Chapter 65

[English text for this chapter is available]

sūta uvāca |
uṣitvā saptarātrāṇi tīrthesminbhrātṛbhiḥ saha |
yudhiṣṭhiro mahātejā gamanāyopacakrame || 1 ||
[Analyze grammar]

prabhāte vimale snātvā devīrliṃgānyathārcya ca |
kṛtvā pradakṣiṇaṃ kṣetraṃ devīstotraṃ jajāpa saḥ |
prayāṇakāleṣu sadā japyaṃ kṛṣṇena kīrtitam || 2 ||
[Analyze grammar]

yudhiṣṭhira uvāca |
devi pūjye mahāśakte kṛṣṇasya bhagini priye |
natvā tvāṃ śaraṇaṃ yāmi manovākkāyakarmabhiḥ || 3 ||
[Analyze grammar]

saṃkarṣaṇābhayadāne kṛṣṇacchavisamaprabhe |
ekānaṃśe mahādevi putravattrāhi māṃ śiva || 4 ||
[Analyze grammar]

tvayā tatamidaṃ viśvaṃ jagadavyaktarūpayā |
iti matvā tvāṃ gato'smi śaraṇaṃ trāhi māṃ śubhe || 5 ||
[Analyze grammar]

kāryārambheṣu sarveṣu sānugena mayā tava |
sva ātmā kalpito bhadre jñātvaitadanukaṃpyatāma || 6 ||
[Analyze grammar]

sūta uvāca |
iti bruvāṇaṃ rājānaṃ śirobaddhājaliṃ tadā |
vāyuputraḥ prahasyaiva sāsūyamidamabravīt || 7 ||
[Analyze grammar]

ye tvāṃ rājanvadaṃtyevaṃ sarvajño'yaṃ yudhiṣṭhiraḥ |
vṛthaiva vacanaṃ teṣāṃ yatastvaṃ vetsi nāṇvapi || 8 ||
[Analyze grammar]

ko hi prajñāvatāṃ mukhyaḥ sarvaśāstravidāṃvaraḥ |
strīṇāṃ śaraṇamāpadyedṛjurbuddhiryathā bhavān || 9 ||
[Analyze grammar]

yatastvameva vetsīdaṃ sarvaśāstreṣu kīrtyate |
jaḍeyaṃ prakṛtirmūḍhā yayā saṃmohyate jagat || 10 ||
[Analyze grammar]

sacetanaṃ ca puruṣaṃ prakṛtiṃ ca vicetanām |
prāhurbudhā narādhyakṣa puṃsaścaprakṛtiḥ priyā || 11 ||
[Analyze grammar]

tatsvayaṃ puruṣo bhūtvā yudhiṣṭhira vṛthāmate |
prakṛtiṃ nauṣi natvā tāṃ hāso me'tīva jāyate || 12 ||
[Analyze grammar]

ārohayecchiro naiva kvaciddhitvā upānahau |
yathā sa mūḍho bhavati devībhaktiratastathā || 13 ||
[Analyze grammar]

yadi te bandivatpārtha tiṣṭhedvāṇyanivāritā |
tatkimarthaṃ mahādevaṃ na stauṣi tripurāntakam || 14 ||
[Analyze grammar]

alakṣyamiti vā matvā maheśānaṃ mahāmate |
tataḥ kimartha dāśārhaṃ na stauṣi puruṣottamam || 15 ||
[Analyze grammar]

yasya prasādādasmābhiḥ prāptā drupadanaṃdinī |
indraprasthe tathā rājyaṃ rājasūyastvayā kṛtaḥ || 16 ||
[Analyze grammar]

vijayena dhanurlabdhaṃ jarāsandho mayā hataḥ |
pratyāhartuṃ tathecchāmaḥ kauravebhyaḥ svakāṃ śriyam || 17 ||
[Analyze grammar]

yasya prasādāttaṃ muktvā kṛṣṇaṃ hā stauṣi yajjayī |
atha svayaṃ kauravāṇāmutpannaṃ kulasattame || 18 ||
[Analyze grammar]

jānannātmānamalpatvādbuddherna stauṣi yādavam |
tatkimarthaṃ mahāvīryaṃ na stauṣyarjunamuttamam || 19 ||
[Analyze grammar]

yena viddhaṃ purā lakṣyaṃ yena karṇādayo jitāḥ |
yena tatkhāṃḍavaṃ dagdhaṃ yajñe yena nṛpā jitāḥ || 20 ||
[Analyze grammar]

