Chapter 63

saṃjaya uvāca |
vṛṣasenaṃ hataṃ dṛṣṭvā śokāmarṣasamanvitaḥ |
muktvā śokodbhavaṃ vāri netrābhyāṃ sahasā vṛṣaḥ || 1 ||
[Analyze grammar]

rathena karṇastejasvī jagāmābhimukho ripūn |
yuddhāyāmarṣatāmrākṣaḥ samāhūya dhanaṃjayam || 2 ||
[Analyze grammar]

tau rathau sūryasaṃkāśau vaiyāghraparivāraṇau |
sametau dadṛśustatra dvāvivārkau samāgatau || 3 ||
[Analyze grammar]

śvetāśvau puruṣādityāvāsthitāvarimardanau |
śuśubhāte mahātmānau candrādityau yathā divi || 4 ||
[Analyze grammar]

tau dṛṣṭvā vismayaṃ jagmuḥ sarvabhūtāni māriṣa |
trailokyavijaye yattāvindravairocanāviva || 5 ||
[Analyze grammar]

rathajyātalanirhrādairbāṇaśaṅkharavairapi |
tau rathāvabhidhāvantau samālokya mahīkṣitām || 6 ||
[Analyze grammar]

dhvajau ca dṛṣṭvā saṃsaktau vismayaḥ samapadyata |
hastikakṣyāṃ ca karṇasya vānaraṃ ca kirīṭinaḥ || 7 ||
[Analyze grammar]

tau rathau saṃprasaktau ca dṛṣṭvā bhārata pārthivāḥ |
siṃhanādaravāṃścakruḥ sādhuvādāṃśca puṣkalān || 8 ||
[Analyze grammar]

śrutvā tu dvairathaṃ tābhyāṃ tatra yodhāḥ samantataḥ |
cakrurbāhuvalaṃ caiva tathā celavalaṃ mahat || 9 ||
[Analyze grammar]

ājagmuḥ kuravastatra vāditrānugatāstadā |
karṇaṃ praharṣayantaśca śaṅkhāndadhmuśca puṣkalān || 10 ||
[Analyze grammar]

tathaiva pāṇḍavāḥ sarve harṣayanto dhanaṃjayam |
tūryaśaṅkhaninādena diśaḥ sarvā vyanādayan || 11 ||
[Analyze grammar]

kṣveḍitāsphoṭitotkruṣṭaistumulaṃ sarvato'bhavat |
bāhughoṣāśca vīrāṇāṃ karṇārjunasamāgame || 12 ||
[Analyze grammar]

tau dṛṣṭvā puruṣavyāghrau rathasthau rathināṃ varau |
pragṛhītamahācāpau śaraśaktigadāyudhau || 13 ||
[Analyze grammar]

varmiṇau baddhanistriṃśau śvetāśvau śaṅkhaśobhinau |
tūṇīravarasaṃpannau dvāvapi sma sudarśanau || 14 ||
[Analyze grammar]

raktacandanadigdhāṅgau samadau vṛṣabhāviva |
āśīviṣasamaprakhyau yamakālāntakopamau || 15 ||
[Analyze grammar]

indravṛtrāviva kruddhau sūryācandramasaprabhau |
mahāgrahāviva krūrau yugānte samupasthitau || 16 ||
[Analyze grammar]

devagarbhau devasamau devatulyau ca rūpataḥ |
sametau puruṣavyāghrau prekṣya karṇadhanaṃjayau || 17 ||
[Analyze grammar]

ubhau varāyudhadharāvubhau raṇakṛtaśramau |
ubhau ca bāhuśabdena nādayantau nabhastalam || 18 ||
[Analyze grammar]

ubhau viśrutakarmāṇau pauruṣeṇa balena ca |
ubhau ca sadṛśau yuddhe śambarāmararājayoḥ || 19 ||
[Analyze grammar]

kārtavīryasamau yuddhe tathā dāśaratheḥ samau |
viṣṇuvīryasamau vīrye tathā bhavasamau yudhi || 20 ||
[Analyze grammar]

ubhau śvetahayau rājanrathapravaravāhinau |
sārathī pravarau caiva tayorāstāṃ mahābalau || 21 ||
[Analyze grammar]

tau tu dṛṣṭvā mahārāja rājamānau mahārathau |
siddhacāraṇasaṃghānāṃ vismayaḥ samapadyata || 22 ||
[Analyze grammar]

