhukte tṛptiryathā bhavet |
gogrāsāraṇyaruditaiḥ pitṛ tṛptistathā bhavet || 62 ||
[Analyze grammar]

māsi bhādrapade vighno yadi syātsūtakādinā |
yāteṣu sūtakāhaḥsu kuryādāvṛścikāvadhi || 63 ||
[Analyze grammar]

budho mahālaya syārthe brāhmaṇānvṛṇuyānnava |
pitrarthamekaṃ vṛṇuyātpitāmahakṛte tathā || 64 ||
[Analyze grammar]

prapitāmahamuddiśya tathaikaṃ vṛṇuyāddvijaḥ |
tathā mātāmahārthaṃ tu ekaṃ vai vṛṇuyāddvijam || 65 ||
[Analyze grammar]

mātuḥpitāmahārthaṃ ca vṛṇuyāddvijamekakam |
vṛṇuyādekamuddiśya mātuśca prapitāmaham || 66 ||
[Analyze grammar]

tathaiva viśvedevārthe vṛṇuyāddvaudvi jottamau |
viṣṇvarthaṃ brāhmaṇaṃ tvekaṃ vṛṇuyādvedavittamam || 67 ||
[Analyze grammar]

evaṃ mahālayaśrāddhe brāhmaṇānvṛṇuyānnava |
athavā pitṛvargārthaṃ varayedvipramekakam || 68 ||
[Analyze grammar]

mātāmahādīnvoddiśya varayedvipramekakam |
viśvedevārthamekaṃ ca viṣṇvarthaṃ ca tathāparam || 69 ||
[Analyze grammar]

evaṃ vai varayedviprāścaturastu mahālaye |
brāhmaṇānvedasaṃpannānsuśīlānvarayetsudhīḥ || 170 ||
[Analyze grammar]

duḥśīlānvarayedyastu sa vai śrāddhasya ghātakaḥ |
māsi bhādrapade prāpte kṛṣṇapakṣe viśeṣataḥ || 71 ||
[Analyze grammar]

kuryā nmahālayaśrāddhaṃ yo naraḥ śraddhayā saha |
sa snātaḥ sarvatīrtheṣu durācāra mahāmate || 72 ||
[Analyze grammar]

agniṣṭomādayo yajñāḥ śatamapyamunā kṛtāḥ |
tulāpuruṣamukhyāni dānānyapi kṛtāni vai || 73 ||
[Analyze grammar]

cāṃdrāyaṇādikṛcchrāṇi kṛtānyeva na saṃśayaḥ |
caturṇāṃ sāṃgavedānāṃ pārāyaṇaphalaṃ labhet || 74 ||
[Analyze grammar]

gāyatryādimahāmaṃtrajapapuṇyaṃ labhettathā |
itihāsapurāṇānāṃ pārāyaṇaphalaṃ labhet || 75 ||
[Analyze grammar]

mahālayasamaṃ puṇyaṃ vṛttaṃ nāsti mahītale |
brahmaviṣṇumaheśānalokaprāptirmahālayāt || 76 ||
[Analyze grammar]

mahālayādikaṃ śrāddhaṃ nityaṃ kāmyamapīṣyate |
tasmādakaraṇe tasya pratyavāyo mahānbhavet || 77 ||
[Analyze grammar]

karaṇādiṣṭasiddhiśca bhaviṣyati na saṃśayaḥ |
mahālayasya karaṇādbhūtavetālakādayaḥ || 78 ||
[Analyze grammar]

apasmāragrahāścāpi śākinīḍākinīgaṇāḥ |
yātudhānāḥ piśācāśca vetālāśca bhayānakāḥ || 79 ||
[Analyze grammar]

naśyaṃti tatkṣaṇādeva bhūtānyanyāni vai tathā |
mahālayasyakaraṇādvipulāṃ śriyamaśnute || 180 ||
[Analyze grammar]

purā daśaratho rājā vasiṣṭhasyopadeśataḥ |
māsi bhādrapade prāpte kṛtvā śrāddhaṃ mahālayam || 81 ||
[Analyze grammar]

rāmādīṃśca turaḥ putrānprāptavāṃllokasaṃmatān |
viśvātiśāyinīṃ lakṣmīṃ prapede kīrtimuttamām || 82 ||
[Analyze grammar]

mahālayasya karaṇādyayātī rājasattamaḥ |
yadumukhyānmahāputrānprapede vaṃśavarddhanān || 83 ||
[Analyze grammar]

ananyadurlabhaṃ svargaṃ prapede śrāddhapuṇyataḥ |
duṣyaṃto bharataṃ lebhe mahālayavidhānataḥ || 84 ||
[Analyze grammar]

mahālaya vidhānena damayaṃtīpatirnalaḥ |
kṛcchraṃ mahattaraṃ tīrtvā punarlebhe mahīmimām || 85 ||
[Analyze grammar]

nijagrāha kaliṃ ghoraṃ puṣkaraṃ cāpyarātinam |
indrasenābhidhānaṃ ca putraṃ lebhe'tidhārmikam || 86 ||
[Analyze grammar]

hariścaṃdro mahārājo mahālayavidhānataḥ |
viśvāmitrakṛtādduḥkhānmuktaḥ satyavatāṃ varaḥ || 87 ||
[Analyze grammar]

lebhe caṃdravatīṃ bhāryāṃ lohitāśvaṃ sutaṃ punaḥ |
mahālayavidhānena kṛtavīryasuto balī || 88 ||
[Analyze grammar]

aṣṭādaśānāṃ dvīpānāmādhipatyamavāptavān |
rāmo'pi daṇḍakāraṇye mahālayavidhānataḥ || 89 ||
[Analyze grammar]

hatvā tu rāvaṇaṃ saṃkhye sītāṃ punaravāptavān |
mahālayasya karaṇāddharmaputro yudhiṣṭhiraḥ || 190 ||
[Analyze grammar]

duḥkhasāgaramuttīrya dhārtarāṣṭrāñjaghāna ca |
mahālayasyakaraṇādvasiṣṭho munisattamaḥ || 91 ||
[Analyze grammar]

atrirbhṛguśca kutsaśca gautamaścāṃgirāstathā |
kaśyapaśca bharadvājo viśvā mitraśca kumbhajaḥ || 92 ||
[Analyze grammar]

parāśaro mṛkaṇḍaśca ye cānye munisattamāḥ |
vidhāya vidhivacchrāddhaṃ mahālayamanuttamam || 93 ||
[Analyze grammar]

aṇimādyaṣṭasiddhīnāṃ vratānāṃ tapasāṃ tathā |
nivāsabhūtā saṃjātāstathā viśvātiśāyinaḥ || 94 ||
[Analyze grammar]

jīvanmuktāśca te sarve hyabhavanmunisattamāḥ |
ato mahālayaśrāddhaṃ kartavyaṃ bhūtimicchatā || 95 ||
[Analyze grammar]

ato'dyāpi durācāra na kuryādyo mahālayam |
bhūtavetālakādibhyo bhūyāttasya mahadbhayam || 96 ||
[Analyze grammar]

mahālayasyā karaṇādvetālatvamavāpnuyāt |
tvayāviṣṭamidaṃ bhūtaṃ vipraḥ sanpūrvajanmani || 97 ||
[Analyze grammar]

nāmnā vedanidhiḥ puṇyo bharadvājasya cātmanaḥ |
kuśasthalyabhidhāne ca vasangrāme mahāmanāḥ || 98 ||
[Analyze grammar]

na cakāra vidhānena śrāddhametanmahālayam |
tatoyaṃ pitṛṇāṃ śāpādvetālatvamavāptavān || 99 ||
[Analyze grammar]

tasmādbhādra pade māse durācāra pitṝnprati |
brāhmaṇānbhojayānnena ṣaḍrasena sabhaktikam || 200 ||
[Analyze grammar]

dāridryaṃ tena te na syātsukhīcaiva bhavānbhavet |
mahāpātaki saṃsargaṃ mā kuru tvamitaḥ param || 1 ||
[Analyze grammar]

