Chapter 64

saṃjaya uvāca |
taddevanāgāsurasiddhasaṃghairgandharvayakṣāpsarasāṃ ca saṃghaiḥ |
brahmarṣirājarṣisuparṇajuṣṭaṃ babhau viyadvismayanīyarūpam || 1 ||
[Analyze grammar]

nānadyamānaṃ ninadairmanojñairvāditragītastutibhiśca nṛttaiḥ |
sarve'ntarikṣe dadṛśurmanuṣyāḥ khasthāṃśca tānvismayanīyarūpān || 2 ||
[Analyze grammar]

tataḥ prahṛṣṭāḥ kurupāṇḍuyodhā vāditrapatrāyudhasiṃhanādaiḥ |
ninādayanto vasudhāṃ diśaśca svanena sarve dviṣato nijaghnuḥ || 3 ||
[Analyze grammar]

nānāśvamātaṅgarathāyutākulaṃ varāsiśaktyṛṣṭinipātaduḥsaham |
abhīrujuṣṭaṃ hatadehasaṃkulaṃ raṇājiraṃ lohitaraktamābabhau || 4 ||
[Analyze grammar]

tathā pravṛtte'strabhṛtāṃ parābhave dhanaṃjayaścādhirathiśca sāyakaiḥ |
diśaśca sainyaṃ ca śitairajihmagaiḥ parasparaṃ prorṇuvatuḥ sma daṃśitau || 5 ||
[Analyze grammar]

tatastvadīyāśca pare ca sāyakaiḥ kṛte'ndhakāre vividurna kiṃcana |
bhayāttu tāveva rathau samāśrayaṃstamonudau khe prasṛtā ivāṃśavaḥ || 6 ||
[Analyze grammar]

tato'stramastreṇa parasparasya tau vidhūya vātāviva pūrvapaścimau |
ghanāndhakāre vitate tamonudau yathoditau tadvadatīva rejatuḥ || 7 ||
[Analyze grammar]

na cābhimantavyamiti pracoditāḥ pare tvadīyāśca tadāvatasthire |
mahārathau tau parivārya sarvataḥ surāsurā vāsavaśambarāviva || 8 ||
[Analyze grammar]

mṛdaṅgabherīpaṇavānakasvanairninādite bhārata śaṅkhanisvanaiḥ |
sasiṃhanādau babhaturnarottamau śaśāṅkasūryāviva meghasaṃplave || 9 ||
[Analyze grammar]

mahādhanurmaṇḍalamadhyagāvubhau suvarcasau bāṇasahasraraśminau |
didhakṣamāṇau sacarācaraṃ jagadyugāstasūryāviva duḥsahau raṇe || 10 ||
[Analyze grammar]

ubhāvajeyāvahitāntakāvubhau jighāṃsatustau kṛtinau parasparam |
mahāhave vīravarau samīyaturyathendrajambhāviva karṇapāṇḍavau || 11 ||
[Analyze grammar]

tato mahāstrāṇi mahādhanurdharau vimuñcamānāviṣubhirbhayānakaiḥ |
narāśvanāgānamitau nijaghnatuḥ parasparaṃ jaghnaturuttameṣubhiḥ || 12 ||
[Analyze grammar]

tato visasruḥ punararditāḥ śarairnarottamābhyāṃ kurupāṇḍavāśrayāḥ |
sanāgapattyaśvarathā diśo gatāstathā yathā siṃhabhayādvanaukasaḥ || 13 ||
[Analyze grammar]

tatastu duryodhanabhojasaubalāḥ kṛpaśca śāradvatasūnunā saha |
mahārathāḥ pañca dhanaṃjayācyutau śaraiḥ śarīrāntakarairatāḍayan || 14 ||
[Analyze grammar]

dhanūṃṣi teṣāmiṣudhīnhayāndhvajānrathāṃśca sūtāṃśca dhanaṃjayaḥ śaraiḥ |
samaṃ ca ciccheda parābhinacca tāñśarottamairdvādaśabhiśca sūtajam || 15 ||
[Analyze grammar]

athābhyadhāvaṃstvaritāḥ śataṃ rathāḥ śataṃ ca nāgārjunamātatāyinaḥ |
śakāstukhārā yavanāśca sādinaḥ sahaiva kāmbojavarairjighāṃsavaḥ || 16 ||
[Analyze grammar]

varāyudhānpāṇigatānkaraiḥ saha kṣurairnyakṛntaṃstvaritāḥ śirāṃsi ca |
hayāṃśca nāgāṃśca rathāṃśca yudhyatāṃ dhanaṃjayaḥ śatrugaṇaṃ tamakṣiṇot || 17 ||
[Analyze grammar]

tato'ntarikṣe suratūryanisvanāḥ sasādhuvādā hṛṣitaiḥ samīritāḥ |
nipeturapyuttamapuṣpavṛṣṭayaḥ surūpagandhāḥ pavaneritāḥ śivāḥ || 18 ||
[Analyze grammar]

tadadbhutaṃ devamanuṣyasākṣikaṃ samīkṣya bhūtāni visiṣmiyurnṛpa |
tavātmajaḥ sūtasutaśca na vyathāṃ na vismayaṃ jagmaturekaniścayau || 19 ||
[Analyze grammar]

athābravīddroṇasutastavātmajaṃ karaṃ kareṇa pratipīḍya sāntvayan |
prasīda duryodhana śāmya pāṇḍavairalaṃ virodhena dhigastu vigraham || 20 ||
[Analyze grammar]

hato gururbrahmasamo mahāstravittathaiva bhīṣmapramukhā nararṣabhāḥ |
ahaṃ tvavadhyo mama cāpi mātulaḥ praśādhi rājyaṃ saha pāṇḍavaiściram || 21 ||
[Analyze grammar]

dhanaṃjayaḥ sthāsyati vārito mayā janārdano naiva virodhamicchati |
yudhiṣṭhiro bhūtahite sadā rato vṛkodarastadvaśagastathā yamau || 22 ||
[Analyze grammar]

tvayā ca pārthaiśca paraspareṇa prajāḥ śivaṃ prāpnuyuricchati tvayi |
vrajantu śeṣāḥ svapurāṇi pārthivā nivṛttavairāśca bhavantu sainikāḥ || 23 ||
[Analyze grammar]

na cedvacaḥ śroṣyasi me narādhipa dhruvaṃ prataptāsi hato'ribhiryudhi |
idaṃ ca dṛṣṭaṃ jagatā saha tvayā kṛtaṃ yadekena kirīṭamālinā |
yathā na kuryādbalabhinna cāntako na ca pracetā bhagavānna yakṣarāṭ || 24 ||
[Analyze grammar]

ato'pi bhūyāṃśca guṇairdhanaṃjayaḥ sa cābhipatsyatyakhilaṃ vaco mama |
tavānuyātrāṃ ca tathā kariṣyati prasīda rājañjagataḥ śamāya vai || 25 ||
[Analyze grammar]

mamāpi mānaḥ paramaḥ sadā tvayi bravīmyatastvāṃ paramācca sauhṛdāt |
nivārayiṣyāmi hi karṇamapyahaṃ yadā bhavānsapraṇayo bhaviṣyati || 26 ||
[Analyze grammar]

vadanti mitraṃ sahajaṃ vicakṣaṇāstathaiva sāmnā ca dhanena cārjitam |
pratāpataścopanataṃ caturvidhaṃ tadasti sarvaṃ tvayi pāṇḍaveṣu ca || 27 ||
[Analyze grammar]

nisargataste tava vīra bāndhavāḥ punaśca sāmnā ca samāpnuhi sthiram |
tvayi prasanne yadi mitratāmiyurdhruvaṃ narendrendra tathā tvamācara || 28 ||
[Analyze grammar]

sa evamuktaḥ suhṛdā vaco hitaṃ vicintya niḥśvasya ca durmanābravīt |
yathā bhavānāha sakhe tathaiva tanmamāpi ca jñāpayato vacaḥ śṛṇu || 29 ||
[Analyze grammar]

nihatya duḥśāsanamuktavānbahu prasahya śārdūlavadeṣa durmatiḥ |
vṛkodarastaddhṛdaye mama sthitaṃ na tatparokṣaṃ bhavataḥ kutaḥ śamaḥ || 30 ||
[Analyze grammar]

na cāpi karṇaṃ guruputra saṃstavādupārametyarhasi vaktumacyuta |
śrameṇa yukto mahatādya phalgunastameṣa karṇaḥ prasabhaṃ haniṣyati || 31 ||
[Analyze grammar]

tamevamuktvābhyanunīya cāsakṛttavātmajaḥ svānanuśāsti sainikān |
samāghnatābhidravatāhitānimānsabāṇaśabdānkimu joṣamāsyate || 32 ||
[Analyze grammar]