Chapter 35

[English text for this chapter is available]

yajñadeva uvāca |
durvāsarṣe mahāprājña parāparavicakṣaṇa |
durvinītābhidhaḥ ko'yaṃ yo'sau gurvaṃganāmagāt || 1 ||
[Analyze grammar]

kasya putro dhanuṣkoṭau snānena sa kathaṃ dvijaḥ |
tatkṣaṇānmumuce pāpādgurustrīgamasaṃbhavāt |
etanme śraddhadhānasya vistarādvaktumarhasi || 2 ||
[Analyze grammar]

durvāsā uvāca |
pāṃḍyadeśe purā kaścidbrāhmaṇobhūdbahuśrutaḥ || 3 ||
[Analyze grammar]

idhmavāhābhidho nāmnā tasya bhāryā ruciṃstathā |
babhūva tasya tanayo durvinītābhidho dvijaḥ || 4 ||
[Analyze grammar]

bālye vayasi putrasya mamāra janako'sya || 3 ||
[Analyze grammar]

durvinītaḥ pitustasya sa kṛtvā caurdhvadaihikam || 5 ||
[Analyze grammar]

kaṃcitkālaṃ gṛhe'vātsīnmātrā vidhavayā saha |
tato durbhikṣamabhavadvādaśābdamavarṣaṇāt || 6 ||
[Analyze grammar]

tato deśāṃtaramagānmātrā sākaṃ dvijottama |
gokarṇaṃ sa samāsādya subhikṣaṃ dhānyasaṃcayaiḥ || 7 ||
[Analyze grammar]

uvāsa suciraṃ kālaṃ mātrā vidhavayā saha |
tato bahutithe kāle durvinīto gate sati || 8 ||
[Analyze grammar]

pūrvaduṣkarmapākena mūḍhabuddhiraho bata |
anaṃgaśaraviddhāṃgo rāgādvikṛtamānasaḥ || 9 ||
[Analyze grammar]

māmeti vādinīmaṃbāṃ balādākṛṣya pātakī |
bubhuje kāmamohātmā maithunena dvijottama || 10 ||
[Analyze grammar]

sa khinno durvinīto'yaṃ retaḥsekādanaṃtaram |
manasā ciṃtayanpāpaṃ rurodabhṛśaduḥkhitaḥ || 11 ||
[Analyze grammar]

ahotipāpakṛdahaṃ mahāpātakināṃ varaḥ |
agamaṃ jananīṃ yasmātkāmabāṇavaśānugaḥ || 12 ||
[Analyze grammar]

iti saṃcitya manasā sa tatra munisannidhau |
juguptamānaścātmānaṃ tānmunīnidamabravīt || 13 ||
[Analyze grammar]

gurustrīgamapāpasya prāyaścittaṃ mamadvijāḥ |
vadadhvaṃ śāstratattvajñāḥ kṛpayā mayi kevalam || 14 ||
[Analyze grammar]

maraṇānniṣkṛtiḥ syāccenmariṣyāmi na saṃśayaḥ |
bhavadbhirucyate yattu prāyaścittaṃ mamādhunā || 15 ||
[Analyze grammar]

kariṣye taddvijāḥ satyaṃ maraṇaṃ vānyadaiva vā |
tacchrutvā vacanaṃ tasya kecittatramunīśvarāḥ || 16 ||
[Analyze grammar]

anena sākaṃ vārtā tu doṣāyeti viniścitāḥ |
maunitvaṃ bhejire kecinmunayaḥ kecidā bhṛśam || 17 ||
[Analyze grammar]

duṣṭātmā mātṛgāmī tvaṃ mahāpātakināṃ varaḥ |
gacchagacchetibahuśo vācamūcurdvijottamāḥ || 18 ||
[Analyze grammar]

tānnivārya kṛpāśīlaḥ sarvajñaḥ karuṇānidhiḥ |
kṛṣṇadvaipāyanastatra durvinītamabhāṣata || 19 ||
[Analyze grammar]

