Chapter 45

[English text for this chapter is available]

bhīṣma uvāca |
idānīṃ śrotumicchāmi hiraṇyakaśiporvadham |
narasiṃhasya māhātmyaṃ tathā pāpavināśanam || 1 ||
[Analyze grammar]

pulastya uvāca |
purā kṛtayuge rājanhiraṇyakaśipuḥ prabhuḥ |
daityānāmādipuruṣaścakāra sumahattapaḥ || 2 ||
[Analyze grammar]

daśavarṣasahasrāṇi daśavarṣaśatāni ca |
jalavāsī samabhavatsnānamaunadhṛtavrataḥ || 3 ||
[Analyze grammar]

vṛtaḥ śamadamābhyāṃ ca brahmacaryeṇa caiva hi |
brahmā prīto'bhavattasya tapasā niyamena ca || 4 ||
[Analyze grammar]

tataḥ svayaṃbhūrbhagavānsvayamāgatya tatra hi |
vimānenārkavarṇena haṃsayuktena bhāsvatā || 5 ||
[Analyze grammar]

ādityairvasubhiḥ sādhyairmarudbhirdaivataissaha |
rudrairviśvasahāyaiśca yakṣarākṣasapannagaiḥ || 6 ||
[Analyze grammar]

digbhiścaiva vidigbhiśca nadībhiḥ sāgaraistathā |
nakṣatraiśca muhūrtaiśca khacaraiśca mahāgrahaiḥ || 7 ||
[Analyze grammar]

devairbrahmarṣibhiḥ sārddhaṃ siddhaiḥ saptarṣibhistathā |
rājarṣibhiḥ puṇyakṛdbhirgaṃdharvāpsarasāṃgaṇaiḥ || 8 ||
[Analyze grammar]

carācaraguruḥ śrīmānvṛtaḥ sarvairdivaukasaiḥ |
brahmā brahmavidāṃ śreṣṭho daityaṃ vacanamabravīt || 9 ||
[Analyze grammar]

prītosmi tava bhaktasya tapasā'nena suvrata |
varaṃ varaya bhadraṃ te yatheṣṭaṃ kāmamāpnuhi || 10 ||
[Analyze grammar]

hiraṇyakaśipuruvāca |
na devāsuragaṃdharvā na yakṣoragarākṣasāḥ |
na mānuṣāḥ piśācāśca hanyurmāṃ devasattama || 11 ||
[Analyze grammar]

ṛṣayo mānavāḥ śāpairna śapeyuḥ pitāmaha |
yadi me bhagavānprīto vara eṣa vṛto mayā || 12 ||
[Analyze grammar]

na śastreṇa na cāstreṇa giriṇā pādapena vā |
na śuṣkeṇa na cārdreṇa na syāccānyena me vadhaḥ || 13 ||
[Analyze grammar]

bhaveyamahamevārkaḥ somo vāyurhutāśanaḥ |
salilaṃ cāṃtarikṣaṃ ca nakṣatrāṇi diśo daśa || 14 ||
[Analyze grammar]

ahaṃ krodhaśca kāmaśca varuṇo vāsavo yamaḥ |
dhanadaśca dhanādhyakṣo yakṣaḥ kiṃpuruṣādhipaḥ || 15 ||
[Analyze grammar]

brahmovāca |
eṣa divyo varastāta mayā dattastavādbhutaḥ |
sarvakāmaprado vatsa prāpsyasi tvaṃ na saṃśayaḥ || 16 ||
[Analyze grammar]

evamuktvā sa bhagavānjagāmākāśameva hi |
vairājaṃ brahmasadanaṃ brahmarṣigaṇasevitam || 17 ||
[Analyze grammar]

tato devāśca gaṃdharvā ṛṣibhiḥ saha cāraṇāḥ |
varapradānaṃ śrutvaivaṃ pitāmahamupasthitāḥ || 18 ||
[Analyze grammar]

devā ūcuḥ |
varapradānādbhagavanvadhiṣyati sa no'suraḥ |
tatprasādaśca bhagavanvadhopyasya viciṃtyatām || 19 ||
[Analyze grammar]

bhagavānsarvabhūtānāmādikarttā svayaṃprabhuḥ |
sraṣṭā ca havyakavyānāmavyaktaprakṛtiḥ paraḥ || 20 ||
[Analyze grammar]

sarvalokahitaṃ vākyaṃ śrutvā devaḥ prajāpatiḥ |
āśvāsayāmāsa tadā suśītairvacanāṃbubhiḥ || 21 ||
[Analyze grammar]

avaśyaṃ tridaśānena prāptavyaṃ tapasaḥ phalaṃ |
tapaso'nte'sya bhagavānvadhaṃ viṣṇuḥ kariṣyati || 22 ||
[Analyze grammar]

tacchrutvā vibudhā vākyaṃ sarve paṃkajajānanāt |
svāni sthānāni divyāni viprajagmurmudānvitāḥ || 23 ||
[Analyze grammar]

labdhamātre vare sotha prajāssarvā abādhata |
hiraṇyakaśipurdaityo varadānena garvitaḥ || 24 ||
[Analyze grammar]