śrūyate yena vikramya maheśāno'pi nirjitaḥ |
svarlokasaṃsthitasyāsya śaraṇaṃ yāhi stauṣi ca || 21 ||
[Analyze grammar]

athavā tena śakreṇa rājyaṃ me nārpitaṃ kutaḥ |
iti matvā vṛthaiva tvaṃ na stauṣi bhrātaraṃ mama || 22 ||
[Analyze grammar]

tato māṃ vā kathaṃ vīraṃ na stauṣi tvaṃ yudhiṣṭhira |
yena tvaṃ rakṣitaḥ pūrvaṃ lākṣāgehāgnimadhyataḥ || 23 ||
[Analyze grammar]

vṛkṣeṇāhatya madreśo nadīṃ śuṣkāṃ prasāritaḥ |
rājarājastathā yena jarāsaṃdho nipātitaḥ || 24 ||
[Analyze grammar]

pūrvā diṅnirjitā yena yena pūrvaṃ bako hataḥ |
hiḍambaśca mahāvīraḥ kirmīraścādhunā vane || 25 ||
[Analyze grammar]

kālekāle ca rakṣāmi tvāmevāhaṃ sadānugaḥ |
na tāṃ paśyāmi rakṣaṃtīṃ natvā yāṃ stauṣi bhārata || 26 ||
[Analyze grammar]

atha kṣudhābalaṃ jñātvā māmaudarikasattamam |
krūraṃ sāhasikaṃ caiva na stauṣi kṣamiṇāṃ varaḥ || 27 ||
[Analyze grammar]

tataḥ susaṃyato bhūtvā praṇavaṃ samudīrayan |
kathaṃ na yāsi mārge tvaṃ vṛthālāpo hi doṣabhāk || 28 ||
[Analyze grammar]

pretāḥ piśācā rakṣāṃsi vṛthālāparataṃ naram |
āviśaṃti tadāviṣṭo vaktābaddhaṃ punaḥ punaḥ || 29 ||
[Analyze grammar]

vṛthālāpī yadaśnāti yatkaroti śubhaṃ kvacit |
pretāditṛptaye sarvamiti śāstraviniścayaḥ || 30 ||
[Analyze grammar]

nāyaṃ tasyāsti vai lokaḥ kuta eva paro bhavet |
tasmādvijānatā yatnāttyājyameva vṛthā vacaḥ || 31 ||
[Analyze grammar]

evaṃ saṃsmārito'pi tvaṃ yadi bhūyaḥ pravartase |
bhūtāviṣṭaścikitsyo no vividhairauṣadhairbhavān || 32 ||
[Analyze grammar]

sūta uvāca |
iti pravarṇitāṃ śrutvā bhīmasenena bhāratīm |
paṭīmiva pravitatāṃ vihasyāha yudhiṣṭhiraḥ || 33 ||
[Analyze grammar]

nūnaṃ tvamalpavijñāno vedādhītāstvayā vṛthā |
mātaraṃ sarvabhūtānāmaṃbikāṃ yanna manyase || 34 ||
[Analyze grammar]

strīpakṣa iti matvā tāmavajānāsi bhoḥ katham |
strī satī na praṇamyā kiṃ tvayā kuntī vṛkodara || 35 ||
[Analyze grammar]

yadi na syānmahāmāyā brahmaviṣṇuśivārcitā |
tava dehodbhavaḥ pārtha kathaṃ syāttattvato vada || 36 ||
[Analyze grammar]