gacchāśu rāmasetau tvaṃ dhanuṣkoṭau sahāṃbayā |
makarasthe ravau māghe māsamekaṃ niraṃtaram || 20 ||
[Analyze grammar]

jiteṃdriyo jitakrodhaḥ paradrohavivarjitaḥ |
ekamāsaṃ nirāhāraḥ kuru snānaṃ sahāṃbayā || 21 ||
[Analyze grammar]

pūto bhaviṣyasyaddhā gurustrī gamadoṣataḥ |
yatpātakaṃ na naśyeta setusnānena tannahi || 22 ||
[Analyze grammar]

śrutismṛtipurāṇeṣu dhanuṣkoṭipraśaṃsanam |
bahudhā bhaṇyate paṃcamahāpātakanāśanam || 23 ||
[Analyze grammar]

tasmāttvaṃ tvarayā gaccha dhanuṣkoṭiṃ sahāṃbayā |
pramāṇaṃ kuru madvākyaṃ vedavākyamiva dvija || 24 ||
[Analyze grammar]

śrīrāmadhanuṣaḥ koṭau snātasya dvija putraka |
mahāpātakakoṭyopi naiva lakṣyā itīva hi || 25 ||
[Analyze grammar]

prāyaścittāṃtaraṃ proktaṃ manvādismṛtibhiḥ smṛtau |
tadgacchatvaṃ dhanuṣkoṭiṃ mahāpātaka nāśinīm || 26 ||
[Analyze grammar]

itīrito'tha vyāsena durvinītodvijottamāḥ |
mātrā sākaṃ dhanuṣkoṭiṃ natvā vyāsaṃ ca niryayau || 27 ||
[Analyze grammar]

makarasthe ravau māghe māsamātraṃ niraṃtaram |
mātrā saha nirāhāro jitakrodho jiteṃdriyaḥ || 28 ||
[Analyze grammar]

śrīrāmadhanuṣaḥ koṭau sasnau saṃkalpapūrvakam |
rāmanāthaṃ namaskurvaṃ strikālaṃ bhaktipūrvakam || 29 ||
[Analyze grammar]

māsāṃte pāraṇāṃ kṛtvā mātrā saha viśuddhadhīḥ |
vyāsāṃtikaṃ punaḥ prāyāttasmai vṛttaṃ niveditum || 30 ||
[Analyze grammar]

sa praṇamya punarvyāsaṃ durvinīto'bravīdvacaḥ || 31 ||
[Analyze grammar]

durvinīta uvāca |
bhagavankaruṇāsiṃdho dvaipāyana mahattama |
bhavataḥ kṛpayā rāmadhanuṣkoṭau sahāṃbayā |
māghamāse nirāhāro māsamātramataṃdritaḥ || 32 ||
[Analyze grammar]

ahaṃ tvakaravaṃ snānaṃ namaskurvanmaheśvaram |
itaḥ paraṃ mayā vyāsa bhagavanbhaktavatsala || 33 ||
[Analyze grammar]

yatkarttavyaṃ mune tattvaṃ mamopadiśa tattvataḥ |
iti tasya vacaḥ śrutvā durvinītasya vai muniḥ |
babhāṣe durvinītaṃ taṃ vyāso nārāyaṇāṃśakaḥ || 34 ||
[Analyze grammar]

vyāsa uvāca |
durvinīta gataṃ te'dya pātakaṃ mātṛsaṃgajam || 35 ||
[Analyze grammar]

mātuśca pātakaṃ naṣṭaṃ tvatsaṃgatinimi ttajam |
saṃdeho nātra kartavyaḥ satyamuktaṃ mayā tava || 36 ||
[Analyze grammar]

bāṃdhavāḥ svajanāḥ sarve tathānye brāhmaṇāśca ye |
sarve tvāṃ saṃgrahīṣyaṃti durvinītāṃ bayā saha || 37 ||
[Analyze grammar]

matprasādāddhanuṣkoṭau viśuddhastvaṃ nimajjanāt |
dārasaṃgrahaṇaṃ kṛtvā gārhasthyaṃ dharmamācara || 38 ||
[Analyze grammar]

tyaja tvaṃ prāṇihiṃsāṃ ca dharmaṃ bhaja sanātanam |
sevasva sajjanānnityaṃ bhaktiyuktena cetasā || 39 ||
[Analyze grammar]

saṃdhyopāsanamukhyāni nityakarmāṇi na tyaja |
nigṛhīṣvendriyagrāmamarcayasva haraṃ harim || 40 ||
[Analyze grammar]

parāpavādaṃ mā brūyā māsūyāṃ bhaja karhicit |
anyasyābhyudayaṃ dṛṣṭvā saṃtāpaṃ kṛṇu mā vṛthā || 41 ||
[Analyze grammar]

mātṛvatparadā rāṃśca tvannityamavalokaya |
adhītavedānakhilānmāvismara kadācana || 42 ||
[Analyze grammar]

atithīnmāvamanyasva śrāddhaṃ pitṛdine kuru |
paiśūnyaṃ mā vadasva tvaṃ svapne'pyansya karhicit || 43 ||
[Analyze grammar]

itihāsapurāṇāni dharmaśāstrāṇi saṃtatam |
avalokaya vedāṃtaṃ vedāṃgāni tathā punaḥ || 44 ||
[Analyze grammar]

hariśaṃkaranā māni muktalajjo'nukīrttaya |
jābālopaniṣanmaṃtraistripuṃḍroddhūlanaṃ kuru || 45 ||
[Analyze grammar]

rudrākṣāndhāraya sadā śaucācāraparo bhava |
tulasyā bilvapatraiśca nārāyaṇaharāvubhau || 46 ||
[Analyze grammar]

ekaṃ kālaṃ dvikālaṃ vā trikālaṃ cārcayasya bhoḥ |
tulasīdalasaṃmiśraṃ siktaṃ pādodakena ca || 47 ||
[Analyze grammar]

naivedyānnaṃ sadā bhuṃkṣva śaṃbhunārāyaṇāgrataḥ |
kuru tvaṃ vaiśvadevākhyaṃ balimannaviśuddhaye || 48 ||
[Analyze grammar]

yatīśvarānbrahmaniṣṭhāntarpayānnairgṛhāgatān |
vṛddhānanyānanāthāṃśca rogiṇo brahmacāriṇaḥ || 49 ||
[Analyze grammar]

kuru tvaṃ mātṛśuśrūṣāmaupāsanaparo bhava |
paṃcākṣaraṃ mahāmaṃtraṃ praṇavena samanvitam || 50 ||
[Analyze grammar]

tathaivāṣṭākṣaraṃ maṃtramanyamaṃtrānapi dvija |
japa tvaṃ prayato bhūtvā dhyāyanmaṃtrādhidevatāḥ || 51 ||
[Analyze grammar]

evamanyāṃstathā dharmānsmṛtyuktāntsarvadā kuru |
evaṃ kṛtavrataste syāddehāṃte muktirapyalam || 52 ||
[Analyze grammar]

ityukto vyāsamuninā durvinītaḥ praṇamya tam |
taduktamakhilaṃ kṛtvā dehāṃte muktimāptavān || 53 ||
[Analyze grammar]

tanmātāpi mṛtā kāle dhanuṣkoṭinimajjanāta |
avāpa paramāṃ muktimapunarbhavadāyinīm || 54 ||
[Analyze grammar]

durvāsā uvāca |
evaṃ te durvinītasya tanmātuśca vimokṣaṇam |
dhanuṣkoṭyabhiṣekeṇa yajñadeva mayeritam || 55 ||
[Analyze grammar]

putramenaṃ tvamapyāśu brahmahatyāviśuddhaye |
samādāya vraja brahmandhanuṣkoṭiṃ vimuktidām || 56 ||
[Analyze grammar]

