Chapter 11

[English text for this chapter is available]

ṛṣaya ūcuḥ |
sūta sūta mahābhāgastvamasmadgururuttamaḥ |
atastvāṃ paripṛcchāmo bhavato'nugraho yadi || 1 ||
[Analyze grammar]

śraddhāluṣu ca śiṣyeṣu tvādṛśā guravassadā |
snigdhabhāvā itīdaṃ no darśitambhavatādhunā || 2 ||
[Analyze grammar]

virajāhomasamaye vāmadevamatampurā |
sūcitambhavatāsmābhirna śrutaṃ vistarānmune || 3 ||
[Analyze grammar]

tadidānīṃ śrotukāmāḥ śraddhayā paramādarāt |
vayaṃ sarvve kṛpāsiṃdho prītyā tadvaktumarhasi || 4 ||
[Analyze grammar]

iti teṣāṃ vacaḥ śrutvā sūto hṛṣṭatanūruhaḥ |
namaskṛtya mahādevaṃ guroḥ parataraṃ gurum || 5 ||
[Analyze grammar]

mahādevīṃ trijananīṃ guruṃ vyāsaśca bhaktitaḥ |
prāha gambhīrayā vācā munīnāhlādayannidam || 6 ||
[Analyze grammar]

sūta uvāca |
svastyastu munayassarve sukhina ssantu sarvvadā |
śivabhaktā sthirātmānaśśive bhaktipravartakāḥ || 7 ||
[Analyze grammar]

tadatīva vicitraṃ hi śrutaṃ gurumukhāmbujāt |
itaḥ pūrvammayā noktaṃ guhyaprākaṭyaśaṃkayā || 8 ||
[Analyze grammar]

yūyaṃ khalu mahābhāgāśśivabhaktā dṛḍhavratāḥ |
iti niścitya yuṣmākaṃ vakṣyāmi śrūyatāmmudā || 9 ||
[Analyze grammar]

purā rathantare kalpe vāmadevo mahāmuniḥ |
garbhamuktaśśivajñānavidāṃ gurutamassvayam || 10 ||
[Analyze grammar]

vedāgamapurāṇādisarvvaśāstrārthavattvavit |
devāsuramanuṣyādijīvānāṃ janmakarmmavit || 11 ||
[Analyze grammar]

bhasmāvadātasarvvāṃgo jaṭāmaṇḍalalamaṃḍitaḥ |
nirāśrayo niḥspṛhaśca nirdvandvo nirahaṃkṛtiḥ || 12 ||
[Analyze grammar]

digaṃbaro mahājñānī maheśvara ivāparaḥ |
śiṣyabhūtairmunīndraiśca tādṛśaiḥ parivāritaḥ || 13 ||
[Analyze grammar]

paryyaṭanpṛthivīmetāṃ svapāda sparśapuṇyataḥ |
pavitrayanpare dhāmni nimagnahṛdayonvaham || 14 ||
[Analyze grammar]

kumāraśikharammerorddakṣiṇaṃ prāviśanmudā |
yatrāste bhagavānīśatana yaśśikhivāhanaḥ || 15 ||
[Analyze grammar]

jñānaśaktidharo vīrassarvāsuravimardanaḥ |
gajāvallīsamāyuktassarvvairdevairnamaskṛtaḥ || 16 ||
[Analyze grammar]

tatra skandasaro nāma sarassāgarasannibham |
śiśirasvādupānīyaṃ svacchāgādhabahūdakam || 17 ||
[Analyze grammar]

sarvvāścaryyaguṇopetaṃ vidyate svāmisannidhau |
tatra snātvā vāmadevassahaśiṣyairmahāmuniḥ || 18 ||
[Analyze grammar]

kumāraṃ śikharāsīnaṃ munivṛndaniṣevitam |
udyadādityasaṃkāśaṃ mayūravaravāhanam || 19 ||
[Analyze grammar]

caturbhujamudārāṃgaṃ mukuṭādivibhūṣitam |
śaktiratnadvayopāsyaṃ śaktikukkuṭadhāriṇam || 20 ||
[Analyze grammar]

varadābhayahastañca dṛṣṭvā skandaṃ munīśvaraḥ |
sampūjya parayā bhaktyā stotuṃ samupacakrame || 21 ||
[Analyze grammar]

|| vāmadeva uvāca |
oṃ namaḥ praṇavārthāya praṇavārthavidhāyine |
praṇavākṣarabījāya praṇa vāya namonamaḥ || 22 ||
[Analyze grammar]

vedāntārthasvarūpāya vedāntārthavidhāyine |
vedāntārthavide nityaṃ viditāya namonamaḥ || 23 ||
[Analyze grammar]

namo guhāya bhūtānāṃ guhāsu nihitāya ca |
guhyāya guhyarūpāya guhyāgamavide namaḥ || 24 ||
[Analyze grammar]

aṇoraṇīyase tubhyaṃ mahatopi mahīyase |
namaḥ parāvarajñāya paramātmasvarūpiṇe || 25 ||
[Analyze grammar]

skandāya skandarūpāya mihirāruṇetejase |
namo mandāramālodyanmukuṭādibhṛte sadā || 26 ||
[Analyze grammar]

śivaśiṣyāya putrāya śivasya śivadāyine |
śivapriyāya śivayorānandanidhaye nama || 27 ||
[Analyze grammar]

gāṃgeyāya namastubhyaṃ kārtikeyāya dhīmate |
umāputrāya mahate śarakānanaśāyine || 28 ||
[Analyze grammar]

