Chapter 108

dhṛtarāṣṭra uvāca |
atyadbhutamahaṃ manye bhīmasenasya vikramam |
yatkarṇaṃ yodhayāmāsa samare laghuvikramam || 1 ||
[Analyze grammar]

tridaśānapi codyuktānsarvaśastradharānyudhi |
vārayedyo raṇe karṇaḥ sayakṣāsuramānavān || 2 ||
[Analyze grammar]

sa kathaṃ pāṇḍavaṃ yuddhe bhrājamānamiva śriyā |
nātaratsaṃyuge tāta tanmamācakṣva saṃjaya || 3 ||
[Analyze grammar]

kathaṃ ca yuddhaṃ bhūyo'bhūttayoḥ prāṇadurodare |
atra manye samāyatto jayo vājaya eva vā || 4 ||
[Analyze grammar]

karṇaṃ prāpya raṇe sūta mama putraḥ suyodhanaḥ |
jetumutsahate pārthānsagovindānsasātvatān || 5 ||
[Analyze grammar]

śrutvā tu nirjitaṃ karṇamasakṛdbhīmakarmaṇā |
bhīmasenena samare moha āviśatīva mām || 6 ||
[Analyze grammar]

vinaṣṭānkauravānmanye mama putrasya durnayaiḥ |
na hi karṇo maheṣvāsānpārthāñjeṣyati saṃjaya || 7 ||
[Analyze grammar]

kṛtavānyāni yuddhāni karṇaḥ pāṇḍusutaiḥ saha |
sarvatra pāṇḍavāḥ karṇamajayanta raṇājire || 8 ||
[Analyze grammar]

ajayyāḥ pāṇḍavāstāta devairapi savāsavaiḥ |
na ca tadbudhyate mandaḥ putro duryodhano mama || 9 ||
[Analyze grammar]

dhanaṃ dhaneśvarasyeva hṛtvā pārthasya me sutaḥ |
madhuprepsurivābuddhiḥ prapātaṃ nāvabudhyate || 10 ||
[Analyze grammar]

nikṛtyā nikṛtiprajño rājyaṃ hṛtvā mahātmanām |
jitānityeva manvānaḥ pāṇḍavānavamanyate || 11 ||
[Analyze grammar]

putrasnehābhibhūtena mayā cāpyakṛtātmanā |
dharme sthitā mahātmāno nikṛtāḥ pāṇḍunandanāḥ || 12 ||
[Analyze grammar]

śamakāmaḥ sadā pārtho dīrghaprekṣī yudhiṣṭhiraḥ |
aśakta iti manvānaiḥ putrairmama nirākṛtaḥ || 13 ||
[Analyze grammar]

tāni duḥkhānyanekāni viprakārāṃśca sarvaśaḥ |
hṛdi kṛtvā mahābāhurbhīmo'yudhyata sūtajam || 14 ||
[Analyze grammar]

tasmānme saṃjaya brūhi karṇabhīmau yathā raṇe |
ayudhyetāṃ yudhi śreṣṭhau parasparavadhaiṣiṇau || 15 ||
[Analyze grammar]

saṃjaya uvāca |
śṛṇu rājanyathā vṛttaḥ saṃgrāmaḥ karṇabhīmayoḥ |
parasparavadhaprepsvorvane kuñjarayoriva || 16 ||
[Analyze grammar]

rājanvaikartano bhīmaṃ kruddhaḥ kruddhamariṃdamam |
parākrāntaṃ parākramya vivyādha triṃśatā śaraiḥ || 17 ||
[Analyze grammar]

mahāvegaiḥ prasannāgraiḥ śātakumbhapariṣkṛtaiḥ |
āhanadbharataśreṣṭha bhīmaṃ vaikartanaḥ śaraiḥ || 18 ||
[Analyze grammar]

tasyāsyato dhanurbhīmaścakarta niśitaistribhiḥ |
rathanīḍācca yantāraṃ bhallenāpātayatkṣitau || 19 ||
[Analyze grammar]

sa kāṅkṣanbhīmasenasya vadhaṃ vaikartano vṛṣaḥ |
śaktiṃ kanakavaiḍūryacitradaṇḍāṃ parāmṛśat || 20 ||
[Analyze grammar]

pragṛhya ca mahāśaktiṃ kālaśaktimivāparām |
samutkṣipya ca rādheyaḥ saṃdhāya ca mahābalaḥ |
cikṣepa bhīmasenāya jīvitāntakarīmiva || 21 ||
[Analyze grammar]

