Chapter 53

[English text for this chapter is available]

sukalovāca |
evaṃ dharmaṃ śrutaṃ pūrvaṃ purāṇeṣu tadā mayā |
patihīnā kathaṃ bhogaṃ kariṣye pāpaniścayā || 1 ||
[Analyze grammar]

kāṃtena tu vinā tena jīvaṃ kāye na dhāraye |
viṣṇuruvāca |
evamuktvā paraṃ dharmaṃ pativratamanuttamam || 2 ||
[Analyze grammar]

tāstu sakhyo varā nāryo harṣeṇa mahatānvitāḥ |
śrutvā dharmaṃ paraṃ puṇyaṃ nārīṇāṃ gatidāyakam || 3 ||
[Analyze grammar]

stuvaṃti tāṃ mahābhāgāṃ sukalāṃ dharmavatsalām |
brāhmaṇāśca surāḥ sarve puṇyastriyo narottama || 4 ||
[Analyze grammar]

tasyā dhyānaṃ prakurvaṃti patikāmaprabhāvataḥ |
atyarthaṃ dṛḍhatāmiṃdra suḥviciṃtya sureśvaraḥ || 5 ||
[Analyze grammar]

sukalāyāḥ paraṃ bhāvaṃ suvicāryāmareśvaraḥ |
cālaye dhairyamasyāśca patisnehaṃ na saṃśayaḥ || 6 ||
[Analyze grammar]

sasmāra manmathaṃ devaṃ tvaramāṇaḥ surādhipaḥ |
puṣpacāpaṃ sa saṃgṛhya mīnaketuḥ samāgataḥ || 7 ||
[Analyze grammar]

priyayā ca tayā yukto ratyā dṛṣṭamahābalaḥ |
baddhāṃjalipuṭo bhūtvā sahasrākṣamuvāca saḥ || 8 ||
[Analyze grammar]

kasmādahaṃ tvayā nātha adhunā saṃsmṛto vibho |
ādeśo dīyatāṃ medya sarvabhāvena mānada || 9 ||
[Analyze grammar]

iṃdra uvāca |
sukaleyaṃ mahābhāgā pativrataparāyaṇā |
śṛṇuṣva kāmadeva tvaṃ kuru sāhāyyamuttamam || 10 ||
[Analyze grammar]

niṣkarṣaya mahābhāgāṃ sukalāṃ puṇyamaṃgalām |
tacchrutvā vacanaṃ tasya śakrasya tamathābravīt || 11 ||
[Analyze grammar]

evamastu sahasrākṣa kariṣyāmi na saṃśayaḥ |
sāhāyyaṃ devadeveśa tava kautukakāraṇāt || 12 ||
[Analyze grammar]

evamuktvā mahātejāḥ kaṃdarpo munidurjayaḥ |
devāñjetuṃ samartho'haṃ samunīnṛṣisattamān || 13 ||
[Analyze grammar]

kiṃ punaḥ kāminīṃ deva yasyā aṃge na vai balam |
kāminīnāmahaṃ deva aṃgeṣu nivasāmyaham || 14 ||
[Analyze grammar]

bhāle kuceṣu netreṣu kacāgreṣu ca sarvadā |
nābhau kaṭyāṃ pṛṣṭhadeśe jaghane yonimaṃḍale || 15 ||
[Analyze grammar]

adhare daṃtabhāgeṣu kakṣāyāṃ hi na saṃśayaḥ |
aṃgeṣvevaṃ pratyaṃgeṣu sarvatra nivasāmyaham || 16 ||
[Analyze grammar]

nārī mama gṛhaṃ deva sadā tatra vasāmyaham |
tatrasthaḥ puruṣānsarvānmārayāmi na saṃśayaḥ || 17 ||
[Analyze grammar]

svabhāvenābalādeva saṃtaptā mama mārgaṇaiḥ |
pitaraṃ mātaraṃ dṛṣṭvā anyaṃ svajanabāṃdhavam || 18 ||
[Analyze grammar]

