Chapter 83

[English text for this chapter is available]

| adhyāya || 83 ||
[Analyze grammar]

śrīmārkaṇḍeya uvāca |
tato gacchenmahārāja tīrthaṃ paramaśobhanam |
brahmahatyāharaṃ proktaṃ revātaṭasamāśrayam |
hanūmatābhidhaṃ hyatra vidyate liṅgamuttamam || 1 ||
[Analyze grammar]

yudhiṣṭhira uvāca |
hanūmanteśvaraṃ nāma kathaṃ jātaṃ vadasva me |
brahmahatyāharaṃ tīrthaṃ revādakṣiṇasaṃsthitam || 2 ||
[Analyze grammar]

śrīmārkaṇḍeya uvāca |
sādhu sādhu mahābāho somavaṃśavibhūṣaṇa |
guhyādguhyataraṃ tīrthaṃ nākhyātaṃ kasyacinmayā || 3 ||
[Analyze grammar]

tava snehātpravakṣyāmi pīḍito vārddhakena tu |
pūrvaṃ jātaṃ mahadyuddhaṃ rāmarāvaṇayorapi || 4 ||
[Analyze grammar]

pulastyo brahmaṇaḥ putro viśravāstasya vai sutaḥ |
rāvaṇastena saṃjāto daśāsyo brahmarākṣasaḥ || 5 ||
[Analyze grammar]

trailokyavijayī bhūtaḥ prasādācchūlinaḥ sa ca |
gīrvāṇā vijitāḥ sarve rāmasya gṛhiṇī hṛtā || 6 ||
[Analyze grammar]

vāritaḥ kumbhakarṇena sītāṃ mocaya mocaya |
vibhīṣaṇena vai pāpo mandodaryā punaḥpunaḥ || 7 ||
[Analyze grammar]

tvaṃ jitaḥ kārtavīryeṇa raiṇukeyena so'pi ca |
sa rāmo rāmabhadreṇa tasya saṃkhye kathaṃ jayaḥ || 8 ||
[Analyze grammar]

rāvaṇa uvāca |
vānaraiśca narairṛkṣairvarāhaiśca nirāyudhaiḥ |
devāsurasamūhaiśca na jito'haṃ kadācana || 9 ||
[Analyze grammar]

śrīmārkaṇḍeya uvāca |
sugrīvahanumadbhyāṃ ca kumudenāṅgadena ca |
etairanyaiḥ sahāyaiśca rāmacandreṇa vai jitaḥ || 10 ||
[Analyze grammar]

rāmacandreṇa paulastyo hataḥ saṃkhye mahābalaḥ |
vanaṃ bhagnaṃ hatāḥ śūrāḥ prabhañjanasutena ca || 11 ||
[Analyze grammar]

rāvaṇasya suto janye hataścākṣakumārakaḥ |
āyāmo rakṣasāṃ bhīmaḥ sampiṣṭo vānareṇa tu || 12 ||
[Analyze grammar]

evaṃ rāmāyaṇe vṛtte sītāmokṣe kṛte sati |
ayodhyāṃ tu gate rāme hanumānsa mahākapiḥ || 13 ||
[Analyze grammar]

kailāsākhyaṃ gataḥ śailaṃ praṇāmāya maheśituḥ |
tiṣṭha tiṣṭhetyasau prokto nandinā vānarottamaḥ || 14 ||
[Analyze grammar]

brahmahatyāyutastvaṃ hi rākṣasānāṃ vadhena hi |
bhairavasya sabhā nūnaṃ na draṣṭavyā tvayā kape || 15 ||
[Analyze grammar]

hanumānuvāca |
nandinātha haraṃ pṛccha pātakasyopaśāntidam |
pāpo'haṃ plavago yasmātsaṃjātaḥ kāraṇāntarāt || 16 ||
[Analyze grammar]

nandyuvāca |
rudradehodbhavā kiṃ te na śrutā bhūtale sthitā |
śravaṇājjanmajanitaṃ dviguṇaṃ kīrtanādvrajet || 17 ||
[Analyze grammar]

triṃśajjanmārjitaṃ pāpaṃ naśyedrevāvagāhanāt |
tasmāttvaṃ narmadātīraṃ gatvā cara tapo mahat || 18 ||
[Analyze grammar]

