Chapter 22

[English text for this chapter is available]

sūta uvāca |
evamuktāstadā devā viṣṇunā parameṣṭhinā |
jagmuḥ sarve maheśaṃ ca draṣṭukāmāḥ pinākinam || 1 ||
[Analyze grammar]

pare pāre parameṇa samādhinā |
yogapīṭhe stitaṃ śaṃbhuṃ gaṇaiśca parivāritam || 2 ||
[Analyze grammar]

yajñopavitavidhinā urasā bibhraṃta vṛtam |
vāsukiṃ sarparājaṃ ca kaṃbalāśvatarau tathā || 3 ||
[Analyze grammar]

karṇadvaye dhārayaṃtaṃ tathā karkoṭakena hi |
pulahena ca bāhubhyāṃ dhārayaṃtaṃ ca kaṃkaṇe || 4 ||
[Analyze grammar]

sannṛpure śaṅkhakapadmakābhyāṃ saṃdhārayaṃtaṃ ca virājamānam |
karpūragauraṃ śitikaṃṭhamadbhutaṃ vṛpānvitaṃ devavaraṃ dadarśuḥ || 5 ||
[Analyze grammar]

tadā brahmā ca viṣṇuśca ṛṣayo devadānavāḥ |
tuṣṭuvurvividhaiḥ sūktairvedopanipadanvitaiḥ || 6 ||
[Analyze grammar]

brahmovāca |
namo rudrāya devāya madanāṃtakarāya ca |
bhargāya bhūribhāgyāya trinetrāya triviṣṭaṣe || 7 ||
[Analyze grammar]

śipiviṣṭāya bhīmāya śeṣaśāyinnamonamaḥ |
tryaṃbakāya jagaddhātre viśvarūpāya vai namaḥ || 8 ||
[Analyze grammar]

tvaṃ dhātā sarvalokānāṃ pitā mātā tvamīśvaraḥ |
kṛpayā parayā yuktaḥ pāhyasmāṃstvaṃ maheśvara || 9 ||
[Analyze grammar]

itthaṃ stuvatsu deveṣu nandī provāca tānprati |
kimarthamāgatā yūyaṃ kiṃ vā manasi vartate || 10 ||
[Analyze grammar]

te procurdevakāryārthaṃ vijñaptuṃ śaṃbhumāgatā |
vijñapto naṃdinā tena śailādena mahātmanā |
dhyānasthito mahādevaḥ surakāryārthasiddhaye || 11 ||
[Analyze grammar]

brahmādayaḥ suggaṇāḥ surasiddhasaṃghāstvāṃ draṣṭumeva suravarya viseṣayaṃti |
kāryyārthino'suravaraiḥ paribhartsyamānā abhyāgatāḥ sapadi śatrubhirarditāśca || 12 ||
[Analyze grammar]

tasmāttvayā hi deveśa trātavyāścādhunā surāḥ |
evaṃ tena tadā śaṃbhurvijñapto naṃdinā dvijāḥ || 13 ||
[Analyze grammar]

śanaiḥśanairuparamacchaṃbhuḥ paramakopanaḥ |
samādheḥ paramātmā'sāvuvāca parameśvaraḥ || 14 ||
[Analyze grammar]

mahādeva uvāca |
kasmādyuyaṃ mahābhāgā hyāgatā matsamīpagāḥ |
brahmādayo hyamī devā brūta kāraṇamadya vai || 15 ||
[Analyze grammar]

tadā brahmā hyuvācedaṃ surakāryaṃ mahattaram |
tārakeṇa kṛtaṃ śaṃbho devānāṃ paramādbhutam || 16 ||
[Analyze grammar]

kaṣṭātkaṣṭataraṃ deva tadvijñaptumihāgatāḥ |
he śaṃbho tava putreṇa aurasena hato bhavet |
tārako devaśatruśca nānyathā mama bhāṣitam || 17 ||
[Analyze grammar]