īśvaraḥ paramātmā tāṃ tyaktuṃ śaktaḥ kathaṃ na hi |
punarbheje yato devīṃ tena manye mahorjitām || 37 ||
[Analyze grammar]

vāsudevo'pi nityaṃ tāṃ stauti śaktiṃ parātparām |
ahaṃ yadi cikitsyaḥ syāṃ cikitsyaḥ so'pi kiṃ bhavān || 38 ||
[Analyze grammar]

naivaṃ bhūyaḥ pravaktavyaṃ maurkhyātprati maheśvarīm |
bhūmau nipatya śaraṇaṃ yāhi cetsukhamicchasi || 39 ||
[Analyze grammar]

bhīma uvāca |
sarvopāyairbodhayaṃti cāṭā hastagataṃ naram |
idamevauṣadhaṃ tatra taiḥ sārdhaṃ jalpanaṃ na hi || 40 ||
[Analyze grammar]

muṇḍe muṇḍe matirbhinnā satyametannṛpa sphuṭam |
svābhīṣṭaṃ kurute sarvaḥ kurmo'bhīṣṭaṃ vayaṃ tathā || 41 ||
[Analyze grammar]

nāgāyutasamaprāṇo vāyuputro vṛkodaraḥ |
na striyaṃ śaraṇaṃ gacchedvāṅmātreṇa kathaṃcana || 42 ||
[Analyze grammar]

ityuktvā vacanaṃ bhīmo hyanuvavrāja taṃ nṛpam |
rājāpi sānugo yāto na sādhviti muhurbruvan || 43 ||
[Analyze grammar]

tataḥ kṣaṇena vikalastvitaścetaśca praskhalat |
uvāca vacanaṃ bhīmaḥ susaṃbhrāṃto nṛpaṃ prati || 44 ||
[Analyze grammar]

dharmarāja mahābuddhe paśya māṃ nṛpasattama |
cakṣurbhyāṃ naiva paśyāmi vaikalyaṃ kimidaṃ mama || 45 ||
[Analyze grammar]

rājovāca |
bhīmabhīma dhruvaṃ devī kupitā te maheśvarī |
tena naṣṭe cakṣuṣī te mahāsāhasavallabha || 46 ||
[Analyze grammar]

tatsāṃpratamabhipraihi śaraṇaṃ parameśvarīm |
punaḥ prasannā te dadyātkadācinnayane punaḥ || 47 ||
[Analyze grammar]

bhīma uvāca |
ahamapyaṃga jānāmi samo devyā na kaścana |
prabhāvapratyayārthaṃ hi sadā nindāmi tāṃ punaḥ || 48 ||
[Analyze grammar]

tasmātprabhāvaṃ dṛṣṭvaivaṃ nipatya vasudhātale |
manovāgbuddhibhirnatvā śaraṇaṃ staumi mātaram || 49 ||
[Analyze grammar]

sūta uvāca |
ityuktvā bhrātaraṃ jyeṣṭhaṃ sāṣṭāṃgaṃ praṇipatya ca |
gatvaiva devyāḥ śaraṇaṃ bhīmastuṣṭāva mātaram || 50 ||
[Analyze grammar]

bhīma uvāca |
sarvabhūtāṃbike devi brahmāṃḍaśatapūrake |
bāliśaṃ bālakaṃ svīyaṃ trāhitrāhi namo'stu te || 51 ||
[Analyze grammar]

tvaṃ brāhmī brahmaṇaḥ śaktirvaiṣṇavī tvaṃ ca śāṃbhavī |
trimūrtiḥ śaktirūpā tvaṃ rakṣarakṣa namo'stu te || 52 ||
[Analyze grammar]

tvamaindrī ca tvamāgneyī tvaṃ yāmyā tvaṃ ca nairṛtī |
tvaṃ vāruṇī tvaṃ vāyavyā tvaṃ kauberī namo'stu te || 53 ||
[Analyze grammar]

aiśāni devi vārāhi nārasiṃhi jayaprade |
kaumāri kulakalyāṇi kṛpeśvari namo'stu te || 54 ||
[Analyze grammar]