gandharvāhasuto'pyevaṃ nandinoktaṃ niśamya ca |
prayāto narmadātīramaurvyādakṣiṇasaṅgamam || 19 ||
[Analyze grammar]

dadhyau sudakṣiṇe devaṃ virūpākṣaṃ triśūlinam |
jaṭāmukuṭasaṃyuktaṃ vyālayajñopavītinam || 20 ||
[Analyze grammar]

bhasmopacitasarvāṅgaṃ ḍamarusvaranāditam |
umārddhāṅgaharaṃ śāntaṃ gonāthāsanasaṃsthitam || 21 ||
[Analyze grammar]

vatsarān subahūn yāvadupāsāṃcakra īśvaram |
tāvattuṣṭo mahādeva ājagāma sahomayā || 22 ||
[Analyze grammar]

uvāca madhurāṃ vāṇīṃ meghagambhīranisvanām |
sādhu sādhvityuvāceśaḥ kaṣṭaṃ vatsa tvayā kṛtam || 23 ||
[Analyze grammar]

na ca pūrvaṃ tvayā pāpaṃ kṛtaṃ rāvaṇasaṃkṣaye |
svāmikāryaratastvaṃ hi siddho'si mama darśanāt || 24 ||
[Analyze grammar]

hanumāṃśca haraṃ dṛṣṭvā umārddhāṅgaharaṃ sthiram |
sāṣṭāṅgaṃ praṇato'vocajjaya śambho namo'stu te |
jayāndhakavināśāya jaya gaṅgāśirodhara || 25 ||
[Analyze grammar]

evaṃ stuto mahādevo varado vākyamabravīt |
varaṃ prārthaya me vatsa prāṇasambhavasambhava || 26 ||
[Analyze grammar]

śrīhanumānuvāca |
brahmarakṣovadhājjātā mama hatyā maheśvara |
na pāpo'haṃ bhavedeva yuṣmatsambhāṣaṇe kṣaṇāt || 27 ||
[Analyze grammar]

īśvara uvāca |
narmadātīrthamāhātmyāddharmayogaprabhāvataḥ |
manmūrtidarśanātputra niṣpāpo'si na saṃśayaḥ || 28 ||
[Analyze grammar]

anyaṃ ca te prayacchāmi varaṃ vānarapuṃgava |
upakārāya lokānāṃ nāmāni tava mārute || 29 ||
[Analyze grammar]

hanūmānaṃ janisuto vāyuputro mahābalaḥ |
rāmeṣṭaḥ phālguno gotraḥ piṅgākṣo'mitavikramaḥ || 30 ||
[Analyze grammar]

udadhikramaṇaśreṣṭho daśagrīvasya darpahā |
lakṣmaṇaprāṇadātā ca sītāśokanivartanaḥ || 31 ||
[Analyze grammar]

ityuktvāntardadhe deva umayā saha śaṅkaraḥ |
hanūmānīśvaraṃ tatra sthāpayāmāsa bhaktitaḥ || 32 ||
[Analyze grammar]

ātmayogabalenaiva brahmacaryaprabhāvataḥ |
īśvarasya prasādena liṅgaṃ kāmapradaṃ hi tat |
acchedyamapratarkyaṃ ca vināśotpattivarjitam || 33 ||
[Analyze grammar]

śrīmārkaṇḍeya uvāca |
hanūmanteśvare putra pratyakṣapratyayaṃ śṛṇu |
yadvṛttaṃ dvāparasyādau tretānte pāṇḍunandana || 34 ||
[Analyze grammar]

suparvā nāma bhūpālo babhūva vasudhātale |
tasya rājñaḥ sadā saukhyaṃ narā dīrghāyuṣaḥ sadā || 35 ||
[Analyze grammar]

sa putradhanasaṃyuktaścauropadravavarjitaḥ |
śatabāhurbabhūvāsya putro bhīmaparākramaḥ || 36 ||
[Analyze grammar]

