Chapter 2

[English text for this chapter is available]

sūta uvāca |
namasye sarvalokānāṃ viśvasya jagataḥ patim |
ya imaṃ kurute bhāvaṃ sṛṣṭirūpaṃ pradhānavit || 1 ||
[Analyze grammar]

lokakṛllokatatvajño yogamāsthāya yogavit |
asṛjatsarvabhūtāni sthāvarāṇi carāṇi ca || 2 ||
[Analyze grammar]

tamajaṃ viśvakarmāṇaṃ citpatiṃ lokasākṣiṇam |
purāṇākhyānajijñāsurvrajāmi śaraṇaṃ vibhum || 3 ||
[Analyze grammar]

brahmaviṣṇugirīśebhyo namaskṛtvā samāhitaḥ |
iṃdrāya lokapālebhyaḥ savitre ca samādhinā || 4 ||
[Analyze grammar]

munīnāṃ ca variṣṭhāya vasiṣṭhāya mahātmane |
tadvaktrebhātatapase jātūkarṇyāya cākṣuṣe || 5 ||
[Analyze grammar]

tasmai bhagavate natvā vedavyāsāya vedhase |
puruṣāya purāṇāya bhṛguvākyānuvartine || 6 ||
[Analyze grammar]

tasmādahamupāśrauṣaṃ purāṇaṃ brahmavādinaḥ |
sarvajñātsarvalokeṣu pūjitāddīptatejasaḥ || 7 ||
[Analyze grammar]

avyaktaṃ kāraṇaṃ yattannityaṃ sadasadātmakam |
mahadādiviśeṣāṃtaṃ sṛjatīti viniścayaḥ || 8 ||
[Analyze grammar]

aṇḍe hiraṇmaye pūrvaṃ brahmaṇaḥ sūtiruttamā |
aṃḍasyāvaraṇaṃ cādbhirapāmapi ca tejasā || 9 ||
[Analyze grammar]

vāyunā tasya vāyoḥ khāttadbhūtādita āvṛtam |
bhūtādirmahatā cāpi avyaktenāvṛto mahān || 10 ||
[Analyze grammar]

prādurbhāvaśca lokānāmaṃḍa evopavarṇitaḥ |
nadīnāṃ parvatānāṃ ca prādurbhāvonuvarṇyate || 11 ||
[Analyze grammar]

manvaṃtarāṇāṃ saṃkṣepātkalpānāṃ copavarṇanam |
brahmavṛkṣalaya brahmaprajāsargopavarṇanam || 12 ||
[Analyze grammar]

kalpānāṃ saṃcaraścaiva jagataḥ sthāpanaṃ tathā |
śayanaṃ ca harerapsu pṛthivyuddharaṇaṃ punaḥ || 13 ||
[Analyze grammar]

daśadhā janmasaṃcāro bhṛguśāpena keśave |
sanniveśo yugādīnāṃ sarvāśramavibhājanam || 14 ||
[Analyze grammar]

svargasthānavibhāgaśca martyānāṃ svargacāriṇāṃ |
paśūnāṃ pakṣiṇāṃ caiva saṃbhavaḥ parikīrttitaḥ || 15 ||
[Analyze grammar]

tathā nirvacanaṃ kalpaṃ svādhyāyasya parigrahaḥ |
pratisargāḥ punaḥ proktā brahmaṇo buddhipūrvakāḥ || 16 ||
[Analyze grammar]

trayonye'buddhipūrvāste tathā lokānakalpayat |
brahmaṇo vadanebhyaśca bhṛgvādīnāṃ samudbhavaḥ || 17 ||
[Analyze grammar]

kalpayoraṃtaraṃ proktaṃ pratisaṃdhiśca sargayoḥ |
bhṛgvādīnāmṛṣīṇāṃ ca prajāsargopavarṇanam || 18 ||
[Analyze grammar]

vasiṣṭhasya ca brahmarṣerbrahmattvaṃ parikīrttitam |
svāyaṃbhuvasya ca manostataścāpyanukīrtanam || 19 ||
[Analyze grammar]

ukto nābhervisargaśca rajasaśca mahātmanaḥ |
dvīpānāṃ ca samudrāṇāṃ parvatānāṃ ca kīrtanam || 20 ||
[Analyze grammar]