dhārtarāṣṭrāstataḥ karṇaṃ sabalā bharatarṣabha |
parivavrurmahātmānaṃ kṣipramāhavaśobhinam || 23 ||
[Analyze grammar]

tathaiva pāṇḍavā hṛṣṭā dhṛṣṭadyumnapurogamāḥ |
parivavrurmahātmānaṃ pārthamapratimaṃ yudhi || 24 ||
[Analyze grammar]

tāvakānāṃ raṇe karṇo glaha āsīdviśāṃ pate |
tathaiva pāṇḍaveyānāṃ glahaḥ pārtho'bhavadyudhi || 25 ||
[Analyze grammar]

ta eva sabhyāstatrāsanprekṣakāścābhavansma te |
tatraiṣāṃ glahamānānāṃ dhruvau jayaparājayau || 26 ||
[Analyze grammar]

tābhyāṃ dyūtaṃ samāyattaṃ vijayāyetarāya vā |
asmākaṃ pāṇḍavānāṃ ca sthitānāṃ raṇamūrdhani || 27 ||
[Analyze grammar]

tau tu sthitau mahārāja samare yuddhaśālinau |
anyonyaṃ pratisaṃrabdhāvanyonyasya jayaiṣiṇau || 28 ||
[Analyze grammar]

tāvubhau prajihīrṣetāmindravṛtrāvivābhitaḥ |
bhīmarūpadharāvāstāṃ mahādhūmāviva grahau || 29 ||
[Analyze grammar]

tato'ntarikṣe sākṣepā vivādā bharatarṣabha |
mitho bhedāśca bhūtānāmāsankarṇārjunāntare |
vyāśrayanta diśo bhinnāḥ sarvalokāśca māriṣa || 30 ||
[Analyze grammar]

devadānavagandharvāḥ piśācoragarākṣasāḥ |
pratipakṣagrahaṃ cakruḥ karṇārjunasamāgame || 31 ||
[Analyze grammar]

dyaurāsītkarṇato vyagrā sanakṣatrā viśāṃ pate |
bhūmirviśālā pārthasya mātā putrasya bhārata || 32 ||
[Analyze grammar]

saritaḥ sāgarāścaiva girayaśca narottama |
vṛkṣāścauṣadhayastatra vyāśrayanta kirīṭinam || 33 ||
[Analyze grammar]

asurā yātudhānāśca guhyakāśca paraṃtapa |
karṇataḥ samapadyanta khecarāṇi vayāṃsi ca || 34 ||
[Analyze grammar]

ratnāni nidhayaḥ sarve vedāścākhyānapañcamāḥ |
sopavedopaniṣadaḥ sarahasyāḥ sasaṃgrahāḥ || 35 ||
[Analyze grammar]

vāsukiścitrasenaśca takṣakaścopatakṣakaḥ |
parvatāśca tathā sarve kādraveyāśca sānvayāḥ |
viṣavanto mahāroṣā nāgāścārjunato'bhavan || 36 ||
[Analyze grammar]

airāvatāḥ saurabheyā vaiśāleyāśca bhoginaḥ |
ete'bhavannarjunataḥ kṣudrasarpāstu karṇataḥ || 37 ||
[Analyze grammar]

īhāmṛgā vyāḍamṛgā maṅgalyāśca mṛgadvijāḥ |
pārthasya vijayaṃ rājansarva evābhisaṃśritāḥ || 38 ||
[Analyze grammar]

vasavo marutaḥ sādhyā rudrā viśve'śvinau tathā |
agnirindraśca somaśca pavanaśca diśo daśa |
dhanaṃjayamupājagmurādityāḥ karṇato'bhavan || 39 ||
[Analyze grammar]

devāstu pitṛbhiḥ sārdhaṃ sagaṇārjunato'bhavan |
yamo vaiśravaṇaścaiva varuṇaśca yato'rjunaḥ || 40 ||
[Analyze grammar]

devabrahmanṛparṣīṇāṃ gaṇāḥ pāṇḍavato'bhavan |
tumburupramukhā rājangandharvāśca yato'rjunaḥ || 41 ||
[Analyze grammar]

prāveyāḥ saha mauneyairgandharvāpsarasāṃ gaṇāḥ |
īhāmṛgavyāḍamṛgairdvipāśca rathapattibhiḥ || 42 ||
[Analyze grammar]