āsakto'sau sadā kālaṃ pāpadharmairnareśvara |
aṭāṭyata dharāṃ sarvāṃ parvatāṃśca vanāni ca || 37 ||
[Analyze grammar]

vadhārthaṃ mṛgayūthānāmāgato vindhyaparvatam |
tarujātisamākīrṇe hastiyūthasamācite || 38 ||
[Analyze grammar]

siṃhacitrakaśobhāḍhye mṛgavārāhasaṃkule |
krīḍitvā sa vane rājā narmadāmānataḥ kvacit || 39 ||
[Analyze grammar]

hanūmantavane prāptaḥ śatakrośapramāṇake |
ciñciṇīvanaśobhāḍhye kadambatarusaṃkule || 40 ||
[Analyze grammar]

nityaṃ pālāśajambīraiḥ karaṃjakhadiraistathā |
pāṭalairbadarairyuktaiḥ śamītindukaśobhitam || 41 ||
[Analyze grammar]

mṛgayūthaiḥ samāchannaśikhaṇḍisvaranāditam |
pārāvatakasaṅghānāṃ samantātsvaraśobhitam || 42 ||
[Analyze grammar]

śaratkāle'ramadrājā bahule cāśvinasya saḥ |
vanamadhyaṃ gato'drākṣīdbhramantaṃ piṅgaladvijam || 43 ||
[Analyze grammar]

pustikākarasaṃsthaṃ ca papraccha capalaṃ dvijam || 44 ||
[Analyze grammar]

śatabāhuruvāca |
ekākī tvaṃ vane kasmādbhramase pustikākaraḥ |
itastato'pi sampaśyan kathayasva dvijottama || 45 ||
[Analyze grammar]

brāhmaṇa uvāca |
kānyakubjātsamāyātaḥ preṣito rājakanyayā |
asthikṣepāya vai rājanhanūmanteśvare jale || 46 ||
[Analyze grammar]

rājovāca |
asthikṣepo jale kasmāddhanūmanteśvare dvija |
kriyate kena kāryeṇa sāścaryaṃ kathyatāṃ mama || 47 ||
[Analyze grammar]

suparvaṇaḥ suto yānaṃ tyaktvā bhūmau praṇamya ca |
kṛtāñjalipuṭo bhūtvā brāhmaṇāya nareśvara |
samastaṃ kathayāmāsa vṛttāntaṃ svaṃ purātanam || 48 ||
[Analyze grammar]

brāhmaṇa uvāca |
śikhaṇḍī nāma rājāsti kanyakubje pratāpavān |
aputro'sau mahīpālaḥ kanyā jātā manorathaiḥ || 49 ||
[Analyze grammar]

jātismarā sucārvaṅgī narmadāyāḥ prabhāvataḥ |
pitrā ca saikadā kanyā vivāhāya prajalpitā || 50 ||
[Analyze grammar]

anitye putri saṃsāre kanyādānaṃ dadāmyaham |
śvaḥkṛtyamadya kurvīta pūrvāhṇe cāparāhṇikam |
na hi pratīkṣate mṛtyuḥ kṛtaṃ cāsya na cākṛtam || 51 ||
[Analyze grammar]

kanyovāca |
iccheyaṃ yatra kāle hi tatra deyā tvayā pituḥ |
putrīvākyādasau rājā vismito vākyamabravīt || 52 ||
[Analyze grammar]

śikhaṇḍyuvāca |
kathyatāṃ me mahābhāge sāścaryaṃ bhāṣitaṃ tvayā |
piturvākyena sā bālottamā hyāgatāntikam || 53 ||
[Analyze grammar]

kathayāmāsa yadvṛttaṃ hanūmanteśvare nṛpa |
kalāpinī hyahaṃ tāta yutā bhartrāvasaṃ tadā || 54 ||
[Analyze grammar]

revaurvyāsaṅgamantisthā revāyā dakṣiṇe taṭe |
hanūmantavane puṇye cikrīḍāhaṃ yadṛcchayā || 55 ||
[Analyze grammar]

bhartṛyuktā ca saṃsuptā rajanyāṃ sarale nage |
āgatā lubdhakāstatra kṣudhārtā vanamuttamam || 56 ||
[Analyze grammar]

bhartṛyogayutā pāpairdṛṣṭāhaṃ vadhacintakaiḥ |
pāśabandhaṃ samādāya baddhāhaṃ svāminā saha || 57 ||
[Analyze grammar]

grīvāṃ te moṭayāmāsuḥ picchāchoṭanakaṃ kṛtam |
hutāśanamukhe taistu saha kāntena lubdhakaiḥ || 58 ||
[Analyze grammar]

