Chapter 20 - rakṣādīpavidhiḥ

ataḥ paraṃ pravakṣyāmi rakṣādīpavidhikramam |
sauvarṇaṃ rājataṃvāpi tāmraṃvāpi svaśaktitaḥ || 1 ||
[Analyze grammar]

dvātriṃśadaṅgulaṃ śreṣṭhaṃ madhyamaṃ pādahīnataḥ |
adhamaṃ viṃśadaṅgulyaṃ samavṛttantu kārayet || 2 ||
[Analyze grammar]

aṣṭadikṣu ca madhyeca caturdikṣu ca vā tathā |
kevalaṃ karṇikāṃ vātha karṇikāyāntu vistṛtam || 3 ||
[Analyze grammar]

tadardhamunnataṃ vindyādgaṇḍāyāmaṃ ṣaḍaṅgulam |
dvyaṅgulaṃ tu parīṇāhaṃ tadūrthve bhāgavistṛtam || 4 ||
[Analyze grammar]

tadardhaṃ vistṛtotsedhaṃ dīpabātraṃ prakalpya ca |
alabheśālipiṣṭaṃ vā gomaye vā samāharet || 5 ||
[Analyze grammar]

tattatthsāne tu vinyasya pātresaṃyojayettataḥ |
āḍhakaṃ vā tadardhaṃ vā piṇḍārdhaṃ ca caruṃpacet || 6 ||
[Analyze grammar]

hāridracūrṇa saṃyuktaṃ pātre prakṣipya mantravit |
ājyena srāvya saṃmṛjya muṣṭimātraṃ dṛḍhīkṛtam || 7 ||
[Analyze grammar]

daśapiṇḍāṃ stadardhaṃ vā sākṣate ca samāharet |
jalena kuṃbhamāpūrya sarvagandhasamāyutam || 8 ||
[Analyze grammar]

kuśakūrcānvinikṣipyapallavairapi bhūṣayet |
aṣṭamaṅgalasaṃyuktaṃ pādyācamanasaṃyutam || 9 ||
[Analyze grammar]

puṣpagandhasamāyuktaṃ dhūpadīpārghya saṃyutam |
pṛdhakpātre samāhṛtya devadevaṃ ca pūjayet || 10 ||
[Analyze grammar]

śaṅkhadhvanisamāyuktaṃ vaṃśadhvanisamāyutam |
bherīmṛdaṅgasuṣiravādyaghoṣasamāyutam || 11 ||
[Analyze grammar]

stotradhvanisamāyuktaṃ svaktisūktasamanvitam |
dāsībhiścātha vā bhaktaissvahastopari dhārayet || 12 ||
[Analyze grammar]

pradakṣiṇaṃ śanairgatvā devālayamupāvrajet |
ācāryaṃ pūjayitvātu devadevaṃ praṇamyaca || 13 ||
[Analyze grammar]

rakṣādīpaṃ samādāya śriye jāta'iti bruvan |
biṃbamūrdhni tu saṃyojyatriḥ pradakṣiṇamācaret || 14 ||
[Analyze grammar]

dikpiṇḍaṃ tu visṛjyaiva prokṣayitvā ca mantravit |
pradakṣiṇaṃ praṇāmaṃ ca kārayedaṣṭamaṅgalaiḥ, || 15 ||
[Analyze grammar]

pādyamācamanaṃ datvāgandhapuṣpādibhiryajet |
mukhavāsaṃ ca datvātu stutimantraiśca vaiṣṇavaiḥ || 16 ||
[Analyze grammar]

samālabhyaiva hastābhyāṃ puṣpadūrvāṅkurākṣataiḥ |
pādepuṣpāñjaliṅkuryātkuryāddevasya mantrataḥ || 17 ||
[Analyze grammar]

