Manusmriti [sanskrit]

by Ganganatha Jha | 1920 | 23,875 words | ISBN-10: 8120811550 | ISBN-13: 9788120811553

This is the Sanskrit text of the Manusmriti, which is a collection of verses dealing with ‘Dharma-Shastra’—the ancient Indian science of Law, Spritual life, Politics and Ethics.. The edition of this text is based on Ganganatha Jha’s translation of the same text.

śrutvaitānṛṣayo dharmān snātakasya yathauditān |
idamūcurmahātmānamanalaprabhavaṃ bhṛgum || 1 ||
[Analyze grammar]

evaṃ yathoktaṃ viprāṇāṃ svadharmamanutiṣṭhatām |
kathaṃ mṛtyuḥ prabhavati vedaśāstravidāṃ prabho || 2 ||
[Analyze grammar]

sa tānuvāca dharmātmā maharṣīnmānavo bhṛguḥ |
śrūyatāṃ yena doṣeṇa mṛtyurviprān jighāṃsati || 3 ||
[Analyze grammar]

anabhyāsena vedānāmācārasya ca varjanāt |
ālasyādannadoṣācca mṛtyurviprāñjighāṃsati || 4 ||
[Analyze grammar]

laśunaṃ gṛñjanaṃ caiva palāṇḍuṃ kavakāni ca |
abhakṣyāṇi dvijātīnāmamedhyaprabhavāni ca || 5 ||
[Analyze grammar]

lohitānvṛkṣaniryāsānvṛścanaprabhavāṃstathā |
śeluṃ gavyaṃ ca peyūṣaṃ prayatnena vivarjayet || 6 ||
[Analyze grammar]

vṛthā kṛsarasaṃyāvaṃ pāyasāpūpameva ca |
anupākṛtamāṃsāni devānnāni havīṃṣi ca || 7 ||
[Analyze grammar]

anirdaśāyā goḥ kṣīramauṣṭramaikaśaphaṃ tathā |
āvikaṃ sandhinīkṣīraṃ vivatsāyāśca goḥ payaḥ || 8 ||
[Analyze grammar]

āraṇyānāṃ ca sarveṣāṃ mṛgāṇāṃ māhiṣaṃ vinā |
strīkṣīraṃ caiva varjyāni sarvaśuktāni caiva hi || 9 ||
[Analyze grammar]

dadhi bhakṣyaṃ ca śukteṣu sarvaṃ ca dadhisambhavam |
yāni caivābhiṣūyante puṣpamūlaphalaiḥ śubhaiḥ || 10 ||
[Analyze grammar]

kravyādān śakunān sarvāntathā grāmanivāsinaḥ |
anirdiṣṭāṃścekaśaphān ṭiṭṭibhaṃ ca vivarjayet || 11 ||
[Analyze grammar]

kalaviṅkaṃ plavaṃ haṃsaṃ cakrāhvaṃ grāmakukkuṭam |
sārasaṃ rajjuvālaṃ ca dātyūhaṃ śukasārike || 12 ||
[Analyze grammar]

pratudāñjālapādāṃśca koyaṣṭinakhaviṣkirān |
nimajjataśca matsyādān saunaṃ vallūrameva ca || 13 ||
[Analyze grammar]

bakaṃ caiva balākāṃ ca kākolaṃ khañjarīṭakam |
matsyādānviḍvarāhāṃśca matsyāneva ca sarvaśaḥ || 14 ||
[Analyze grammar]

yo yasya māṃsamaśnāti sa tanmāṃsāda ucyate |
matsyādaḥ sarvamāṃsādastasmānmatsyānvivarjayet || 15 ||
[Analyze grammar]

pāṭhīnarohitāvādyau niyuktau havyakavyayoḥ |
rājīvān siṃhatuṇḍāśca saśalkāścaiva sarvaśaḥ || 16 ||
[Analyze grammar]

na bhakṣayedekacarānajñātāṃśca mṛgadvijān |
bhakṣyeṣvapi samuddiṣṭān sarvānpañcanakhāṃstathā || 17 ||
[Analyze grammar]