tvaṃ sūrye tvaṃ tathā some tvaṃ bhaume tvaṃ budhe gurau |
tvaṃ śukre tvaṃ sthitā rāhau tvaṃ ketuṣu namo'stu te || 55 ||
[Analyze grammar]

vasasi dhruvacakre tvaṃ municakre ca te sthitiḥ |
bhacakreṣu khacakreṣu bhūcakre ca namo'stu te || 56 ||
[Analyze grammar]

saptadvīpeṣu tvaṃ devi samudreṣu ca saptasu |
saptasvapi ca pātāleṣvavasaṃsthe namo'stu te || 57 ||
[Analyze grammar]

tvaṃ devi cāvatāreṣu viṣṇoḥ sāhāyyakāriṇī |
viṣṇunābhyarthyase tasmāttrāhi mātarnamo'stu te || 58 ||
[Analyze grammar]

caturbhuje caturvaktre phalade catvarapriye |
carācarastute devi caraṇau praṇamāmi te || 59 ||
[Analyze grammar]

mahāghore kālarātri ghaṃṭāli vikaṭojvale |
satataṃ saptamīpūjye netrade śaraṇaṃ bhava || 60 ||
[Analyze grammar]

meruvāsini piṃgākṣi netratrāṇaikakāriṇi |
huṃhuṃkāradhvastadaitye śaraṇye śaraṇaṃ bhava || 61 ||
[Analyze grammar]

mahānāde mahāvīrye mahā mohavināśini |
mahābandhāpahe devi dehi netratrayaṃ mama || 62 ||
[Analyze grammar]

sarvamaṃgalamaṃgalyā yadi tvaṃ satyatoṃbike |
tato me maṃgalaṃ dehi netradānānnamostu te || 63 ||
[Analyze grammar]

yadi sarvakṛpālubhyaḥ satyatastvaṃ kṛpāvatī |
tataḥ kṛpāṃ kuru mayi dehi netre namo'stu te || 64 ||
[Analyze grammar]

pāpoyamiti yaddevi prakupyasi vṛthaiva tat |
tvaṃ māṃ mohayasi tvevaṃ na te tatkiṃ namo'stu te || 65 ||
[Analyze grammar]

svayamutpādya yo reṇuṃ veṣṭitastena kupyati |
tathā kupyasi me mātaranāthasyāsya darśaya || 66 ||
[Analyze grammar]

iti stutā pāṃḍavena devī kṛṣṇacchavicchaviḥ |
rāmā rāmābhivadanā pratyakṣā samajāyata || 67 ||
[Analyze grammar]

vidyutkoṭisamābhāsa mukuṭenātiśobhitā |
sūryabiṃbaprabhābhyāṃ ca kuṇḍalābhyāṃ vibhūṣitā || 68 ||
[Analyze grammar]

pravāheneva hāreṇa suranadyā virājitā |
kalpadrumaprasūnaiśca pūrṇāvataṃsamaṃḍitā || 69 ||
[Analyze grammar]

dantendukāṃtividhvastabhaktamohamahābhayā |
khaḍgacarmaśūlapātracaturbhujavirājitā || 70 ||
[Analyze grammar]

vāsasā taḍidābhena meghalekheva veṣṭitā |
mālayā sumamālinyā bhrājitā sālimālayā || 71 ||
[Analyze grammar]

satāṃ śaraṇadābhyāṃ ca padbhyāṃ nūpurarājitā |
jayeti puṣpavarṣaiśca śakrādyairabhipūjitā || 72 ||
[Analyze grammar]

gaṇairdevībhirākīrṇā śatapadmairmahāmalaiḥ |
tāṃ tādṛśīṃ vyomni dṛṣṭvā mātaraṃ vyomavāhinīm || 73 ||
[Analyze grammar]

bhūmau nipatya rājeṃdro namonama iti sthitaḥ |
bhīmopi mātaraṃ dṛṣṭvā yathā bālo'bhidhāvati || 74 ||
[Analyze grammar]

