Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

|  adhyāya || 84 ||
[Analyze grammar]

śrīmārkaṇḍeya uvāca |
atraivodāharantīmamitihāsaṃ purātanam |
kailāse pṛcchate bhaktyā ṣaṇmukhāya śivoditam || 1 ||
[Analyze grammar]

īśvara uvāca |
pūrvaṃ tretāyuge skanda hato rāmeṇa rāvaṇaḥ |
caturdaśa tadā koṭyo nihatā brahmarakṣasām || 2 ||
[Analyze grammar]

hateṣu teṣu vai tatra rakṣaṇāya divaukasām |
mahānandastadā jātastriṣu lokeṣu putraka || 3 ||
[Analyze grammar]

tataḥ sītāṃ samāsādya samaṃ vānarapuṃgavaiḥ |
rāmo'pyayodhyāmāyāto bharatena kṛtotsavaḥ |
tasmai samarpayāmāsa sa rājyaṃ lakṣmaṇāgrajaḥ || 4 ||
[Analyze grammar]

tasminpraśāsati tato rājyaṃ nihatakaṇṭakam |
kṛtakāryo'tha hanumānkailāsamagātpurā || 5 ||
[Analyze grammar]

tato nandī pratīhāro rudrāṃśamapi taṃ kapim |
na ca saṃgamayāmāsa rudreṇāghaughahāriṇā || 6 ||
[Analyze grammar]

tena pṛṣṭastadā nandī kiṃ mayā pātakaṃ kṛtam |
yena rudravapuḥ puṇyaṃ na paśyāmyambikānvitam || 7 ||
[Analyze grammar]

nandyuvāca |
tvayāvataraṇaṃ cakre kapīndrāmarahetunā |
tathāpi hi kṛtaṃ pāpamupabhogena śāmyati || 8 ||
[Analyze grammar]

hanumānuvāca |
kiṃ mayākāri tatpāpaṃ nandindevārthakāriṇā |
rākṣasāśca hatā duṣṭā viprayajñāṅgaghātinaḥ || 9 ||
[Analyze grammar]

tatastadālāpakutūhalī haro nijāṃśabhājaṃ kapimugratejasam |
uvāca dvārāntaradattadṛṣṭiḥ puraḥsthitaṃ prekṣya kapīśvaraṃ punaḥ || 10 ||
[Analyze grammar]

īśvara uvāca |
gaṅgā gayā kape revā yamunā ca sarasvatī |
sarvapāpaharā nadyastāsu snānaṃ samācara || 11 ||
[Analyze grammar]

narmadādakṣiṇe kūle tīrthaṃ paramaśobhanam |
somanāthasamīpasthaṃ tatra tvaṃ gaccha vānara || 12 ||
[Analyze grammar]

tatra snātvā mahāpāpaṃ gamiṣyati mamājñayā |
utpatya vegāddhanumāñchrīrevādakṣiṇe taṭe || 13 ||
[Analyze grammar]

jagāma sumahānādastapaścakre suduṣkaram |
tasya vai tapyamānasya rakṣovadhakṛtaṃ tamaḥ || 14 ||
[Analyze grammar]

vilīnaṃ pārtha kālena kiyateśaprasādataḥ |
tato devaiḥ samaṃ devastattīrthamagamaddharaḥ || 15 ||
[Analyze grammar]

kapimāliṅgayāmāsa varaṃ tasmai pradattavān |
adyaprabhṛti te tīrthaṃ bhaviṣyati na saṃśayaḥ || 16 ||
[Analyze grammar]

kapitīrthaṃ tato jātaṃ tasthau tatra svayaṃ haraḥ |
hanūmanteśvaro nāmnā sarvahatyāharastadā || 17 ||
[Analyze grammar]

tatra tīrthe tu yaḥ snātvā bhaktyā liṅgaṃ prapūjayet |
sarvapāpāni naśyanti harasya vacanaṃ yathā || 18 ||
[Analyze grammar]

tatrāsthīni vilīyante piṇḍadāne'kṣayā gatiḥ |
yatkiṃciddīyate tatra taddhi koṭiguṇaṃ bhavet || 19 ||
[Analyze grammar]

hanumānapyayodhyāyāṃ rāmaṃ draṣṭumathāgamat |
cakāra kuśalapraśnaṃ svasvarūpaṃ nyavedayat || 20 ||
[Analyze grammar]

śrīrāma uvāca |
kurvato devakāryaṃ te mama kāryaṃ ca kurvataḥ |
tato'hamapi pāpīyāṃstapastapsyāmyasaṃśayam || 21 ||
[Analyze grammar]

tatraiva dakṣiṇe kūle revāyāḥ pāpahāriṇi |
caturviṃśativarṣāṇi tapastepe'tha rāghavaḥ || 22 ||
[Analyze grammar]

jyotiṣmatīpurīsaṃsthaḥ śrīrevāsnānamācaran |
tasya śuśrūṣaṇaṃ cakre lakṣmaṇo'pi tadājñayā || 23 ||
[Analyze grammar]

sthāpayāmāsaturliṅge tau tadā rāmalakṣmaṇau |
prabhāvātsatyatapaso revātīre mahāmatī |
niṣpāpatāṃ tadā vīrau jagmatū rāmalakṣmaṇau || 24 ||
[Analyze grammar]

