Chapter 3

[English text for this chapter is available]

bhīṣma uvāca |
nirguṇasyāprameyasya śuddhasyātha mahātmanaḥ |
kathaṃ sargādikarttṛtvaṃ brahmaṇo hyupapadyate || 1 ||
[Analyze grammar]

pulastya uvāca |
śaktayaḥ sarvabhāvānāmaciṃtyā jñānagocarāḥ |
yattato brahmaṇastāstusargādyā bhāvaśaktayaḥ || 2 ||
[Analyze grammar]

utpannaḥ procyate vidvānnitya evopacārataḥ |
nijena tasya mānena āyurvarṣaśataṃ smṛtam || 3 ||
[Analyze grammar]

tatparākhyaṃ parārddhaṃ ca tadarddhaṃ parikīrttitam |
kāṣṭhā paṃcadaśākhyā tā nimeṣā nṛpasattama || 4 ||
[Analyze grammar]

kāṣṭhā striṃśatkalā triṃśatkalā mauhūrttiko vidhiḥ |
tāvatsaṃkhyairahorātraṃ muhūrttairmānuṣaṃ smṛtam || 5 ||
[Analyze grammar]

ahorātrāṇi tāvaṃti māsaḥ pakṣadvayātmakaḥ |
taiṣṣaḍbhirayanaṃ varṣamayane dakṣiṇottare || 6 ||
[Analyze grammar]

ayanaṃ dakṣiṇaṃ rātrirdevānāmuttaraṃ dinam |
divyairvarṣasahasraistu kṛtatretādisaṃjñitam || 7 ||
[Analyze grammar]

caturyugaṃ dvādaśabhistadvibhāgaṃ nibodha me |
catvāri trīṇidve caikaṃ kṛtādiṣu yathākramam || 8 ||
[Analyze grammar]

divyābdānāṃ sahasrāṇi yugeṣvāhuḥ purāvidaḥ |
tatpramāṇaiḥ śataiḥ saṃdhyā pūrvā tatrābhidhīyate || 9 ||
[Analyze grammar]

saṃdhyāṃśakaśca tattulyo yugasyānaṃtaro hi yaḥ |
saṃdhyāsaṃdhyāṃśayoraṃtaḥ kālo yo nṛpasattama || 10 ||
[Analyze grammar]

yugākhyaḥ sa tu vijñeyaḥ kṛtatretādisaṃjñitaḥ |
kṛtaṃ tretā dvāparaṃ ca kaliścaiva caturyugam || 11 ||
[Analyze grammar]

procyate tatsahasraṃ tu brahmaṇo divasaṃ nṛpa |
brahmaṇo divase rājanmanavaśca caturdaśa || 12 ||
[Analyze grammar]

bhavaṃti parimāṇaṃ ca teṣāṃ kālakṛtaṃ śṛṇu |
saptarṣayaḥ surāḥ śakro manustatsūnavo nṛpa || 13 ||
[Analyze grammar]

ekakāle hi sṛjyaṃte saṃhriyaṃte ca pūrvavat |
cataryugānāṃ saṃkhyātā sādhikā hyekasaptatiḥ || 14 ||
[Analyze grammar]

manvaṃtaraṃ manoḥ kālaḥ surādīnāṃ ca pārthiva |
aṣṭau śatasahasrāṇi divyayā saṃkhyayā smṛtaḥ || 15 ||
[Analyze grammar]

dvipaṃcāśattathānyāni sahasrāṇyadhikāni ca |
triṃśatkoṭyastu saṃpūrṇāḥ saṃkhyātāḥ saṃkhyayā nṛpa || 16 ||
[Analyze grammar]

saptaṣaṣṭistathānyāni niyutāni mahāmate |
viṃśatiśca sahasrāṇi kāloyamadhikaṃ vinā || 17 ||
[Analyze grammar]

manvaṃtarasya saṃkhyeyaṃ mānuṣairiha vatsaraiḥ |
caturddaśaguṇo hyeṣa kālo brāhmamahaḥ smṛtam || 18 ||
[Analyze grammar]

brāhmo naimittiko nāma tasyāṃte pratisaṃcaraḥ |
tadāhi dahyate sarvaṃ trailokyaṃ bhūrbhuvādikam || 19 ||
[Analyze grammar]

janaṃ prayāṃti tāpārttā maharlokanivāsinaḥ |
ekārṇave tu trailokye brahmā brahmavidāṃ varaḥ || 20 ||
[Analyze grammar]

bhogiśayyāgataḥ śete trailokyagrāsabṛṃhitaḥ |
janasthairyogibhirddevaściṃtyamāno jagadvibhuḥ || 21 ||
[Analyze grammar]

tatpramāṇāṃ hi tāṃ rātriṃ tadaṃte sṛjate punaḥ |
evaṃ tu brahmaṇo varṣamevaṃ varṣaśataṃ ca tat || 22 ||
[Analyze grammar]

