Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 4.13
ta ete dharmadharmiṇaḥ kiṃrūpā ityāha —
te vyaktasūkṣmā guṇātmānaḥ || kaivalya 13 ||
vṛttiḥ — ya ete dharmadharmiṇaḥ proktāste vyaktasūkṣmabhedena vyavasthitāḥ guṇāḥ sattvarajastamorūpāstadātmānastatsvabhāvāstatpariṇāmarūpā ityarthaḥ | yataḥ sattvarajastamobhiḥ sukhaduḥkhamoharūpaiḥ sarvāsāṃ bāhyābhyantarabhedabhinnānāṃ bhāvavyaktīnāmanvayānugamo dṛśyate | yadyadanvayi tattat pariṇāmarūpaṃ dṛṣṭam | yathā ghaṭādayo mṛdanvitā mṛtpariṇāmarūpāḥ || 13 ||