tatastadā devapurogamo haro gato hi vai puṇyamunīśvaraiḥ saha |
āgatya tīrthaṃ ca varaṃ dadau tadā nijāṃ kalāṃ tatra vimucya tīrthe || 25 ||
[Analyze grammar]

munibhiḥ sarvatīrthānāṃ kṣiptaṃ kumbhodakaṃ bhuvi |
ekasthaṃ liṅganāmātha kalākumbhastathābhavat || 26 ||
[Analyze grammar]

kumbheśvara iti khyātastadā devagaṇārcitaḥ |
rāmo'pi pūjayāmāsa talliṅgaṃ devasevivatam || 27 ||
[Analyze grammar]

tato varaṃ dadau devo rāmakīrtyabhivṛddhaye |
caturviṃśatime varṣe rāmo niṣpāpatāṃ gataḥ || 28 ||
[Analyze grammar]

yadā kanyāgataḥ paṅgurguruṇā sahito bhavet |
tadeva devayātreyamiti devā jagurmudā || 29 ||
[Analyze grammar]

yathā godāvarītīrthe sarvatīrthaphalaṃ bhavet |
tathātra revāsnānena liṅgānāṃ darśanairnḥṇām || 30 ||
[Analyze grammar]

kariṣyantyatra ye śrāddhaṃ pitḥṇāṃ narmadātaṭe |
kumbheśvarasamīpasthāstatphalaṃ śṛṇu ṣaṇmukha || 31 ||
[Analyze grammar]

yāvanto romakūpāḥ syuḥ śarīre sarvadehinām |
tāvadvarṣapramāṇena pitḥṇāmakṣayā gatiḥ || 32 ||
[Analyze grammar]

pṛthivyāṃ devatāḥ sarvāḥ sarvatīrthāni yāni tu |
labhante tatphalaṃ martyā liṅgatrayavilokanāt || 33 ||
[Analyze grammar]

aputro labhate putraṃ nirdhano dhanamāpnuyāt |
sarogo mucyate rogānnātra kāryā vicāraṇā || 34 ||
[Analyze grammar]

siṃharāśiṃ gate jīve yatsyādgodāvarīphalam |
taddvādaśaguṇaṃ skanda kumbheśvarasamīpataḥ || 35 ||
[Analyze grammar]

ye jānanti na paśyanti kumbhaśambhumumāpatim |
narmadādakṣiṇe kūle teṣāṃ janma nirarthakam || 36 ||
[Analyze grammar]

yathā godāvarīyātrā kartavyā muniśāsanāt |
caturviṃśatime varṣe tatheyaṃ devabhāṣitam || 37 ||
[Analyze grammar]

yāvaccandraśca sūryaśca yāvadvai divi tārakaḥ |
tāvattadakṣayaṃ dānaṃ revākumbheśvarāntike || 38 ||
[Analyze grammar]

mahādānāni deyāni tatra laukairvicakṣaṇaiḥ |
godānamatra śaṃsanti sauvarṇaṃ rājataṃ tathā || 39 ||
[Analyze grammar]

yasyāḥ smaraṇamātreṇa naśyate pāpasañcayaḥ |
snānena kiṃ punaḥ skanda brahmahatyāṃ vyapohati || 40 ||
[Analyze grammar]

tatra tīrthe tu yaḥ snātvā śrāddhaṃ kuryādyudhiṣṭhira |
ekottaraṃ kulaśatamuddharecchivaśāsanāt || 41 ||
[Analyze grammar]

yāni kāni ca tīrthāni cāsamudrasarāṃsi ca |
śivaliṅgārcanasyeha kalāṃ nārhanti ṣoḍaśīm || 42 ||
[Analyze grammar]

evaṃ devā varaṃ dattvā harīśvarapurogamāḥ |
svasthānamagaman pūrvaṃ muktvā tannāma cottamam || 43 ||
[Analyze grammar]

tīrthasyāsya varaṃ dattvā sa rāmo lakṣmaṇāgrajaḥ |
ayodhyāṃ praviveśāsau niṣpāpo narmadājalāt || 44 ||
[Analyze grammar]

sauvarṇīṃ ca tataḥ kṛtvā sītāṃ yajñaṃ cakāra saḥ |
anumantrya munīṃllokāndevatāśca nijaṃ kulam || 45 ||
[Analyze grammar]

purā tretāyuge jātaṃ tattīrthaṃ skandanāmakam |
niyamena tato lokaiḥ kartavyaṃ liṅgadarśanam || 46 ||
[Analyze grammar]

tāvatpāpāni deheṣu mahāpātakajānyapi |
yāvanna prekṣate jantustattīrthaṃ devasevitam || 47 ||
[Analyze grammar]

te dhanyāste mahātmānasteṣāṃ janma sujīvitam |
jyotiṣmatīpurīsaṃsthaṃ ye drakṣyanti haraṃ param || 48 ||
[Analyze grammar]

tasmānmohaṃ parityajya janairgantavyamādarāt |
tīrthāśeṣaphalāvāptyai tīrthaṃ kumbheśvarāhvayam || 49 ||
[Analyze grammar]

mārkaṇḍeya uvāca |
śrutveti śambhuvacasā sa ṣaḍānano'tha natvā pituḥ padayugāmbujamādareṇa |
samprāpya dakṣiṇataṭaṃ giriśasravantyāḥ kīśāgryarāmakalaśākhyaśivān dadarśa || 50 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 84

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: