Chapter 10

[English text for this chapter is available]

vyāsa uvāca |
gate'tha sūte munayassuvismitā vicintya cānyonyamidantu vismṛtam |
yadvāmadevasya matanmunīśvara pratyūcitantatkhalu naṣṭamadya naḥ || 1 ||
[Analyze grammar]

kadānubhūyānmunivaryadarśanambhāvābdhiduḥkhaughaharamparaṃ hi tat |
maheśvarārādhanapuṇyato'dhunā munīśvarassatvaramāvirastu naḥ || 2 ||
[Analyze grammar]

iti cintāsamāviṣṭā munayo munipuṃgavam |
vyāsaṃ saṃpūjya hṛtpadme tasthustaddaśarnotsukāḥ || 3 ||
[Analyze grammar]

samvatsarānte sa punaḥ kāśīmprāpa mahāmuniḥ |
śivabhaktirato jñānī purāṇārthaprakāśakaḥ || 4 ||
[Analyze grammar]

tandṛṣṭvā sūtamāyāntammunayo hṛṣṭacetasaḥ |
abhyutthānāsanārghyādipūjayā samapūjayan || 5 ||
[Analyze grammar]

sopi tānmuniśārdūlānabhinandya smitodaram |
prītyā snātvā jāhnavīye jale paramapāvane || 6 ||
[Analyze grammar]

ṛṣīnsaṃtarpya ca surānpitṝṃśca tilataṇḍulaiḥ |
tīramāgatya samprokṣya vāsasī paridhāya ca || 7 ||
[Analyze grammar]

dvirācamya samādāya bhasma sadyādimaṃtrataḥ |
uddhūlanādikramato vidhāryyā'tha munīśvaraḥ || 8 ||
[Analyze grammar]

rudrākṣamālābharaṇaḥ kṛtanityakriyassudhī |
yathoktāṃgeṣu vidhinā tripuṇḍraṃ racati sma ha || 9 ||
[Analyze grammar]

viśveśvaramumākāntaṃ sasutaṃ sagaṇādhipam |
pūjayāmāsa sadbhaktyā hyastau nnatvā muhurmuhuḥ || 10 ||
[Analyze grammar]

kālabhairavanāthaṃ ca saṃpūjyātha vidhānataḥ |
pradakṣiṇīkṛtya punastredhā natvā ca paṃcadhā || 11 ||
[Analyze grammar]

punaḥ pradakṣiṇī kṛtya praṇamya bhuvi daṇḍavat |
tuṣṭāva parayā stutyā saṃsmaraṃstatpadāmbujam || 12 ||
[Analyze grammar]

śrīmatpaṃcākṣarīmvidyāmaṣṭottarasahasrakam |
saṃjapya purataḥ sthitvā kṣamāpayya maheśvaram || 13 ||
[Analyze grammar]

caṇḍeśaṃ samprapūjyā'tha muktimaṇḍapamadhyataḥ |
nirddiṣṭamāsanaṃ bheje munibhirvedapāragaiḥ || 14 ||
[Analyze grammar]

evaṃ sthiteṣu sarveṣu namaskṛtya samaṃtrakam |
atha prāha munīndrāṇāṃ bhāvavṛddhikaramvaca || 15 ||
[Analyze grammar]

sūta kṛtaḥ |
dhanyā yūyaṃ mahāprājñā munayaśśaṃsitavratāḥ |
bhavadarthamiha prāpto'hantadvṛttamidaṃ śṛṇu || 16 ||
[Analyze grammar]

yadāhamupadiśyātha bhavataḥ praṇavārthakam |
gatastīrthāṭanārthāya tadvṛttāntambravīmi vaḥ || 17 ||
[Analyze grammar]

ito nirgatya samprāpya tīraṃ dakṣapayonidheḥ |
snātvā sampūjya vidhivaddevīṃ kanyāmayīṃ śivām |
punarāgatya viprendrāssuvarṇamukharītaṭam || 18 ||
[Analyze grammar]