śvāvidhaṃ śalyakaṃ godhāṃ khaḍgakūrmaśaśāṃstathā |
bhakṣyānpañcanakheṣvāhuranuṣṭrāṃścaikatodataḥ || 18 ||
[Analyze grammar]

chatrākaṃ viḍvarāhaṃ ca laśunaṃ grāmakukkuṭam |
palāṇḍuṃ gṛñjanaṃ caiva matyā jagdhvā pateddvijaḥ || 19 ||
[Analyze grammar]

amatyaitāni ṣaḍjagdhvā kṛcchraṃ sāntapanaṃ caret |
yaticāndrāyāṇaṃ vā'pi śeṣeṣūpavasedahaḥ || 20 ||
[Analyze grammar]

saṃvatsarasyaikamapi caretkṛcchraṃ dvijottamaḥ |
ajñātabhuktaśuddhyarthaṃ jñātasya tu viśeṣataḥ || 21 ||
[Analyze grammar]

yajñārthaṃ brāhmaṇairvadhyāḥ praśastā mṛgapakṣiṇaḥ |
bhṛtyānāṃ caiva vṛttyarthamagastyo hyācaratpurā || 22 ||
[Analyze grammar]

babhūvurhi puroḍāśā bhakṣyāṇāṃ mṛgapakṣiṇām |
purāṇeṣvapi yajñeṣu brahmakṣatrasaveṣu ca || 23 ||
[Analyze grammar]

yatkiṃ citsnehasaṃyuktaṃ bhakṣyaṃ bhojyamagarhitam |
tatparyuṣitamapyādyaṃ haviḥśeṣaṃ ca yadbhavet || 24 ||
[Analyze grammar]

cirasthitamapi tvādyamasnehāktaṃ dvijātibhiḥ |
yavagodhūmajaṃ sarvaṃ payasaścaiva vikriyā || 25 ||
[Analyze grammar]

etaduktaṃ dvijātīnāṃ bhakṣyābhakṣyamaśeṣataḥ |
māṃsasyātaḥ pravakṣyāmi vidhiṃ bhakṣaṇavarjane || 26 ||
[Analyze grammar]

prokṣitaṃ bhakṣayenmāṃsaṃ brāhmaṇānāṃ ca kāmyayā |
yathāvidhi niyuktastu prāṇānāmeva cātyaye || 27 ||
[Analyze grammar]

prāṇasyānnamidaṃ sarvaṃ prajāpatirakalpayat |
sthāvaraṃ jaṅgamaṃ caiva sarvaṃ prāṇasya bhojanam || 28 ||
[Analyze grammar]

carāṇāmannamacarā daṃṣṭriṇāmapyadaṃṣṭriṇaḥ |
ahastāśca sahastānāṃ śūrāṇāṃ caiva bhīravaḥ || 29 ||
[Analyze grammar]

nāttā duṣyatyadannādyānprāṇino'hany'hanyapi |
dhātraiva sṛṣṭā hyādyāśca prāṇino'ttāra eva ca || 30 ||
[Analyze grammar]

yajñāya jagdhirmāṃsasyetyeṣa daivo vidhiḥ smṛtaḥ |
ato'nyathā pravṛttistu rākṣaso vidhirucyate || 31 ||
[Analyze grammar]

krītvā svayaṃ vā'pyutpādya paropakṛtameva vā |
devānpitṝṃścārcayitvā khādanmāṃsaṃ na duṣyati || 32 ||
[Analyze grammar]

nādyādavidhinā māṃsaṃ vidhijño'nāpadi dvijaḥ |
jagdhvā hyavidhinā māṃsaṃ pretastairadyate'vaśaḥ || 33 ||
[Analyze grammar]

na tādṛśaṃ bhavatyeno mṛgahanturdhanārthinaḥ |
yādṛśaṃ bhavati pretya vṛthāmāṃsāni khādataḥ || 34 ||
[Analyze grammar]

niyuktastu yathānyāyaṃ yo māṃsaṃ nātti mānavaḥ |
sa pretya paśutāṃ yāti sambhavānekaviṃśatim || 35 ||
[Analyze grammar]

asaṃskṛtānpaśūnmantrairnādyādvipraḥ kadā cana |
mantraistu saṃskṛtānadyātśāśvataṃ vidhimāsthitaḥ || 36 ||
[Analyze grammar]

kuryādghṛtapaśuṃ saṅge kuryātpiṣṭapaśuṃ tathā |
na tveva tu vṛthā hantuṃ paśumicchetkadā cana || 37 ||
[Analyze grammar]

yāvanti paśuromāṇi tāvatkṛtvo ha māraṇam |
vṛthāpaśughnaḥ prāpnoti pretya janmani janmani || 38 ||
[Analyze grammar]

yajñārthaṃ paśavaḥ sṛṣṭāḥ svayameva svayambhuvā |
yajño'sya bhūtyai sarvasya tasmādyajñe vadho'vadhaḥ || 39 ||
[Analyze grammar]

oṣadhyaḥ paśavo vṛkṣāstiryañcaḥ pakṣiṇastathā |
yajñārthaṃ nidhanaṃ prāptāḥ prāpnuvantyutsṛtīḥ punaḥ || 40 ||
[Analyze grammar]

madhuparke ca yajñe ca pitṛdaivatakarmaṇi |
atraiva paśavo hiṃsyā nānyatraityabravīnmanuḥ || 41 ||
[Analyze grammar]

eṣvartheṣu paśūn hiṃsanvedatattvārthaviddvijaḥ |
ātmānaṃ ca paśuṃ caiva gamayatyuttamaṃ gatim || 42 ||
[Analyze grammar]

gṛhe gurāvaraṇye vā nivasannātmavāndvijaḥ |
nāvedavihitāṃ hiṃsāmāpadyapi samācaret || 43 ||
[Analyze grammar]

yā vedavihitā hiṃsā niyatā'smiṃścarācare |
ahiṃsāmeva tāṃ vidyādvedāddharmo hi nirbabhau || 44 ||
[Analyze grammar]

yo'hiṃsakāni bhūtāni hinastyātmasukhaicchayā |
sa jīvāṃśca mṛtaścaiva na kva citsukhamedhate || 45 ||
[Analyze grammar]

yo bandhanavadhakleśānprāṇināṃ na cikīrṣati |
sa sarvasya hitaprepsuḥ sukhamatyantamaśnute || 46 ||
[Analyze grammar]

yaddhyāyati yatkurute ratiṃ badhnāti yatra ca |
tadavāpnotyayatnena yo hinasti na kiṃ cana || 47 ||
[Analyze grammar]

nākṛtvā prāṇināṃ hiṃsāṃ māṃsamutpadyate kva cit |
na ca prāṇivadhaḥ svargyastasmānmāṃsaṃ vivarjayet || 48 ||
[Analyze grammar]

samutpattiṃ ca māṃsasya vadhabandhau ca dehinām |
prasamīkṣya nivarteta sarvamāṃsasya bhakṣaṇāt || 49 ||
[Analyze grammar]

na bhakṣayati yo māṃsaṃ vidhiṃ hitvā piśācavat |
na loke priyatāṃ yāti vyādhibhiśca na pīḍyate || 50 ||
[Analyze grammar]

anumantā viśasitā nihantā krayavikrayī |
saṃskartā copahartā ca khādakaśceti ghātakāḥ || 51 ||
[Analyze grammar]

svamāṃsaṃ paramāṃsena yo vardhayitumicchati |
anabhyarcya pitṝndevāṃstato'nyo nāstyapuṇyakṛt || 52 ||
[Analyze grammar]

varṣe varṣe'śvamedhena yo yajeta śataṃ samāḥ |
māṃsāni ca na khādedyastayoḥ puṇyaphalaṃ samam || 53 ||
[Analyze grammar]

phalamūlāśanairmedhyairmunyannānāṃ ca bhojanaiḥ |
na tatphalamavāpnoti yatmāṃsaparivarjanāt || 54 ||
[Analyze grammar]

māṃ sa bhakṣayitā'mutra yasya māṃsamihādmyaham |
etatmāṃsasya māṃsatvaṃ pravadanti manīṣiṇaḥ || 55 ||
[Analyze grammar]

na māṃsabhakṣaṇe doṣo na madye na ca maithune |
pravṛttireṣā bhūtānāṃ nivṛttistu mahāphalā || 56 ||
[Analyze grammar]

pretaśuddhiṃ pravakṣyāmi dravyaśuddhiṃ tathaiva ca |
caturṇāmapi varṇānāṃ yathāvadanupūrvaśaḥ || 57 ||
[Analyze grammar]

dantajāte'nujāte ca kṛtacūḍe ca saṃsthite |
aśuddhā bāndhavāḥ sarve sūtake ca tathaucyate || 58 ||
[Analyze grammar]

daśāhaṃ śāvamāśaucaṃ sapiṇḍeṣu vidhīyate |
arvāksañcayanādasthnāṃ tryahamekāhameva vā || 59 ||
[Analyze grammar]

sapiṇḍatā tu puruṣe saptame vinivartate |
samānodakabhāvastu janmanāmnoravedane || 60 ||
[Analyze grammar]

janane'pyevameva syānmātāpitrostu sūtakaṃ |
sūtakaṃ mātureva syādupaspṛśya pitā śuciḥ || 61 ||
[Analyze grammar]

nirasya tu pumāṃśukramupaspṛsyaiva śudhyati |
baijikādabhisambandhādanurundhyādaghaṃ tryaham || 62 ||
[Analyze grammar]