āśrameṣu mahābhāgānmunīnvai śaṃsitavratān |
satyadharmaparāndāntāndharṣayāmāsa dānavaḥ || 25 ||
[Analyze grammar]

devāṃstribhuvanasthāṃśca parājitya mahāsuraḥ |
trailokyaṃ vaśamānīya svarge vasati dānavaḥ || 26 ||
[Analyze grammar]

yadā varamadotsiktaścoditaḥ kāladharmiṇā |
yajñiyānakaroddaityānayajñīyāṃśca daivatān || 27 ||
[Analyze grammar]

tathā daityāśca sādhyāśca viśve ca vasavastathā |
rudrā devagaṇā yakṣā devadvijamaharṣayaḥ || 28 ||
[Analyze grammar]

śaraṇyaṃ śaraṇaṃ viṣṇumupatasthurmahābalam |
devadevaṃ yajñamayaṃ vāsudevaṃ sanātanam || 29 ||
[Analyze grammar]

devā ūcuḥ |
nārāyaṇa mahābhāga devāstvāṃ śaraṇaṃ gatāḥ |
trāyasva jahi daityeṃdraṃ hiraṇyakaśipuṃ prabho || 30 ||
[Analyze grammar]

tvaṃ hi naḥ paramodātā tvaṃ hi naḥ paramo guruḥ |
tvaṃ hi naḥ paramo devo brahmādīnāṃ surottamaḥ || 31 ||
[Analyze grammar]

viṣṇuruvāca |
bhayaṃ tyajaddhvamamarā abhayaṃ vo dadāmyaham |
tathaiva tridivaṃ devāḥ pratipadyata māciram || 32 ||
[Analyze grammar]

enaṃ hi sagaṇaṃ daityaṃ varadānena garvitam |
avadhyamamareṃdrāṇāṃ dānaveṃdraṃ nihanmyaham || 33 ||
[Analyze grammar]

evamuktvā tu bhagavānviśvapo viṣṇuravyayaḥ |
hiraṇyakaśipusthānaṃ jagāma harirīśvaraḥ || 34 ||
[Analyze grammar]

tejasā bhāskārākāraḥ śaśīkāṃtyeva cāparaḥ |
narasya kṛtvārdhatanuṃ siṃhasyārddhatanuṃ tathā || 35 ||
[Analyze grammar]

nārasiṃhena vapuṣā pāṇiṃ saṃgṛhya pāṇinā |
tato dadarśa vistīrṇāṃ divyāṃ ramyāṃ manoramām || 36 ||
[Analyze grammar]

sarvakāmayutāṃ śubhrāṃ hiraṇyakaśipoḥ sabhām |
vistīrṇāṃ yojanaśataṃ śatamadhyarddhamāyatām || 37 ||
[Analyze grammar]

vaihāyasīṃ kāmagamāṃ paṃcayojanamucchritām |
jarāśokakṣamāpetāṃ niṣprakampyāṃ śivāṃ sukhām || 38 ||
[Analyze grammar]

veśmāsanavatīṃ ramyāṃ jvalaṃtīmiva tejasā |
aṃtaḥsalilasaṃyuktāṃ vihitāṃ viśvakarmaṇā || 39 ||
[Analyze grammar]

divyavarṇamayairvṛkṣaiḥ phalapuṣpapradairyutām |
nīlapītāsitaśyāmaiḥ śvetairlohitakairapi || 40 ||
[Analyze grammar]

avadātaistathā gulmai raktamaṃjaridhāribhiḥ |
sitābhraghanasaṃkāśāṃ plavaṃtīṃ ca dadarśa saḥ || 41 ||
[Analyze grammar]

raśmimatī svabhāvena divyagaṃdhamanoramā |
susukhā na ca duḥkhā sā na śītā na ca gharmadā || 42 ||
[Analyze grammar]

na kṣutpipāse glāniṃ vā prāpyatāṃ prāpnuvaṃti te |
nānarūpairupakṛtā sucitraiśca subhāsvaraiḥ || 43 ||
[Analyze grammar]

aticaṃdrātisūryāti śikhikānti svayaṃprabhā |
dīpyate nākapṛṣṭhasthā bhāsayaṃtī vibhāsurā || 44 ||
[Analyze grammar]

sarve cakāśire tasyāṃ muditāścaiva mānuṣāḥ |
rasavacca prabhūtaṃ ca bhakṣyabhojyānnamuttamaṃ || 45 ||
[Analyze grammar]

puṇyagaṃdhāsrajaścāpi nityakālaphalā drumāḥ |
uṣṇe śītāni toyāni śīte coṣṇāni saṃti vai || 46 ||
[Analyze grammar]

puṣpitāgrānmahāśākhānpravālāṃkuradhāriṇaḥ |
latāvitānasaṃchannānkalpānaikṣiṣṭha sa prabhuḥ || 47 ||
[Analyze grammar]

gaṃdhavaṃti ca puṣpāṇi rasavaṃti phalāni ca |
tāni śītāni coṣṇāni tatratatra sarāṃsi ca || 48 ||
[Analyze grammar]

apaśyadbhūpatīrthāni sabhāyāṃ tasya sa prabhuḥ |
nalinaiḥ puṃḍarīkaiśca śatapatraiḥ sugaṃdhibhiḥ || 49 ||
[Analyze grammar]