siṃdhudvīpa uvāca |
iti durvāsasā prokto yajñadevo nijaṃ sutam |
samādāya yayau rāma dhanuṣkoṭiṃ vimuktidām || 57 ||
[Analyze grammar]

gatvā nivāsamakarotṣaṇmāsaṃ tatra sa dvijaḥ |
putreṇa sākaṃ niyato he sṛgālaplavaṃgamau || 58 ||
[Analyze grammar]

sa sasnau ca dhanuṣkoṭau ṣaṇmāsaṃ vai sa putrakaḥ |
ṣaṇmāsāṃte yajñadevaṃ prāha vāgaśarīriṇī || 59 ||
[Analyze grammar]

vimuktā yajñadevasya brahmahatyā sutasya te |
svarṇasteyātsurāpānātkirātīsaṃgamāttathā || 60 ||
[Analyze grammar]

anyebhyopi hi pāpebhyo vimuktoyaṃ sutastava |
saṃśayaṃ mā kuruṣva tvaṃ yajñadeva dvijottama || 61 ||
[Analyze grammar]

ityuktvā virarāmātha sā tu vāga śarīriṇī |
tadā'śarīriṇīvākyaṃ yajñadevaḥ sa śuśruvān || 62 ||
[Analyze grammar]

saṃtuṣṭaḥ putrasahito rāmanāthaṃ niṣevya ca |
dhanuṣkoṭiṃ namaskṛtya putreṇa sahi tastadā || 63 ||
[Analyze grammar]

svadeśaṃ prayayau hṛṣṭaḥ svagrāmaṃ svagṛhaṃ tathā |
saputradāraḥ suciraṃ sukhamāste sunirvṛtaḥ || 64 ||
[Analyze grammar]

sindhudvīpa uvāca |
gomāyuvānarāvevaṃ yuvayoḥ kathitaṃ mayā |
yajñadevasutasyāsya sumateḥ parimokṣaṇam || 65 ||
[Analyze grammar]

pātakebhyo mahadbhyaśca dhanuṣkoṭau nimajjanāt |
yuvāmato dhanuṣkoṭiṃ gacchataṃ pāpaśuddhaye |
nānyathā pāpaśuddhiḥ syātprāyaścittāyutairapi || 66 ||
[Analyze grammar]

śrīsūta uvāca |
sindhudvīpasya vacanamiti śrutvā dvijo ttamāḥ || 67 ||
[Analyze grammar]

sṛgālavānarāvāśu vilaṃghitamahāpathau |
dhanuṣkoṭiṃ prayāsena gatvā snātvā ca tajjale || 68 ||
[Analyze grammar]

vimuktau sarvapāpebhyo vimānavarasaṃsthitau |
devaiḥ kusumavarṣeṇa kīryamāṇau sutejasau || 69 ||
[Analyze grammar]

hārakeyūramukuṭakaṭakādivibhūṣitau |
devastrīdhūyamānābhyāṃ cāmarābhyāṃ virājitau |
gatvā devapurīṃ ramyāmiṃdra syārddhāsanaṃ gatau || 70 ||
[Analyze grammar]

śrīsūta uvāca |
yuṣmākamevaṃ kathitaṃ sṛgālasya kaperapi || 71 ||
[Analyze grammar]

pāpādvimokṣaṇaṃ viprā dhanuṣkoṭau nimajanāt |
bhaktyā ya imamadhyāyaṃ śṛṇoti paṭhate'pi vā || 72 ||
[Analyze grammar]

snānajaṃ phalamāpnoti dhanuṣkoṭau sa mānavaḥ |
yogivṛṃdairasulabhāṃ muktimapyāśu viṃdati || 73 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye dhanuṣkoṭipraśaṃsāyāṃ sṛgālavānaravimokṣaṇavarṇanaṃnāma paṃcatriṃśo'dhyāyaḥ || 35 ||
[Analyze grammar]