ahnā caikena rātryā ca trirātraireva ca tribhiḥ |
śavaspṛśo viśudhyanti tryahādudakadāyinaḥ || 64 ||
[Analyze grammar]

guroḥ pretasya śiṣyastu pitṛmedhaṃ samācaran |
pretahāraiḥ samaṃ tatra daśarātreṇa śudhyati || 64 ||
[Analyze grammar]

rātribhirmāsatulyābhirgarbhasrāve viśudhyati |
rajasyuparate sādhvī snānena strī rajasvalā || 65 ||
[Analyze grammar]

nṛṇāmakṛtacūḍānāṃ viśuddhirnaiśikī smṛtā |
nirvṛttacūḍakānāṃ tu trirātrātśuddhiriṣyate || 66 ||
[Analyze grammar]

ūnadvivārṣikaṃ pretaṃ nidadhyurbāndhavā bahiḥ |
alaṅkṛtya śucau bhūmāvasthisañcayanādṛte || 67 ||
[Analyze grammar]

nāsya kāryo'gnisaṃskāro na ca kāryaudakakriyā |
araṇye kāṣṭhavattyaktvā kṣapeyustryahameva tu || 68 ||
[Analyze grammar]

nātrivarṣasya kartavyā bāndhavairudakakriyā |
jātadantasya vā kuryurnāmni vā'pi kṛte sati || 69 ||
[Analyze grammar]

sabrahmacāriṇyekāhamatīte kṣapaṇaṃ smṛtam |
janmanyekaudakānāṃ tu trirātrātśuddhiriṣyate || 70 ||
[Analyze grammar]

strīṇāmasaṃskṛtānāṃ tu tryahātśudhyanti bāndhavāḥ |
yathauktenaiva kalpena śudhyanti tu sanābhayaḥ || 71 ||
[Analyze grammar]

akṣāralavaṇānnāḥ syurnimajjeyuśca te tryaham |
māṃsāśanaṃ ca nāśnīyuḥ śayīraṃśca pṛthakkṣitau || 72 ||
[Analyze grammar]

saṃnidhāveṣa vai kalpaḥ śāvāśaucasya kīrtitaḥ |
asaṃnidhāvayaṃ jñeyo vidhiḥ sambandhibāndhavaiḥ || 73 ||
[Analyze grammar]

vigataṃ tu videśasthaṃ śṛṇuyādyo hyanirdaśam |
yatśeṣaṃ daśarātrasya tāvadevāśucirbhavet || 74 ||
[Analyze grammar]

atikrānte daśāhe ca trirātramaśucirbhavet |
saṃvatsare vyatīte tu spṛṣṭvaivāpo viśudhyati || 75 ||
[Analyze grammar]

nirdaśaṃ jñātimaraṇaṃ śrutvā putrasya janma ca |
savāsā jalamāplutya śuddho bhavati mānavaḥ || 76 ||
[Analyze grammar]

bāle deśāntarasthe ca pṛthakpiṇḍe ca saṃsthite |
savāsā jalamāplutya sadya eva viśudhyati || 77 ||
[Analyze grammar]

antardaśāhe syātāṃ cetpunarmaraṇajanmanī |
tāvatsyādaśucirvipro yāvattatsyādanirdaśam || 78 ||
[Analyze grammar]

trirātramāhurāśaucamācārye saṃsthite sati |
tasya putre ca patnyāṃ ca divārātramiti sthitiḥ || 79 ||
[Analyze grammar]

śrotriye tūpasampanne trirātramaśucirbhavet |
mātule pakṣiṇīṃ rātriṃ śiṣyartvigbāndhaveṣu ca || 80 ||
[Analyze grammar]

prete rājani sajyotiryasya syādviṣaye sthitaḥ |
aśrotriye tvahaḥ kṛtsnamanūcāne tathā gurau || 81 ||
[Analyze grammar]

śuddhyedvipro daśāhena dvādaśāhena bhūmipaḥ |
vaiśyaḥ pañcadaśāhena śūdro māsena śudhyati || 82 ||
[Analyze grammar]

na vardhayedaghāhāni pratyūhennāgniṣu kriyāḥ |
na ca tatkarma kurvāṇaḥ sanābhyo'pyaśucirbhavet || 83 ||
[Analyze grammar]

divākīrtimudakyāṃ ca patitaṃ sūtikāṃ tathā |
śavaṃ tatspṛṣṭinaṃ caiva spṛṣṭvā snānena śudhyati || 84 ||
[Analyze grammar]