raktaiḥ kuvalayaiścaiva kalhārairutpalaistathā |
nānāścaryasamopetaiḥ puṣpairanyaiśca supriyaiḥ || 50 ||
[Analyze grammar]

kāraṃḍavaiścakravākaiḥ sārasaiḥ kurarairapi |
vimalasphaṭikābhāni pāṃḍuracchadanairdvijaiḥ || 51 ||
[Analyze grammar]

bahuhaṃsopagītāni sārasānāṃ rutāni ca |
gaṃdhayuktā latāstatra puṣpamaṃjaridhāriṇīḥ || 52 ||
[Analyze grammar]

dṛṣṭavānbhagavānhṛṣṭaḥ khadirānvetasārjunān |
cūtānimbānāgavṛkṣāḥ kadaṃbā bakulā dhavāḥ || 53 ||
[Analyze grammar]

priyaṃgavaḥ pāṭalākhyāḥ śālmalyassa haridravāḥ |
śālāstālāstamālāśca caṃpakāśca manoramāḥ || 54 ||
[Analyze grammar]

tathaivānye vyarājaṃta sabhāyāṃ puṣpitā drumāḥ |
elāka kubhakaṃkola lavalī karṇapūrakāḥ || 55 ||
[Analyze grammar]

madhukāḥ kovidārāśca bahutālasamucchrayāḥ |
aṃjanāśokaparṇāsā bahavaścitrakā drumāḥ || 56 ||
[Analyze grammar]

varuṇāśca palāśāścā panasāssaha caṃdanaiḥ |
nīlāssumanasaścaiva nīpāścāśvatthatiṃdukāḥ || 57 ||
[Analyze grammar]

pārijātāśca taravo mallikā bhadradāravaḥ |
aṭarūṣāḥ pīlūkāśca tathā caivailavālukāḥ || 58 ||
[Analyze grammar]

maṃdārakāḥ kuravakā punnāgāḥ kuṭajāstathā |
raktāḥ kuravakāścaiva nīlāścāgarubhiḥ saha || 59 ||
[Analyze grammar]

kiṃśukāścaiva bhavyāśca dāḍimā bījapūrakāḥ |
kāleyakā dukūlāśca hiṃgavastailavarttikāḥ || 60 ||
[Analyze grammar]

kharjūrā nālikerāśca harītaka madhūkakāḥ |
saptaparṇāśca bilvāśca sayāvāśca śarāvatāḥ || 61 ||
[Analyze grammar]

asanāśca tamālāśca nānāgulmasamāvṛtāḥ |
latāśca vividhākārāḥ puṣpapatraphalopagāḥ || 62 ||
[Analyze grammar]

ete cānye ca bahavastatra kānanajā drumāḥ |
nānāpuṣpaphalopetā vyarājaṃta samaṃtataḥ || 63 ||
[Analyze grammar]

cakorāḥ śatapatrāśca mattakokilaśārikāḥ |
puṣpitānpuṣpitāgrāṃśca saṃpataṃti mahādrumān || 64 ||
[Analyze grammar]

raktapītāruṇāstatra pādapāgragatāḥ khagāḥ |
parasparamavaikṣaṃta prahṛṣṭā jīvajīvikāḥ || 65 ||
[Analyze grammar]

tasyāṃ sabhāyāṃ daityeṃdro hiraṇyakaśipustadā |
āsīna āsane citre daśanalve pramāṇataḥ || 66 ||
[Analyze grammar]

divākaranibhe divye divyāstaraṇasaṃstṛte |
hiraṇyakaśipurdaitya āste jvalitakuṃḍalaḥ || 67 ||
[Analyze grammar]

upacerurmahādaityā hiraṇyakaśipuṃ tadā |
divyatālāni gītāni jagurgaṃdharvasattamāḥ || 68 ||
[Analyze grammar]

viśvācī sahajanyā ca pramloceti ca pūjitā |
divyātha saurabheyī ca samīcī puṃjikasthalā || 69 ||
[Analyze grammar]

miśrakeśī ca raṃbhā ca citrabhā śrutivibhramā |
cārunetrā ghṛtācī ca menakā corvaśī tathā || 70 ||
[Analyze grammar]

etāssahasraśaścānyā nṛtyagītaviśāradāḥ |
upātiṣṭhaṃta rājānaṃ hiraṇyakaśipuṃ prabhum || 71 ||
[Analyze grammar]

upāsate diteḥ putrāḥ sarve labdhavarāstathā |
balirvirocanastatra narakaḥ pṛthivīsutaḥ || 72 ||
[Analyze grammar]

prahlādo vipracittiśca gaviṣṭhaśca mahāsuraḥ |
surahantā duḥkhakartā samanāssumatistathā || 73 ||
[Analyze grammar]

ghaṭodaro mahāpārśvaḥ krathanaḥ piṭharastathā |
viśvarūpasvarūpaśca viśvakāyo mahābalaḥ || 74 ||
[Analyze grammar]

daśagrīvaśca vālī ca meghavāsā mahāsuraḥ |
ghaṭābho viṭarūpaśca jvalanaśceṃdratāpanaḥ || 75 ||
[Analyze grammar]

daityadānavasaṃghāste sarve jvalitakuṃḍalāḥ |
sragviṇo varmiṇaḥ sarve sarve ca caritavratāḥ || 76 ||
[Analyze grammar]

sarve labdhavarāḥ śūrāssarve vihitamṛtyavaḥ |
ete cānye ca bahavo hiraṇyakaśipuṃ prabhum || 77 ||
[Analyze grammar]

upāsate mahātmānaṃ sarve divyaparicchadāḥ |
vimānairvividhākārairbhrājamānairivāgnibhiḥ || 78 ||
[Analyze grammar]

mahendravapuṣaḥ sarve vicitrāṃgadabāhavaḥ |
bhūṣitāṃgā diteḥ putrāstamupāsata sarvataḥ || 79 ||
[Analyze grammar]

aiśvaryaṃ daityasiṃhasya yathā tasya mahātmanaḥ |
na śrutaṃ naiva dṛṣṭaṃ ca kasyāpi bhuvanatraye || 80 ||
[Analyze grammar]

rajatakanakacitravedikāyāṃ parikṛtaratnavicitravīthikāyām |
sa dadarśa mṛgādhipaḥ sabhāyāṃ surucira jālagavākṣaśobhitāyām || 81 ||
[Analyze grammar]

kanakavalayahārabhūṣitāṃgaṃ dititanayaṃ sa mṛgādhipo dadarśa |
divasakarakaraprabhaṃ jvalaṃtaṃ ditijasahasraśatairniṣevyamāṇam || 82 ||
[Analyze grammar]

tato dṛṣṭvā mahābhāgaṃ kālacakramivāgatam |
nārasiṃhavapuśchannaṃ bhasmacchannamivānalam || 83 ||
[Analyze grammar]

hiraṇyakaśipoḥ putraḥ prahlādo nāma vīryavān |
divyena vapuṣā siṃhamapaśyaddevamāgatam || 84 ||
[Analyze grammar]

taṃ dṛṣṭvā rukmaśailābhamapūrvāṃ tanumāśritam |
vismitā dānavāḥ sarve hiraṇyakaśipuśca saḥ || 85 ||
[Analyze grammar]

prahlāda uvāca |
mahārāja mahābāho daityānāmādisaṃbhava |
na śrutaṃ naiva me dṛṣṭaṃ nārasiṃhamidaṃ vapuḥ || 86 ||
[Analyze grammar]

avyaktaṃ paramaṃ divyaṃ kimidaṃ rūpamāgatam |
daityāṃtakaraṇaṃ ghoraṃ śaṃsatīva mano mama || 87 ||
[Analyze grammar]

asya devāḥ śarīrasthāḥ sāgarāḥ saritastathā |
himavānpāriyātraśca ye cānye kulaparvatāḥ || 88 ||
[Analyze grammar]

caṃdramāssahanakṣatrairādityā raśmibhiḥ saha |
dhanado varuṇaścaiva yamaḥ śakraḥ śacīpatiḥ || 89 ||
[Analyze grammar]

maruto devagaṃdharvā ṛṣayaśca tapodhanāḥ |
nāgā yakṣāḥ piśācāśca rākṣasā bhīmavikramāḥ || 90 ||
[Analyze grammar]

brahmā devāḥ paśupatirlalāṭasthā bhramaṃti hi |
sthāvarāṇi ca sarvāṇi jaṃgamāni tathaiva ca || 91 ||
[Analyze grammar]

bhavāṃśca sahitosmābhiḥ sarvairdaityagaṇairvṛtaḥ |
vimānaśatasaṃkīrṇā sarvā yā bhavataḥ sabhā || 92 ||
[Analyze grammar]

sarvaṃ tribhuvanaṃ rājanlokadharmaśca śāśvataḥ |
dṛśyate narasiṃhesmiṃstathedaṃ nikhilaṃ jagat || 93 ||
[Analyze grammar]

prajāpatiścātra manurmahātmā grahāśca yogāśca mahī nabhaśca |
utpātakālaśca dhṛtirmatiśca ratiśca satyaṃ ca tapo damaśca || 94 ||
[Analyze grammar]

sanatkumāraśca mahānubhāvo viśve ca devā ṝṣayaśca sarve |
krodhaśca kāmaśca tathaiva harṣo darpaśca mohaḥ pitaraśca sarve || 95 ||
[Analyze grammar]

prahlādasya vacaḥ śrutvā hiraṇyakaśipuḥ prabhuḥ |
uvāca dānavānsarvāngaṇāṃśca sagaṇādhipaḥ || 96 ||
[Analyze grammar]

mṛgeṃdro gṛhyatāmeṣa apūrvāṃ tanumāsthitaḥ |
yadi vā saṃśayaḥ kaścidvadhyatāṃ vanagocaraḥ || 97 ||
[Analyze grammar]

te dānavagaṇāssarve mṛgeṃdraṃ bhīmavikramam |
parikṣipaṃto muditāstrāsayāmāsurojasā || 98 ||
[Analyze grammar]

siṃhanādaṃ vimucyātha narasiṃho mahābalaḥ |
babhaṃja tāṃ sabhāṃ sarvāṃ vyāditāsya ivāṃtakaḥ || 99 ||
[Analyze grammar]

sabhāyāṃ bhajyamānāyāṃ hiraṇyakaśipuḥ svayam |
cikṣepāstrāṇi siṃhasya roṣavyākulalocanaḥ || 100 ||
[Analyze grammar]

sarvāstrāṇāmatha śreṣṭhaṃ daṃḍamastraṃ sudāruṇam |
kālacakraṃ tathā ghoraṃ viṣṇucakraṃ tathāparaṃ || 101 ||
[Analyze grammar]

paitāmahaṃ mahātyugraṃ trailokyanirmitaṃ mahat |
vicitrāmaśaniṃ caiva śuṣkādraṃ cāśanidvayam || 102 ||
[Analyze grammar]

raudraṃ tathograśūlaṃ ca kaṃkālaṃ musalaṃ tathā |
astraṃ brahmaśiraścaiva brāhmamastraṃ tathaiva ca || 103 ||
[Analyze grammar]

nārāyaṇāstramaiṃdraṃ ca āgneyaṃ śaiśiraṃ tathā |
vāyavyaṃ mathanaṃ caiva kapālamatha kiṃkaram || 104 ||
[Analyze grammar]

tathā pratihatāṃ śaktiṃ krauṃcamastraṃ tathaiva ca |
mohanaṃ śoṣaṇaṃ caiva saṃtāpanavilāpane || 105 ||
[Analyze grammar]

kaṃpanaṃ śātanaṃ caiva mahāstraṃ caiva rodhanam |
kālamudgaramakṣobhyaṃ tāpanaṃ ca mahābalam || 106 ||
[Analyze grammar]

saṃvartanaṃ mohanaṃ ca tathā māyādharaṃ varam |
gāndharvamastraṃ dayitamasiratnaṃ ca naṃdakam || 107 ||
[Analyze grammar]

prasvāpanaṃ pramathanaṃ vāruṇaṃ cāstramuttamam |
astraṃ pāśupataṃ caiva yasyā pratihatā gatiḥ || 108 ||
[Analyze grammar]

etānyastrāṇi divyāni hiraṇyakaśipustadā |
asṛjannarasiṃhasya dīptasyāgnerivāhutim || 109 ||
[Analyze grammar]

astraiḥ prajvalitaiḥ siṃhamāvṛṇodasurottamaḥ |
vivasvāngharmasamaye himavaṃtamivāṃśubhiḥ || 110 ||
[Analyze grammar]

sa hyamarṣānilodbhūto daityānāṃ sainyasāgaraḥ |
kṣaṇenāplāvayatsarvaṃ mainākamiva sāgaraḥ || 111 ||
[Analyze grammar]

prāsaiḥ pāśaiśca khaḍgaiśca gadābhirmusalaistathā |
vajrairaśanibhiścaiva bahuśākhairmahādrumaiḥ || 112 ||
[Analyze grammar]

mudgaraiḥ kūṭapāśaiśca śilolūkhalaparvataiḥ |
śataghnībhiśca dīptābhirdaṃḍairapi sudāruṇaiḥ || 113 ||
[Analyze grammar]

te dānavāḥ pāśagṛhītahastā maheṃdratulyāśanitulya vegāḥ |
samaṃtatobhyudyatabāhukāyāḥ sthitāḥ saśīrṣā iva nāgapotāḥ || 114 ||
[Analyze grammar]

suvarṇamālākulabhūṣitāṃgāḥ sutīkṣṇadaṃṣṭrākulavaktragartāḥ |
sphuratprabhāste ca saśṛṃgadehāścīnāṃśukā bhāṃti yathaiva haṃsāḥ || 115 ||
[Analyze grammar]

sosṛjaddānavo māyāmagniṃ vāyuṃ samīritam |
tamiṃdrastoyadaiḥ sārdhaṃ sahasrākṣo mahādyutiḥ || 116 ||
[Analyze grammar]

mahatā toyavarṣeṇa śamayamāsa pāvakam |
tasyāṃ pratihatāyāṃ tu māyāyāṃ yudhi dānavaḥ || 117 ||
[Analyze grammar]

asṛjadghorasaṃkāśaṃ tamastīvraṃ samaṃtataḥ |
tamasā saṃvṛte loke daityeṣvāttāyudheṣu ca || 118 ||
[Analyze grammar]

svatejasā parivṛto divākara ivodgataḥ |
triśikhāṃ bhrukuṭīmasya dadṛśurdānavā raṇe || 119 ||
[Analyze grammar]

lalāṭasthāṃ trikūṭasthāṃ gaṃgāṃ tripathagāmiva |
tataḥ sarvāsu māyāsu hatāsu ditinaṃdanāḥ || 120 ||
[Analyze grammar]

hiraṇyakaśipuṃ daityā viṣaṇṇāśśaraṇaṃ yayuḥ |
tataḥ prajvalitaḥ krodhātpradahanniva tejasā || 121 ||
[Analyze grammar]

tasminkruddhe tu daityeṃdre tamobhūtamabhūjjagat |
āvahaḥ pravahaścaiva vivahotha samīraṇaḥ || 122 ||
[Analyze grammar]

parāvahassaṃvahaśca udvahaśca mahābalaḥ |
tathā parivahaḥ śrīmānutpātabhayaśaṃsinaḥ || 123 ||
[Analyze grammar]

ityevaṃ kṣubhitāḥ sapta maruto gaganecarāḥ |
ye grahāssarvalokasya kṣaye prādurbhavaṃti hi || 124 ||
[Analyze grammar]

te sarve gagane hṛṣṭāvyacaraṃśca yathāsukham |
ayogataścāpyacaradyogaṃ niśi niśācaraḥ || 125 ||
[Analyze grammar]

sagrahaḥ saha nakṣatraistārāpatirariṃdama |
vivarṇatāṃ ca bhagavāngato divi divākaraḥ || 126 ||
[Analyze grammar]

kṛṣṇaḥ kabaṃdhaśca tadā lakṣyate sumahāndivi |
asṛjaccāsitāṃ sūryo dhūmavattāṃ vibhāvasuḥ || 127 ||
[Analyze grammar]

gaganasthaśca bhagavānabhīkṣṇaṃ pariviṣyate |
saptadhūmanibhā ghorāḥ sūryādi visamutthitāḥ || 128 ||
[Analyze grammar]

somasya gaganasthasya grahāstiṣṭhaṃti śṛṃṅgagāḥ |
vāme ca dakṣiṇe caiva sthitau śukrabṛhaspatī || 129 ||
[Analyze grammar]

śanaiścaro lohitāṃgo lohitāṃgasamadyutiḥ |
samaṃ samadhirohaṃta sarve vai gaganecarāḥ || 130 ||
[Analyze grammar]

śṛṃgāṇi śanakairghorā yugāṃtā varttana grahāḥ |
caṃdramāśca sanakṣatro grahaiḥ saha tamonudaḥ || 131 ||
[Analyze grammar]

carācaravināśāya rohiṇīṃ nābhyanaṃdata |
gṛhīto rāhuṇā candra ulkābhirabhihanyate || 132 ||
[Analyze grammar]

ulkāḥ prajvalitāścaṃdre vyacaraṃta yathāsukham |
devānāmadhipo devaḥ sopyavarṣata śoṇitam || 133 ||
[Analyze grammar]

apatadgaganādulkā vidyudrūpā mahāsvanā |
akāle ca drumāssarve puṣpyaṃti ca phalaṃti ca || 134 ||
[Analyze grammar]

latāśca saphalāḥ sarvā yā āhurdaityanāśikāḥ |
phale phalānyajāyaṃta puṣpe puṣpaṃ tathaiva ca || 135 ||
[Analyze grammar]

unmīlaṃti nimīlaṃti hasaṃti prarudaṃti ca |
vikrośaṃti ca gaṃbhīraṃ dhūmāyaṃte jvalaṃti ca || 136 ||
[Analyze grammar]

pratimāssarvadevānāṃ kathayaṃtyo mahadbhayam |
āraṇyaiḥ saha saṃsṛṣṭā grāmyāśca mṛgapakṣiṇaḥ || 137 ||
[Analyze grammar]

cukruśurbhairavaṃ tatra mṛgayuddha upasthite |
nadyaśca pratikūlāni vahaṃti kaluṣodakāḥ || 138 ||
[Analyze grammar]

na prākāśaṃta ca diśo raktareṇusamākulāḥ |
vānaspatyā na pūjyaṃte pūjanārhāḥ kathaṃcana || 139 ||
[Analyze grammar]

vāyuvegena hanyaṃte bhajyaṃte praṇamaṃti ca |
tathā ca sarvabhūtānāṃ chāyā na parivarttate || 140 ||
[Analyze grammar]

apareṇa gate sūrye salokānāṃ yugakṣaye |
tadā hiraṇyakaśipordaityasyopariveśmanaḥ || 141 ||
[Analyze grammar]

bhāṃḍāgārāyudhāgāre niviṣṭamabhavanmadhu |
asurāṇāṃ vināśāya surāṇāṃ vijayāya ca || 142 ||
[Analyze grammar]

dṛśyaṃte vividhotpātā ghorāghoranidarśanāḥ |
ete cānye ca bahavo ghorarūpāḥ samutthitāḥ || 143 ||
[Analyze grammar]

daityeṃdrasya vināśāya dṛśyaṃte raṇaśaṃsinaḥ |
medinyāṃ kaṃpamānāyāṃ daityeṃdreṇa mahātmanaḥ || 144 ||
[Analyze grammar]

mahīdharā nāgagaṇā nipeturamitaujasaḥ |
viṣajvālākulairvaktrairvimuṃcaṃto hutāśanam || 145 ||
[Analyze grammar]

catuḥśīrṣāḥ paṃcaśīrṣāḥ saptaśīrṣāśca pannagāḥ |
vāsukistakṣakaścaiva karkoṭakadhanaṃjayau || 146 ||
[Analyze grammar]

elāmukhaḥ kāliyaśca mahāpadmaśca vīryavān |
sahasraśīrṣaśśuddhāṃgo hematāladhvajaḥ prabhuḥ || 147 ||
[Analyze grammar]

śeṣonaṃto mahānāgo hyaprakaṃpyaśca kaṃpitāḥ |
dīpyaṃteṃtarjalasthāni pṛthivīvivarāṇi vai || 148 ||
[Analyze grammar]

saptadaityeṃdrakopena kaṃpitāni samaṃtataḥ |
nānātejodharāścāpi pātālatalacāriṇaḥ || 149 ||
[Analyze grammar]

pātāle sahasā kṣubdhe duṣprakaṃpyāḥ prakaṃpitāḥ |
hiraṇyakaśipurdaityastadā saṃspṛṣṭavānmahīm || 150 ||
[Analyze grammar]

saṃdaṣṭauṣṭhapuṭaḥ kruddho varāha iva pūrvajaḥ |
gaṃgā bhāgīrathī caiva kauśikī sarayūrapi || 151 ||
[Analyze grammar]

yamunā cātha kāverī kṛṣṇaveṇī ca nimnagā |
tuṃgabhadrā mahāvegā nadī godāvarī tathā || 152 ||
[Analyze grammar]

carmaṇvatī ca siṃdhuśca tathā nadanadīpatiḥ |
melakaprabhavaścaiva śoṇo maṇinibhodakaḥ || 153 ||
[Analyze grammar]

narmadā ca śubhasrotāstathā vetravatī nadī |
gomatī gokulākīrṇā tathā pūrvā sarasvatī || 154 ||
[Analyze grammar]

mahākālamahīcaiva tamasā puṣpavāhinī |
jaṃbūdvīpaṃ ratnavacca sarvaratnopaśobhitam || 155 ||
[Analyze grammar]

suvarṇapuṭakaṃ caiva suvarṇākaramaṃḍitam |
mahānadaśca lauhityaśśailaḥ kāṃcanaśobhitaḥ || 156 ||
[Analyze grammar]

pattanaṃ kośakārāṇāṃ kaśaṃ ca rajatākaram |
magadhāśca mahāgrāmāḥ puṇḍrā ugrāstathaiva ca || 157 ||
[Analyze grammar]

srughnā mallā videhāśca mālavāḥ kāśi kosalāḥ |
bhavanaṃ vainateyasya daityeṃdreṇābhikaṃpitam || 158 ||
[Analyze grammar]

kailāsaśikharākāraṃ yatkṛtaṃ viśvakarmaṇā |
ratnatoyo mahābhīmo lauhityo nāma sāgaraḥ || 159 ||
[Analyze grammar]

udayaśca mahāśaila ucchritaḥ śatayojanam |
savarṇavedikaḥ śrīmānmeghapaṃktiniṣevitaḥ || 160 ||
[Analyze grammar]

bhrājamānorkasadṛśairjātarūpamayairdrumaiḥ |
sālaistālaistamālaiśca karṇikāraiśca puṣpitaiḥ || 161 ||
[Analyze grammar]

ayomukhaśca vikhyātaḥ sarvato dhātumaṃḍitaḥ |
tamālavanagaṃdhaśca parvato malayaḥ śubhaḥ || 162 ||
[Analyze grammar]

surāṣṭrāśca sabāhlīkāśśūdrābhīrāstathaiva ca |
bhojāḥ pāṃḍyāśca vaṃgāśca kaliṃgāstāmraliptakāḥ || 163 ||
[Analyze grammar]

tathaiva pauṃḍrāḥ śubhrāśca vāmacūḍāssakeralāḥ |
kṣobhitāstena daityena devāścāpsarasāṃ gaṇāḥ || 164 ||
[Analyze grammar]

agastyabhavanaṃ caiva yadagastyakṛtaṃ purā |
siddhacāraṇasaṃghaiśca viprakīrṇaṃ manoharam || 165 ||
[Analyze grammar]

vicitranānāvihagaṃ sapuṣpitamahādrumam |
jātarūpamayaiḥ śṛṃgairapsarogaṇasevitam || 166 ||
[Analyze grammar]

giriḥ puṣpitakaścaiva lakṣmīvānpriyadarśanaḥ |
utthitaḥ sāgaraṃ bhitvā viśrāmaścaṃdrasūryayoḥ || 167 ||
[Analyze grammar]

rarāja sa mahāśṛṃgairgaganaṃ vilikhanniva |
caṃdrasūryāṃśusaṃkāśaiḥ sāgarāṃbusamāvṛtaiḥ || 168 ||
[Analyze grammar]

vidyuttvānparvataḥ śrīmānāyataḥ śatayojanam |
vidyutāṃ yatra saṃpātā nipātyaṃte nagottame || 169 ||
[Analyze grammar]

ṛṣabhaḥ parvataścaiva śrīmānṛṣabhasaṃsthitaḥ |
kuṃjaraḥ parvataḥ śrīmānagastyasya gṛhaṃ śubham || 170 ||
[Analyze grammar]

vimalākhyā ca durddharṣā sarpāṇāṃ mālatī purī |
tathā bhogavatī cāpi daityeṃdreṇābhikaṃpitā || 171 ||
[Analyze grammar]

mahāsenagiriścaiva pāriyātraśca parvataḥ |
cakravāṃśca giriśreṣṭho vārāhaścaiva parvataḥ || 172 ||
[Analyze grammar]

prāgjyotiṣapuraṃ cāpi jātarūpamayaṃ śubham |
yasminnuvāsa duṣṭātmā narako nāma dānavaḥ || 173 ||
[Analyze grammar]