ṣaḍakṣaraśarīrāya ṣaḍvidhārthavidhāyine |
ṣaḍadhvātītarūpāya ṣaṇmukhāya namonamaḥ || 29 ||
[Analyze grammar]

dvādaśāyatanetrāya dvādaśodyatabāhave |
dvādaśāyudhadhārāya dvādaśātmannamostu te || 30 ||
[Analyze grammar]

caturbhujāya śāntāya śaktikukkuṭa dhāriṇe |
varadāya vihastāya namo'suravidāriṇe || 31 ||
[Analyze grammar]

gajāvallīkucāliptakuṃkumāṃkitavakṣase |
namo gajānanānandamahi mānaṃditātmane || 32 ||
[Analyze grammar]

brahmādidevamunikinnaragīyamānagāthāviśeṣaśuciciṃtitakīrttidhāmne |
vṛndārakāmalakirīṭavibhūṣaṇasrakpūjyābhirāmapadapaṃkaja te namostu || 33 ||
[Analyze grammar]

iti skandastavandivyaṃ vāmadevena bhāṣitam |
yaḥ paṭhecchṛṇuyādvāpi sa yāti paramāṃ gatim || 34 ||
[Analyze grammar]

mahāprajñākaraṃ hyetacchivabhaktivivarddhanam |
āyurārogyadhanakṛtsarvvakāmapradaṃ sadā || 35 ||
[Analyze grammar]

iti stutvā vāmadevo devaṃ senāpatiṃ prabhum |
pradakṣiṇātrayaṃ kṛtvā praṇamya bhuvi daṇḍavat || 36 ||
[Analyze grammar]

sāṣṭāṃgaṃ ca punaḥ kṛtvā pradakṣiṇanamaskṛtam |
abhavatpārśvatastasya vinayāvanato dvijāḥ || 37 ||
[Analyze grammar]

vāmadevakṛtaṃ stotramparamārthavijṛmbhitam |
śrutvābhavatprasanno hi mahe śvarasutaḥ prabhuḥ || 38 ||
[Analyze grammar]

tamuvāca mahāsenaḥ prītosmi tava pūjayā |
bhaktyā stutyā ca bhadrante kimadyakaravāṇyaham || 39 ||
[Analyze grammar]

mune tvaṃ yoginānmukhyaḥ paripūrṇaśca nispṛhaḥ |
bhavādṛśāṃ hi lokesmiprārthanīyaṃ na vidyate || 40 ||
[Analyze grammar]

tathāpi dharmmarakṣāyai lokānugrahakāṃkṣayā |
tvādṛśā sādhavassanto vicaranti mahītale || 41 ||
[Analyze grammar]

śrotavyamasti cedbrahmanvaktumarhasi sāmpratam |
tadidānīmahaṃ vakṣye lokānugrahahe tave || 42 ||
[Analyze grammar]

iti skandavacaḥ śrutvā vāmadevo mahāmuniḥ |
praśrayāvanataḥ prāha meghagambhīrayā girā || 43 ||
[Analyze grammar]

vāmadeva uvāca || |
bhagavanparameśastvaṃ parāparavibhūtidaḥ |
sarvvajñasarvakarttā ca sarvvaśaktidharaḥ prabhuḥ || 44 ||
[Analyze grammar]

jīvā vayaṃ tu te vaktuṃ sannidhau parameśituḥ |
tathāpyanugraho yante yattvaṃ vadasi māṃ prati || 45 ||
[Analyze grammar]

kṛtārthohaṃ mahāprājña vijñānakaṇamātrataḥ |
preritaḥ paripṛcchāmi kṣantavyotikramo mama || 46 ||
[Analyze grammar]

praṇavo hi paraḥ sākṣātparameśvaravācakaḥ |
vācyaḥ paśupatirdevaḥ paśūnāṃ pāśamocakaḥ || 47 ||
[Analyze grammar]

vācakena samāhūtaḥ paśūnmocayate kṣaṇāt |
tasmādvācakatāsiddhiḥ praṇavena śivamprati || 48 ||
[Analyze grammar]

oṃ mitīdaṃ sarvamiti śrutirāha sanātanī |
omiti brahma sarvvaṃ hi brahmeti ca samabravīt || 49 ||
[Analyze grammar]

devasenāpate tubhyandevānāmpataye namaḥ |
namo yatīnāmpataye paripūrṇāya te namaḥ || 50 ||
[Analyze grammar]

evaṃ sthite jagatyasmiñchivādanyanna vidyate |
sarvvarūpadharaḥ svāmī śivo vyāpī maheśvaraḥ || 51 ||
[Analyze grammar]

samaṣṭivyaṣṭibhāvena praṇavārthaḥ śruto mayā |
na jātucinmahāsena saṃprāptastvādṛśo guruḥ || 52 ||
[Analyze grammar]

ataḥ kṛtvānukaṃpāṃ vai tamarthaṃ vaktumarhasi |
upadeśavidhānena sadācārakrameṇa ca || 53 ||
[Analyze grammar]

svāmyekaḥ sarbvajantūnāṃ pāśacchedakaro guruḥ |
atastvatkṛpayā so'rthaḥ śrotavyo hi mayā guro || 54 ||
[Analyze grammar]

iti sa muninā pṛṣṭaḥ skandaḥ praṇamya sadāśivaṃ praṇavavapuṣaṃ sāṣṭatriṃśatkalāvaralakṣitam |
sahitamumayā śaśvatpārśve munipravarānvitaṃ gaditumupacakrāma śreyaḥ śrutiṣvapi gopitam || 55 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ vāmadevabrahmavarṇanannāmaikādaśo'yāya || 11 ||
[Analyze grammar]