ācamya prayato nityaṃ japedaśucidarśane |
saurānmantrānyathotsāhaṃ pāvamānīśca śaktitaḥ || 85 ||
[Analyze grammar]

nāraṃ spṛṣṭvā'sthi sasnehaṃ snātvā vipro viśudhyati |
ācamyaiva tu niḥsnehaṃ gāmālabhyārkamīkṣya vā || 86 ||
[Analyze grammar]

ādiṣṭī nodakaṃ kuryādā vratasya samāpanāt |
samāpte tūdakaṃ kṛtvā trirātreṇaiva śudhyati || 87 ||
[Analyze grammar]

vṛthāsaṅkarajātānāṃ pravrajyāsu ca tiṣṭhatām |
ātmanastyāgināṃ caiva nivartetodakakriyā || 88 ||
[Analyze grammar]

pāṣaṇḍamāśritānāṃ ca carantīnāṃ ca kāmataḥ |
garbhabhartṛdruhāṃ caiva surāpīnāṃ ca yoṣitām || 89 ||
[Analyze grammar]

ācāryaṃ svamupādhyāyaṃ pitaraṃ mātaraṃ gurum |
nirhṛtya tu vratī pretānna vratena viyujyate || 90 ||
[Analyze grammar]

dakṣiṇena mṛtaṃ śūdraṃ puradvāreṇa nirharet |
paścimauttarapūrvaistu yathāyogaṃ dvijanmanaḥ || 91 ||
[Analyze grammar]

na rājñāmaghadoṣo'sti vratināṃ na ca sattriṇām |
aindraṃ sthānamupāsīnā brahmabhūtā hi te sadā || 92 ||
[Analyze grammar]

rājño mahātmike sthāne sadyaḥśaucaṃ vidhīyate |
prajānāṃ parirakṣārthamāsanaṃ cātra kāraṇam || 93 ||
[Analyze grammar]

ḍimbhāhavahatānāṃ ca vidyutā pārthivena ca |
gobrāhmaṇasya cevārthe yasya caicchati pārthivaḥ || 95 ||
[Analyze grammar]

somāgnyarkānilendrāṇāṃ vittāppatyoryamasya ca |
aṣṭānāṃ lokapālānāṃ vapurdhārayate nṛpaḥ || 95 ||
[Analyze grammar]

lokeśādhiṣṭhito rājā nāsyāśaucaṃ vidhīyate |
śaucāśaucaṃ hi martyānāṃ lokebhyaḥ prabhavāpyayau || 96 ||
[Analyze grammar]

udyatairāhave śastraiḥ kṣatradharmahatasya ca |
sadyaḥ santiṣṭhate yajñastathā'śaucamiti sthitiḥ || 97 ||
[Analyze grammar]

vipraḥ śudhyatyapaḥ spṛṣṭvā kṣatriyo vāhanāyudham |
vaiśyaḥ pratodaṃ raśmīnvā yaṣṭiṃ śūdraḥ kṛtakriyaḥ || 98 ||
[Analyze grammar]

etadvo'bhihitaṃ śaucaṃ sapiṇḍeṣu dvijottamāḥ |
asapiṇḍeṣu sarveṣu pretaśuddhiṃ nibodhata || 99 ||
[Analyze grammar]

asapiṇḍaṃ dvijaṃ pretaṃ vipro nirhṛtya bandhuvat |
viśudhyati trirātreṇa māturāptāṃśca bāndhavān || 100 ||
[Analyze grammar]

yadyannamatti teṣāṃ tu daśāhenaiva śudhyati |
anadannannamahnaiva na cettasmin gṛhe vaset || 101 ||
[Analyze grammar]

anugamyecchayā pretaṃ jñātimajñātimeva ca |
snātvā sacailaḥ spṛṣṭvā'gniṃ ghṛtaṃ prāśya viśudhyati || 102 ||
[Analyze grammar]

na vipraṃ sveṣu tiṣṭhatsu mṛtaṃ śūdreṇa nāyayet |
asvargyā hyāhutiḥ sā syātśūdrasaṃsparśadūṣitā || 103 ||
[Analyze grammar]

jñānaṃ tapo'gnirāhāro mṛtmano vāryupāñjanam |
vāyuḥ karmārkakālau ca śuddheḥ kartṝṇi dehinām || 104 ||
[Analyze grammar]

sarveṣāmeva śaucānāmarthaśaucaṃ paraṃ smṛtam |
yo'rthe śucirhi sa śucirna mṛdvāriśuciḥ śuciḥ || 105 ||
[Analyze grammar]

kṣāntyā śudhyanti vidvāṃso dānenākāryakāriṇaḥ |
pracchannapāpā japyena tapasā vedavittamāḥ || 106 ||
[Analyze grammar]

