Chapter 26

[English text for this chapter is available]

agastiruvāca |
prasannosi yadi skaṃda mayi prītiranuttamā |
tatsamācakṣva bhagavaṃściraṃ yanme hṛdisthitam || 1 ||
[Analyze grammar]

avimuktamidaṃ kṣetraṃ kadārabhya bhuvastale |
parāṃ prathitimāpannaṃ mokṣadaṃ cābhavatkatham || 2 ||
[Analyze grammar]

kathameṣā trilokīḍyā gīyate maṇikarṇikā |
tatrāsītkiṃ purāsvāminyadā nāmaranimnagā || 3 ||
[Analyze grammar]

vārāṇasīti kāśīti rudrāvāsa iti prabho |
avāpa nāmadheyāni kathametāni sā purī |
ānaṃdakānanaṃ ramyamavimuktamanaṃtaram || 4 ||
[Analyze grammar]

mahāśmaśāna iti ca kathaṃ khyātaṃ śikhidhvaja |
etadicchāmyahaṃ śrotuṃ saṃdehaṃ me'panodaya || 5 ||
[Analyze grammar]

skaṃda uvāca |
praśnabhāroyamatulastvayā yaḥ samudāhṛtaḥ |
kuṃbhayone'mumevārthamaprākṣīdaṃbikā haram || 6 ||
[Analyze grammar]

yathā ca devadevena sarvajñena niveditam |
jaganmātuḥ purastācca tathaiva kathayāmi te || 7 ||
[Analyze grammar]

mahāpralaya kāle ca naṣṭe sthāvarajaṃgame |
āsīttamomayaṃ sarvamanarkagrahatārakam || 8 ||
[Analyze grammar]

acaṃdramanahorātramanagnyanilabhūtalam |
apradhānaṃ viyacchūnyamanyatejovivardhitam || 9 ||
[Analyze grammar]

draṣṭṛtvādi vihīnaṃ ca śabdasparśasamujjhitam |
vyapetagaṃdharūpaṃ ca rasatyaktamadiṅmukham || 10 ||
[Analyze grammar]

itthaṃ satyaṃdhatamasi sūcībhedye niraṃtare |
tatsadbrahmeti yacchrutyā sadaikaṃ pratipādyate || 11 ||
[Analyze grammar]

amanogocarovācāṃ viṣayaṃ na kathaṃcana |
anāmarūpavarṇaṃ ca na sthūlaṃ na ca yatkṛśam || 12 ||
[Analyze grammar]

ahrasvadīrghamalaghugurutvaparivarjitam |
na yatropacayaḥ kaścittathā cāpacayopi ca || 13 ||
[Analyze grammar]

abhidhatte sa cakitaṃ yadastīti śrutiḥ punaḥ |
satyaṃ jñānamanaṃtaṃ ca yadānaṃdaṃ paraṃ mahaḥ || 14 ||
[Analyze grammar]

aprameyamanādhāramavikāramanākṛti |
nirguṇaṃ yogigamyaṃ ca sarvavyāpyekakāraṇam || 15 ||
[Analyze grammar]

nirvikalpaṃ nirāraṃbhaṃ nirmāyaṃ nirupadravam |
yasyetthaṃ saṃvikalpyaṃte saṃjñāḥ saṃjñoditasya vai || 16 ||
[Analyze grammar]

tasyaikalasya carato dvitīyecchā bhavatkila |
amūrtena svamūrtiśca tenākalpi svalīlayā || 17 ||
[Analyze grammar]

sarvaiśvaryaguṇopetā sarvajñānamayī śubhā |
sarvagā sarvarūpā ca sarvadṛksarvakāriṇī || 18 ||
[Analyze grammar]

sarvaikavaṃdyā sarvādyā sarvadā sarvasaṃkṛtiḥ |
parikalpyeti tāṃ mūrtimīśvarīṃ śuddharūpiṇīm || 19 ||
[Analyze grammar]