śataṃ hi tasya varṣāṇāṃ paramāyurmahātmanaḥ |
ekamasya vyatītaṃ tu parārdhaṃ brahmaṇonagha || 23 ||
[Analyze grammar]

tasyāntebhūnmahākalpaḥ pādma ityabhiviśrutaḥ |
dvitīyasya parārdhasya vartamānasya vai nṛpa || 24 ||
[Analyze grammar]

vārāha iti kalpoyaṃ prathamaḥ parikalpitaḥ |
brahmā nārāyaṇākhyosau kalpādau bhagavānyathā || 25 ||
[Analyze grammar]

sasarja sarvabhūtāni tadācakṣva mahāmune |
pulastya uvāca |
prajāḥ sasarja bhagavānanādissarvasaṃbhavaḥ || 26 ||
[Analyze grammar]

atītakalpāvasāne niśāsuptotthitaḥ prabhuḥ |
satvodriktastathā brahmā śūnyaṃ lokamavaikṣata || 27 ||
[Analyze grammar]

toyāntassa mahīṃ jñātvā nimagnāṃ vārisaṃplave |
praviciṃtya taduddhāraṃ kartukāmaḥ prajāpatiḥ || 28 ||
[Analyze grammar]

viṣṇurūpaṃ tadā jñātvā pṛthvīṃ voḍhuṃ svatejasā |
matsyakūrmādikāṃ cānyāṃ vārāhīṃ tanumāviśat || 29 ||
[Analyze grammar]

vedayajñamayaṃ rūpamāśritya jagataḥ sthitau |
sthitaḥ sthirātmā sarvātmā paramātmā prajāpatiḥ || 30 ||
[Analyze grammar]

praviveśe tadā toyaṃ toyādhāre dharādharaḥ |
nirīkṣya taṃ tadā devī pātālatalamāgatam || 31 ||
[Analyze grammar]

tuṣṭāva praṇatā bhūtvā bhaktinamrā vasuṃdharā |
pṛthivyuvāca |
namaste sarvabhūtāya namaste paramātmane || 32 ||
[Analyze grammar]

māmuddharāsmādadya tvaṃ tvattohaṃ pūrvamutthitā |
paramātmannamastestu puruṣātmannamostu te || 33 ||
[Analyze grammar]

pradhānavyaktarūpāya kālabhūtāya te namaḥ |
tvaṃ karttāsarvabhūtānāṃ tvaṃ pātā tvaṃ vināśakṛt || 34 ||
[Analyze grammar]

sargādau yaḥ parobrahmā viṣṇurudrātmarūpadhṛk |
bhakṣayitvā ca sakalaṃ jagatyekārṇavīkṛte || 35 ||
[Analyze grammar]

śeṣe tvameva govinda cintyamāno manīṣibhiḥ |
bhavato yatparaṃ rūpaṃ tanna jānāti kaścana || 36 ||
[Analyze grammar]

avatāreṣu yadrūpaṃ tadarcanti divaukasaḥ |
tvāmārādhya paraṃ brahma yātā muktiṃ mumukṣavaḥ || 37 ||
[Analyze grammar]

vāsudevamanārādhya ko hi mokṣamavāpsyati |
yadrūpaṃ manasā grāhyaṃ yadgrāhyaṃ cakṣurādibhiḥ || 38 ||
[Analyze grammar]

buddhyā ca yatparichedyaṃ tadrūpamakhilaṃ tava |
tvanmayyahaṃ tvadādhārātvatsṛṣṭā tvāmupāśritā || 39 ||
[Analyze grammar]

mādhavīmiti lokoyamabhidhatte tato hi mām |
evaṃ saṃstūyamānastu pṛthivyā pṛthivīdharaḥ || 40 ||
[Analyze grammar]

sāmasvaradhvaniḥ śrīmānjagarja parighargharam |
tataḥ samutkṣipya dharāṃ svadaṃṣṭrayā mahāvarāhaḥ sphuṭapadmalocanaḥ |
rasātalādutpalapatrasannibhaḥ samutthito nīla ivācalo mahān || 41 ||
[Analyze grammar]

uttiṣṭhatā tena mukhānilāhataṃ tadāplavāṃbho janaloka saṃśrayān |
sanaṃdanādīnapakalmaṣānmunīṃścakāra bhūyopi pavitratāspadam || 42 ||
[Analyze grammar]

prayāṃti toyāni khurāgravikṣate rasātale'dhakṛtaśabdasaṃtatiḥ |
balāhakānāṃ ca tati stutasya śvāsānilāstā paritaḥ prayāti || 43 ||
[Analyze grammar]

uttiṣṭhatastasya jalārdrakukṣermahāvarāhasya mahīṃ vidārya |
vidhūnvato vedamayaṃ śarīraṃ romāṃtarasthā munayo juṣaṃti || 44 ||
[Analyze grammar]

janeśvarāṇāṃ parameśa keśava prabhurgadā śaṃkhadarāsicakradhṛk |
prabhūti nāśa sthiti heturīśvarastvameva nānyatparamaṃ ca yatpadam || 45 ||
[Analyze grammar]

pādeṣu vedāstava yūpadaṃṣṭrā daṃteṣu yajñāḥ śrutayaśca vaktre |
hutāśa jihvosi tanūruhāṇi darbhāḥ prabho yajñapumāṃstvameva || 46 ||
[Analyze grammar]

dyāvāpṛthivyoratulaprabhāva yadaṃtaraṃ tadvapuṣā tavaiva |
vyāptaṃ jagadvāpi samastametaddhitāya viśvasya vibho bhavatvam || 47 ||
[Analyze grammar]

paramātmā tvamevaiko nānyosti jagataḥ pate || 48 ||
[Analyze grammar]

tavaiṣa mahimā yena vyāptametaccarācaraṃ |
jñānasvarūpamakhilaṃ jagadetadabuddhayaḥ || 49 ||
[Analyze grammar]

arthasvarūpaṃ paśyaṃto bhrāmyaṃte tamasaḥ plave |
ye tu jñānavidaśśuddhacetasaste'khilaṃ jagat || 50 ||
[Analyze grammar]