mṛttoyaiḥ śudhyate śodhyaṃ nadī vegena śudhyati |
rajasā strī manoduṣṭā saṃnyāsena dvijottamāḥ || 107 ||
[Analyze grammar]

adbhirgātrāṇi śudhyanti manaḥ satyena śudhyati |
vidyātapobhyāṃ bhūtātmā buddhirjñānena śudhyati || 108 ||
[Analyze grammar]

eṣa śaucasya vaḥ proktaḥ śarīrasya vinirṇayaḥ |
nānāvidhānāṃ dravyāṇāṃ śuddheḥ śṛṇuta nirṇayam || 109 ||
[Analyze grammar]

taijasānāṃ maṇīnāṃ ca sarvasyāśmamayasya ca |
bhasmanā'dbhirmṛdā caiva śuddhiruktā manīṣibhiḥ || 110 ||
[Analyze grammar]

nirlepaṃ kāñcanaṃ bhāṇḍamadbhireva viśudhyati |
abjamaśmamayaṃ caiva rājataṃ cānupaskṛtam || 111 ||
[Analyze grammar]

apāmagneśca saṃyogād haimaṃ raupyaṃ ca nirbabhau |
tasmāttayoḥ svayonyaiva nirṇeko guṇavattaraḥ || 112 ||
[Analyze grammar]

tāmrāyaskāṃsyaraityānāṃ trapuṇaḥ sīsakasya ca |
śaucaṃ yathārhaṃ kartavyaṃ kṣārāmlodakavāribhiḥ || 113 ||
[Analyze grammar]

dravāṇāṃ caiva sarveṣāṃ śuddhirutpavanaṃ smṛtam |
prokṣaṇaṃ saṃhatānāṃ ca dāravāṇāṃ ca takṣaṇam || 114 ||
[Analyze grammar]

mārjanaṃ yajñapātrāṇāṃ pāṇinā yajñakarmaṇi |
camasānāṃ grahāṇāṃ ca śuddhiḥ prakṣālanena tu || 115 ||
[Analyze grammar]

carūṇāṃ sruksruvāṇāṃ ca śuddhiruṣṇena vāriṇā |
sphyaśūrpaśakaṭānāṃ ca musalaulūkhalasya ca || 116 ||
[Analyze grammar]

adbhistu prokṣaṇaṃ śaucaṃ bahūnāṃ dhānyavāsasām |
prakṣālanena tvalpānāmadbhiḥ śaucaṃ vidhīyate || 117 ||
[Analyze grammar]

cailavatcarmaṇāṃ śuddhirvaidalānāṃ tathaiva ca |
śākamūlaphalānāṃ ca dhānyavatśuddhiriṣyate || 118 ||
[Analyze grammar]

kauśeyāvikayorūṣaiḥ kutapānāmariṣṭakaiḥ |
śrīphalairaṃśupaṭṭānāṃ kṣaumāṇāṃ gaurasarṣapaiḥ || 119 ||
[Analyze grammar]

kṣaumavatśaṅkhaśṛṅgāṇāmasthidantamayasya ca |
śuddhirvijānatā kāryā gomūtreṇaudakena vā || 120 ||
[Analyze grammar]

prokṣaṇāttṛṇakāṣṭhaṃ ca palālaṃ caiva śudhyati |
mārjanaupāñjanairveśma punaḥpākena mṛṇmayam || 121 ||
[Analyze grammar]

madyairmūtraiḥ purīṣairvā ṣṭhīvanaiḥ pūyaśoṇitaiḥ |
saṃspṛṣṭaṃ naiva śuddhyeta punaḥpākena mṛtmayam || 122a ||
[Analyze grammar]

saṃmārjanaupāñjanena sekenaullekhanena ca |
gavāṃ ca parivāsena bhūmiḥ śudhyati pañcabhiḥ || 122b ||
[Analyze grammar]

pakṣijagdhaṃ gavā ghrātamavadhūtamavakṣutam |
dūṣitaṃ keśakīṭaiśca mṛtprakṣepeṇa śudhyati || 123 ||
[Analyze grammar]

yāvannāpetyamedhyāktādgandho lepaśca tatkṛtaḥ |
tāvanmṛdvāri cādeyaṃ sarvāsu dravyaśuddhiṣu || 124 ||
[Analyze grammar]

trīṇi devāḥ pavitrāṇi brāhmaṇānāmakalpayan |
adṛṣṭamadbhirnirṇiktaṃ yacca vācā praśasyate || 125 ||
[Analyze grammar]

āpaḥ śuddhā bhūmigatā vaitṛṣṇyaṃ yāsu gorbhavet |
avyāptāścedamedhyena gandhavarṇarasānvitāḥ || 126 ||
[Analyze grammar]

nityaṃ śuddhaḥ kāruhastaḥ paṇye yacca prasāritam |
brahmacārigataṃ bhaikṣyaṃ nityaṃ medhyamiti sthitiḥ || 127 ||
[Analyze grammar]

nityamāsyaṃ śuci strīṇāṃ śakuniḥ phalapātane |
prasrave ca śucirvatsaḥ śvā mṛgagrahaṇe śuciḥ || 138 ||
[Analyze grammar]

śvabhirhatasya yanmāṃsaṃ śuci tanmanurabravīt |
kravyādbhiśca hatasyānyaiścaṇḍālādyaiśca dasyubhiḥ || 129 ||
[Analyze grammar]

ūrdhvaṃ nābheryāni khāni tāni medhyāni sarvaśaḥ |
yānyadhastānyamedhyāni dehāccaiva malāścyutāḥ || 130 ||
[Analyze grammar]

makṣikā vipruṣaśchāyā gauraśvaḥ sūryaraśmayaḥ |
rajo bhūrvāyuragniśca sparśe medhyāni nirdiśet || 131 ||
[Analyze grammar]

viṇmūtrotsargaśuddhyarthaṃ mṛdvāryādeyamarthavat |
daihikānāṃ malānāṃ ca śuddhiṣu dvādaśasvapi || 132 ||
[Analyze grammar]

vasā śukramasṛgmajjā mūtraviḍghrāṇakarṇaviṭ |
śleśmāśru dūṣikā svedo dvādaśaite nṛṇāṃ malāḥ || 133 ||
[Analyze grammar]

ekā liṅge gude tisrastathaikatra kare daśa |
ubhayoḥ sapta dātavyā mṛdaḥ śuddhimabhīpsatā || 134 ||
[Analyze grammar]

etatśaucaṃ gṛhasthānāṃ dviguṇaṃ brahmacāriṇām |
triguṇaṃ syādvanasthānāṃ yatīnāṃ tu caturguṇam || 135 ||
[Analyze grammar]

kṛtvā mūtraṃ purīṣaṃ vā khānyācānta upaspṛśet |
vedamadhyeṣyamāṇaśca annamaśnaṃśca sarvadā || 136 ||
[Analyze grammar]

trirācāmedapaḥ pūrvaṃ dviḥ pramṛjyāttato mukham |
śarīraṃ śaucamicchan hi strī śūdrastu sakṛtsakṛt || 137 ||
[Analyze grammar]

śūdrāṇāṃ māsikaṃ kāryaṃ vapanaṃ nyāyavartinām |
vaiśyavatśaucakalpaśca dvijocchiṣṭaṃ ca bhojanam || 138 ||
[Analyze grammar]

nocchiṣṭaṃ kurvate mukhyā vipruṣo'ṅgaṃ na yānti yāḥ |
na śmaśrūṇi gatānyāsyaṃ na dantāntaradhiṣṭhitam || 139 ||
[Analyze grammar]

spṛśanti bindavaḥ pādau ya ācāmayataḥ parān |
bhaumikaiste samā jñeyā na tairāprayato bhavet || 140 ||
[Analyze grammar]

ucchiṣṭena tu saṃspṛṣṭo dravyahastaḥ kathaṃ cana |
anidhāyaiva taddravyamācāntaḥ śucitāmiyāt || 141 ||
[Analyze grammar]

vānto viriktaḥ snātvā tu ghṛtaprāśanamācaret |
ācāmedeva bhuktvā'nnaṃ snānaṃ maithuninaḥ smṛtam || 142 ||
[Analyze grammar]

suptvā kṣutvā ca bhuktvā ca niṣṭhīvyauktvā'nṛtāni ca |
pītvā'po'dhyeṣyamāṇaśca ācāmetprayato'pi san || 143 ||
[Analyze grammar]

eṣāṃ śaucavidhiḥ kṛtsno dravyaśuddhistathaiva ca |
ukto vaḥ sarvavarṇānāṃ strīṇāṃ dharmānnibodhata || 144 ||
[Analyze grammar]

bālayā vā yuvatyā vā vṛddhayā vā'pi yoṣitā |
na svātantryeṇa kartavyaṃ kiṃ cid kāryaṃ gṛheṣvapi || 145 ||
[Analyze grammar]

bālye piturvaśe tiṣṭhetpāṇigrāhasya yauvane |
putrāṇāṃ bhartari prete na bhajetstrī svatantratām || 146 ||
[Analyze grammar]