surūpaṃ saguṇaṃ deva mama bāṇā hatā satī |
calate nātra saṃdeho vipākaṃ naiva ciṃtayet || 19 ||
[Analyze grammar]

yoniḥ spaṃdeta nārīṇāṃ stanāgrau ca sureśvara |
nāsti dhairyaṃ sureśāna sukalāṃ nāśayāmyaham || 20 ||
[Analyze grammar]

iṃdra uvāca |
puruṣohaṃ bhaviṣyāmi rūpavānguṇavāndhanī |
kautukārthamimāṃ nārīṃ cālayāmi manobhava || 21 ||
[Analyze grammar]

naiva kāmānna saṃtrāsānna vā lobhānna kāraṇāt |
na vai mohānna vai krodhātsatyaṃ satyaṃ ratipriya || 22 ||
[Analyze grammar]

kathaṃ me dṛśyate tasyā mahatsatyaṃ pativratam |
niṣkarṣiṣya ito gatvā bhavanmohotra kāraṇam || 23 ||
[Analyze grammar]

evaṃ kāmaṃ ca saṃdiśya jagāma surarāṭsvayam |
ātmavikṛtisaṃbhūto rūpavānguṇavānsvayam || 24 ||
[Analyze grammar]

sarvābharaṇaśobhāṃgaḥ sarvabhogasamanvitaḥ |
bhogalīlāsamākīrṇaḥ sarvadaudāryasaṃyutaḥ || 25 ||
[Analyze grammar]

yatra sā tiṣṭhate devī kṛkalasya priyā nṛpa |
ātmalīlāṃ svarūpaṃ ca guṇaṃ bhāvaṃ pradarśayet || 26 ||
[Analyze grammar]

naiva paśyati sā taṃ tu puruṣaṃ rūpasaṃpadam |
yatrayatra vrajetsā hi tatra tāṃ paśyate nṛpa || 27 ||
[Analyze grammar]

sābhilāṣeṇa manasā tāmevaṃ paripaśyati |
kāmaceṣṭāṃ sahasrākṣo'darśayatsarvabhāvakaiḥ || 28 ||
[Analyze grammar]

catuṣpathe pathe tīrthe yatra devī prayāti sā |
tatratatra sahasrākṣastāmeva paripaśyati || 29 ||
[Analyze grammar]

iṃdreṇa preṣitā dūtī sukalāṃ prati sā gatā |
sukalāṃ sumahābhāgāṃ pratyuvāca prahasya vai || 30 ||
[Analyze grammar]

aho satyamahodhairyamaho kāṃtiraho kṣamā |
asyā rūpeṇa saṃsāre nāsti nārī varānanā || 31 ||
[Analyze grammar]

kā tvaṃ bhavasi kalyāṇi kasya bhāryā bhaviṣyasi |
yasya tvaṃ saguṇā bhāryā sa dhanyaḥ puṇyabhāgbhuvi || 32 ||
[Analyze grammar]

tasyāstu vacanaṃ śrutvā tāmuvāca manasvinī |
vaiśyajātyāṃ samutpanno dharmātmā satyavatsalaḥ || 33 ||
[Analyze grammar]

tasyāhaṃ hi priyā bhāryā satyasaṃdhasya dhīmataḥ |
kṛkalasyāpi vaiśyasya satyameva vadāmi te || 34 ||
[Analyze grammar]

mama bhartā sa dharmātmā tīrthayātrāṃ gataḥ sudhīḥ |
tasmingate mahābhāge mama bhartari saṃprati || 35 ||
[Analyze grammar]

atikrāṃtāḥ śṛṇuṣva tvaṃ trayaścaivāpi vatsarāḥ |
tatohaṃ duḥkhitā jātā vinā tena mahātmanā || 36 ||
[Analyze grammar]

etatte sarvamākhyātamātmavṛttāṃtameva te |
bhavatī pṛcchate māṃ kā bhaviṣyati vadasva me || 37 ||
[Analyze grammar]

sukalāyā vacaḥ śrutvā dūtyā ābhāṣitaṃ punaḥ |
māmevaṃ pṛcchase bhadre tatte sarvaṃ vadāmyaham || 38 ||
[Analyze grammar]

ahaṃ tavāṃtikaṃ prāptā kāryārthaṃ varavarṇini |
śrūyatāmabhidhāsyāmi śrutvā caivāva dhāryatām || 39 ||
[Analyze grammar]

gataste nirghṛṇo bhartā tvāṃ tyaktvā tu varānane |
kiṃ kariṣyasi tenāpi priyāghātakareṇa ca || 40 ||
[Analyze grammar]

yastvāṃ tyaktvā gataḥ pāpī sādhvyācārasamanvitām |
kiṃ vā sa te gato bāle tatra jīvati vai mṛtaḥ || 41 ||
[Analyze grammar]

kiṃ kariṣyati tenaivaṃ bhavatī khidyate vṛthā |
kasmānnāśayate cāṃgaṃ divyaṃ hemasamaprabham || 42 ||
[Analyze grammar]

bālye vayasi saṃprāpte mānavo na ca viṃdati |
ekaṃ sukhaṃ mahābhāge bālakrīḍāṃ vinā śubhe || 43 ||
[Analyze grammar]

vārddhake duḥkhasaṃprāptirjarā kāyaṃ prahiṃsayet |
tāruṇye bhujyate bhogaḥ sukhātsarvo varānane || 44 ||
[Analyze grammar]

yāvattiṣṭhati tāruṇyaṃ tāvadbhuṃjaṃti mānavāḥ |
sukhabhogādikaṃ sarvaṃ svecchayā ramate naraḥ || 45 ||
[Analyze grammar]

yāvattiṣṭhati tāruṇyaṃ tāvadbhogānprabhuṃjate |
vayasyapi gate bhadre tāruṇye kiṃ kariṣyati || 46 ||
[Analyze grammar]

saṃprāpte vārddhake devi kiṃcitkāryaṃ na sidhyati |
sthaviraściṃtayennityaṃ sukhakāryaṃ na gacchati || 47 ||
[Analyze grammar]

vayasyapi gate bāle kriyate setubaṃdhanam |
tādṛśoyaṃ bhavetkāyastāruṇye tu gate śubhe || 48 ||
[Analyze grammar]

tasmādbhuṃkṣva sukhenāpi pibasva madhumādhavīm |
kāmābāṇā dahaṃtyaṃgaṃ taveme cārulocane || 49 ||
[Analyze grammar]

ayamekaḥ samāyātaḥ puruṣo rūpavānguṇī |
ayaṃ hi puruṣavyāghraḥ sarvajño guṇavāndhanī || 50 ||
[Analyze grammar]

tavārthe nityasaṃyuktaḥ snehena varavarṇini |
sukalovāca |
bālyaṃ nāstyapi jīvasya tāruṇyaṃ nāsti jīvite || 51 ||
[Analyze grammar]

vṛddhatvaṃ nāsti caivāsya svayaṃsiddhaḥ susiddhidaḥ |
amaro nirjaro vyāpī susiddhaḥ sarvavittamaḥ || 52 ||
[Analyze grammar]

akāmaḥ kāmado loke ātmarūpeṇa vartate |
yathā gehasya saṃsthānaṃ tathā kāyasya dṛśyate || 53 ||
[Analyze grammar]

yathā vārddhakinā kāyastathā sūtreṇa maṃdiram |
anekakāṣṭhasaṃghātairnānā dārusamuccayaiḥ || 54 ||
[Analyze grammar]