uhyamānāstathā meghairvāyunā ca manīṣiṇaḥ |
didṛkṣavaḥ samājagmuḥ karṇārjunasamāgamam || 43 ||
[Analyze grammar]

devadānavagandharvā nāgā yakṣāḥ patatriṇaḥ |
maharṣayo vedavidaḥ pitaraśca svadhābhujaḥ || 44 ||
[Analyze grammar]

tapo vidyāstathauṣadhyo nānārūpāmbaratviṣaḥ |
antarikṣe mahārāja vinadanto'vatasthire || 45 ||
[Analyze grammar]

brahmā brahmarṣibhiḥ sārdhaṃ prajāpatibhireva ca |
bhavenāvasthito yānaṃ divyaṃ taṃ deśamabhyayāt || 46 ||
[Analyze grammar]

dṛṣṭvā prajāpatiṃ devāḥ svayaṃbhuvamupāgaman |
samo'stu deva vijaya etayornarasiṃhayoḥ || 47 ||
[Analyze grammar]

tadupaśrutya maghavā praṇipatya pitāmaham |
karṇārjunavināśena mā naśyatvakhilaṃ jagat || 48 ||
[Analyze grammar]

svayaṃbho brūhi tadvākyaṃ samo'stu vijayo'nayoḥ |
tattathāstu namaste'stu prasīda bhagavanmama || 49 ||
[Analyze grammar]

brahmeśānāvatho vākyamūcatustridaśeśvaram |
vijayo dhruva evāstu vijayasya mahātmanaḥ || 50 ||
[Analyze grammar]

manasvī balavāñśūraḥ kṛtāstraśca tapodhanaḥ |
bibharti ca mahātejā dhanurvedamaśeṣataḥ || 51 ||
[Analyze grammar]

atikramecca māhātmyāddiṣṭametasya paryayāt |
atikrānte ca lokānāmabhāvo niyato bhavet || 52 ||
[Analyze grammar]

na vidyate vyavasthānaṃ kṛṣṇayoḥ kruddhayoḥ kvacit |
sraṣṭārau hyasataścobhau sataśca puruṣarṣabhau || 53 ||
[Analyze grammar]

naranārāyaṇāvetau purāṇāvṛṣisattamau |
aniyattau niyantārāvabhītau sma paraṃtapau || 54 ||
[Analyze grammar]

karṇo lokānayaṃ mukhyānprāpnotu puruṣarṣabhaḥ |
vīro vaikartanaḥ śūro vijayastvastu kṛṣṇayoḥ || 55 ||
[Analyze grammar]

vasūnāṃ ca salokatvaṃ marutāṃ vā samāpnuyāt |
sahito droṇabhīṣmābhyāṃ nākaloke mahīyatām || 56 ||
[Analyze grammar]

ityukto devadevābhyāṃ sahasrākṣo'bravīdvacaḥ |
āmantrya sarvabhūtāni brahmeśānānuśāsanāt || 57 ||
[Analyze grammar]

śrutaṃ bhavadbhiryatproktaṃ bhagavadbhyāṃ jagaddhitam |
tattathā nānyathā taddhi tiṣṭhadhvaṃ gatamanyavaḥ || 58 ||
[Analyze grammar]

iti śrutvendravacanaṃ sarvabhūtāni māriṣa |
vismitānyabhavanrājanpūjayāṃ cakrire ca tat || 59 ||
[Analyze grammar]

vyasṛjaṃśca sugandhīni nānārūpāṇi khāttathā |
puṣpavarṣāṇi vibudhā devatūryāṇyavādayan || 60 ||
[Analyze grammar]

didṛkṣavaścāpratimaṃ dvairathaṃ narasiṃhayoḥ |
devadānavagandharvāḥ sarva evāvatasthire |
rathau ca tau śvetahayau yuktaketū mahāsvanau || 61 ||
[Analyze grammar]

samāgatā lokavīrāḥ śaṅkhāndadhmuḥ pṛthakpṛthak |
vāsudevārjunau vīrau karṇaśalyau ca bhārata || 62 ||
[Analyze grammar]

tadbhīrusaṃtrāsakaraṃ yuddhaṃ samabhavattadā |
anyonyaspardhinorvīrye śakraśambarayoriva || 63 ||
[Analyze grammar]

tayordhvajau vītamālau śuśubhāte rathasthitau |
pṛthagrūpau samārchantau krodhaṃ yuddhe parasparam || 64 ||
[Analyze grammar]