meghaśca parvataśreṣṭho meghagaṃbhīranissvanaḥ |
ṣaṣṭistatra sahasrāṇi parvatānāṃ viśāṃpate || 174 ||
[Analyze grammar]

taruṇādityasaṃkāśo meruścaiva mahāngiriḥ |
yakṣarākṣasagaṃdharvairnityaṃ sevitakaṃdaraḥ || 175 ||
[Analyze grammar]

hemagarbho mahāsenastathā meghasakho giriḥ |
kailāsaścaiva śaileṃdro dānaveṃdreṇa kaṃpitaḥ || 176 ||
[Analyze grammar]

hemapuṣkarasañchannaṃ tena vaikhānasaṃ saraḥ |
kaṃpitaṃ mānasaṃ caiva haṃsakāraṃḍavākulam || 177 ||
[Analyze grammar]

triśṛṃgaḥ parvataśreṣṭhaḥ kumārī ca saridvarā |
tuṣāracayasaṃcchanno maṃdaraścāpi parvataḥ || 178 ||
[Analyze grammar]

uśīrabījaśca girirbhadraprasthastathādrirāṭ |
prajāpatigiriścaiva tathā puṣkaraparvataḥ || 179 ||
[Analyze grammar]

devābhaḥ parvataścaiva tathā vai vālukāgiriḥ |
krauṃcaḥ saptarṣiśailaśca dhūmravarṇaśca parvataḥ || 180 ||
[Analyze grammar]

ete cānye ca girayo deśā janapadāstathā |
nadyaḥ sasāgarāḥ sarvāḥ dānavenābhikaṃpitāḥ || 181 ||
[Analyze grammar]

kapilaśca mahīputro vyāghravāṃśca prakaṃpitaḥ |
khecarāśca niśāputrāḥ pātālatalavāsinaḥ || 182 ||
[Analyze grammar]

gaṇastathāparo raudro meghanāmāṃkuśāyudhaḥ |
ūrddhvago bhīmavegaśca sarva etebhikaṃpitāḥ || 183 ||
[Analyze grammar]

gadī śūlī karālaśca hiraṇyakaśipustathā |
jīmūtaghananirghoṣo jīmūta iva vegavān || 184 ||
[Analyze grammar]

devārirditijo dṛpto nṛsiṃhaṃ samupādravat |
sa tu tena tatastīkṣṇairmṛgeṃdreṇa mahānakhaiḥ || 185 ||
[Analyze grammar]

tadoṃkārasahāyena vidārya nihato yudhi |
mahī ca kālaśca śaśīnabhaśca grahāssa sūryāśca diśaśca sarvāḥ || 186 ||
[Analyze grammar]

nadyaśca śailāśca mahārṇavāśca gatāḥ prasādaṃ ditiputranāśāt |
tataḥ pramuditā devā ṛṣayaśca tapodhanāḥ || 187 ||
[Analyze grammar]

tuṣṭuvurnāmabhirdivyairādidevaṃ sanātanam |
yattvayā vidhṛtaṃ deva nārasiṃhamidaṃ vapuḥ || 188 ||
[Analyze grammar]

etadevārcayiṣyaṃti parāparavido janāḥ |
brahmovāca |
bhavānbrahmā ca rudraśca maheṃdro devasattamaḥ || 189 ||
[Analyze grammar]

bhavānkarttā vikarttā ca lokānāṃ prabhavo'vyayaḥ |
parāṃ ca siddhiṃ ca paraṃ ca satvaṃ paraṃ rahasyaṃ paramaṃ haviśca || 190 ||
[Analyze grammar]

paraṃ ca dharmaṃ paramaṃ yaśaśca tvāmāhuragryaṃ paramaṃ purāṇam |
paraṃ ca satyaṃ paramaṃ tapaśca paraṃ pavitraṃ paramaṃ ca mārgaṃ || 191 ||
[Analyze grammar]

paraṃ ca yajñaṃ paramaṃ ca hotraṃ tvāmāhuragyraṃ paramaṃ purāṇam |
paraṃ śarīraṃ paramaṃ ca brahma paraṃ ca yogaṃ paramāṃ ca vāṇīm || 192 ||
[Analyze grammar]

paraṃ rahasyaṃ paramāṃ gatiṃ ca tvāmāhuragyraṃ paramaṃ purāṇam |
evamuktvā tu bhagavānsarvalokapitāmahaḥ || 193 ||
[Analyze grammar]

stutvā nārāyaṇaṃ devaṃ brahmalokaṃ gataḥ prabhuḥ |
tato nadatsu tūryeṣu nṛtyaṃtīṣvapsaraḥsu ca || 194 ||
[Analyze grammar]

kṣīrodasyottaraṃ kūlaṃ jagāma harirīśvaraḥ |
nārasiṃhaṃ vapurdevaḥ sthāpayitvā sudīptimān || 195 ||
[Analyze grammar]

paurāṇaṃ rūpamāsthāya prayayau garaḍadhvajaḥ |
aṣṭacakreṇa yānena bhūtiyuktena bhāsvatā || 196 ||
[Analyze grammar]

avyaktaprakṛtirdevaḥ svasthānaṃ gatavānprabhuḥ || 197 ||
[Analyze grammar]