tasmāttvayā girijā deva śaṃbho gṛhītavyā pāṇinā dakṣiṇena |
pāṇigraheṇaiva mahānubhāva dattā girīndreṇa ca tāṃ kuruṣva || 18 ||
[Analyze grammar]

brahmaṇo hi vacaḥ śrutvā prahasannabravīcchivaḥ |
yadā mayā kṛtā devī girijā sarvasundarī || 19 ||
[Analyze grammar]

tadā sarve surendrāśca ṛṣayo munayastathā |
sakāmāśca bhaviṣyaṃti akṣamāśca pare pathi || 20 ||
[Analyze grammar]

madano hi mayā dagdhaḥ sarveṣāṃ kāryasiddhaye |
mayā hyadhi kṛtā tanvī girijā ca sumadhyamā || 21 ||
[Analyze grammar]

tadānīmeva bho devāḥ pārvatī madanaṃ ca sā |
jīvayiṣyati bho brahmannātra kāryā vicāraṇā || 22 ||
[Analyze grammar]

evaṃ vimṛśya bho deṃvāḥ kāryā kāryavicāraṇā |
madanenaiva dagdhena surakāryaṃ mahatkṛtam || 23 ||
[Analyze grammar]

yūyaṃ sarve ca niṣkāmā mayā nāstyatra saṃśayaḥ |
yathāhaṃ ca surāḥ sarve tathā yūyaṃ prayatnataḥ || 24 ||
[Analyze grammar]

tapaḥ paramasaṃyuktāḥ pārayāmaḥ suduṣkaram |
paramānandasaṃyuktāḥ sukhinaḥ sarva eva hi || 25 ||
[Analyze grammar]

yūyaṃ samādhinā tena madanena ca vismṛtam |
kāmo hi narakāyaiva tasmātkrodho'bhijāyate || 26 ||
[Analyze grammar]

krodhādbhavati saṃmohaḥ saṃmohādbhramate manaḥ |
kāmakrodhau parityajya bhavadbhiḥ surasattamaiḥ |
sarvaireva ca maṃtavyaṃ madvākyaṃ nānyathā kvacit || 27 ||
[Analyze grammar]

evaṃ viśrāvya bhagavānsa hi devo vṛṣadhvajaḥ |
surānprabodhayāmāsa tathā ṛṣigaṇānmunīn || 28 ||
[Analyze grammar]

tūṣṇīṃbhūto'bhavacchaṃbhurdhyānamāśritya vai punaḥ |
āste purā yathāvacca gaṇaiśca parivāritaḥ || 29 ||
[Analyze grammar]

dhyānāsthitaṃ ca taṃ dṛṣṭvā nandau sarvānvisṛjya tān |
sabrahmasendrānvibudhānuvāca prahasanniva || 30 ||
[Analyze grammar]

yatāgatena mārgeṇa gacchadhvaṃ mā vilaṃbitam |
tatheti matvā te sarve svaṃsvaṃ sthānamathā'vrajan || 31 ||
[Analyze grammar]

gateṣu teṣu sarveṣu samādhistho'bhavadbhavaḥ |
ātmānamātmanā kṛtvā ātmanyena vicaṃtayan || 32 ||
[Analyze grammar]

parātparataraṃ svacchaṃ nirmalaṃ niravagraham |
nirañjanaṃ nirābhāsaṃ yasminmuhyaṃti sūrayaḥ || 33 ||
[Analyze grammar]

bhānurnabhātyagniratho śaśī vā na jyotirevaṃ na ca māruto na hi |
yaṃ kevalaṃ vastuvicārato'pi sūkṣmātparaṃ sūkṣmatarātparaṃ ca || 34 ||
[Analyze grammar]

anirddeśya macintyaṃ ca nirvikāraṃ nirāmayam |
jñaptimātrasvarūpaṃ ca nyāsino yāṃti tatra vai || 35 ||
[Analyze grammar]