ālayāttu bahirgatvā pīṭhapārśvetu nikṣipet |
kautuke baliberepi snāpane pyautsave'pi ca, || 18 ||
[Analyze grammar]

prādurbhāve ca sarveṣāmāvirbhāve tathaiva ca |
evameva tu kṛtvā tu bhrāmayitvā vicakṣaṇaḥ, || 19 ||
[Analyze grammar]

cakravīśāmitādīnāmindrādīnāṃ tathaiva ca |
darśanaṃ bhrāmaṇaṃ caivamācarecchāstravittamaḥ || 20 ||
[Analyze grammar]

mohādajñānataḥ kuryātsarvahānirbhaviṣyati |
sāyāhne catripūjānte cotsavānte ca nityaśaḥ || 21 ||
[Analyze grammar]

evameva vidhānena kārayeduttamaṃ viduḥ |
sarvaśāntikaraṃ cāpi sarvakaṃpatsamṛddhidam || 22 ||
[Analyze grammar]

dāridṣādivināśena sarvān kāmanavāpnuyāt |
ataḥparaṃ pravakṣyāmi śibikānāṃ tu lakṣaṇam || 23 ||
[Analyze grammar]

mātrāṅgulena vākuryācchibhikādīnvidhānataḥ |
āvṛtaṃ tadardhavistāramuttamaṃ tuvidhīyate || 24 ||
[Analyze grammar]

tat ṣaḍaṅgulahīnantu madhyamantuprakīrtitam |
vistārādhyardhapādena ayāmadviguṇaṃ bhavet || 25 ||
[Analyze grammar]

uttamādhamamadhyānāṃ śibikāvistaro bhavet |
tribhāgaikasya bhāgaṃ syāccaturbhāgaikabhāgikam || 26 ||
[Analyze grammar]

pañcabhāgaikabhāgaṃ syādvistārasya ghanaṃ bhavet |
taccaturbhāgamevaṃ syādekaikaṃ vamanaṃ bhavet || 27 ||
[Analyze grammar]

śeṣabhāgaṃ tu padmoktaṃ talāyukti viśeṣataḥ |
śibikāvistṛtaṃ caivaṃ bhāgaikaṃ bhāgameva ca || 28 ||
[Analyze grammar]

taccaturbhāgamevoktaṃ bhittyutsedhaṃ vidhīyate |
dvitalaṃ tritalaṃ caiva gulikāphalakābhavet || 29 ||
[Analyze grammar]

gulikāpādatalotsedhaṃ madhyordhvatalavatsamam |
caturbhāgaikamevantu navabhāgaikameva vā || 30 ||
[Analyze grammar]

aṅgulaṃ cāṅgulārthaṃ ca ūrthvapaṭṭyā ca saṃyutam |
ataḥparaṃ pravakṣyāmi rathādīnāṃ vidhikramam || 31 ||
[Analyze grammar]

pañcaṣaṭsaptatālaṃ vā cāṣṭatālamathāpi vā |
vistārāyamamevaṃ syādutsedhaṃ dviguṇaṃ bhavet || 32 ||
[Analyze grammar]

maṇḍapadvārayuktaṃ vā kūṭākāramathāpi vā |
adharādharamāyāmaṃ rathāyāmatrayaṃ bhavet || 33 ||
[Analyze grammar]

chatrasyāyāmavistārādutsedārdhapramāṇataḥ |
evaṃ tu parikalpyaiva śibikāyāmamucyate || 34 ||
[Analyze grammar]

rathāyāmasamaṃ vāpi pādahīnamathārthakam |
vistāraṃ tattribhāgai kamāyāmaṃ cocchrayaṃ bhavet || 35 ||
[Analyze grammar]

vistārārdhasamutsedhaṃ vistārārthādhikāyatam |
śayanaṃ saṃprakalpyaiva pūrvoktenaiva dāruṇā || 36 ||
[Analyze grammar]

sarvālaṅkārasaṃyuktaṃ sarvasaindaryasaṃyutam |
śilpaśāstroktamārgeṇa śilpibhiḥ kālayedbudhaḥ || 37 ||
[Analyze grammar]

pañcagavyaissusaṃśodhya vāstuhomaśca hūyatām |
paryagni caiva kṛtvātu kalaśaissnāpayettataḥ || 38 ||
[Analyze grammar]

maṇḍape vā prapāyāṃ vā sthaṇḍile vātra vinyaset |
navairvastraissamāveṣṭya puṇyāhamapi vācayet || 39 ||
[Analyze grammar]

