Chapter 49

brahmovāca |
hanta vaḥ saṃpravakṣyāmi yanmāṃ pṛcchatha sattamāḥ |
samastamiha tacchrutvā samyagevāvadhāryatām || 1 ||
[Analyze grammar]

ahiṃsā sarvabhūtānāmetatkṛtyatamaṃ matam |
etatpadamanudvignaṃ variṣṭhaṃ dharmalakṣaṇam || 2 ||
[Analyze grammar]

jñānaṃ niḥśreya ityāhurvṛddhā niścayadarśinaḥ |
tasmājjñānena śuddhena mucyate sarvapātakaiḥ || 3 ||
[Analyze grammar]

hiṃsāparāśca ye loke ye ca nāstikavṛttayaḥ |
lobhamohasamāyuktāste vai nirayagāminaḥ || 4 ||
[Analyze grammar]

āśīryuktāni karmāṇi kurvate ye tvatandritāḥ |
te'smiṃlloke pramodante jāyamānāḥ punaḥ punaḥ || 5 ||
[Analyze grammar]

kurvate ye tu karmāṇi śraddadhānā vipaścitaḥ |
anāśīryogasaṃyuktāste dhīrāḥ sādhudarśinaḥ || 6 ||
[Analyze grammar]

ataḥ paraṃ pravakṣyāmi sattvakṣetrajñayoryathā |
saṃyogo viprayogaśca tannibodhata sattamāḥ || 7 ||
[Analyze grammar]

viṣayo viṣayitvaṃ ca saṃbandho'yamihocyate |
viṣayī puruṣo nityaṃ sattvaṃ ca viṣayaḥ smṛtaḥ || 8 ||
[Analyze grammar]

vyākhyātaṃ pūrvakalpena maśakodumbaraṃ yathā |
bhujyamānaṃ na jānīte nityaṃ sattvamacetanam |
yastveva tu vijānīte yo bhuṅkte yaśca bhujyate || 9 ||
[Analyze grammar]

anityaṃ dvaṃdvasaṃyuktaṃ sattvamāhurguṇātmakam |
nirdvaṃdvo niṣkalo nityaḥ kṣetrajño nirguṇātmakaḥ || 10 ||
[Analyze grammar]

samaḥ saṃjñāgatastvevaṃ yadā sarvatra dṛśyate |
upabhuṅkte sadā sattvamāpaḥ puṣkaraparṇavat || 11 ||
[Analyze grammar]

sarvairapi guṇairvidvānvyatiṣakto na lipyate |
jalabinduryathā lolaḥ padminīpatrasaṃsthitaḥ |
evamevāpyasaṃsaktaḥ puruṣaḥ syānna saṃśayaḥ || 12 ||
[Analyze grammar]

dravyamātramabhūtsattvaṃ puruṣasyeti niścayaḥ |
yathā dravyaṃ ca kartā ca saṃyogo'pyanayostathā || 13 ||
[Analyze grammar]

yathā pradīpamādāya kaścittamasi gacchati |
tathā sattvapradīpena gacchanti paramaiṣiṇaḥ || 14 ||
[Analyze grammar]

yāvaddravyaguṇastāvatpradīpaḥ saṃprakāśate |
kṣīṇadravyaguṇaṃ jyotirantardhānāya gacchati || 15 ||
[Analyze grammar]

vyaktaḥ sattvaguṇastvevaṃ puruṣo'vyakta iṣyate |
etadviprā vijānīta hanta bhūyo bravīmi vaḥ || 16 ||
[Analyze grammar]

sahasreṇāpi durmedhā na vṛddhimadhigacchati |
caturthenāpyathāṃśena buddhimānsukhamedhate || 17 ||
[Analyze grammar]

evaṃ dharmasya vijñeyaṃ saṃsādhanamupāyataḥ |
upāyajño hi medhāvī sukhamatyantamaśnute || 18 ||
[Analyze grammar]