karṇasyāśīviṣanibhā ratnasāravatī dṛḍhā |
puraṃdaradhanuḥprakhyā hastikakṣyā vyarājata || 65 ||
[Analyze grammar]

kapiśreṣṭhastu pārthasya vyāditāsyo bhayaṃkaraḥ |
bhīṣayanneva daṃṣṭrābhirdurnirīkṣyo raviryathā || 66 ||
[Analyze grammar]

yuddhābhilāṣuko bhūtvā dhvajo gāṇḍīvadhanvanaḥ |
karṇadhvajamupātiṣṭhatso'vadīdabhinardayan || 67 ||
[Analyze grammar]

utpatya ca mahāvegaḥ kakṣyāmabhyahanatkapiḥ |
nakhaiśca daśanaiścaiva garuḍaḥ pannagaṃ yathā || 68 ||
[Analyze grammar]

sukiṅkiṇīkābharaṇā kālapāśopamāyasī |
abhyadravatsusaṃkruddhā nāgakakṣyā mahākapim || 69 ||
[Analyze grammar]

ubhayoruttame yuddhe dvairathe dyūta āhṛte |
prakurvāte dhvajau yuddhaṃ pratyaheṣanhayānhayāḥ || 70 ||
[Analyze grammar]

avidhyatpuṇḍarīkākṣaḥ śalyaṃ nayanasāyakaiḥ |
sa cāpi puṇḍarīkākṣaṃ tathaivābhisamaikṣata || 71 ||
[Analyze grammar]

tatrājayadvāsudevaḥ śalyaṃ nayanasāyakaiḥ |
karṇaṃ cāpyajayaddṛṣṭyā kuntīputro dhanaṃjayaḥ || 72 ||
[Analyze grammar]

athābravītsūtaputraḥ śalyamābhāṣya sasmitam |
yadi pārtho raṇe hanyādadya māmiha karhicit |
kimuttaraṃ tadā te syātsakhe satyaṃ bravīhi me || 73 ||
[Analyze grammar]

śalya uvāca |
yadi karṇa raṇe hanyādadya tvāṃ śvetavāhanaḥ |
ubhāvekarathenāhaṃ hanyāṃ mādhavapāṇḍavau || 74 ||
[Analyze grammar]

saṃjaya uvāca |
evameva tu goviṃdamarjunaḥ pratyabhāṣata |
taṃ prahasyābravītkṛṣṇaḥ pārthaṃ paramidaṃ vacaḥ || 75 ||
[Analyze grammar]

pateddivākaraḥ sthānācchīryetānekadhā kṣitiḥ |
śaityamagniriyānna tvā karṇo hanyāddhanaṃjayam || 76 ||
[Analyze grammar]

yadi tvevaṃ kathaṃcitsyāllokaparyasanaṃ yathā |
hanyāṃ karṇaṃ tathā śalyaṃ bāhubhyāmeva saṃyuge || 77 ||
[Analyze grammar]

iti kṛṣṇavacaḥ śrutvā prahasankapiketanaḥ |
arjunaḥ pratyuvācedaṃ kṛṣṇamakliṣṭakāriṇam |
mamāpyetāvaparyāptau karṇaśalyau janārdana || 78 ||
[Analyze grammar]

sapatākādhvajaṃ karṇaṃ saśalyarathavājinam |
sacchatrakavacaṃ caiva saśaktiśarakārmukam || 79 ||
[Analyze grammar]

draṣṭāsyadya śaraiḥ karṇaṃ raṇe kṛttamanekadhā |
adyainaṃ sarathaṃ sāśvaṃ saśaktikavacāyudham |
na hi me śāmyate vairaṃ kṛṣṇāṃ yatprāhasatpurā || 80 ||
[Analyze grammar]

adya draṣṭāsi govinda karṇamunmathitaṃ mayā |
vāraṇeneva mattena puṣpitaṃ jagatīruham || 81 ||
[Analyze grammar]

adya tā madhurā vācaḥ śrotāsi madhusūdana |
adyābhimanyujananīmanṛṇaḥ sāntvayiṣyasi |
kuntīṃ pitṛṣvasāraṃ ca saṃprahṛṣṭo janārdana || 82 ||
[Analyze grammar]

adya bāṣpamukhīṃ kṛṣṇāṃ sāntvayiṣyasi mādhava |
vāgbhiścāmṛtakalpābhirdharmarājaṃ yudhiṣṭhiram || 83 ||
[Analyze grammar]