jaupāsanāgnikuṇḍaṃ ca kārayitvā vidhānataḥ |
āghāraṃ pūrvavatkṛtvā kuṃbhapūjāṃ samācaret || 40 ||
[Analyze grammar]

vaiṣṇavaṃ viṣṇusūktaṃ ca tattaddevāṃśca mūrtibhiḥ |
vyāhṛtyantaṃ ca hutvā tu antahomaśca hūyate || 41 ||
[Analyze grammar]

yānādiṣu ca tanmadhye tattaddevāṃ stathaiva ca |
āvāhyaiva samabhyarcya devadevaṃ praṇamya ca || 42 ||
[Analyze grammar]

pādyādyarghyāntamabhyarcya havissamyaṅnivedayet |
sarvālaṅkārasaṃyuktaṃ sarvavādyasamanvitam || 43 ||
[Analyze grammar]

yānādiṣu samāropya pratadviṣṇu'riti bruvan |
grāmaṃ vā pyālayaṃ vāpi pradakṣiṇamadhācaret || 44 ||
[Analyze grammar]

mandiraṃ saṃpraviśyaiva svesvesthāne niveśayet |
evaṃ yaḥkurute bhaktyā vaiṣṇavaṃ padamāpnuyāt || 45 ||
[Analyze grammar]

ataḥparaṃ pravakṣyāmi prapāmaṇḍapalakṣaṇam |
maṇḍapaṃ trividhaṃ jñeye vimānasamavistṛtam || 46 ||
[Analyze grammar]

ardhaṃ pādaṃ tu pādaṃ vā hīnantu trividhaṃ bhavet |
pramukhe tasyasopānamālayārdhamiti smṛtam || 47 ||
[Analyze grammar]

pūrvetu snapanārthāya maṇḍapaṃ saṃprakalpayet |
ṣoḍaśastaṃbhayuktaṃ vā dvādaśastaṃbhasaṃyutam || 48 ||
[Analyze grammar]

aiśānye vā prakurvīta snapanārthaṃ prakalpayet |
prathamāvaraṇe vātha dvitīyāvaraṇe'tha vā || 49 ||
[Analyze grammar]

ekādaśena hastena samaṃ samyakprakalpayet |
navahastaṃ saptahastaṃ pañcahastamiti tridhā || 50 ||
[Analyze grammar]

prathamāvaraṇe bāhye maṇḍapantu vidhīyate |
āsthānavṛttageyādidarśanārthaṃ prakalpayet || 51 ||
[Analyze grammar]

pūrvavatpramukhe kuryādyathāvibhavavistaram |
yajamānasya hastena dvihastantu vivardhayet || 52 ||
[Analyze grammar]

pūrvavatstaṃbhasaṃyuktaṃ yathāyogyaṃ prakalpayet |
tatbūrvadiśi śālāyāṃ nṛttārthantu vidhīyate || 53 ||
[Analyze grammar]

viṣkaṃbhaṃ navahastaṃ vā āyāmaṃ dviguṇīkṛtam |
yajamānecchayā tatra dvihastantuvivardhayet || 54 ||
[Analyze grammar]

ayādilakṣaṇaṃ vakṣye yajamānānukūlataḥ |
hastaṃ pādaṃ tadardhaṃ vā vistārāyādisaṃyutam || 55 ||
[Analyze grammar]

tathaiva nūnaṃ kṛtvā tu ayādīn lakṣayedbudhaḥ |
śilābhiriṣṭakābhirvā hastocchrayasamaṃ talam || 56 ||
[Analyze grammar]

dvitalaṃ vā prakurvīta tālaṃ samyakprakalpayet |
śailajaṃ dārusāraṃ vā staṃbhamāhṛtya yatnataḥ || 57 ||
[Analyze grammar]

vṛttaṃ vā caturaśraṃ vā ṛjuṃ vakravivarjitam |
staṃbhānāṃ viṃśatiṃ gṛhya bāhyastaṃbhaṃ pragṛhya ca || 58 ||
[Analyze grammar]

tanmadhye dvādaśastaṃbhaṃ pūrvavatkārayedbudhaḥ |
staṃbhāyāmaṃ yathāyogaṃ kṛtvā tatra vicakṣaṇaḥ || 59 ||
[Analyze grammar]