tathā sammukhamādhāvajjaya mātariti bruvan |
darśanenaiva devyāśca śubhanetratrayastadā || 79 ||
[Analyze grammar]

praṇipatya namastubhyaṃ namastubhyaṃ muhurjagau |
prasīda devi padmākṣi punarmātaḥ prasīda me || 76 ||
[Analyze grammar]

punaḥ prasīda pāpasya kṣamāthīle prasīda me || 77 ||
[Analyze grammar]

evaṃ stutā bhagavatī svayamutthāya pārthivam |
bhīmaṃ cotsaṃgamāropya kṛpayedaṃ vaco'bravīt || 78 ||
[Analyze grammar]

śrīdevyuvāca |
yattvayābhihitaṃ stotraṃ tena tuṣṭā tavopari |
ato netratrayaṃ dattaṃ dve bāhye cāṃtaraṃ param || 79 ||
[Analyze grammar]

nāhaṃ kopaṃ yatra tatra darśayāmi vṛkodara |
tvaṃ tu pramāṇapuruṣastvattaḥ krodhamadarśayam || 80 ||
[Analyze grammar]

naitatpriyaṃ ca kṛṣṇasya bhrāturme krodhamācaram |
bhavanto vāsudevasya yatra prāṇā bahiścarāḥ || 81 ||
[Analyze grammar]

tvaṃ ca nindasi māṃ nityaṃ tacca jāne vṛkodara |
matprabhāvaparijñānahetave kīdṛśastviti || 83 ||
[Analyze grammar]

tadevaṃ naiva bhūyaste prakartavyaṃ kathaṃcana |
akṣikṣepo hi pūjyānāmāvahatyadhikaṃ rujam || 84 ||
[Analyze grammar]

tadidānīṃ sarvamevaṃ kṣantavyaṃ ca parasparam |
yacca bravīmi tvāṃ vīra tanniśāmaya bhārata || 85 ||
[Analyze grammar]

yadā yadā hi dharmasya glānirāvirbhaveddhariḥ |
tadātadāvatīryāhaṃ viṣṇorasya sahāyinī || 86 ||
[Analyze grammar]

idānīṃ ca harirjāto vasudevasuto bhuvi |
ahaṃ ca gopanandasya ekānaṃśābhidhā sutā || 87 ||
[Analyze grammar]

tadyathā bhagavānkṛṣṇo mama bhrātābhipūjitaḥ |
bhavanto'pi tathā mahyaṃ bhrātaraḥ pāṃḍavā sadā || 88 ||
[Analyze grammar]

ye bhīmabhaginītyevaṃ māṃ stoṣyaṃti narottamāḥ |
ābādhā nāśayiṣyāmi teṣāṃ harṣasamanvitā || 89 ||
[Analyze grammar]

tvaṃ ca bhrāturjayaṃ vīra pradāsyasi mahāraṇe |
bhujayoste vasiṣyāmi dhārtarāṣṭranipātane || 90 ||
[Analyze grammar]

kṛtvā rājyaṃ ca varṣāṇi ṣaṭtriṃśattadanantaram |
mahāprasthānadharmeṇa pṛthivīṃ paricariṣyatha || 91 ||
[Analyze grammar]

asminneva tato deśe lohonāma mahāsuraḥ |
bhavatāṃ nyastaśastrāṇāṃ vadhārthaṃ prakramiṣyati || 92 ||
[Analyze grammar]

tatastaṃ sarvabhūtānāmavadhyaṃ bhavatāṃ kṛte |
andhaṃ kṛtvā pātayiṣye tato yūyaṃ prayāsyatha || 93 ||
[Analyze grammar]

nistīrya ca himaṃ sarvaṃ nimagnāḥ bālukārṇave |
svargaṃ yāsyati rājaikaḥ saśarīro gamiṣyati || 94 ||
[Analyze grammar]

andho yatra kṛto loho lohāṇābhidhayā puram |
bhaviṣyati ca tatraiva sthāsye'haṃ kalayā sadā || 95 ||
[Analyze grammar]