aṃtardadhe parākhyaṃ yadbrahmasarvaṃgamavyayam || 20 ||
[Analyze grammar]

amūrtaṃ yatparākhyaṃ vai tasya mūrtirahaṃ priye |
arvācīnaparācīnā īśvaraṃ māṃ jagurbudhāḥ || 21 ||
[Analyze grammar]

tatastadaikalenāpi svairaṃ viharatāmayā |
svavigrahātsvayaṃ sṛṣṭā svaśarīrānapāyinī || 22 ||
[Analyze grammar]

pradhānaṃ prakṛtiṃ tvāṃ ca māyāṃ guṇavatīṃ parām |
buddhi tattvasya jananīmāhurvikṛtivarjitām || 23 ||
[Analyze grammar]

yugapacca tvayā śaktyā sākaṃ kālasvarūpiṇā |
mayā'dya puruṣeṇaitatkṣetraṃ cāpi vinirmitam || 24 ||
[Analyze grammar]

sā śaktiḥ prakṛtiḥ proktā sa pumānīśvaraḥ paraḥ |
tābhyāṃ ca ramamāṇābhyāṃ tasminkṣetre ghaṭodbhava || 25 ||
[Analyze grammar]

paramānaṃdarūpābhyāṃ paramānaṃdarūpiṇī |
paṃcakrośaparīmāṇe svapādatalanirmite || 26 ||
[Analyze grammar]

mune pralayakālepi na tatkṣetraṃ kadācana |
vimuktaṃ hi śivābhyāṃ yadavimuktaṃ tato viduḥ || 27 ||
[Analyze grammar]

na yadā bhūmivalayaṃ na yadā'pāṃ samudbhavaḥ |
tadā vihartumīśena kṣetrametadvini rmitam || 28 ||
[Analyze grammar]

idaṃ rahasyaṃ kṣetrasya veda kopi na kuṃbhaja |
nāstikāya na vaktavyaṃ kadāciccarmacakṣuṣe || 29 ||
[Analyze grammar]

śraddhālave vinītāya trikālajñānacakṣuṣe |
śivabhaktāya śāṃtāya vaktavyaṃ ca mumukṣave || 30 ||
[Analyze grammar]

avimuktaṃ tadarabhya kṣetrametadudīryate |
paryaṃka bhūtaṃ śivayorniraṃtarasukhāspadam || 31 ||
[Analyze grammar]

abhāvaḥ kalpyate mūḍhairyadā ca śivayostayoḥ |
kṣetrasyāsya tadābhāvaḥ kalpyo nirvāṇakāriṇaḥ || 32 ||
[Analyze grammar]

anārādhya maheśānamanavāpya ca kāśikām |
yogādyupāyavijñopi na nirvāṇamavāpnuyāt || 33 ||
[Analyze grammar]

asyānaṃdavanaṃ nāma purā kāri pinākinā |
kṣetrasyānaṃdahetutvādavimuktamaṃnataram || 34 ||
[Analyze grammar]

ānaṃdakaṃdabījānāmaṃkurāṇi yatastataḥ |
jñeyāni sarvaliṃgāni tasminnānaṃdakānane || 35 ||
[Analyze grammar]

avimuktamiti khyātamāsīditthaṃ ghaṭodbhava |
tathā cākhyāmyatha mune yathāsīnmaṇikarṇikā || 36 ||
[Analyze grammar]

prāgānaṃdavane tatra śivayo ramamāṇayoḥ |
icchetyabhūtkalaśaja sṛjyaḥ kopyaparaḥ kila || 37 ||
[Analyze grammar]

yasminnyaste mahābhāre āvāṃ svaḥ svairacāriṇau |
nirvāṇaśrāṇanaṃ kurvaḥ kevalaṃ kāśiśāyinām || 38 ||
[Analyze grammar]

sa eva sarvaṃ kurute sa eva paripāti ca |
sa eva saṃvṛṇotyaṃte sarvaiśvaryanidhiḥ sa ca || 39 ||
[Analyze grammar]

cetaḥsamudramākuṃcya ciṃtākalloladolitam |
sattvaratnaṃ tamogrāhaṃ rajovidrumavallitam || 40 ||
[Analyze grammar]

yasya prasādāttiṣṭhāvaḥ sukhamānaṃdakānane |
parikṣipta manovṛttau kva hi ciṃtāture sukham || 41 ||
[Analyze grammar]

saṃpradhāryeti sa vibhuḥ sarvataścitsvarūpayā |
tayā saha jagaddhātryā jagaddhātā'tha dhūrjaṭiḥ || 42 ||
[Analyze grammar]

savye vyāpārayāṃcakre dṛśamaṃge sudhāmucam |
tataḥ pumānāvirāsīdekastrailokyasuṃdaraḥ || 43 ||
[Analyze grammar]

śāṃtaḥ sattvaguṇodrikto gāṃbhīrya jitasāgaraḥ |
tathā ca kṣamayā yukto mune'labdhopamo'bhavat || 44 ||
[Analyze grammar]

iṃdranīladyutiḥśrīmānpuṃḍarīkottamekṣaṇaḥ |
suvarṇākṛti succhāya dukūlayugalāvṛtaḥ || 45 ||
[Analyze grammar]

lasatpracaṃḍadordaṃḍa yugaladvayarājitaḥ |
ullasatparamāmodanābhīhradakuśeśayaḥ || 46 ||
[Analyze grammar]

ekaḥ sarvaguṇāvāsastvekaḥ sarvakalānidhiḥ |
ekaḥ sarvottamo yasmāttato yaḥ puruṣottamaḥ || 47 ||
[Analyze grammar]

tato mahāṃtaṃ taṃ vīkṣya mahāmahimabhūṣaṇam |
mahādeva uvācedaṃ mahāviṣṇurbhavācyuta || 48 ||
[Analyze grammar]

tava niḥśvasitaṃ vedāstebhyaḥ sarvamavaiṣyasi |
vedadṛṣṭena mārgeṇa kuru sarvaṃ yathocitam || 49 ||
[Analyze grammar]

ityuktvā taṃ maheśāno buddhitattvasvarūpiṇam |
śivayā sahito rudro viveśānaṃdakānanam || 50 ||
[Analyze grammar]

tataḥ sa bhagavānviṣṇurmaulāvājñāṃ nidhāya ca |
kṣaṇaṃ dhyānaparo bhūtvā tapasyeva mano dadhau || 51 ||
[Analyze grammar]

khanitvā tatra cakreṇa ramyāṃ puṣkariṇīṃ hariḥ |
nijāṃgasvedasaṃdoha salilaistāmapūrayat || 52 ||
[Analyze grammar]

samāḥ sahasraṃ paṃcāśattapa ugraṃ cacāra saḥ |
cakrapuṣkīraṇī tīre tatra sthāṇusamākṛtiḥ || 53 ||
[Analyze grammar]

tataḥ sa bhagavānīśo mṛḍānyā sahito mṛḍaḥ |
dṛṣṭvā jvalaṃtaṃ tapasā niścalaṃ mīlitekṣaṇam || 54 ||
[Analyze grammar]

tamuvāca hṛṣīkeśaṃ maulimāṃdolayanmuhuḥ |
aho mahattvaṃ tapasastvaho dhairyaṃ ca cetasaḥ || 55 ||
[Analyze grammar]

aho aniṃdhano vahnirjvalatyeṣa niraṃtaram |
alaṃ taptvā mahāviṣṇo varaṃ varaya sattama || 56 ||
[Analyze grammar]

mṛḍasyāmroḍitamidaṃ pratyabhijñāya bhāṣitam |
unmīlita dṛgaṃbhojaḥ samuttasthau caturbhujaḥ || 57 ||
[Analyze grammar]

śrīviṣṇuruvāca |
yadi prasanno deveśa devadeva maheśvara |
bhavānyā sahitaṃ tvāṃ tu draṣṭumicchāmi sarvadā || 58 ||
[Analyze grammar]

sarvakarmasu sarvatra tvāmeva śaśiśekhara |
puraścaraṃ taṃ paśyāmi yathā tanme varastathā || 59 ||
[Analyze grammar]

tvadīya caraṇāṃbhoja makaraṃdamadhūtsukaḥ |
macceto bhramaro bhrāṃtiṃ vihāyāstu suniścalaḥ || 60 ||
[Analyze grammar]

śrīśiva uvāca |
evamastu hṛṣīkeśa yattvayoktaṃ janārdana |
anyaṃ varaṃ prayacchāmi tamākarṇaya suvrata || 61 ||
[Analyze grammar]

tvadīyasyāsya tapaso mahopacaya darśanāt |
yanmayāṃdolito maulirahiśravaṇabhūṣaṇaḥ || 62 ||
[Analyze grammar]

tadāṃdolanataḥ karṇātpapāta maṇikarṇikā |
maṇibhiḥ khacitā ramyā tato'stu maṇikarṇikā || 63 ||
[Analyze grammar]

cakrapuṣkariṇī tīrthaṃ purākhyātamidaṃ śubham |
tvayā cakreṇa khananācchaṃkhacakragadādhara || 64 ||
[Analyze grammar]

mama karṇātpapāteyaṃ yadā ca maṇikarṇikā |
tadāprabhṛti loke'tra khyātāstu maṇikarṇikā || 65 ||
[Analyze grammar]

śrīviṣṇuruvāca |
muktākuṃḍalapātena tavādritanayāpriya |
tīrthānāṃ paramaṃ tīrthaṃ muktikṣetramihāstu vai || 66 ||
[Analyze grammar]

kāśate'tra yato jyotistadanākhyeyamīśvaraḥ |
ato nāmāparaṃ cāstu kāśīti prathitaṃ vibho || 67 ||
[Analyze grammar]

anyaṃ varaṃ vare deva deyaḥ sopyavicāritam |
sa te paropakārārthaṃ jagadrakṣāmaṇe śiva || 68 ||
[Analyze grammar]

ābrahmastaṃbaparyaṃtaṃ yatkiṃcijjaṃtusaṃjñitam |
caturṣu bhūtagrāmeṣu kāśyāṃ tanmuktimāpsyatu || 69 ||
[Analyze grammar]

asmiṃstīrthavare śaṃbho maṇiśrava ṇabhūṣaṇe |
saṃdhyāṃ snānaṃ japaṃ homaṃ vedādhyayanamuttamam |
tarpaṇa piṃḍadānaṃ ca devatānāṃ ca pūjanam || 70 ||
[Analyze grammar]

gobhūtilahiraṇyāśvadīpānnāṃbarabhūṣaṇam |
kanyādānaṃ prayatnena saptataṃtūnanekaśaḥ || 71 ||
[Analyze grammar]

vratotsargaṃ vṛṣotsargaṃ liṃgādi sthāpanaṃ tathā |
karoti yo mahāprājño jñātvāyuḥkṣaṇagatvaram || 72 ||
[Analyze grammar]

vipattiṃ vipulāṃ cāpi saṃpattimatibhaṃgurām |
akṣayā muktirekāstu vipākastasya karmaṇaḥ || 73 ||
[Analyze grammar]

anyaccāpi śubhaṃ karma yadatra śraddhayāyutam |
vinātmaghātamīśāna tyaktvā prāyopaveśanam || 74 ||
[Analyze grammar]

naiḥśreyasyāḥ śriyo hetustadastu jagadīśvara |
nānuśocati nākhyāti kṛtvā kālāṃtarepi yat || 75 ||
[Analyze grammar]

tadihākṣayatāmetu tasyeśa tvadanugrahāt |
tava prasādāttasyeśa sarvamakṣayamastu tat || 76 ||
[Analyze grammar]

yadasti yadbhaviṣyacca yadbhūtaṃ ca sadāśiva |
tasmādetacca sarvasmātkṣetramastu śubhodayam || 77 ||
[Analyze grammar]

yathā sadāśiva tvatto na kiṃcidadhikaṃ śivam |
tathānaṃdavanādasmātkiṃcinmāstvadhikaṃ kvacit || 78 ||
[Analyze grammar]

vinā sāṃkhyena yogena vinā svātmāvalokanam |
vinā vrata tapo dānaiḥ śreyo'stu prāṇināmiha || 79 ||
[Analyze grammar]

śaśakā maśakā kīṭāḥ pataṃ gāsturagoragāḥ |
paṃcakrośyāṃ mṛtāḥ kāśyāṃ saṃtu nirvāṇadīkṣitāḥ || 80 ||
[Analyze grammar]

nāmāpi gṛhṇatāṃ kāśyāḥ sadaivāstvenasaḥ kṣayaḥ || 81 ||
[Analyze grammar]

sadā kṛtayugaṃ cāstu sadācāstūttarāyaṇam |
sadā mahodayaścāstu kāśyāṃ nivasatāṃ satām || 82 ||
[Analyze grammar]

yāni kāni pavitrāṇi śrutyuktāni sadāśiva |
tebhyo'dhikataraṃ cāstu kṣetrametattrilocana || 83 ||
[Analyze grammar]

caturṇāmapi vedānāṃ puṇyamadhyayanācca yat |
tatpuṇyaṃ jāyatāṃ kāśyāṃ gāyatrīlakṣa jāpyataḥ || 84 ||
[Analyze grammar]

aṣṭāṃgayogābhyāsena yatpuṇyamapi jāyateḥ |
tatpuṇyaṃ sādhikaṃ bhūyācchraddhākāśīniṣevaṇāt || 85 ||
[Analyze grammar]

kṛcchracāṃdrāyaṇādyaiśca yacchreyaḥ samupārjyate |
tadekenopavāsena bhavatvānaṃdakānane || 86 ||
[Analyze grammar]

anyatra yattapastaptvā śreyaḥ syāccharadāṃ śatam |
tadastu kāśyāṃ varṣeṇa bhūmiśayyā vratena hi || 87 ||
[Analyze grammar]

ājanma maunavratato yadanyatraphalaṃ smṛtam |
tadastu kāśyāṃ pakṣāhaḥ satyavākparibhāṣaṇāt || 88 ||
[Analyze grammar]

anyatra dattvā sarvasvaṃ sukṛtaṃ yatsamīritam |
sahasrabhojanātkāśyāṃ tadbhūyādayutādhikam || 89 ||
[Analyze grammar]

muktikṣetrāṇi sarvāṇi yatsaṃsevyoditaṃ phalam |
paṃcarātrāttadatrāstu niṣevya maṇikarṇikām || 90 ||
[Analyze grammar]

prayāgasnānapuṇyena yatpuṇyaṃ syācchivapradam |
kāśīdarśanamātreṇa tatpuṇyaṃ śraddhayāstviha || 91 ||
[Analyze grammar]

yatpuṇyamaśvamedhena yatpuṇyaṃ rājasūyataḥ |
kāśyāṃ tatpuṇyamāpnotu trirātraśayanādyamī || 92 ||
[Analyze grammar]

tulāpuruṣadānena yatpuṇyaṃ samyagāpyate |
kāśīdarśanamātreṇa tatpuṇyaṃ śraddhayāstu vai || 93 ||
[Analyze grammar]

iti viṣṇorvaraṃ śrutvā devadevo jagatpatiḥ |
uvāca ca prasannātmā tathā'stu madhusūdana || 94 ||
[Analyze grammar]

śrīmahādeva uvāca |
śṛṇu viṣṇo mahābāho jagataḥ prabhavāpyaya |
vidhehi sṛṣṭiṃ vividhāṃ yathāvattvaṃ śrutīritām || 95 ||
[Analyze grammar]

piteva sarvabhūtānāṃ dharmataḥ pālako bhava |
vidhvaṃsanīyā vividhā dharmadhvaṃsavidhāyinaḥ || 96 ||
[Analyze grammar]

dharmetarapathasthānāmupasaṃhṛtaye hare |
hetumātraṃ bhavānyasmātsvakarmanihatā hi te || 97 ||
[Analyze grammar]

yathā pariṇataṃ sasyaṃ patetprasavabaṃdhanāt |
te parīṇatapāpmānaḥ patiṣyaṃti tathā svayam || 98 ||
[Analyze grammar]

ye ca tvāmavamanyaṃte darpitāḥ svatapobalaiḥ |
teṣāṃ caivopasaṃhṛtyai prabhaviṣyāmyahaṃ hare || 99 ||
[Analyze grammar]

upapātakino ye ca mahāpātakinaśca ye |
tepi kāśīṃ samāsādya bhaviṣyaṃti gatainasaḥ || 100 ||
[Analyze grammar]

idaṃ mama priyaṃ kṣetraṃ paṃcakrośīparīmitam |
mamājñā prabhavedatra nānyājñā prabhavediha || 1 ||
[Analyze grammar]

punarviṣṇurmayā prokto mṛḍāni śubhalocane |
atyugratejasā tejo bhramaṃstrailokyavibhramaḥ || 2 ||
[Analyze grammar]

pāpināmapi jaṃtūnāmavimuktanivāsinām |
nānyaḥ śāsayitā vipṇo teṣāṃ śāstā'hameva hi || 3 ||
[Analyze grammar]

yojanānāṃ śatasthopi yo 'vimuktaṃ smareddhṛdi |
bahupātakapūrṇopi na sa pāpaiḥ prabādhyate || 4 ||
[Analyze grammar]

mama priyasya kṣetrasya yo'vimuktasya saṃsmaret |
prāṇa prayāṇasamaye dūragopyaghavānapi || 5 ||
[Analyze grammar]

sa pāpapūgamutsṛjya svargabhogānsamaśnute |
kāśīsmaraṇapuṇyena svargādbhraṣṭo hi jāyate || 6 ||
[Analyze grammar]

pṛthivyāmekarāḍbhūtvā bhuktvā bhogānanekaśaḥ |
prāpyāvimuktaṃ tatpuṇyānnirvāṇapadabhāgbhavet || 7 ||
[Analyze grammar]

bahukālamuṣitvā'tra niyateṃdriyamānasaḥ |
yadyanyatra vipadyeta daivayogācchucismite || 8 ||
[Analyze grammar]

sopi svargasukhaṃ bhuktvā bhūtvā kṣitipatīśvaraḥ |
punaḥ kāśīmavāpyātha viṃdennaiḥśreyasīṃ śriyam || 9 ||
[Analyze grammar]

viṣṇo'vimukte saṃvāsaḥ karmanirmūlanakṣamaḥ |
dvitrāṇāṃ hi pavitrāṇāṃ nirvāṇā yeha jāyate || 110 ||
[Analyze grammar]

viṣṇuruvāca |
deveśakṣetramāhātmyaṃ yo na jānāti tattvataḥ |
na śraddadhāti mriyate mṛte tasyeha kā gatiḥ || 11 ||
[Analyze grammar]

śiva uvāca |
anyatra kṛtvā pāpāni bahūni sumahāṃti ca |
aśraddadhāno'tattvajño yadyatra ca vipadyate || 12 ||
[Analyze grammar]

mahimanyanabhijñopi kṣetrasyāsya janārdana |
tasya yā gatiruddiṣṭā tāṃ niśāmaya suvrata || 13 ||
[Analyze grammar]

paṃcakrośīṃ praviśatastasya pātakasaṃtatiḥ |
bahireva pratiṣṭheta nāṃtarnirviśate kvacit || 14 ||
[Analyze grammar]

bhayādbahiḥ sthitāyāṃ ca tasya pātakasaṃtatau |
triśūlapāśapāṇīnāṃ gaṇānāṃ sīmacāriṇām || 15 ||
[Analyze grammar]

praveśamātrādanagha sarvairenobhirujjhitaḥ |
saṃsnāya maṇikarṇikyāṃ puṇyaṃ prāpnotyanuttamam || 16 ||
[Analyze grammar]

sarvatīrtheṣusaṃsnānādyatpuṇyaṃ samavāpyate |
tatpuṇyamāpyate samyaṅmaṇikarṇyeka majjanāt || 17 ||
[Analyze grammar]

vidhinā tatra saṃsnāya mṛdgomayakuśādibhiḥ |
svaśākhāvāruṇairmaṃtrairdūrvāpāmārgadarbhakaiḥ || 18 ||
[Analyze grammar]

sarvatīrtheṣu yatpuṇyaṃ sarvadāneṣu yatphalam |
maṇikarṇyāṃ vidhisnātaḥ śraddhayā tadavāpnuyāt || 19 ||
[Analyze grammar]

aśraddhayāpi yaḥ snāto maṇikarṇyāṃ vidhānataḥ |
sopi puṇyamavāpnoti svargaprāptikaraṃ param || 120 ||
[Analyze grammar]

śraddhayā vidhivatsnātvā kṛtvā devāditarpaṇam |
tilabarhiryavaiḥ samyaksarvayajñaphalaṃ labhet || 21 ||
[Analyze grammar]

śraddadhāno vidhisnātaḥ kṛta sarvodakakriyaḥ |
japandevānsamabhyarcya sarvamaṃtraphalaṃ labhet || 22 ||
[Analyze grammar]

snātvā maunena viśveśa darśanā nniyateṃdriyaḥ |
sarvavratakṛtaṃ śreyo labhedvācaṃyamaḥ śive || 23 ||
[Analyze grammar]

snāne devārcane japye malamūtravisarjane |
maunaṃ kuryātprayatnena daṃtadhāvanahomayoḥ || 24 ||
[Analyze grammar]

viśveśvaraṃ samabhyarcya sūpacārairvidhānataḥ |
yāvajjīvaṃ śivārcāyāḥ phalamāpnoti vai sakṛt || 25 ||
[Analyze grammar]

dattvālpamapi deveśi nyāyenopārjitaṃ dhanam |
avimukte mama kṣetre na daridro bhavetkvacit || 26 ||
[Analyze grammar]

vividhaṃ dhanamāvarjya yo'vimukte na yacchati |
saṃprāpya nidhanaṃ mūḍho'nyatra śocati sarvadā || 27 ||
[Analyze grammar]

ramyāṇi yāni ratnāni gogajāśvāṃbarāṇyapi |
kṛtāni tāni śreyorthamavimuktanivāsinām || 28 ||
[Analyze grammar]

viśveśaprīṇanārthāya dhanaṃ nidhanameva vā |
nyāyena kāśyāṃ yaḥ kuryātsa dhanyaḥ sa ca dharmavit || 29 ||
[Analyze grammar]

yosau viśveśvaro devaḥ kāśīpuryāmume sthitaḥ |
liṃgarūpadharaḥ sākṣānmama śreyāspadaṃ hi tat || 130 ||
[Analyze grammar]

avimuktaṃ mahatkṣetraṃ paṃcakrośaparīmitam |
jyotirligaṃ tadekaṃ hi jñeyaṃ viśveśvarābhidham || 31 ||
[Analyze grammar]

ekadeśasthitamapi yathā mārtaṃḍamaṃḍalam |
dṛśyate sarvagaṃ sarvaiḥ kāśyāṃ viśveśvarastathā || 32 ||
[Analyze grammar]

niṣpratyūhena yogena nānājanmārjitena ca |
yatphalaṃ labhyate'nyatra tatkāśyāṃ tyajatastanuma || 33 ||
[Analyze grammar]

taptvā tapāṃsi sarvāṇi bahukālaṃ jiteṃdriyaiḥ |
yatphalaṃ labhyate'nyatra tatkāśyāmekarātrataḥ || 34 ||
[Analyze grammar]