paribharjyāvayormāṃsaṃ bhakṣayitvā yatheṣṭataḥ |
suptāḥ svasthendriyā rātrau sā gatā śarvarī kṣayam || 59 ||
[Analyze grammar]

prabhāte māṃsaśeṣaṃ ca jambukairgṛdhraghātibhiḥ |
maccharīrodbhavaṃ cāsthi snāyumāṃsena cāvṛtam || 60 ||
[Analyze grammar]

gṛhītaṃ ghātinaikena cākāśātpatitaṃ tadā |
taṃ māṃsabhakṣaṇaṃ dṛṣṭvā pare pakṣiṇa āgatāḥ || 61 ||
[Analyze grammar]

dṛṣṭvā pakṣisamūhaṃ tu asthikhaṇḍaṃ vyasarjayat |
vihagānāṃ samastānāṃ dhāvatāṃ caiva paśyatām || 62 ||
[Analyze grammar]

patitaṃ narmadātoye hanūmanteśvare nṛpa |
madīyamasthikhaṇḍaṃ ca patitaṃ narmadājale || 63 ||
[Analyze grammar]

tasya tīrthasya puṇyena jātāhaṃ putrikā tava |
bhūpakanyā tvahaṃ jātā pūrṇacandranibhānanā || 64 ||
[Analyze grammar]

jātismarā narendrasya saṃjātā bhavataḥ kule |
tasmādvivāhaṃ necchāmi mama bhartā nṛpottama || 65 ||
[Analyze grammar]

viṣame vartate'dyāpi śakuntamṛgajātiṣu |
tasyāsthiśeṣaṃ rājendra tasmiṃstīrthe bhaviṣyati || 66 ||
[Analyze grammar]

tatkṣepaṇārthaṃ vai tāta preṣayādya dvijottamam |
etatte sarvamākhyātaṃ kāraṇaṃ nṛpasattama || 67 ||
[Analyze grammar]

madbhartā viṣame sthāne śakuntamṛgajātiṣu |
yadi preṣayase tāta kaṃcittvaṃ narmadātaṭe || 68 ||
[Analyze grammar]

tasyāhaṃ kathayiṣyāmi sthānaiścihnaiśca lakṣitam |
śikhaṇḍināpyahaṃ tatra hyāhūto hyavanīpate || 69 ||
[Analyze grammar]

dāsyāmi viṃśatigrāmāngaccha tvaṃ narmadātaṭe |
preṣaṇaṃ me pratijñātamalakṣmyā pīḍitena tu || 70 ||
[Analyze grammar]

kanyovāca |
gaccha tvaṃ narmadāṃ puṇyāṃ sarvapāpakṣayaṃkarīm |
āgneyyāṃ somanāthasya hanūmanteśvaraḥ paraḥ || 71 ||
[Analyze grammar]

ardhakrośena revāyā vistīrṇo vaṭapādapaḥ |
karaṃjaḥ kaṭahaścaiva sannidhāne vaṭasya ca || 72 ||
[Analyze grammar]

nyagrodhamūlasāṃnidhye sūkṣmānyasthīni drakṣyasi |
samūhya tāni saṃgṛhya gaccha revāṃ dvijottama || 73 ||
[Analyze grammar]

āśvinasyāsite pakṣe tripurāristu vai tithau |
snāpya triśūlinaṃ bhaktyā rātrau tvaṃ kuru jāgaram || 74 ||
[Analyze grammar]

kṣipeḥ prabhāte tāni tvaṃ nābhimātrajalasthitaḥ |
ityuccārya dvijaśreṣṭha vimuktistasya jāyatām || 75 ||
[Analyze grammar]

kṣiptvāsthīni punaḥ snānaṃ kartavyaṃ tvaghanāśanam |
evaṃ kṛte tu rājendra gatistasya bhaviṣyati || 76 ||
[Analyze grammar]

kathitaṃ kanyayā yacca tatsarvaṃ pustikākṛtam |
āgato'haṃ nṛpaśreṣṭha tīrthe'tra duritāpahe || 77 ||
[Analyze grammar]

so'bhijñānaṃ tato dṛṣṭvā nītvāsthīni nareśvara |
pūrvoktena vidhānena prākṣipaṃ nārmadā masipuṣpavṛṣṭiḥ'śu sādhu sādhviti pāṇḍava |
vimānaṃ ca tato divyamāgataṃ barhiṇastadā || 78 ||
[Analyze grammar]

divyarūpadharo bhūtvā gato nāke kalāpavān |
evaṃ tu pratyayaṃ dṛṣṭvā hanūmanteśvare nṛpa || 79 ||
[Analyze grammar]

cakārānaśanaṃ vipraḥ śatabāhuśca bhūpatiḥ |
śoṣayāmāsatustau svamīśvarārādhane ratau || 80 ||
[Analyze grammar]

dhyāyantau tasthaturdevaṃ śatabāhudvijottamau |
māsārdhena mṛto rājā śatabāhurmahāmanāḥ || 81 ||
[Analyze grammar]

kiṅkaṇījālaśobhāḍhyaṃ vimānaṃ tatra cāgatam |
sādhu sādhu nṛpaśreṣṭha vimānārohaṇaṃ kuru || 82 ||
[Analyze grammar]

śatabāhuruvāca |
nāyāmi svargamārgāgraṃ vipro yāvanna saṃsthitaḥ |
upadeśaprado mahyaṃ gururūpī dvijottamaḥ || 83 ||
[Analyze grammar]

apsarasa ūcuḥ |
lobhāvṛto hyayaṃ vipro lobhātpāpasya saṃgrahaḥ |
hanūmanteśvare rājanye mṛtāḥ sattvamāsthitāḥ || 84 ||
[Analyze grammar]

te yānti śāṃkare loke sarvapāpakṣayaṃkare |
naiva pāpakṣayaścāsya brāhmaṇasya nareśvara || 85 ||
[Analyze grammar]

gṛhaṃ ca gṛhiṇī citte brāhmaṇasya pravartate |
śatabāhustato vipramuvāca vinayānvitaḥ || 86 ||
[Analyze grammar]

tyaja mūlamanarthasya lobhamenaṃ dvijottama |
ityuktvā svaryayau rājā svargakanyāsamāvṛtaḥ || 87 ||
[Analyze grammar]

dinaiḥ kaiścidgato vipraḥ svargaṃ vaitālikairvṛtaḥ |
barhī ca kāśīrājasya putrastīrthaprabhāvataḥ || 88 ||
[Analyze grammar]

ātmānaṃ kanyayā dattaṃ pūrvajanma vyacintayan |
sā ca taṃ prauḍhamālokya piturājñāmavāpya ca |
svayaṃvare svabhartāraṃ lebhe sādhvī nṛpātmajam || 89 ||
[Analyze grammar]

śrīmārkaṇḍeya uvāca |
etadvṛttāntamabhavattasmiṃstīrthe nṛpottama |
etasmātkāraṇānmedhyaṃ tīrthametatsadā nṛpa || 90 ||
[Analyze grammar]

aṣṭamyāṃ vā caturdaśyāṃ sarvakālaṃ nareśvara |
viśeṣāccāśvine māsi kṛṣṇapakṣe caturdaśīm || 91 ||
[Analyze grammar]

snāpayedīśvaraṃ bhaktyā kṣaudrakṣīreṇa sarpiṣā |
dadhnā ca khaṇḍayuktena kuśatoyena vai punaḥ || 92 ||
[Analyze grammar]

śrīkhaṇḍena sugandhena guṇṭhayecca maheśvaram |
tataḥ sugandhapuṣpaiśca bilvapatraiśca pūjayet || 93 ||
[Analyze grammar]

mucakundena kadena jātīkāśakuśodbhavaiḥ |
unmattamunipuṣpaughaiḥ puṣpaistatkālasambhavaiḥ || 94 ||
[Analyze grammar]

arcayetparayā bhaktyā hanūmanteśvaraṃ śivam |
ghṛtena dāpayeddīpaṃ tailena tadabhāvataḥ || 95 ||
[Analyze grammar]

śrāddhaṃ ca kārayettatra brāhmaṇairvedapāragaiḥ |
sarvalakṣaṇasampūrṇaiḥ kulīnairgṛhapālakaiḥ || 96 ||
[Analyze grammar]

tarpayedbrāhmaṇān bhaktyā vasanānnahiraṇyataḥ |
narakasthā divaṃ yāntu procyeti praṇameddvijān || 97 ||
[Analyze grammar]

patitān varjayedviprān vṛṣalī yasya gehinī |
svavṛṣaṃ cāparityajya vṛṣairanyairvṛṣāyate || 98 ||
[Analyze grammar]

vṛṣalīṃ tāṃ vidurdevā na śūdrī vṛṣalī bhavet |
brahmahatyā surāpānaṃ gurudāraniṣevaṇam || 99 ||
[Analyze grammar]

suvarṇaharaṇanyāsamitradrohodbhavaṃ tathā |
naśyate pātakaṃ sarvamityevaṃ śaṅkaro'bravīt || 100 ||
[Analyze grammar]

śrīmārkaṇḍeya uvāca |
vākpralāpena bho vatsa bahunoktena kiṃ mayā |
sarvapātakasaṃyukto dadyāddānaṃ dvijanmane || 101 ||
[Analyze grammar]

godānaṃ ca prakartavyamasmiṃstīrthe viśeṣataḥ |
godānaṃ hi yataḥ pārtha sarvadānādhikaṃ smṛtam || 102 ||
[Analyze grammar]

sarvadevamayā gāvaḥ sarve devāstadātmakāḥ |
śṛṅgāgreṣu mahīpāla śakro vasati nityaśaḥ || 103 ||
[Analyze grammar]

uraḥ skandaḥ śiro brahmā lalāṭe vṛṣabhadhvajaḥ |
candrārkau locane devau jihvāyāṃ ca sarasvatī || 104 ||
[Analyze grammar]

marudgaṇāḥ sadā sādhyā yasyā dantā nareśvara |
huṅkāre caturo vedān vidyātsāṅgapadakramān || 105 ||
[Analyze grammar]

ṛṣayo romakūpeṣu hyasaṃkhyātāstapasvinaḥ |
daṇḍahasto mahākāyaḥ kṛṣṇo mahiṣavāhanaḥ || 106 ||
[Analyze grammar]

yamaḥ pṛṣṭhasthito nityaṃ śubhāśubhaparīkṣakaḥ |
catvāraḥ sāgarāḥ puṇyāḥ kṣīradhārāḥ staneṣu ca || 107 ||
[Analyze grammar]

viṣṇupādodbhavā gaṅgā darśanātpāpanāśanī |
prasrāve saṃsthitā yasmāttasmādvandyā sadā budhaiḥ || 108 ||
[Analyze grammar]

lakṣmīśca gomaye nityaṃ pavitrā sarvamaṅgalā |
gomayālepanaṃ tasmātkartavyaṃ pāṇḍunandana || 109 ||
[Analyze grammar]

gandharvāpsaraso nāgāḥ khurāgreṣu vyavasthitāḥ |
pṛthivyāṃ sāgarāntāyāṃ yāni tīrthāni bhārata |
tāni sarvāṇi jānīyādgaurgavyaṃ tena pāvanam || 110 ||
[Analyze grammar]

yudhiṣṭhira uvāca |
sarvadevamayī dhenurgīrvāṇādyairalaṃkṛtā |
etatkathaya me tāta kasmādgoṣu samāśritāḥ || 111 ||
[Analyze grammar]

śrīmārkaṇḍeya uvāca |
sarvadevamayo viṣṇurgāvo viṣṇuśarīrajāḥ |
devāstadubhayāttasmātkalpitā vividhā janaiḥ || 112 ||
[Analyze grammar]

śvetā vā kapilā vāpi kṣīriṇī pāṇḍunandana |
savatsā ca suśīlā ca sitavastrāvaguṇṭhitā || 113 ||
[Analyze grammar]

kāṃsyadohanikā deyā svarṇaśṛṅgī subhūṣitā |
hanūmanteśvarasyāgre bhaktyā viprāya dāpayet || 114 ||
[Analyze grammar]

niyamasthena sā deyā svargamānantyamicchatā |
asamarthāya ye dadyurviṣṇuloke prayānti te || 115 ||
[Analyze grammar]

asau loke cyuto rājanbhūtale dvijamandire |
kuśalo jāyate putro guṇavidyādhanarddhimān || 116 ||
[Analyze grammar]

sarvapāpaharaṃ tīrthaṃ hanūmanteśvaraṃ nṛpa |
śṛṇvanvimucyate pāpādvarṇasaṃkarasaṃbhavāt || 117 ||
[Analyze grammar]

dūrasthaścintayan paśyanmucyate nātra saṃśayaḥ || 118 ||
[Analyze grammar]