tvayānubhūtaṃ yadduḥkhaṃ vetālagrahaṇodbhavam |
gaccha tvamanujānāmi svadeśaṃ prati mā ciram || 2 ||
[Analyze grammar]

itīritaḥ sa muninā dattātreyeṇa yoginā |
taṃ praṇamya yayau deśaṃ kṛtārthenāṃtarātmanā || 3 ||
[Analyze grammar]

gatvā ca svagṛhaṃ vipro durācāro dvijottamāḥ |
vimuktavetāla bhayo gatapātakakaṃcukaḥ || 4 ||
[Analyze grammar]

dattātreyeritenāsau mārgeṇa prītamānasaḥ |
tyaktapātakisaṃsargaḥ svāśramācāratatparaḥ || 5 ||
[Analyze grammar]

rāmacaṃdradhanuṣkoṭitīrtha majjanagauravāt |
dehāṃte paramāṃ muktiṃ durācāro yayau tadā || 6 ||
[Analyze grammar]

śrīsūta uvāca |
evaṃ vaḥ kathitaṃ puṇyaṃ durācaravimokṣaṇam |
seyaṃ puṇyā dhanuṣkoṭirmahāpātakanāśinī || 7 ||
[Analyze grammar]

yatra hi snānamātreṇa durācāro vimocitaḥ |
athavā dhanuṣaḥ koṭeriyattā kiṃ hi vai bhavet || 8 ||
[Analyze grammar]

yā niṣkṛtivihīnāni pāpānyapi vināśayet |
prāyaścittavihīnāni yāni pāpāni saṃti vai || 9 ||
[Analyze grammar]

tānyapyatra vinaśyaṃti dhanuṣkoṭau nimajjanāt |
śūdreṇa pūjitaṃ liṃgaṃ viṣṇuṃ vā yo nameddvijaḥ || 210 ||
[Analyze grammar]

prāyaścittaṃ na tasyoktaṃ smṛtibhiḥ paramarṣibhiḥ |
naśyettasyāpi tatpāpaṃ dhanuṣkoṭinimajja nāt || 11 ||
[Analyze grammar]

vipraniṃdākṛtāṃ nṛṇāṃ prāyaścittaṃ na vidyate |
viśvāsaghātakānāṃ ca kṛtaghnānāṃ na niṣkṛtiḥ || 12 ||
[Analyze grammar]

bhrātṛbhāryāratānāṃ ca prāyaścittaṃ na vidyate |
śūdrānne niyatānāṃ ca śrutiniṃdāratātmanām || 13 ||
[Analyze grammar]

kanyāvikrayiṇāṃ viprā hayavikrayiṇāṃ tathā |
devavikrayiṇāṃ vedavikraye nira tātmanām || 14 ||
[Analyze grammar]

dharmavikayiṇāṃ puṃsāṃ vratavikrayiṇāṃ tathā |
tīrthavikrayiṇāṃ puṃsāṃ prāyaścittaṃ na vidyate || 15 ||
[Analyze grammar]

teṣāṃ pāpāni naśyaṃti dhanuṣkoṭau nima jjanāt |
mātṛdrohapitṛdrohayatidroharatātmanām || 16 ||
[Analyze grammar]

guruniṃdāparāṇāṃ ca śivaniṃdāratātmanām |
viṣṇuniṃdāparāṇāṃ ca yatiniṃdāratātmanām || 17 ||
[Analyze grammar]

satkathādūṣakāṇāṃ ca prāyaścittaṃ na vidyate |
teṣāṃ cātra dhanuṣkoṭau snānācchuddhirbhaviṣyati || 18 ||
[Analyze grammar]

evaṃ vaḥ kathitaṃ viprā dhanuṣkoṭestu vaibhavam |
yacchrutvā sarvapāpebhyo mucyate mānavo bhuvi || 219 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setu māhātmye dhanuṣkoṭipraśaṃsāyāṃ durācārasaṃsargadoṣaśāṃtivarṇanaṃnāma ṣaṭtriṃśo'dhyāyaḥ || 36 ||
[Analyze grammar]