dvīpabhedasamudrāṇāmantarbhāvaśca saptasu |
kīrtyante yojanāgreṇa ye ca tatra nivāsinaḥ || 21 ||
[Analyze grammar]

tadīyāni ca varṣāṇi nadībhiḥ parvataiḥ saha |
jaṃbūdvīpādayo dvīpāḥ samudraiḥ saptabhirvṛtāḥ || 22 ||
[Analyze grammar]

aṃḍasyāṃtastvimelokāḥ saptadvīpā ca medinī |
sūryācaṃdramasoścāro grahāṇāṃ jyotiṣāṃ tathā || 23 ||
[Analyze grammar]

kīrtyate dhruvasāmarthyātprajānāṃ ca śubhāśubham |
brahmaṇā nirmitaḥ sauraḥ syaṃdanorthavaśātsvayam || 24 ||
[Analyze grammar]

kalpito bhagavāṃstena prasarpati divākaraḥ |
sūryādīnāṃ syaṃdanānāṃ dhruvādeva pravarttanaṃ || 25 ||
[Analyze grammar]

kalpitaḥ śiṃśumāraśca yasya pucche dhruvaḥ sthitaḥ |
saṃbhavāṃte ca saṃhāraḥ saṃhārāṃte ca saṃbhavaḥ || 26 ||
[Analyze grammar]

devatānāmṛṣīṇāṃ ca manoḥ pitṛgaṇasya ca |
na śakyaṃ vistarādvaktumityuktaṃ ca samāsataḥ || 27 ||
[Analyze grammar]

atītānāgatānāṃ vai samaṃ svāyaṃbhuvena tu |
manvaṃtareṣu devānāṃ prajeśānāṃ ca kīrtanam || 28 ||
[Analyze grammar]

naimittikaḥ prākṛtikastathaivātyaṃtikaḥ smṛtaḥ |
trividhaḥ sarvabhūtānāṃ kalpitaḥ pratisaṃcaraḥ || 29 ||
[Analyze grammar]

anāvṛṣṭirbhāskarācca ghoraḥ saṃvarttakānalaḥ |
meghāścaikārṇavā ye tu tathā rātrirmahātmanaḥ || 30 ||
[Analyze grammar]

saṃdhyālakṣaṇamuddiṣṭaṃ tathā brāhmaṃ viśeṣataḥ |
bhūtānāṃ cāpi lokānāṃ saptānāmanuvarṇanam || 31 ||
[Analyze grammar]

saṃkīrtyaṃ te mayā cātra pāpānāṃ rauravādayaḥ |
sarveṣāmeva satvānāṃ pariṇāmavinirṇayaḥ || 32 ||
[Analyze grammar]

brahmaṇaḥ pratisargaśca sarvasaṃhāravarṇanam |
kalpekalpe ca bhūtānāṃ mahatāmapi saṃkṣayaḥ || 33 ||
[Analyze grammar]

susaṃkhyāya ca buddhvā vai brahmaṇaścāpyanityatām |
daurātmyaṃ caiva bhogānāṃ saṃsārasya ca kaṣṭatām || 34 ||
[Analyze grammar]

durllabhatvaṃ ca mokṣasya vairāgyāddoṣadarśanam |
vyaktāvyaktaṃ parityajya satvaṃ brahmaṇi saṃsthitam || 35 ||
[Analyze grammar]

nānātva darśanātsusthastatastadabhivarttate |
tatastāpatrayātīto virūpākhyo niraṃjanaḥ || 36 ||
[Analyze grammar]

ānaṃdaṃ brahmaṇaḥ prāpto na bibheti kutaścana |
iti kṛtya samuddeśaḥ pramāṇasyopavarṇitaḥ || 37 ||
[Analyze grammar]

kīrtyaṃte jagato yatra sargapralayavikriyāḥ |
pravṛttiścāpi bhūtānāṃ nivṛttīnāṃ phalāni ca || 38 ||
[Analyze grammar]

prādurbhāvo vasiṣṭhasya śakterjanma tathaiva ca |
saudāsānnigrahastasya viśvāmitrakṛtena ca || 39 ||
[Analyze grammar]

parāśarasya cotpattiradṛśyantyāṃ yathā vibhoḥ |
jajñe pitṝṇāṃ kanyāyāṃ vyāsaścāpi yathā muniḥ || 40 ||
[Analyze grammar]

śukasya ca yathā janma putrasya saha dhīmataḥ |
parāśarasya vidveṣo viśvāmitrakṛto yathā || 41 ||
[Analyze grammar]

vasiṣṭhasaṃbhṛtaścāgnirviśvāmitrajighāṃsayā |
saṃdhānahetorvibhunā jīrṇaḥ kaṇvena dhīmatā || 42 ||
[Analyze grammar]

devena viprā viprāṇāṃ viśvāmitrahitaiṣiṇā |
ekaṃ vedaṃ catuḥpādaṃ caturdhā punarīśvaraḥ || 43 ||
[Analyze grammar]

yathā bibheda bhagavān vyāsaḥ sarveṣvanugrahāt |
tasya śiṣyapraśiṣyaiśca śākhābhedāḥ punaḥ kṛtāḥ || 44 ||
[Analyze grammar]

prayāge munivaryaiśca yathā pṛṣṭaḥ svayaṃ prabhuḥ |
kṛṣṇena cānuśiṣṭāste munayo dharmakāṃkṣiṇaḥ || 45 ||
[Analyze grammar]

etatsarvaṃ yathātatvamākhyātaṃ dvijasattamāḥ |
munīnāṃ dharmanityānāṃ lokataṃtramanuttamam || 46 ||
[Analyze grammar]

brahmaṇā yatpurā proktaṃ pulastyāya mahātmane |
pulastyenātha bhīṣmāya gaṃgādvāre prabhāṣitam || 47 ||
[Analyze grammar]

dhanyaṃ yaśasyamāyuṣyaṃ sarvvapāpapraṇāśanam |
kīrtanaṃ śravaṇaṃ cāsya dhāraṇaṃ ca viśeṣataḥ || 48 ||
[Analyze grammar]

sūtenānukrameṇedaṃ purāṇaṃ saṃprakāśitam |
brāhmaṇeṣu purā yacca brahmaṇoktaṃ savistaram || 49 ||
[Analyze grammar]

pādamasya vidansamyagyodhīyīta jiteṃdriyaḥ |
tenādhītaṃ purāṇaṃ syātsarvaṃ nāstyatra saṃśayaḥ || 50 ||
[Analyze grammar]

yo vidyāccaturo vedānsāṃgopaniṣado dvijaḥ |
purāṇaṃ ca vijānāti yaḥ sa tasmādvicakṣaṇaḥ || 51 ||
[Analyze grammar]

itihāsapurāṇābhyāṃ vedaṃ samupabṛṃhayet |
bibhetyalpaśrutādvedo māmayaṃ pratariṣyati || 52 ||
[Analyze grammar]

adhītya caikamadhyāyaṃ svayaṃ proktaṃ svayaṃbhuvā |
āpadaḥ prāpya mucyeta yatheṣṭāṃ prāpnuyādgatim || 53 ||
[Analyze grammar]

purā paraṃparāṃ vakti purāṇaṃ tena vai smṛtam |
niruktimasya yo veda sarvapāpaiḥ pramucyate || 54 ||
[Analyze grammar]

ṛṣayohyabruvansūtaṃ kathaṃ bhīṣmeṇa saṅgataḥ |
brahmaṇo mānasaḥ putraḥ pulastyo bhagavānṛṣiḥ || 55 ||
[Analyze grammar]

durlabhaṃ darśanaṃ yasya naraiḥ pāpasamanvitaiḥ |
atyāścaryamidaṃ sūta kṣatriyeṇa kathaṃ muniḥ || 56 ||
[Analyze grammar]

ārādhito bṛhadbhūtastanno vada mahāmate |
kīdṛśaṃ vā tapastena ko vānyo niyamaḥ kṛtaḥ || 57 ||
[Analyze grammar]

yena tuṣṭo munirbrāhmastathā tena prabhāṣitaḥ |
parvaṃ vāpyatha parvārdhaṃ samagraṃ vā prabhāṣitam || 58 ||
[Analyze grammar]

yasminsthāne yathādṛṣṭaḥ pulastyo bhagavānṛṣiḥ |
tanno vada mahābhāga kalyāḥ sma śravaṇe vayam || 59 ||
[Analyze grammar]

sūta uvāca |
yatra gaṃgā mahābhāgā sādhūnāṃ hitakāriṇī |
vibhidya parvataṃ vegānniḥsṛtā lokapāvanī || 60 ||
[Analyze grammar]

gaṃgādvāre mahātīrthe bhīṣmaḥ pitṛparāyaṇaḥ |
śuśrūṣuḥ suciraṃ kālaṃ mahatāṃ niyame sthitaḥ || 61 ||
[Analyze grammar]

yāvadvarṣaśataṃ sāgraṃ parameṇa samādhinā |
dhyāyamānaḥ paraṃ brahma trikālaṃ snānamācarat || 62 ||
[Analyze grammar]

pitṝndevāṃstarpayataḥ svādhyāyena mahātmanaḥ |
ātmānaṃ karṣataścāsya tuṣṭo devaḥ pitāmahaḥ || 63 ||
[Analyze grammar]

uvāca tanayaṃ brahmā pulastyamṛṣisattamam |
sa tvaṃ devavrataṃ bhīṣmaṃ vīraṃ kurukulodbhavam || 64 ||
[Analyze grammar]

tapasaḥ saṃnivarttasva kāraṇaṃ cāsya kīrttaya |
pitṝnbhaktyā mahābhāgo dhyāyamānassamāsthitaḥ || 65 ||
[Analyze grammar]

yo hyasya manasaḥ kāmastaṃ saṃpādayamāciram |
pitāmahavacaḥ śrutvā pulastyo munisattamaḥ || 66 ||
[Analyze grammar]

gaṃgādvāramathāgatya bhīṣmaṃ vacanamabravīt |
varaṃ varaya bhadraṃ te yatte manasi varttate || 67 ||
[Analyze grammar]

tuṣṭaste tapasā vīra sākṣāddevaḥ pitāmahaḥ |
brahmaṇā preṣitastehaṃ varāndāsyāmi kāṃkṣitān || 68 ||
[Analyze grammar]

bhīṣmopi tadvacaḥ śrutvā manaḥśrotrasukhāvaham |
unmīlya nayane dṛṣṭvā pulastyaṃ purataḥ sthitam || 69 ||
[Analyze grammar]

aṣṭāṃgapraṇipātena natvā taṃ munisattamam |
uvāca praṇato bhūtvā sarvāṃgāliṃgitāvaniḥ || 70 ||
[Analyze grammar]

adya me saphalaṃ janma dinaṃ cedaṃ suśobhanam |
bhavataścaraṇau dṛṣṭau jagadvaṃdyau mayā tviha || 71 ||
[Analyze grammar]

tapasaśca phalaṃ prāptaṃ yaddṛṣṭobhagavānmayā |
varaprado viśeṣeṇa saṃprāptaśca nadītaṭe || 72 ||
[Analyze grammar]

iyaṃ brasī mayā klaptā āsyatāṃ sukhadā kṛtā |
arghyapātre tu pālāśe dūrvākṣatasumaiḥ kuśaiḥ || 73 ||
[Analyze grammar]

sarṣapaiśca dadhikṣaudrairyavaiśca payasā saha |
aṣṭāṃgo hyeṣa nirddiṣṭo hyargho hi munibhiḥ purā || 74 ||
[Analyze grammar]

śrutvaitadvacanaṃ tasya bhīṣmasyāmitatejasaḥ |
upaviṣṭo brahmasutaḥ pulastyo bhagavānṛṣiḥ || 75 ||
[Analyze grammar]

viṣṭaraṃ sahapādyena arghapātraṃ mudānvitaḥ |
jujoṣa bhagavānprītaḥ sadācāreṇa tena tu || 76 ||
[Analyze grammar]

pulastya uvāca |
satyavāndānaśīlosi satyasaṃdhirnareśvaraḥ |
hrīmānmaitraḥ kṣamāśīlo vikrāṃtaḥ śatruśāsane || 77 ||
[Analyze grammar]

dharmajñastvaṃ kṛtajñastvaṃ dayāvānpriyabhāṣitā |
mānyamānayitā vijño brahmaṇyaḥ sādhuvatsalaḥ || 78 ||
[Analyze grammar]

tuṣṭastehaṃ sadā vatsa praṇipātaparasya vai |
prabrūhi tvaṃ mahābhāga kathanaṃ te vadāmyaham || 79 ||
[Analyze grammar]

bhīṣma uvāca |
bhagavanbhagavānbrahmā kasminkāle sthito vibhuḥ |
sṛṣṭiṃ cakāra vai pūrvaṃ devādīnāṃ vadasva me || 80 ||
[Analyze grammar]

sthitiṃ vā bhagavānviṣṇuḥ kathaṃ rudrastu nirmitaḥ |
kathaṃ vā ṛṣayo devāssṛṣṭāstena mahātmanā || 81 ||
[Analyze grammar]

kathaṃ pṛthvī kathaṃ vyoma kathaṃ ceme tu sāgarāḥ |
kathaṃ dvīpāḥ parvatāśca grāmāraṇyapurāṇi ca || 82 ||
[Analyze grammar]

munīnprajāpatīṃścaiva saptarṣīnpravarānapi |
varṇānvāyuṃ purāsthānaṃ gaṃdharvānyakṣarākṣasān || 83 ||
[Analyze grammar]

tīrthāni sarito vātha sūryādīngrahatārakān |
yathā sasarja bhagavāṃstathā me tvaṃ vadasva ha || 84 ||
[Analyze grammar]

pulastya uvāca |
paraḥ parāṇāṃ paramaḥ paramātmā pitāmahaḥ |
rūpavarṇādirahito viśeṣaṇa vivarjitaḥ || 85 ||
[Analyze grammar]

apakṣayavināśābhyāṃ pariṇāmarddhijanmabhiḥ |
guṇairvivarjitaḥ sarvaiḥ sa bhātīti hi kevalam || 86 ||
[Analyze grammar]

sarvatrāsau samaścāpi vasannanupamo mataḥ |
bhāvayanbrahmarūpeṇa vidvadbhiḥ paripaṭhyate || 87 ||
[Analyze grammar]

taṃ guhyaṃ paramaṃ nityamajamakṣayamavyayam |
tathā puruṣarūpeṇa kālarūpeṇa saṃsthitam || 88 ||
[Analyze grammar]

taṃ natvāhaṃ pravakṣyāmi yathā sṛṣṭiṃ cakāra ha |
pūrvaṃ tu padmaśayanādutthāya jagataḥprabhuḥ || 89 ||
[Analyze grammar]

guṇavyaṃjanasaṃbhūtaḥ sargakāle narādhipa |
sātviko rājasaścaiva tāmasaśca tridhā mahān || 90 ||
[Analyze grammar]

pradhānatatvena samaṃ tathā bījādibhirvṛtaḥ |
vaikārikastaijasaśca bhūtādiścaiva tāmasaḥ || 91 ||
[Analyze grammar]

trividhoyamahaṃkāro mahattattvādajāyata |
bhūteṃdriyāṇāṃ paṃcānāṃ tathā karmendriyaiḥ saha || 92 ||
[Analyze grammar]

pṛthivyāpastathātejo vāyurākāśameva ca |
ekaikaśaḥ svarūpeṇa kathayāmi yathottaram || 93 ||
[Analyze grammar]

śabdamātramathākāśaṃ bhūtādiḥ khaṃ samāvṛṇot |
athākāśaṃ vikurvāṇaṃ sparśamātraṃ sasarja ha || 94 ||
[Analyze grammar]

balavāneṣa vai vāyustasya sparśo guṇo mataḥ |
ākāśaṃ śabdamātraṃ tu sparśamātraṃ samāvṛṇot || 95 ||
[Analyze grammar]

tato vāyurvikurvāṇo rūpamātraṃ sasarja ha |
jyotīrūpantu tadvāyustadrūpaguṇamucyate || 96 ||
[Analyze grammar]

sparśarūpastu vai vāyū rūpamātraṃ samāvṛṇot |
jyotiścāpi vikurvāṇaṃ rasamātraṃ sasarja ha || 97 ||
[Analyze grammar]

saṃbhavaṃti tatoṃbhāṃsi rūpamātraṃ samāvṛṇot |
vikurvāṇāni cāṃbhāṃsi gaṃdhamātraṃ sasarjire || 98 ||
[Analyze grammar]

saṃghāto jāyate tasmāttasya gaṃdho mato guṇaḥ |
taijasānīndriyāṇyāhurdevā vaikārikā daśa || 99 ||
[Analyze grammar]

ekādaśammanaścātra devā vaikārikāḥ smṛtāḥ |
tvakcakṣurnāsikā jihvā śrotramatra ca paṃcamam || 100 ||
[Analyze grammar]

eteṣāṃ tu mataṃ kṛtyaṃ śabdādi grahaṇaṃ punaḥ |
vākpāṇipādapāyūni copasthaṃ tatra pañcamam || 101 ||
[Analyze grammar]

visargaśilpagatyuktirguṇā eṣāṃ viparyayāt |
ākāśa vāyu tejāṃsi salilaṃ pṛthivī tathā || 102 ||
[Analyze grammar]