śabdātīnaṃ nirguṇaṃ nirvikāraṃ sattāmātraṃ jñānagamyaṃ tvagamyam |
yattadvastu sarvadā kathyate vai vedātītaiścāgamairmantrabhūtaiḥ || 36 ||
[Analyze grammar]

tadvastubhūto bhagavānsa īśvaraḥ pinākapāṇirbhagavānvṛdhvajaḥ |
yenaiva sākṣānmakaradhvajo hatastapo juṣāṇaḥ parameśvaraḥ saḥ || 37 ||
[Analyze grammar]

lomaśa uvāca |
girijā hi tadā devī tatāpa paramaṃ tapaḥ |
tapasā tena rudro'pi uttamaṃ bhayamāgataḥ || 38 ||
[Analyze grammar]

vijitya tapasā devī pārvatī parameṇa hi |
śambhuṃ sarvārthadaṃ sthāṇuṃ kevalaṃ svasvarūpiṇam || 39 ||
[Analyze grammar]

yadā jitastayā devyā tapasā vṛṣabhadhvajaḥ |
samādheścalito bhūtvā yatra sā pārvatī sthitā || 40 ||
[Analyze grammar]

jagāma tvaritenaiva devadevaḥ pinākadhṛk |
tatrāpaśyatsthitāṃ devīṃ sakhībhiḥ parivāritām || 41 ||
[Analyze grammar]

vedikopari vinyastāṃ yathaiva śaśinaḥ kalām |
sa devastāṃ nirīkṣyātha baṭurbhūtvātha tatkṣaṇāt || 42 ||
[Analyze grammar]

brahmacārisvarūpeṇa maheśo bhagavānbhavaḥ |
sakhīnāṃ madhyamāśritya hyuvāca baṭurūpavān |
kimarthamālimadhyasthā tanvī sarvāṃgasundarī || 43 ||
[Analyze grammar]

keyaṃ kasya kuto yātā kimarthaṃ tapyate tapaḥ |
sarvaṃ me kathyatāṃ sakhyo yāthā tathyena saṃprati || 44 ||
[Analyze grammar]

tadovāca jayā rudraṃ tapasaḥ kāraṇaṃ param || 45 ||
[Analyze grammar]

himādrerduhiteyaṃ vai tapasā rudramīśvaram |
prāptukāmā patitvana seya matropaviśya ca || 46 ||
[Analyze grammar]

tapastatāpa sumahatsarveṣāṃ duratikramam |
baṭo jānīhi me vākyaṃ nānyathā mama bhāṣitam || 47 ||
[Analyze grammar]

tacchatvā vacanaṃ tasyāḥ prahasyedamuvāca ha |
śrṛṇvatīnāṃ sakhīnāṃ vai maheśo baṭurūpavān || 48 ||
[Analyze grammar]

mūḍheyaṃ pārvatī sakhyo na jānāti hitāhitam |
kimarthaṃ ca tapaḥ kāryaṃ rudrapāptyarthameva ca || 49 ||
[Analyze grammar]

so'maṃgalaḥ kapālī ca śmaśānālaya eva ca |
aśivaḥ śivaśabdena bhaṇyate ca vṛthātha vai || 50 ||
[Analyze grammar]

anayā hi vṛto rudro yadā sakhyaḥ sameṣyati |
tadeyamaśubhā tanvī bhaviṣyati na saṃśayaḥ || 51 ||
[Analyze grammar]

yo dakṣaśāpādvikṛto yajñabāhyo'bhavadviṭā |
ye hyaṃgabhūtāḥ śarvasya sarpā hyāsanmahāviṣāḥ || 52 ||
[Analyze grammar]

śavabhasmānvito rudraḥ kṛttivāsā hyamaṃgalaḥ |
piśācaiḥ pramathairbhūtairāvṛto hi niraṃtaram || 53 ||
[Analyze grammar]

tena rudreṇa kiṃ kāryamanayā sukumārayā |
nivāryatāṃ sakhībhiśca martukāmā piśācavat || 54 ||
[Analyze grammar]

iṃdraṃ hitvā manojñaṃ ca yamaṃ caiva mahāprabham |
nairṛtaṃ ca viśālākṣaṃ varuṇaṃ ca apāṃ patim || 55 ||
[Analyze grammar]

kuberaṃ pavanaṃ caiva tathaiva ca vibhāvasum |
evamādīni vākyāni uvāca parameśvaraḥ |
sakhīnāṃ śrṛṇvatīnāṃ ca yatra sā tapasi sthitā || 56 ||
[Analyze grammar]

ityākarṇya vacastasya rudrasya baṭurūpiṇaḥ |
cukopa ca śivā sādhvī maheśaṃ baṭurūpiṇam || 57 ||
[Analyze grammar]

jaye tvaṃ vijaye sādhvi pramloce'pyatha sundari |
sulocane mahābhāge samīcīnaṃ kṛtaṃ hi me || 58 ||
[Analyze grammar]

kimetasya baṭoḥ kāryaṃ bhavatīnāmihādhunā |
baṭusvarūpamāsthāya āgato devaniṃdakaḥ || 59 ||
[Analyze grammar]

ayaṃ visṛjyatāṃ sakhyaḥ kimanena prayojanam |
baṭusvarūpiṇaṃ rudraṃ kupitā sā tato'bravīt || 60 ||
[Analyze grammar]

baṭo gacchāśu tvarito na stheyaṃ ca tvayā'dhunā |
kimanena pralāpena tava nāsti prayojanam || 61 ||
[Analyze grammar]

baṭurnirbhartsitastatra tayā caivaṃ tadā punaḥ |
prahasya vai sthiro bhūtvā punarvākyamathābravīt || 62 ||
[Analyze grammar]

śanaiḥ śanairavitathaṃ vijayāṃ prati satvaram |
kasmātkopastayātanvi kṛtaḥ kenaiva hetunā || 63 ||
[Analyze grammar]

sarveṣāmapi tadvācyaṃ vacanaṃ sūktameva yat |
yathoktena ca vākyena kasmāttanvī prakopitā || 64 ||
[Analyze grammar]

yaḥ śaṃbhurucyate loke bhikṣuko bhikṣukapriyaḥ |
yadi me hyanṛtaṃ proktaṃ tadā kopa ihocitaḥ || 65 ||
[Analyze grammar]

iyaṃ tāvatsurūpā ca virūpo'sau sadāśivaḥ |
viśālākṣī tviyaṃ bālā virūpākṣo bhavastathā || 66 ||
[Analyze grammar]

evaṃbhūtena rudreṇa mohiteyaṃ kathaṃ bhavet |
sabhāgyo hi patiḥ strīṇāṃ sadā bhāvyo ratipriyaḥ || 67 ||
[Analyze grammar]

iyaṃ kathaṃ mohitāsti nirguṇena yugātmikā |
na śruto na ca vijñāto na dṛṣṭaḥ kena vā śivaḥ || 68 ||
[Analyze grammar]

sakāmānāṃ ca bhūtānāṃ durlabho hi sadāśivaḥ |
tapasā parameṇaiva garviteyaṃ sumadhyamā || 69 ||
[Analyze grammar]

niḥstaṃbho hi sadā sthāṇuḥ kathaṃ prāpsyati taṃ patim |
mayoktaṃ kiṃ viśālākṣi kasmānme ruṣitā'dhunā || 70 ||
[Analyze grammar]

yāvadroṣo bhavennṝṇāṃ nārīṇāṃ ca viśeṣataḥ |
tena roṣeṇa tatsarvaṃ bhasmībhūtaṃ bhaviṣyati || 71 ||
[Analyze grammar]

sukṛtaṃ corjitaṃ tanvi satyamevoditaṃ sati |
kāmaḥ krodhaśca lobhaśca daṃbho mātsaryameva ca || 72 ||
[Analyze grammar]

ca prapaṃcaścatena sarvaṃ vinaśyati |
tasmāttapasvibhiryuktaṃ kāmakrodhādivarjanam || 73 ||
[Analyze grammar]

yadīśvaro hṛdi madhye vibhāvyo manīṣibhiḥ sarvadā jñaptimātraḥ |
tadā sarvairmunivṛttyā vibhāvyastapasvibhirnānyathā ciṃtanīyaḥ || 74 ||
[Analyze grammar]

etacchrutvā vacanaṃ tasya śaṃbhostadābravīdvijayā taṃ ca sarvam |
gacchātra kiṃcittava nāsti kāryaṃ na vaktavyaṃ vacanaṃ bāliśānyat || 75 ||
[Analyze grammar]

evaṃ vivadamānaṃ taṃ baṭurūpaṃ sadāśivam |
visarjayāmāsa tadā vijayā vākyakovidā || 76 ||
[Analyze grammar]

tirodhānaṃ gataḥ sadyo maheśo girijāṃ prati |
alakṣyamāṇaḥ sarvāsāṃ sakhīnāṃ parameśvaraḥ || 77 ||
[Analyze grammar]

prādurbabhūva sahasā nijarūpadharastadā |
yadā dhyānasthitā devī nijadhyānaparā satī || 78 ||
[Analyze grammar]

tadā hṛdistho deveśo bahirhṛṣṭicarobhavat |
netre unmīlya sā sādhvī girijāyatalocanā |
apaśyaddevadeveśaṃ sarvalokamaheśvaram || 79 ||
[Analyze grammar]

dvibhujaṃ caikavaktraṃ kṛttivāsasamadbhutam |
kapardaṃ caṃdrarekhāṃkaṃ nivītaṃ gajacarmaṇā || 80 ||
[Analyze grammar]

karṇasthau hi mahānāgau kaṃbalāśvatarau tadā |
vāsukiḥ sarparājaśca kṛtāhāro mahādyuti || 81 ||
[Analyze grammar]

valayāni mahārhāṇi tadā sarpamayāni ca |
kṛtāni tena rudreṇa tathā śobhākarāṇi ca || 82 ||
[Analyze grammar]

evaṃbhūtastadā śaṃbhuḥ pārvatīṃ prati cāgrataḥ |
uvāca tvarayā yukto varaṃ varaya bhāmini || 83 ||
[Analyze grammar]

vrīḍayā parayā yuktā sādhvī provāca śaṃkaram |
tvaṃ nātho mama deveśa tvayā kiṃ vismṛtaṃ purā || 84 ||
[Analyze grammar]

dakṣayajñavināśaṃ ca yadarthaṃ kṛtavānprabho |
sa tvaṃ sāhaṃ samutpannā menāyāṃ kāryasiddhaye || 85 ||
[Analyze grammar]

devānāṃ devadeveśa tārakasya vadhaṃ prati |
bhavato hi mayā deva bhaviṣyati kumārakaḥ || 86 ||
[Analyze grammar]

tasmāttvayā hi kartavyaṃ mama vākyaṃ maheśvara |
gaṃtavyaṃ himavatpārśva nātra kāryā vicāraṇā || 87 ||
[Analyze grammar]

yācasva māṃ mahādeva ṛṣibhiḥ parivāritaḥ |
kariṣyati na saṃdehastava vākyaṃ ca me pitā || 88 ||
[Analyze grammar]

dakṣakanyā purāhaṃ vai pitrā dattā yadā tava |
yathoktavidhinā tatra vivāho na kṛtastvayā || 89 ||
[Analyze grammar]

na grahāḥ pūjitāstena dakṣeṇa ca mahātmanā |
grahāṇāṃ viṣayatvena sacchidro'yaṃ mahānabhūt || 90 ||
[Analyze grammar]

tasmādyathoktavidhinā kartumarhasi suvrata |
vivāhaṃ svaṃ mahābhāga devānāṃ kāryasiddhaye || 91 ||
[Analyze grammar]

tadovāca mahābāho girijāṃ prahasanniva |
svabhāvenaiva tatsarvaṃ jaṃgamājaṃgamaṃ mahat |
jātaṃ tvayā mohitaṃ ca triguṇaiḥ pariveṣṭitam || 92 ||
[Analyze grammar]

ahaṃkārātsamutpannaṃ mahattattvaṃ ca pārvati |
mahattattvāttamo jātaṃ tamasā veṣṭitaṃ nabhaḥ || 93 ||
[Analyze grammar]

bhaso vāyurutpanno vāyoragnirajāyata |
agnerāpaḥ samutpannā adbhyo jātā mahī tadā || 94 ||
[Analyze grammar]

mahyādikāni sthāsnūni carāṇi ca varānane |
dṛśyaṃyatsarvamevaitannaśvaraṃ viddhi mānini || 95 ||
[Analyze grammar]

eko'nekatvamāpanno nirguṇo hi guṇāvṛtaḥ |
svajyotirbhāti yo nityaṃ parajyotsnānvito'bhavat |
svataṃtraḥ parataṃtraśca tvayā devi mahatkṛtam || 96 ||
[Analyze grammar]

māyāmayaṃ kṛtamidaṃ ca jagatsamagraṃ sarvātmanā avadhṛtaṃ parayā ca buddhyā |
sarvātmabhiḥ sukṛtibhiḥ paramārthabhāvaiḥ saṃsaktiriṃdriyagaṇaiḥ pariveṣṭitaṃ ca || 97 ||
[Analyze grammar]

ke grahāḥ ke uḍugaṇāḥ ke bādhyaṃte tvayā kṛtāḥ |
vimuktaṃ cādhunā devi śarvārthaṃ varavarṇini || 98 ||
[Analyze grammar]

guṇakāryaprasaṃgena āvāṃ prādurbhavaḥ kṛtaḥ |
tvaṃ hi vai prakṛtiḥ sūkṣmā rajaḥsattvatamomayī || 99 ||
[Analyze grammar]

vyāpāradakṣā satatamahaṃ caiva sumadhyame |
himālayaṃ na gacchāmi na yācāmi kathaṃcana || 100 ||
[Analyze grammar]

dehīti vacanātsadyaḥ puruṣo yāti lāghavam |
itthaṃ jñātvā ca bho devi kimasmākaṃ vadasva vai || 101 ||
[Analyze grammar]

kāryaṃ tvadājñayā bhadre tatsarvaṃ vaktumarhasi |
tenoktātra tadā sādhvī uvāca kamalekṣaṇā || 102 ||
[Analyze grammar]

tvamātmā prakṛtiścāhaṃ nātra kāryā vicāraṇā |
tathāpi śaṃbho kartavyaṃ mama codvahanaṃ mahat || 103 ||
[Analyze grammar]

deho hyavidyayākṣipto videho hi bhavānparaḥ |
tathāpyevaṃ mahādeva śarīrāvaraṇaṃ kuru || 104 ||
[Analyze grammar]

prapaṃcaracanāṃ śaṃbho kuru vākyānmama prabho |
yācasva māṃ mahādeva saubhāgyaṃ caiva dehi me || 105 ||
[Analyze grammar]

ityevamuktaḥ sa tayā mahātmā maheśvaro lokaviḍaṃbanāya |
tatheti matvā prahasañjagāma svamālayaṃ devavaraiḥ supūjitaḥ || 106 ||
[Analyze grammar]

etasminnaṃtare tatra himavāngiribhiḥ saha |
menayā bhāryayā sārddhamājagāma tvarānvitaḥ || 107 ||
[Analyze grammar]