jñānātmakaṃ prapaśyaṃti tvadrūpaṃ parameśvara |
prasīda sarvabhūtātmanbhavāya jagatastvimām || 51 ||
[Analyze grammar]

uddharorvīmameyātmannimagnāmabjalocana |
satvodriktosi bhagavangoviṃda pṛthivīmimām || 52 ||
[Analyze grammar]

samuddhara bhavāyeśa kuru sarvajagaddhitaṃ |
evaṃ saṃstūyamānaśca paramātmā mahīdharaḥ || 53 ||
[Analyze grammar]

ujjahāra kṣitiṃ kṣipraṃ nyastavānsa mahārṇave |
tasyopari jalaughesya mahatī naurivasthitā || 54 ||
[Analyze grammar]

tataḥ kṣitiṃ samāṃ kṛtvā pṛthivyāmacinodgirīn |
yathāvibhāgaṃ bhagavānanādiḥ puruṣottamaḥ || 55 ||
[Analyze grammar]

bhūvibhāgaṃ tataḥ kṛtvā saptadvīpānyathātathaṃ |
bhūtādyāṃścaturolokānpūrvavatsamakalpayat || 56 ||
[Analyze grammar]

brahmaṇe viṣṇunā pūrvametadeva pradarśitaṃ |
tuṣṭena devadevena tvaṃ devaḥ puruṣottamaḥ || 57 ||
[Analyze grammar]

tvayā mayā jagaccedaṃ dhāryaṃ pālyaṃ ca yatnataḥ |
yeṣāṃ tvasuramukhyānāṃ varo datto mayādhunā || 58 ||
[Analyze grammar]

devānāṃ hitakāmena haṃtavyāste tvayā vibho |
ahaṃ sṛṣṭiṃ kariṣyāmi sā ca pālyā tvayā vibho || 59 ||
[Analyze grammar]

evamukto gato viṣṇurdevādīnasṛjadvibhuḥ |
abuddhipūrvakastasya prādurbhūtastamomayaḥ || 60 ||
[Analyze grammar]

tamo moho mahāmohastāmisro hyandhasaṃjñakaḥ |
paṃcadhāvasthitaḥ sargo dhyāyatastu mahātmanaḥ || 61 ||
[Analyze grammar]

bahiraṃtaścāprakāśaḥ saṃvṛtātmā nagātmakaḥ |
mukhyānāgāyataścoktā mukhyasargastatastvayaṃ || 62 ||
[Analyze grammar]

taṃ dṛṣṭvā sādhakaṃ sargamamanyadaparaṃ prabhuḥ |
tasyābhidhyāyatassargastiryaksrotobhyavartata || 63 ||
[Analyze grammar]

yasmāttiryakpravṛttiḥ syāttiryaksrotastataḥ smṛtaḥ |
paśvādayaste vikhyātāstamaḥ prāyā hyavedinaḥ || 64 ||
[Analyze grammar]

utpathagrāhiṇaścaiva te jñāne jñānamāninaḥ |
ahaṃkṛtāstvahaṃmānā aṣṭāviṃśadvidhātmakāḥ |
aṃtaḥprakāśāste sarva āvṛtāste parasparam || 65 ||
[Analyze grammar]

tamapyasādhakaṃ matvā dhyāyatonyastatobhavat |
ūrddhvasrotastṛtīyastu sātvikordhvamavartata || 66 ||
[Analyze grammar]

te sukhaprītibahulā bahiraṃtaranāvṛtāḥ |
prakāśā bahiraṃtaśca ūrddhvasrotāstataḥ smṛtāḥ || 67 ||
[Analyze grammar]

tuṣṭātmanastṛtīyastu devasargastu saṃsmṛtaḥ |
tasminsarge bhavatprītirniṣpanne brahmaṇastadā || 68 ||
[Analyze grammar]

tatonyaṃ sa tadā dadhyau sādhakaṃ sargamuttamam |
asādhakāṃstutānjñātvā mukhyasargādisaṃbhavān || 69 ||
[Analyze grammar]

tathābhidhyāyatastasya satyābhidhyāyinastataḥ |
prādurbhūtastadāvyaktādarvāksrotastu sādhakaḥ || 70 ||
[Analyze grammar]

yasmādarvākpravartaṃte tato'vāksrotasastu te |
te ca prakāśabahulāstamodriktā rajodhikāḥ || 71 ||
[Analyze grammar]

tasmātte duḥkhabahulā bhūyobhūyaśca kāriṇaḥ |
prakāśā bahiraṃtaśca manuṣyāḥ sādhakāśca te || 72 ||
[Analyze grammar]

paṃcamonugrahaḥ sargaḥ sa caturddhā vyavasthitaḥ |
viparyayeṇa siddhyā ca śaktyā tuṣṭyā tathaiva ca || 73 ||
[Analyze grammar]

vivṛttaṃ varttamānaṃ ca te na jānaṃti vai punaḥ |
bhūtādikānāṃ bhūtānāṃ ṣaṣṭhaḥ sargaḥ sa ucyate || 74 ||
[Analyze grammar]

te parigrāhiṇaḥ sarve savibhāgatarāstu te |
codanā jāpyaśīlāśca jñeyā bhūtādikāstu te || 75 ||
[Analyze grammar]

ityete kathitāḥ sargāḥ ṣaḍatra nṛpasattama |
prathamo mahatassargo dvitīyo brahmaṇastu yaḥ || 76 ||
[Analyze grammar]

tanmātrāṇāṃ dvitīyastu bhūtasargohi sa smṛtaḥ |
vaikārikastṛtīyastu sargaścaiṃdriyakaḥ smṛtaḥ || 77 ||
[Analyze grammar]

ityeṣa prākṛtaḥ sargaḥ saṃbhūto buddhipūrvakaḥ |
mukhyasargaścaturthastu mukhyā vai sthāvarāḥ smṛtāḥ || 78 ||
[Analyze grammar]

tiryaksrotaśca yaḥ proktastiryagyonyassa ucyate |
tatordhvasrotasāṃ ṣaṣṭho devasargastu sa smṛtaḥ || 79 ||
[Analyze grammar]

tatorvāksrotasāṃ sargaḥ saptamaḥ sa tu mānuṣaḥ |
aṣṭamonugrahaḥ sargaḥ sātvikastāmasastu saḥ || 80 ||
[Analyze grammar]

paṃcaite vaikṛtāḥ sargāḥ prākṛtāstu trayaḥ smṛtāḥ |
prākṛto vaikṛtaścaiva kaumāro navamaḥ smṛtaḥ || 81 ||
[Analyze grammar]

ete tava samākhyātā navasargāḥ prajāpateḥ |
prākṛtā vaikṛtāścaiva jagato mūlahetavaḥ || 82 ||
[Analyze grammar]

sṛjato jagadīśasya kimanyacchrotumarhasi |
bhīṣma uvāca |
saṃkṣepātkathitāḥ sargā devādīnāṃ gurostathā || 83 ||
[Analyze grammar]

vistarācchrotumicchāmi tvatto munivarottama |
pulastya uvāca |
karmabhirbhāvitāḥ sarvekuśalākuśalaistu te || 84 ||
[Analyze grammar]

khyātyā tayā hyanirmuktāḥ saṃhāre hyupasaṃhṛtāḥ |
sthāvarāntāssurādyāstu prajā rājaṃścaturvidhāḥ || 85 ||
[Analyze grammar]

brahmaṇaḥ kurvataḥ sṛṣṭiṃ jajñire mānasāḥ smṛtāḥ |
tato devāsurapitṝnmānuṣāṃstu catuṣṭayaṃ || 86 ||
[Analyze grammar]

sisṛkṣuraṃbhāṃsyetāni svamātmānamayūyujat |
muktātmanastato jātā durātmānaḥ prajāpateḥ || 87 ||
[Analyze grammar]

sisṛkṣorjaghanātpūrvaṃ jajñire tvasurāstataḥ |
tatyāja tāṃ tato duṣṭāntamomātrātmikāṃ tanuṃ || 88 ||
[Analyze grammar]

sā tu tyaktā tanustena rājeṃdrābhūdvibhāvarī |
sisṛkṣuranyadehasthaḥ prītimāpustataḥ surāḥ || 89 ||
[Analyze grammar]

satvodriktāḥ samudbhūtā mukhato brahmaṇo nṛpa |
tyaktā sāpi tanustena satvaprāyamabhūddinaṃ || 90 ||
[Analyze grammar]

tato hi balino rātrāvasurā devatādi vā |
satvamātrātmikāṃ caiva tatonyāṃ jagṛhe tanum || 91 ||
[Analyze grammar]

pitṛvanmanyamānasya pitarastasya jajñire |
utsasarja pitṝnkṛtvā tatastāmapi sa prabhuḥ || 92 ||
[Analyze grammar]

sā cotsṛṣṭā bhavatsaṃdhyā dinanaktāṃtarā sthitiḥ |
rajomātrātmikāmanyāṃ jagṛhe sa tanuṃ tataḥ || 93 ||
[Analyze grammar]

rajomātrotkaṭā jātā manuṣyāḥ kurusattama |
tāmapyāśu sa tatyāja tanumādyāṃ prajāpatiḥ || 94 ||
[Analyze grammar]

jyotsnā samabhavaccāpi prāksaṃdhyā yābhidhīyate |
jyotsnāgame tu balino manuṣyāḥ pitarastathā || 95 ||
[Analyze grammar]

rājeṃdra saṃdhyāsamaye tasmātte prabhavaṃti vai |
jyotsnā rātryahanī sandhyā catvāryetāni vai vibhoḥ || 96 ||
[Analyze grammar]

brahmaṇastu śarīrāṇi triguṇopāśrayāṇi ca |
rajomātrātmikāmeva tatonyāṃ jagṛhe tanuṃ || 97 ||
[Analyze grammar]

tataḥ kṣudbrahmaṇojātā jajñe kopastayā kṛtaḥ |
kṣutkṣāmo hyaṃdhakāre tu sosṛjadbhagavāṃstataḥ || 98 ||
[Analyze grammar]

virūpā attukāmāste samadhāvaṃta taṃ prabhum |
rakṣatāmeṣa yairuktaṃ rākṣasāste tatobhavan || 99 ||
[Analyze grammar]