pitrā bhartrā sutairvā'pi necchedvirahamātmanaḥ |
eṣāṃ hi viraheṇa strī garhye kuryādubhe kule || 147 ||
[Analyze grammar]

sadā prahṛṣṭayā bhāvyaṃ gṛhakārye ca dakṣayā |
susaṃskṛtopaskarayā vyaye cāmuktahastayā || 148 ||
[Analyze grammar]

yasmai dadyātpitā tvenāṃ bhrātā vā'numate pituḥ |
taṃ śuśrūṣeta jīvantaṃ saṃsthitaṃ ca na laṅghayet || 149 ||
[Analyze grammar]

maṅgalārthaṃ svastyayanaṃ yajñaścāsāṃ prajāpateḥ |
prayujyate vivāhe tu pradānaṃ svāmyakāraṇam || 150 ||
[Analyze grammar]

anṛtāvṛtukāle ca mantrasaṃskārakṛtpatiḥ |
sukhasya nityaṃ dātaiha paraloke ca yoṣitaḥ || 151 ||
[Analyze grammar]

viśīlaḥ kāmavṛtto vā guṇairvā parivarjitaḥ |
upacāryaḥ striyā sādhvyā satataṃ devavatpatiḥ || 152 ||
[Analyze grammar]

nāsti strīṇāṃ pṛthagyajño na vrataṃ nāpyupoṣaṇam |
patiṃ śuśrūṣate yena tena svarge mahīyate || 153 ||
[Analyze grammar]

pāṇigrāhasya sādhvī strī jīvato vā mṛtasya vā |
patilokamabhīpsantī nācaretkiṃ cidapriyam || 154 ||
[Analyze grammar]

kāmaṃ tu kṣapayeddehaṃ puṣpamūlaphalaiḥ śubhaiḥ |
na tu nāmāpi gṛhṇīyātpatyau prete parasya tu || 155 ||
[Analyze grammar]

āsītāmaraṇātkṣāntā niyatā brahmacāriṇī |
yo dharma ekapatnīnāṃ kāṅkṣantī tamanuttamam || 156 ||
[Analyze grammar]

anekāni sahasrāṇi kumārabrahmacāriṇām |
divaṃ gatāni viprāṇāmakṛtvā kulasantatim || 157 ||
[Analyze grammar]

mṛte bhartari sādhvī strī brahmacarye vyavasthitā |
svargaṃ gacchatyaputrā'pi yathā te brahmacāriṇaḥ || 158 ||
[Analyze grammar]

apatyalobhādyā tu strī bhartāramativartate |
seha nindāmavāpnoti paralokācca hīyate || 159 ||
[Analyze grammar]

nānyotpannā prajā'stīha na cāpyanyaparigrahe |
na dvitīyaśca sādhvīnāṃ kva cidbhartopadiśyate || 160 ||
[Analyze grammar]

patiṃ hitvā'pakṛṣṭaṃ svamutkṛṣṭaṃ yā niṣevate |
nindyaiva sā bhavelloke parapūrvaiti caucyate || 161 ||
[Analyze grammar]

vyabhicārāttu bhartuḥ strī loke prāpnoti nindyatām |
śṛgālayoniṃ prāpnoti pāparogaiśca pīḍyate || 162 ||
[Analyze grammar]

patiṃ yā nābhicarati manovāgdehasaṃyutā |
sā bhartṛlokamāpnoti sadbhiḥ sādhvīti cocyate || 163 ||
[Analyze grammar]

anena nārī vṛttena manovāgdehasaṃyatā |
ihāgryāṃ kīrtimāpnoti patilokaṃ paratra ca || 164 ||
[Analyze grammar]

evaṃ vṛttāṃ savarṇāṃ strīṃ dvijātiḥ pūrvamāriṇīm |
dāhayedagnihotreṇa yajñapātraiśca dharmavit || 165 ||
[Analyze grammar]

bhāryāyai pūrvamāriṇyai dattvā'gnīnantyakarmaṇi |
punardārakriyāṃ kuryātpunarādhānameva ca || 166 ||
[Analyze grammar]

anena vidhinā nityaṃ pañcayajñānna hāpayet |
dvitīyamāyuṣo bhāgaṃ kṛtadāro gṛhe vaset || 167 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 5

Cover of edition (1999)

Manusmrti (Sanskrit and English)
by Ganganath Jha (1999)

Publisher: Motilal Banarsidass Publishers Pvt. Ltd.; ISBN-10: 8120811550; ISBN-13: 9788120811553.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: