Chapter 54

[English text for this chapter is available]

viṣṇuruvāca |
evamuktā gatā dūtī tayā sukalayā tadā |
samāsena susaṃproktamavadhārya puraṃdaraḥ || 1 ||
[Analyze grammar]

tadarthaṃ bhāṣitaṃ tasyāḥ satyadharmasamanvitam |
ālocya sāhasaṃ dhairyaṃ jñānameva puraṃdaraḥ || 2 ||
[Analyze grammar]

īdṛśaṃ hi vadetkā hi nārī bhūtvā mahītale |
yogarūpaṃ susaṃśiṣṭaṃ nyāyodaiḥ kṣālitaṃ vacaḥ || 3 ||
[Analyze grammar]

pavitreyaṃ mahābhāgā satyarūpā na saṃśayaḥ |
trailokyasya samastasya dhuraṃ dhartuṃ bhavetkṣamā || 4 ||
[Analyze grammar]

etadarthaṃ vicāryaiva jiṣṇuḥ kaṃdarpamabravīt |
tvayā saha gamiṣyāmi draṣṭuṃ tāṃ kṛkalapriyām || 5 ||
[Analyze grammar]

pratyuvāca sahasrākṣaṃ manmatho baladarpitaḥ |
gamyatāṃ tatra deveśa yatrāste sā pativratā || 6 ||
[Analyze grammar]

mānaṃ vīryaṃ balaṃ dhairyaṃ tasyāḥ satyaṃ pativratam |
gatvāhaṃ nāśayiṣyāmi kiyanmātrā sureśvara || 7 ||
[Analyze grammar]

samākarṇya sahasrākṣo vacanaṃ manmathasya ca |
bho bhonaṃga śṛṇuṣva tvamadhikaṃ bhāṣitaṃ mudhā || 8 ||
[Analyze grammar]

sudṛḍhā satyavīryeṇa susthirā dharmakarmabhiḥ |
sukaleyamajeyā vai tatra te pauruṣaṃ nahi || 9 ||
[Analyze grammar]

ityākarṇya tataḥ kruddho manmathastvindramabravīt |
ṛṣīṇāṃ devatānāṃ ca balaṃ mayā praṇāśitam || 10 ||
[Analyze grammar]

asyā balaṃ kiyanmātraṃ bhavatā mama kathyate |
paśyatastava deveśa nāśayiṣyāmi tāṃ striyam || 11 ||
[Analyze grammar]

navanītaṃ yathā cāgnestejo dṛṣṭvā dravaṃ vrajet |
tathemāṃ drāvayiṣyāmi svena rūpeṇa tejasā || 12 ||
[Analyze grammar]

gaccha tatra mahatkāryamupasthaṃ sāṃprataṃ dhruvam |
kasmātkutsasi me tejastrailokyasya vināśanam || 13 ||
[Analyze grammar]

viṣṇuruvāca |
ākarṇya vākyaṃ tu manobhavasya etāmasādhyāṃ tava kāmajāne |
dhairyaṃ samudyamya ca puṇyadehāṃ puṇyena puṇyāṃ bahupuṇyacārām || 14 ||
[Analyze grammar]

paśyāmi te pauruṣamugravīryamito hi gatvā tu dhanuṣmatā vai |
tenāpi sārdhaṃ prajagāma bhūyo ratyā ca dūtyā ca pativratāṃ tām || 15 ||
[Analyze grammar]

ekāṃ supuṇyāṃ svagṛhasthitāṃ tāṃ dhyānena patyuścaraṇe niyuktām |
yathā suyogī pravidhāya cittaṃ vikalpahīnaṃ na ca kalpayeta || 16 ||
[Analyze grammar]

atyadbhutaṃ rūpamanaṃtatejoyutaṃ cakārātha satīpramoham |
nīlāṃcitaṃ bhogayutaṃ mahātmā jhaṣadhvajaścaiva puraṃdaraśca || 17 ||
[Analyze grammar]

dṛṣṭvā sulīlaṃ puruṣaṃ mahāṃtaṃ caraṃtamevaṃ parikāmabhāvam |
jāyā hi vaiśyasya mahātmanastu mene na sā rūpayutaṃ guṇajñam || 18 ||
[Analyze grammar]

aṃbho yathā padmadale gataṃ vai prayāti muktāphalakasya kīrtim |
tadvatsvabhāvaḥ parisatyayukto jajñe ca tasyāstu pativratāyāḥ || 19 ||
[Analyze grammar]

anena dūtī paripreṣitā purā yāmāṃ yuvatyā ha guṇajñamenam |
līlāsvarūpaṃ bahudhātmabhāvaṃ mamaiṣa sarvaṃ paridarśayecca || 20 ||
[Analyze grammar]

mamaiva kālaṃ prabalaṃ viciṃtyāgato hi me kāṃtaguṇaiśca satkhalaḥ |
ratyāsametastu kathaṃ ca jīvetsatyāśmabhāreṇa pramarditaśca || 21 ||
[Analyze grammar]

mamāpi bhāvaṃ parigṛhya kāṃto jīvetkiyānvāpi subuddhiyuktaḥ |
śūnyo hi kāyo mama cāsti sadyaśceṣṭāvihīno mṛtakalpa eva || 22 ||
[Analyze grammar]

kāyasya grāmasya prajāḥ pranaṣṭāḥ suvikriyākhyaṃ parigṛhya karma |
mamādhikenāpi samaṃ sukāṃtaṃ sa ūrddhvaśobhāmanayacca kāmaḥ || 23 ||
[Analyze grammar]

yadāmṛto balavānharṣayuktaḥ svayaṃdṛśā vai parinṛtyamānaḥ |
tathā anenāpi prabhāṣayedbhutaṃ yo māṃ hi vāñchatyapi bhoktukāmaḥ || 24 ||
[Analyze grammar]

evaṃ vicāryaiva tadā mahāsatī satyākhyarajjvā dṛḍhabaddhacetanā |
gṛhaṃ svakīyaṃ praviveśa sā tadā tattasyabhāvaṃ niyamena vettum || 25 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritrecatuḥpaṃcāśattamo'dhyāyaḥ || 54 ||
[Analyze grammar]