ūcuḥ khādāma ityanye ye te yakṣāstu tebhavan |
atibhītasya tāndṛṣṭvā keśāḥ śīryanti vedhasaḥ || 100 ||
[Analyze grammar]

hīnāśca śiraso bhūyaḥ samārohaṃti te śiraḥ |
sarpaṇāttebhavansarpā hīnatvādahayaḥ smṛtāḥ || 101 ||
[Analyze grammar]

tataḥ kruddhena vai sraṣṭrā krodhātmāno vinirmitāḥ |
varṇena kapiśenogrā bhūtāste piśitāśinaḥ || 102 ||
[Analyze grammar]

dhayato gāṃ samudbhūtā gaṃdharvāstasya tatkṣaṇāt |
pibaṃto jajñire vācaṃ gaṃdharvāstena te'bhavan || 103 ||
[Analyze grammar]

etāni sṛṣṭvā bhagavānbrahmā tacchakticoditaḥ |
tataḥ svacchaṃdato'nyāni vayāṃsi vayaso'sṛjat || 104 ||
[Analyze grammar]

avayo vakṣasaścakre mukhatojāṃśca sṛṣṭavān |
sṛṣṭavānudarādgāśca mahiṣāṃśca prajāpatiḥ || 105 ||
[Analyze grammar]

padbhyāṃ cāśvānsa mātaṃgānrāsabhāngavayānmṛgān |
uṣṭrānaśvatarāṃścaiva nyaṃkūnanyāśca jātayaḥ || 106 ||
[Analyze grammar]

oṣadhyaḥ phalamūlinyo romabhyastasya jajñire |
tretāyugamukhe brahmā kalpasyādau nṛpottama || 107 ||
[Analyze grammar]

sṛṣṭvā paśvoṣadhīssamyakyuyoja sa tadādhvare |
gāmajaṃ mahiṣammeṣamaśvāśvataragardabhān || 108 ||
[Analyze grammar]

etāngrāmyapaśūnāhurāraṇyāṃśca nibodhame |
śvāpado dvikhuro hastī vānaraḥ pañcamaḥ khagaḥ || 109 ||
[Analyze grammar]

uṣṭrakāḥ paśavaṣṣaṣṭhāssaptamāstu sarīsṛpāḥ |
gāyatraṃ ca ṛcaścaiva trivṛtsomaṃ rathantaram || 110 ||
[Analyze grammar]

agniṣṭomaṃ ca yajñānāṃ nirmame prathamānmukhāt |
yajūṃṣi traiṣṭubhaṃ chandaḥ stomaṃ pañcadaśaṃ tathā || 111 ||
[Analyze grammar]

bṛhatsāma tathokthaṃ ca dakṣiṇādasṛjanmukhāt |
sāmāni jagatīcchandaḥ stomaṃ saptadaśaṃ tathā || 112 ||
[Analyze grammar]

vairūpamatirātraṃ ca paścimādasṛjanmukhāt |
ekaviṃśamatharvāṇamaptoryāmāṇameva ca || 113 ||
[Analyze grammar]

ānuṣṭubhaṃ savairājamuttarādasṛjanmukhāt |
uccāvacāni bhūtāni gātrebhyastasya jajñire || 114 ||
[Analyze grammar]

surāsurapitṝnsṛṣṭvā manuṣyāṃśca prajāpatiḥ |
tataḥ punaḥ sasarjāsau sa kalpādau pitāmahaḥ || 115 ||
[Analyze grammar]

yakṣānpiśācāngaṃdharvāṃstathaivāpsarasāṃ gaṇān |
siddhakinnararakṣāṃsi siṃhānpakṣimṛgoragān || 116 ||
[Analyze grammar]

avyayaṃ ca vyayaṃ caiva yadidaṃ sthāṇujaṃgamam |
tatsasarja tadā brahmā bhagavānādikṛdvibhuḥ || 117 ||
[Analyze grammar]

teṣāṃ ye yāni karmāṇi prāksṛṣṭyāṃ pratipedire |
tānyeva pratipadyaṃte sṛjyamānāḥ punaḥ punaḥ || 118 ||
[Analyze grammar]

hiṃsrāhiṃsre mṛdukrūre dharmādharmāvṛtānṛte |
tadbhāvitāḥ prapadyaṃte tasmāttattasya rocate || 119 ||
[Analyze grammar]

iṃdriyārtheṣu bhūteṣu śarīreṣu ca sa prabhuḥ |
nānāttvaṃ viniyogaṃ ca dhātaiva vyasṛjatsvayaṃ || 120 ||
[Analyze grammar]

nāmarūpaṃ ca bhūtānāṃ kṛtyānāṃ ca prapaṃcanam |
vedaśabdebhya evādau devādīnāṃ cakāra saḥ || 121 ||
[Analyze grammar]

ṛṣīṇāṃ nāmadheyāni yathā vede śrutāni vai |
yathāniyogaṃ yogyāni anyeṣāmapi sokarot || 122 ||
[Analyze grammar]

yathartāvṛtuliṃgāni nānārūpāṇi paryaye |
dṛśyaṃte tānitānyeva tathā bhāvā yugādiṣu || 123 ||
[Analyze grammar]

karotyevaṃvidhāṃ sṛṣṭiṃ kalpādau sa punaḥpunaḥ |
sisṛkṣuśśaktiyuktosau sṛjya śaktipracoditaḥ || 124 ||
[Analyze grammar]

bhīṣma uvāca |
arvāksrotāstu kathito bhavatā yastu mānuṣaḥ |
brahmanvistarato brūhi brahmā tamasṛjadyathā || 125 ||
[Analyze grammar]

yathā savarṇānasṛjadguṇāṃśca sa mahāmune |
yacca teṣāṃ smṛtaṃ karma viprādīnāṃ taducyatām || 126 ||
[Analyze grammar]

pulastya uvāca |
satvābhidhyāyinaḥ pūrvaṃ sisṛkṣorbrahmaṇaḥ prajāḥ |
ajāyaṃta kuruśreṣṭha satvodriktā mukhātprajāḥ || 127 ||
[Analyze grammar]

vakṣaso rajasodriktāstathānyā brahmaṇobhavan |
rajasastamasaścaiva samudriktāstathorutaḥ || 128 ||
[Analyze grammar]

padbhyāmanyāḥ prajā brahmā sasarja kurusattama |
tamaḥpradhānāstāḥ sarvāścāturvarṇyamidaṃ tataḥ || 129 ||
[Analyze grammar]

brāhmaṇāḥ kṣatriyā vaiśyāḥ śūdrāśca nṛpasattama |
pādoruvakṣasthalato mukhataśca samudgatāḥ || 130 ||
[Analyze grammar]

yajñaniṣpattaye sarvametadbrahmā cakāra ha |
cāturvarṇyaṃ mahārāja yajñasādhanamuttamam || 131 ||
[Analyze grammar]

yajñenāpyāyitā devā vṛṣṭyutsargeṇa mānavāḥ |
āpyāyaṃte dharmayajñā yataḥ kalyāṇahetavaḥ || 132 ||
[Analyze grammar]

niṣpadyaṃte naraiste tu sukarmanirataiḥ sadā |
viruddhācaraṇāpetaiḥ sadbhiḥ sanmārgagāmibhiḥ || 133 ||
[Analyze grammar]

svargāpavargaṃ mānuṣyātprāpnuvaṃti narā nṛpa |
yaccābhirucitaṃ sthānaṃ tadyāṃti manujā vibho || 134 ||
[Analyze grammar]

prajāstā brahmaṇā sṛṣṭāścāturvarṇyavyavasthitau |
samyakśuddhāḥ samācārā caraṇā nṛpasattama || 135 ||
[Analyze grammar]

yathecchāvāsaniratāḥ sarvabādhāvivarjitāḥ |
śuddhāṃtaḥkaraṇāḥ śuddhā dharmānuṣṭhānanirmalāḥ || 136 ||
[Analyze grammar]

śuddhe ca tāsāṃ manasi śuddhāṃtaḥsaṃsthite harau |
śuddhajñānaṃ prapaśyaṃti brahmākhyaṃ yena tatpadaṃ || 137 ||
[Analyze grammar]

tataḥ kālātmako yosau viriṃcā vā sa ucyate |
saṃsārapātamatyarthaṃ ghoramalpālpasāravat || 138 ||
[Analyze grammar]

adharmabījabhūtaṃ tattamolobhasamudgatam |
prajāsu tāsu rājeṃdra rāgādikramasādhanam || 139 ||
[Analyze grammar]

tataḥ sā sahajāsiddhisteṣāṃ nātīva jāyate |
rājanvaśyādayaścānyāḥ siddhayoṣṭau bhavaṃti yāḥ || 140 ||
[Analyze grammar]

tāsu kṣīṇāsvaśeṣāsu varddhamāne ca pātake |
dvaṃdvābhibhavaduḥkhārtāstā bhavaṃti tataḥ prajāḥ || 141 ||
[Analyze grammar]

tato durgāṇi tāścakrurvārkṣaṃ pārvatamaudakam |
dhānvanaṃ ca tathā durgaṃ puraṃ khārvaṭakādi yat || 142 ||
[Analyze grammar]

gṛhāṇi ca yathānyāyaṃ teṣu cakruḥ purādiṣu |
śītatāpādibādhānāṃ praśamāya mahāmate || 143 ||
[Analyze grammar]

pratihāramimaṃ kṛtvā śītādestāḥ prajāḥ punaḥ |
vārtopāyaṃ tataścakrurhastasiddhiṃ ca karmajām || 144 ||
[Analyze grammar]

vrīhayaśca yavāścaiva godhūmā aṇavastilāḥ |
priyaṃgukovidārāśca koradūṣāḥ sacīnakāḥ || 145 ||
[Analyze grammar]

māṣā mudgā masūrāśca niṣpāvāḥ sakulatthakāḥ |
aḍhakāścaṇakāścaiva śaṇāssaptadaśa smṛtāḥ || 146 ||
[Analyze grammar]

ityetā oṣadhīnāṃ tu grāmyāṇāṃ jātayo nṛpa |
oṣadhyo yajñiyāścaiva grāmyāvanyāścaturdaśa || 147 ||
[Analyze grammar]

vrīhayaḥ sayavā māṣā godhūmā aṇavastilāḥ |
priyaṃgusaptamā hyetā aṣṭamāstu kulutthakāḥ || 148 ||
[Analyze grammar]

śyāmākastvatha nīvāro vartulassa gavedhukaḥ |
atha veṇuyavāḥ proktāstadvanmarkaṭakā nṛpa || 149 ||
[Analyze grammar]

grāmyā vanyāḥ smṛtā hyetā oṣadhyaśca caturdaśa |
yajñaniṣpattaye tadvattathāsāṃ heturuttamaḥ || 150 ||
[Analyze grammar]

etāśca sahayajñena prajānāṃ kāraṇaṃ param |
parāparavidaḥ prājñāstato yajñānvitanvate || 151 ||
[Analyze grammar]

ahanyahanyanuṣṭhānaṃ yajñānāṃ pārthivottama |
upakārakaraṃ puṃsāṃ kriyamāṇaṃ phalārthinām || 152 ||
[Analyze grammar]

yeṣāṃ cakālasṛṣṭosau papābiṃdurmahāmate |
maryādāṃ sthāpayāmāsa yathāsthānaṃ yathāguṇam || 153 ||
[Analyze grammar]

varṇānāmāśramāṇāṃ ca dharmāndharmabhṛtāṃvara |
lokāṃśca sarvavarṇānāṃ samyagdharmānupālinām || 154 ||
[Analyze grammar]

prājāpatyaṃ brāhmaṇānāṃ smṛtaṃ sthānaṃ tu pārthiva |
sthānamaiṃdraṃ kṣatriyāṇāṃ saṅgrāmeṣvanivartinām || 155 ||
[Analyze grammar]

vaiśyānāmmārutaṃ sthānaṃ svadharmamanuvartinām |
gāndharvaṃ śūdrajātīnāṃ paricaryā suvartinām || 156 ||
[Analyze grammar]

aṣṭāśītisahasrāṇāṃ yatīnāmūrddhvaretasām |
smṛtaṃ teṣāṃ tu yatsthānaṃ tadeva guruvāsinām || 157 ||
[Analyze grammar]

saptarṣīṇāṃ ca yatsthānaṃ smṛtaṃ tadvai vanaukasām |
prājāpatyaṃ gṛhasthānāṃ nyāsināṃ brāhmasaṃjñitam || 158 ||
[Analyze grammar]

yogināmamṛtaṃ sthānaṃ brahmaṇaḥ paramaṃ padaṃ |
ekāṃtinaḥ sadodyuktā dhyāyino yogino hi ye || 159 ||
[Analyze grammar]

teṣāṃ tatparamaṃ sthānaṃ yattatpaśyaṃti sūrayaḥ |
gatāgatāni varttaṃte caṃdrādityādayo grahāḥ || 160 ||
[Analyze grammar]

adyāpi na nivartaṃte nārāyaṇaparāyaṇāḥ |
tāmisramaṃdhatāmisraṃ mahāraurava rauravam || 161 ||
[Analyze grammar]

asipatravanaṃ ghoraṃ kālasūtramavīcimat |
viniṃdakānāṃ vedasya yajñavyāghātakāriṇām || 162 ||
[Analyze grammar]

sthānametatsamākhyātaṃ svadharmatyāginaśca ye |
tatobhidhyāyatastasya jajñire mānasāḥ prajāḥ || 163 ||
[Analyze grammar]

taccharīrasamutpannaiḥ kāyasthaiḥ karaṇaiḥ saha |
kṣetrajñāḥ samavarttaṃta gātrebhyastasya dhīmataḥ || 164 ||
[Analyze grammar]

te sarve samavartaṃta ye mayā prāgudāhṛtāḥ |
devādyāḥ sthāvarāṃ tāśca traiguṇyaviṣayesthitāḥ || 165 ||
[Analyze grammar]

evaṃ bhūtāni sṛṣṭāni sthāvarāṇi carāṇi ca |
yadāsya tāḥ prajāḥ sarvānavyavarddhaṃtadhīmataḥ || 166 ||
[Analyze grammar]

athānyānmānasānputrānsadṛśānātmano'sṛjat |
bhṛguṃ māṃ pulahaṃ caiva kratumaṃgirasaṃ tathā || 167 ||
[Analyze grammar]

marīciṃ dakṣamatriṃ cavasiṣṭhaṃcaivamānasān |
navabrahmāṇa ityetepurāṇe niścayaṃ gatāḥ || 168 ||
[Analyze grammar]

sanaṃdanādayo ye ca pūrvaṃ sṛṣṭāstu vedhasā |
na te lokeṣvasajjaṃta nirapekṣāḥ prajāsute || 169 ||
[Analyze grammar]

sarve hyāgatavijñānā vītarāgā vimatsarāḥ |
teṣvevaṃ nirapekṣeṣu lokasṛṣṭau mahātmanaḥ || 170 ||
[Analyze grammar]

brahmaṇobhūnmahānkrodhastrailokyadahana kṣamaḥ |
tasya krodhātsamudbhūtaṃ jvālāmālāvadīpitam || 171 ||
[Analyze grammar]

brahmaṇastu tadā jyotistrailokyamakhilaṃ dahat |
bhrakuṭī kuṭilāttasya lalāṭātkrodhadīpitāt || 172 ||
[Analyze grammar]

samutpannastadā rudro madhyāhnārkasamaprabhaḥ |
arddhanārīnaravapuḥ pracaṇḍoti śarīravān || 173 ||
[Analyze grammar]

vibhajātmānamityuktvā taṃ brahmāṃtardadheḥ tataḥ |
tathoktosau dvidhā strītvaṃ puruṣatvaṃ tathākarot || 174 ||
[Analyze grammar]

bibheda puruṣatvaṃ ca daśadhā caikadhā ca saḥ |
saumyāsaumyaistathā rūpaiḥ śāṃtaiḥ strītvaṃ ca sa prabhuḥ || 175 ||
[Analyze grammar]

bibheda bahudhā caiva svarūpairasitaiḥ sitaiḥ |
tato brahmā svayaṃbhūtaṃ pūrvaṃ svāyaṃbhuvaṃ prabhum || 176 ||
[Analyze grammar]

ātmānameva kṛtavānprajāpatye manuṃ nṛpa |
śatarūpāṃ ca tāṃ nārīṃ taponirddhūtakalmaṣām || 177 ||
[Analyze grammar]

svāyaṃbhuvo manurnāma patnītve jagṛhe prabhuḥ |
tasmācca puruṣāddevī śatarūpā vyajāyata || 178 ||
[Analyze grammar]

priyavratottātanapāda prasūtyākūti saṃjñitam |
dadau prasūtiṃ dakṣāya ākūtiṃ rucaye purā || 179 ||
[Analyze grammar]

prajāpatiḥ sa jagrāha tayorjajñe sa dakṣiṇaḥ |
putro yajño mahābhāga daṃpatyormithunaṃ tataḥ || 180 ||
[Analyze grammar]

yajñasya dakṣiṇāyāṃ tu putrā dvādaśa jajñire |
yāmā iti samākhyātā devāḥ svāyaṃbhuve manau || 181 ||
[Analyze grammar]

prasūtyāṃ ca tathā dakṣaścatasro viṃśatiṃ tathā |
sasarja kanyāstāsāṃ tu samyaṅnāmāni me śṛṇu || 182 ||
[Analyze grammar]