yathādhvānamapātheyaḥ prapanno mānavaḥ kvacit |
kleśena yāti mahatā vinaśyatyantarāpi vā || 19 ||
[Analyze grammar]

tathā karmasu vijñeyaṃ phalaṃ bhavati vā na vā |
puruṣasyātmaniḥśreyaḥ śubhāśubhanidarśanam || 20 ||
[Analyze grammar]

yathā ca dīrghamadhvānaṃ padbhyāmeva prapadyate |
adṛṣṭapūrvaṃ sahasā tattvadarśanavarjitaḥ || 21 ||
[Analyze grammar]

tameva ca yathādhvānaṃ rathenehāśugāminā |
yāyādaśvaprayuktena tathā buddhimatāṃ gatiḥ || 22 ||
[Analyze grammar]

uccaṃ parvatamāruhya nānvavekṣeta bhūgatam |
rathena rathinaṃ paśyetkliśyamānamacetanam || 23 ||
[Analyze grammar]

yāvadrathapathastāvadrathena sa tu gacchati |
kṣīṇe rathapathe prājño rathamutsṛjya gacchati || 24 ||
[Analyze grammar]

evaṃ gacchati medhāvī tattvayogavidhānavit |
samājñāya mahābuddhiruttarāduttarottaram || 25 ||
[Analyze grammar]

yathā mahārṇavaṃ ghoramaplavaḥ saṃpragāhate |
bāhubhyāmeva saṃmohādvadhaṃ carcchatyasaṃśayam || 26 ||
[Analyze grammar]

nāvā cāpi yathā prājño vibhāgajñastaritrayā |
aklāntaḥ salilaṃ gāhetkṣipraṃ saṃtarati dhruvam || 27 ||
[Analyze grammar]

tīrṇo gacchetparaṃ pāraṃ nāvamutsṛjya nirmamaḥ |
vyākhyātaṃ pūrvakalpena yathā rathipadātinau || 28 ||
[Analyze grammar]

snehātsaṃmohamāpanno nāvi dāśo yathā tathā |
mamatvenābhibhūtaḥ sa tatraiva parivartate || 29 ||
[Analyze grammar]

nāvaṃ na śakyamāruhya sthale viparivartitum |
tathaiva rathamāruhya nāpsu caryā vidhīyate || 30 ||
[Analyze grammar]

evaṃ karma kṛtaṃ citraṃ viṣayasthaṃ pṛthakpṛthak |
yathā karma kṛtaṃ loke tathā tadupapadyate || 31 ||
[Analyze grammar]

yannaiva gandhino rasyaṃ na rūpasparśaśabdavat |
manyante munayo buddhyā tatpradhānaṃ pracakṣate || 32 ||
[Analyze grammar]

tatra pradhānamavyaktamavyaktasya guṇo mahān |
mahataḥ pradhānabhūtasya guṇo'haṃkāra eva ca || 33 ||
[Analyze grammar]

ahaṃkārapradhānasya mahābhūtakṛto guṇaḥ |
pṛthaktvena hi bhūtānāṃ viṣayā vai guṇāḥ smṛtāḥ || 34 ||
[Analyze grammar]

bījadharmaṃ yathāvyaktaṃ tathaiva prasavātmakam |
bījadharmā mahānātmā prasavaśceti naḥ śrutam || 35 ||
[Analyze grammar]

bījadharmā tvahaṃkāraḥ prasavaśca punaḥ punaḥ |
bījaprasavadharmāṇi mahābhūtāni pañca vai || 36 ||
[Analyze grammar]

bījadharmiṇa ityāhuḥ prasavaṃ ca na kurvate |
viśeṣāḥ pañcabhūtānāṃ teṣāṃ vittaṃ viśeṣaṇam || 37 ||
[Analyze grammar]

tatraikaguṇamākāśaṃ dviguṇo vāyurucyate |
triguṇaṃ jyotirityāhurāpaścāpi caturguṇāḥ || 38 ||
[Analyze grammar]

pṛthvī pañcaguṇā jñeyā trasasthāvarasaṃkulā |
sarvabhūtakarī devī śubhāśubhanidarśanā || 39 ||
[Analyze grammar]

śabdaḥ sparśastathā rūpaṃ raso gandhaśca pañcamaḥ |
ete pañca guṇā bhūmervijñeyā dvijasattamāḥ || 40 ||
[Analyze grammar]

pārthivaśca sadā gandho gandhaśca bahudhā smṛtaḥ |
tasya gandhasya vakṣyāmi vistareṇa bahūnguṇān || 41 ||
[Analyze grammar]

iṣṭaścāniṣṭagandhaśca madhuro'mlaḥ kaṭustathā |
nirhārī saṃhataḥ snigdho rūkṣo viśada eva ca |
evaṃ daśavidho jñeyaḥ pārthivo gandha ityuta || 42 ||
[Analyze grammar]

śabdaḥ sparśastathā rūpaṃ rasaścāpāṃ guṇāḥ smṛtāḥ |
rasajñānaṃ tu vakṣyāmi rasastu bahudhā smṛtaḥ || 43 ||
[Analyze grammar]

madhuro'mlaḥ kaṭustiktaḥ kaṣāyo lavaṇastathā |
evaṃ ṣaḍvidhavistāro raso vārimayaḥ smṛtaḥ || 44 ||
[Analyze grammar]

śabdaḥ sparśastathā rūpaṃ triguṇaṃ jyotirucyate |
jyotiṣaśca guṇo rūpaṃ rūpaṃ ca bahudhā smṛtam || 45 ||
[Analyze grammar]

śuklaṃ kṛṣṇaṃ tathā raktaṃ nīlaṃ pītāruṇaṃ tathā |
hrasvaṃ dīrghaṃ tathā sthūlaṃ caturasrāṇu vṛttakam || 46 ||
[Analyze grammar]

evaṃ dvādaśavistāraṃ tejaso rūpamucyate |
vijñeyaṃ brāhmaṇairnityaṃ dharmajñaiḥ satyavādibhiḥ || 47 ||
[Analyze grammar]

śabdasparśau ca vijñeyau dviguṇo vāyurucyate |
vāyoścāpi guṇaḥ sparśaḥ sparśaśca bahudhā smṛtaḥ || 48 ||
[Analyze grammar]

uṣṇaḥ śītaḥ sukho duḥkhaḥ snigdho viśada eva ca |
kaṭhinaścikkaṇaḥ ślakṣṇaḥ picchilo dāruṇo mṛduḥ || 49 ||
[Analyze grammar]

evaṃ dvādaśavistāro vāyavyo guṇa ucyate |
vidhivadbrahmaṇaiḥ siddhairdharmajñaistattvadarśibhiḥ || 50 ||
[Analyze grammar]

tatraikaguṇamākāśaṃ śabda ityeva ca smṛtaḥ |
tasya śabdasya vakṣyāmi vistareṇa bahūnguṇān || 51 ||
[Analyze grammar]

ṣaḍjarṣabhau ca gāndhāro madhyamaḥ pañcamastathā |
ataḥ paraṃ tu vijñeyo niṣādo dhaivatastathā || 52 ||
[Analyze grammar]

iṣṭo'niṣṭaśca śabdastu saṃhataḥ pravibhāgavān |
evaṃ bahuvidho jñeyaḥ śabda ākāśasaṃbhavaḥ || 53 ||
[Analyze grammar]

ākāśamuttamaṃ bhūtamahaṃkārastataḥ param |
ahaṃkārātparā buddhirbuddherātmā tataḥ paraḥ || 54 ||
[Analyze grammar]

tasmāttu paramavyaktamavyaktātpuruṣaḥ paraḥ |
parāvarajño bhūtānāṃ yaṃ prāpyānantyamaśnute || 55 ||
[Analyze grammar]