śabdādibhirguṇairvīra yuktānītyuttarottaraiḥ |
śāṃtā ghorāśca mūḍhāśca viśeṣāstena te smṛtāḥ || 103 ||
[Analyze grammar]

nānāvīryāḥ pṛthagbhūtāstataste saṃhatiṃ vinā |
nāśaknuvanprajāḥ sraṣṭumasamāgamya kṛtsnaśaḥ || 104 ||
[Analyze grammar]

sametyānyonyasaṃyogātparasparasamāśrayāt |
ekasaṃghātalakṣāśca saṃprāpyaikyamaśeṣataḥ || 105 ||
[Analyze grammar]

puruṣādhiṣṭhitatvācca vyaktānugrahaṇe tathā |
mahadādayo viśeṣāṃtā hyaṃḍamutpādayaṃti vai || 106 ||
[Analyze grammar]

tatkrameṇa vivṛttaṃ tu jalabudbudavatsamam |
tatrāvyaktasvarūposau vyaktarūpī janārdanaḥ || 107 ||
[Analyze grammar]

brahmābrahmasvarūpeṇa svayameva vyavasthitaḥ |
merurulbamabhūttasya jarāyuśca mahīdharāḥ || 108 ||
[Analyze grammar]

garbhodakaṃ samudrāśca tasyāsaṃśca mahātmanaḥ |
tatra dvīpāssamudrāśca sajyotirlokasaṃgrahaḥ || 109 ||
[Analyze grammar]

tasminnaṃḍe'bhavanvīra sadevāsuramānuṣāḥ |
vāri vahnyanilākāśairvṛtairbhūtādinā bahiḥ || 110 ||
[Analyze grammar]

vṛtaṃ daśaguṇairaṃḍaṃ bhūtādirmahatā tathā |
avyaktenāvṛto rājaṃstaiḥ sarvaiḥ sahito mahān || 111 ||
[Analyze grammar]

ebhirāvaraṇaiḥ sarvaiḥ sarvabhūtaiśca saṃyutam |
nārikelaphalaṃ yadvadbījaṃ bāhyadalairiva || 112 ||
[Analyze grammar]

brahmā svayaṃ ca jagato visṛṣṭau saṃpravarttate |
sṛṣṭiṃ ca pātyanuyugaṃ yāvatkalpavikalpanā || 113 ||
[Analyze grammar]

sa saṃjñāṃ yāti bhagavāneka eva janārdanaḥ |
satvabhugguṇavāndevo hyaprameya parākramaḥ || 114 ||
[Analyze grammar]

tamodrekaṃ ca kalpāṃte rūpaṃ raudraṃ karoti ca |
rājeṃdrākhilabhūtāni bhakṣayatyatibhīṣaṇaḥ || 115 ||
[Analyze grammar]

bhakṣayitvā ca bhūtāni jagatyekārṇavīkṛte |
nāgaparyaṃkaśayane śete sarvasvarūpadhṛk || 116 ||
[Analyze grammar]

prabuddhaśca punaḥ sṛṣṭiṃ prakaroti ca rūpadhṛk |
sṛṣṭisthityaṃtakaraṇādbrahmaviṣṇuśivātmakaḥ || 117 ||
[Analyze grammar]

sraṣṭā sṛjati cātmānaṃ viṣṇuḥ pālyaṃ ca pāti ca |
upasaṃhriyate cāpi saṃharttā ca svayaṃ prabhuḥ || 118 ||
[Analyze grammar]

pṛthivyāpastathā tejo vāyurākāśameva ca |
sa eva sarvabhūteśo viśvarūpo yatovyayaḥ || 119 ||
[Analyze grammar]

sargādikaṃ tatosyaiva bhūtasthamupakārakam |
sa eva sṛjyaḥ sa ca sargakarttā sa eva pālyaṃ pratipālyate yataḥ |
brahmādyavasthābhiraśeṣamūrttirbrahmā variṣṭho varado vareṇyaḥ || 120 ||
[Analyze grammar]