akṣetramahimajñopi śraddhāhīnopi kālataḥ |
kāśīpraveśādanagho'mṛtatvaṃ labhatemṛtaḥ || 35 ||
[Analyze grammar]

kṛtvāpyenāṃsi cogrāṇi kālātprāpyātha kāśikām |
tyaktvā tanuṃ prasādānme māmeva pratipadyate || 36 ||
[Analyze grammar]

vinā mama prasādaṃ vai kaḥ kāśīṃ pratipadyate |
vinā bradhnaṃ viśālākṣi dinakṛtka ihocyate || 37 ||
[Analyze grammar]

aprāpya kāśīṃ ko devi niraṃtara sukhaṃ labhet |
bahmādyāḥ prākṛtaiḥ pāśairyato baddhā niraṃtaram || 38 ||
[Analyze grammar]

caturviṃśatibhiḥ pāśaistriguṇaiḥ kriyayā dṛḍhaiḥ |
kaṃṭhe baddhā vimucyaṃte kathaṃ kāśīṃ vinā janāḥ || 39 ||
[Analyze grammar]

bahūpasargo yogoyaṃ kṛcchrasādhyaṃ tapo hi yat |
yogādbhraṣṭastapobhraṣṭo garbhakleśasahaḥpunaḥ || 140 ||
[Analyze grammar]

kṛtvāpi kāśyāṃ pāpāni kāśyāmeva mriyeta cet |
bhūtvā rudrapiśācopi punarmuktimavāpsyati || 41 ||
[Analyze grammar]

kāśyāṃ mṛtānāṃ jaṃtūnāṃ daivātpāpakṛtāmapi |
na pāto narake teṣāṃ teṣāṃ śāstāhameva yat || 42 ||
[Analyze grammar]

kāyaṃ vijñāya sāpāyaṃ smṛtvā garbhasya vedanām |
tyaktvā rājyamapi prājyaṃ sevyā kāśī niraṃtaram || 43 ||
[Analyze grammar]

atarkitaṃ samabhyetya yamadūtāḥ sudāruṇāḥ |
baddhvā pāśairhaniṣyaṃti kṣipraṃ kāśīṃ tataḥ śrayeta || 44 ||
[Analyze grammar]

na pāpebhyo bhayaṃ yatra na bhayaṃ yatra vai yamāt |
na garbhavāsabhīryatra tāṃ kāśīṃ ko na saṃśrayet || 45 ||
[Analyze grammar]

adya prātaḥ paraśvo vā maraṇaṃ prāpyameva ca |
yāvatkālavilaṃbosti tāvatkāśīṃ samāśrayet || 46 ||
[Analyze grammar]

prāpte tu maraṇe puṃsāṃ punarjanma punarmṛtiḥ |
apunarbhavabhūmiṃ ca tasmātkāśīṃ śrayedbudhaḥ || 47 ||
[Analyze grammar]

putrakṣetrakalatrākhyāṃ tyaktvā māyāṃ hi vaiṣṇavīm |
bhavāṃtarenekarūpāṃ bhavaghnīṃ kāśikāṃ śrayet || 48 ||
[Analyze grammar]

skaṃda uvāca |
dūraṃ me maraṇaṃyuvāhamadhunā dhāryaṃ na cittetviti śrotavyo nibhṛtaṃ kṛtāṃta mahiṣagraiveyaghaṃṭāravaḥ |
naikaṭyātprakaṭotkaṭaśramaghaṭāmaprāpya hitvā drutaṃ jīrṇāṃ parṇakuṭīṃ tataḥ paṭumatirgacchetpurīṃ dhūrjaṭeḥ || 49 ||
[Analyze grammar]

vyāsa uvāca |
agastyasya puraḥ sūta kathayitvā kathāmimām |
sarvapāpapraśamanīṃ punaḥ skaṃda uvāca ha || 150 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍe pūrvārddhe maṇikarṇikākhyānaṃ nāma ṣaḍviṃśo'dhyāyaḥ || 26 ||
[Analyze grammar]