tataḥ kaliyuge prāpte kelo nāma bhaviṣyati |
mama bhaktastasya nāmnā bhāvyā keleśvarītyaham || 96 ||
[Analyze grammar]

vailākaścāparo bhakto bhaviṣyati mamottamaḥ |
tasyārādhanataḥ khyātiṃ prayāsyāmi kalau yuge || 97 ||
[Analyze grammar]

lohāṇāsaṃsthitāṃ caiva yercayiṣyaṃti māṃ janāḥ |
śraddhayā sitasaptamyāṃ taiśca sarvatra pūjitā || 98 ||
[Analyze grammar]

aṃdhānāṃ ca pradāsyāmi bhāvīni nayanānyaham |
tasmindine tarpitāhaṃ bhaktibhāvena pāṃḍava || 99 ||
[Analyze grammar]

pādāṃguṣṭhena ca bhavāṃstatra kuṃḍaṃ vidhāsyati |
sarvatīrthasnāna tulyaṃ tatra snānaṃ ca taddine || 100 ||
[Analyze grammar]

matsyānāṃ netranetrasthatejastanmātramuttamam |
uddhṛtya yojayiṣyāmi pratyakṣaṃ tadbhaviṣyati || 101 ||
[Analyze grammar]

evaṃ mama mahāsthānaṃ kalau khyātaṃ bhaviṣyati || 102 ||
[Analyze grammar]

lohāṇākhyaṃ mahābāho nāma keleśvarīti ca |
durgamākhyaṃ tato hatvā asminkṣetre ca bhārata || 103 ||
[Analyze grammar]

durgā nāma bhaviṣyāmi mahīsāgarapūrvataḥ |
dharmāraṇye vasiṣyāmi bhavatāṃ trāṇakāraṇāt || 104 ||
[Analyze grammar]

dharmāraṇye sthitāṃ caiva ye'rcayiṣyaṃti mānavāḥ |
āśvine māsi caitre vā navamyāṃ śuklapakṣake ' || 105 ||
[Analyze grammar]

snātvā mahīsāgare ca teṣāṃ dāsyāmi vāṃchitam |
vidhinā ye'rcayiṣyaṃti māṃ ca śraddhāsa manvitāḥ || 106 ||
[Analyze grammar]

putrapautrānpradāsyāmi svargaṃ mokṣaṃ na saṃśayaḥ |
praveśe ca kaleḥ kāle bhavatāṃ vaṃśasaṃbhavaḥ |
vatsarājaḥ pāṃḍavānāṃ toṣayiṣyati yatnataḥ || 107 ||
[Analyze grammar]

yasya nāmnā tataḥ khyātā bhaviṣyāmi kalau yuge |
vatseśvarīti vatsasya rājñaḥ sarvārthadāyinī || 108 ||
[Analyze grammar]

matprasādātsa rājā vai bhavanottāpakāriṇīm |
aṭṭālayāṃnāma tadā rākṣasīṃ nihaniṣyati || 109 ||
[Analyze grammar]

tasyāścāpi vadhasthānamaṭṭālajamiti sthitam |
bhaviṣyati puraṃ tatra māṃ ca saṃsthāpayiṣyati || 110 ||
[Analyze grammar]

aṭṭālayājagrāme māmarcayiṣyaṃti ye janāḥ |
vatseśvarīṃ sitāṣṭamyāmāśvine taiḥ sadārcitā || 111 ||
[Analyze grammar]

vatseśvarīṃ ca ye devīṃ pūjayiṣyaṃti mānavāḥ |
teṣāṃ sarvaphalāvāptirbhaviṣyati na saṃśayaḥ || 112 ||
[Analyze grammar]

itthamaṭṭālaye vāso lohāṇe ca bhaviṣyati |
dharmāraṇye mahākṣetre mahīsāgarasaṃnidhau || 113 ||
[Analyze grammar]

mama lokahitārthāya lohasya ca niśamyatām |
adhīkṛto mayā loho bahvīstaptāṃ tapaḥ samāḥ || 114 ||
[Analyze grammar]

vṛtrāsura ivājeyo lokānutsādayiṣyati |
taṃ ca viśvapatirdhīmānavatīrya budho hariḥ || 115 ||
[Analyze grammar]

yatra haṃtā tatra grāmaṃ lohāṭīti bhaviṣyati |
gayonāma mahādaityo bhavatāṃ vighnakṛttadā || 116 ||
[Analyze grammar]

prasthāne lohavadbhāvī kariṣye taṃ napuṃsakam |
gayatrāḍeti māṃ tatra pūjayiṣyaṃti mānavāḥ || 117 ||
[Analyze grammar]

grāmaṃ cāpi gayatrāḍaṃ tatra khyātaṃ bhaviṣyati |
gayatrāḍe gayatrāḍāṃ ye'rcayiṣyaṃti mānavāḥ || 118 ||
[Analyze grammar]

māghāṣṭamyāṃ na śiṣyaṃti tasya sarve'pyupadravāḥ |
ye ca māṃ kopayiṣyaṃti pāṃḍavārādhitāṃ sadā || 119 ||
[Analyze grammar]

teṣāṃ puṃstvaṃ hariṣyāmi mahāraudrādhitiṣṭhati |
parivāraśca me cātra ṣaṇḍhaḥ sarvo bhaviṣyati || 120 ||
[Analyze grammar]

tasminkaliyuge ghore raudre rudre'tinirghṛṇe |
evaṃ tṛtīyaṃ tanmahyaṃ sthānamatra bhaviṣyati || 121 ||
[Analyze grammar]

bhavatsu ca svargateṣu gayo'pi sumahattapaḥ |
taptvā prāpya punaḥ puṃstvaṃ lokānsaṃpīḍayiṣyati || 122 ||
[Analyze grammar]

gayātīrthaṃ gataṃ taṃ ca gayādhvaṃsanakāmyayā |
budha eva jagatsvāmī tatra taṃ sūdayiṣyati || 123 ||
[Analyze grammar]

itthaṃ śrīmānpītavāsā avatīrya budhaḥ prabhuḥ |
bahūni kṛtvā karmāṇi svasthānaṃ pratipatsyate || 124 ||
[Analyze grammar]

iti saṃkṣepataḥ proktaṃ bhaviṣyaṃ pāṃḍavā mayā |
bhavatāṃ cittanirvṛtyai śrūyatāṃ bhūya eva ca || 125 ||
[Analyze grammar]

idaṃ tīrthavaraṃ mahyaṃ saṃsevyaṃ sarvadā priyam |
kṛtaṃ yadatrāgamanaṃ tena prītiḥ parā mama || 126 ||
[Analyze grammar]

bhīmasya cāpi pautreṇa dṛḍhaṃ saṃtoṣitā'smi ca |
devyaḥ sarvāśca madrūpaṃ naitajjñeyama to'nyathā || 127 ||
[Analyze grammar]

vrajadhvaṃ cāpi tīrthāni yāni vo na kṛtāni ca |
ābādhāsvasmi sarvāsu smaraṇīyā svaseva ca || 128 ||
[Analyze grammar]

āpṛcche cāpi vaḥ sarvānyūyaṃ kṛṣṇasamā mama || 129 ||
[Analyze grammar]

sūta uvāca |
iti devyā vacaḥ śrutvā vismayotphullalocanāḥ |
punaḥpunaḥ praṇamyaināṃ nāpaśyandīpavadgatām || 130 ||
[Analyze grammar]

tataste barbarīkaṃ ca saṃsthāpyātraiva niṣṭhitam |
āgaccha yoge coktvedaṃ cakrustīrthāni mukhyaśaḥ || 131 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe barbarīkopākhyāne keleśvarī vatseśvarīdurgādevīgayatrāḍāmāhātmyavarṇanaṃnāma pañcaṣaṣṭitamo'dhyāyaḥ || 65 ||
[Analyze grammar]