śraddhā lakṣsīrdhṛtiḥ puṣṭistuṣṭirmedhā kriyā tathā |
buddhirlajjāvapuḥ śāṃtirṛddhiḥ kīrtistrayodaśī || 183 ||
[Analyze grammar]

patnyarthaṃ pratijagrāha dharmo dākṣāyiṇīḥ prabhuḥ |
tābhyaḥ śiṣṭā yavīyasya ekādaśa sulocanāḥ || 184 ||
[Analyze grammar]

khyātiḥ satyatha saṃbhūtiḥ smṛtiḥ prītiḥ kṣamā tathā |
sannatiścānasūyā ca ūrjjā svāhā svadhā tathā || 185 ||
[Analyze grammar]

bhṛgurbhavo marīciśca tathā caivāṃgirā muniḥ |
ahaṃ ca pulahaścaiva kraturmunivarastathā || 186 ||
[Analyze grammar]

atrirvasiṣṭho vahniśca pitaraśca yathākramam |
khyātyādyā jagṛhuḥ kanyā munayo rājasattama || 187 ||
[Analyze grammar]

śraddhā kāmaṃ balaṃ lakṣmīrniyamaṃ dhṛtirātmajam |
saṃtoṣaṃ ca tathā tuṣṭirlobhaṃ puṣṭirasūyata || 188 ||
[Analyze grammar]

medhā śrutaṃ kriyā daṇḍaṃ nayaṃ vinayamave ca |
bodhaṃ buddhistathā lajjā vinayaṃ vapurātmajam || 189 ||
[Analyze grammar]

vyavasāyaṃ prajajñe vai kṣemaṃ śāntirasūyata |
sukhamṛddhiryaśaḥ kīrtirityete dharmasūnavaḥ || 190 ||
[Analyze grammar]

kāmānnaṃdī sutaṃ harṣaṃ dharmapautramasūyata |
hiṃsā bhāryātvadharmasya tasya jajñe tadānṛtaṃ || 191 ||
[Analyze grammar]

kanyā ca nikṛtistābhyāṃ bhayaṃ naraka eva ca |
māyā ca vedanā caiva mithunaṃ dvaṃdvameva ca || 192 ||
[Analyze grammar]

tayorjajñetha vai māyā mṛtyuṃ bhūtāpahāriṇam |
vedanāyāstataścāpi duḥkhaṃ jajñetha rauravāt || 193 ||
[Analyze grammar]

mṛtyorvyādhijarāśoka tṛṣṇākrodhāśca jajñire |
duḥkhottarāḥ smṛtā hyete sarve cādharmalakṣaṇāḥ || 194 ||
[Analyze grammar]

naiṣāṃ bhāryāsti putro vā te sarve hyūrddhvaretasaḥ |
raudrāṇyetāni rūpāṇi brahmaṇo nṛvarātmaja || 195 ||
[Analyze grammar]

nityaṃ pralayahetutvaṃ jagatosya prayāṃti vai |
rudrasargaṃ pravakṣyāmi yathā brahmā cakāra hā || 196 ||
[Analyze grammar]

kalpādāvātmanastulyaṃ sutaṃ pradhyāyatastataḥ |
prādurāsītprabhoraṃke kumāro nīlalohitaḥ || 197 ||
[Analyze grammar]

rudanvai susvaraṃ sotha dravaṃśca nṛpasattama |
kiṃ rodiṣīti taṃ devo rudaṃtaṃ pratyuvāca ha || 198 ||
[Analyze grammar]

nāmadhehīti taṃ sotha pratyuvāca prajāpatim |
rodanādrudranāmāsi mā rodīrdhairyamāvaha || 199 ||
[Analyze grammar]

evamuktaḥ punassotha saptakṛtvo ruroda ha |
tatonyāni dadau tasmai saptanāmāni vai prabhuḥ || 200 ||
[Analyze grammar]

mūrttīnāṃ caivamaṣṭānāṃ sthānānyaṣṭau cakāra ha |
bhavaṃ śarvamatheśānaṃ tathā paśupatiṃ nṛpa || 201 ||
[Analyze grammar]

bhīmamugraṃ mahādevamuvāca sa pitāmahaḥ |
sūryo jalaṃ mahī vahnirvāyurākāśameva ca || 202 ||
[Analyze grammar]

dīkṣito brāhmaṇaḥ soma ityete tanavaḥ kamāt |
evaṃ prakāro rudrosau satīṃ bhāryāmaviṃdata || 203 ||
[Analyze grammar]

dakṣakopācca tatyāja sā satī svaṃ kalevaram |
himavadduhitā sābhūnmenāyāṃ nṛpasattama || 204 ||
[Analyze grammar]

upayeme punaścaiva yācitvā bhagavānbhavaḥ |
dākṣī dhātṛvidhātārau bhṛgoḥ khyātirasūyata || 205 ||
[Analyze grammar]

śriyaṃ ca devadevasya patnī nārāyaṇasya yā || 206 ||
[Analyze grammar]