śrīkālahastiśailākhyanagare paramādbhute |
suvarṇamukharītoye snātvā devānṛṣīnapi || 19 ||
[Analyze grammar]

santarpya vidhivadbhaktyā samudaṃ giriśaṃ smaran |
samarcya kālahastīśaṃ candrakāṃtasamaprabham || 20 ||
[Analyze grammar]

paścimābhimukhampaṃcaśirasamparamādbhutam |
sakṛddarśanamātreṇa sarvāghakṣayakāraṇam || 21 ||
[Analyze grammar]

sarvasiddhipradambhuktimuktidantriguṇeśvaram |
tataśca parayā bhaktyā tasya dakṣiṇagāṃ śivām || 22 ||
[Analyze grammar]

jñānaprasūnakalikāṃ samarcya hi jagatprasūm |
śrīmatpaṃcākṣarīṃ vidyāmaṣṭottarasahasrakam || 23 ||
[Analyze grammar]

japtvā pradakṣiṇīkṛtya stutvā natvā muhurmuhuḥ || 24 ||
[Analyze grammar]

tataḥ pradakṣiṇīkṛtya girimpratyahamādarāt |
āmodatīva manasi pratyahanniyamāsthitaḥ || 25 ||
[Analyze grammar]

anayañcaturo māsānevantatra munīśvarāḥ |
jñānaprasūnakalikā mahādevyāḥ prasādataḥ || 26 ||
[Analyze grammar]

ekadā tu samāstīrya cailājinakuśottaram |
āsanamparamantasminsthitvā ruddhendriyo muni || 27 ||
[Analyze grammar]

samādhimāsthāya sadā paramānaṃdaciddhanaḥ |
paripūrṇaśśivosmīti nirvyagrahṛdayo'bhavam || 28 ||
[Analyze grammar]

etasminneva samaye sadguruḥ karuṇānidhiḥ |
nīlajīmūtasaṅkāśo vidyutpiṅgajaṭādharaḥ || 29 ||
[Analyze grammar]

prāṃśuḥ kamaṇḍalūddaṇḍakṛṣṇājinadharassvayam |
bhasmāvadātasarvāṅgassarvalakṣaṇalakṣitaḥ || 30 ||
[Analyze grammar]

tripuṇḍravilasadbhālo rudrākṣālaṅkṛtākṛtiḥ |
padmapatrāruṇāyāmavistīrṇanayanadvayaḥ || 31 ||
[Analyze grammar]

prādurbhūya hṛdambhoje tadānīmeva satvaram |
vimohitastadaivāsametadadbhutamāstikāḥ || 32 ||
[Analyze grammar]

tata unmīlya nayane vilāpaṃ kṛtavānaham |
āsīnmamāśrupātaśca girinirjharasannibhaḥ || 33 ||
[Analyze grammar]

etasminneva samaye śrutā vāgaśarīriṇī |
vyomno mahādbhutā viprāstāmeva śṛṇutādarāt || 34 ||
[Analyze grammar]

sūtaputra mahābhāga gaccha vārāṇasīmpurīm |
tatrāsanmunayaḥ pūrvamupadiṣṭāstvayā'dhunā || 35 ||
[Analyze grammar]

tvadupāgamakalyāṇaṃ kāṃkṣaṃte vivaśā bhṛśam |
tiṣṭhanti te nirāhārā ityuktvā virarāma sā || 36 ||
[Analyze grammar]

tata utthāya tarasā devandevīñca bhaktitaḥ |
pradakṣiṇīkṛtya punaḥ praṇamya bhuvi daṇḍavat || 37 ||
[Analyze grammar]

dviṣaḍvāraṃ gurorājñāṃ vijñāya śivayoratha |
kṣetrānnirgatya tarasā catvāriṃśaddināntare || 38 ||
[Analyze grammar]

āgato'smi muniśreṣṭhā anugṛhṇantu māmiha |
mayā kimadya vaktavyaṃ bhavantastadbruvantu me || 39 ||
[Analyze grammar]

iti sūtavacaśśrutvā ṛṣayo hṛṣṭamānasāḥ |
avocanmuniśārdūlaṃ vyāsannatvā muhurmuhuḥ || 40 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ sūtopadeśo nāma daśamo'dhyāyaḥ || 10 ||
[Analyze grammar]