pārvatīdarśanārthaṃ ca sutaiśca parivāritaḥ |
tena dṛṣṭā mahādevī sakhībhiḥ parivāritā || 108 ||
[Analyze grammar]

pārvatyā ca tadā dṛṣṭo himavāngiribhiḥ saha |
abhyutthānaparā sādhvī praṇamya śirasā tadā |
pitarau ca tadā bhrātṝnbaṃdhūṃścaiva ca sarvaśaḥ || 109 ||
[Analyze grammar]

svamaṃkamāropya mahāyaśāstadā sutāṃ pariṣvajya ca bāṣpapūritaḥ |
uvāca vākyaṃ madhuraṃ himālayaḥ kiṃ vai kṛtaṃ sādhvi yathā tathena || 110 ||
[Analyze grammar]

tatkathyatāṃ mahābhāge sarvaṃ śuśrūṣatāṃ hi naḥ |
tacchrutvā madhuraṃ vākyamuvāca pitaraṃ prati || 111 ||
[Analyze grammar]

tapasā parameṇaiva prārthito madanāṃtakaḥ |
śāṃtaṃ ca me mahātkāryaṃ sarveṣāmapi durllabham || 112 ||
[Analyze grammar]

tatra tuṣṭo mahādevo varaṇārthaṃ samāgataḥ |
sa mayoktastadā śaṃbhurmamaṣāṇigrahaḥ katham || 113 ||
[Analyze grammar]

kriyate ca tadā śaṃbho mama pitrā vinādhunā |
yatāgatena mārgeṇa gato'sau tripurāṃtakaḥ || 114 ||
[Analyze grammar]

tasyāstadvacanaṃ śrutvā avāpa paramāṃ mudam |
baṃdhubhiḥ saha dharmātmā uvāca svasutāṃ punaḥ || 115 ||
[Analyze grammar]

svagṛhaṃ cādya gacchāmo vayaṃ sarve ca bhūdharāḥ |
anayā rādhito devaḥ pinākī vṛṣabhadhvajaḥ || 116 ||
[Analyze grammar]

ityūcuste surāḥ sarve himālayapurogamāḥ |
pārvatīsahitāḥ sarve tuṣṭurvāgbhirādṛtāḥ || 117 ||
[Analyze grammar]

tāṃ stūyamānāṃ ca tadā himālayo hyāropya cāṃsaṃ varavarṇinīṃ ca |
sarvetha śailāḥ parivārya cotsukāḥ samānayāmāsuratha svamālayam || 118 ||
[Analyze grammar]

devaduṃdubhayo neduḥ śaṃkhatūryāṇyanekaśaḥ |
vāditrāṇi bahūnyeva vādyamānāni sarvaśaḥ || 119 ||
[Analyze grammar]

puṣparṣeṇa mahatā tenānītā gṛhaṃ prati || 120 ||
[Analyze grammar]

sā pūjyamānā bahubhistadānīṃ mahāvibhūtyullasitā tapasvinī |
tathaiva devaiḥ saha cāraṇaiśca maharṣibhiḥ siddhagaṇaiśca sarvaśaḥ || 121 ||
[Analyze grammar]

pūjyamānā tadā devī uvāca kamalāsanam |
devānṛṣīnpitṝnyakṣānanyānsarvānsamāgatān || 122 ||
[Analyze grammar]

gacchadhvaṃ sarva evaite yenye hyatra samāgatāḥ |
svaṃsvaṃ sthānaṃ yatājoṣaṃ sevyatāṃ parameśvaraḥ || 123 ||
[Analyze grammar]

evaṃ tadānīṃ svapiturgṛhaṃ gatā saṃśobhamānā parameṇa varcasā |
sā pārvatī devavaraiḥ supūjitā saṃciṃtayaṃtī manasā sadāśivam || 124 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe pārvatyai śaṃkareṇa svarūpadarśanaṃnāmadvāviṃśo'dhyāyaḥ || 22 ||
[Analyze grammar]