mṛttikayodakenāpi samaṃtātpariṇāmayet |
lipitaṃ lepakaiḥ kāṣṭhaṃ citraṃ bhavati citrakaiḥ || 55 ||
[Analyze grammar]

prathamaṃ rūpamāyāti gṛhaṃ sūtreṇa sūtritam |
puṣṇaṃti ca svayaṃ tattu lepanādvai dine dine || 56 ||
[Analyze grammar]

vāyunāṃdolitaṃ nityaṃ gṛhaṃ ca malināyate |
madhyamo vartutaḥ kālo gṛhasya parikathyate || 57 ||
[Analyze grammar]

rūpahānirbhavettasya gṛhasvāmī vilepayet |
svecchayā ca gṛhasvāmī rūpavattvaṃ nayedgṛham || 58 ||
[Analyze grammar]

tāruṇyaṃ tasya gehasya dūtike parikathyate |
kāṣṭhasaṃghaiśca jīrṇatvaṃ bahukālaiḥ prayāti saḥ || 59 ||
[Analyze grammar]

sthānabhraṣṭāḥ prajāyaṃte mūlāgre pracalaṃti te |
na sahellepanābhāramādhāreṇa pratiṣṭhati || 60 ||
[Analyze grammar]

etadgṛhasya vārddhakyaṃ kathitaṃ śṛṇu dūtike |
patamānaṃ gṛhaṃ dṛṣṭvā gṛhasvāmī parityajet || 61 ||
[Analyze grammar]

gṛhamanyaṃ praveśāya prayātyeva hi satvaram |
tathā bālyaṃ ca tāruṇyaṃ nṛṇāṃ vṛddhatvameva ca || 62 ||
[Analyze grammar]

sa bālye bālarūpaśca jñānahīnaṃ prakārayet |
citrayetkāyamevāpi vastrālaṃkārabhūṣaṇaiḥ || 63 ||
[Analyze grammar]

lepanaiścaṃdanaiścānyaistāṃbūlaprabhavādibhiḥ |
kāyastaruṇatāṃ yāti atirūpo vijāyate || 64 ||
[Analyze grammar]

bāhyābhyaṃtaramevāpi rasaiḥ sarvaiḥ prapoṣayet |
tena poṣaṇabhāvena paripuṣṭaḥ prajāyate || 65 ||
[Analyze grammar]

jāyate māṃsavṛddhistu rasaiścāpi navottamā |
yāṃti vistaratāṃ rājannaṃgānyāpyāyitānyapi || 66 ||
[Analyze grammar]

pratyaṃgāni rasaiścaiva svaṃsvaṃ rūpaṃ prayāṃti vai |
daṃtādharau stanau bāhū kaṭipṛṣṭhamurū ubhe || 67 ||
[Analyze grammar]

hastapādatalau tadvadvṛddhitvaṃ pratipedire |
ubhābhyāmapi tānyeva vṛddhimāyāṃti tāni vai || 68 ||
[Analyze grammar]

aṃgāni rasamāṃsābhyāṃ surūpāṇi bhavaṃti te |
taiḥ svarūpairbhavenmartyo rasabaddhaśca dūtike || 69 ||
[Analyze grammar]

surūpaḥ kathyate martyo loke kena priyo bhavet |
viṣṭhāmūtrasya vai kośaḥ kāya eṣa ca dūtike || 70 ||
[Analyze grammar]

apavitraśarīroyaṃ sadā sravati nirghṛṇaḥ |
tasya kiṃ varṇyate rūpaṃ jalabudbudavacchubhe || 71 ||
[Analyze grammar]

yāvatpaṃcāśadvarṣāṇi tāvattiṣṭhati vai dṛḍhaḥ |
paścācca jāyate hānistasyaivāpi dinedine || 72 ||
[Analyze grammar]

daṃtāḥ śithilatāṃ yāṃti tathā lālāyate mukham |
cakṣurbhyāmapi paśyenna karṇābhyāṃ na śṛṇoti ca || 73 ||
[Analyze grammar]

gatiṃ kartuṃ na śaknoti hastapādaiśca dūtike |
akṣamo jāyate kāyo jarākālena pīḍitaḥ || 74 ||
[Analyze grammar]

tadrasaḥ śoṣamāyāti jarāgnitāpaśoṣitaḥ |
akṣamo jāyate dūti kena rūpatvamiṣyate || 75 ||
[Analyze grammar]

yathā jīrṇaṃ gṛhaṃ yāti kṣayamevaṃ na saṃśayaḥ |
tathā saṃkṣayamāyāti vārddhake tu kalevaram || 76 ||
[Analyze grammar]

mamarūpaṃ samāyātaṃ varṇasyevaṃ dine dine |
kenāhaṃ rūpasaṃyuktā kena rūpatvamiṣyate || 77 ||
[Analyze grammar]

yathā jīrṇaṃ gṛhaṃ yāti kenāsau puruṣo balī |
yasyārthamāgatā dūti bhavatī kena śaṃsati || 78 ||
[Analyze grammar]

kimu caiva tvayā dṛṣṭaṃ mamāṃge vada sāṃpratam |
tasyāṃgādiha hīnaṃ ca dūti nāstyadhikaṃ tathā || 79 ||
[Analyze grammar]

yathā tvaṃ ca tathāsauvai tathāhaṃ nātra saṃśayaḥ |
kasya rūpaṃ na vidyeta rūpavānnāsti bhūtale || 80 ||
[Analyze grammar]

ucchrāyāḥ patanāṃtāśca nagāstu girayaḥ śubhe |
kālena pīḍitā yāṃti tadvadbhūtāśca nānyathā || 81 ||
[Analyze grammar]

arūpo rūpavāndivya ātmā sarvagataḥ śuciḥ |
sthāvareṣveva sarveṣu jaṃgameṣu ca dūtike || 82 ||
[Analyze grammar]

eko nivasate śuddho ghaṭeṣvekaṃ yathodakam |
ghaṭanāśātprayātyekamekatvaṃ tvaṃ na budhyase || 83 ||
[Analyze grammar]

piṃḍanāśādayaṃ cātmā ekarūpo vijāyate |
ekaṃ rūpaṃ mayā dṛṣṭaṃ saṃsāre vasatā sadā || 84 ||
[Analyze grammar]

evaṃ vada svataṃ jñātvā yasyārthamiha cāgatā |
darśayasva apūrvaṃ me yadi bhoktumihecchasi || 85 ||
[Analyze grammar]

vyādhinā pīḍyamānasya kaphenāpi vṛtasya ca |
aṃgādvicalate śoṇaḥ sthānabhraṣṭobhijāyate || 86 ||
[Analyze grammar]

aṃgasaṃdhiṣu sarvāsu palatvaṃ cāṃtaraṃ gataḥ |
ekato nāśamāyāti svaṃ hi rūpaṃ parityajet || 87 ||
[Analyze grammar]

viṣṭhātvaṃ jāyate śīghraṃ kṛmibhiśca bhavetkila |
tadvadduḥkhakaraṃ vāpi nijarūpaṃ parityajet || 88 ||
[Analyze grammar]

śrūyatāṃ jāyate paścātkṛmidurgaṃdhasaṃkulam |
jāyaṃte tatra vai yūkāḥ kṛmayo vā na saṃśayaḥ || 89 ||
[Analyze grammar]

sakṛmiḥ kurute sphoṭaṃ kaṃḍūṃ ca paridāruṇām |
vyathāmutpādayedyūkā sarvāṃgaṃ paricālayet || 90 ||
[Analyze grammar]

nakhāgrairghṛṣyamāṇā sā kaṃḍūḥ śāṃtā prajāyate |
tadvattaiśca śṛṇuṣvaiva suratasya na saṃśayaḥ || 91 ||
[Analyze grammar]

bhuṃjatyeva rasānmartyaḥ subhikṣānpibate punaḥ |
vāyunā tena prāṇena pākasthānaṃ praṇīyate || 92 ||
[Analyze grammar]

yadbhaktaṃ prāṇibhirdūti pākasthānaṃ gataṃ punaḥ |
sarvaṃ tatpihitaṃ tatra vāyurvai pātayenmalam || 93 ||
[Analyze grammar]

sārabhūto rasastatra tadraktaśca prajāyate |
nirmalaḥ śuddhavīryastu brahmasthānaṃ prayāti ca || 94 ||
[Analyze grammar]

ākṛṣṭaḥ sa samānena nītastenāpi vāyunā |
sthānaṃ na labhate vīryaṃ caṃcalatvena vartate || 95 ||
[Analyze grammar]

prāṇināṃ hi kapāleṣu kṛmayaḥ saṃti paṃca vai |
dvāvetau karṇamūle tu netrasthāne tataḥ punaḥ || 96 ||
[Analyze grammar]

kaniṣṭhāṃgulimānena raktapucchāśca dūtike |
navanītasya varṇena kṛṣṇapucchā na saṃśayaḥ || 97 ||
[Analyze grammar]

teṣāṃ nāmāpi bhadre tvaṃ matto nigaditaṃ śṛṇu |
piṃgalī śṛṃkhalī nāma dvau kṛmī karṇamūlayoḥ || 98 ||
[Analyze grammar]

capalaḥ pippalaścaiva dvāvetau nāsikāgrayoḥ |
śṛṃgalī jaṃgalī cānyau netrayoraṃtarasthitau || 99 ||
[Analyze grammar]

kṛmīṇāṃ śatapaṃcāśattādṛgbhūtā na saṃśayaḥ |
bhālāṃtevasthitāḥ sarve rājikāyāḥ pramāṇataḥ || 100 ||
[Analyze grammar]

kapālarogiṇaḥ sarve vikurvaṃti na saṃśayaḥ |
keśadvayaṃ mukhe tasya vidyate śṛṇu dūtike || 101 ||
[Analyze grammar]

prāṇināṃ saṃkṣayaṃ viddhi tatkṣaṇe hi na saṃśayaḥ |
svasthāne saṃsthitasyāpi prājāpatyasya vai mukhe || 102 ||
[Analyze grammar]

tadvīryaṃ rasarūpeṇa patate nātra saṃśayaḥ |
mukhena pibate vīryaṃ tena mattaḥ prajāyate || 103 ||
[Analyze grammar]

tālumadhyapradeśe ca caṃcalatvena vartate |
iḍā ca piṃgalā nāḍī suṣumṇākhyā ca saṃsthitā || 104 ||
[Analyze grammar]

subalenāpi tasyaiva nāḍikā jālapaṃjare |
kāmakaṃḍūrbhaveddūti sarveṣāṃ prāṇināṃ kila || 105 ||
[Analyze grammar]

puṃsaśca sphurate liṃgaṃ nāryā yoniśca dūtike |
strīpuṃsau saṃpramattau tu vrajataḥ saṃgamaṃ tataḥ || 106 ||
[Analyze grammar]

kāyena kāyasaṃghṛṣṭirmaithunena hi jāyate |
kṣaṇamātraṃ sukhaṃ kāye punaḥ kaṃḍūśca tādṛśī || 107 ||
[Analyze grammar]

sarvatra dṛśyate dūti bhāva evaṃvidhaḥ kila |
vraja tvamātmanaḥ sthānaṃ naivāstyatra apūrvatā || 108 ||
[Analyze grammar]

apūrvaṃ nāsti me kiṃcitkaromyeva na saṃśayaḥ || 109 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre |
tripaṃcāśattamo'dhyāyaḥ || 53 ||
[Analyze grammar]