dvitālaghana saṃyuktaṃ staṃbhamānena svastikam |
stalatyordhve vibhajyaiva samaṃ vandatyaprakalpayet || 60 ||
[Analyze grammar]

tasyāmeva tu staṃbhārthaṃ pādaṃ saṃsthāpya svastikam |
dṛḍhaṃ kṛtvā tadūrdhveta staṃbhaṃ saṃsthāpya vai budhaḥ || 61 ||
[Analyze grammar]

dvyaṅgulaṃ ca bhavairvātha vedikāṃ kārayedbudhaḥ |
nānālaṅkārasaṃyuktaṃ nānācitrasamanvitam || 62 ||
[Analyze grammar]

uttaraṃ tatsamaṃ kṛtvā bodhiketu suyojayet |
staṃbhādūrdhvantu saṃsthāpya tadūrdhve prastaraṃ nyaset || 63 ||
[Analyze grammar]

abhlantarottarādūrdhve'biṣṭakādhānapādayoḥ |
bālottaraṃ yathāyogyaṃ sthāpayetsudṛḍhaṃ kramāt || 64 ||
[Analyze grammar]

tadbilvako yathāmārgaṃ yogyaṃ tatpadmamucchrayam |
evaṃ lakṣaṇasaṃyuktaṃ darśanīyaṃ ca kārayet || 65 ||
[Analyze grammar]

yajamānecchayātattanmaṇḍapena sahaiva tu |
ṣoḍaśastaṃbhasaṃyuktaṃ dvādaśastaṃbhamevavā || 66 ||
[Analyze grammar]

bhaktiyuktaṃ prakalpyaiva prapāṃ yuktyaiva kārayet |
apare dvārasaṃyuktaṃ pūrvavatstaṃbhameva vā || 67 ||
[Analyze grammar]

kavāṭaṃ tatra vā kuryāccheṣaṃ yaktyaiva kārayet |
śilpaśāstroktamārgeṇa śilpibhiḥ kārayedbudhaḥ || 68 ||
[Analyze grammar]

maṇḍapasya samāptautu aṅkurānarpayetkramāt |
śuddhyarthaṃ vāstuhomaṃ ca puṇyāhaṃ caiva kārayet || 69 ||
[Analyze grammar]

brāhmaṇānbhojayetpaścāttaddeśamupalakṣayet |
carodaye ca nakṣatre sthirarāśiṃ pragṛhya ca || 70 ||
[Analyze grammar]

maṇḍapasya tu madhye vai dhānyapīṭhāni kalpayet |
pratiṣṭhoktakrameṇaiva kuṃbhanyāsāti kārayet || 71 ||
[Analyze grammar]

paścime gārhapatyāgnāvāghāraṃ juhuyātkramāt |
hotā hautrakrameṇaiva hautraṃ tatra praśaṃsayet || 72 ||
[Analyze grammar]

tattaddevasya cāvāhya juṣṭākāraṃ hutaṃ caret |
śrīsūktaṃ vaiṣṇapaṃ caiva vaiṣṇavaṃ caikaviṃśatiḥ || 73 ||
[Analyze grammar]

indrādilokapālānāṃ pratyekaṃ juhuyātkramāt |
tattatsthānetu kūrce vā sthaṇḍile vā samarcayet || 74 ||
[Analyze grammar]

prabhūtaṃ tu nivedyaiva droṇandroṇārchameva vā |
ācāryasyārcakādīnāṃ dakṣiṇāṃ ca dadetkramāt || 75 ||
[Analyze grammar]

sauvarṇairutpalaiḥ puṣpairalaṅkuryātprapāṃ tataḥ |
padmairvākumudairvātha puṣpairanyaissvaśaktitaḥ || 76 ||
[Analyze grammar]

devadevamalaṅkṛtya vastramālyādibhiḥ punaḥ |
prapāṃ saṃyojya deveśaṃ dhyānenaiva tu sannayet || 77 ||
[Analyze grammar]

deveśaṃ sthāpayettatra pādyādyairarcayetkramāt |
mahāhaviḥ prabhūtaṃ vā yathāśakti nivedayet || 78 ||
[Analyze grammar]