śaktiṃ visṛjya rādheyaḥ puraṃdara ivāśanim |
nanāda sumahānādaṃ balavānsūtanandanaḥ |
taṃ ca nādaṃ tataḥ śrutvā putrāste hṛṣitābhavan || 22 ||
[Analyze grammar]

tāṃ karṇabhujanirmuktāmarkavaiśvānaraprabhām |
śaktiṃ viyati ciccheda bhīmaḥ saptabhirāśugaiḥ || 23 ||
[Analyze grammar]

chittvā śaktiṃ tato bhīmo nirmuktoragasaṃnibhām |
mārgamāṇa iva prāṇānsūtaputrasya māriṣa || 24 ||
[Analyze grammar]

prāhiṇonnava saṃrabdhaḥ śarānbarhiṇavāsasaḥ |
svarṇapuṅkhāñśilādhautānyamadaṇḍopamānmṛdhe || 25 ||
[Analyze grammar]

karṇo'pyanyaddhanurgṛhya hemapṛṣṭhaṃ durāsadam |
vikṛṣya ca mahātejā vyasṛjatsāyakānnava || 26 ||
[Analyze grammar]

tānpāṇḍuputraściccheda navabhirnataparvabhiḥ |
vasuṣeṇena nirmuktānnava rājanmahāśarān |
chittvā bhīmo mahārāja nādaṃ siṃha ivānadat || 27 ||
[Analyze grammar]

tau vṛṣāviva nardantau balinau vāśitāntare |
śārdūlāviva cānyonyamatyarthaṃ ca hyagarjatām || 28 ||
[Analyze grammar]

anyonyaṃ prajihīrṣantāvanyonyasyāntaraiṣiṇau |
anyonyamabhivīkṣantau goṣṭheṣviva maharṣabhau || 29 ||
[Analyze grammar]

mahāgajāvivāsādya viṣāṇāgraiḥ parasparam |
śaraiḥ pūrṇāyatotsṛṣṭairanyonyamabhijaghnatuḥ || 30 ||
[Analyze grammar]

nirdahantau mahārāja śaravṛṣṭyā parasparam |
anyonyamabhivīkṣantau kopādvivṛtalocanau || 31 ||
[Analyze grammar]

prahasantau tathānyonyaṃ bhartsayantau muhurmuhuḥ |
śaṅkhaśabdaṃ ca kurvāṇau yuyudhāte parasparam || 32 ||
[Analyze grammar]

tasya bhīmaḥ punaścāpaṃ muṣṭau ciccheda māriṣa |
śaṅkhavarṇāṃśca tānaśvānbāṇairninye yamakṣayam || 33 ||
[Analyze grammar]

tathā kṛcchragataṃ dṛṣṭvā karṇaṃ duryodhano nṛpaḥ |
vepamāna iva krodhādvyādideśātha durjayam || 34 ||
[Analyze grammar]

gaccha durjaya rādheyaṃ purā grasati pāṇḍavaḥ |
jahi tūbarakaṃ kṣipraṃ karṇasya balamādadhat || 35 ||
[Analyze grammar]

evamuktastathetyuktvā tava putrastavātmajam |
abhyadravadbhīmasenaṃ vyāsaktaṃ vikirañśarān || 36 ||
[Analyze grammar]

sa bhīmaṃ navabhirbāṇairaśvānaṣṭabhirardayat |
ṣaḍbhiḥ sūtaṃ tribhiḥ ketuṃ punastaṃ cāpi saptabhiḥ || 37 ||
[Analyze grammar]

bhīmaseno'pi saṃkruddhaḥ sāśvayantāramāśugaiḥ |
durjayaṃ bhinnamarmāṇamanayadyamasādanam || 38 ||
[Analyze grammar]

svalaṃkṛtaṃ kṣitau kṣuṇṇaṃ ceṣṭamānaṃ yathoragam |
rudannārtastava sutaṃ karṇaścakre pradakṣiṇam || 39 ||
[Analyze grammar]

sa tu taṃ virathaṃ kṛtvā smayannatyantavairiṇam |
samācinodbāṇagaṇaiḥ śataghnīmiva śaṅkubhiḥ || 40 ||
[Analyze grammar]

tathāpyatirathaḥ karṇo bhidyamānaḥ sma sāyakaiḥ |
na jahau samare bhīmaṃ kruddharūpaṃ paraṃtapaḥ || 41 ||
[Analyze grammar]